MIPUI
AW
KARTIN CHHUAK
Vol. XIX Issue No. 44
Kristian Thalai Pawl Saikhamakawn Branch Pathianni Dt.3.11.2013
KOHHRAN
PROGRAMME
3. 11. 2013 (Pathianni)
Khawvel Sunday School Ni
Chawhma Inkhawm
Hruaitu : Upa Lalrindika, Superin
tendent
Tantu : Pu Thangluaia
Thupui : Wales ram Kohhran chanchin I-na
Sawitu : Pu R. Chalkhuma
Chawhnu Inkhawm
Hruaitu :Upa C. Lalmuankima, Asst. Superintendent
Thupui : Wales ram Kohhran chanchin II -na
Sawitu : Pi Ralliani
Zan Inkhawm
Thuhriltu : Upa Zonunmawia
KTP PROGRAMME
Dt.
04. 11. 2013 Thupui zir ho
Hruaitu : Tv. F. Laldingliana
|antu : Nl R. Lalngaihawmi
Thupui : ‘Khawtlang tana thil\ha tih’
Thupui hawngtu : Nl.
Malsawmtluangi
Thilpek lak- : Nl. C. Zosangliani
hawmtu turte Nl. Pc. Lalrinmawii
November thla chhûnga hla hruaitu turte
Hla hruaitu : Tv. Malsawmzuala
turte Nl. Lalhmunsiami
Musician : Pu Lalchhandama
Vawiin tlâi
Fellowship
Tualchhungah
chhiattawk an awm avangin fellowship a awm lovang.
KOHHRAN
HMEICHHIA (5.11. 2013)
(Ramthim zin)
A hmun : Vestry
Hruaitu : Pi Zonunsiami
|antu : Pi Lalhmingliani (Hmingtei)
SERMON
KAN SUALNA
TE HI....
Ka
bawhchhiatnate hi ka hre ta si a:Ka sual hi ka hmaah a awm fo thin a ni. I
chungah, i chung chauhvah thil ka tisual a, I mithmuha thil sual ka lo ti ta a: - Sam 51 : 3 - 4
Ringtute hi
chauhchang nei kan ni tih hi tuman kan pha thei lovang. Kan han piangthara,
chhandam hlim lawmna kan chan lai chuan chaklo thei leh tlu thei angah pawh kan
inngailo hial \hin. Kawng lehlamah chuan min tichaktu Pathian vang chauh chuan
chau lo leh tlu lova awm tur kan nih laiin kan chau a, kan tlu \hin si a nih
hi. Mahsela Pathianin a khawngaihna avangin min kaithoin, Thlarau Thianghlim
zarah chakna thar kan nei leh \hin. Chuvang chuan ringtu piangthar \ha tak ni
mah ila, suala tlu \hin leh chaklo \hin kan nih avang hian kan sualna te hi
midangte hmuh theih tur hian a lo awm leh \hin a, heivang hian Pathian hming
chu khawvel mite hmaah ka tichhe fo \hin a ni.
Engvangin nge
ringtute hi kan chakloh \hin. Sual keimahnia lian kan do zawh loh emaw kan
tlansan phalloh emaw avangin sual chuan min hneh a, kan chaklo \hin a ni.
Ringtute hi chaklo ngawt kan ni ngai lova, a chhan ber chu sual kan tih vang a
ni. A nih chu sual chu engnge ni ta ang. Mihring kan inang lo ang bawkin kan
hmaa sual hnathawh leh thlemnate hi a inang lo hle hlawm awm e. |henkhat tan zu
leh ruihhlote sual do zawh har tak a nih laiin \henkhat tan chuan do zawhloh
chu sawi loh, engatan maha an ngaihloh thil a ni thei a. Kan mizia leh kan
nunphung azirin kan hmaa sual awm hi a danglam hle mai. Addict piangtharin a
chakloh vangin ruihhlo a khawih leh a, tin, mi nuntluang pangngai
piangthar alo chak lohin inkhawm leh
bible chiar a thlahthlam ve thung a.
Pathian lam a\anga thlir chuan ringtu sualvanga chaklo leh hnungtawlh
mek an ni ve ve tho. Mihringten kan thliar mai mai chauh zawk a ni. Kan hriat
reng tur chu kan sualnate hi Pathian mithmuh a\anga teh a ni zawk \hin tih hi.
Lal Davida chuan
Uria nupui a uire a, chumi hnuah Uria ngei pawh indona hmuna a thih ngei theih
nan ral hmatawngah dahin, indonaah a thi ngei reng a. Chutah Pathian hmaah a
inhmuhchhuah meuh chuan Davida chuan Pathian chungah chauh a ni thil a tihsual
tih a hrechhuak a, mihringte ngaihah chuan Uria leh a nupui chungah thil sual
lian tak khawih niin a lang. Mahse Pathian hmaah a ni Davida khan thil a
tihsual ni. Keini pawh kan \henawm khawvengte chungah te, kan mihringpuite tan
harsatna leh chiatna kan lo thlen tawh a ni thei, chutianga kan tihsualna te
ngei mihringte chuan min ngaidam eng ang mahse Lalpan min ngaidam em? tih hi
inzawt ila. Pathian hmaah a ni thil kan tihsual \hin, i hre thar \heuh ang u..
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga -
9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
COMMUNITY HALL
Kan
vengchhungah kan khawtlang hruaitute YMA leh Local Council-te hmalâknain
Community Hall chu Badminton khelh leh theihin buatsaih alo ni ta a, hmalâkna
kawng hrang hrangah a lawmawm khawp mai. Chumaibâkah mimal anga \hahnemngai leh
thawkchhuak tak tak kan awm \hin hi kan veng min ti hmasawntu a ni.
Tunah
inkhelh leh theih tawhin kan hmang dawn a, hetah hian mipui lam leh a hmangtute
lam pawh hian tu tâ bik mah a ni lo tih hriain a enkawl leh vawn uluk; vawn
\hat leh vawn thianghlim kawngah mawh kan phur \heuh a ni tih hria ila, engemaw
dan neuh neuh lo awm pawh hi vengchhung nih vânga namnûl mai lo hian a vawng
nungtu \heuh nih tum ila, fee pêk ngai ang chite, a chhûnga zûk leh hmuam tih
loh ang chite leh a dang tam tak dân awm hi zah thiam ila, chumai bâkah a fâi
leh balh chungchangah pawh mawh kan phur \heuh a ni tih inhriain kan tân vek a
ni leh thova, kan mawhphurhna a ni tih hria ila, a vawnfai leh dân lekkawh
chungchangah pawh midangte kaihruaitu nih i tum \heuh ang u.
ARTICLE
ZAHAWMNA HI
-
P.C.Hriata
Zahawm han tih chuan a kawh ber chu, vantlâng nun aia
chungnung deuh, mite pawhin an fiam bawrh bawrh ngam loh, kawng engkimah ti ila
kan sawi sual deuh mai thei e, mi nâwlpui in tlukloh en a en deuh te hi mi
zahawm anga kan ngaih chu an ni âwm e. A dik chiah mai, ei leh bar leh
chhungkaw enkawlna chungchângah pawh mi vantlâng aiin an chungnun a, an nunah
midang te zah an kai miau chuan mi zahawm chu an ni chiah rêng mai.
Amaherawhchu hemi tlâng a\ang ringawt a\anga thlir chuan a dik ber lo thei a,
tin, mi zahawm tia han sawi fak tur pawh an vâng viau ta ve ang le. Eng a\ang
chiahin nge zahawmna hi kan teh anga, eng tehfung nge kan chelek ber ang tih hi
hriatfuh a ngai a, chumi kan hriatfuh chuan mi zahawm hi kan awm fur mai awm
asin.
Pathianin mihring min siam dan han ngaihtuah a, beng sika
han chhut vang vang chuan tupawh mai hi kan in angkhat tlang put mai awm e.
Mihring ten zahawmna kan teh dan leh tehfunga kan hman tlanglâwn ber han thlir
dawn ila. Khawtlâng leh ram ang pawha mi zahkaite chu thiamna sang tak neite,
sum leh paia hausa te, sawrkar lu leh sawrkar hnathawk lian te hi a tlângpui
chuan zah chu an kai hle a, a dik pawh a dik chiah rêng a ni. Amaherawhchu kha
dinhmuna a din avânga zah kai an nih si chuan, kha an dinhmun chiah ah khan
mirethei berh tak leh daikil kâra mi; vantlâng leh khawtlâng ang pawha kan zah
vak lo te kha han awm ve ta se, thawklehkhatah zah an kai nghal ngei ang le. He
tehfung hmang thin tute chuan mihring zahawmna lam chu an hre hauh lo ti an ni ang tho a thawkrim leh bei nasa,
engemaw harsatna vânga thlengphak ve theilo te erawh chu vaivut pal khû k ang
mai mai a pal zut theih dinhmunah an ding ve thei lawi si. Thawhrim dan leh hah
dan inang theuh theuh vanduai vang maiin khawtlang zah a kai pha dawn ta lo, a
pamhmai deuh lo maw le.
Nihna leh thiamna tehfung atanga zahawmna kan teh \hin a
nih chuan thil diklo tak a awm thei dawn niin a lang. Heng tehfung kan sawi tak
zawng zawng hi awmlo ta vek sela chuan tupawh hi ang khat vek kan ni ngei ang.
Pathianin mihringte hi Thlarau nei leh Ama anpui ngeia siamte kan ni vek a, hei
vâng hian mihring reng reng hian hlutna leh zahawmna in angkhat tlâng vek kan
nei, chu chu kan sawi tak ang khian Pathian anpui vek kan nihna hi a ni, hemi
a\ang hian mihringte hi indawrin inzahthiam zawk ta ila; chu chuan kan nun hona
pawh a ti nuam zawk ngei ang. Zahawmna hi
nihna a\anga teh chu ni mahsela, Pathianin min siam dan leh a bul thûm
a\anga ngaihtuah chuan zahawmna kan neih hi a inangkhat tlâng a ni mai lo maw?
HRISELNA HUANG
KUMTLUANGPÂR
Botanical name: Vinca rosea,
Catharanthus roseus
English: Wild rose, periwinkle
Hindi: Sabehar, babahar
A chanchin tlângpui: Kumtluangpâr
hi chi hnih- a pâr var chi leh a pâr sen duk chi a awm a, a pâr var hi damdawi
atân a \ha zawk nâa a pahnih hian an hmang ve ve. Khawkhêng rei tak tak pawh a
tuarchhuak theiin ruahtui tlêm lâi, thlasik lai pawhin tuipui zawl a\anga teh a
meter 900 hnuai lampangah chuan a pâr reng thei. India ramah chuan Tamil Nadu
State-ah hmuh tur a tamin an chîng nasa deuh ber âwm e.
Hmânlai a\ang
tawhin kumtluang par hi zunthlum damdawiah an hmang \hin a, tunah phei chuan a
\hatna an hriatbelh nasa tawhin thisen cancer leh thisen sang damdawiah te pawh
an hmang \hin. Kerala-ah chuan thlânmualah a awm \hin avangin ‘thlânmual pâr’
an ti \hin a, ‘Adama leh Evi pangpar’ te pawh an ti bawk.
Damdawia hman theihte: A hnah
leh a zung.
Damdawia hmannate:
Zunthlum: A hnah rawtsawm tui
sawr 10ml zêlin thlakhat chhung nitin vawi hnih in tur a ni.
Thisen cancer: A zung
60gms silfai a, tui liter khatin mei navak lovah a chhumna tui 250ml anih
thlengin chhuan kang a, 60ml zêlin nitin zing leh tlâiah in tur.
Hliam a\anga thisen chhuak nasa: A hnah rawt sawm a, hliamah bel a \ha.
Santên, kaw\halo: A kung
pumpui densawm chhumna tui zing takin in tur a ni. Rûlhût pâi tân pawh a \ha.
Zun kawng \ha lo, muthlih theih loh: A hnah densawm tui sawr 5ml zêlin nitin vawi hnih in tur.
Khawmual kaikuang seh: A hnah
rawtsawm bel a \ha.
Chaw pâi \awih harsat: A hnah
pakhat leh a pâr panga nuai sawm a, tui lum no khat nen ei tur a ni.
LUNGKHÛP
A chanchin tlângpui: Lungkhûp
hi thing tlo tak a ni a, thingzai atân leh ban atân an hmang \hin. A zung bul
vêlah bellei a awm \hin.
Damdawia hman theihte: A pil
leh a zik no.
Damdawia hmannate:
Santên: A pil 25gms leh lambak hnah no 10gms, tui
400ml in mei navak lovah a chhumna tui 50ml anih thlengin chhum kang a, 25ml
zêlinj nitin vawi hnih, nithum chhung in tur a ni.
Khawsik, sikserh: A zik no
25gms leh thingkhawilu zik no 25gms. tui 400ml in mei navak lovah a chhumna tui
100ml anih thlengin chhum a, 25ml zelin nitin vawi thum in tur a ni.
BIBLE QUIZ
No.44
SAM NUMBER
81 - 85
A
kâr âwl dah khat rawh :
Q1. Chu chu
Josef-ho zinga thuhriattir nân a ruat a ni., Aigupta ram chunga a kal chhuah
lai kha: Ka ______________________ hriat loh benga ka hriatna kha.
Q2. An hre
lo va, hriat thiamna an nei hek lo; Thimah chuan an vei an vei a: Leilung
nghahchhan zawng zawng chu a ________________________ ta a.
Q3. Thu khat
vuain an inr^wn a; I chungah a chhe lama ti tûrin thu an intiam
___________________ a.
Q4. Nangmahah
chakna nei mi chu a eng a thawl e; A thinlung Zion panna lamliante
_______________ chu.
Q5. Kan
chungah i thinurn kumkhua dawn êm ni le? I thinur chu chhuan zawng zawng
thlengin i lantir _____________ dawn êm ni?
A
bung leh châng dah rawh :
Q1. Nangni chu buhchangrumin ka chawm ang che u a,
Lungpuia khawzuin ka titlai ang che u.
Bung:
............... Chang:
....................
Q2. Aw Pathian, tho la, lei ro hi rel ang che: Hnam
tinreng hi i rochung dawn si a.
Bung:
................ Chang:
....................
Q3. Nangmah chauh hi JEHOVA hming pu, Leilung zawng zawng
chunga Chungnungber i nih an hriat theih
nân.
.Bung: ................ Chang: ....................
Q4. Aw sipaihote LALPA, Nangmah ring mi chu a eng a thawl
e.
Bung
.................... Chang
.................
Q5. Felna chuan a hma a hruai ang a, A hniakte chu kawngah
a siam ang.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 43 RESULT
Chhanna lut zawng zawng : 8
Chhang dik vek :
8
Lawmman dawngtu: Mapuipuia (V.Sec)
Bible Quiz chh^nna leh lâwmman hi
Circulation Manager Tv.R.Zodinsanga hnenah thehluh a, lam \hin tur a ni.
PAVALAI
INKHAWM PROGRAMME
A hmun : Senior Hall
A hun : 7.11.2013 (Ningani)
Hruaitu : Pu VL Zidinga Sailo
|antu : Pu Saienga
Rilru
sawia hun hman tur a ni ang.
ADMISSION OPEN
Candid English School Saikhamakawn chuan 2014 session
atân KG-I a\anga Class-VIII admission a hawng a. Day Scholar leh hosteller ten
duh tâwka sap\awng an zirna hmun leh dicipline khauh taka kenkawhna school-ah
hian i tu leh fate rawn tîr rawh le.
Admission Fee:
Kg-I & KG-II :
`.900/-
Class-I to VIII :
`.1,200/-
Hrechiang duh tân:
Ph.: 8731066925
9089444074
HOARDING TÂR
Matthaia
Group K|P chuan Group Project atâna kan lo ruahman Hoarding (Pathian thu ziak)
târ chu kan lo puitlin ta a, Biak In hmarlam kawng chhak lamah hian târ a ni a,
a enkawl zuina lamah mitinte min dimdawih sak turin kan inngen e. Tin, kan
Hoarding târna tura min buaipuitute zawng zawng chungah lawmthu kan sawi bawk
e.
Sd/-
(R.ZODINSANGA)
Secretary
Matthaia Group, K|P
YMA IN LO HMUAK
LPS Comedian Search-a kan
veng hminga chhuak Laljoela chu Saikhamakawn Branch YMA chuan ropui takin alo
hmuak a, YMA RÛN ah thingpui in pui nghal a ni bawk.
YMA HRIATTIRNA
Hall chungchang:
Community Hall
chu Badminton khelh leh thil danga hmantheih turin peih alo ni leh ta a,
inkhêl\hin rêng rêng ten uluk leh dîm taka hmang \hin turin kan inngên a ni.
Tin, Hall Fee pawh November thla a\anga pêk leh tawh tur a ni ang.
Information Mike Chungchang:
YMA Information
Mike hi mitin ten \angkai leh pawimawh thila kan hman \angkai \heuh a ni a,
hetih rual hian a hman dânah kan fimkhur
a \ha âwm e, mimal leh pâwl bîk thil khawtlang huap chiah lo au nânte hman loh
tur a ni a, tin, emergency bikah lo chuan zan dar 8:00 pm hnu lamah leh zing
8:00 am hnu lamah aurinna hi hman loh tur a ni. Puan tur nei chuan Information
lama mawhphurtute hriattir a, au tir \hin tur a ni.
Sd/-
(K.LALHULIANA)
Secretary
YMA,
Saikhamakawn Branch.
UEFA Champions’ League
Thawhleh zân
Real Sociedad Vs Man. United (1:15)
Shakhtar Vs Bayer Leverkusen (1:15)
FC Copenhagen Vs Galatasaray (1:15)
Juventus Vs Real Madrid (1:15)
Olympiakos Vs Benfica (1:15)
PSG Vs Anderlecht (1:15)
Man. City Vs CSKA Moscow (1:15)
Viktoria Plzen Vs Bayern Munich (1:15)
Nilaini zân
Chelsea Vs Schalke 04 (1:15)
FC Basel Vs Steaua Bucuresti (1:15)
Borussia Dortmund Vs Arsenal (1:15)
Napoli Vs Marseille (1:15)
Z.St Petersburg Vs FC Porto (10:30)
Atletico Madrid Vs Austria Vienna (1:15)
Ajax Amsterdam Vs Celtic (1:15)
Barcelona Vs AC Milan (1:15)
TUALCHHUNG
,Pu Lalbiakmawia h/o Lalhmingliani (V.Sec) te chuan khawi ilo vah
vêl nân Car (Nano) an lei thar.
,Pu J.Lalthlengliana h/o Lalchhuanawmi (T.Sec) te chuan khawi ilo
vah vêl nân Bike (Karizma ZMR) an lei thar.
, Pi Lalzuimawii m/o Lalrinchhana (Ch.Sec) te chuan khawi ilo vah
vêl nân Bike (Karizma) an lei thar.
,Nl. Zomuanpuii d/o Biakthansanga (Ch.Sec) chu damlohna avânga
Civil Hospital-ah enkawl anih hnûin alo chhuak.
CHATUAN RAMAH
Lalawmpuii (Kum-2) chuan ni
19.10.2013 zan dar 6:30 khân accident avangin he lei hrehawm kalsanin chatuan
ram min lo pan san ta.
A kalsan tâk a a nu leh pa leh a
chhungte zawng zawngte kan tuarpui êm êm a, Pathianin awmpuiin vêng zel sela
tih hi kan \awng\aina a ni e.
Zanin EPL inkhel tur
Everton
Vs Tottenham (7:00)
Cardiff
City Vs Swansea (9:30)
Zanin La Liga
Getafe
Vs Valencia (4:30)
Atletico
Madrid Vs Athletic Bilbao (9:30)
Levante
Vs Granada (11:30)
Malaga
Vs Real Betis (1:30)
Thawh\an zân
Elche Vs
Villarreal (2:30)
Zirtawp zân
Osasuna
Vs Almeria (12:30)
Granada
Vs Malaga (2:30)
** Vawiin lam
ruah sur lo turin Wheatherforcast.com leh Accuwheather chuan an sawi.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
No comments:
Post a Comment