Mipui Aw 26.4.2015

MIPUI AW

KARTIN CHHUAK

Vol. XXI Issue No. 17 Kristian Thalai  Pawl  Saikhamakawn Branch  Pathianni Dt.26.4.2015

Vawiin changvawn :Tin,Samuela chuan, “LALPA chuan LALPA thu z^wm chu a l^wm angin h^lral thilhlante leh inth^winate hi a l^wm em ni?  Ngaiteh inth^wina aiin thuawihna chu a tha zawk a, berampa thau aiin a thu pawm chu a tha z^wk a ni. Helna hi aienthiamna sual te n>n a inang a, luhlulna hi milem biak leh Pathian lem biak tluk a ni. LALPA thu i duh loh av^ngin ani pawhin lal at^n a duh ta bik lo che a ni” a ti a.           (I Samuela 15:22&23)

KOHHRAN PROGRAMME

26.04.2015 (Pathianni)

Sunday School

|antu              : Pi F.Lalrinkimi

Zirlai 13-na    : Trinity thurin leh Bible         

Chawhnu inkhawm

Thuhriltu       : Upa Zairemthanga

                        Zân inkhawm

Thuhriltu       : Pu Siamliana

            Ni 26 & 27 (Thawh\anni leh Thawhlehni) hi Kohhran Inkhawm a  nih avangin a hranpain K|P leh Kohhran Hmeichhia Inkhawm a awm lovang. He tiang hian hun hman t<r a ni.

 Ni 26.4.2015 (Thawh\anni) Z^n

Thuhriltu       : Upa Lalzama

Ni 27.4.2015 (Thawhlehni )Z^n Inkhawm

Thuhriltu       : Upa Zonunmawia

PAVALAI PROGRAMME

30.04.2015 (Ningani Zan)

Hruaitu           : Pu T.Lalrinthanga

|antu              : Pu C.Lalremmawia

Sharing-a hun hman tur a ni ang.

SERMON

            Sardish khua kohhran ho hnena Pathianin a sawi hi eng thu nge kan ngaihtuah \hin em le? Thupuanah hian kohhran hrang  Pasarih hn>na Pathianin Johana hn>na a hrilh, puang chhuak tura a tih kan hmu a. Pathian hian a Kohhranhote hi a en reng \h$n a ni tih chiang takin a hriat theih a ni. Tunlai khawvelah, kan Zoramah ngei pawh hian Kohhran tam tak kan awm a, chung Kohhran zingah chuan kan awmna Kohhran theuh hi Pathianin a en \hin kan ni em tih kan in hriat a \ha hle. Sardish khua kohhranho pawh hi Pathianin a en \hin a, a hmangaih a ni tih chiang takin a hriat theih a ni. Pathianin a en \hin kohhran nih hi a lawmawm a ni. Amaherawh chu Sardish khua Kohhran ang mai hian kan thiltih zawng zawngte, Pathian mithmuhah tling zo r>ng a awm lovang tih a hlauh awm hle a ni.

            Zoram kohhran tam takte hi Sardish khua kohhran ang hi tam tak a awm theih ngei ang. Hei hi keimahni min hrilh a ni tih i hre thar \heuh ang u. Pathian thu vawi tam tak kan ngaithla a, inkhawm pawh vawi tamtak kan nei bawk a, thawhlawm pawh engemaw zat kan thawh khawm bawk \hin.Evangelist hnen a\ang te, Partor leh Kohhran Upa leh thuhriltute hnen atangin thu tam tak kan ngaithla fo \hin. Biakin leh  av>l pawh mawi takin kan chei a, a lang thei lamah chuan uluk takin kan che \hin. Mahse thinlung lam hmutu Pathian chuan engtin nge a tih kha? ‘Thi reng si a, nung hming pu’ a ti a nih kha. Chutiang chuan Pathian hian A kohhran hote thiltih hi a hmu chiang em em a ni tih hi i hre thar leh ang u.

            Kohhran hote hian kawngdik emaw kan zawh kan in tih lai hian, kawng dik lo lam kan lo zawh mek thei a, Bible-in min hrilh ang hian, kan thil la neih thi lek lek , Thlarau Thianghlim keimahni a  awm, thi lek lek chu chhem alh leh  zual ang u. Tin, kan thu dawn leh ngaihthlak te  hre renga,pawma z^wmin, i sim ang u. Lalpa lokal hun tur kan hre si lo. Keimahni duh dan ngawt a kal lovin, inthawina aiin thuawihna duhtu Pathian chuan a thuawih hi a duh ber a ni tih hria i la, nung hming pu ringawt lovin, nung taka rawng kan bawl theih n^n kan thinlung maichama mei chu i ti nung reng ang u.                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

I thlan tur i chiang em?       

            Kan hma lawkah khian Khawtlang hruaitu tur Local Council-te kan thlang leh dawn ta. A tu a te hi nge kan khawtlang t^n tha tur mi chu ni ang a, tu te nge khawtlang hruaitu at^na i duh chu ni ang? He zawhna hi mahni theuh han in zawt i la, kan chh^nna chu a inang lo thei viau ang. Engpawh nise mi tamtak ngaihd^nah chuan kan party candidate-te hi an tha ber fo thin. Hei tak hi kan ram \hanmawhbawk chu a ni. A party ang chuan eng party pawh hi an \ha vek a, chutah chuan a Candidate a zirin kan hruaitu turte chu thlang \hin ila a tha ngei ang.

            Local Council thlanah hian a nasa zual a, mahni chhung leh khatte, khawtlang hruaitu at^n an that >m >m vang pawh ni chuang lova dahkham an chawi ang tih hlauh vang emaw tala vote lo pek mai ch$ng kan la tam mai. Khawtlang hmangaiha, khawtlang tana thahnemngai tak tak chuan chhung leh khat leh vua leh v^ng hmachhuanin a in candidate lova, chutiangin a vua leh vang,  a chhung leh khat te pawhin khawtlang hruaitu atan a tha lo a nih chuan vote an pe lo ngam thin. Chutiang  chuan khawtlang mipuite hian tun \um Local Council kan thlan turah hian riru i pu ang u.

            Vote thlak hi kan tih ngei tur a ni a, i thlan turah chiang la, hruaitu \ha kan thlan chhuah ngei theih n^n rilru fim tak hmang ang che. I duh leh loh tur thlang suh. I chhungkaw tana ham\hatna t<r ringawt zawng lo la, kan khawtlang ina a \hatpui ngei t<r mi thlang ang che.   

           

                       

ARTICLE

LOCAL COUNCIL MEMBER KAN THLAN DAWN TAK                                      AVANGIN....                           -Mawitei pa

            Political party te u : Tlin ngei tumin theiht^wp in chhuah tur a ni. Amaherawh chu eng rilru nge in put tih a pawimawh ber. Ruling Party ten kan tlin loh chuan a zahthlak lutuk ang, Opposition lamin Ruling Party tih mualpho n^n kan tlin hrim hrim a ngai tih rilru pu in em ni Candidate in siam? Chutiang rilru in lo pu a nih chuan Saikhamakawn hian hma a sawn ngai lovang. Saikhamakawn-in hma a s^wn n^n leh changk^n lam a pan ve a, veng dang ^k ruala kan ^k ve theih n^n, Saikhamakawn khawtl^ng t^na mi inpe leh \hahnemngai thei t<r, hnathawk tak tak thei t<r thlang chhuak ila, kan Party t^n i theh chhuak ang u in ti a nih chuan mipuiin kan Amen anga, Candidate te uluk taka zirchiangin kan duh kan lo thlang ang. Tin, in Party Candidate a lo tling a nih pawhin in Party ta bil a ni tawh lo, Saikhamakawn khawtl^ng leh mipui zawng zawng aiawh turin in Party Candidate a tling a ni mai, Keipui sa hauhin, thunun tlat tum lo ula, an duh ang t^wka zal>n leh \hahnemngaia khawtl^ng t^n an thawh theih chuan in Party in hming \ha tho vang. Saikhamakawn Hmasawnna tur a nih phawt chuan Party dang pawh thawhpui thiam te pawh a \<l asin.

            Candidate te u : Tuntum chu kan Party tan khawtlang t^n ding ve ta che an tih lai khan eng rilru nge i put, contract hna, lirthei, in leh lo thar etc ngaihtuahna a lut zut zut chunga rem i lo ti a nih a, i tling a nih ngat phei chuan kan khawtlang chu kan va rethei rei dawn em!! Chutiang ni lo a, mahni inchhung khur hre reng chung leh nupui/pasal fanaute’n an tawrh phah rawk thei, chhungkuain kan retheih phahin khawsak pawh a harsat phah thei, sawisel pawh ka t^wk dawn, mahse, Saikhamakawn hian hmangaihtu a mamawh a, Saikhamakawn khawtlang t^na theihtawp chhuah t<r mi Party in an mamawh a nih hi, ka theihna zawng zawng nen Saikhamakawn khawtlang hmas^wnna t<rin ka thawk ang tih rilru pu a i lo pawm a nih chuan i tling emaw tling lo emaw Saikhamakawn t^n ke i p>n chhuak tawh hrim hrim a ni, mipuiin kan hre reng tho ang che. Tin, i tling a nih pawhin Party Office a nil>ng l>ng a \hu tur leh Party Office tlawh zing dup t<ra beisei leh thlan i ni lo, Saikhamakawn hi dah hmasa ber zel ang che aw. I tling a nih pawhin tling lote tawrhpui thiam la, i tlinglo a nih pawhin sawisel tur dap lovin i din chhan ang ngeiin Saikhamakawn t^n a tlingte theihtawp chhuaha thawhpui t<rin inbuatsaih ngei ang che.

            Mipui te u : Eng rilru pu in nge khawtlang hruaitu t<rte in thlan d^wn le? Party mi, chhung leh khat,\hian, nakina eng emaw a \angkai pui t<r hisapin em ni ang? Hengte hi rilruin a thl$r d^n chu a ni ch^wk. Mahse, kum 5 chh<ng Saikhamakawn khawtl^ng hruaitu t<r i thlang d^wn ania, fimkhur hle teh aw.

            Saikhamakawn hmasawnna tana hnathawk tak tak thei t<r, khawtlang dah pawimawh hmasa thei tur nia i hriat phawt chuan thlang pawp mai rawh, a sual lovang, anih loh chuan kum 5 chhung khawtl^ng hruaitute laka phunnawi n^n i hmang palh hlauh a nge.

            Engpawh nise, April 30-ah Saikhamakawn Local Council member turte, Congress, MNF, ZNP leh Neutral kan nihnain kan thlang d^wn. Chumi hnu lamah chuan Saikhamakawn mi leh sa kan nihna angin  Saikhamakawn khawtlang t^n Party sawi lovin i thawk tl^ng ang u aw........

   CHHIAHHLAWH KAWR HA CHUNGA RAWNGBAWL

                                                            -   Aba CZC

            Tunlai kan khawtlang boruak tisa leh thlarauah pawh kan hlim tlan lai a ni. Thlarau Thianghlim rawn thleng chho mek hi kan chan \heuh theihnan mitin kan rilru leh taksa lo inbuatsaih ila. Thlarau Thianghlim kan chanah hian tumah insawi sak lohin, \awng\aiin inpui tawn \heuh ila a \ha ang e. Ringtute hi tuar tura koh kan ni a, min kohdan erawh a inang lo a, ram t^n te, Kohhran t^n te, khawtl^ng t^n te’n min ko a ni. Min kohna z^wn \heuhah hian chhiahhlawh kawr ha chunga rawng kan b^wl a pawimawh hle a ni.

            Kan khawtlang enkawl tur pawh hian mi in pe,rawngbawlnaa ngai an pawimawh a. ‘Sum hi sual tinreng bul a ni’ an tih ang deuhin, sum ringawt $ttu te chuan khawtlang hi a enkawl thei dawn lo a ni. Kan veng chhungah hian ruihtheih thil a r<k tak hian a hluar hle a, kan tleir^wl \henkhat te pawh ngo si lovin an d^ng bel zo ta. Nakin lawka kohhran, khawtlang enkawltu ur te an ni a, an chhiat hlen mai loh n^n a dona kawngah mi inpe, thlarau lama hruai theitu t<r kan mamawh a, a hunah chuan khawng taka rorel ngam nise a duham hle a ni.

            Kan vengchhung enkawla, chawisang tur chuan mi chal lang vak te hi an \ha angem? |ha ta se kohhranah pawh mi \ha a kan ngah te pawh hi an \ha lo angem ni? Engpawh nise kohhrana an \angkai loh avang khan an \ha lo turah ngai ngawt lo ila. He/kan khawtlang tan an rilru leh taksa an lo inpe pumhlum mai thei, chutiang bawkin kohhrana an lo lansar viau avang khan khawtlang lamah an hman tlak kher loh mai thei. Tin, mi zirsang na zawngin ram  enkawl an thiam kher lo a, zir hniam pawh a inpek viau chuan kan \angkai pui viau thei a ni.

            Kan veng hi infiamna lamahte,transformerlamah te, feh kawng lamah te kan la hnufual hlein ka hria. Khawtlang mipuite u, in rinnaah chiang la, i rilru leh ngaihtuahna kha a thl^wnin kan hma lawkah hian liam tir mai suh ang che.

SPY CAMERA

            Hotel pindan i luh velah light off vek la. Parda zar phui vek la. Tichuan i phone la chhuakin camera kha a flash telloin i on dawn nia. I thlenna room ah chuan i phone screen en reng chungin inherkual la, uluk takin kil tin i enchhuak vek dawn nia. 'ENG SEN VIT VET' (Red dot) i hmuh chuan, camera thuhruk a awm ngei ani tih hria ang che.

Spy cam thenkhat te pianhmang :

1) Perfume

2) Pen

3) Kawngka vawnban

4) Boruak tih thianghlimna (Toilet a an khai thin)

5) Toilet flush pin adt

BIBLE  QUIZ  No. 69

MALAKIA Bung 1-4

A kâr âwl dah khat rawh :

Q1.Mi _________________chu in rapbet ang a; Ni ka ruatah chuan in kephah hnuaia meivap an ni dawn si a, Sipaihote LALPA chuan a ti.

Q2. ¶Kei LALPA hi ka danglam si lo, chuvângin nangni, aw Jakoba fate u, tihboral in ni lo ve.

Q3.Amaherawh chu a lo kal ni chu tunge tuar zo vang: A lo lan hunah chuan tunge ding thei ang? Ani chu ______________mei ang leh puan sutute sabawn ang a ni si a:

Q4._____________ chi neiin, pumkhatah a siam lo vem ni? Engah nge pumkhata a siam? Chi thlah, Pathian ngaihsak a zawng a ni. Tichuan in nunna chu vêng \ha ula, tumân

mahni nupui tawntirh chu bum suh se.

Q5_____________ erawh chu ka hua a, a tlângte chu hmun \iauvah ka siam a, a rochan chu thlalêr sihalte ka pe a.

A bung leh châng dah rawh :

Q1. In mit ngeiin in hmu ang a, Israel ramri pêlin LALPA chu châwimâwiin awm rawh se, nangni ngeiin in la ti ang.

Bung: ...............          Chang: ....................

Q2.Nangni chuan, Eng vâng nge ni le? In la han ti a. Nang leh i nupui tawntirh inkâra thu hretu chu LALPA a ni a, i kawppui leh i thuthlung nupui a ni na chungin A chungah bumna thil i tih \hin avâng a ni.

Bung: ................         Chang: ....................

Q3. In pute hun ata tawh ka thuruatte in kal pensan a, zawm pawh in zawm ngai lo. Ka hnênah lo kîr ula, Tichuan in hnênah ka lo kîr ang, Sipaihote LALPA chuan a ti. Nangni erawh chuan, Engahte hian nge kan kîr ang? In ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 68 RESULT

Chhanna lut zawng zawng : 7

Chhang dik vek                       : 7

Lawmman dawngtu: Mary Lalmuansangi(V.Sec)

         Bible Quiz chh^nna leh lâwmman hi Circulation Manager C. Laldawngliana hnenah thehluh a, lam \hin tur a ni.

Hlimen pastor bial inkhawmpui vawi 50-na

(Pathianni Programme)

Ni .26.04.2015

10:00am: Pathian Biak Inkhawm

Thupui: ‘ A ram leh a felna zawn’

Sawitu: Upa R.Lalngena

            Saikhamakawn Kohhran

Zaipawl: Melthum Kohhran Zaipawl

1:00pm: Lalpa Zanriah Sacrament

|hehtu: Pastor C.Sapkaia

Zaipawl: Hlimen Kohhran Zaipawl

7:00pm: Pathian Biak Inkhawm

Valedictory Sermon: Pastor C.Sapkaia (Bial Chairman kalchhuak)

Zaipawl: Bial Zaipawl leh Hlimen Vengthar Kohhran Zaipawl

PRESBYTERIAN BIBLE SCHOOL ADMISSION NOTICE

            Presbyterian Bible School, Mission Veng, Aizawl ah C.Th (Certificate in Theology) zir tur lak a ni leh dawn a, dil duh chuan heng hi hriat tur a ni e:

1. Admission Form Office-ah Rs 10/- (Cheng sawm) a lei tur a ni a, April 30, 2015 (Ningani) tlai dar 3:00 thleng PBS Office-ah thehluh theih a ni. Diltu chu kum 16 aia naupang lo, Kohhran dan chhunga awm a ni tur a ni.

2. May 1, 2015 (Ningani) zing dar 10:00 ah interview neih tur a ni a, lakte chuan May 5,2015 (Thawhlehni) ah Class \an tur a ni.

3. Zir hun chhung thla thum i.e. May - August, 2015 a ni a, zirlai pakhat hnenah Stipend Rs 500/- thlakhatah pek a ni ang. Hostel a awm lo. Hrechiang duh tan Phone No. 2317343 / 2325082 / 9436198231 ah te zawhfiah theih a ni.

Sd/-

(REV. P.C.PACHHUNGA)

Executive Secretary

i/c Presbyterian Bible School

INTHLAN  CHUNGCHANG HRIATTIRNA

1. T<na Local Council kan thlan t<rte hi kum 5 term a ni.

2.  Kan v>ng hi seat 5 p>k kan ni a, seat 4 chu general seat a ni a, seat 1 chu hmeichhe t^n a hauh b$k (reserved seat) a ni.

            Tichuan general seat 4 chuh t<r hian candidate 12 an awm a, mi pakhat (voter pakhat) in mi 4 chauh thlan t<r a ni. Mi 4 aia tam kan vote (chhut )chuan  kan vote kha a thi ang.

            Tin, hmeichhe t^n seat 1 kan neih chuh tur hian hmeichhe candidate 3 an awm a, ch<ng z$nga  pakhat chauh chu thlan t<r a ni a, mi pakhat aia tam ah kan vote chuan kan vote kha a thi ang.

            Tichuan voter pakhatin  vote 5 kan neih hi general ah vote 4 thl^k a, hmeichhia (reserved) ah vote khat thl^k tur a nih chu. Kan vote a thih loh nan fimkhur takin vote i thlak ang u.

3.  Vote thl^k t<r ten I.D. card ken vek t<r a ni.

4.  Ni 30, April 2015 ah Primary School ah inthlan tur a ni a, zing dar

7:00am -dar 5:00pm chhungin vote thl^k tur a ni. Inthlan d^n a hautak deuh av^ngin hmanhmawh deuh t<r a ni e.

5.  Inthlan zawhah vote chhiar nghal a ni ang a, result pawh puan nghal a ni ang.

Sd/-

(J.F. LALZAMA) 

Returning Officer

Saikhamakawn

LAWMTHU SAWINA LEH NGENNA

            MHIP Headquarter ngenna avangin sawrkarin LC/VC inthlanna turah Women Reservation Seat min siaksak hi a lawmawm kan ti a, kan vengchhungah pawh Reservation Seat chuh turin hmeichhe candidate mi 3 kan nei a, heng hmeichhe 3 zinga kan duh ber mi pakhat hi; in vote hlu tak pe \heuh turin khawtlang mipuite kan inngen a ni e.

Secretary

MHIP, Saikhamakawn Branch

HMANGCHANG

* Hmarchapui leh hmarchate hring i dah \hat dawnin a kuang paih vek la, a tha rei duh zawk.

* Dal chi hrang hrang engpawh i siamin aieng sawh khat lek thlak thin la, chu chuan a ti hmin hma thin a ni.

* Dal chhum hma a tel emaw giu emaw hnawihhmasak hian protein a tinem a, a ti hmin hma bawk.

* Sangha vura dah khawng tih tui emaw tihnememaw i duh chuan bawnghnuteah chiah la, a vurvawt rim ( frozen taste ) a tihbo bakah sanghatharlam rim a rawn tichhuak leh ang

* Alu, buh, etc i chhumin a so liam loh nan hianbutter tlem tleh thin ang che.

* Alu chhum a so laia vinegar tlem telh hian arawng a ti var nalh duh bawk.

* I chawhmeh sain i lei a tikang palh anih chuan akanna laiah chuan khawizu tlemte hi a kanna laiah chuan han hmuam la a ziaawm mai ang.

* Contact lense i hmang a nih chuan alo chhiat hma loh nan i dahthat na bawm chu a ro tha tur ani. Hei hian a tibawlh hlawhtu Bateria lakah a veng thei ani.

* Thosi sehna thakah hian toothpaste hnawih la, a thak a ziaawm phah mai ang.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 19.4.2015

MIPUI AW

KARTIN CHHUAK

Vol. XXI Issue No. 16 Kristian Thalai  Pawl  Saikhamakawn Branch  Pathianni Dt.19.4.2015

KOHHRAN PROGRAMME

19.04.2015 (Pathianni)

Sunday School

|antu              : Pi Hmingthanzuali

Zirlai 14-na    :Pathiana minung pathum

                                  (Trinity) thurin hi

Chawhnu inkhawm

Thuhriltu       : Upa Lallawmchhunga

Zan inkhawm

Thuhriltu       : Pi Khawlvuani

K|P PROGRAMME

20.04.2015 (Thawh\anni zan)

Hruaitu           : Nl. F. Lalrintluangi

|antu              : Nl. Ruthi Lalmuanawmi

Thuhriltu       : Pu C. Lalnunsanga

Thilpek lak-    : Nl. Lalmalsawmi leh

hawmtute          Nl. Lalsawmliani

Hla hruaitute : Tv. F. Laldingliana leh

(Ni 16-30Apr.)  Tv. Lalrinnunga

Keyboardist    : Pu Lalchhandama

K|P  FELOWSHIP PROGRAMME

Pathianni chawhnu inkhawm ban

A hmun          : S.S Hall

Hruaitu           : Nl. R. Zonuntluangi

|antu              : Nl. Lalnunpuii Hrahsel

           

KOHHRAN     HMEICHHE PROGRAMME

21.4.2015 (Thawhlehni Zan)

Ramthim zin

A hmun          : S.S.Hall

Hruaitu           : Pi Zonunsiami

|antu              : Pi K.Lalhmingliani

PAVALAI PROGRAMME

23.4.2015 (Ningani Zan)

Hruaitu           : Pu T.Lalrinthanga

|antu              : Pu T.Lalduhawma

Sharing leh Khawhn^i zin thlirlet n^na hun hman tur a ni ang

SERMON

PATHIAN HMANGAIHNA

            14“Tin, Mosian thlalerah r<l a khaik^n ang kh^n, Mihring fapa hi khaik^nin a awm bawk tur a ni; 15tupawh a ring apiangin amah avanga chatuana nunna an neihna t<rin. 16Pathianin khawv>l a hmangaih >m >m a, chitichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih z^wk n^n. 17Khawvel thiamloh chantir turin Pathianin a Fa khawvelah a tir lo, khawvel amah avanga an damtheihna turin a tir a ni zawk e.”(Johana 3:14-17)

            Bible-in min tumpui a tum ber chu Pathian hmangaih na mihringte hriattir hi a ni. Genesis bung 2: 9 -ah chuan Eden huanah thing mit la tak tak leh ei mi tinreng, huan lai takah nunna thing leh a chhia leh \ha hriatna thing a awm thu kan hmu a. Khatia Evi leh Adama Pathian dih loh zawng tia suala an tluk khan Pathianin eden huan a\angin a hnawt chhuak ta a. Genesis vek bung 3:22-a kan hmuh leh angin huan lai taka Nunna thing rah chu  kuta bana, lova eiin, kumkhuain a nung dah ange a tiin  Eden huana mihringte kan luh leh tawh lohna turin nunna thing kawng chu Cherub-te leh mei khandaih vir tawn zawk zawk chu a awm tir tih kan hmu a ni. Pathian hmangaih l>t ve lova chhandamna chan ringawt hi Pathian hian rem a ti lova, a hmangaihna min hriat tir hi a tum ber a ni. Pa thian hmangaihna chuan chhandam ngai mihringte chu Chhandamtu min siamsak a, A Fapa Isua Krista chu min pe ta ni.

            Keimahni a nunna reng nei tawh lo kha, eng emaw avanga nung ringawt turin min min ti lova, nunna thing rah ngei pawh ei a, chhandamna kan chan a phal lo a ni. Chutiang ei a nung ni ila mihringte chu  min siamtu Pathian aiin thildang kan dah hmasa ngei ang le. Kan Pathian chuan amah kan hriata kan rin theihna turin a Fapa ngei chu kan sual hrem ai tuarin, amah leh amah a rawn inhlan ta a ni. Chu a fapa thisen ngei ringtu chu chhandam kan lo ni a, nunna thingrah ei a nun ringawt chuan Pa lung a ti awi zo lova, a Fapa thisen chuan Pa lungtiawiin chhandamna famkim min siam sak ta a ni.

            Isua Krista ringa, a mah hmangaih tu tak tak chuan thil dang zawng aiin Isua Krista chu a dah hmasa \hin a. A ma hlawkna lam a ngaihtuah tawh lova, Isua Krista tan a nun zawng zawng a hlan phal zawk \hin. Pathian hmangaihna tel miah lovin amah fak awm takin a l^m ve vak theih, a chawimawi ve vak theih bawk. Min hmangaihtu hian hmangaih l>t ve a ph<t a, hlim leh l^wmna hmun ni lovah pawh, harsatna, hrehawmna hmunah te, chawimawina a awm miah lohna hmunah te, a mah hmangaih turin min ko a ni. Chu Pathian hmangaihna chu eng tin nge i chhan ve dawn? I chhanna nghakin a thlir reng che a ni.          

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

TAKSA CHETNA       

            Harhna a lo thlen hian mi tam takte taksa chetnain a khawih fo \hin. Mizoramah harhna \um enge maw zat a lo thleng tawh \hin a, taksa chetna hi Thlarau Thianghlim hian hmanruaa a hman ve \hin pakhat a ni. Chutianga mi a khawihte chu tihtur leh tih loh tur a kawh hmuh a, awmdan tur a hrilh mai bakah midangte awmdan a hmuh pui \hin bawk. Thlarau Thianghlim chuan taksa chetna hmanga a khawihte chu thuawih bawihah a hruai \hin a, luhlul taka an awm chuan nasa tak pawhin a s^wi bawk \hin.

            Mihlim pakhat chuan ‘ Taksa chetnain min khawih lai chuan Pathian hnenah enge ka tih tur, enge keimahah Pathian thil tum hriat tumin ka \awng\ai nasa \hin hle” a ti a. Ni e, hei hi hriat tlan a \ha khawp mai, taksa chetnain mi a khawih reng reng chuan tum nei lovin mi a khawih ngawt ngai lova, keimahnia Pathian thiltum hriat tum ngei a \ha awm e.Taksa chetna hi harhnain a tum ber a ni em? Tiin han in zawt leh ta i la, a tum ber chu a ni lo maithei a ni. Kan Bible-a kan hmuh dan chuan Penticost ni a Thlarau Thianghlim a lo thlen khan Thlarau Thianghlimin a khawih te chu kawlkil thlenga a thu hretu niturin a ti huai sen a. Chutiangin he harhna kan chan hian Krista Thu hretu ni a, khawi hmunah pawh  huaisen taka a hming \ana do tura min ti huaisen tu ni thei se a duhawm hle ang.

           

                       

ARTICLE

“ZUI ZEL” AH KA BUAI TA TLAT

(Chhunzawmna)

-Dawngkima

            Easter Sunday khan khawvel leh hnam tin a kal a thilsiam zawng zawng hnena chanchin\ha hril Isuan a ngaih pawimawh zia kan sawi tawh a. A kal bosan tawh dawn avanga a thuchah hnuhnung kan sawi zawng chauh kha nilovin a la sawi zawm zel, ringtute dinhmun tur a sawiah hian ka buai ta tlat.

            Marka 16 : 17 “ Tin, heng chhinchhiahnate hian ringtute chu a zui zel ang. Ka hmingin ramhuaite an hnawtchhuak ang a; \awng tharte in an \awng anga, rulte kutin an la ang a, thihna t<r engpawh in mahsela engmah an ti lovang a, damlote chungah an kut an nghat ang a, an dam zel ang”.

            Heng chhinchhiahnain a zui lohte chu ringtu an ni ve lo ti mai ila, ringtu bar kan va awm ta lo ve ! \awng thar a \awng vek tur, rulte kuta lak \heuh tur, thihna t<r in \heuh tur ti ila kan va buai dawn em! rul man tur leh thihna t<r pawhin min daihvek si lovanga. Pathian thu laksual hi ringtu nunah a pawi ber hial ang chu.

            A lehlamah kan nun leh phak tawk mila Pathian thu sawi zam pawh pawi tak a ni tho. Ka buaina ta chu ringtute a zui maithei ti lovin, a zui zeuh zeuh ang pawh ti lovin “a zui zel ang” tih a ni tlat mai. Zui zel chu kalna apianga lo kal ve zel tihna a ni miau bawk si a. Min la zui chhin velo reng reng nge, min zui ve tawh a, min zui zel ta lo ? Ka chan phak loh mah nise ringtu chuan kan chang tur a ni dawn lawm ni ? Ka chan tawk milin ka sawi zam mai ngam silova, ka buai ta alawm !

            Ka chanloh chhan ber chu khawvel zawng zawngah kalin thilsiam zawng zawng hnenah chanchin\ha hril rawh u a tih ka zawmloh vang ni berin ka hria. A thuchah ngaih pawimawh em em hi zawm ve phawt ila heng chhinchhiahna te hian min zui ve zel ang chu mawle !

            Tihtur min p>k ti mang silova, a dawn lam lo beisei ve ringawt hi kan nunpui tawk a ni miau a. Buh leh thlai thar tur chuan ch$n ve a, a thar hun hma chu enkawl te pawh a ngai ve alawm. Ringtu dinhmun kan sawi ta sa sa, kan dinhmun hi group 3 ah \hen ta ila :

Group A : Thingm<t : Ringtu nung, langsar lo, mahse tlo tak leh sa ve tak te.

Group B : Thingm<t alh : Ringtu nghet leh tlo, thli/boruak dawn hun a alh ve mai \hin, alh kherlo pawh a nung.

Group C : Meialh : Hnahthel ro te, petrol te an alh hluai a, sam takin a mit leh a,  an alh zawh chuan an thi a, sat pawh an sa zui eih lo. 

BENG TI VAr

BOOK OF THE YEAR

            Mizo Academy of Letters hian kum 1989 atang khan BOOK OF THE YEAR an thlang thin a, chungte chu :-

1989- Ka lungkham (B. Lalthangliana)

1990- Hmangaihzuali (C.Laizawna)

1991- Zoram Khawvel-1 (L. keivom )

1992 - ?hangthar Taitesena (Romawia)

1993 - Mizo Literature (B.Lalthangliana)

1994 - Kum za Kristian Zofate Hmabâk (Bangalore Mizo Christian Fellowship)

1995 - Ram leh i tân chauh (H. Lallungmuana)

1996 - Bible leh Science (PC Biaksiama)

1997 - Pasal?ha Khuangchera (Laltluangliana Khiangte)

1998 - Anita (C. Laizawna)

1999 - Tlâwm ve lo Lalnu Ropuiliani (Lalsangzuali Sailo)

2000 - Chawngmawii leh Hrangchhuana (R.Rozika)

2001 - Ka khualzin kawng (Robuanga)

2002 - Runlum nuthai (LZ Sailo)

2003 - Kan Bible hi (Zairema)

2004 - Zorinpari ( H. Lalngurliani)

2005 - Damlai thlipui (Lalhriata)

2006 - Pasal?hate ni hnuhnung ( C. Lalnunchanga)

2007 - Zofate Zinkawngah (R. Zamawia)

2008 - Chûn Chawi loh (Lalhriata)

2009 - Rintei Zûnlêng (Lalrammawia Ngente)

2010 - Beiseina Mittui (Samson Thanruma)

2011 - Zodinpuii (Lalchhantluanga)

2012 - Sihlipui (Romuanpuii Zadêng)

2013 - Thinglubûl (Lalpêkkima)

2014 - Mizo Academy of Letters (MAL) chuan Book of the Year 2014 an thlan mekah a \ha zual pathum an thlang chhuak a, pathum a\angin a \ha ber an thlang leh ang. Book of the Year 2014 top 3 Nominee-te chu:

- History of Chittagong Hill Tracks (ziaktu - Laldova),

- Ka Zalenna (ziaktu - B Lalhriattira)

- Rambuai Literature (ziaktu - C Lalawmpuia Vanchiau) te a ni.

ANDROID HMANGTUTE TAN

            Android phone hmangtute tan *#*#4636#*#* hemi code hmang hian i phone battery \hat leh \hat loh i test thei a, a sat lai ber a 38°C vel nih chuan a pangngai hle ah ngai la. A aia a san erawh chuan tlema enkawl ve deuh a ngai tihna a ni ang. (Phone Company azirin phone \henkhatah a hman theih loh ve \hin bawk)

            Android Phone tihbo palh pawhin screen lock kha a chhartuin i screen lock open a tum a, a tih dikloh veleh a awmna tower location leh a ma thlalak I phone front camera a\angin a rukin alo capture kha i email-ah a rawn thawn nghal a, sim an thlak veleh number dang i dahah khan a rawn hrilh bawk.  https://play.google.com/store/apps/details… link-ah hian lo en ve chhin teh.

(Source: https://www.facebook.com/)

BIBLE  QUIZ  No. 68

Zakaria BUNG 11 - 14

A kâr âwl dah khat rawh :

Q1. A neitute chuan an that \hîn a, Thiam lovah an in ruat hek lo: Anmahni hralhtute chuan, LALPA chu fakin awm rawh se, Kan lo hausa ta si a, an ti a: Anmahni _______________ ngei pawhin an khawngaih hek lo.

Q2. Chumi nîah chuan Juda hotute chu Thing zînga meivâm angin ka siam ang a, buhphal zînga meichher angin ka siam ang: Tin, a vêla mipuite chu a kang fai ang-dinglam leh vei lamah; Tin, Jerusalem chu ama hmun ngei, Jerusalem-ah chuan a __________ leh ang.

Q3. Aw khandaih, ka berâmpu leh ka kawppuipa chungah chuan harh rawh, tih chu Sipaihote LALPA thu chhuak a ni; Berâmpu chu vua la, berâm rual an darh ang, a _______ chungah chuan ka kut ka lek ang.

Q4. Tin, chumi nîah chuan heti hi a lo ni ang a, Jerusalem a\angin tuinung a lo chhuak ang a; A zatve chhaklam tuipuiah, a zâtve thlanglam _______________: Nipuiah leh thlasik-ah pawh chuti chu a ni ang.

A bung leh châng dah rawh :

Q1. Berâmpu tlaktlai lo,ran rual kalsan tu chung chu a pik e!Khandaih chu a bânah leh a mit dinglamah a tla ang a, A mit dinglam chu a thim tlat ang, a ti a.

Bung: ...............          Chang: ....................

Q2. Chhûngkaw dang zawng zawng pawh, Chhûngkaw tinreng ahrangin, an nupuite a hrang \heuhvin.

Bung: ................         Chang: ....................

Q3. Tin, hmun thumna chu meiin ka fiah ang, tangkaraw thianghlim angin anmahni ka tithianghlim ang a, rangkachak fiaha awm angin anmahni ka fiah ang: Ka hming an lam ang a, an mahni ka ngaithla ang: Tin, anni chu ka mite an ni, ka ti ang a, annin, LALPA chu ka pathian a ni an ti ang, Tih chu LALPA thu chhuak a ni.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 67 RESULT

Chhanna lut zawng zawng : 4

Chhang dik vek                       : 4

Lawmman dawngtu: Lalrinsangi (V.Sec)

         Bible Quiz chh^nna leh lâwmman hi Circulation Manager Tv. C.Laldawngliana hnenah thehluh a, lam \hin tur a ni.

PAVALAI FELOWSHIP PROGRAMME

Pathianni chawhnu inkhawm ban

A hmun          : Pu Siamhleia In

Hruaitu           :Pu VLZidinga Sailo

|antu              : Pu Laltlanzara

Hlimen pastor bial inkhawmpui vawi 50-na

(Pathianni Programme)

Ni .26.04.2015

10:00am: Pathian Biak Inkhawm

Thupui: ‘ A ram leh a felna zawn’

Sawitu: Upa R.Lalngena

            Saikhamakawn Kohhran

Zaipawl: Melthum Kohhran Zaipawl

1:00pm: Lalpa Zanriah Sacrament

|hehtu: Pastor C.Sapkaia

Zaipawl: Hlimen Kohhran Zaipawl

7:00pm: Pathian Biak Inkhawm

Valedictory Sermon: Pastor C.Sapkaia (Bial Chairman kalchhuak)

Zaipawl: Bial Zaipawl leh Hlimen Vengthar Kohhran Zaipawl

HEALTH CARE & RSBY CHUNGCHANGA MIPUITE HRIATTUR

1. RSBY (Rs. 30/- chawia inziak lutte) Smart Card nikuma pekchhuahte kha kumin September thleng a hman theih ang.

2. Nikum lama RSBY (Rs.30 chawia inziaklutte) tan a inziah luhna lehkha leh Smart Card kha kengin Sub-Centre-ah inziah luh thar leh vek tur a ni. April leh May thlachhung hian renew-na hun hi hawn a ni.

3. APL te MSHCS (A man to) inziak lut duh tan, kumin April a\anga nakkum March thla chhhung atan inziahluh leh theih a ni. Nikum lama lama lo inziak lut tawhte tan an lo inziah luh tawhna lehkha kha kengin kal tur a ni. A thara inziak lut duhte tan EPIC ken tel tur a ni.

4. Hriatchian duh leh zawhchian duh neite tan Health Sub-Centre-ah Office hun chhungin zawh theih reng a ni. 

KOHHRAN  ZAIPAWL

            Saikhamakawn Presbyterian Kohhran Zaipawlte chuan Hlimen Pastor Bial Inkhawmpui ah hla an rem dawn a, ni 24.5.2015 (Zirtawpni) zanah an z^i ang.

            Hla la zir lo te pawhin inthlahrung lovin \hahnemngai takin i zir ang u.

BETHEL HUN HMANG

            Saikhamakawn Presbyterian Kohhran chuan ni 15.4.2015 (Nilaini) khan nilengin Bethel hun an hmang a, naupang lamin Sunday School Hall-ah hun hmangin, puitling lamin ram lamah hun an hmang thung. Kohhran mipui ten hlawkthlak an ti hle.

PRESBYTERIAN BIBLE SCHOOL ADMISSION NOTICE

            Presbyterian Bible School, Mission Veng, Aizawl ah C.Th (Certificate in Theology) zir tur lak a ni leh dawn a, dil duh chuan heng hi hriat tur a ni e:

1. Admission Form Office-ah Rs 10/- (Cheng sawm) a lei tur a ni a, April 30, 2015 (Ningani) tlai dar 3:00 thleng PBS Office-ah thehluh theih a ni. Diltu chu kum 16 aia naupang lo, Kohhran dan chhunga awm a ni tur a ni.

2. May 1, 2015 (Ningani) zing dar 10:00 ah interview neih tur a ni a, lakte chuan May 5,2015 (Thawhlehni) ah Class \an tur a ni.

3. Zir hun chhung thla thum i.e. May - August, 2015 a ni a, zirlai pakhat hnenah Stipend Rs 500/- thlakhatah pek a ni ang. Hostel a awm lo. Hrechiang duh tan Phone No. 2317343 / 2325082 / 9436198231 ah te zawhfiah theih a ni.

Sd/- (REV. P.C.PACHHUNGA)

Executive Secretary

i/c Presbyterian Bible School

TUALCHHUNG

,Pi Hrangchhingi m/o Upa Lalzuiliana (V.Sec) chu damlohna avanga Aizawl Hospital-a enkawl anih hnuin alo chhuak.

TIAM TLAT E

            F.Vanlalhmangaiha s/o F.Lalhmingthanga, Saikhamakawn  leh Zoremsiami d/o Vanlalnun\awmpuii, Mission Vengthlang te chuan ni 24.4.2015 (Zirtawpni) dar 3:00pm hian a nuamah emaw a hrehawmah emaw, damchhunga lengdun turin Sunday School Hall-ah tiam tlat e an ti dawn.

            Fanau maltluan chawi a, nupa inkawprem tak ni a damchhunga lengdun turin Mipui Aw Editorial Board Member-te chuan duhsakna kan hlan e.

HNATLANG NEI

            Kristian |halai Pawl te chuan ni 14.4.2015 (Thawhlehni) zingkara Pu C.Runkima te Balu thiar a hnatlang kan neih a member thawkchhuak zawng zawngte chungah lawmthu kan sawi a, tin, inhlawhna min siamsaktu Pu C.Runkima te chhungkaw chungah lawmthu kan sawi bawk e.

Sd/-

(PC. VANLALHRIATPUIA)

Secretary

K|P, Saikhamakawn Branch

TBZ PROGRAMME

(Neihthil thehkhawm a hun hman tur a ni ang)

A Hun: Ni 20 April 2015 (Thawh\anni) Dar 7:00 pm

A hmun: Pu R. Lalsangzuala te In

Hruaitu: Pu Ngura Sailo

|antu : Pi Biakremmawii

VAWIIN KHAWCHIN

High: 250C Low: 210C

Chawhma 12mm, chawhnu 9mm leh zan 11mm (Weatherforcast.com)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330