Mipui Aw 25.12.2016

MIPUI AW

KARTIN CHHUAK

Vol. XXII Issue No. 52 Kristian Thalai  Pawl  Saikhamakawn Branch  Pathianni Dt.25.12.2016

VAWIIN  CHANGVAWN

 Tin, hei hi in tan chhinchhiahna tur a ni; nausen puana tuam, ran chaw pekna  thlenga mu in hmu ang,” a ti a.Tin, thawklehkhatah vantirhkoh hnenah chuan vana miho mipui an lo awm ta chiam a, Pathian an fak a.“Chungnung berah Pathian ropui takin awm rawh se, Lei chunga a awm em em  mihringte hnenah rem thu leng rawh se,” an ti a.

(Luka 2: 12-14)

KOHHRAN PROGRAMME:

Ni 25.12.2016 (Pathianni)

Krismas Ni

Chawhma Inkhawm

Lal piang chibai bukna hlan

Hlantu                        : Upa Zairemthanga

            Kohhran Committee Chairman

Thupui                       : “A hmingah Isua-                                            Chhandamtu a ni”

Sawitu                        : Upa R. Lalngena

Chawhnu Inkhawm

Thupui                       : “Remruattu Maka-                                            Remna Lal”

Sawitu                        :  T. Upa C. Vanlalsanga

Zân Inkhawm

Thupui                       : “Chibai i buk ve ang u”

Sawitu                        : Upa Zonunmawia

Ni 26.12.2016 (Thawh\anni Zân)

(Ruai\heh Zân)

Thupui                       : “Nausen Isuaa \han dan                                 anga \hang tur kan ni”   

Sawitu                        : Pastor C. Sapkaia

Ni 27.12.2016 (Thawhlehni Zân)

Thuhriltu       : Pu Siamliana

Ni 28.12.2016 (Nilaini Zân)

Thuhriltu       : Pu Lalrintluanga

Ni 30.12.2016 (Zirtawpni Zân)

Puitling Sunday School kai \ha lawmman sem

Ni 31.12.2016 (Inrinni Zân)

Secretary Report & Chatuan ram pan ta te sûnna

SERMON

  KRISMAS  ISUA  NEN

                                                -Rev. Zonunsanga, Tuipuibari

Thawnthu pakhat an sawi fo hi kan hre \hinin a rinawm. Naupang piancham an lawm a, an hlim lutuk chuan zu leh sa nen an tlan a, an naupiang lawm ber pawh hre chang lovin an chil hlum ta hial tih hi. He thil hi thil tak tak ni pawhin an sawi nghe nghe a. A pawi hle. Isua piancham a lo thlen hian engtin nge kan hman tih hi inzawt nawn fo ila, a chunga naupang pianchamphaphak an lawm ang maia kan lawm hi a hlauhawm reng a ni.

Krismas tih hi enge a awmzia?: Sap \awng chuan ‘Christmas’ tih a ni a, ‘Christ’ tih chu ‘Krista’ tihna a ni a, ‘Mas’ tih awmze bul tak chu inkhawm ban dawna puithu taka in\intirna \awngkam a ni. Hun lo kal zelah chuti ang inkhawm sawina chu a ni ta a ni. Roman Catholic hian Kohhran siam\hatna hun hnulam kha chuan Lalpa Zanriah kil sawinan an hmang ta ber a, Krista ruai ti te pawhin an sawi ve bawk. Krista Mihringa a lo chan hriatrengna leh lawmna kût hming a ni a, Isua pian champhaphak lawmna hun tihna a nih ber chu.

Isuan min sawm e:  TV lamah nula pathum zai an tihchhuah \hin, hla lar pawl tak pakhatah chuan dar a lo ri mang mang a, “Theih chang ve se nang nena hman dun ka nuam a sin Krismas nang nen” tiin an rawn zai al al a nih kha. He hla hi Pathian hla chu a ni lo. A phuahtu hian hmangaih berte nena Krismas hman a châk thu a tarlanna a ni a. Krismas a ngaihlu hle a ni tih erawh a lang a. Keini hi Isuan a piancham, a birthday lawm turin min sawm a, thil danga inhmang ral lova amah nena hmang turin min sawm reng a ni.

Krismas danglam aw ni ang:  Tun hma chuan Isua nen ni lo thildang nen kan lo hmang \hin tawh pawh a ni mai thei a, kumin erawh Isua nen hman tum ila. Kum dang zawng aia danglama (Special) hman \heuh i tum teh ang. Kum dang zawng aiin Pathian nena lendun tamna hun Krismas-ah puang ila, kum dang zawng aiin Kohhran programme hrang hrangah tel tam tum ila a va \ha lehzual dawn em! Nikum aiin kumin Krismas chu ‘a danglam mang e’ an tih turin \an i la teh ang.          

Krismas midangte tan: Mi \henkhatten he hunpui laia thil tha lo an tih \hin hi keini chuan thil \ha tihnan hmang ila, rethei zawk tanpui nan te, ei tur nei lote eitur pek nan te, sum leh paia harsate \anpui kawngah midang tihhmuhtuah \an tum ila, Isua rilru a ni ang tih a rinawm em em a ni. Isua pianchamphaphak lawmna a nih avangin tupawhin hlim taka an hman theihna turin a nei zawkten a nei lo zawkte zawnchhuahna hun nise la, kan neih a tlem emaw a tam emaw lam ni lovin thinlung thianghlim tak kan lantirna hun duhawm nithei se a va \sha dawn em!

Nang nen ‘Remna’ hun: Isua a lo pian lai khan van mipuiten zaipawl ropui tak neiin, “..Lei chunga a lawm em em mihringte hnenah rem thu leng rawh se,” an ti a.  He hun hi lei leh van tana inremna hun a ni a. Hun lawmawm a ni a, inrem tawh lote inrem lehna hun a nihna ang tak hian kan inchhungkhurah, kan rawngbawlpuiteah, kan hmangaihte, kan \hiante nen pawh inremna hun atan hman tum ila. Tlawm takin ranchaw pekna thlenga a lo piang angin tlawmna nen he hun hi i hmang ang u.

Awmze neiin Krismas nang nen: He hunpui hian kan nunah awmze neiin thu sawi sela, midangte tan pawh awmzia neihtir ila. Lungngaia kun ngawih ngawih an va tam em! He khawvela an hmangaihte, ropuina rama kalta te avanga hnutiang mual liam hnu ngaia \apte nunah Isua a pian theih nan an sâl tânna a\anga chhuah zalen a \ul. Sual avang hliam tuar mekte tan zalênna dar kan vuak a, thim kulhpui kan tihchhiat a ngai e. Amah Isua nen ngeia kan hman theihna turin inbuatsaih ila, Krismas hlim takin Isua nen le.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                Kum 2016 Krimas Ni, Lal Isua Krista khawvel chhandam tura a lo kalna pianchamphaphâk Pathian kaihhruaina in kan lo thleng leh ta reng mai a, a hmasain he chanchinbu chhiartu zawng zawngte  Mipui Aw Editorial Board-te chuan Krismas chibai kan bûk a che u. Kum 2000 liam hnu ah pawh kan Lal piancham lawmin kumtin hun kan la hmang chho zel a ni a, kan hun hman leh kan inbuatsaih dânah erawh kan hmansak-a hi a lâwm a ngem? Tunlai khawvelah, khawvel changkânna hmangin sumdawnna lamah kan intlansiak nasa êm êm a, mahni inchhung lum a\angin kan bazar \hin tih hriain sumdawng lian ten \an an khawh ve bawk a, eng sakhua pawhin an hun pui an hman dawnin mipui te tan man man zawk a kan lei theih turin an bungruate min chhawp chhuah sak \hin bawk. Ringtute ten kan hunpui lo thleng tur puala kan bungraw hralh danah ringtute tih âwma mawi lo khawpin a man kan lo chhiar ve \hin bawk. Eng pawh ti ila midang nun dan teh lovin kan nun dan hi Lal Isua nun nen a in mawi em? tih inzawt fo ila. Krismas alo thlente hian kan sualte min chandam tura a lo pianna champhaphâk a ni tih hriain, kan hmakhua ngâi chungin, he khawvel thila inbuatsaih mai duhtawk lovin kan thlarau nun siam thar nan hmang ila. Inthiamlohna emaw tih sual kan lo nei a nih pawhin he hun den chhen hian Lal Isua hnen kan thlen theihna turin nun thara nun theih nan hun i hmang ang u.

ARTICLE

Mizorama Krismas hmasa ber

            Mizorama kût kan neihte zînga kan hlut ber chu Krismas hi a ni. Kan hman \an hun leh kan hman dân a bul tê a\angin lo chhui ila. Ka hriat dân ka sawi mai dâwn a ni a, hriat dân dang nei chuan han ziak ve sela a lâwmawm ngawt ang.

            Tipaimuka hman 1872: Tipaimuk hi Tuivai chhuah tihna a ni a, vaiin Tuivai tih hi an lam thiam lova Tipai tiin an lam a, muk hi chu vai \awng a ni a, lui infinna lai hi a ni. A hmâr lam kam chu Mizoram a ni lo va, chhim lam kam erawhchu Mizoram a ni.

            Kum 1872-a Vai lian, Mizovin Bawrhsâp lian kan tih mai \hinah khân an hotu chu Eger a ni a. November thlaah Silchar an chhuahsan a, Tipaimuk-ah hian awmhmun an khuar a. Damdawi in an sa a, kudam te pawh an siam a. December 24 – 25 ah chuan Krismas an serh a, chawhlui pawh an kîlho bawk a. Krismas nia an inkhâwm laiin Vânbâwng lam mi Lalhleia hovin an rawn kâp a. Inkahnaah hian pali an hliam a ni. An duh angin Krismas nî pawh an hmang \ha thei lo niin a lang. Tuiruang lui hmâr lamah camp hi an siam a nih chuan Mizorama Krismas hmang an ni thei lo vang. Chhim lam kama siam an nih erawh chuan Mizorama Krismas hmang an ni thei ang. Hmar lam kama siam an nih a rinawm zâwk. Hetih lai hian Mizote hi an la awp lova an tân chhim lam kam chu hmun râl\i a la ni rih a ni. Heta Krismas hmangte hi hnam dang an ni a, English-ho hman dânin an hmang a ni. Heta Krismas an hmang hi Mizorama Krismas hmangah chhiar theih a ni meuh lo.

            Vanlula khua (Bêlkhaia) a hman 1872:  Kum 1872-a Vailian kha \huang hnihin Mizoramah an lo lût a. Chhim lam a\anga lo lût te tum ber chu Bengkhuaia ten Sâp naupang, Mary Winchester an man kha lâk lêt leh a ni. Tlabungah an lo chho a, an kal zêl a, December 14 (1872) ah Vanlula khuaah hian an inkâp a. T.H. Lewin-a sawi dânin chuan Mizo tlânchhe tûr chuan Vanlula khua chuan an hâl a ni a ti a. Pu Thansiama  Ex-MDC chuan Vanlula khua kan tih hi Bêlkhai khua a ni a ti. A ni hi hetiang lam ngun taka chhui \hîn a ni a, a thu hriat hi a dikin a rinawm. Khuaa in chu a kâng zo deuh vek a, chutah chuan an theih anga \hain camp an siam ta a. Chutah chuan Krismas an hmang ta a. General Brownlow-a chuan officer zawng zawng chu chaweiah a sâwm a. T.H. Lewin-a chuan an Assistant Quarter Master ei tûr a siam tuizia a sawi uar hla a ni. English miten Krismas an hman \hin dân angin hetah pawh hian Krismas an hmang a ni. Hei hi chiang taka kan hriat, Mizorama Krismas hmanna hmasa ber a ni. Heta Krismas hmangte hi hnam dang an ni. An zîngah hian Thangluah lal Rothangpuia te an kal ve zêl a, Krismas hmanaah hian an tel leh tel loh erawh chu kan hre chiang thei lo.

            Pûkpui khuaa hman 1901: Mizovin Krismas kan hman hmasak berna chu Pûkpui khuaah kum 1901 ah khân a ni a, Zosâpthara huaihawt a ni. Pûkpui khua hi Lunglei a\anga hmâr lam mêl thum vêla hlaa awm a ni a. He khuaah hian kum 1899 December 18 a\angin Kristian an awm \an a, kum 1900 Janaury thlaah midangin an rawn belh a. Kum 1901 ah hi chuan in 8 lai an ni tawh a. Kristiante chu a lu nungin 47 lai an tling tawh.

            Zosâpthara chu kum 1901 October ni 23 ah Aizâwl a\angin a chhuak a, Lunglei leh a chheh vêl khaw 40 vêlah a zin kual a. Pûkpui khua a mi Pu Thankûnga (a hnuah Pastor a ni) te, Chhunrûma te leh Kawhtea ten an zui a. Hmun hrang hranga Kristiante chu Pûkpuiah kal khâwm tûrin an hrilh a. Hemi \um hian rei tak an thang a ni. Rev. J.M Llyod-a chuan hetiangin a ziak, “Rowland-a chu … October ni 23, 1901 ah thla thum thang tûrin a chhuak a … Pûkpui khuaah a châm rei ber a, Krismas a hmang a.             Hmun hla taka Kristiante nên insuihkhâwmin Kristiante kût an lâwm a, Kristiante kût an lawmna hmasa ber a ni ang” tiin (History of the Church in Mizoram, by J.M Lloyd, phek 73). Pastor Thankûnga (Buchhâwna pa) sawi, Rev. Challiana (Murray) lo ziak chhâwn dân chuan, “Kum 1901-ah Pûkpui lal Dâra kawt kâwnah Krismas kan hmang a, \hut nân dâp kan phah a, Pu Rochawnghluta sial kan talh a, chutih lai chuan Kristian kan la tlêm khawp mai a, inchhûng khat chu kan tling” tih a ni. Heta Krismas hmang kan hriatte chu – Chhîpphîr khaw bul, Zote lal ina awm, Challianbûki, Hlunzîki leh Pâwngi, Lungmawi khua ami Lalchhîngi, Rûmi leh Thangi te, Zosâpthara thuihruai te, Pûkpui khuaa Kristian awmsa 47 te, an vaiin 57 an ni. Ring lo mite pawh ruai\hehnaah hian an tel a rinawm.

            Hemi \um hian an inkhâwm pui nghâl a. Zosâpthara kha hla leh zai ngaina tak a ni a. Hla a zirtîr a, “Lal Isua hming i fak ang u” tih te, “Vâna arsite angin a lallukhum timawiin” tih te hi a zirtîr a. Chuvângin chutih lai vêla nau piang hmingah chuan Khumtîra tih te, Arsitei tih te hi an sa nghe nghe a ni.

            Kum 1901 hi Mizo ten Krismas kan hman hmasak ber niin a lang. Aizâwla Krismas hman hmasakna 1903/1905 Aziawla Krismas hman hmasak berna hun hi hriat dân a phir tlat mai a.  “Lusei leh a vêla hnam dangte chanchin” phêk 287 –  289 ah Lunglei leh a chheh vêla ringtu awmte chu Aizâwla Krismas hmang ve tûra hruai tûrin 1903 ah Lianphunga nêna an kal thu a ziak a. An hman tak tak dân erawhchu a ziak lo.

            Rev. Lalnghinglova lehkhabu ziak Zoram Nghahchhan ah chuan phêk 117-ah 1905 a hmang \anin a sawi. An hman dân pawh a ziak a. Zosâpthara te huaihawt a ni. Ruai\heh nân thangthlêng an kam a, an sava awhte chu an thawhkhâm a, vawk sûm nga an lei bawk a. Chhûnah chuan infiamna an nei a, tlaiah ruai an \heh a ni. Hemi tum hi Krismas an hman hmasakna ber niin a sawi bawk.

            Hetih hun lai hian Aizâwl lamah ringtu an la tam lo va, Rev. Liangkhaia ziak Mizo Chanchin, phêk 131-ah chuan kum 1899 ah mi pali in Baptisma an chang a, an zînga pahnih chu Khasi an ni. Kum 1900 ah chuan Baptisma chang an awm lo va, ring thar tlêm an awm, tiin a ziak a ni.

            Thil awm dân han thlîrin 1905 hma lamah hi chuan Missionary pawh pahnih emaw chauh an la ni rih a, Krismas an la hmang mumal lo a ni ang. Rev. Lalnghînglova sawi hi chiang taka Krismas an hman kan hriat chu a ni. Hemi hma hi chuan Aizâwla Sâp awmte hian Krismas niin thingpui an inho a ni. Mahse chu pawh chu kan hre chiang lo.

            Ka han târlan duh chu Mizo in Krismas kan hman hian a tîr a\angin ruai kan \heh zêl tih a ni. Kum 1901 ah Pûkpui khuaa an hman khân sial an talh a, kum 1905 ah Aizâwla an hman pawhin ruai an \heh a, ruai \heh nân thangthlêng an kam a, vawk sûm nga an talh bawk a ni.

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

LAWMTHU  SAWINA

            Ni 22/12/2016 (Ningani) zân khân K|P Saikhamakawn Branch in Openair Fellowship a buatsaih a.  Hemi a hlawhtlin theih nana tha leh zung sengtu zawng zawngte chungah lawmthu kan sawi a, he hun min hlutsak a hlim leh lawm taka min hmanpuitu vengchhung mipuite hnênah lawmthu kan sawi bawk e.

            Tin, chanvo hrang hrang nei tura kan mi sâwmte pawhin harsatna nei lovin min tihhlawhtlinsak avangin kan lawm êm êm bawk a ni e.

Sd/-

(PC.VANLALHRIATPUIA)

Secretary

K|P Saikhamakawn Branch

K|P  HRUAITU THLAN

            Vawiin chawhma inkhawm banah hian kum 2017 chhunga Kristian |halai Pawl hruaitu tur thlan tur a ni a, K|P member zawng zawngte kan inhriattir e. Inthlang tur ten Pen ken \heuh i tum ang u.

HRIATTIRNA

            Ruai\heh chungchanga Kohhran mipuite hriat tur:

1) Ruai hi chawhnu dar 2:30 pm-4:00 pm chhunga \heh tur a ni.

2) Kawngpui ân Beginner Deptt. leh Sacrament Deptt. hall hi kum upa lam  kum 60 chin chunglam counter tur a ni a, a bak zawng hi Kohhran mipuite tân a ni.

3) Ruai sachana fatu te pui turin Kohhran mipui a thei thei zingkarah sa chan chem nen chhuah khawm tur a ni e.

4) Senior Department zirlai zawng zawngte zanin inkhawm ban hian fatute kan puih dan tur inhrilhfiahna hun nei turin Biak Inah \huthnufual tur a ni e.

5) Ruai fatu tura ruat te zing dar 5:00am-ah chhuah khawm tur a ni e.

            Lal ruai kîl turin Kohhran mipui zawng zawng kan insawm nawn leh a, hlim leh lawm taka puar taka Lal Ruai kîl turin kan insawm nawn leh a ni e.

Sd/- (R. LALMUANPUIA)

Fatu Leader

NPSS HRIATTIRNA

            Vawiin Chawhma inkhawm ah hian Naupang Sunday School (Primary - Senior Deptt.) te Krismas hla rem tur a ni a, \hutna rem angaih dawn avangin naupangte kal hma tur a ni a, nu leh pate’n kan fate lo hrilh hre turin kan inhriattir a ni e.

K|P  HRIATTIRNA

            Krismas leh Kumthar vuakveta Kohhran zaikhawm thingpui hi KTP lamin lumsak tur a ni a. Lum dan tur leh thingpui lum tu turte hming list Sunday School Hall bangah tar chhuah a ni tawh a, mahni in en mai tur a ni e.

HRIATTIRNA

            LPS SMNET customer te, Set top box lei si, Smart Card la vuah lo kan awm chuan a hnuaia Phone No.  ah hian arang lamin in-report tur a ni e.

Sd/-(Lalrimawia Kawlni)

LPS-SMNET Operator

Mb: 9436141490/9862817046

LAWMTHU SAWINA

            Kan fapa/ kan pa Lalbiakmawia’n  ni 18.12.2016 a min boralsan chungchangah khawtlang mipuite min buaipuina leh min \awiâwmna zawng zawngah khan lawmthu kan sawi a. A nat tirh a\anga min buaipuitu leh damdawiina a boral ni a, vengchhung a\anga Vanbawng lama min rawn bâwihsâwmtu; mahni hun leh tha senga rawn kala min lo hmuaktute chungah kan lawm êm êm a, in lama a \ul ang ang leh tih tur awm apiangte kan tih ve ngai miah lova min lotihsaka min \anpuina zawng zawngah khan lawmthu kan sawi tak meuh meuh a ni. Vengchhung mipuite kan chungah in\hatna zawng zawngte hi keini chhungkua hi chuan kan rûl sêng dawn lo che u a, Lalpa’n a let tam takin malsawmna in rûl che u rawh se tih hi kan \awng\aina a ni e.

In khawngaihna dawngtu

Pu Lalsailova leh

Pi Lalnunfimi te chhungkua

Taitesena Section

LAWMTHU SAWINA

            Keini Moria Group ten ni 19-23.12.2016 (Mon-Fri) chhunga Camping hun siam a, Kohhran Committee ten phal taka Sunday School  Hall leh Choka bungrua min hman tir avangin Kohhran Committee-te chungah lawmthu kan sawi a. Tin, Kohhran mipuite min \awng\aisakna zawng zawngah lawmthu kan sawi bawk a. Ei leh in min petu leh min tumsaka  min puitu zawng zawngte chungah lawmthu kan sawi tak meuh meuh a ni.

Sd/- (C.LALHRUAIA)

Secretary, Moria Group

TUALCHHÛNG

,       Lalruatdika s/o C. Lalnunsanga (V.Sec) chu damlohna avangin Synod Hospital, Durtlangah Enkawl mek a ni.

,                Pi Rinzami w/o Pu Lalthlamuana (Vala)  (T.Sec) chu Falkawn Hospital ah zai a enkawl mek a ni.

,                Pu Zosanglura (Zotea) h/o Enet-i chuan MPSC Departmental Exam-ah UDC a inziak tling.

CHATUAN RAMAH

            Pu Lalbiakmawia (40) chuan ni 18.12.2016 (Pathianni) khan chatuan ram min lo pan san ta a. A kalsan tak a nupui fanau, nu leh pa, uanau leh chhung leh khatte Mipui Aw Editorial Board-te chuan kan tawrhpui a, engkimtithei Pathian chuan thlamuanin, vengin awmpui zel se tih hi kan \awng\aina a ni e.

NGENNA

            Saikhamakawn Thlanmualah hian mi \henkhatin, an chhûngte zalhna, tha leh sum sengin an hmangaih mualliamtate thlân an chei a, heng an cheina pangpar, hmanrua leh thil dangte lo khawih sak leh lo tihdanglam sak tawh lo turin kan inngên a, abik takin naupangte, nu leh pa te hian hetiang lama kut hlei lo turin i hrilh hre hrâm hrâm ang u tiin kan inngên a ni e.

Sd/- (R.BIAKTHANSANGA)

Secretary

Local Council, Saikhamakawn

LAWMTHU SAWINA

            TBZ Mission Field hrang hranga Missionary leh ringthar ho Christmas kumthar hmanna tur sumtuak nana TBZ Unit Saikhamakawn tena, Christmas Carol kan neih a min \anpuitu vengchhung mite hnenah Pathian hmingin lawmthu kan sawi e.

Sd/- Secretary

TBZ Unit Saikhamakawn

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 18.12.2016

MIPUI AW

KARTIN CHHUAK

Vol. XXII Issue No. 51 Kristian Thalai  Pawl  Saikhamakawn Branch  Pathianni Dt.18.12.2016

KOHHRAN PROGRAMME:

Ni 18.12.2016 (Pathianni)

Chawhma Inkhawm

|antu              : Pi J.H Pekmawii

Zirlai 44-na    : “Thlarau Thianghlim                                        leh Trinity Thurin”

Chawhnu Inkhawm

Thuhriltu       :  Upa Lalzama

Zan Inkhawm

Area Masihi Sangati Advance Christmas

K|P INKHAWM PROGRAMME

Ni 19.11.2016 (Thawh\anni Zân)

Sermon Inkhawm

Hruaitu           : Pu Lalduhkima

|antu              : Nl. Eden Lallawmzuali

Thuriltu          : Upa C.Lalmuankima

(Kohhran Represent)

Thilpek lakhawm-:  Nl. Lalrammawii leh

tu turte           Nl. Lalhmingmawii Hauhnar

Zai hruaitute  : Pu Tommy Zirnuntluanga

(15-30 Dec.)      leh Nl. Lalngaihawmi Ralte

Keyboardist   : Tv. Lalrinsanga

K|P FELLOWSHIP PROGRAMME

(Pathianni tlai)

Hruaitu           : Tv. C.Laldinpuia

|antu              : Tv. Lalramchuana

KOHHRAN HMEICHHE

 INKHAWM PROGRAMME

Ni 20.12.2016 (Thawhlehni Zân)

Hruaitu           : Pi R. Lalzuali

|antu              : Pi C. Lalnunmawii

Thuhriltu       : Pi Lalchhanhimi

KOHHRAN PAVALAI INKHAWM PROGRAMME

Ni 18.12.2016 (NingaZân)

Hruaitu           : Pu Lalrinpuia

|antu              : Pu Kamzawngliana

Thuhriltu       : Upa R.Lalngena

Khuangpu      : Pu T.Lalrinthanga leh

                          Pu H.Remtluanga

Thilpek lakhawmtu: Pu Sangmawia

SERMON

KOHHRAN LEH KRISMAS

- Lalfakawma Nu

 Tin, Marin,“Ka nun hian Lalpa a chawimawi e, Ka thlarau pawh mi chhandamtu Pathian chungah a lawm ta em em a.  (Luka 1:46-47)

            Lei leh van inrem tawh lo inrem tir tura Isua Krista Pathian fa mal neihchhun a lo piang hi keini ringtute hi kan vannei takzet a ni.

            Thlarau thianghliminin Elizabethi kha thitihtheihna in a pawl a ni tih a hriat a, khatia Mari’n an khua a va tlawh a an han inchibai chiah khan ka Lalpa Nu  ka hnena i lo kal hi engtizia nge ni le tiin a lo sawi thei mai kha a ropui hle a ni. Lal piang hmuak turin mitin te kan inbautsaih nasa hle a, tisa lam ah phei chuan a rethei leh hausak dan ang zelin thawmhnaw te pawh kan lei a, thil thar neih kan tum \heuh mai a, kan inbuatsaihna a nasa hle a ni.

            Kan tana tlawm taka lo piang a, tlawm taka kan tana thi leh ta hian kan inbuatsaih dan hi a lo hmu reng a ni tih hria ila a duh dan lo deuh te hian Kohhran mite hi kan lo inbuatsaih a hlauhawm hle a ni. Kohhran hi Krista taksa te kan ni a, kan duh dan anga lal piang hmuah tum lovin kan Lalpa duh danin mitinte hian hmuah tum \heuh ila, inthawina aia thuawihna a duh thu te pawh kan hriat sa a ni a, kan rilru leh tih tak zeta chibai buk hi a phu hle a ni.

            A phovuaka lo pawr lovin Amah chawimawi nan kan thinlung te ama lamah hawn \heuh ila, a Kohhran ho zinga Lalpa chawimawi theilo te pawhin thil ho lam mai mai ngaihtuah lovin a duh dana awm kan thei a ni.

            Mari’n  ka nunin Lalpa a chawimawi e a lo tih ang hian keini Krista ringtute pawh hi kan nun hian Lalpa a chawimawi em le? Kan tana lei leh van  lalber tlawm taka a rawn in hlanna Krismas hmang thei tura damna kan neih te, malsawmna chi hrang hrang kan dawn zo zai te hi a  va ropui tak em! Hengte hi kan tihtheih awm hauh lova Lalpa zara kan chan leh  kan dawn vek a ni si a, chuvangin kan nun hian a Lalpa a chawimawi hi a phu hliah hliah a ni.

            Tin, Kohhran hi Lalpa  kan hnaihna hmanrua nih avangin Kohhran sawichhetu nih te hi ringtu te tan chuan a mawi lo hle a ni. Krismas ah hian a pui a nawiin Lalpa kan fak ho \hin a, a nuam thei hle a, mahse sum lam leh a hlimawmna ringawt lo ngaihtuah a Lalpa chawimawi chakna thinlung nei ve lo tu te chu an thlarau nun a ngaihtuahawm hle a ni. Thilpek a zawnga hlu ber mai a fapa mal neihchhun min pek avangin i lawm ang u.

             Ringtute chu inailum tawna inti sawt tawn tur kan ni a, Kohhran a kan tel tam hian kan thlarau nun pawh a lo hlim a, Pathianah rinna nghet te kan neih phah a, Lalpa rawngbawl chakna leh duhna te kan nei \hin a. Ringtu ni ve si Lalpa chawimawi chakna reng nei lo tute chu an chan tur chu chatuan hremhmun a ni.

            Lei leh van Lal ber khawvela leh a chhunga thil awm zawng zawng siamtu in keini misual felna leh \hatna reng nei lo min chhandamna atana tlawm taka a lo piang hi fak a phu a, ama tana kan hun leh tha sen te hi kan tih tur a ni.

            Thlarauah awm reng rawh u min ti a, thlarau a kan awm ve thehina tur te kan rinna alo ngheh zel nan te Kohhran te Lalpa duh dana kan lo inpumkhat zel theih nan kumin 2016 Krismas hi hlim takin i hmang ang u. Lalpa’n a thu malsawm rawh se, Amen.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                Kum 2016 kum tawp Pathian kaihhruaina a zarah kan lo thleng leh ta reng mai a, Sunday School Department tin naupangte pawhin an zirlai kum tawp exam pawh \an a lo hun leh ta reng mai. Sunday School exam hi naupangte hian nitina  an school kalnaah an exam ang tho hian an ngaihpawimawh hi a \ul takzet a ni. Chumi tur chuan nu leh pate hian kan tu leh fate an Sunday School exam tur ah hian kan theihtawp kan chhuahpui zel hi kan tih ngei ngei tur a ni. Nitina an school kalna ah kum khat chhungin vawi thum vel emaw exam an neih ziah a, Sunday School ah erawh chuan tunah rih chuan vawikhat chauh exam a awm a, naupangten an lo ngaipawimawh tawk lo a nih pawhin nu leh pate hian kan fate Pathian thu a an \hanlenna zel leh thlarau nun tak, an lo puitlin hnu zel pawh a heng an zirlaite hi an nun kaihruaitu pawimawh ber a ni tih hre reng chunga, Sunday School exam hi an nitin school exam ang tho a nu leh pate hian kan ngaihpawimawh a, kan zirpui a, kan enpui zel hi kan tih ngei ngei tur a ni tih kan hriat reng a \ul a ni. Khawvel thilah chuan thiamna eng ang pawhin nei sang mahse, thlarau lamah an mit a del leh si chuan mi belhchiandawl an ni tak  tak ngai lo. Chuvangchuan nu leh pate hian kan fate khawvel  thiamna leh changkanna ringawta tlanpui a duh tawk mai lo hian heng Sunday School-a an Pathian thu zir te hi heng khawvel thiamna leh finna aia an nun kaihruaitu leh kawng dik kawhhmuhtu dik tak a ni tih hre reng chungin kan dah pawimawh a va \ul em! 

ARTICLE

PAN LAI KRISMAS LEH BIAK IN TLANG

Mawitei pa

            Kum 1970 leh 1980 chho vel kha chuan Kohhranin Krismas kan hman hian member kan la tlem teh lul nen, hmun hnihah kan inthen a. Keini veng lam hian tuna CP Road kawngphei Pu C. Runkima te in phei velah leh veng lehlamin tuna Pu V. Lalrintluangate In tlang, Upa Chhuna tlang kan tih mai thinah ruai theh thin ania. Vaivut khu rum rum karah lei hlangah khan fatuin hnah an han phah a, kan ei mai thin kha a nia, fatu vak kual vel pal khuk pawh hre chang lo khan puar el euh in kan ei teuh mai a, tunlai huna thianghlimlo kan tih hi khanghun lai khan a la thianghlim viau aniang, vaivut khu leng vel vanga kan damloh pawh kha a awm chuangin ka hre lo!

            Kohhran member tlemte e ti lovin Bawng 2 lei a ni ziah a. Naupang hovin field velah khuan silai lem nen kan thlah a, bawngin hnim a peh laiin keini kan indo lem thin kha a nia. Tlaiah tlangsam par velin bawng kan chei vak a, kan kai haw leh thin. Saw lam veng naupang ho nen leh lam veng kan inti ve ve a, kan bawng thlah kan insik tir ziah a, kan bawng a chakloh chuan hrehawm ve duh thin tak chu a ni. Leh lam veng kan ti hmasa zawk che u tih inchuh ringawtin akn in tibuai thin.

            Krismas thawmhnaw lei tura nu leh pa ten bazara min han hruai nawm thin zia te kha aw! Thenkhat tan, kumkhata thawmhnaw thar vawikhat neihna chance leh bazar kan kal theihna chance awm chhun kha a ni ve a. Khatiang tluk a nghahhlelhawm leh chakawm, kumpui linglet a kan nghahfak Krismas kha a hlu zual bik thin em asin!

            Veng in then hranga kan tih loh hnuah a huhovin Biak Inah ruai kan theh ho ta thin a. Chu Biak In tlang kan tih thin chu tunah chuan hmuhtur a awm ta lo! A chunga thlalak khi kan Biak In hmasa ber dawttu kha a nia, a hmalama mi khi Pu Lalchhandama in, tuna kan laih zawl tak kha a ni. Khing zawng zawng khi Biak In tlang kan tih khan a huam vek a. Naupang tan phei chuan kan inkhawmna tlang a nih mai bakah, Krismas ruai kan thehna, kan indo lemna, kan inbihruksiakna tlang a nia. Tlang thianghlim chu ni em lo mah se, kan tan khan a hlu in kan nunah hian a bet tel ve tlat a ni.

            Krismas-ah Biak In leh a vel thalai rualin an duhtawk a an han chei te kha aw! A nalhin a mawi hi kan va han ti thin tak! Lehkha mawi hlum sei tak, inches 2 vela hlai, rawng chi hrang hrang inchawhpawlh chuaiin Biak In lamtual chung zawn a Petromax khaina atangin bang thlengin an han pawt kual kul dulh mai a, hampuar (Balloon) rawng chi hrang hrang an han khai tel ngei bawk a, a tluka mawi leh ropui kha keini naupang mitah chuan a awm chuang lo.

            Kohhran chhungkaw inphal deuh ten thing an han thawh a, Kohhranin thingphurh hnatlang an kova, a va nuam thin tak. Khang hun laia nula tlangval tana Krismas thing phurh nawm theih thin dan tur kha aw! Tunhnua ka ngaihtuah let leh hian ka mitthlaah tu tu te emaw chu an la lang thei! Naupang na na na chuan mi aia kal tam kha kan tum ber kha a nia. Chung thingte chu Biak In tlangah ngei mai kan han keuh khawm a, Biak In kawt vela thing an vum hnuk tawh hi chuan hnarah hian buhchiar rim a nam tan thei deuh der thin  nia.

            Krismas zaikhawm hi an sawm thin a, Urlawk zan hi chu tlaivar ngei ngei tura ngaih sa a nih avangin, kan  nu ten kan sin tur puan kawp emaw  shawl lian deuh emaw an keng sa a, naupang tlaivar  thei lote kha kan mu dul thin.

            Naupan laia Krismas kan hman dan ngaihtuah chhuah apianga lo lang tel nghal thin Biak In tlang kan tih thin chu tunah chuan hmuh tur a awm ta lo, a lunglen thlak riau in ka hria a, Biak In tlang thlah nan kan luangliam ve mai a nia.

            Naupan lai Krismas kan hman dante, tunhnu a kan hman dan han khaikhin changte hian naupan lai Krismas kha a Krismas bik riau a hriatna te, khawii lai hmuna Krismas an hmandante ngaihtuah a, an hman dan Krismas bik riau a hriatna hi a awm fo thin. Mahse, Krismas hlim taka kan hman leh hman loh te, Krismas dik tak kan hman leh hman loh tih vel hi chu kan hman dan system lam ai mahin kan thinlung lamah zawk hian a ni a lo awm daih ni....

 

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

Zanin EPL inkhel turte:

Bournemouth Vs Southamton (7:00)

@Star Sport Select HD1

Manchester City Vs Arsenal (9:30)

@Star Sport Select HD1 & Star Sport HD1

Tottenham Vs Burnley (9:30)

@Star Sport HD4

Thawhleh ni zan

Everton vs Liverpool (1:30)

@Star Sport Select HD1

OPEN AIR FELLOWSHIP PROGRAMME

A hun: 20.12.2016 (Thawhlehni zan inkhawm ban)

Host: Pu R.Lalmuanpuia & Nl. Bridgette Zonunmawii

Thuchah tawi (10mins): Upa C.Lalmuankima

Meithallâwn chhuah: i/c Pu Lalchhandama

Solo:    Nl. Lalhmingmawii Hauhnar

            Nl. Lalawmpuii

            Tv. Lalrinsanga

            Tv. Lalmuanawma

Female Voice

Duet: Tv. Lalhmangaiha & Nl. Lalngaihawmi Ralte

Special Item:  Music De Eclassia

                        Tv. V.Lalsangzuala & Tv. Vanlaltluanga

Kohhran Pavalai

Moria Group

Lawmthu sawina: Pu Lalduhkima, Leader, K|P

Musicians: Pu Lalchhandama, Tv. Zoliankima, Tv. Lalawmpuia, Tv. Lalrinsanga, Tv. Nathan Lalzuisanga

Zai hruaitute: Tv. Ricky Lalrinkima, Tv. Lalhmangaiha, Nl. R.Zonuntluangi, Nl. PC Lalrinmawii

Traffic Duty: Reception & Ushering Sub. Commt.

Stage Decoration: Decoration Sub. Commt.

Light & Sound: Light & Sound Sub. Commt.

KOHHRAN HMEICHHE HRIATTIRNA

            Vawiin chawmhma inkhawm ban hian Sunday School Hall-ah kum 2017-2017 Presbyterian Kohhran Hmeichhe hruaitu tur thlan tur a ni a, member ten i ngai pawimawh ang u.

            Office Bearer (O.B) mi 6 thlan chhuah tur a ni a, thlanchhuah te chuan nihna an insiam rem ang a, Committee member tur mi 24 an ruat ang. Thlan leh ruat te hi Lalpa rawngbawlna hmanrua kan ni tih i hre  thar \heuh ang u.

Sd/-(LALCHHINGPUII)

Secretary

Kohhran Hmeichhia Saikhamakawn

ADMISSION  NOTICE

            Presbyterian Hindi Bible School, Bawngkawn Mizoram-ah Batch 59-na (13th January - 13th June, 2017)  a zir duhte tan dil theih a ni ta e. Dilna chu plain paper a ziakin Principal, Presbyterian Hindi Bible School hnenah January ni 12, 2017 thleng dilna thehluh theih a ni.

HRIATTURTE :

1) Diltu chuan Hindi (i) \awng leh (ii) chhiar thiam ngei tur a ni.

2) Kohhran Dan zawhkima ni tur a ni.

3) Kohhran/ Fellowship/ Field Secretary etc. hriatpuina lehkha thil tel tur a ni.

Zir turte heng hi intum tur a ni:

1) Smart dress with shoes, coat-pant 2) Full Bedding with Mosquito net

3) Stationery

4) Hindi Holy Bible, Hindi song book and Non Mizo S.S. book

5) Mug & Bucket with plate

 6) Torch-light, Umbrella

 7) Return senso

 8) Passport size photo- 2nos

            Diltu chu natna benvawn neilo a ni tur a ni.

Dil theih hun : 12th January, 2017

Interview : 13th January, 2017, Dar11: 00 A.M

A hmun : Principal's Office, Presbyterian Hindi Bible School, Bawngkawn

Sd/-

REV. K. LALTHLANPUIA

Principal

Ph.No-0389-234117/ 9862428437 / 9402111624

NPSS HRIATTIRNA

            Naupang Sunday School-te vawiin chawhma inkhawmah hian Sunday School Exam neih tur a ni a, tin, chawhnu inkhawmah Sunday School kai kim leh kai \ha lawmman sem tur a ni bawk a, zirlai naupang leh nu leh pa te kan inhriattir a ni e.

YMA HRIATTIRNA

            Pathian hruainain Krismas leh Kumthar kan lo thleng leh dawn ta reng mai a. He hunpuiah hian mitin ten hlim leh zalen taka hun kan hman theih nan halpuah leh halmawi lam chi te, mi dang tihnat palh theihna silai (toy gun) lakluh leh zawrh, hal leh hman te chu Section 144 Cr.P.C hmangin ni 4.11.2016 a\anga thla hnih chhung atan khap a ni a.

            Dan anga khap a nihna piah lamah, heng thil te hi tar chaklo te, hriselna \halo te tan phei chuan tawrhhlehawm tak a nih avangin mipui kan him a, kan hlim tlan zawk theihna turin halpuah leh halmawi hal te, naupang silai lem te hmang lo tur leh ti lo turin vengchhung mipuite kan inhriattir a ni e.

Sd/-

(C.LALDAWNGLIANA)

Secretary

YMA Saikhamakawn Branch

HNA RUAK DIL THEIH

            A hnuaia  tarlan ang hian  P.C. Girls’ School-ah Contract-a thawk  turin  Zirtirtu pakhat (1) hna a ruak a, kum 18 - 35 inkar tana dil theih a ni. Application Form chu Synod Office atangin lakchhuah tur a ni a. Application Form-ah hian hriattur pawimawh tihlan a ni.

Dil theih hun chhung : Dt. 18.1.2017 (Nilaini)

Screening Test : Dt. 19.1.2017 (Ningani) 11:00am

Interview : Dt. 25.1.2017 (Nilaini) 10:00am

Thiamna : Graduate of Any recognised University

Hlawh: Synod contract Teacher rate

Sd/-

Rev. Lalramliana Pachuau

Secretary,

Synod Service Board

TUALCHHÛNG

,Pu Vanlalruata h/o Lalmuankimi (Tetei) chu damlohna avangin Falkawn Hospital ah enkawl mek a ni.

,Pi J.Lallawmkimi w/o Lalthankima (V.Sec) chu damlohna avanga Falkawn Hospital a enkawl anih hnu in alo chhuak.

HRIATTIRNA

            Ni 19 - 24.12.2016 chhung hian Moria Group ten Camping kan buatsaih leh dawn a, Pathiana tuihâlna neite a duh apiang tan luh theih a ni e.

            Camping-a lut turte chuan Bible, Pen leh Note Bu ken tur a ni. Mobile Phone kenluh phal a ni lovang.

Sd/-

(C.LALHRUAIA)

Secretary

Moria Group

MUSIC ZIR THEIH

            Synod Music School hnuaiah hengte hi zir theih a ni:

1) Keyboard: January-June, 2017

2) Violin: January-March, 2017

3) Vocal (Zai zirna): January-March, 2017

i) Worship Department Synod hnuai a\angin dilna form la chhuakin January 5, 2017 ral hma ngeiin Synod Office ah thehluh tur a ni. January 6, 2017 ah seat chang turte hming tarchhuah a ni ang a, zir tura thlante chuan January 6 & 9, 2017 chhungin admission tihfel tur a ni ang.

ii) January 10, 2017 a\anga class \an tur a ni ang.

iii) Dilna ah mahni awmna Kohhran lehkha thil tel tur a ni.

iv) Hriat tur \ul dang chu dilna form ah tarlan a ni.

Sd/-

(REV.B.SANGTHANGA)

Executive Secretary

i/c Worship Department

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350