Mipui Aw 26.7.2015

MIPUI AW

KARTIN CHHUAK

Vol. XXI Issue No. 30 Kristian Thalai  Pawl  Saikhamakawn Branch  Pathianni Dt.26.7.2015

VAWIIN CHÂNG VAWN

            Tin, an hnenah, “Khawvel zawng zawngah kal ula, thil siam zawng zawng hnenah chuan Chanchin Tha hi hril rawh u. A ringa baptisma chang chu chhandamin an awm ang a; a ring lo erawh chu thiam loh changin an awm ang. - Marka 16:15 & 16

KOHHRAN PROGRAMME

26.07.2015 (Pathianni)

Sunday School

|antu              : Pi Lalnunmawiii

Zirlai 27-na    : Thlarau thianghlim thu a zirtirna                                   diklo te

Chawhnu inkhawm

Thuhriltu       : Upa Zonunmawia

Zan inkhawm

Thuhriltu       : Upa Lalzuiliana

            Thawh\anni a\anga zirtawpni zan thleng zan dar 9:00 - 12:00 inkarah \awng\airualna neih leh \hin tur a ni anga, Thawh\anni a\anga Inrinni zan thlengin Kohhran Inkhawm neih a ni anga, hetiang hian hun hman a ni ang:

Thawh\anni  zan inkhawm

Sharing leh Fakna Inkhawm

Thawhlehni zan inkhawm

Thuhriltu       : Pu Lalrintluanga

Nilaini zan inkhawm

Thuhriltu       : Pu Khawlhmingliana

Ningani zan inkhawm

Thuhriltu       : Pastor C.Sapkaia

Zirtawpni zan inkhawm

Bial huap Kristian Chhungkaw puala hun hman tur a ni anga, mahni In ah chhung inkhawm hman vek tur a ni.

Inrinni zan inkhawm

Thuhriltu: Pu Siamliana

SERMON

I THU NI SE

            Tin, tl>min hma lamah a va kal hlek a, a bawkkhup a, “Aw ka Pa, a theih chuan he no hian mi pel lul rawh se; nimahsela keima thu ni lovin, nangma thu thu ni z^wk rawh se,” tiin a \awng\ai a.(Matthaia26:39)

            Tin, Marin “Ngaiteh, Lalpa bawinu ka ni, i thu ang zelin ka chungah thleng rawh se,” a ti a. Tin, v^ntirhkoh chuan a kalsan ta a. (Luka  1:38)

            Ringtu nuna pawimawh tak pakhat chu ‘I thu ni se’ tih ngamna hi a ni. Ringtu nun puitling leh Pathianin keimahniah a thil tum a hlen chhuah theihna tur chuan ‘ I thu ang zelin ka chungah thleng rawh se’ kan tih ve ngam a ngai a ni. Marin Lal Isua Krista a pai dawn pawh khan a nunah harsatna tam tak tawk ve thei a ni. Thil tam tak a ngaihtuah ve ngei ang a, mahse, ‘ i thu angzein ka chungah thleng rawh se’ a tih ngam a\ang khan Pathian chu a chetna tur hmunah a che nghal chat chat a nih kha. Mi nupui hual ni a, a pasal turin a hmuh dan turte leh miin an ngaihdan tur pawh Mari hian a dawn ve ngei ang. Mahse, chung a harsatna tawh theih zawng zawng leh a mualpho theihna zawng zawng lamah chuan Pathian chu a che nghal vat a, Chungnungbera thiltihtheihna chuan a hliah khuh nghal vat a nih kha.

            Ringtute zingah pawh, keimahni \heuhvah Pathian chuan hnathawh  tur a nei \heuh a, \henkhat tan chuan thil harsa tak leh mualpho thlak tak te pawh a ni ngei ang le. Chung kan harsatna leh kan mualpho theihna tur zawng zawng pawh chu Lalpa hian a hre vek a, a mah ringa, ‘i thu ang zel ni rawh se’kan tih ngam hun hunah kan harsatna lai leh kan mualpho theihna laiah Lalpa hi a che dawn a ni. Dil dil mah ila, Lalpa hmaah inphal taka ‘i thu ang zelin ka chungah thleng rawh se’ kan tih ngam loh chuan Pathian hi a chet tur angin a che tak tak thei \hin lova, ngam chin leh duh chin kan la neih a, kei mahniah khek leh ui kan la neih chhung chuan kan dil chu kan hmu thei \hin lo  a ni.

            Lal Isua ngei pawh he leia a lo kal chhan ti hlawhtling tur chuan, harsain hrehawm ti hle mahse, a Pa, Pathian hnenah, ‘nimahsela, keima thu ni lovin, nangma thu ni zawk rawh se’tiin a dil a nih kha. Pathianin keimahniah a thil tum hlen chhuah a tumnaah chuan ‘i thu ni se’ kan tih ngamna zelah a ropuina a inpuang \hin. Nang leh kei hian duh tawk chin leh ramri kham chin nei lo hian Lalpa hmaah thinlung zawng zawng hlanin ‘ i thu ni se’ ti thei turin Lalpa i au \heuh ang u. Kan harsatna tawh tur leh kan mualphona tur lam thlir lovin Lalpa lam enin ‘I thu ang zelin ka chungah thleng rawh se’ tiin i inhlan ang u. 

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KELKANG HMUN THIANGHLIM KHA

            Miten an sawi huai huai a, hre ve lo leh hmuh ve loh chuan a ropui zia leh eng tin nge a awm chiah hriat a har hle mai. Chuvang tak chuan hmuh ve a, kal ve ngei chu ka chak a ni. Ni e, min an sawi kha a dikna ka han hmu ve chiang khawp mai. Kelkang hmun kha ka han thleng a, ka rilru la ber tu chu Hmun thianghlim chu eng tin nge a awm ang tih kha ka rilrua awm ber chu a ni tlat. Tichuan hmun thianghlim chu hmu turin kan kal ta a,ka tum ang tak leh ka lo beisei ang em chuan a tirah chuan ka thinlung a khawih hran lo. Mual zawl satliah ve mai, a laiah Kross lian tak phun leh a hmun thianghlim chin hungkual ve mai chu ka han hmu a, eng mah chu ka sawi chhuak lem lo.Chuachhapah ruahin min la nan hrep leh nghal a, hmun thianghlim chu a hlutna em em ka hre hran lo, a vawt ka ti em em ringawt mai.

            A tukah chuan Kohhran ho ten hunserh hmanga hmun thianghlim hung chhunga hnehna puanga hun kan hman takah chuan chu Kelkang hmun thianghlim chuan keima nunah thu a sawi \an ta. A z<n chuan mi phuar \an a,chu hmunah chuan \awng\ai a nuam >m >m a, Lalpa chu a hnai >m >m a, a hnena engkim mai thlen a nuam a, thinlung taka Lalpa auh a nuamin tupawh mai khan insum reng reng lovin, midang ven thawn nei miah lovin kan au tuar tuar a nih kha. Kha hmun kha a hluin a ropui a ni. Kal thei leh hmu theia ka awm kha ka lawm hle a ni.                      

ARTICLE

ISRAEL LEH PALESTINE INKAR BUAINA

            News tlem a en ve emaw chhiar ve thin chuan Israel leh Palestine chu an indo tih kan hre vek ang a. Thil tha lo chu a ni tih kan hre vek tel bawk in he inepna hi rei tak a kal tawh a,chuvang in heng ram pahnih te hi an inhua ani. Mahse enge buaina chhuah dan tak hria chu kan tam kher lovang. Envangin nge Israel hian tunah a luh chilh rup rup emaw Envang in nge Hamas ho khan truce kha an duh loh tih te pawh zawhna awm thei tak ani a, chuvang in he zawhna hi chhan i lo tum teh ang.

1. ENGE ISRAEL LEH PALESTINE HI ANIH CHIAH? Kan hriat ang in Israel leh Palestine chu inthenawm an ni a,Israel hi juda te ram ni in Middle East ah awm in a thenawm ah hian an ethnic group Arab ho Islam sakhaw zuitute an awm ani. Mahse hriat tur chu he ram pahnih te hi Independent an ni miah lo nia,hei hi nakin ah ka rawn sawifiah dawn a. Official tak in he ram pahnih te inkar ah hian border fel a awm lova hei vanga indo buai hi an ni reng ani. Ram thenkhat chuan Palestine khu independent state an ti a,mahse US leh a thuihruai te chuan Israel ramluah hnuaia Palestine chu territory pakhat ve mai ah an ngai thung a ni. Heng ram pahnih te hian an ram chu hmasang atanga an neih tawh in a nin chuh ve ve a,mahse tuna state khu chu tunlai mi chauh ani tih an hre lo a.

2. ENGVANGA INDO NGE AN NIH? He indo hi hi Sakhaw thil vang ngawt ngawr ai mah chuan tu in nge ram chu nei in engtia chu ram chu enkawl tur nge tih ah hian an buai zawk ani. Mahse hemi tur hian zawhna tam tak chhan tur a awm thei ang-Khawi lai tak nge border an tih hi emaw Palestine raltlan te khu an original home ah an let leh thei ang em tih te hi ani a.

            Heng issue vang hian tuna thil pawi ta ber mai Palestine ram chu Israel chuan sipai chakna hmang in a dang bet a,chutih rual chuan Hamas ho in Israel mipui pawisawi lo chu a tibuai ve reng bawk a. Chuan he thil pahnih rawn ti chhe leh tu chu kum tam tak heng ram pahnih te inkara buaina awm vang leh kum 70 lai kal tawh a thil thleng leh engvang thil thleng ah hian heng ram pahnih te hian version dang ve ve an neih vang te pawh ani. Kum 1993 leh 1995 ah Oslo Accord hmang in heng ram pahnih te hi remna leh muanna kha thlen tep a,mahse a fail leh hlauh ta si a. Hemi cha hi chuan heng ram pahnih te hi thiam bik an awm lova, mihring nunna channa mai thlen tu an ni ve ve ani. Israel in Pathian hnam thlan tiin an tang a,Hamas ho lah in Allah tan tiin slogan an lo sa ve bawk nen.

3. HENG RAM PAHNIH TE INDO CHHAN? Heng ram pahnih te hi kum 1900 vel atang daih tawh a buai an ni a. Chung hunlai vel chu Ottoman Empire kan tih hunlai kha ani. Zionism kan tih mai kha ani a,Juda mi tam tak in an rawn lut ta ani. Hei hi British ho thuchhuak ani nghe nghe a. Hetianga sakhaw indo tlat an nih vang in kum 1947 chuan UN chuan ‘British Palestine’ chu ram pahnih ah then a rawt ta a,ram pakhat juda ho tan leh Arab ho tan ram pakhat. Chuan Jerusalem,he sakhaw tana hmun thianghlim chu ‘Special international zone’ ti a puan tur ani. Mahse hei hi Arab leader ho chuan colonial theft ah ngai in Palestine chu an va run ta a kum 1948 ah chuan mahse he tah hian Israel chu chak zawk in UN ho in Arab ho boder an pek pawh chu kal pel in Arab mi tam tak chu an ram atang chuan an hnawtchhuak ta a. Mahse Indo a tawp meuh chuan Israel chuan tuna an ram te reuh te bak chu an nei ta chuang lo a. West Bank leh Gaza chu an hloh ta ani.

4. ENGVANG IN NGE ISRAEL HIAN PALESTINE RAM CHU A AWP TLAT?Israel sipai ten Palestine an awp kum khu 1967 vel atang a intan ani a. Gaza an tih tak khu chu Egypt ho thuhnuaia awm ni in West Bank erawh chu Jordan ho kuta awm ani thung. Hemi kum vek hian indo in Israel chuan heng territory pahnih te hi a kutah dah in Golan Height’s Syria ram ami pawh chu la tel in Egypt rama Sinai Peninsula chu ala bawk ani.

            Israel in he ram a awp chhan an sawi dan chuan Israel mipuite him nan leh Hamas hel ho ten an rawn tihbuai fo loh nan an ti ani. Mahse hei hian buaina a tih tlem phah ho lo mai. A tuatan pawh buaina a ti tam zawk a,Israel ho tan ngei pawh helai vela lo awm tan a harsat phah ta ani. Abik in Palestine mipui te tan a chhan chu Israeli military justice system vang in palestinian naupang khu nitin pahnih tal tlem ber ah man an ni zel bawk ani. Heng ram pahnih te indo leh zel chhan mithiam ten an sawi dan chu tharumthawhna (violence) hi buaina chinfel nan heng ram pahnih te hian an rin vang ani. An pahnih khuan an in ringhlel ve ve si a,.peace accord emaw truce emaw pawh an nei hleih theih loh chuan tharum hmanga chinfel tha ber a an ngaih vang a ni.

BENG TIVAR

Mizo zinga hmasa ber te.

Matrict pass hmasa ber : Thanga 1911

BA hmasate : Hrawva leh Lianhnuna 1924

B.Sc : Rev Dr. Zairema

BD hmasa ber : Rev Dr Zairema

MA hmasa ber : Khawtinkhuma

B.Com hmasa ber : Bualhranga

M.com hmasa ber : Hniarmanga leh Lalengliana

M.Ed Hmasa ber : Lalziki Sailo

B.E hmasa ber : Robula

M.E hmasa ber: Clement Lalrema

MBBS hmasa ber : Dr Tlanglawma

MD hmasa ber : Dr R Lalzaua

LLB hmasa ber : A Thanglura

LLM hmasa ber : LH Lianhrima

IAS confered hmasa ber: Lalhmingliana Tochhawng

IAS Exama tling hmasa ber : Jamchawnga Nampui

IAS hmeichhe hmasa ber : L Tochhawng

IFS(foreign) hmasa ber : Kc Lalvunga

IFS(forest) hmasa ber : Lalthanzama

IPS(police) hmasa ber : Rokunga Chawngthu

IPS (postal) hmasa ber : Thangkhuma Tochhawng

Asian Games a tel hmasa ber : Thanghnuna

Boxing international level medal la hmasa ber :

 Zoramthanga

India aiawh Football khel hmasa ber :

Kawllianthanga Afghan Gold Cup

India team Football manager hmasa ber : Zothangliana

Karate Black Belt hmasa ber : Joseph Lalchhuana

India aiawha Olympic tel hmasa ber : C. Lalremsanga

Mizo zinga DC hmasa ber : Lalbiakthanga

Ukil hmasa ber : A. Thanglura

BIBLE  QUIZ  No. 82

luka BUNG 16-20

A kâr âwl dah khat rawh :

Q1. Tichuan ani chuan an hnenah, “Mi ______________ intifel mai in ni e; nimahsela Pathianin in rilru a hre si a; mihring zinga an chawimawi chu Pathian mithmuhin tenawm tak a ni si.

Q2. Fimkhur rawh u:I ________________ thil a tihsual chuan zilh rawh; a inchhir chuan ngaidam rawh.

Q3.Tin,beidawng lovin an ______________ fo tur a ni tih hriattirna turin an hnenah tehkhin thu a sawi a:

Q4. Tin, Isuan Zakaia chung thu a sawi a, “Vawiinah he inah hian _________________ a lo thleng ta, ani pawh Abrahama fapa a ni si a.

Q5. Tichuan grep huan ata chu an theh chhuak a, an ________________ ta a.

A bung leh châng dah rawh :

Q1. Tichuan a pu sum batute chu a ko theuh va, a hmasa ber hnenah chuan, ‘Ka pu lakah engzat nge i bat?’ a ti a.

Bung: ...............          Chang: ....................

Q2.Tin, tirhkohte chuan Lalpa hnenah, “Kan rin tiphui deuh vang che,” an ti a.

Bung: ................         Chang: ....................

Q3. Tin, Lalpa vekin, “Roreltu fel lo thu sawi chu hre rawh u.

Bung: ................         Chang: ....................

Q4. Tin, Isua Jeriko khuaah a lut a, a chhun pelh dawn a.

Bung: ................         Chang: ....................

Q5. Tichuan an chhang a, “Khawi lam zawk thu nge ni kan hre lo,” an ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 81 RESULT

Chhanna lut zawng zawng : 4

Chhang dik vek                       : 4

Lawmman dawngtu: Mary C.Lalmuansangi (V.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

KELKANG  KAL  REPORT

            Saikhamakawn KTP bultumin ni 21.7.2015 atang 24.7.2015 khan Kelkang harhna chhima kal a ni a. Branch KTP chuan kalna tur sum leh pai lamah harsatna a  tawh laiin Kohhran committee in kalna senso tam zawk chu min tum sak a. Branch KTP chuan Kohhran committee chungah lawmthu a sawi tak meuh meuh a ni.

            Ni 21.7.2015 (Thawhleh) zing dar 6:00 rik hma deuhin kan chhuak a,Tuirini ah tukthuanei a ni a, Khawzawlah thingpui in chawlh neih leh niin Pathian hruaina in Kelkang hi Dar 6:00 vel bawrah tluang takin kan thleng thei a ni.

            Ni 24.7.2015 (Zirtawpni) dar 5:00 vel bawrah Kelkang chhuahsan a ni a, thlaurau lam tulna avangin bus zawng zawngte kan chhuah hun a in ang lo zut hlawm a, Khawzawl Vengsang Kohhran hmeichhia in tukthuan an buatsaih ei in, tichuan tlai 6:00 vel bawrah Pathian hruainain kan veng dam takin kan lo thleng thei a ni.

Hun hman dan tlangpui:

1. Thlen zanah Hmun Thianghlimah tawngtai hona neih nghal a ni a, tin zantin inkhawm ban atanga darkar chanve hnuah Hmun Thianghlimah thawngtai hona neih ziah a ni bawk. Hemi hnu hi chuan mahni remchan angin hnun hman chhunzawm a ni ziah thung.

2. Ni 22.7.2015 (Nilaini)

            Kohhranin Hmun Thianghlima hun a hman zawhah group hnihah inthenin Kelkang Bethel guide hoin nilengin Bethel neih a ni.

3. Ni 23. 7. 2015 ( Ninga ni)

            Dar 10:00am a Kohhranin Hmun Thianghlima hun a hman zawhah Group thumah inthein O.B pahnih theuh inkawp zelte hruaina hnuaiah nilenga Bethel neih a ni a, hemi ni ah erawh hi chuan a duh apiang mahnia kal hrangin hun an hmang bawk.

MEMBER KAL  DAN

Bus hman zat              - 5

KTP member               - 97

KTP member nilo        - 36

Total                            - 133

Mipa                            - 87

Hmeichhia                   - 46

Total                            - 133

KELKANGA  MIKHUAL  THLEN  DAN RECORD THAR  BER

Ni 23.7.2013 RECORD

1. MIkhual haw           -1184

2. Mikhual cham         - 2264

3. Thleng thar              - 1550

4. Tuna awm               - 3814

5. India ram pawn       - 318

6. Sate pawn               211 (1450)

7. Kal tawh zat                        - 213549

            Kal tawh zat hi September 2014 atanga chhut a ni. Record a alan dan hian kan veng kan awm lai hian mikhual 3814 kan ni a, kan haw dawn zan hian mikhual 1500 vel bawr lo thleng tura beisei mek an ni bawk.

            Pathian hruaina leh awmpuina nasa tak kan dawng a, Kohhran mipuite tawngtaina zarah tluang takin hun kan hmanga, kan cham chhungin taksa lam harsatna leh damlohna tawk kan awmlo niin kan hria, heng zawng zawng hi Pathian hruaina leh Kohhranhote tawngtaina a vang a ni, Pathian hnehah lawmthu i sawi zel ang u.

Sd/-

(PC.VANLALHRIATPUIA)

Secretary

Kristian Thalai Pawl

Saikhamakawn Branch

TUALCHHÛNG

,Pi F. Lalrinkimi w/o Robuanga (V.Sec) chu LDC a\angin Departmental Exam under MPSC ah UDC ah a inziak tling.

,J. Vanlalhruaia s/o F.Lalzuimawii (V.Sec) chu Junior Engineer Contract Basis chu a nghet ta.

,Tv. Johny MS Zel s/o C. Hualhnuna (T.Sec) chu Assam Regiment Clerk-ah a tling.

VAWK NOTE CHAR

            Kar hmasa khân Vawk note chhar a ni a, a neitu chuan a pianhmang leh a rawng dik tak sawiin ka hnenah lam theih a ni e.

Pi Lalhluni (C.P.Road)

Saikhamakawn

HMANGCHÂNG

¤ Glaze tile banga thil bâl kâi tam zawk hi chu nawhrehna (rubber) in a nawh reh theih.

¤ Leather chi reng reng a châng chânga glycerine hnawih hian a hmuar tur a veng a, a tih tlo bâkah a ti tle duh bawk.

¤ Thlalak hlui a hmuar emaw a bâl emaw chu petrol tlêm tein hru la a fai mai ang.

¤ I bengbeh screw a thâwl chuan purun varah chhun vak la, purun var chuan langtham lovin a tiban ang a, a tâwt mai ang.

¤ I bengbeh, \hi, zungbun te i dah khawmna ah chalk pakhat dah tel \hin ang che.

¤ Rangkachak lem hi a rawng a kal deuh tawh chuan stainless steel bawmah aieng tlem nen thunin nghet takin chhin la, nithum hnuah a rawng chu a eng mai ang.

¤ Rangkachak hlui deuh tihtlêt i duh chuan tui so ah surf powder tlem leh aieng telh la, chumi tuiah chuan minute 3 vel chiah la, brush in nâwt fai mai rawh.

VAWIIN KHAWCHIN

A lum lai berin: 270C

A vawh lai berin: 220C

Chawhma lamah 0mm, chawhnu lamah 0mm, zan lamah 66mm

(weather-forecast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 19.7.2015

MIPUI AW

KARTIN CHHUAK

Vol. XXI Issue No. 29 Kristian Thalai  Pawl  Saikhamakawn Branch  Pathianni Dt.19.7.2015

VAWIIN CHANGVAWN

            Tin, in kalin, ‘Van ram chu a lo hnai,’ tiin, hril zel ang che u. Dam lote tidam ula, mitthite kaitho ula, pharte tithianghlim ula, ramhuaite hnawt chhuak ang che u; athlawnin in hmu a, athlawnin pe ang che u.

KOHHRAN PROGRAMME

19.7.2015 (Pathianni)

Rampum huap hla kûtpui hman

Chawhma Sunday School Inkhawm

|antu              : Pi Lalngaii

Zirlai 26-na    :Isua Krista hnathawh III-na

Chawhnu Inkhawm

Thuhriltu       : Pastor C. Sapkaia

                        Zân inkhawm

Thuhriltu       : Pastor C. Sapkaia

K|P PROGRAMME

20.7.2015 (Thawh\anni zan)

 Sermon Inkhawm

Hruaitu           : Tv. C. Laldawngliana

|antu              : Tv. Tlangdingliana

Thuhriltu         : Pu Lalhmangaihzuala

Thilpek lak-    : Nl. Vanlaltlani leh

hawmtute           Nl. C. Vanlalmalsawmi

Hla hruaitute  : Pu Tommy Zirnuntluanga leh

(Ni 15-31Jul.)    Nl. R. Zonuntluangi

Keyboardist    : Tv. Zoliankima

K|P FELLOWSHIP PROGRAMME

19.7.2015 (Pathianni tlâi)

A hmun           : S.S.Hall

Hruaitu           : Nl. Lalramnghaki

|antu              : Tv. John V.L. Hruaitluanga

PAVALAI FELLOWSHIP PROGRAMME

19.7.2015 (Pathianni tlâi)

A hmun           : Pu Laldanzira te In

Hruaitu           : Pu K.L. Biak\huama

|antu              : Pu Lalnunthanga

Sharing leh \awng\airual a hun hman tur.

SERMON

TISA LEH THLARAU INDONA

Genesis 25:22-23., Rom 6:5-8., Rom 7:19-20., Rom 7:23-24., Rom 8:13., Galatia 5:16-17.

            Isaaka nupui Rebeki chu a rai a, phir a pai a. A naupai te chu a kawchhungah an insual a; a ning em em a, dam a chaklo a ni. Pathian a rawn ta hial a, Pathian chuan a puma tang chuan hnam hnih an awm tur thu leh a upa zawk chuan a naupang zawk rawng a bawl tur thu a rawn hrilh ta anih kha. Thuthlunghlui hi kan tan entirna  a ni.

            Kan pianthar chiah hian keimahniah hian thil pakhat a rawn piang a, thlarau rilru a ni. A hmain tisa rilru a lo awm bawk tawh a, tichuan keimahni theuhah hian tisa leh thlarau chu a awm ta a ni.

            Chutiangchuan Rebeki naupai a insual ang khan keimahni a tisa leh thlarau chu a indo a, Indona chu alo awm ta a ni. Tisa chuan thlarau dona a chak thin a, chutiang chiahin thlarau pawhin tisa dona lam a chak bawk si thin a ni.(Galatia 5:17)

            Rebeki chuan a naupang zawk chu a tan a, hetah hian a tan zawk zawk chu roluahtu tur alo ni ta ang hian keimahniah pawh hian kan tan zawk zawk chu kan roluahtu tur a ni. Rom bung 6-ah chuan ‘Kan piantharna, sual atanga chhuak kan nihziate, a thihna anpuiin kan thi a, a thawhlehna; a nun kan tawmpui a, kan mihring hlui chu a hnenah khenbehin a awm ve ta’ kan ti a, sual thihsan kan ti a, Kristaa kan nunna chu chiang takin kan hmu a. Mahse bung 7-na kan han kai chuan harsatna alo awm ta.

            Thatna tih kan duh a, sualna; kan tih duh loh zawk chu kan ti a. Tirhkoh Paula chuan he ti hian a rawn sawi a ni: ka duh loh zawng ka tih hi keima tih a nilova, keimaha sual awm tih zawk a ni’ a ti a, ‘keimaha sual awm tih a ni’ han ti viau thin mahse Pathian vuakna, Pathian kut chu a tuar leh ta tho si a, hei avang tak hian, “Mirethei ka va ni tehlul em! He thihna taksa lakah hian tunge min chhanchhuak thei ang le?” tiin a saw ta thlawt a ni.

            Rom bung 8 kan han kai chho leh ta a, Tirhkoh Paula vek chuan a rawn sawifiah ta a ni. “Taksa thiltihte thlaruava untihhlum thin vchuan in nun gang” a rawn ti ta a ni. Keimahniah hian tisa na, thi ve lo hi a awm a, chu chu hriain Setana chuan a rawn chawk tho ve thin a; keimahniah hian thisual tih chakna, ruihtheih thilte, hurna, mipat hmeichhiatnate, duhamnate, ruk ruk, eiruk, awhna sual chi tinreng leh thil sual chi hrang hrang hmangin kan taksa, kan tisa na hi a rawn chawk tho thin. Heng hi kan hratfiah a ngai, keimahni a nilo tih hi hriat tur, hetiang thilsual tih chakna, tih duhna hi keimahni ni lovin; keimahnia sual awm tih zawk hi a ni.

            Amaherawhchu he tisana hi thlaraua indo thin chuan in nung ang tih kan hmu a ni (Rom 8). Tirhkoh Paula chuan a tih duh loh sual a tih chuan ‘keima tih ani lo’ ati a: mahse, Pathian vuakna a tuar si a, “Tihsualtirtu leh tisualtu chu aram ata a paih chhuak a, rawhtuina meiah chuan an paih ang”(Matthaia 13:41) a  arawn tih ang hian keimahnia sual awm tih chu nimahsela tisualtu leh tihsualtirtu chuan hremna an pumpelh thei si lo a ni. Hemi avang tak hian keimahnia sual tih duhna lo awm thin chuin kan lo do a, kan lo tihhlum naaah chuan kan lo nung zawk dawn a ni.

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

TUALTHIHNA

            Tun hnâi hian Mizoram chhungah harhna a thleng mêk a, chutih rualin mahni intihlum leh tualthihna râpthlâk tak tak chuan nitin maiin min dêng reng bawk a. Hêng tihna râpthlâk tak tak a\ang hian engtinnge kan lo him anga, engtinnge kan chhungkua kan him theih tâk ang le?

            Chhiatna \henkhat motor accident ang chi te hi chu mi fimkhur loh zâr a zo theih teh meuh nachung hian \henkhat erawh tlêma han fimkhur deuh a pumpelh mai theih a awm ve bawk a, chuvangin fimkhur takin lirthei hi khalh \hin ila. Tualthihna, ruangchhar ang chi pumpelh tur hi chuan kan awm lohna hmun tura kan awm \hin vâng a ni \hin khawp mai. Kan awmna tur leh nundan tur Pathian thu in a sawi ang hian nung ila, engemawchen chu kan pumpelh theih a beisei awm. A tawp berah chuan Mahni intihhlum mawlh mai hi, mithiamte sawi dan chuan, ‘mihring hian ngaihtuah/suangtuah theih phâk chin tâwk (Limit) hi kan nei a, chu kan suangtuahna chuan a limit a pelh tawh chuan mihring rilru hi a mang ta vek a, engmah pawisak lohna leh mahni pawh intihhlum hial duhna chu kan lo nei ta \hin a ni’ an ti a, chuvangchuan hetiang thleng lo tur hian kan suangtuahna chuan buai lam a pan \an a, kan mangang tak tak chuan Pathian i pan tawp \hin ang u. A ni chuan min lo khawngaihin min lo ngaidam nasa khawp dawn si a.                       

ARTICLE

CM ONLINE CHUNGCHANGA HRIAT TUR PAWIMAWHTE

            Mi tupawhin sorkara thil an hriat duhte Chief Minister Office kaltlanga zawhna an zawhna turin CMOnline hi buatsaih a ni a. CMOnline hi Web Application Software niin tunah hian hman theih a chhawpchhuah a ni tawh a, CMOnline hmanga Chief Minister Office a zawhna thehlut duh te chuan SMS leh Web Forms hmangin thu (zawhna) te an thehlut thei dawn a ni. Tin, heng bakah hian CMOnline ah hian Chief Minister news te, press statements te, programme te dahluh thin ani dawn a, tunah hian Chief Minister hian Official Twitter profile (@CmMizoram) leh Facebook page te pawh a nei tawh bawk a, heng social media a Chief Minister in a update te hi CMOnline website ah hian a hmuh theih ve reng bawk a ni.

SMS hmanga thehluh dan: SMS hmanga theh lut tur chuan 9248-006-202ah hian SMS thawn mai tur ani a, kanSMS thu tirah khan ‘CM’ tih keyword hi dah hmasak ber zel tur a ni.

Entirnan: “CM Heihi zawhna enchhinna a ni e”

            Hetia zawhna kan thehluh hian kan SMS hi CMOnline software hian alo dawng ngei a ni tih finfiah nan SMS reply a rawn thawna, chu reply sms ah chuan kan zawhna thehluh Reference Number pawh a rawn thawn tela, he reference number vêk hi nakinah kan zawhna chungchang chhuinan a tangkai dawn ani. SMS hmanga zawhna thehlut duhte tan eng mobile operator pawh a hman theih a, SMS thawn man erawh a thawn tute’n an chawi a ngai ang.

Web Form hmanga thehluh dan: cmonline.mizoram.gov.in website ah hian ‘Interact Via Web’ tih a awm a, hemi page ah hian form fillup tur a awm a. He form a chhut luh ngaite tih zawh hnuah One Time Password (OTP) hmanga form hi submit tur ani. Submit fel hnu hian SMS leh email-ah ReferenceNumber hi thawn let ve leh ani bawk. Internet awm tawhna apiangah chuan Web Forms hmang hian Chief Minister Office ah hian zawhna a thehluh theih reng dawn a ni.

Chief Minister Office tih tur te : Heng zawh nate hi CMOnline software in alo dawng khawma.He software hi Chief Minister Office a mite chauhin access an nei a, hnathawktu ten anlo endik hnuah zawhna chhan turte chu a zawhna chhangtu tur Department Head te hnenah e-mail hmangin software hian a thawn chhuak leh a ni. Tin, hetia zawhna chhanna tur request software in a thawn chhuah rual hian Department Head leh a zawhna thehlut tu hnenah SMS notification a thawnchhuak leh bawk a ni. Department lamin zawhna anlo chhanna te chu e-mail hmang vekin Chief Minister Office ah an thawn let anga, heng chhanna te hi Chief Minister Office lamin software ah hian anlo update ve leh anga, software hian notification sms citizen hnenah hian a thawn ssleh ang. Heng zawhna thehluhte status hi CMOnline Website ah hian a track-na a awm a, a zawhna submit tu te hian an zawhna status hi an en thei reng dawn a ni.

Citizen zawhna thehlut tute Hriattur: Zawhna lut zawng zawng hi Chief Minister Office lam hian anlo enfel zel anga, zawhna thenkhat te chu a Department changtute hnena forward tul leh tul lemlo te pawh a ni thei bawk. Heng ah hian zawhna zawt tute fimkhur in hawihhawm tlang taka hmangturinkan han in ngen a ni e.

Website : cmonline.mizoram.gov.in

SMS : 9248-006-202                           -DIPR

BENG TIVAR

ELECTRIC METER CHHIARDAN

            JERC tariff thar anga electric bill lo kal \hin hi mitin tan lo chhiar thiam ve a \ul ve \hin. Tuna kan hmanlai rate ang chuan:

1. First 50 unit 2.10

2. Second 50 units 3.00

3. Third 100 units 3.80

4. Above 200 units 4.50

A chhut dan :

I bill ah khan power unit i hman zat kha 80 lo ni ta sela, a tira unit 50 kha 2.10 in puntir la (50x2.10=Rs 105 a lo ni a, a bang units 30 la awm chu 3.00 in puntir leh la, Rs 90 a lo leh a, a hma a mi nen belhin 105+90=195 hi i chawi tur a lo ni ta a ni,Units 200 chuang lo hmang tala, eg: 215 units hi i lo hmang ta a, a hma a mi ang khian chhut mai tur a ni a, 50x2.10=105, a dawt 50x3=150, a dawt leh units 100x3.80= 380 leh unit 200 a pelhna a bang kha 15x4.50=67.50 a lo ni ta a, han belh khawm ta la, 105+150+380+67.50=702 hi i chawi tur a lo ni ta a ni. Rate hluiah kha chuan 215x3.90=838.50 a ni a, a landan chuan rate tharah hian hman tamin kan chawi tlem zawk a, hman tlem chuan kan chawi tam zawk tihna a ni awm e, mahse mipui tam zawk ren taka power chhi tute hi a tam zawk kan nih avangin a pawisa tlingkhawm chu a tam zawk dawn tihna a nih hmel a ni. Kan hriatthiam nan Rates hlui chu kan hman zat unit kha a rate bituk ang zata puntir tawp a nih vang a ni

1. 1-50 units 1.70 x hmanzat

2. 51-100 units 2.10 x hman zat

3. 101-200 units 2.80 x hman zat

4. 200 chunglam 3.90 x hman zat.

            Unit 80 lo hmang ta la, 80x2.10=` 168, a lo ni a, unit 215 ah chuan ` 838.50 a lo ni a, rate thar nen a danglamna chu 838.50- 702=136.50 in rate tharah hian i chawi tlem dawn a ni, mahse i hman tlem chuan 80 unit ni se,  rate hlui-ah `168 a ni a, a tharah chuan `195 a lo ni ve ta thung a ni.

INTERNET LAM

**Internet a milem 80% hi hmeichhe saruak lam lanna a ni.

**Internet ah hian thlatin domain hrang hrang 17000000 vel in register \ha ziah anga chhut ani.

**Kum 2011 chhunga USA a nupa innei thar te zingah hmun 8 a \hen hmun khat hi Online-na a\anga inchhar an ni.

**Internet ah hian mihring 1,319,872,109 vel lut \hin an ni.

**Khawvel mihring 50 million hnen thleng turin Radio in kum 38 hun a hmang a, Television hian kum 14 hun a hmang a,World Wide Web(www) chuan kum 4 chiah a hmang.

BIBLE  QUIZ  No. 81

LUKA  BUNG 11-15

A kâr âwl dah khat rawh :

Q1. Tupawh a dil apiang chuan an hmu \hin a, tupawh a zawng chuan an hmu \hin a, tupawh a kik chu an hawnsak _____________________a ni.

Q2. Mipui zinga tuin emaw Isua hnenah, “Zirtirtu, ka u hnenah, _______ mi sem ve turin hrilh rawh,” a ti a.

Q3. Tin, Isuan a hmuh veleh a ko va, a hnenah, “Hmeichhia, i chak lohna chuan a __________________ ta a che,” a ti a.

Q4. Tin, mi dangin, ‘Sebawng tuak nga ka lei ta a, a chhia a tha fiahin ka kal dawn a, mi khawngaih la mi han ______________________ ang che,’ a ti a.

Q5. Tin, englo kawm vawkin an eite chuan intihpuar a duh em em a; tuman _____________________ an pe si lo.

A bung leh châng dah rawh :

Q1. a \awng sual hlauhva man tumin an chang reng a.

Bung: ...............          Chang: ....................

Q2. Ka hrilh a che, dar tangka dere te pawh i tlak kim hma loh chuan, chuta ta chu i chhuak lo hul hual ang,” a ti a.

Bung: ................         Chang: ....................

Q3. En teh u, in in chu aruaka hnutchhiah che uin a awm ta. Ka hrilh a che u, ‘Lalpa hminga lo kal chu a eng a thawl e,’ in tih hma loh chuan mi hmu leh tawh lo vang,” a ti a.

Bung: ................         Chang: ....................

Q4. Lei tan a tha lo vang, ek dur tan pawh a tha hek lo vang; miin an pai chhuak \hin. Tupawh hriatna tura beng nei chuan hre rawh se,” a ti a.

Bung: ................         Chang: ....................

Q5. Hlim tak leh lawm taka awm tur a ni reng alawm; he i nau hi a thi a, a lo nung leh ta a; a bo va, kan hmu leh ta a ni si a,’ a ti a,” a ti a

Bung: ................         Chang: ....................

Hming : ......................................................

Section : .....................................................

BIBLE QUIZ  NO.80  RESULT

Chhanna lut zawng zawng : 6

Chhang dik vek                       : 6

Lawmman dawngtu: Lalnuntluangi (Ini) (V. Sec)

            Bible Quiz chh^nna leh lâwmman hi Circulation Manager C.Laldawngliana hnenah thehluh a, lam \hin tur a ni.

KELKÂNG KAL DAWN

            Ni 21 - 24th July,2015 hian K|P bul tumin Kelkângah kal a ni dawn a, heta in Report zawng zawngte chu ni 21.7.2015 (Thawhlehni) zing dar 5:00 a chhuak thei turin inpeih vek tur a ni a, Biak In kawt a\angin Bus a chhuak ang. Thleng ho duh tan vawiin ni ral hma ngeiin Tv. Pc. Vanlalhriatpuia leh Pu C. Lalmuanpuia te hnenah thleng ho tur hming lehkha a ziakin thehluh tur a ni e. Tin, Buhfai leh chawhhmeh, Dispo. Plate leh No, thil \ul tur ang zawng zawngte ken theihnghilh lovang u. Kan Bus chuanna tur Bus bangah hming tarlan a ni anga, mahni Bus chuanna tur \heuh en tur a ni bawk e.

Sd/-

(P.C. VANLALHRIATPUIA)

Secretary

K|P, Saikhamkawn Branch

CONFERENCE HLA BU

            K|P General Conference 2014 hla bu chu lei tur ala awm a, a duh tan Synod Bookroom-ah lei theihin a awm e. A man hi `20/- a tihtlawm thlâk a ni tawh.

HLA THAWH THEIH

            K|P General Conference 2015 chu buatsaih alo hun leh dawn a, heta mi tur hla thawhduh nei kan awm chuan a thawh theih a, hrechiang duh chuan Tv. Pc. Vanlalhriatpuia, Secretary, K|P Saikhamakawn Branch hnênah zawhfiah theih a ni e.

VAWIIN KHAWCHIN

A lum lai berin: 250C

A vawh lai berin: 220C

Chawhma lamah 1mm, chawhnu lamah 2mm, zan lamah 3mm

(weather-forecast.com)

PAVALAI ROGRAMME

23.7.2015 (Ningani Zan)

Hruaitu           : Pu T.Lalrinthanga

(July thla chhung)

|antu              : Pu Lianchia

Thuhriltu       : Upa R. Lalngena

Thilpeklakha-            : Pu Rinngaihzuala

awmtu

Khuangpute: Pu Vanlalfela leh

            Pu Lalhmingliana Hnamte

SYNOD BUATSAIH

CAMPING NEIH DAN TUR

            Synod Executive thuchhuakin “Synod Rivival Camping Centre-a thla tin Camping neih nise” a tih angin Camping kalpui \an mêk a ni a. Tun kum chhunga Camping luh hun turte leh speaker turte hming tarlan a ni e. Camp-a lut turte Camping neih hma kar khat la awmah Synod Office-a Report \hin nise a lawmawm hle ang.

4-9thAugust, 2015

Speaker: Pu C. Lalramthara

Gospel Revival Team

8-13thSeptember, 2015

Pu K. Lalngaihawma

Milungngaite \hian Team

13-18thOctober, 2015

Upa R. Lalhmachhuana

Milungngaite \hian Team

10-15thNovember, 2015

Upa K. Lalhunpuia

Revival Fire Team

1-6thDecember, 2015

Tv. C. Zairemmawia

Dinthar Lehna Team

Sd/- (REV. R. LALCHANGLIANA)

Secretary

Synod Revival Committee

Mizoram Presbyterian Church, Synod

"Inngaitlawma \awng\aina chu vawi hnih, vawi thum chauh sawi nawn tur a ni lova, a \ul anga kan sawi nawn a, vawi sawm thleng pawhin kan sawi nawn tur a ni."

-John Calvin.

TUALCHHÛNG

, Pu Laltlawmlova h/o Lalruatsangi (Ch.Sec) chu damlohna avanga Aizawl Hospital-a enkawl anih hnuin alo chhuak.

, Lalremsangi d/o Laltlawmlova (Ch.Sec) chu damlohna avanga Referral Hospital-a enkawl anih hnuin alo chhuak.

, T. Upa C. Vanlalsanga h/o Lalchungnungi  (V.sec) te chhungkua chuan khawi ilo vah vel nan Scooty (Activa) thar an lei.

ENTLANG

            Mawngkawhur pakhat (Thubuai kal lai anih avangin hmingthup) chuan Bible publishers Zondervan leh Thomas Nelson te chu US dollar maktaduai 70 (70 Millions) chawi turin Michigan District court ah a khing riap mai. An Bible lehlin na ah 1 Corin 6:9 ah "mawngkawhur (homosexuality) hi sual ani e, ti a an tih hi constitutional rights) kalh ani a, rilru hrehawm takin kum tam tak ka awm phah ani" tiin a khing ani.

            Zondervan phulisher te chuan keini chuan lehlin hna hi kan khawih lova, scholar ten an lehlin sa kha kan lo chhu mai ani tiin an chhang. Tunah hian he thubuai hi chinfel a la ni lo, a kal mek ani.

            US supreme court berin "Homosexuality hi sual a ni lo ve" tiin an pass riap tawh mai si a, an la buai dawn chauh ani. Kan Bible hian beih a la tawk dawn chauh a ni.

(Source: TPNN news July 10, 2015.

http://www.tpnn.com/…/gay-man-files-70m-suit-against-bibl…/…)

HMANGCHÂNG

¤ Carpet hmul chi ah thil mawm i tihkai chuan maida phul vat la, darkar chanve hnuah khuih fai ang che.

¤ Thingpui sen leh vinegar chawhpawlh hi darthlalang nawh tlet nan a tha.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330