KTP SKK: February 2016

Sunday, 28 February 2016

Mipui Aw 28.2.2016

MIPUI AW

KARTIN CHHUAK

Vol. XXII Issue No. 9 Kristian Thalai Pawl Saikhamakawn Branch Pathianni Dt.28.2.2016

KOHHRAN PROGRAMME:

28.2.2016 (Pathianni)

Chawhma Inkhawm

|antu : Pi Vanlalhruaii

Zirlai 8-na : “Pathian Thlarau

leh Lalte”

Chawhnu Inkhawm

Thuhriltu: Upa Lalrindika

Zân inkhawm

Thuhriltu: T. Upa C.Vanlalsanga

K|P INKHAWM PROGRAMME

29.2.2016 (Thawh\anni Z^n)

Kumpuan Thupui Zir

Hruaitu : Nl. Lalrinchhani

|antu : Tv. David Vanlalruata

Thupui : “Chin lai khawvela danglam ngam”

Thupui hawngtu : Nl. Lalngaihawmi Ralte

Thilpek lakh- : Nl.Lalduhkimi Ralte

awmtute leh Nl. Lalhmingthangi

Zai hruaitute : Nl. C. Zosangliani

(16-30 Feb.) leh Tv. C. Lallawmawma

Key Boardist : Pu Lalchhandama

KOHHRAN HMEICHHE PROGRAMME (1.3.2016)

Ramthim Zin

A hmun : Sunday School Hall

Hruaitu : Pi Lalchhanhimi

|antu : Pi C.Lalparmawii

PAVALAI PROGRAMME

( 3.3.2016)

Hruaitu : Pu Zakhuma (March Thla)

|antu : Pu Lalthanhranga Ralte

Thuhriltu : Pu Lalthanliana Ngente

Thawhlawm : Pu Lianchia

khawntu (March thlachhung)

Khungpu : Pu H Remtluanga

(March Thlachhung)

SERMON

THALARAU THIANGHLIM LEH A HNATHAWH

- Fakawma Nu

Tin, thilpek hrang hrang a awm a, Thlarau erawh chu hmunkhat a ni. Rawngbawl dan hrang hrang pawh a awm a, nimahsela Lalpa chu hmunkhat a ni. Hnathawh dan hrang hrang pawh a awm a, Pathian erawh chu hmunkhat a ni – mi zawng zawnga engkim thawktu chu.(I Kor.12:4-6)

HALLELUIAH AMEN HNEHNA CHU LALPA TA A NI. Mahni insitna ngah luattuk chu thlarau thianghlim kan ti ral \i zo vek a a pawi thei hle a ni. Pentikos Ni aVantirhkoh hnena Thlarau Thianghlim a lo thlen \um kha chuan a hma aiin an huaisen zawk a, chanchin\ha an tlangaupui nghal a nih kha, khatiang ang huaisenna kha neih ve a chakawm hle mai.

Thlarau Thianghlim hi a ral\i in ti vui leh tih lungngaih theih a ni a, ringtute hi Thlarau Thianghlim duh danin kan nung ang em? tih inenfiah a \ha hle a ni. Thil dik niawm taka lang mahse a tawp chu thihna a awm fo \hin a, chuvangin kan kawng te hi kan chh<t ngun a kan bih chian a \ul tawh hle a ni.

Hmangaihna te pawh hi thlarau hnathawh pui ber a ni a, engtiangin nge kan lan chhuah tir \hin le? Amah kan Lalpa chuan keini a hmangaih fate tan hrehawm pawh pawisa lo in a Pathiannate, a thiltihtheihna leh Lal a nihna dah\ha in tlawm theihtawpin a thilsiamah a rawn chang a, keini ve hi ka tlawm kan tih ve hian kan Pathian ang hian kan tlawm tak tak em le? Keini mi bawlhlawh thianghlimna pakhat mah nei lo te hi, engvanginnge mi thianghlim famkim sawiselna nei lo Isua Krista hian thih \hak pawh huamin min rawn tlan mai le aw?? Ngun taka kan ngaihtuah pawh hian mihring finna hian a ngaihtuah chhuak zo lo hle a ni. Thglarau Thianghlim chu thli ang mai hi a ni a khawiah nge a kal dawn a hriat ve theih loh a, taksa emaw ruangam, pianhmang anei ve lo.

Hla siamtu chuam ti hian a lo siam a”Rilru a inngaitlawmte hnenah Krista a rawn inlar ta, Immanuela chu kan hnenah a lo cheng ta” tiin a lo siam a, mi chapote hi a hua a, thlarau thilpek chan pawh an tan dawn a har bik a ni.

Hmanlai Israel miet hnenah khan Lalpa’n zawlnei a siamsak a, an zawwlneite hnenah thlarau aw a hriattir a, a be \hi a Israel ho awm dan tur te, an laka a lungawi loh thu te a zawlneite hmangin a hrilh \hin a ni.

Keini hunah hi chuan a thu Bible thu te enmil a ngai \hin a, tun \umah pawh hian Lalpa tana mi inpe tak tak te an tam a, an ngaihtuahnaah te leh aw ri ngei te pawhin a be \hin a, Bible thu kalh zawngin a be ngai lo a ni.

Taksa chetna hi tunlaia kan thlarau thilpek dawn te zinga thilpek hlu tak mai a ni a, mi tlawm te te ama tana inpe te an rilru leh taksa pe phal te hnenah a dawn tir \hin a, mi nazawng leh a chak nazawngin kan neihtheih loh thil a ni a, kan taksa hi Isua thisen thianghlim a lei a ni a, keimahni ta ni lo in amah Isua Krista ta kan ni tawh avangin taksa chetna arawn chhuah tawh chuan keimahni thuin kan awm thei lo \hin a, a neitu dik takin a ta kan nihna a lanchhuah tir \hin a, amah fak leh chawimawina tur atan chuan dan in min hual vel a, a duh leh mawi deuh leh hahdam deuh te in min awmtir a, a duh leh hah lutukin thawk pawh thaw hleitheilo, thlan te pawh tla bawrh bawrh khawpin min awmtir a, a changin lungchhe lutuk tein min siam a, a thiltih apiang hi a ropui em em vek a ni.

Thlarau thilpek dawng reng si a ti tha duhlo te pawh a awm theih a, chutiang mi chuan amah siamtu leh nunna petu Pathian a zah lo a, a thu a awih duhlo a a mawh chu amah ngeiin a phur dawn a ni.

Mi Thlarau chandan danglam deuh avanga va awihsak duhloh tawp te pawh hi thil awmthei tak a ni a, hengte hi kan hriatdan leh duhdan a nih loh avanga awihduh loh ringawt hi sual hnathawh a ni a, Bible thu te nen a en mil zel hi a \ha hle a ni.

Khawvel huanah hi chuan buh lem leh buh takte lo \o za turin Lalpa huan neituin a sawi tawh kha amah ngeiin a la thliar hrang dawn a ni. Pathian thu hi chuan thil a tih theih em avangin mihringte hian kan do zolo reng reng a, kan thurin ber Bible pawhin engtinnge a tih kha, Heb. 4:12 ah chuan “Pathian thu hi a nunga thil a ti thei a, khandaih hriam tawn eng ang ai pawhin a hriam a, nunna leh thlarau ruhtuah leh thling phel hrang khawp hialin a chhun thei a, thinlunga ngaihtuah leh tum te hi a hre nghal thei a ni” tiin a lo ziak a. Thu hi thlarau tel loin a nung thei lo a, thlarau pawh thu telloin a awm thei lo bawk a ni.

Pa leh Fapa leh Thlarau Thianghlim a inkawwp tlat ang hian he khawvela kan awmchhung hian kan rilru leh taksa leh thlarau te hi a inkhawp ve tlat a ni. Pathian thu awih te pawh hi rilru in duh ve ringawt mah ila kan taksa kan pek phalloh tlat si chuan Pathian thlarauin keimahniah hna a thawk thei lo a, chuvangin thlaraua awm kan duh chuan kan taksa kan rilru te pe phal ila Isua Kristan kan tana a inpe phal ang khan keini pawh ama tana inpe in kan damchhung khawsak ngaihtuahna ringawta in hmang lo in Thlarau Thianghlimin keimahni ah hna a thawh theih nan kan damchhung ni te i hmang \heuh ang u. Lalpan a thu malsawm rawh se.

CONFERENCE HLA BU LEI TUR AWM

Conference Hlabu la nei lo chuan Pu C Lalmuanpuia (T .Sec) leh Tv Pc Vanlalhriatpuia te hnenah `40 in lei tur a awm e.

Copy a tam tawh loh avangin a lei turte chuan a rang lama lei thuai nise a \ha ang.

EDITORIAL BOARD

Editor : f

Pu R.Lalmuanpuia 9612159842

Jt.Editor:

Tv. F.Laldingliana 9862378567

News Editors :

Pu Tommy Zirnuntluanga 9862913684

Tv. Laldinpuia 9862813325

Tv. Pc.Vanlalhriatpuia 9862732381

Tv. Lalnunzira 9862664253

Tv. Lalzirliana 9862381918

Circulation Manager:

Tv.Lalrinawma Sailo 8974945579

Nl. C.Zosangliani 8731005507

Editorial.........?

AIA UPA TE

“Aia upa te zah thiamin an thute awihin zawm fo rawh” tiin hla hmangin kan mi hmasa ten an lo chham chhuak a, a thu a ropui na piah lamah a tak ngeiin Mizo khawtlang nunah kan hmang \hin hi a va hlu em!!!

Tunlai \hangtharte hian ai upate zahna kan tlachham an ti fo \hin, hei hi a dikna chen pawh a awm thei e, nimahsela a nawlpui ang chuan kan la tlachham lovin a hriat loh maw? a tih theih. |hangthar fing leh vengva tak tak te an lo chhuak a, engkimah hmangchang leh kalhmang pawh tun hma ai chuan kan hre chho zel. Kan khawtlang nun ho naah hian \hang lo thar zel te hian aia upa te zahthiamna leh an thu awih thiamna hi kan chhawmnun chho zel hi thil finthlak leh tih makmawh a ni tih hi kan theihnghilh ta tihna niloin hriat thar zel a \ul hle awm e.

Finna leh thiamna \hang zel hian rual u te a tlansan mek a, \hangthar zawk ten thil hre tamin fing zawk pawh ni ila keini aia upa te thuzawm leh awih thiam a \ul a, tin, rual u zawkte pawhin nau zawkte dawm thiam chung leh duat taka enkawlin naupang zawkte thu pawh nise a dik leh \ha a nih chuan kan tihdan \hin a ni lo ti bur lova ke kan pen pui thiam pawh rual u zawk ten kan zir a ngai ve zel ni te pawhin a lang ta.

ARTICLE

JUDA II

A hma khan Judate lehkhathiamna lam a an chungnun zia kan ti lang tawh a, hmun awl a tlem vangin science lama mi ropui tak tak Nobel Prize dawng kher lo te pawh an awm nual a chung ho te chu kan ti lang ta lem lo a nih kha. Tun tum chu Zai lam leh Film lam; celebrity kan tih te zingah hian Juda ho te hian eng dinhmun nge an luah tih tlem kan thlir ang

Film Industry:

1. Kirk Dauglas, leh a fapa Michael Douglas, Michael hi Catherine Zeta Jones pasal a ni.

2. Mel Brooks 3. Elizabeth Taylor- ani hi Juda mi reng a piang nilovin Juda saphun a ni. Cleopatra film a a changtunu ani a, hman ni lawk khan chatuan ram min pansan tawh a ni.

4. Dustin Hoffman 5. Woody Allen 6. Joan Collins, actress, author.

7. Barbra Streisand, Academy Award winning actress, singer.

8. Steven Spielberg, Film Director.9. Harrison Ford. 10. Richard Dreyfuss, Jaws a achangtu

11. Steven Seagal12. Ben Stiller13. Adam Sandler 14. Sean Penn

15. Sarah Jessica Parker, Sex and the City.16. David Duchovni, the X-Files a a changtupa

17. Matthew Broderick, 18. Rachel Weisz (The Mummy changtunu),

19. Alicia Silverstone

20. Winona Ryder, 21. River Phoenix, 22. Debra Winger, 23. Gwyneth Paltrow, 24. Kate Hudson, 25. Jennifer Connelly, 26. Daniel Radcliffe, Harry Potter, 27. Natalie Portman, 28. Scarlett Johansson, 29, Ben Foster, (X-Men film a angel kha), 30. Jeff Goldblum, Jurrasic Park.

Juda film star kan tarlan te hi helai a kan hriat lar awm deuh deuh te chauh an ni a, a \henah khian an film channa emaw an nihna emaw kan tilang ani.

Music Industry:

1. Bob Dylan, hi zofate zingah pawh hrelo kan awm awm lo e. A hming dik tak chu Robert Allen Zimmerman a ni a, a Juda hming chu Habtai Zisel ben Avraham a ni. Juda mi nimahse Isua ringtu ( Born again Christian) a ni. A fapa Jakob Dylan pawh hi zaithiam tho a ni a, The Wallflower a an singer a ni.

2. Mark Knopfler, Dire Straits a an singer.

3. Paul Stanley, Rock group lar tak a then chuan an Satanic an ti a, Kiss group a an singer a ni.

4. Gene Simmons, Kiss a an singer leh bassist a ni. Haifa, Israel ah Chaim Witz tih hming pu in 1949 ah a piang a, US ah an pem a, ahming pawh Gene Simmons tiin a thlak a ni.

5. David Lee Roth, US rock group lar Van Helen a an singer a ni.

6. Paul Simon, Simon and Garfunkel a mi, ‘Sound of silence’, ‘Mrs Simpson’ leh ‘Bridge over troubled water’ tih hla phuah tu leh satu.

7. Art Garfunkel, Simon and Garfunkel a mi.

8. Paula Abdul, American Idol en thin chuan kan hre vek ang.

9. Bette Midler, a hla pui “Wind Beneath My Wings” hi 911 US beih a nih a, sunna hun ah a sak kha kan la hre awm e.

10. Neil Diamond, country singer lar.

11. Amy Winehouse, British zaithiam( lar kum 2011 a boral ta kha a ni).

An lo pui mep hle mai, an ni ho hi kan hriatlar deuh tur ni a rin kan tarlan an ni. Tin, fashion design lamah pawh Calvin Klein te Levi Strauss te hi an lar hle. Psychoanalyst lar ber pawl Sigmund Freud te pawh hi Juda mi a ni a. Hriat ve mai mai ah, Communist thurin pawchhuaktu ni hiala sawi Karl Marx pawh hi Juda mi a ni. ‘Atom Bomb lalpa’ an tih mai J Robert Oppenheimer pawh kha Juda mi bawk a ni a. Atom Bomb aia a l>t sangthum chuanga thawkna Hydrogen Bomb siam chhuaktu pawh Juda pachal bawk Edward Teller a ni. Chubakah Magician lar tak Harry Houdini pawh hi Juda Rabbi fapa ani bawk a. Khawvela Street Magic Show lar tak ti \hin David Blaine pawh kha a nu Juda niin Juda thisen kai bawk a ni. Hnam mak tak zawng an lo ni e.

BENG TIVÂR

QUIZ

SUDOKU

Kar hmasa CROSSWORD chhânna:

Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, ti dik tam berin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat: 1

Lawmman dawngtu: Laltlanthanga(Ch.Sec)

GENERAL CONFERENCE A KAL TURA IN REPORT TE HRIATTIRNA

K|P General Conference Champhaia kal duh tur te chu naktuk 29.2.2016 (Thawh\an) zan inkhawm banah Sunday School Hall ah kim taka in hmuhkhawm tur a ni e. Kal dan tur leh thil \ul dang pawimawh sawi tur a tam avangin in report kal tum zawng zawngte chu kim taka kal turin kan inhriattir nawn leh a ni e.

Sd/-(PC.VANLALHRIATPUIA)

Secretary

K|P Saikhamakawn Branch

SUNDAY SCHOOL ZIRTIRTU TRAINING

Nimin 27.2.2016(Inrinni) khan Presbyterian Puitling leh Naupang Sunday School zirtirtute Mizo Sunday School Union (MSSU) a\angin training an rawn neihpui a, zirtirtu pawh an kal \ha in an hlawkpui hle.

ROAD CUTTING CHUNGCHANGA MIPUITE HNENA HRIATTIRNA

Executive Engineer PWD, Aizawl Road South Division enkawl chhung a PWD kawngpui huamchhungah, road cutting chu March 31, 2016 hnulamah phalna (permit pekchhuah) a ni dawn tawh lo a. Hei hian fur ruah a hnaih tawh avangin kawng siam \hatah harsatna a siam \hin vang leh, kawngah huh/hnawng a lo awm tawh chuan kawng a tlo thei \hin lo in siam \hat a har tawh \hin vang a ni.

Hei hi kawng \ha zawk a awm theih nana ruahman a nih angin, mipuiten min lo hriatsak turin kan inhriattir a ni e.

Sd/-(DAVID SAPZOVA)

Executive Engineer, PWD

Aizawl Road South Division

ADMISSION NOTICE

Nu leh pate mamawhna avangin Govt. Saikhamakawn Middle School chu kum 2016-2017 Academic Session a\angin English Medium School ah leh a ni dawn ta. Sum senso hautak si lo a zirna \ha i duh chuan i fate rawn luh tir ve rawh le.

1. Admission Fee - Free

2. Monthly Fee- Free

3. Naupangin English speaking an thiam nan Spoken English Class neih a ni ang.

4. Naupangin an zirna mai bakah kut themthiamna zirtir an ni ang.

5. Zirlai chak lo deuh te a hranpa a enkawlna (remedial teaching) pek an ni ang.

6. Nitin Mid-day-meal an dawn avangin tiffin manah sum sen ve a ngai lo.

7. Zirlai bu a thlawna dawn tur a ni.

8. Naupang te chu an zirna pui turin hmun thlan bikah Exposure Tour neihpui an ni ang.

Admission hi Sir Lalzuiliana (V.Sec) leh Miss Zonunsangi (T.Sec) te hnenah form la chhuakin tih nghal theih a ni. Seat a tam loh avangin a kal hmasa apaing duhsak an ni ang.

Sd/-

Headmaster

Govt. Saikhamakawn MS

HRIATTIRNA

Aizawl City Local Council Association Executive Meeting thu rel angin hetiang hian lak \hin tawh tur a ni.

1. Inner Line Permit (ILP): ` 200

2. Licensing N.O.C: ` 50

3. Bldg N.O.C: ` 100-(Fresh) `50(Extension)

4. i) Residential :`10

ii) Tribal :` 10

iii) Income Certificate : `10

TUALCHHÛNG

, Pi. Thantluangi m/o Tv. C.Lallawmawma (V.Sec) te chuan chhungkaw mamawha hman atan Bike(R15) an lei thar.

HRIATTIRNA

1) Saikhamakawn Vengchhunga mikhual ch^m rei tur leh awmpui nei te chuan YMA hruaitute hnenah in report zel turin kan inngen in kan inhriattir nawn leh a ni e.

2) Thlanmual ramah thing s^t ru kan awm \hin a, tunah chinah chuan YMA ram chhungah thing s^t kan awm a hriat kan nih chuan a \ula anga action lak a ni ang.

3) Chapchar K<t, March 4, 2016 lo awm tur atan Lammual ah a lawmna pui buatsaih tur a ni a, kan veng a\angin item neih ve tur a ni a, YMA member a tam thei ang ber in \awiawm turin kan inngen in kan inhriattir a ni e.

Sd/-

(C.LALDAWNGLIANA)

Secretary

YMA Saikhamakawn Branch

ADMISSION OPEN

Solomon’s High School, Kulikawn, Aizawl-ah Class VII, IX leh X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian i fate rawn dah ve rawh le. Mathematics leh Science subjecta harsatna nei te leh Sports a tui te duhsak bik an ni ang. Hostel a awm nghal bawk e.

Last Four years result:

Year Pass Percentage

2015 80%

2014 85%

2013 84%

2012 74%

Contact: 8014442431

8974133843

9774406688

HC THAWNGA

Mipui Aw 21.2.2016

MIPUI AW

KARTIN CHHUAK

Vol. XXII Issue No. 8 Kristian Thalai Pawl Saikhamakawn Branch Pathianni Dt.21.2.2016

Vawiin changvawn

Atirin Thu a awm, Thu chu Pathian hnenah a awm, Thu chu Pathian a ni. Chu mi chu atirin Pathian hnenah a awm. Johana 1:1&2

KOHHRAN PROGRAMME:

21.2.2016 (Pathianni)

Chawhma Inkhawm

|antu : Pi Tlanglawmi (Bial 8-na)

Zirlai 7-na : “Pathian Thlarau leh Hriak thih”

Chawhnu Inkhawm

Thuhriltu: Upa Zonunmawia

Zân inkhawm

Thuhriltu: Pi Khawlvuani

K|P INKHAWM PROGRAMME

22.2.2016 (Thawh\anni Z^n)

Inkhawm Hla zir

Hruaitu : Tv. Laldinpuia

|antu : Nl. Pinky Lalparmawii

Thilpek lakh- : Nl. Nancy Zoremsangi

awmtute leh Nl.Lalrammawii (Vanruata)

Inkhawm hla zir: Music sub committee a\angin

VAWIIN TLAI K|P FELLOWSHIP

Hruaitu : Nl. F. Lalrintluangi

|antu : Tv. Saithangpuii

KOHHRAN HMEICHHE PROGRAMME

23.2.2016 (Thawhlehni Z^n)

Hruaitu : Pi R. Lalthansangi

|antu : Pi Lalrinengi

Thuhriltu : Pi Lallianpuii

KOHHRAN PAVALAI

PROGRAMME

25.2.2016(Ningani Zan)

Hruaitu: Pu Siamliana

|antu: Pu J.Lalramhluna

Thuhriltu: Pu V.L.Zidinga Sailo

SERMON

THLAN TUR DIK

Hebrai 11:24-26 Rinnain Mosia chuan, a lo puitlin hnu khan Pharoa fanua fapa vuah a duh lova; rei lote atan sual nawmna hlimpui ai chuan, Pathian mite nena tihduhdah tuar a thlang ta zawk a; Krista an hmuhsitna chu Aigupta ram rote ai chuan sum ropui zawkah a ruat a; lawmman pek tur chu a thlir thin avangin.

Hebrai bung 11 a Mosia chungchang rawn lang hi a mawi hle mai. Bible-ah hian hetianga mimal pakhat chungchang mawi taka sawi lanna hi a tam lo hle ang. Mosia chungchang hetiang tak mai a, mawi em em maia Hebrai ziaktuin a rawn dah chhuak hi ngaihtuah ngun chuan Mosia ropui zia a ti lang ching hle mai.

Mosia chan chin chu kan hre bel tlang hle mai a, a chanchin tam zawk kan hriat bel lai erawh hi chu Pathian mite hruaitu ropui a nihna lai hi kan hriat chian leh a ropui kan tihna lai a ni chawk a. Mahse Hebrai ziaktuin Mosia ropuina lai a rawn lakchhuahna lai erawh hi chu Israel fate a hruai hma hun, Pathianin a mite hruai chhuak tura a koh chhuah hma a ni tlat mai. Kan hriat theuh angin Mosia kha a hunlaia lal ropui bera chhal ngam khawpa ram ropuia lal Pharoa ina sei lian. Hetih hunlai hian Khawvelah Aigupta aia ram ropui leh sang zawk hi an awm lovang tih tur khawpa finna leh thiamna lamah sang ram hausa a ni a. Chuti khawpa ram ropuia lal ni mai thei tura buatsaih, a ramin a pek theih zawng zawng finna leh thiamna chitin reng zirtir, kawng engkima mi chunga leng leh miten a chung en larh tur khawp a ropui ni tur a duan chhuah khan, khang Aigupta ram rote leh ropuina zawng zawng ai khan Krista an hmuhsitna kha sum ropui zawkah zuk ruat tlat a.

Khang Aigupta ram huasakna zawng zawng chena nuam taka khawsak ai chuan Pathian mite nena tihduhdah tuiar a thlang ta zawk bawk a. Mosia duhthlan tur neih hi a inthlau rem rem hle mai. Mahse khang zawng zawng kha chu reilote atan mai a ni tih a hre chiang a; Hebrai ziaktuin a sawi ang hian lawmman pek tur chu Mosia hian a thlir tlat avangin kang Aigupta ropuina zawng zawng aiin a thlang ta a ni.

He khawvel ropuina leh sum leh pai hausaknate ai hian Mosia anga lawmman min pek tur lam hi kan thlir fuh thiam a pawimawh hle mai. He khawvel sum leh pai ropuina rei lote atana mai kan itna hian chatuan atana lawmman min pek tur lam hi min hlamchhiah tir ang tih hi a hlauhawm hle mai. Mosia chuan chu chu a hrechiang a thlan tur dik tak a thlang a, rei lote atana sual nawmna hlimpui ai chuan Pathian mite nena tihduhdah tuar a tlang ta zawk a. Aigupta ram ro zawng zawng leh a ropuina zawng zawng ai chuan Krista an hmuhsitna a dah ropui zawk tlat ang hian he khawvel ropuina leh sanna zawng zawng ai hian kan nunah Krista hi ropui zawk reng fo thei sela a duhawm hle mai.

EDITORIAL BOARD

Editor : f

Pu R.Lalmuanpuia 9612159842

Jt.Editor:

Tv. F.Laldingliana 9862378567

News Editors :

Pu Tommy Zirnuntluanga 9862913684

Tv. Laldinpuia 9862813325

Tv. Pc.Vanlalhriatpuia 9862732381

Tv. Lalnunzira 9862664253

Tv. Lalzirliana 9862381918

Circulation Manager:

Tv.Lalrinawma Sailo 8974945579

Nl. C.Zosangliani 8731005507

Editorial.........?

Khawvel finna leh thiamna \hang zel hian hmanraw changkang leh awlsam tak tak min chhawp sak reng a. Heng finna leh thiamna hmanga thil hmuhchhuah leh siamchhuah reng reng hian thil pakhat tum lianpui a neih chu mihring nun phungah awlsam zawka nun theihna hi a ni awm e. Informatian technology lama changkanna nasa tak maia lo zuang dawrh phei hi chuan kan nundan phung a khawih danglam nasa ta hle mai. Awlsam zawk leh nuam zawka kan nun theihna tur anih phawt chuan ka bawh huam huam lo thei si lova, chuvangin heng hmasawnna lo thleng mek zel hian kan duh emaw duh lo emaw mitin hi min nangching mek a, \henkhat phei chu min tlansan lek lek tan mek a ni. Heng hmasawnna lo thleng hi lo pawngpaw do ngawt chi a ni lova, engtinnge kan hman ang tih hi kan lo hmachhawn dan tur tha ber chu a ni. Heng lak a\ang hian inthiar fihlim thei a ni lova, tlanchhiat san ngawt theih lah a ni hek lo. Khawvel awm chhung chuan a awm reng ang a, thang chho zel tur anih avang hian lo hnualsuat a, malmak ngawt lovin eng tiang angin nge kan lo hmachhawn ang tia rilru fel tak a siam chunga lo hmachhawn hi a pawimawh ber leh kan tih makmawh a ni.

ARTICLE

FOOTBALL |AWNGKAM HRANG HRANG

Football hi kan ngaina hle a, tunlaiah phei chuan titi bera neih chang pawh a awm. Chutiang hunah chuan thumal \henkhat Mizo \awng sawi duah ngai si, a sap \awng a sawi a fiah nghal em em a awm bawk. Mizo \awng ang hial a kan hman, ngaihtuah lemlo tan chuan a awmzia hriat loh ve theih tak tun tumah hian han sawi dawn ila. A tam zawk erawh chuan kan hre sa vek tho awm e.

BIAS : Hei hi eng thilah pawh tan lam nei ran a thilti sawina a ni deuh ber. Kan tan lam emaw tan loh lam emaw tilang chunga thil ti. Entirnan; Commentator in Aizawl FC leh Luangmual FC inkhel chanchin sawi ta se, Aizawl FC \antu a lo nih chuan a tan lam tilang deuhin a lo comment a, chu chu a BIAS an ti. Chutiangin football kherlo ah pawh BIAS hi an hmang tho. A sawifiah dan awlsam ber chu Fair lo tak a \an lam emaw \an loh lam tih lan a ni deuh mai.

VERSATILE : Hei pawh hi a thumal awmzia ah chuan thil thiam ngah, thil pakhat aia tam a hman tlak sawina a ni. Tin, dinhmun emaw thil tawn a zir a inthlak danglam zung zung thei mi sawina a ni bawk. Football bikah chuan a awlsam zawngin sawi ta ila, Position hrang hrang a khel zung zung thei sawina a ni. Entirnan , Kevin Prince Boateng-te, Marouane Fellaini te chu defence, midfield ah te, Forward thlengin an hmang fo a, hetiang hi ‘Versatile player’ an ti.

CAPS : Caps hi chu football ah chuan a awmzia kan hre fur awm e. Ram tana inlan zat sawina mai a ni a, a hranpa a sap \awng thumal sawina mai a ni a. Lukhum hmathlawk nei (Cap) tihna a ni deuh mai a. United Kingdom ah chuan hun hmasa lamah chuan Football lama thuneitute’n ram tan a khel tawh te chu lukhum hmathlawk nei CAP an hlan thin a, hun a lo kal zel a, ram tana vawi engemawzat an khelh chuan CAPS an ti leh mai a. Entirna’n Spain tan a khel hnem ber Iker Casillas-a chuan Caps 165 a nei tiin an sawi mai \hin.

AGRESSIVE : Football ah chuan mi aggressive an awm a, khel rough kan tih ang chi ho kha a ni mai a. A thumal awmzia tak chu mi va cho hmasa leh mi va pawngn>k ang chi sawina a ni a. Tin, tharum leh physical taka mi va bei ang chi sawina a ni bawk. He thumal hi awlai tak a hrilhfiah a harsa angreng khawp mai a, amaherawhchu sawi tawh ang khian football bik ah chuan mi khel fimkhur lo, mi va chuh deuh bawrh bawrh chi sawi nan a hman a ni.

SIX YARD BOX : Goal area tiin an sawi thin bawk. Goal post a\anga yard 6 a hla a rin, yard 6 bawk a zau a ni a. (D-line aia te zawk, D-line te kan tih mai thin hi a ni). Kan hre fur awm e. Enge a \angkaina, a hmanna hi a tamlo khawp a, hemi chhung ah hi chuan ziakloh dan ang deuhin Goaley te hi va khawih, chuh leh attack thianglo ang deuha a ngaih a ni a. Tin, six yard box chhung a nih hi chuan goal-kick hi khawii lai a\ang pawhin a pet theih bawk. A hmanna pakhat leh chu lehlam pawl in indirect freekick an hmuh in he line hi a tehfung atan an hmang \hin a. D-line chhunga foul hi penalty pek ngei ngei loh chang a awm thin a. Chung hunah chuan hemi chhungah hian an pet ngailo. (hetiang freekick hi tunlaiah chuan hmuh tur a awm meuh tawhlo)

A lehpek ah chuan football a position chi hrang hrang, Forward ah pawh target man, Advanced Forward ,Poacher etc. an awm \hin a, chutiang ang chi hrang hrang chu sawiho kan tum dawn nia.

BENG TIVÂR

KHAWVELA CORRUPTION HLUARNA RAM TE:

Rank Ram Transparency Score

1. Somalia 8

1. North Korea 8

3. Sudan 11

4. Afghanistan 12

5. South Sudan 15

6. Iraq 16

7. Turkmenistan 17

8. Uzbekistan 18

8. Libya 18

8. Eritrea 18

KHAWVELA CORRUPTION TLEMNA RAM TE:

Rank Ram Transparency Score

1. Denmark 92

2. New Zealand 91

3. Finland 89

4. Sweden 87

5. Norway 86

5. Switzerland 86

7. Singapore 84

8. Netherlands 83

9. Luxembourg 82

10. Canada 81

KHAWVELA RALTHUAM LA LUT HNEM RAM TE:

Rank Ram Funds

1. Saudi Arabia $ 6.64 billion

2. India $ 5.57 billion

3. China $ 2.60 billion

4. United Arab Emirates $ 2.21 billion

5. Taiwan $ 2.16 billion

6. Australia $ 2.03 billion

7. South Korea $ 1.91 billion

8. Indonesia $ 1.87 billion

9. Turkey $ 1.54 billion

10. Pakistan $ 1.43 billion

KHAWVELA RALTHUAM HRALH CHHUAK HNEM RAM TE

Ram Share of global export

United States 31%

Russia 27%

China 5%

Germany 5%

France 5%

United Kingdom 4%

Spain 3%

Italy 3%

Ukraine 3%

Israel 2%

QUIZ

Phei Chhuk

1. Ngawt/Sak lo 1. Tham/Vuan

4. Entir 2. Kohhran 1 hming

6. Ta bil/Pual 3. Hun rei tawh tak

7. Rauh san tawh 4. Tlai lo 5. Hla lo

9. Aizawl veng 1 8. Tin natna

11. Nu leh pa 12. Tawp/Zo 10. Thep/Sak lo

13. Kohhran 1 12. Ning/Hne

17. In (Hla thu) 14. La haw lo

18. Bible a Chhang chi 1 15. Ha ngah tak

19. Uchang ni chiah lo 16. Hniak

Hming: ________________________________

Section: ________________________________

Quiz lut zawng zawng zat: 0

Lawmman dawngtu: Awm lo.

IN LUAH TUR DUH TAN

Govt. Saikhamakawn Middle School Office hnuai chu chhungkua(private) tan luah theih a siam a ni a. In luah tur mamawh chuan school hun chhungin (9:00 am-2:00 pm) ngaihven theih a ni e.

Sd/-Headmaster

Govt. Saikhamakawn Middle School

LAWMTHU SAWINA

Ramtharnghaka (Kum-36) chuan min boral san tâk chungchangah vengchhung mipuite kan chunga in \hatna zawng zawng ah kan lawm êm êm a. Vengchhung nu leh pa, nula tlangval, Kohhran leh YMA, mipui zawng zawng chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan r<l seng dawn lo che u a, Lalpa’n a lêt tam takin malsawmnain vûr lêt ang che u tih hi kan \awng\aina a ni e.

In khawngaihna dawngtu,

J.Lal\hakima te chhungkua

Saikhamakawn

HEALTH SUB-CENTRE A|ANGA HRIATTIRNA

1) Zeng hri venna: Ni 23.2.2016 (Thawhlehni) hian Zenghri venna (2nd round) pek a ni leh dawn a, Pi Zohmingthangi te Inah zing dar 7:00 am a\angin pek \an a ni ang. Naupang kum 5 achin hnuai lam zawng zawng ten ei leh vek tur a ni. Nu leh paten ngai pawimawha Zenghri venna ei rual chu ei tir leh ngei turin kan inngen leh a ni.

2) Health Care Scheme leh RSBY: Kum 2016 April-March 2017 chhung atan Health Care Scheme leh RSBY a inziah luh chu Ni 29.2.2016 a\angin Melthum Health Sub-Centre ah a tih leh theih dawn ta.

a) RSBY hi ` 30/- leh thylalak ngai kha a ni a,(BPL chhungnkua tan a ni) Thlala tute hi March thla laihawl vel hian an lo kal beisei a ni a, hemi hma hian lo inziah lih fel vek a ngaia, RSBY (BPL chhungkua) a inziak lut tur chuan ` 30/- leh Voter ID Card
(EPIC) (Mahni House No. hriat tur) kengin Ni 29.2.2016 a\anga Ni 10.3.2016 thleng in ziahluh theih a ni ang. BPL list hi Pi Zohmingthangi hnenah en theih a ni.

b) Mizoram Health Care Scheme: A man to a Health Care Scheme a inziak lut te tan Ni 29.2.2016 a\angin Ni 31.5.2016 thleng inziah luh theih a ni dawn a, kum danga tig angin ` 500/- ` 700/-leh ` 1000 te a inziah luh theih a ni ang. Health Care Scheme a inziak lut duhte tan hian Pawisa leh Voter ID Card(EPIC) kengin Melthum Health Sub-Centre ah inziah luh theih a ni ang.

Hrechiang duh tan Health Sub-Centre ah zawh fiaha lehkha (Leaflet) lam theih reng a ni e.

Sd/-

LR. NUNMAWII

Health Worker(M)

Melthum Health Sub Centre

LAWMTHU SAWINA

Ni 13.2.2016 (Inrinni) a Motor sil a Jeremia Group member hnatlang zawng zawng te leh Motor min sil tir tu zawng zawngte chungah lawmthu kan sawi a. Tin, Motor silna tura tui min hman tirtu Kohhran Committee chungah lawmthu kan sawi bawk e.

Sd/-(C. LALDAWNGLIANA)

Secretary

Jeremia Group, K|P

LAWMTHU SAWINA

Ni 13.2.2016 (Inrinni) zan Inkhawm ban a Pi Zorami te Stone dust thiara Mika Group member hnatlang zawng zawng te chungah lawmthu kan sawi a. Inhlawhna min petu Pi Zorami te chhungkaw chungah lawmthu kan sawi bawk e.

Sd/-(LALFAKZUALA)

Secretary

Mika Group, K|P

LAWMTHU SAWINA

Ni 17.2.2016 (Nilaini) zingkara Pu V.L Malsawma te rora thiara Isaia Group member hnatlang zawng zawng te chungah lawmthu kan sawi a. Inhlawhna min petu Pu V.L Malsawma (T.Sec) te chhungkaw chungah lawmthu kan sawi bawk e.

Sd/-(LALDINPUIA)

Secretary

Isaia Group, K|P

GENERAL CONFERENCE A KAL TUR IN REPORT HUN KHAR DAWN

K|P General Conference Champhaia kal duh turte chu vawiin ni ral hma hian Branch hruaitute hnenah in report tur a ni a. Kal tur in report kan \hathnem chuan a rang lama kalna tur ngaihtuah belh a ngaih dawn avangin huntiam chhung hian in report kim hram i tum ang u.

Tin, General Conference kal tura in report te hi ni 29.2.2016 (Thawh\an ni) zan inkhawm banah Sunday School Hall ah kim taka in hmuhkhawm tur a ni e.

TUALCHHÛNG

,Tv. C.Lallawmzuala s/o Ramliana (L) (V.Sec) chu damlohna avangin Synod Hospital, Durtlangah enkawl mêk a ni.

, Pi C. Lalhmunmawii w/o J. Zothanzuala (V.Sec) chu damlohna avanga Alpha Hospital a enkawl a nih hnuin dam takin a lo chhuak.

BO CHHAR

Kan dawr kawtah hmeichhe Sana chhar a ni a, a neitu dik tak chuan kan dawrah lam theih a ni e.

In \hian,

Alan J. Lalramhluna

Vanapa Section

LAWMTHU SAWINA

Moria Group ten sum tuak nan a Vengchhunga hmunphiah kan rawn zawrh min lei sak tute zawng zawng chungah lawmthu kan sawi a. Tin ni 16.2.2016 (Thawhlehni) zan a Cross kan phunna a min \awiawm a min puihbawmtu zawng zawng te chungah lawmthu kan sawi bawk e.

Sd/-(C.LALHRUAIA)

Secretary

Moria Group

HRIATTIRNA

Tun Chapchar K<t lo awm tur atan hian Chapchar Kût ami tur lam zir leh tur a ni a, YMA Member te a tam thei ang ber tel turin kan in sawm in kan in hriattir a ni e.

Thawh\an zan a\angin zan tin zir tawh tur a ni ang a. Kohhran Inkhawm loh zanah dar 6:30 pm ah \an \hin tur a ni ang a, Kohhran Inkhawm zanah erawh chuan Inkhawm banah zir \hin tur a ni ang.

Sd/-(C.LALDAWNGLIANA)

Secretary

YMA, Saikhamakawn Branch

Vawiin I-League inkhel turte:

East Bengal Vs Salgaocar (4:30)

DSK Shivajians Vs Sillong Lajong (7:05)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com & ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330