MIPUI
AW
KARTIN CHHUAK
Vol. XXIII Issue No. 12 Kristian
Thalai Pawl Saikhamakawn Branch Pathianni Dt.19.3.2017
VAWIIN CHANGVAWN
Kei erawh chuan kan Lalpa Isua Krista kraws lo chu ka chhuan loh turzia mai chu, chu mi zarah chuan khawvel hi ka tan khenbehin a awm ta, kei pawh khawvel tan khenbehin ka awm a ni. (Galatia 6:14)
KOHHRAN PROGRAMME:
Ni 19.3.2017 (Pathianni)
Chawhma Inkhawm
|antu : Pi Lalhmangaihi
Zirlai 10-na : Philadelphia Kohhran hnena lehkhathawn
Chawhnu Inkhawm
Thuhriltu : Upa C. Lalmuankima
Zan Inkhawm
Thuhriltu : Upa Lalzuiliana
K|P INKHAWM PROGRAMME
Ni 20.3.2017 (Thawh\anni Zan)
Bial K|P Branch tlawh
Hruaitu : Nl. Lalrinchhani
|antu : Tv. Lalrinsanga
Bible Chhiartu: Tv. J. Laldinsanga
Bible chhiar tur: (Thuhriltu: 5: 1-7)
Thuhriltu : Upa K.Lalnuntluanga, Leader, Bial K|P
Thawhlawm Nl. Lalhruaitluangi leh
khawntu turte : Nl. Lalrammawii
Zai hruaitute : Tv. R.Zodinsanga
leh Tv. Lalnunzira
Keyboardist : Tv. Zoliankima
KOHHRAN HMEICHHE
INKHAWM PROGRAMME
Ni 21.3.2017 (Thawhlehni Zan)
Hruaitu : Pi Lallianpuii
|antu : Pi Lalnunfimi
Thuhriltu : Pi Laltlanzari
KOHHRAN PAVALAI PAWL
INKHAWM PROGRAMME
Ni 23.3.2017 (Ninga Zan)
Hruaitu : Pu R. Chalkhuma
|antu : Pu J.Thanzama
Short Sermon : Pu R.Lallura leh
neitu turte Pu Biakvela
Khuangpu : Pu Ramthianghlima
Pu Biakthansanga
Thawhlawm khawntu: Pu C. Lalthlengliana
TLAI NGAI LO PATHIAN
Mihringte hi Pathian in kan chunga ro a relnaah hian kan hmanhmawh fo \hin a. Keimahni ham\hatna leh nawmsakna kan thlakhlelh luat avang hian Pathian hi tlai \hinah kan ngai fo \hin. Pathian hnathawh leh thiltihte kan nghah hman loh avangin keimahni duh danin chak takin kan kal a, kan dai phelh pheng phung reng a ni. Amaherawhchu Pathian hi a tlai ngai lova, a hun takah a ropuina leh thiltihtheihna a lanchhuah tir zawk \hin. Amah beiseia A chunga rinna nghat \hin tute hi a tithlawn ngai lo a ni. Huaisen taka Amah \antu leh Amaha rinna zawng zawng nghattute tana a rinawmzia chu Daniela leh a \hiante chungchangah pawh chiang takin kan hmu a ni. Daniela Bung 3 kan chhiuar chuan Lal Nebukadnezzara’n rangkachak milim a siamthu leh chu milim chu mi zawng zawngin chibai buka be turin thuchhuah a siam a ni tih kan hmu a. Amaherawhchu Daniela \hiante pathum Sadraka, Mesaka leh Abednego te chuan Pathian nung hawisan duh lovin lal thu pek anga milim hmaa kun chu an duh ta lova, chu chuan lal Nebukadnezzara thin a tirimin a milem chibai buk duh lote hremna tura dan a lo siam tawh angin rawhtuina meipuiah Daniela thiante chu an paih ta a ni tih kan hmu a.
Mihring rilru a\anga kan ngaihtuah chuan Sadraka, Mesaka leh Abednago te rawhtuina meipui, a let sarih laia an tih sat leh nghal chhunga an paih thlenga Pathian a che lo kha a mak a, a tlai tawh lutuk a ni. Engkimtithei Pathian chuan meipui sa tak chu a tihlum thei awm si a, meipuia paihtu tur sipai hote tha pawh a ti zawi vek thei ang tih a rinawm a, Daniela \hiante kha meipuia paih an nih hma khan chhahchhuah an ni thei a ni. Amaherawhchu chu chu Pathian thiltum leh ruahman dan a ni lova, Amah leh Daniela \hiante ho tana hlawk zawka Nebukadnezzara hremna chu hmang turin tum dan dang a lo nei daih a ni. Chu a thiltum ang ngei chuan a hun takah Daniela \hiante chu meipui chhungah ngei chuan chhanchhuah in an awm a, engmah na hre lovin an awm a ni. Tlai deuh tawk leh engmah tih theih tawh loh hnu ni a langa mihringin a tawrh tur ang hun thlen tawh a Pathian thiltihtheihna lang chhuak chu Daniela \hiante tan malsawmna a ni a, an hna atanga kaisan tir an nih phah ta a ni.
Daniela sakeibaknei puka paih a nih pawh khan mihring ngaihtuahna a\ang chuan Pathian kha tlai hlein a lang a. Sakeibaknei puk thleng lovin Daniela harsatna kha sakeibaknei puk kotlangah khan chinfel mai awm tiin keini chuan kan ngaihtuah ngei ang. A puk kotlang thlenga Pathianin a thiltihtheihna a lantir lo a nih chuan Sakeibaknei puk a lut lova Pathian thiltihtheihna leh a ruahmanna nghak hman lova keimahni thua chet lak mai kan tum ngei ang. Mahse, Pathian tana rinawm Daniela chuan Pathian a ring tlat a, a hun takah Pathianin hna a thawk ta reng a ni. Daniela kha thi ngei tura kan ngaihna tur hmun Sakeibaknei ko ham tak tak te pukah Pathian chuan a mut tir thei tlat si a ni. Daniela’n rinna nena Pathian thil ruahmanna a nghah avang khan Nebukadnezzara khan Daniela Pathian, kan Pathian nung ngei chu a biak ve phah ta a nih kha. Kan rin Pathian hi a van tlai ngailo tak em! A hun takah thil a lo ti thin zawk a ni.
Ringtu inti tamtakte hian Pathian hi kan ring zo lo fo \hin a, Amah kan rin loh avang hian a hnathawh lo thlen hmain kan lo phatsan fo \hin. A malsawmna kan dil a, a chhanna kan hmuh hmain hmanhmawh takin kan duh angin kan lo chet khalh a, nupui pasal te pawh kan dil a min pek hmain kan lo inru fo \hin a nih hi. Hei hi kan rinna duap lutuk vang a ni.Amah ringtute chunga Pathian hnathawh kan hmuh hian Pathian tlai ngai lohzia kan hmu a, keimahni kan hmanhmawh lutuk avang hian a tlai \hinah ah kan lo ruat mai mai thin zawk a lo ni. Hawh u Daniela leh a \hiante ang hian Lalpa hnathawh lo thleng tur chu rinawm takin nghak \hin ang u, ‘min chhanchhuak dawn lo mahsela milem chibai ka buk lovang’ ti ngam khawpa Amah ringtu leh beiseitu hi Pathian hian a ensan mai mai ngai lo. Tlai ngailo Pathian hian kan \hatna turin kawng engkim min ruahman saka, kan dilna leh ngennate min chhang tur hian a tlai ngai lo ve.
EDITORIAL BOARD
Editor :
Pu C. Lalmuanpuia
8974807213
Joint Editor:
Tv. Laldinpuia
9862813325
News Editors :
Pu Tommy Zirnuntluanga
9862913684
Tv. Lalnunzira
9862664253
Tv. Lalawmpuia
8259910570
Nl. Zohmingmawii
8794773133
Tv. Lalruatsanga
Circulation Manager:
Tv. C. Lallawmawma
8974509821
Nl. C.Zosangliani
8731005507
Editorial...?
RAWNGBAWLNA
Rawngbawl tura chhandam tih thupuia neitute hian eng rilru nge kan put ve le? Missionary John Mott-a chu America President-in Japan-a Ambassador tura a sawm chuan, “President zahawm tak, Pathianin Ambassador turin min ko tawh a, ka beng hian kohna dang a hre thei tawh lo a ni,” tiin a chhang a. Keini pawh koh kan nih lai hian khawvel lam kohna nge kan chhan dawn Pathian kohna? Mihring kan buai tulh tulhin kan hman lo tulh tulh tawh a. Chhuanlam pawmawm tak a awm a, mahse chhuanlam chhe t> t> leh siam chawp hmangte in rawngbawlna leh
activity hrang hrangte kan pha ta fo mai. James Dokhuma khan, “Miin thil tih dawna Ka hman lo’ tia chhuanlam a siam chhung chuan a rilruin a tum tak tak lo tihna a ni,” a ti a, a dikna chen pawh a awm thei khawp ang. Rawngbawlna hi hun awl neih hunah leh hman hunah chauh tih tur em ni dawn le? Lal Isuan amah zuitute rawngbawl tura a koh lai khan an hna \ul tak takte an kalsan a, an zui mai a nih kha. Hman lo leh hman huna zui tumtute chu a duh d>r lo. Johana 12:26-ah chuan Lal Isuan, “Tupawhin ka rawng a bawl chuan mi zui rawh se; ka awmnaah ka rawngbawltu pawh a awm ang. Tupawhin ka rawng a bawl chuan ani chu Pa in a chawimawi ang” a ti mai a ni. Vanah mai ni lo, he leia kan dam chhung la la pawha Pathian chawimawi kan nih theihna turin rawng i bawl ang u.
SOCIAL MEDIA
-Pc. Hriata
Khawvel changkang leh hmasawn chak takah kan cheng a, keini Mizo te ngei pawh kan khawsak phung leh kan In leh lo pawh a thangchak hle mai. Khawthlang leh khawchhak lam nun inkarah tunlai kan thalaite nun hi a virvel ni te pawhin a hriat theih, a khawi lam lam nunzia entawhin kan la lut zung zung a, hei hian kawng tamtakah thalaite nunah ngawng tha tak tak a nei kan ti thei awm e. Tunlai khawvel dinhmun sawi emaw ngaihtuah emaw a thil langsar em em awm chu Social media hi a ni awm e. Heng Facebook, Whatapp, You Tube, Instagram, Twitter, Reddit, Vine, pinterest, Ask.fm, Tumblr, Flickr, Google +, Linkedin, VK, ClassMates, Meetup te hi social media ah chuan a lar zual leh khawvel mihringin kan hman hnem zual te an ni a, kan ngaihdan leh kan duhdan, sumdawnna thlengin mahni awmhmun atangin kan tarlang zung zung thei tawh a, a tangkai hle.
Social media hi tangkai taka hman theih a nih rual hian a ho zawng leh hun khawhral nan te leh thalo tak tak zawng pawhin a hman theih hle bawk a. Awlsam tea mi pawisawi theihna a nih avangin kan fimkhur a ngai hle a ni. Social media heng Facebook, Twitter etc. vela Cyber Crime kan hmuh lar tak chu- ‘Harassment via E-Mails’ an ti a, hei hi Cyber Crime hrang hrang an then zinga pakhat, mimalin harsatna a tawh thin a ni. Harassment via E-Mails hi letter, file attachment, folder etc. tein mimalah harsatna an insiamsak thin a, heng dan bawhchhiatna hi mumal taka hremna dan a awm a,social network ah nitin a pung zel an ti a ni. (source: Profile, Dhawesh Pahuja, Advocate In Banglore. CYBER CRIME AND THE LAW ) Hei vang hian kan tum loh deuh leh kan hriat miah loh lai hian hremtheih kan lo ni reng thei a, tin, tum vang reng pawh a ni thei bawk, fimkhur a tha.
India hmarchhak kilkhawra awm Mizoram pawhin kan hmelhriat in kan hmang nasa hle tawh a, chumai a nilo keini vengchhungah ngei paw’n kan hmang uar in kan hmang nasa hle tawh mai. Whatapp leh Facebook ah kan veng bil bik tan group hrang hrang pawh a tam hle tawh a, kum 18 pawh la tling thathumlo atanga tufa neih duah tawh thlengin kan in khungkhawm a, kan duhdan leh kan ngaihdan mahni thuthmun atangin kan puangzar zung zung ta, a that hle rualin a kan hriat reng atana pawimawh chu, heng social media kaltlanga kan ngaihdan leh tha kan tih zawng kan puanzar hi midangin an pawm ve vek kher lo thei, heng hmang hian mi rilru hneh a harin, mahni ngaihdan vuan a tankhawh vak hi mahni indahhniamna chikhat a ni hlauh thei a, mahse tihloh tur tihna erawh a ni chuanglo, mimal zalenna erawh chu a ni teh meuh mai. Tun hmaa deuha zu rui thenkhat ten khawlaia an rui lungpuam an inhrosa vak vak ang mai khan tunah chuan social media kaltlang hian mahni inlum atangin khatiang mite dinhmun kha kan luah vang thei a ni tih hi kan hriat tel erawh a tha khawp mai. Hetih lai hian chhiartu chauh i ni ang u tihna lam niloin, thil mawi zawk a awm tih hi hriat thar a tha a, thu dengkhawng tak taka in chhan tawn hian tua te mah kan in hneh tak tak lo tih hriat a tha tihna a ni mai zawk.
Social media thatna tamtak leh hemi chungchang tamtak sawi tur awm laiin a hriat nuamloh lam sawi a ni a, veng khatah pawh mi tha tam tak zinga mi awmtha duhlo pa hnih khat lekin veng pum a ti mualpho thei angin, he socia media pawh hi khawvelin tha taka a hman lai hian a thalo zawnga kan lo hman hlauh chuan kan tan mualpho na leh zahna min thlen thei a ni tih hria in, thil lo chhuak thar zel hi puitling taka kan hmachhawn zel a tul hle a ni.
ADMISSION OPEN FOR THE SESSION (2017-2018)
Solomon’s High School Kulikawn, Aizawl ah Class VIII-IX leh Class X tan Admission hawn mek a ni. Kum 30 chuang Mathematics leh Science subject a experience nei tawhin an zirtirna hmunah hian i fate rawn dah ve rawh le, Mathematics leh Science Subject a harsatna nei te leh Sports a tuite duhsak an ni ang. Hostel a awm nghal bawk e.
Admission Fee: `1600/-
Last Four years result:
Year Passed Percentage
1. 2016 90%
2. 2015 80%
3. 2014 85%
4. 2013 84%
Contact: 1) 8014442431, 8974133843, 9774406688
H.C THAWNGA
Top Ten Math Tutor
ADMISSION NOTICE
2017-2018 Academic Session atan Brighter Higher Secondary School, Kulikawn, Tlangnuam Road-ah Class IX-XII (Arts & Science) Admission hawn a ni leh ta. Hmunhma \ha, thengthaw nuam leh boruak muanawm tak hnuaia zirna kalpuina hmun ah hian i fate rawn luhtir ve rawh le. Thingtlang lam mi duhsak an ni ang.
Office Hour: 8:30am-3:00 pm
Contact: 8414956902 (Principal),
9862325305 (Vice Principal)
ADMISSION NOTICE
Nazareth English School, Saikhamakawn opens admission for the academic session of 2017-2018 from today ownwards. It is the new academy where qualifying faculties inculcate standard, systematic and dynamic teachings to our students. Students recieving no parental care at home are traeted here under sincere care with love and affection. From this year, the class is extended to Class-V with a hope of attaining higher achievement following C.C.E Programme.
All are welcome...
Admission:
`1300 for new admission (A lut thar tan)
`1000 for old (lut hlui tawh tan
Monthly fees:
`600 for Class-I to Class-V
`500 for Nursery and K.G
Information in details can be obtained from the School’s office everyday (9:00 am to 2:00 pm)
Call: 7640865066/8014656422
Sd/-
(DAVID LALZARA FANAI)
Principal
Nazareth English School
Saikhamakawn
RD SEPTIC TANK SERVICE
Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a, kan sulhnu a felfai a, senior leh rintlak kan ni e. kan Rate a tlawm bawk.
RDA
Contact: 9436199884/ 9612510887
ADMISSION NOTICE
Kum 2017-2018 Academic Session atan Govt. Middle School, Saikhamakawn (English Medium) ah a thlawnin Admission a tih leh theih ta.
He School hi zirtirtu (Qualified Teacher) thiam tak tak ten an enkawl a ni a. Admission Fee leh Monthly Fee a awm loh mai bakah naupangten sawrkar a\angin Zirlaibu leh Mid Day Meal a thlawnin an dawng vek bawk. Tun Academic Session lo awm turah hian zirlai naupangte Guwahati-ah zinpui tum a ni.
Kum 2016-2017 Academic Session ah khan he school a\ang hian Merit Scholarship hmu mi pathum (3) an awm a, heng naupangte hian Class IX-XII ah sawrkar a\angin Stipend thla tin an dawng dawn a ni. Naupangte an zirlai pangngai mai bakah kut themthiamna lam zirtir \hin an ni. I fate tan sum senso hautak si lova zirna \ha i duh chuan Govt. Middle School, Saikhamakawn ah hian rawn kal tir ve rawh le.
Admission tih theihna:
1) Sir Lalzuiliana, Saikhamakawn, Contact: 9862538698
2) Miss Zonunsangi Ralte, Saikhamakawn,
Contact: 9612413200
Sd/-
Headmaster
Govt. M/S School, Saikhamakawn
NEW HOPE ACADEMY
Upper Republic
ADMISSION NOTICE
2017-2018 Session atan Class IX-XII (Arts) Admission hawn a ni ta. Experience teacher ten an zirtirna hmun, school building nuam leh class room nuam tak awmna kan ni e. Board exam tur Class X leh XII tan Study Camp kan neihpui \hin a, zirlai chaklo te tan beiseina thar nen theihtawp kan chhuahpui \hin. Hrechiang duh tan:
Contact: 9862810672/8257035798
New Hope Academy
Upper Republic Aizawl
R. Hautluanga Building,
Near Sikulpuikawn
ADMISSION OPEN
Biakliana Memorial Higher Secondary School, Kulikawn, near BN Hospital ah kum 2017 - 2018 Academic Session atan Cls : IX - XII, Day leh Hosteller tan Admission hawn a ni ta e.
Contact: 9862756137 / 9862356886
EMMANUEL ENGLISH SCHOOL
Durtlang Leitan, Aizawl.( Day & Residential School) ADMISSION OPEN
Nursery - Class-X
# Spacious School & Hostel Compound
# Offer Spoken English & Hindi
# Special Tuition in Maths & Science
# No Entrance Test“# No Selection Test for Class-X
Sd/-
Principal
Contact No: 9436141493, 9862554946, 9856090601
LO HAL CHUNGCHANGA THUPEK
Lo hal chungchanga order chhuah tawh chu, ruah a tlak tam avangin, Sawrkar Order No. B.28-11/9/2008-PCCF(G)/date 10.3.2017-a thuchhuak angin, 25th March, 2017 aia tlai lovah Huan/Lo hal vek tur a ni.“Pu H. Lalengmawia, IAS, District Magistrate, Kolasib District, Kolasib chuan section 144Cr.PC- in thuneihna a pek hmangin a hnuaia mi ang hian thupek a chhuah e.
1. VC/Local Council tinte’n an khua \heuh tan lo hal ni tura ruat March ni 25 aia tlaia halte chu an bialtu Police O/C leh Forest RO te hriattir tur a ni.
2. Lo hal niah Police leh Forest staff - te duty vek tur a ni. Heng khua Hortoki, Kawnpui, Khamrang leh Mualkhang te hian Lo hal ni tura ruat chawhnu dar 3:00 hnuah chauh Lo/Huan/Leipui an hal tur a ni.
3. VC/Local Council tinte’n an VC/Local Council huam chhungah Lo/Huan/Leipui vattute hming, an ramvah zauzawng, a ram hming, eng thlai nge chin an tum tih te la khawmin record fel tak an siam ang a, DLAO leh DFO hnenah an thehlut ang.
4. Mi tumah, mimal emaw vantlang angin emaw lo, huan, leipui leh lo bing pawh meilam tha tawk sial hmasa lo chuan an hal tur a ni lo.
He thupek hi a chhuah ni 14th March, 2017 atanga hman nghal tur niin, sut leh a nih loh chuan thla hnih chhung atan hman tur a ni. He thupek bawhchhiate chu Section 188 IPC angin hrem theih a ni.
RATION CARD FILLUP DAN TUR LEH A PAWIMAWHNA
Aadhaar Seeding
Ration Card data-a Aadhaar Number chhutluh hi a pawimawhna chhan chu Gas man tlawmna (subsidy) connection neitu Account-a Central Sawrkarin pawisa a dahsak angin Buhfai leh S.K. Oil man tlawmna (subsidy) hi Ration Card neitu Account-ah lut tura ruahman a ni, chuvangin Ration Card Holder hian ama hmingin Bank Account a neih ngei ngei a ngai a ni.
Form hi dik taka fill-up kim vek tur a ni. Form fill-up dik lo leh kim lo a awm chuan Account-ah subsidy-na pawisa hi a lut thei dawn lo a ni. Phek hmasa hi Ration Card neitu (Card Holder) hminga fill-up kim vek tur a ni a, phek hnung zawk hi Ration Card holder tiamin Ration Card a member dang puitling leh naupang pawh Ration Card a hming indawt danin fill-up tur a ni.
Form-a thil tel ngai te :-
1. Ration Card Xerox Copy
2. Voters ID Xerox Copy (a nei zawng zawng)
3. Aadhaar Card Xerox Copy (a nei zawng zawng)
4. Bank Passbook Xerox copy (Card holder ta chauh)
Form fill up dan tur :-
1.DISTRICT/DCSO (Awmna bial DCSO Office hming) : Aizawl West
2. KHUA : Aizawl ( VENG HMING ziah lan kher a ngai lo )
3. VENG : Saikhamakawn tih mai a tawk
4.Ration Card neitu hming : ______ 5. Ration Card Number : Ration Card-a, a kawm hmaa “State Unique Ration Card No : MZ020101506N60470 a kawm chhungah pawh a awm ang.
6.Fair Price Shop Hming (Ration lakna hmun eg :-Ramthar 1 & Ramthar 2) : Retailer 1 / Retailer 2 7. Ration Card neitu Mobile Phone Number
8. Ration Card neitu Bank Account Number : Ac no. chauh ziak ang che
Bank Hming leh Branch Code : Ration Card holder in account a neihna bank hming eg. SBI,MRB, Apex etc. kha ziah a, account neihna branch khan code a nei vek bawk.
Bank IFSC Code : I a/c neihna MRB /SBI kha chu hriat lo tum ve la
Phek hnunga dah khah tur:
Ration Card a hming in dawt dan ang thlapin ziah tur a nih chu“Gender/Sex kha chu mipa nge hmeichhia tihna. Mipa a nih chuan M (Male); Hmeichhia a nih chuan F (Female). Column dinglam hnuaiah Aadhaar No leh Epic No dah na turah dik taka dah tur. Neih loh/awmloh chuan dah lohmai ni se.
Epic No. chu Voter ID kan tih no. hi a ni e. Cut Here tih hnuai lam hi chu dahawl tur a ni e. Card Holder hi a boral tawh chuan, card holder thlak a ngai a. Chumi thlak tur chuan passport size thlalak colour 2 copy kengin DCSO 'W' ah Ration Card siam\hat hmasak tir tur a ni.
KRISTIAN |HALAI CHANCHINBU LAKSAK DAWN
K|P Saikhamakawn Branch chuan kan Branch a\anga Missionary a chhuak te tun kum chhung atan Kristian |halai chanchinbu laksak in a thawn ve tawh \hin dawn a ni.
, Pu Lalrochama h/o Pi Lalchamreii (V.Sec) te nupa chuan fanu duhawm tak an nei thar.
, Tv. Johny Lal\anpuia s/o Pi J. Lalhmingliani (V.Sec) chu damlohna avanga Kolkata an pan hnuin Vellore ah refer leh a ni.
, Pi Zodinthari w/o Pu Lalsangliana (V.Sec) chu damlohna avanga Falkawn Referral Hospital ah enkawl a nih hnuin a lo chhuak.
, Pu Lalfakzuala s/o Deng\huama (Ch.Sec) chu damlohna avanga Aizawl Hospital a enkawl a nih hnu in damtakin a lo chhuak.
, Pu Zalianchhunga f/o Immanuel Lalramthara (V.Sec) chu damlohna avangin Hlimen Urban Hospital ah enkawl mek ani.
TIAM TLAT E
C.Zoramthara s/o Zohmangaiha,Saikhamakawn leh R. Lallawmkimi d/o R. Lalhmangaiha, Hlimen te chuan ni 23.3.2017 (Ningani) dar 2:00 PM hian Saikhamakawn Kohhran Biak Inah Kohhran dan thianghlimin “Tiam Tlat E” an ti dawn. Fanau maltluan chawia nupa inlungrual tak leh damchhunga leng dun turin Mipui Aw Editorial Board te chuan duhsakna kan hlan e.
LAWMTHU SAWINA
Kan pa H.T Malsawma’n min boral san chungchangah vengchhung mipuite min buaipuina leh kan chunga in \hatna zawng zawngah lawmthu kan sawi a. Mahni lirthei leh tha leh zung senga a ruang laknaa ruang hmuak tura kal zawng zawng te chungah kan lawm em em a. Vengchhung YMA nula leh tlangval, nu leh pa te a \ul ang anga min buaipui a, in lama tih tur \ul awm apiangte kan tih ve ngai miah lo va, min buaipui a min tihsak tu te zawng zawng chungah kan lawmthu kan sawi tak meuh meuh a ni. Kan chunga in \hatna leh min khawngaihna zawng zawngte Lalpa’n a let tam takin malsawmna in rul che u rawh se tih hi kan \awng\aina a ni e.
In khawngaihna dawngtu
Dardingliani leh a fate
VAWK NOTE
Vawk no te lak tur duh chuan a hnuaia Phone Number ah hian ngaihven theih a ni e. Hri danna (vaccine) lak fel sa thlap a ni e.
Ph. No: 9612460967/8414012239
No comments:
Post a Comment