Mipui Aw 12.7.2015

MIPUI AW

KARTIN CHHUAK

Vol. XXI Issue No. 28 Kristian Thalai  Pawl  Saikhamakawn Branch  Pathianni Dt.12.7.2015

VAWIIN CHANGVAWN

            In zinga ropui ber chu in rawngbawltuah a awm zawk tur a ni. Tupawh inngaihlu apiang an tlawm ang a, tupawh inngaitlawm apiang chawimawiin an awm ang.

                        -Matthaia 23:11 & 12

KOHHRAN PROGRAMME

12.7.2015 (Pathianni)

Chawhma Sunday School Inkhawm

|antu              : Pi F. Laldawngliani

Zirlai 25-na    :Isua Krista hnathawh II-na

Chawhnu Inkhawm

Thuhriltu       : Upa Lalrindika

                        Zân inkhawm

Thuhriltu       : T.Upa C. Vanlalsanga

            Thawh\anni zan a\anga Zirtawpni  zan dar dar 9:00 - 12:00 ah \awng\ai inkhawm hun hman \hin tur a ni a, Thawh\an zan a\anga Nilaini zan thlengin Crusade neih leh a ni anga, Speaker atân Upa R. Lalngena ruat a ni.

PAVALAI ROGRAMME

16.7.2015 (Ningani Zan)

Hruaitu           : Pu Siamliana

            (Chairman, Kohhran Pavalai Pawl)

|antu              : Pu C. Lalchhuansanga

Thuhriltu       : Pu K. Lalrinkhuma

(Bial Commt., Bial Kohhran Pavalai Pawl)

Thilpeklakha-            : Pu Rinngaihzuala

awmtute           Pu D. Thangbawiha

                          Pu J. Thantluanga

                          Pu J. Lalramhluna

Khuangpute   : Pu K. Lalbiak\huama leh      Pu Lalhmingliana Hnamte

Keyboardist   : Pu Lalduhkima

(1-15 July)

Bial hruaituten min rawn tlawh dawn a, Kohhran mipuite inkhawmnaah hian min telpui turin kan sawm a che u.

SERMON

K.Lalfakawma Nu

             “Tin, Mosian thlalerah rul a khaikan ang khan, Mihring Fapa hi khaikanin a awm bawk tur a ni; tupawh a ring apiangin amah avanga chatuana nunna an neihna turin. Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan.

-Rom 13:11-14

            Ringtute hian Chatuan nunna neih kan duh vek awm e; Lal Isua pawhin Chatuan nunna kan neih hi min duhsak vek a, chuvangchuan kan tan Kraws-ah alo tuar ta rêng a ni.

            Ringtute hian kan Chatuan nunna kawng chu Kraws a ni tih hi hria ila, Thlalerah Israel fate kha rulin a chuk nasa hle a, tichuan Lalpan Mosia hnenah rul anmahni chuktu kha khâikang turin a ti a, a en apiang chu an lo dam ta ang khân keini ringtute pawh hian Kriata lam chuauh hi i en \hin ang u.

            Thil kan sawite emaw kan tihte pawh ni sela min hnialkalhtute hi an thiltih ka awih sak lo fo \hin a, hetiang nun hi chu Kraws kalkawnga kal lote nundan a ni a, mi thianghlim ber mai kha amah hmusit a, sawiseltute tan alo thi a, keini pawh nitin hian ringtute chuan thihsana theihnghilh tur kan nei a ni.

            Mitthi chuan a thiamthu a sawi thei tawh lo a, miten an dah ang angin a awm a, Keini pawh hi Kraws ah piang \heuh ila, dawta sual tinrenga min hêktute an lo awm pawhin kan engthawlna tur a ni tih hria ila, nasa zawk a hlim a, lawma lâm mai tur kan nih hi i hre thar leh \hin ang u.

            Hla phuahtu chuan heti hian alo phuahchhuak a,

Krista vanga tuar ngam,

Krista vanga chân ngam;

Krista vanga rethei ngam,

Krista vanga mualpho na zawng zawng,

I phur ngam dawn em ni?

            tiin alo phuah chhuak a, Lalpa hnen kan thlen theih nan hian Amah anga tlawm ngam, tlawmna puan sin a, Amah anga ngaihdamna puan sin a, Lalpa ka sual a ni tia thinlung thianghlim taka simna puan sin a hmalam pan a, tiamchin lam pan a, a ûm a ûm \ang \angtute kan lo nih \heuh theih nan Lalpan kan zavai atan mal min sawm sak \heuh rawh se. Amen.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

ZIRNA

            Tun hnaiah University (Graduation) Result a chhuak a, tualchhung a\ang pawhin pass an awm ve leh nual mai. A lawmawm in a ropui takzet. Tun hma a Pawl sawm pass harsatzia te ngaihtuah chuan tualchhungah pawh Graduate kan kat ve ta nuk mai hi a ropui hle mai. Veng anga hmasawn na tur pawhin lehkhathiam hi chu an \angkai reng a ni.

            Tin, tun \uma pass thar te pawh a lawmawm lehzual na chu han en in han thlir vang vang ila, Kristian |halai Pawl a kan active member \ha tak tak vek anni a, Branch Committee leh Group Committee Member te an ni deuh fur hlawm. Kohhran leh K|P a inhmang chung pawh hian zirna hi a lo tih \hat theih reng a lo ni tih hi tun \uma pass thar te a\ang hian a lang chiang hle awm e. Vengchhung hmasawnna chu sawiloh, Kohhran tan pawh hian lehkha thiam chu an \angkai hle a ni. Amaherawh chu inpekna tak tak neilo erawh chuan thiamna ringawt hi chu a chhawr nahawm lemloh thung. Lehkha thiam inpe silo ai chuan Lehkha thiam lemlo pawh nise mi inpe tak te hi mi \angkai tak anni fo zawk.                      

ARTICLE

FRENCH REVOLUTION

            Khawvel history-a revolution hlawhtling bera ngaih, mi rethei hamthatna chang ve pha ngai loten par an chhuanna hun ropui French Revolution chungchang hi zirlaibuah te leh lehkhabu dang dangah te a hming hi chu kan hre fur tawh a rinawm a. Nationalism tawngkam lo irhchhuahna bul a ni tih pawh kan hre theuh awm e. Amaherawhchu, beng hriatnaa hriat satliah mai chu a tawk loh thin avangin tun tumah hian tawi kimchang tak siin kan rawn dek eng zuai ang e.

            Kum zabi 18-na chhova British awpna hnuaia America in talchhuahna kawng a zawn khan French lal chuan theihtawpin a pui a. Chumi avang chuan French ram chu sum leh pai harsatnain a leh-tuam ta a. Hetihlai vek hian khawvel hmun hrang hrangah Zalenna (Liberty), Intluktlanna (Equality) leh Inunauna (Fraternity) hnuaia khawsak ho dial dial dunnain khawvel hmun tin a fang nasa hle a. Chu ram dinhmun a lo buai em em takah chuan French lal King Louis XVI chuan kum 200 dawn an lo koh tawh loh “Estate Genaral’ an tih ‘mipui rorelna’ (People`s Assembly) chu kum 1789 khan a ko ta rup mai a. Estate General (mipui kalkhawmin ro an relna) hian kalphung thar duang turin danpui siamtu tur committee a thlang chhuak a.

            Chutia mipui rorelnain chak taka hma a lak ta tak tak takah chuan mipui an phur tharin nasa takin ram hmel a sawi danglam hman a. Amaherawhchu, King Louis XVI chuan chutia an vung tak viau si-ah chuan a lalram paihthlak an tum mai ang a tiin hmun hrang hrang a sipai a chahkhawmin a thuam chak a. Chutia, sipai lo lut ta mup mup chuan a ram mipuite a ti ralkhel nasa hle a. An lal ang bawkin, mipuite chuan an lal chu an ringhlel a. Sipaite chet hmaa chet khalh chu thaa hriaiin, hmanrua an hmuh ang ang hmangin, an ram tanin pui ber “Bastille Jail” chu an bei ta thut a. He ni, dt. July 14, 1789 atang hian khawvel revolution awm tawh zawng zawng zinga thawm na bera ngaih French Revolution chu a intan ta a ni.

            Hetih mek lai hian French ram chu Prussia (German) leh Austria ram pahnih tangrualten an rawn runzui a. Chutih lai vek chuan French ram chu tualchhung buaina chuan nasa takin a tuam mup mup reng bawk a. An rinhleh tawh phawt chu an lu tansakin an that hmiah hmiah a. Thisen a luang zeih-zuih a ni ber a ni. Chutia nasa taka an inbeih hnu chuan a tawpa tawpah French hnam sipaite chuan hnehna an chang ta a. Kum 1795 chuan sawrkar thar pawh an siam ta a. Lal thlawptu pawlte chuan er let leh ngei tumin an la bei ve reng tho va. Chu chu tukdawl ngei tuma sawrkar tharin a sipaite hmanga a beihzuina lamah, sipai pawl chak tak (Military Emperor) nia hriat hlawh tur, Napoleon Bonaparte-a hun a rawn inherchhuahpui ta luah mai a.

            He French revolution atanga mitin leh sawrkar tinin zirchhuahpui tur tha em em mai kan neih chu intluktlanlohna leh inthliarhranna hial helna a pawchhuak thuai a. Chu chuan revolution hring chhuakin tharum thawhna a tihluar a. Hmun tin kil tinah thisen a luan zeih-zuih tir thin. Chutiang hun a thlen loh nan chuan mi hausate leh ram hruaitute pawhin he revolution atang hian zirlai ropui tak zirchhuah tur a awm a ni.

BENG TIVAR

ELECTRICITY COMPLAINTS

AZL CENTRAL-Electric veng-2322174

AZL NORTH-Chaltlang-2329202

AZL SOUTH-Thakthing-2327631/2315093/2322622

AZL SOUTH(II)-Tlangnuam-2327631/2310881

AZL WEST-Dawrpui vengthar-2342157

AZL WEST(II)-Luangmual-2330272

POWER HOUSE- Electric veng-2322350

Mizo hnam hrang hrangte

1. Bapuandum 2. Bawitawng              3. Chawnawk

4. Zawlpuan    5. Diarbengchep          6. Fensen

7. Hmaram      8.Hmarpuan                9. Kawkpui

10. Khamtang  11. Lungum                 12. Mangpuan

13. Naupuak puan       14. Ngotekherh

15. Ngotlawng            16. Pheichawm                        17. Pawndum

18. Puanngo    19. Pawnpui    20. Puanmangvawm

21. Puanhlap   22. Puanlaisen             23. Puanrin

24. Puanzeh     25. Saipuikhup            26. Tawlhlohpuan

27. Thangchhuahpuan 28. Thangnang            29. Thlahko

30. Thlanlam   31. Tuibo

Clash of Clans

1. Clash of Clan siam chhuak tu Supercell an ni a, Helsinki, Finland ram a mi te an ni. CoC bakah Boom Beach leh Hay Day te pawh hi Supercell kut chhuak tho niin hemi Game 3 a\ang ringawt hian 2014 ah khan $1.7 Billion an la lut hem mai.

2. February 2015 a\ang phei kha chuan CoC game ringawt a\ang hian Supercell hian nitin $5 million an lalut ta hial. Pui tak a ni.

3. Supercell te hian game an siam chhuah fuh em avang hian a Company hlutna pawh tunah chuan $5.5 Billion a lo ni ta.

4. George Yao, CoC top player pakhat hian a ât chilh ve viau a niang, Ipad 5 ah a rual in a khel \hin a, inbual lai pawhin a \hulh phah meuh lo thla 6 chhung chu!

5. CoC top 10 player zing a mi Panda chuan a CoC village tih chang tlun nan thlatin $7000 a seng ziah thin.

6. Taken film a chang tupa Liam Neeson an CoC fak nan a an hman kha 2015 chhung a Super Bowl a fakna en tam ber a nih bakah Youtube hmang tute'n fakna \ha ber an thlan pahnihna a ni pha hial.

7. Nitin pawisa tamtak an lakluh bakah CoC account nei khel rugular tak tak mi 29.5 million vel an awm reng. A regular lo ho chhiar tel lohin.

8. Supercell company ah hian mi 150 vel hnathawk tu an awm a, CoC game enkawltu bik phei chu 15 chauh an ni nghe nghe.

9. CoC game khel \hin chuan P.E.K.K.A hi kan hre theuh em? 2012 khan Supercell in Facebook kaltlang a mipuite an phuah tir a ni a, PEKKA lam pum chu 'Perfect Enraged Knight Killer of Assassins' a ni deuh duah.

10. PEKKA leh Dragon chauh hi level thar apiang a lan dân thlâk danglam awm chhun an ni.

BIBLE  QUIZ  No. 80

LUKA  BUNG 6-10

A kâr âwl dah khat rawh :

Q1. Tin, lehkhaziaktute leh Pharisaite chuan a hekna tur an hmuh theih nan, Chawlhniin a tih dam dawn leh dawn loh an _________________________ a .

Q2. Tin, a va hnaih a, hlang chu a khawih a; tichuan a zawntute chu an ding ta a. Tin, “______________, Tho rawh, ka ti a che,” a ti a.

Q3. Tin, a zirtirte chuan a hnenah, “He tehkhin thu hi eng tihna nge ni?” tiin an _________________ a.

Q4. Tin, heti hi a ni a, Isuan amah chauhva a tawngtai laiin a zirtirte chu a hnenah a awm a; an hnenah, “Mipuiten ____________ a ni mi tih?” tiin a zawt a.

Q5. ‘In khaw vaivut kan kephaha kai pawh hi in chungah kan tahfai hi; nimhsela Pathian _______ in kiangah a lo thleng ta tih hi hre rawh u,’ ti ang che u.

A bung leh châng dah rawh :

Q1. Amaherawhchu hriaa zawm lo chu, lung phum lova, lei chung maia in satu ang chu a ni; tin, tuizangkhauhvin chu chu a khawh a, a chim ta nghal a; chu mi in sawp chu nasa tak a ni,” a ti a.

Bung: ...............          Chang: ....................

Q2. Tin, anin hmeichhe hnenah chuan, “I rinna hi chhandam i nih phah a ni, thlamuang takin kal rawh,” a ti a.

Bung: ................         Chang: ....................

Q3. Tin, a nu leh a pa chuan mak an ti hle a; nimhsela ani chuan a thiltih chu tumah hrilh lo turin a ti tlat a.

Bung: ................         Chang: ....................

Q4. Tin, Isuan a hnenah, “Tupawh leilehnaa kut nghata hnung lam en chu, Pathian rama mi ni tlak a ni lo ve,” a ti a.

Bung: ................         Chang: ....................

Q5. thil pakhat chauh a pawimawh e; Marin chan tha chu a thlang a, chu chu laksak tur a ni lo ve,” a ti a, a chhang a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO.79  RESULT

Chhanna lut zawng zawng : 6

Chhang dik vek                       : 6

Lawmman dawngtu: C.Lalhmangaihzuali (V. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

KELKÂNG KAL DAWN

            Ni 21 - 24th July,2015 hian K|P bul tumin Kelkângah kal tur a ni a, K|P Member kal duh turte chu ni 13thJuly, 2015 ral hma ngeiin Tv. Pc. Vanlalhriatpuia leh Pu C. Lalmuanpuia hnenah in report tur a ni e.

Sd/-

(P.C. VANLALHRIATPUIA)

Secretary

K|P, Saikhamkawn Branch

CONFERENCE HLA BU

            K|P General Conference 2014 hla bu chu lei tur ala awm a, a duh tan Synod Bookroom-ah lei theihin a awm e. A man hi `20/- a tihtlawm thlâk a ni tawh.

HLA THAWH THEIH

            K|P General Conference 2015 chu buatsaih alo hun leh dawn a, heta mi tur hla thawhduh nei kan awm chuan a thawh theih a, hrechiang duh chuan Tv. Pc. Vanlalhriatpuia, Secretary, K|P Saikhamakawn Branch hnênah zawhfiah theih a ni e.

MIPUI AW SEMTU

            Bial 2-na Mipui Aw sem \hintu Tv. Zonunmawia chuan zirna avang Mipui Aw a sem chhunzawm theih dawn tâk loh avangin a aiawh turin Tv. K. Lalruatfel chu ruat a ni.

TBZ NEIHTHIL THEHKHAWM

A hmun: Pu C. Kapliana In

A hun :13.7.2015(7:00 pm)

Hruait: Pu C. Lalrinmawia

|antu  : Pi Rothanpari

BO CHHAR

            Kan in kawt varanda ah buh kem polythene a f<n theihnghilh a ni a. A nei tu chuan ka hnenah rawn lam theih a ni e.

Upa Zonunmawia

Saikhamakawn

ELECTORAL ROLL LEH ID CARD CHUNGCHANGA HRIATTIRNA

            Electoral Roll leh Photo ID Card chungchang ngaihtuah leh tihdikna hun hawn a ni leh dawn a, ngaihven turin kan inhriattir e.

A hmun: YMA Rûn, Saikhamakawn

A hun  : 13.7.2015 (Thawh\anni)

             Dar 9:00am - 12:00pm

Hriatturte:

1. January ni 1, 2015 leh a hma lama piang chin Roll-a la awm lo tan dilna thehluh theih (Birth Certrificate a ngai)

2. Hmundang a\anga rawn insawn duhte tan dilna thehluh theih a ni.

3. Hming diklo te, nu leh pa hming diklo te, kum diklo te, tih dik dilna thehluh theih a ni. Hei hian Photo ID Card a diklo te a huam vek.

4. ID Card tibo te, ID Card chhe lutuk tawh te leh ID Card a thlalak thlak duhte pawh tihdan tur inkawhhmuh theih a ni.

5. Dilna atan hian Passport Size Copy 1 ken tel tur a ni.

Sd/- (J.F. LALZAMA)

D.L.O. Saikhamakawn

HMANGCHÂNG

¤ I almira chhung a hnâwn loh nan chalk sawm vel telkhawm la, a remchang laiah khai ang che.

¤ Sahbawn rimtui hi te reuh te tein chan la, lehkha in tuam la, thawmhnaw karah dah rawh. Kapoor aiin a rimtui zawk a, a \angkai dan a inang reng.

¤ Pen tui i thawmhnawah a kai chuan methylated spirit in a tihfai theih. Nail polish remover pawhin a tihfai theih bawk.

¤ Boric powder leh maida chawhpawlhin marble tiat velin hrual mum la, choka leh chukchu awmduhna laiah dah rawh.

¤ Beer i in bâng chu a saidawium chawpin chukchu awmduhna laiah zan khat hung tawp la, zingah chukchu a chhungah an lo thi teuh mai ang.

TUALCHHÛNG

, Nl. Dr. Priscilla Zodinpuii d/o Zirsangliana (V.Sec) chuan Directorate of Health & FW ah State Level Coordinator hna a hmu thar.

, Pu Roy C.Lalsangzuala h/o Lalhlimpuii(T.Sec) te chuan khawi ilo vah vel nan Royal Enfield (Bullet) thar an lei.

, Pu VL Ramdinthara (T.Sec) te chuan khawi ilo vah vel nan Scooty (Dio) thar an lei.

, T. Upa C. Vanlalsanga h/o Lalchungnungi  (V.sec) te chhungkua chuan khawi ilo vah vel nan Scorpio an lei thar.

, Pu Lalhmangaiha h/o Chawngchhungi (Ch.Sec) te chuan khawi ilo vah vel nan bike (Gixxer) thar an lei.

TUAL CHHUNG A|ANGA GRADUATE THAR TE

1. Samson Lalhmangaihzuala s/o Lalrinthanga- Chemistry- 1st Div. ah pass in Mizoram pumpui ah Chemistry ah pathumna(3rd) a ni.

2. MS Dawngliani d/o B. Vanlalhriata- Political Science

3. Malsawmtluangi d/o Lalpianthanga - History

4. P.C Lalrinmawii d/o C. Lalparmawii - Political Science

5. Lalngaihawmi Ralte d/o R. Lalzuala - Political Science

6. Lalsawmliani d/o Zohmingthangi- Sociology.

            Pass thar zawng zawng te Mipui Aw Editorial Board chuan thinlung takin kan lawmpui a, an kal zelna turah duhsakna kan hlan e.

VAWIIN KHAWCHIN

A lum lai berin: 260C

A vawh lai berin: 230C

Chawhma lamah 9mm, chawhnu lamah 17mm, zan lamah 2mm

(weather-forecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330