Mipui Aw 11.12.2016

MIPUI AW

KARTIN CHHUAK

Vol. XXII Issue No. 50 Kristian Thalai  Pawl  Saikhamakawn Branch  Pathianni Dt.11.12.2016

VAWIIN CHÂNG VAWN

            Nang, thatchhepa, fanghmir tih dante chhut la, fing rawh; Anni chuan lal te, hotute, rorêltute nei lovin Nipuiah chaw an chhek khâwm a, A seng hunin an ei tûrte an seng khâwm thin. Aw, thatchhepa, eng chen nge i mut dawn? Eng tikah nge i muhil chu i thawh dawn?

                        -Thufingte 6:4 - 9

KOHHRAN PROGRAMME:

Ni 4.12.2016 (Pathianni)

Chawhma Inkhawm

|antu              : Pi Lalhmachhuani(B-5na)

Zirlai 44-na    : “Thlarau Thianghlim                                        leh Kohhran”

Chawhnu Inkhawm

Thuhriltu       :  Upa Zonunmawia

Zân Inkhawm

Thuhriltu       :  Pi Khawlvuani

K|P  PROGRAMME

Ni 12.12.2016 (Thawh\an Z^n)

Advance Christmas Programme

(Phêk hnung lamah)

KOHHRAN HMEICHHE

 INKHAWM PROGRAMME

Ni 13.12.2016 (Thawhlehni Zân)

Kristian Chhungkaw Pual

KOHHRAN PAVALAI PROGRAMME

Ni 18.12.2016 (NingaZân)

Hruaitu           : Pu Lalrinpuia

Tantu              : Pu Lalbiakvela

Thuhriltu       : Pu H.Remtluanga

Khuangpu      : Pu T.Lalrinthanga leh

                          Pu H.Remtluanga

Thilpek lakhawmtu: Pu Sangmawia

SERMON

Judaten Engtinnge 'Messia' an Beisei Dan?

                Kristiantena kan hun pawimawh ber, min chhandam tura kan Lal, Isua Krista pian cham ‘Krismas’ chu kan lo thleng leh dawn ta reng mai a. Hla phuahtuin, ‘Lal pian hun pangpar a vul leh ta, thinlai mu hnu lunglen a kaitho e’, a lo tih vawng vawng angin mi tam tak thinlung mu hnu a kai tho a, hun kaltate thlirkirin an lungduh kal ta te a ngaihtuah chhuah tir a. Hei hi mitin thinlunga Krismas in hmun thuk tak a chanzia a tarlang chiang hle awm e. Khawvel suala bo hnu chhanchhuak leh tura, Isua Krista a lo pian lai hian, Israel ram hi Roman empire chhung, Rom Sawrkar awpbehna hnuaia kun an ni a. Rom lal ram enkawltu lu ber chu Caesar Augustus an tih hi a ni. Hetih hun lai hian Rom Sawrkar hi khawvela Sawrkar lian ber an ni a. Khawvel zawng zawng hi awpbeh tuma an hmanhel lai mek a ni a. Chung an ram awp chhungah chuan Israel ram pawh hi a awm a. Isua pian laia Israel ram awptu chu Lal sual leh nun rawng, Lal Heroda an tih hi a ni. Historian ropui, William Dool Killen in a lehkhabu, ‘The Roman Empire at the Time of the Birth of Christ. Upwards of a Quarter of a Century Before the Birth of Christ’ tih-a a tarlan dan chuan, Isua pian lai hun bawr vel hi Rom empire chhunga Sawrkar inrelbawlna fel loh ber lai leh buarchuar ber lai a ni a. An ram lal ber, Ceaser Augustus hi nawmchen ngaina mi leh huau huau lawm mi a nih vangin an ram hausakna zawng zawng chu Lal leh a vuavang mi tlemte te chauhin an chhawr a, nawmchen nan an hmang a, hei vang hian an ram awpte pawh an enkawl tha hleithei lova, an hrek rethei em em a ni.

                Chuti a nih vang chuan, Juda mipuite pawh an ram inrelbawlnaah an mangangin, he an saltanna lak ata chhanchhuaktu tur ‘Messia’ lo lan hun hi an nghakhlel em em a. Chu chu a ram mipuite chungah nghawng \ha leh \ha lo tam tak a hringchhuak a. Isua pian hun lai pawh hian Juda mipuite zingah pawl hlawm langsar tak pahnih – Pharisai kan tihte leh Sadukai kan tih te hi an awm tawh a. Pharisai kan tihte chu Juda dan khermei taka zawm tute hi an ni a, Isua phiarrutute an nih avangin sual hrim hrima ngaih tur chu an ni lo. Sakhaw mi tak an ni. Sadukai hote erawh Juda rorel pawl an ni a. An lu ber chu Puithiam lalber a ni a, mi tlemte thuneihna sang tak chelhtu bawr an ni. BC 67-a Rom General, Pompey`an Jerusalem a hnehchhuh a\ang khan Rom Sawrkar lak ata inlakhran duh pawl, Zealot an tihte pawh hi an lo inmung tan tawh bawk a. Isua zirtir zinga mi, Juda Iskariot-a pawh kha he hel pawl, Zealot zinga mi hi a ni. Hetiang hi Isua pian laia Juda ram dinhmun a nih vangin Zawlnei tena Messia lo kal tur an hrilhlawk kha a taka thlen hun an nghakhlel em em a. An lal lo piang tur an beisei danah chuan, Jerusalem mi hausa chhungkua atangin lal ropui tak, Rom sawrkar awphbehna ata chhanchhuaktu tur, Lal Davida leh Lal Solomon-a ai pawha ropui leh thiltithei zawk, chakna leh thiltihtheihna hmanga an ram khaidingtu turah an ngai a. Amaherawhchu, an chan loh khana tlawm taka lal thar, Messia a lo piang leh ta si hi rin harsa an ti a. Juda mipuite zingah Chanchin |ha-in a tih en tam tak awm tawh mah se, vawiin thleng hian a hnam pum anga thlir chuan Isua Krista ‘Messia’ a nihna hi an la pawm thei lova, nghakhlel leh beisei tak chungin Messia lo kal tur an la nghak fan fan a, an Messia chu haiin ropuina Lalpa chu ‘Khengbet rawh’ tiin an au khum ta hial zawk a nih kha!

                Keini, Zawlneiten an hrihlawk Messia chu, Isua Krista ngei hi a ni tih pawmtute hian Messia hi kan beng hriatna mei ni lo, kan thinlungah hian a piang tak tak em tih hi ngaihtuah ngun ngai tak a ni a.  Pathian hi kan duh zawng leh kan beisei ang angte min tihhlawhtlin sak a, malsawmna tinrenga min vurtu tur ang chauha kan ngai a nih chuan Judaten Isua Krista an hai ang khan kan thinglungah Isua Krista hi a lo la piang ve tak tak lo tihna pawh a ni thei ang. Fakna hlaa ‘Ka dil loh zawk malsawmna’ tih hla kan ngaihthlak \hin ang khan mihringtena \ha kan tih dan leh kan suangtuah dan ang ringawt hi Pathian chatuan remruat a lo ni reng reng lova, rilru inngaitlawmte leh tlawmna nun nena, tuar huama Amah zuitute chungah chauh Messia hi a rawn inlar \hin a ni. Chu Messia, Pathian fapa, Isua Krista chauh chu kawng leh thutak leh nunna a ni si a. Lalpa`n kan zaa tan mal min sawmsak rawh se. Amen!

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                                              Pathianin mihringte he khawvelah hian chi tam tak thlah a, lo pung zel a, leilung luahkhat turin min siam a, inneihna a lo awm ta a ni. Mihring te kan hun pawimawh leh hlimawm ber kan nei a, chu chu kan inneihni hi a ni. Mihring hun neih zingah chhuan kan inneihni aia hlimawm leh pawimawh hi a awm kher lo ang ti ila kan sawi sual awm lo ve. Hemi a nih avang hian innei tur te chu kan lawmpuiin he an inneihni hi kan dah pawimawh a, kan \awiawm zel hi kan tih ngei ngei tur a ni. Amaherawhchu tun hnai chho a\ang hian a bik takin K|P memberte hian kan \halaipui innei thar te leh innei tur te kan lawmpuiin kan ngaipawimawh tawk lo emawni chu aw a tih theih a. Kohhran dan thianghlima innei te chu Kohhran Zaipawl in hla nupa tuak thar te tan hla a rem sak \hin a, mahse hla rem tih tham kan awm \hin mang lo hi chu  K|P member te kan inenfiah deuh chu a ngai a ni. Inkhawmpuin/Krismas/Kohhran ni pawimawh ah te hi chuan K|P member hla zir leh hla rem hi kan tam \hin viau. Mahse inneihna tur hla zir leh hla rem ah hin kan kiam leh duak \hin a, kan hman lo erawh chu thuhran nise, inneihna tur hla zir leh hla rem hi kan phai ta bik tlat \hin erawh hi chu kan ngaipawimawh tawk lo deuh ni berin a lang a. Ringtute chu lawm te inlawmpuia \ah te in\ahpui tur kan ni tih kan hriat reng hi a pawimawh em em a. Heng kan \halai pui te Kohhran dan thianghlima innei tur te chu kan thinlung taka kan lawmpui a, kan \awimawm zel a, inneih hla zir leh hla rem te pawh Inkhawmpuin/Krismas/Kohhran ni pawimawh a hla zir leh rem ang tho a kan dah pawimawh a \ul tak zet a ni.

ARTICLE

KHAI LE, KAN HARHNA KHA THLIR KIR ANG U LE

                                                - Rev.Zonunsanga, Tuipuibari

           

            Harhna changtute kha kan la harh zel em? kan hlimna kha a \ha em em a.Pathian min pek a ni. Eng nge rah a chhuah tih lai erawh kan tehna tur a ni ta. Zirna lamah kan changkan phah sawt em? hnathawhna lamah kan rinawm zual em? eirûk kan ban em? kan nitin khawsak phungah danglamna a awm em? zu in kan sim hlen phah em? damdawi hman sual kan thlah tak tak em? mipat hmeichhiat hman khawloh kan sim em tih te hi chhut vang vang ila.

            Nge chulam aiin Biak In chhunga han tal vel chiam te, han rum deuh chhur chhur leh sihal leh ramsa dang anga kan khawsak kha kan duhtawk? kohhran hruaitute hmu ro em em \hinte kha kan tuihnang zui bik hliah hliah em? hmana lam nasa sa kha a Biak In hlat hlat kan chang zo leh ta em ni? kohhran hruaitute hmu khawro em em \hin te kha a khawro nasa sa kan ni ta em ni zawk? tuna a inkhawm taima ma te hi khang mite kha kan la ni zel em?

“A lang alawm” kan tih fo kha: Kan hlim luih luih laia “a lang” tih \hin kha kan ngaihtuah let thei em? rilru leh thinlunga thawk apiang thlarau ta em em emaw tih fo hi sim a hun ta hle. Heng âw hriat tih te, thinlunga thawk tihte hi mi huai kal hmasa te hian an tawng (experience) lo bik a ni hauh lo.

           

            Mi bak baka chet duh chang pawh a awm \hin. “Insumtheihna hi thlarau rah a ni” tih ni lo seng chuan he thuziaktu pawh hi a inbingbilailet nasa pawl tur a ni ang. Thinlunga thu awm apiang ‘Lalpa tih’ kan tih zel chuan inkhawm lai te hian kan haw fo vang. Inkhawm hlanin kan in an rawk ni tlata hriat chang te, kan electronic khawl a kang ni tlata hriat changte kan nei fo! tichuan “a lang” tih fo kha a fiah deuh em? hengah hian a hnua miten min nuih lohna tura kan fimkhur a \ha.

Kohhran hlutna hi hrechiang zel ila: Kum tam tak chhung inhlum tawh kohhran inkaihhruaina \ha em em kha tu te emaw thar hlutin kan han su ta bawih bawih \hin a niah! Kohhran inkaihhruaina hmu thiam lo lui; kohhran hruaitute âw pawh ngaichang hleithei lo va thlarau kawltu nia inngai te meuh pawh hian kan hriat hauh loh chu – he rama chanchin\ha a lo luh a\anga kum za tel teh meuh hi Pathianin inpuannan Kohhran hi a hmang a, “keini leh Thlarau Thianghlimin” tia rorel \hinte hi a la awmpui zel tih hi a ni.

           

            Zawlnei hna chu Kohhran hian a thawk reng a, a thawk zel ang. Zawlnei hna hi hrilhlawkna lam thil chauh ni lo vin rorelna dik kenkawh thu-ah te, sawrkar khalh ngil thuah te, ram leh khawtlanga Pathian duh dan dik taka tih a nih theihna tura beih te hi a huam vek a, he Kohhran hi kan hlut thiam loh chuan ram siam \ha thei dang kan nei chuang lo.

Harh dik kan mamawh: Kohhran hian intuaithar kan mamawh reng a, mu leh mal erawh nei sela. Mikhual chawmhlawm Kohhran nih reng hi kan dinhmun nen pawh a inhmeh lo.

Kohhran thiltih hian khawtlang nunphung a nghawng tel avangin fimkhur taka ngaihtuahna kan sen fo a \ul. Mak tak chu kohhrana rawngbawltu dangdai deuh han rawiha lawm ta viau hi hlui tam tak daih hi kan awm ve hrim hrim. Khawilai emawa programme dangdai deuh han tiha koh khawm theih hi pawl khat daih chu kan awm ta hrim hrim te hi a chhangchhiatthlak \hin ngawt nia.

            Kohhran pakhat ka hria. An hlim luih luih lo. An kohhran huam chhunga damlo te pawh Kohhran hian sum leh pai tam zawk sen a inhuam a, a ti zel! a tawi zawngin midang tanpui kawngah te, rethei te dawm chhuah kawngah te an tuihnâng. Missionary chawm kawngah te an ti\ha em em. An va hmu dik e tih tur ni maw? Khawi Kohhran a\angin nge Pathian thu thiam tak tak – theologian te, ram leh hnam tana chhenfakawm tak tak an lo chhuah \hin tih hi chhui ila. Harh \hin Kohhran a\angin a ni. Chutiang a nih ngai chuan harh \hin Kohhran te hian kan harhna chan hi a ziktluak em tih inenfiah fo a \ul tihna a ni. Harhna dik changtute a\ang hian mi \ha tam tak an chhuak ngei tur a ni.

Hlim a \ha, hma erawh sawn ila: Harhna te, hlimna te hi Kohhran hian kan mamawh reng a, mahse a nuam lai chauh uma hmasawnna zel tur lam thlir thiam lo kohhran nih erawh a hlauhawm. Kohhran hlim reng nih hi a nuam, nuamah a tawp chuan Kohhran chihchawm tak; Kohhran nawi tak a nih ve theih thung. Hmasawn Kohhran nih a \ul a, kan eibar zawnna te, kan nitin nunphung hrim hrim leh kan hawiher tihmasawntu atan heng hi hman theih vek a ni.

           

            Lam buai nuaih nuaih te, Biak In luh dawna pheikhawk phelh tih te, in-check tih te kha a hunlai awm bawk mahse; khang kha a tawpna tur a ni lo. Râu riau reng, nu/pa râwn tlak loh a awm theih. Hlim mup mup chauh hi Kohhran tih tur leh Kohhran nihna emaw ti kan awm tam lo hi kan vanneihna ni sela.

            Inthlang ram kan ni a, kum 2018-ah ram hruaitute kan thlang leh turah ngai ila. Kohhran hian ram leh hnam hmelma politician a mamawh lo tih hriain party nihna kan dah \hat ngam a hun ta hle a. Cheng 100 lek rûk chungchangah pawh khawtlangin kut na taka thlak kan hreh loh lai hian mi pamhamte leh eirûkna lama huaisen; chhun khaw ênga he ram rawktute hi dimdawih an tul bik dawn em ni? kan zaivaia kan tanrual chuan eirûkna hi kan titlem thei em em ang. Kohhrante hian nasa zawkin eirukna do zel ila; a zung chawpin a tawm tâwk tâwk mai ang. Kum 2018 inthlanpui thleng chu i harh chhunzawm zel ang u.

 

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zanin EPL inkhel turte:

Chelsea Vs West Brom (5:30)

@Star Sport Select HD1

Manchester United Vs Tottenham (7:45)

@Star Sport Select HD1

Southamton Vs Middlebrough (7:45)

@Star Sport Select HD2

Liverpool Vs West Ham United (10:00)

@Star Sport Select HD1

YMA HRIATTIRNA

1) Ni 8.12.2016 (Ningani) zan khan kum 2017 a YMA Saikhamakawn Branch hruaitu tur thlanna neih a ni a. Heng mi te hi Office Bearer atana thlan chhuah te an ni:

President: Pu Lalrochama

Vice President: Pu C.Lalzarliana

Secretary: Pu C.Laldawngliana

Asst. Secy: Pu MS Dawngliana

Treasurer: Pu K.Lalhuliana

Finance Secy: Pu C.Lalduhsanga

2) Kawn chei neih chhoh leh mek a ni a, vengchhung mipuite tun thla atana kawn cheina tur sum la pe  kim lo te khawngaih taka pe \heuh turin kan inngenin kan inhriattir a ni e.

3) Thlanmuala thing sat \hin kan awm a, a sat \hin tu pawh hriat in ni tawh a, tun hnua in sat leh a nih chuan a na thei ang bera action lak a ni ang.

Sd/-

(C.LALDAWNGLIANA)

Secretary

YMA Saikhamakawn Branch

VARANASI  MISSION PRAYER NETWORK, SAIKHAMAKAWN

A hmun: Pu Dawngkima te In

A hun: Ni 11.12.2016 (Vawiin Chawhnu Inkhawm ban)

Hruaitu: Pi Lalnunfimi

Thawhlawm lakkhawm a ni ang

TBZ UNIT SAIKHAMAKAWN NGENNA

            Ni 17.12. 2016 (Inrinni) zan hian Mission Field hrang hrang a Missionary leh Ringthar ten a Krismas leh Kumthar an lo hman ve na turin sum tuak nan Carol kan nei dawn a, vengchhung mipuite kan inhriattir lawk a ni e.

K|P ADVANCE CHRISTMAS PROGRAMME

Hruaitu: Tv.F.Laldingliana

|antu: Tv.R.Lalawmpuia s/o Laldanzira

Thuchahtawi:

Upa C.Lalmuankima, Kohhran Representative

Secretary Reports: Group tin Secretary leh Branch Secretary

Hla hruaitu turte:

Khuangpu: Tv. C.Laldawngliana

Hla hruaitu: Tv. Lalhmangaiha

Keyboardist: Tv. Vanlaltluanga

Special Items: Group tin a\angin Item pakhat \heuh.

Gift Exchange: `100/- aia tlawm lo.

Group inelna result puan: Secretary

Group ti\hate lawmman sem: Leader

NPSS CHRISTMAS CAROL SERVICE PROGRAMME

A hun: Ni 16.12.2016 (Zirtawpni) zan, dar 6:30pm

Hruaitu:  Upa Zonunmawia, Superintendent NPSS

|antu: Nl. V.Lalthanmawii

Hla hruaitu: Nl. Bridgette Zonunmawii leh Tv. Lalhmangaiha

 Khuangpu: Tv. Lalzirliana

Hla hriltu: Nl. Zohmingmawii

Keyboardist: Tv. Lalrinsanga, Senoir Deptt.

Zai ho: “Khawvela thil tinrengin” (KHB 83)

Group zai: Zirtirtute a\angin

Musical Drama: Beginner Department

Thuchahtawi: T. Upa C.Vanlalsanga, Leader, Sac. Deptt.

Zaipawl: Primary Department

Group Singing: Sacrament Deptt.

Worship Dance: Junior Deptt.

Solo: Pu Lalchhandama, Leader, Junior Deptt.

Short Play: Intermediate Department

Skit: Senior deptt.

Zai ho: “Mal min sawm turin” (KHB 89)    

TUALCHHÛNG

,Pi J.Lallawmkimi w/o Lalthankima (V.Sec) chu damlohna avangin Falkawn Hospital ah enkawl mek a ni.

,Upa Zairemthanga f/o Tv.Lalfakzuala (V.Sec) te chuan chhungkaw mamawha hman tan Bike KTM (RC) thar an lei.

,Pu C.Lalengzama h/o C.Lalropari (V.Sec) te chuan chhungkaw mamawha hman tan Scorpio an lei thar.

,Pi Vanlalhruaii w/o Zothansanga (L) te chuan chhungkaw mamawha hman atan Wagon R Stingray an lei thar.

TIAM TLAT E

            Lalfakzuala s/o Upa Zairemthanga leh Priscilla Zodinpuii d/o Zirsangliana te chuan ni 16.12.2016 (Zirtawpni) Dar 12:00 hian Kohhran dan thianghlimin Saikhamakawn Kohhran Biak In ah a nuam ah pawh hrehawm ah pawh “Tiam tlat e” an ti dawn. Fanau maltluan chawia nupa inlungrual taka damchhunga lengdun turin Mipui Aw Editorial Board te chuan duhsakna kan hlan e.

ADMISSION OPEN

            Candid English Schoo, Saikhamakawn chuan kum 2017-2018 Session atan KG-I - Cl-IX Admission a hawng leh ta. Zirtirtu Experiance tak tak ten, hmangaihna tak tak nena naupang an enkawlna school-ah hian i tu leh fate rawn admit ve rawh le. Zirna lama hatsatna neite leh hnufual bik naupangte Special taka enkawlna \hin an ni.

Admission Fees:

i) KG - Cl-IV: `1300/- (With April Fees)

ii) Cl-V - Cl-VIII: `1500/- (With April Fees)

iii) Cl-IX: `1700/- (With April Fees)

Monthly Fees: KG-I - Cl-VIII :- `600/-

Cl-IX:- `700/-

            Cl-IX new comer turte chu Dt. 17thFebruary Dar 10:00am ah test neih tur a ni.

Sd/- (LALHNEMZOVI)

Principal

CANDID ENGLISH SCHOOL

Conatct: 8014413490/8415866502

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350