19.2.2017

MIPUI AW

KARTIN CHHUAK

Vol. XXIII Issue No. 8 Kristian Thalai  Pawl  Saikhamakawn Branch  Pathianni Dt.19.2.2017

VAWIIN   CHANGVAWN

Amahah chuan engkim siam a ni a, vana awmte, leia awmte nen, hmuh theihte, hmuh theih lohte nen, lalthutphahte pawh, rorelnate pawh, lalnate pawh,  thuneihnate pawh; engkim ama siam a ni, ama ta tur bawka siam a ni; tin, ani hi chu engkim awm hmain a awm reng a ni, amahah chuan engkim a ding ho bawk a ni. (Kolossa 1:16-17)

KOHHRAN PROGRAMME:

Ni 19.2.2017 (Pathianni)

Chawhma Inkhawm

|antu : Pi Vanlalhruaii

Zirlai 5-na : Smurna Kohhran hnena  lehkhathawn 

Chawhnu Inkhawm

Thuhriltu :  Upa Zairemthanga

Zan Inkhawm

Thuhriltu :  Upa Zoununmawia

K|P INKHAWM PROGRAMME

Ni 20.2.2017 (Thawh\anni Zan)

Sermon Inkhawm

Hruaitu : Pu Lalhmangaihzuala

|antu : Tv. Lalzarmawia

Thuhriltu : Pu Lalduhkima

Bible chhiartu tur: Nl. Lalrinliani  

(Chhiar tur: Sam 119:17-24)

Thawhlawm Nl.Ruthi lalenkawli leh

khawntu turte: Nl.C. Zodintluangi

Zai hruaitute : Tv. Ricky Lalrinkima

                leh Tv. Lalzirliana

Keyboardist : Pu Lalchhandama

KOHHRAN HMEICHHE

 INKHAWM PROGRAMME

Ni 21.2.2017 (Thawhlehni Zan)

Hruaitu : Pi Ralliani

|antu : Pi Rampuii

Thuhriltu : Pi Lalchhanhimi

KOHHRAN PAVALAI PAWL

 INKHAWM PROGRAMME

Ni 23.2.2017 (Ninga Zan)

Hruaitu : Pu H.Remtluanga

|antu : Pu Chhuanvawra

Thuhriltu : Pu TK Manga

Khuangpu : Pu Zakhuma leh

 Pu Lianchia

Thawhlawm khawntu:  Pu Tlanzara 

PATHIAN NENA LEN DUN

Rev. Zothansanga, Leader, CK|P

K|P-ten ram pum huap ‘Kumpuan thupui’ a kan hman mek ‘Pathian nena len dun’ hi kan nunah eng chen nge kan seng luh tawha, eng chen nge kan tihhlawhtlin tawh ang aw? Zir ila, zir chhunzawm zel ila. Ram s^wi danglam khawpin \an i’n la teh ang u.

1. Pathian duhzawng a pawimawh :-Tunlai kan nunphunga langsar ta viau mai chu “Mahni duh dan dana nun tumna” a ni. Naupang t>pawh a duhdana nun tumin a lo \hanglian a, enkawl leh kaihruaitu a neih mumal loh chuan a nun a hmang khawlo ta mai  \hin. Mihring  rilru leh duhzawng hretu Pathian chuan a duhdan leh \ha tih dana min enkawl, zirtir leh kaihhruai a tum tlat a. Zawlnei Mika hunlai pawh  khan  khawvel  nun,  hlimhlawp b^wlna, sum leh pai boruakin a chimsang hle. Sakhuana chu thlahthlam lo ang takin an la urhsun viau lawi a, retheite an nek ral a, an mihringpuite zahna leh pawisakna an hlamchhiah hle bawk. Chuvangin, Pathianin a zawlnei Mika hmangin a thil ph<t a hrilh ta a ni. Keini |halaite hi Pathian hian eng nge min ph<t ve ang aw? Zawlnei Mika hi rawn tir leh ta se, a sawi ngai tho hi min hrilh lohna tur kan hre bik em le? Pathian duhzawng ai hian ‘kan’ duhzawnga nung turin i bei sauh sauh ang u.

2. Pathian hi tlawn/biak lungawi ngawt chi a ni lo:- Pathian biak nana ins>nso tam leh ropuiah Pathian a lungawi mai lo a ni ang. Heng inthawina Beram pathau, hriak lui sing leh a lehpek awm thei lo fa t$r hlan thleng pawh ni se, Pathian a lawm chuang lo. Pathian thil ph<t chu a ngai reng a, dikna, khawngaihna leh Pathian nena l>n dun a nih zawk thu hriattirna thu kan hmu, hetiangin:

(i) Dik taka tih: Hei hian nun zawng zawng a huap, sawi leh thiltih, nun leh ch>tze tinrenga dik taka tih a ni mai.

(ii)  Khawngaihna  ngainat :  Rilru  leh ngaihtuahna tinreng Pathian mithmuha tling leh tl^k sawina a ni.

(iii)  Thuhnuairawlh  : Inngaitlawma, Pathian ngaichang chunga nun hi a ni. 

Dik taka titu ni ila, dik taka hmangtu ni bawk ila. Pathian thilsiam leh nungcha thlengin enkawltu \ha kan ni ang. Pathian Kohhrana  kan  rawngbawlna  hi chhenf^kawm lehzual a lo ni ang a, ram inr>lb^wlna thu thleng hian Pathian nena l>n dunna ram lo ni se, hmasawnna leh nun inkhai chhuahna, mi rethei pawhin in leh lo, ei leh bar tur kan tlachham bik lo vang. Ram hmasawnna chu a nih tur leh a chhenf^kawm z^wngin kan ch>n ang a. Mi chanai $t leh

pawhp>n hmuh leh hriat tur r>ng a awm hek lo vang. Pathian nena l>n dunna thinlung mahniah insem tharin, thuhnuairawlh taka Pathian kan dah pawimawh ber chuan tl<kna lakah himna, ruihtheihthil leh zu avanga buaina pumpelhtu ni ila. Nun nuam leh hahdam, hawina lam apianga mawi titute kan lo nih theih nan Pathian nena leng dun

turin theihtawp i chhuah ang u.

EDITORIAL  BOARD

Editor :        

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga            9862913684

Tv. Lalnunzira                              9862664253

Tv. Lalawmpuia                           8259910570  

Nl. Zohmingmawii                       8794773133

Tv. Lalruatsanga

Circulation Manager:

Tv. C. Lallawmawma            8974509821

Nl. C.Zosangliani                    8731005507

Editorial...?

Kristian kan intih hian a awmzia chu 'Krista zuitute kan ni' tihna a ni. Krista zui tih awmzia ber chu a tih anga tiha, a sawi anga nun hi a ni. Kristian zirtirnain a tum ber pawh Krista anna kawnga mi \hanlentir a ni. Mizo Kristiante hi Pathian thu hriat leh sawi lamah chuan kan sang fu mai, Piangthar tawh zawng zawng hi Mizoram mipui ai pawhin kan tam hial ang! Amaherawhchu, kan pianthar zin ang aiin kan da leh hma riau a, kan ph<r nasat ang h<in kan peih rei lo leh tlat \hin. Reilot>ah Krista kan zui peih leh ta lo \hin a ni. Awlsam taka Krista zuitu nih kan tum a. Pathiannia Krista zuitu \ha tak takte hian kan eizawnnaah, kan \hian kawmnaah te hian kan zui ta lo mai \hin hi a pawi >m >m a ni. Lal Isuan 'Mi zui rawh u,' a tihna kawng hi ni tin kraws pu-a,  mahni inphata, a sawi ang zela nuna, a thuawih zel hi a ni. Ringtu hmasa Stephena te, Mizote zingah ngei pawh Nl.Biakchhungi te, Nl.Rohmingthangi te kha an va ropuiin Krista zui man hi an lo va pe huai ngam >m! Lal Isuan hun hnuhnunga harsatna lo thleng tur hmaah chhel taka awm turin min fuih a, "in chhelin in nun in chhanhim ang," tiin a sawi a. Tin, "A tawp thlenga tuar peih apiang, chu mi ngei chu chhandamin a awm ang," tiin a sawi bawk a ni. Hawh u, Krista'n min tuarsakna avangin hetiang ti tura koh kan ni si a, a hniakhnung zui turin entawn tur min hnutchhiah ang hian i zui ve ang u.

MISSIONARY RAWNGBAWLNA REPORT

- C. Lalnghakhleli, Evangelist

      Arunachal & Assam Mission Field East

Thawhna hmun: Arunachal& Assam Mission Field East

Pastor Bial: Khasan

Kohhran enkawl lai: Chingsa Preaching Station

Chingsa- veng hi Arunachal hnam Tangsa-hnuaia peng pakhat Muklom-ho awmna khua a ni a. In 100 vel bawr an ni a. Muklom-\awng an hmang. “Ringlo khua  a ni a. Ringtu tlem an awm a. A tam zawk chu Baptist an ni a. Presbyterian chu tunah hian in 3- chauh kan la ni. Kan kohhran sawi nan chuan Chingsa Preaching Station kan ti mai a. In 3 a\ang chuan kohhran member chu naupang zawng zawng nen 25 vel kan ni. Vel kan ni kan tihna chhan hi chu an fate hi hmun danga lehkha zir an awm ve a. An rawn haw lai leh awm loh lai a awm \hin vang a ni.

Rawngbawl dan tlangpui: Presbyterian kohhran inkhawm dan pangngai ah kan inkhawm ve a. Thla khat ah nilai zan vawikhat hi  Prochar- feh chhuah hun atan kan hmang \hin. Group ah insiam in ringlo mi te inah kan leng a. Pathian thu hrilh in kan kawm thin. Pathian zarah  Baptisma chang mi 7 kan nei.School Rawngbawlna: Kan School thawhna hi Tangsa Model School tih a ni a. School naupang tam zawk chu ringlomi an ni. An sakhua chu Hindu, Rangfra, Muslim leh a dangte. Zirtirna kan pek pahin a theih ang angin Pathian thu kan hrilh pah thin.School banah naupangho visit pahin an chhungte hnenah remchanna la in Pathian thu kan sawi pah bawk a. A \hen in min lawm a, a \hen chuan min lawm lem lo.|an lak ngaihna: Kristian an nih duhna chhan hi Thilpek dawn duh vang a ni tlangpui. A then chu an in kan sak sak hnu ah Hindu a let leh te, zu in leh te an ni a. A then chu ruai theh lai chauha rawn inkhawm duh te an ni bawk a. Kohhran upa thleng a kohhran a inhmang tak zu in an tam hle.

Thil hriatreng tawh tur hlimawm leh hlauhawm bawk si chu:Nikum kum 2016 kha Chingsa veng kan beih lai a ni a. Zan khat chu kan kohhran member mi 6 vel kan ni a, ringlo mite in ah Pathian thu hrilh turin a hma ang bawk in kan thawk chhuak leh a. Hetihlai hian ka rai mek a, thla sarih mi ka pai mek a. Ka rai pawh a lian ve tawh hle. Hemi kan chhuah zan hi khua a thim lehzual hle a. Kan kohhran member pakhat rawn inkhawm tawh ngailo chu tlawh pah kan tum a. Mahse, a lo awm lo a. Ringlo mite in ah kan lut a, chutah chuan kan member pawh chu a lo awm a. Zu an in a, an rui hle a. Inchhungah chuan kan leng lut a. Kan \hu ve a. Nu ber chu kan kawm pah a. Chutia kan awm lai chuan Chingsa- khaw hotupa an GAU BURA( kan VCP ang hi) a lo lut a. Thinrim takin, "Nangniho hi rawn kal rawn kal suh u. Kristian kan duh lo. Biak In in nei tawh a. Tah chuan in duh leh inkhawm ula, duh tawk rawh u. Hei hi Kristian ram a ni lo a. Kan duh bawk lo. Chhuak rawh u. Thah in duh em?" tiin a rawn ang buan buan mai a. Chutih lai chuan kan member zu rui ve tho khan khap a han tum a. A ni lah chuan,"ka that dawn che" tiin hmanrua a chuh ta mai. In neitunu chuan chhuak mai turin min ti a. An khaw hotupa chuan hmanrua a la a, hmanhmawh takin chhuata kan \hu lai chu kan tho a. Kan tlan chhe ta a ni. Hetih lai hian sawi tak ang khan ka rai len lai tak a ni a. Rai kawh luah chunga tlanchhiat chu tlan chak a har duh khawp mai. A hunah chuan tlanchhiat te a lo ngai ve \hin a ni. 

Thilmak: Kum 2016 Krismas chu kan kohhran chuan Bawng pum kan lei ve a. `3800/- (sangthum zariat) man lai mawle!! Ringlo mi ho a tam thei ang ber kan sawm ve a. Ruai rawn \heh a. Rawn inkhawm ve turin an rawn kal angem le??...tiin kan ngaihtuah nasa mai. Krismas- a lo thleng a. chawhma inkhawm ah ka thusawi a ni a. Pulpit tlang a\angin ringlomiho rawn lut pheuh pheuh chu zam rilru takin ka lo thlir a. |an a hun tep tawh a. Mak deuh mai chu, an khaw Gau Bura- kha a rawn inkhawm ve tlat mai. Inkhawm kan \an a. Thu ka sawi lai pawh chuan ringlom i dang pawh an rawn lut zel a. Kan Biak In hi lian lo mah se, kan khat ta der mai. Pawn lamah nen. Inkhawm kan bang a, ruai \heh hma a pawn a kan \hut lai chuan, Gau Bura- chu kan bul ah a rawn kal a. Min rawn chibai a. "Thu i sawi \ha hle mai" min rawn ti nia mawle!! PATHIAN ROPUI BER RAWH SE. 

Kum 2017: Kumin chu Nalung- khua kan enkawl ta thung a. Nalung khua hi chu Kristian an \hahnem ve tawh a. Baptist kohhran an ni tlangpui. Arunachal East- a Presbyterian kohhran hi Baptist a\anga lungawilo kalchhuak ten an din a ni a. Chuvangin tun thleng hian Baptist kohhran chuan Presbyterian kohhran chu min lawm lo a. Kristian ah pawh min ngai lo a ni. A pawi hle. January thla khan baptisma chang pakhat kan nei leh bawk a ni.

(Hetiang hian Tualchhung a\anga rawngbawla chhuak te an rawngbawlna leh rawngbawl dan rawn tarlan tum \hin a ni)  

AIZAWL DC A|ANGA HRIATTIRNA

1) Lo/Huan hal tur te chuan ni 15.3.2017 hma in hal vek tur a ni. 

2) Lo hal tur ten lo hal hmain mei lam \ha taka sial vek tur a ni.

3) Mi tumahin ram tih kan loh tur a ni a. Local Council te hmasa lovin mahni duhthu a lo hal mai mai loh tur. Local Council tinin an area chhung a kan loh nan uluk takin an puangzar tur a ni. 

4) Ramhnuaiah meizial bung paih leh meichhem/hal mai mai loh tur a ni.

5) Kangmei laka kan him theih nan kan In leh a vel te tifai \ha in, awlsam taka kangkai thei thil (petrol, diesel, etc.) lakah kan fimkhur tur a ni. 

6) Mi tumahin kang hreng loh tur.

He thupek zawm lo te chu Section 188 IPC hmangin hrem an ni ang. 

OFFICE-A MIZO THUAMA INTHUAM TURA HRIATTIRNA

Mizote kut pawimawh tak mai pakhat Chapchar Kut chu March ni 3, 2016 (Zirtawpni) hian state pumah hman a ni dawn a. He Kut hi hnam nunphung leh zia te chawi larna hun tur a nih ang ngeiin, March ni 1 leh ni 2 chhung hian Mizoram Sawrkar hnuaia hna thawk zawng zawngte chu Mizo thuam nena office kal \hin turin sawrkar chuan ngenna a siam a ni.

LAWMTHU SAWINA

Pu Lalbiakzuala (BZ-a, T.Sec) te chhung chuan a u leh a nu hriatrengna atan mitthi hming ziahna (White Board) \ha tak mai an rawn donate a, kan lawm takzet a ni. Tin nimin ni 18.2.2017 (Inrinni) khan sum tuak nan an huan min sam fai tir bawk a, an chhungkaw chungah leh hnatlanga thawk chhuak zawng zawngte chungah lawmthu kan sawi tak meuh a ni e.

Sd/-

(ALBERT LALREMSANGA)

YMA Taitesena Section   

VARANASI MISSION PRAYER NETWORK SAIKHAMAKAWN |AWNG|AI PROGRAMME 

A hmun : Pu Dawngkima In

A hun : Ni 19.2.2017         (Vawiin chawhnu inkhawm ban)

Hruaitu : Pi Khawlvuani

Thawhlawm a awm nghal ang

YMA HRIATTIRNA

1) Kan veng thlanmualah thlan chhhinchhiahna awm lo eng emaw zat a awm a, thla thum chhung February-April thleng mahni chhungte thlan chhinchhiahna hun siam a ni a, hun tiam chhunga thlan chhinchhiahna siam loh leh awm lo thlan te chu thlan ruak a ngaih a ni ang a, thlan laih hnan a nih pawhin tuman an sawi buai thei lo ang. Thlan chhinchhiah nan hian hmanraw riral mai thei hman loh hram tur a ni a, he hriattirna hi a zau thei ang bera puan darh a ni bawk ang.

2) Kum 2017 YMA Chanchinbu la duh te tan kum khat lak man `100/-Tv. Lalhmangaiha (V.Sec) hnenah pein lak theih a ni a, a bikin member te phei chu la hnem turin kan inngen a ni.

3) Naktuk ni 20.2.2017 (Thawh\anni) hian Thlanmual In sak leh thil \ul ang ang thawk turin hnatlangpui a ko a, memberte \hahnemngai taka thawk turin kan inngen a, thawkchhuak tur ten lei laihna hmanrua mahni neih ang ang thawhchhuahpui tur a ni. Chaw fun \heuh bawk tur a ni e.

Sd/-

(C.LALDAWNGLIANA)

Secretary

YMA Saikhamakawn Branch

ELEPHANT FOUR BUATSAIH LEH DAWN

YMA Vanapa Section chuan ni 28.2.2017 a\anaga \an turin Upa R. Lungtiawia & Laldawli Memorial Football Tournament a buatsaih leh dawn. Saikhamakawn Volleyball Court ah zanah khelh leh tura ruahman a ni.

Tun thla K|P Thawhlawm Ip a kan hmuh dan

Tirhkoh chawmna  : `22,165/- 

K|P Sum        : `9,305/-

A vaiin     : `31,470/-

LAWMTHU SAWINA

Nimin ni 18.2.2016 (Inrinni) a Mika Group member te Tv. C. Lallawmzuala te Quarry a hnatlang a thawkchhuak zawng zawng te chungah lawmthu kan sawi a. Inhlawhna \ha tak min petu Tv.C. Lallawmzuala chungah lawmthu kan sawi e.

Sd/-

(C.LALDAWNGLIANA)

Secretary

K|P Mika Group

PI CHHUNGTEI GROUP HRIATTIRNA

Pi Chhungtei Group, Kohhran Hmeichhia (Chawngbawla Sec) te  naktuk ni 20.2.2017 (Thawh\anni) dar 10:00 am hian hnatlang turin Pi R. Lalzuali te Inah kal khawm tur a ni a, member zawng zawng ten i ngaipawimawh ang u. Ei leh in tui tak a awm ang.

Sd/-

(ROHLUPUII)

Secretary

Pi Chhungtei Group, 

Kohhran Hmeichhia

PI KAPCHHUNGI GROUP HRIATTIRNA 

Naktuk ni 20.2.2017 (Thawh\anni) hian Pi Lalramnghaki, Bethel veng te Inah Pi Kapchhungi Group (Taitesena Section) member zawng zawngte hnatlang neih tur a ni. Dar 10:00 am ah kim tur a ni. Hnatlang tur zawng zawngin tiffin pai \heuh tur a ni e.

Sd/-(LALRAMNGHAKI)

Secretary

Pi Kapchhungi Group

Kohhran Hmeichhia

RD SEPTIC TANK SERVICE

Septic tank khat, paihfai, commode block pipe line \ha lo, soakpit repairing, a thar siam engpawh hmun remlo leh harsa a mi pawh kan thawk thei reng e. Kan sulhnu a felfai a, service hlun leh rintlak kan ni e.

RATE: INBIAKREMNA

Contact: 9436199884    

PAWISA CHHAR

Hlimen Damveng K.Oil agent ten khawnvartui sem naah Pawisa an chhar a, a tibo tu chuan a pawisa zat chiang taka sawiin K.Oil agent te hnenah lam tur a ni e.

,   Nl. Vanlaltlani d/o Pu. B Lalrinzaua (Ch.Sec) chu damlohna avanga Falkawn Hospital ah enkawl a nih hnuin a lo chhuak.

,   Lalmuanzuala s/o Pu Zoramnghaka (V.Sec) chu tonsil zai avanga Civil Hospitalah enkawl a nih hnuin a lo chhuak.

,   Pi Chawngthangpuii w/o V. Liankunga (T.Sec) chu damlohna  avangin Falkawn Hospital ah enkawl mek a ni.

,Lalremruati Ralte d/o R. Lalhmingsanga (Ch.Sec) chu damlohna avangin Alpha Hospital ah enkawl mek a ni.

,  Pi Lalthantluangi w/o Pu Andrew C. Lalnunsanga (T.Sec) chu damlohna avangin Falkawn Hospital ah enkawl mek a ni. 

,  Eddie Malsawmkima s/o C. Lalhruaia (V.Sec) chu damlohna avangin Falkawn Hospital ah enkaw mek a ni. 

CHATUAN RAMAH

Pu Chawng\huama (57) chuan ni 16.2.2017 (Ningani) zing khan chatuan ram min lo pansan ta a. Mipui Aw Editorial Board te chuan thinlung takin kan tawrhpui a, a kalsan tak a chhungte Lalpa’n vengin, thlamuanin awmpui zel rawh se tih hi kan \awng\aina a ni e. 

NGENNA

Saikhamakawn Football Team ten tun ni 22.2.2017 (Nilaini) hian sum tuak nan Ar kan talh leh dawn a, vawiin hian a duh tur te in tinah rawn  zawh chhuah leh a ni dawn a, vengchhung mipuite khawngaiha min lo dawr leh \heuh turin kan inngen a ni e.

Sd/-

Manager

SKK Football Team

LOST ! LOST!  LOST!

Hlimen leh Thakthing inkarah hmeichhe pheikhawk flat buang leh Vivo phone charger, polythene duma tuam kan ti bo a, a lo hmu leh chhar in awm chuan khawngaih takin a hnuaia phone number ah hian min hrilh thei ula kan lawm hle ang.

Ph.No: 9862951057/7005666852