MIPUI
AW
KARTIN CHHUAK
Vol. XIX Issue No. 46
Kristian Thalai Pawl Saikhamakawn Branch Pathianni Dt.24.11.2013
Vawiin châng vawn
In kawngte chu
chhût ngun rawh u.
KOHHRAN
PROGRAMME
24. 11. 2013 (Pathianni)
Chawhma Inkhawm
|antu :
Pi Hmingthanzuali
Chawhnu Inkhawm
Thuhriltu :
Upa Lalrindika
Zân Inkhawm
Thuhriltu :
Upa Lalzama
K|P PROGRAMME
25.11.2013 (Thawh\an zân)
Week khârna inkhawm
A hmun : Biak In
Hruaitu : Pu Jeff Lalhmingsanga
|antu : Nl. Pc Lalrinmawii
Thilpêk lakh- : Nl. C.Zosangliani
awmtu turte Nl. Malsawmtluangi (Nutei)
Thuchah tâwi : Pu R.Lalmuanpuia
Result puan &: Upa
Lallawmchhunga
lawmman sem
Week kharna &: Pu
Lalduhkima
lawmthu sawina
November thla chhûnga hla hruaitu leh
musician turte
Hla hruaitu : Tv. Malsawmzuala
turte Nl. Lalhmunsiami
Musician : Pu Lalchhandama
Inkhawm bânah
thingpui leh a hmeh tui tak a awm bawk ang.
kohhran hmeichhe PROGRAMME
Dt.26.11.2013 (Thawhleh z^n)
Sermon inkhawm
Hruaitu : Pi Lallianpuii
|antu : Pi Rohlupuii
Thuhriltu : Pi Ralliani
SERMON
KHUAL ZIN
Khawvel nunphung leh hun inher mek zel hian
mihring nun nasa takin a sawi danglam zel a. Thiamna leh hmasawnna thang zel
hian mihring nun nasa takin a nghawng a. Mihring nun hi awlsam zawkna leh
nawmsakna tamtak min chhawp chhuah sak mawlh mawlh a. In leh lo ropui tak tak
leh a chhungah mihringin kan hriat leh kan beisei aia nasa zawk mahin, he
khawvela kan dam chhung atan kan nawmsak theihna tur kawng kan hriat ang angin
kan thuam a, kan inchhawp rei rui a. Kan theih tawk leh kan phakbak thleng
thlengin kan tlan suau suau mek zel a. Heng mai hi duhtawk lovin a theih ang
tawk tawkah dik leh mawi pawh thlu lovin sum leh pai hausakna kawngah nasa tak
in kan intlansiak bawk a.
He
khawvel nawmsakna kawng hrang hrangte hi chu; he khawvel anih chhung hi chuan a
awm reng dawn. Hmasawnna kawng hrang hrang hian mihringte tana nun awlsam
zawkna leh nawmna tam tak a rawn hring zel dawn a. Vawiina kan hmuh ngai loh
leh kan hriat ngailoh thil chi dang dang hian he kan nun hi a chim reng dawn a
ni. Chung chuan he khawvel a mihring damlaite zelah, a hunlai ang zelin kawng hrang hrangin hmasawnna leh nun nawmna
leh awlsam zawkna a pe zel dawn a ni.
Heng
kan sawi tak zawng zawng, he khawvel thil nawmsakna, hausakna, ropuina leh a
mawina zawng zawngte hi umin, duhin, chakin phe phe in, nei thin mah ila. He
kan nun hian tlin loh chin ala nei dawn, heng khawvel thilte hi chu awm reng
mahse, he khawvel thil nawmna leh mawina leh ropuina te hi kan chen theih loh
hun leh kan nunah hian awmzia a neih loh hun hi ala thleng dawn, Chu chu
mihring zawng zawng tawh vek tur a ni. He khawvela hausa leh nun nuam tak tak
leh ropui tak takte pawh hi heng an hausaknate leh an neih hi chuan tlin em em
mahsela, khang zawng zawng khan an nun ah awmzia aneih theih miah loh hun
THIHNA hian a nun a nanchin hun a thleng thin.
He
khawvelah hian cham hlen tur tumah kan awm lo. He khawvelah hian kan damchhung
ni hi chhiar thin mah ila, engtik hunah emaw chuan he khawvel hi kan chhuahsan
anga, kan chatuan hmun tur hi kan la pan dawn. chuvangin he khawvela kan
damchhung nun hi chu kan KHUAL ZIN KAWNG zawh mai kan ni. Kan chatuan hmun tur
ngaihtuah chuan, he khawvela kan damchhung hun hi chu a rei lote chauh a ni. Chuvangin khualzin mai kan ni tih hi
kan hriat reng a pawimawh. He khawvel nawmna leh mawinate hi chu kan khualzin
chhung mai atan a ni a, kan duh lutuk leh kan zawn nasat lutukna lamah hian kan
hmun hlun tur lam thlir lo lek hian kan tlan palh ang tih a hluhawm hle mai.
Haw leh tur kan nih inhre rengin kan damchhung nite hi kan chhiar thiam a
pawimawh a ni.
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga - 9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
INTHLAN
Kan
hmâ lawk thawh\anni hian MLA Election 2013 chu kan hmachhawn dawn ta reng mai.
Mitin mai hian hêng inthlan lo awm a vote thlâk hi kan tih tur; khua leh tui
kan nihna anga kan tih tur a ni tih hre thar leh ila, Candidate zingah duh bik
kan nei ngang lo anih pawhin tunah chuan Supreme Court lamin “Duh ber ka nei
love” tih lantir theihna tur NOTA (None Of The Above) thlengin a duangchhuak ta
anih hi. Chuvangchuan khau leh tui \ha kan nihna hmasa ber tur chu Vote kan
thlâk ve ngêi hi a ni.
Kan inthlannaah rêng rêng hian Party
hrang hrang awmin kan duh kan thlang \hin a ni. Hemi kawngah pawh hian Politics
ruih chila a, vawkpui pawh nise kan party anih chuan ka vote ang tih rilru ang
chite hi kan ram \hanmawhbâwk a ni. Chutiang nilovin kan ram tâna \ha tur, kan
veng; kan bial tâna \ha tur chu mahni duhthlanna ngêiin, mahni inrintâwkna nên
i thawhchhuahpui zawk ang u. “Politics hi nangmah ngêiin i ti duh lo anih chuan
i duh loh Politics chuan nangmah chu a rawn khawih lêt ang che” tih thufing ang
hian...
ARTICLE
AIA UPA ZAH
-Mizoram Presbyterian Kohhran Hmeichhe
Inkhawmpui Lian
“Aia upate zah thiamon,
An thute awihin zawm fo rawh
Pipute ro thil hlu a ni,
Aia upate zah thiam rawh.”
-Liandala
Aia upa kan tih
chuan mi tupawh, mahni aia piang hmasa leh kum tam zawk, hmeichhia emaw mipa
emaw, kan chhung zing mi emaw chhungte ni kher lo pawh a huam vek awm e. “Zah”
tih chu hlau leh \ih lam sawina nilovin, kum upa zawk annih avanga an dinhmun
zahawmna hriatsaka ngaihtuahsak tihna a ni ber, chu chuan an thu ngaihchân leh
thuawihte, an thu hnial lohte a keng tel nghal a ni. Aia upa an nih hrim hrim
avanga dah lal thiam chu aia upa zah awmzia a ni ber mai. Tirh hnial te,
chaltlai tak biak leh chhan te, an mit mei veng lêk lova khawsak leh chet vel
chu, aia upa te zah lohna langsar tak a ni.
1. Mizo nun ze mawi : Aia upa zah
Hnam upa leh hnam
changkang apiang ten aia upa zah nachâng an hria a, tarte leh kum tam zawkte
phei chu an zahin an chawimawi thiam hle \hin. Mizote hi hnam naupang tak ni
mah ila, kan pi pute kha hemi kawngah hian an duai lovin an entawn tlak hle a
ni. Thiamna lamah sang lo mahse, naupan têt a\angin an inzirtir avangin he ze
mawi tak hi an zâwm \ha hle \hin. Ram chhuahnaah te, khawi ilo kalchhuah
nikhuaah te, ram riah leh ruai\hehnaah te upa te thu an ngaichâng thiam hle a,
chaw hlui kîl honaah phei chuan upa berin an bâr hma chuan naupang zawkin an
bâr khalh ngai lo. Naupangte chu aia upa pawisak leh an thu awih an zirtir
\hin. Nu leh pa ten, “Aia upa te an hnial zawt zawt ngai lo” tih an hrilh \hin
chu an \hanlenpui tlat avangin tirh an hnial ngai lo. Lo tur ram ennahte, sa
kah leh ram vah nikhuaa sakah chungchangah chanpual insem chungchangah te, mi zawn inchuh leh sangha tlângvuak naah te,
ram vahnaa eirawngbawl leh chêt vel naah upa te thu an ngaichâng thiam êm êm
\hin. Aia rual û zawkte koh dan tur leh biak dan tur chenin an inzirtir a, an
mawl biak ngai lova, inphahhnuai leh zâwl dawh takin aia upate an dawr \hin.
Aia upa zah leh chetdan mawi hrim hrim hi Mizo hnam ze mawi chauh a ni lova,
Bible thu, Kristian inzirtirnain a ken a ni.
2. Upate zahna a tlahniam ta
Kawng hrang hranga kan ramin hma a sawn lai leh changkanna kawng
kan zawh lai hian kan hnam ze mawi tak, aia upate zahna lamaherawh chuan nasa
takin kan tlahniam ve thung a, ram changkang leh hmasawn hoten upate ngaihhlut
leh chawimawi lama hma an sawn telh telh lai hian keini erawh chu kan hniam
tial tial thung. Hmasawnna hian mawlna leh tihdan hlui tha lo te a luah lan tur
a ni a, ze tha chu a chawisang tur a ni. Kan pi leh pu te, mawl zawk leh hniam
zawka kan ngaih te pawh kan pha ta lo hi a chhan zawn chhuah a ngai a ni. Kan
insiamthat vat loh chuan hnam hmuhsitawm tak leh zahpuiawm tak kan ni thuai
ang. A chhanna ni thei awm te i han dap teh ang.
(Karlehah chhunzawm a ni ang)
** A thu hi a
thui deuh hlek avangin Issue tinah rawn chhunzawm zel a ni ang. -Editor.
HRISELNA HUANG
KUMZAPAR
A chanchin tlangpui: Kumzapar
hi lakhuhthei ang deuh a ni a, pangpar huanah te an ching ve \hin a. A hnah hi
khawng \ha tak, feet khat vela sei niin a tlang sirah hian hling zum \ha tak
tak a nei bawk. |henkhat chu a hnah tlang sir zei zei hi a var \hin. Ui a seh
damdawi \ha tak a ni.
Damdawia hman theihte: A hnah.
Damdawia hmannate:
Ui a seh vanga ^tna: A kung
hmawr lampang nuai sawm a, darkar chanve dan zelah dam lovin kha a tih thlengin
ei tir tur.
emaw
A kung hmawr lam densawm tui sawr 10ml zelin darkar chanve dan
zelah dam lovin kha a tih thlengin in tir tur a ni.
Singsihlip: A hnah densawm tui
sawr hnawih a \ha.
Dadu: A hnah densawm 10gms leh chini 10gms nikhatah
vawi thum ei tur.
Ha nâ: A hnâi hnawih a \ha.
Kawchhung hliam: A hnah
densawm thar lâm tak a na lâi zawn velah hnawih tur. Kawchhung hliam han tih
hian pumah emaw taksa hmun dangah emaw han inkhawih chawrh vang emaw a pawn lam
hliam awm si lo, kawchhung lampang na \hin hi a ni.
LÂ
A chanchin tlangpui: La kung
hi feet thum a\anga feet ngaa sang a ni deuh ber. Lâ hi chi hnih - Gossypium
arboreum leh Gossypium herbaceum a awm a, a hnuhnung zawk hi a kung a tê zawk.
Damdawia hman theihte: A zung a
hnah, a par leh a mu.
Damdawia hmannate;
Phâr, pânchhia: A par
rawtsawm diak hnawih a \ha.
Bengkherh: A hnah rawtsawm tui
sawr far thum zelin nihkhatah vawi thum beng chhungah far \hin tur a ni.
Kaw\halo, santen: A hnah
densawm tui sawr 15ml leh khawizu 15ml chawhpawlh a, nikhatah vawi thum in tur
a ni.
Hnute tui tih tam nan: A zung
10gms rawtsawm diak a, mizo buhfai silna tui nokhat nen chawhpawlhin karkhat
chhung nitin zing leh tlaiah ei a \ha.
Taksa tih rih nan: La mu
pho ro tih dip 25gms, bawnghnute no khatin chhum a, ni 15 chhung zan mut dawnah
ei \hin tur a ni.
Ruhseh: A
kung pumpui 60gms silfai hnuah tui liter khatin mei na vaklovah a chhumna tui
250ml anih thlengin chhuan kang a, 60ml zelin zing leh tlaiah in tur a ni.
BIBLE QUIZ
No.46
SAM NUMBER 96 - 100
A
kâr âwl dah khat rawh :
Q1. LALPA
chu a hming ropuina chu pe ula: Thilhlan tûr kengin a biak in hung chhûng
kawtlaiahte chuan __________________ kal rawh u.
Q2. Aw,
LALPA i rorêlnate avângin. LALPA nang chu leilung zawng zawng chungah hian
chungnung ber i ni si a: Nang chu pathian zawng zawng chung daihah
________________________________ i awm a
Q3. Israel
chhûngte chunga a ngilneihzia leh a rinawmzia chu a hre reng a: Kawlkila mi
zawng zawng pawhin kan Pathian chhandamna ______ an hmu ta a.
Q4. A
puithiamte zingah chuan Mosia leh Arona, A hming lamtute zingah chuan Samuela;
Anni chuan LALPA chu an _______ va, ani chuan a chhâng ta a:
Q5. Lawm thu
sawi chungin a kawng kharah chuan lût ula, Fak chungin a biak in hung chhung
kawtlaiah chuan lût rawh u: A hnênah lawm thu sawi ula, a ______________________
chu fak rawh u.
A
bung leh châng dah rawh :
Q1. LALPA hmaah chan: ani chu alo kal leh dawn a ni; Lei
rorêl tûrin a lo kal dawn si a: Khawvel hi fel takin ro a relsak ang a, Mi
tinte chu a thutakin ro a relsak bawk ang.
Bung:
............... Chang:
....................
Q2. Mi felte u, LALPA-ah lawm takin awm ula; A hming
thianghlim chu fak rawh u.
Bung:
................ Chang:
....................
Q3. LALPA hmaah chuan; lei rorêl tûrin a lo kal dawn si
a: Khawvel hi fel takin ro a relsak ang a, Thlei bik nei lovin mi tin ro chu a
rel ang.
.Bung: ................ Chang: ....................
Q4. LALPA kan Pathian chu chawimawi ula, A tlâng
thianghlimah chuan chibai bûk rawh u; LALPA kan Pathian chu a thianghlim si a.
Bung
.................... Chang
.................
Q5. LALPA chu a \ha si a; angilneihna chu kumkhuain a awm
ang a; A rinawmna chu chhuan zawng zawng thlengin a awm ang.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 46 RESULT
Chhanna lut zawng zawng : 7
Chhang dik vek :
7
Lawmman dawngtu: Bawihpuia (Ch.Sec)
Bible
Quiz chh^nna leh lâwmman hi Circulation Manager Tv.R.Zodinsanga hnenah thehluh
a, lam \hin tur a ni.
PAVALAI PROGRAMME
A hmun : Senior Hall
A hun : 28.11.2013 (Ningani)
Hruaitu : Pu Lalthanhranga Ralte
|antu : Pu Ramdinthara
Rilru
sawia hun hman a ni ang.
ADMISSION OPEN
Candid English School Saikhamakawn chuan 2014 session
atân KG-I a\anga Class-VIII admission a hawng a. Day Scholar leh hosteller ten
duh tâwka sap\awng an zirna hmun leh dicipline khauh taka kenkawhna school-ah
hian i tu leh fate rawn tîr rawh le.
Admission Fee:
Kg-I & KG-II :
`.900/-
Class-I to VIII :
`.1,200/-
Hrechiang duh tân:
Ph.: 8731066925
9089444074
HRIATIRNA
Thawh\anni
ni 25.11.2013 hian MLA Election neih tur a ni a, zing dar 7:00 a\ang tlai dar
4:00 thleng vote thlâk theih a ni ang. Vote thlakna tur hmun hi Saikhamakawn
Primary School a ni. Tun \um MLA inthlana hman turin vote neite hnênah Voter
Slip sem a ni a, vote thlak tur ten mahni Voter Slip ken \heuh tur a ni e. Tin,
Voter Slip nei lo emaw ti bo emaw kan awm chuan Voter’s ID ken tur a ni.
Sd/-
(J.F.LALZAMA)
B.L.O.
Saikhamakawn
VAWIIN KHAWCHIN
A lum lai berin : 230C
A vawh lai berin : 160C
Wheatherforcast
leh Accuwheather.com chuan ruah sur lo turin an sawi.
K|P WEEK HMANG
Saikhamakawn
Kristian |halai Pawl chuan Week/Sport ni 18.11.2013 a\ang khân hmangin naktuk
\hawh\anni hian khar hun a hmang dawn. Member \hahnemngai taka activity hrang
hrang a tel leh he Week tihhlawhtlingtu member zawng zawng leh Senior
Department chungah Branch committee chuan lawm thu a sawi e. Naktuk zan week
kharna inkhawmah pawh \hahnemngai takin i kal leh zel ang u.
MIPUI TE HNENA NGENNA / HRIATTIRNA
India ram dân IPC
171 B a tarlan angin inthlan nâna mipui hnêna vote zawn nâna pawisa leh ther
hlo chi hrang hrang sem hi dân kalh a ni a, hetiang thamna petute leh a
dawngtute hi dân bawhchhia an ni a, kumkhat chhûng lungin tân emaw pawisa chawi
tîr emaw, a pahnih hmangin hrem theih an ni. Tin, IPC 171 C in a sawi angin
Candidate emaw vote thlâktu leh mi tupawh tharum hmanga rîkrâp leh hliamte pawh
kumkhat chhung lungin tân emaw pawisa chawitir emaw, a pahnih hmangin emaw hrem
theih an ni.
A chunga kan sawi
thil dik lo titute a \ul anga buaipui (Case) siamsak turin inthlan neihna tur
Constituency bial tinah Flying squad din a ni. Hetiang thamna leh thil dik
loaka inthiarfihlim turin mi zawng zawng ngen an ni a, mi tupawh thamna pe leh
dawngte, invau leh inrîkrâpna thâwm hriate chuan Complaint Monitoring
Cell/Control Room & Call Center, Aizawl District Telephone No.
0389-2317440 ah eng hunah pawh hriattir tura ngen an ni.
Issued by District Election Officer /
District Magistrate : Aizawl District, Aizawl.
TUALCHHUNG
,Nl. Lal\anpuii d/o Thangluaia (Ch.Sec) chu damlohna avânga
Greenwood Hospital-a enkawl anih hnûin alo chhuak.
,Pu Zodinliana h/o Lal\hazuali (V.Sec) te chuan khawi ilo vah vêl
nan Car (Zen) an lei thar.
,Pu C.Lalremruata (Marema) h/o Julie Lalzamkungi (V.Sec) te chuan
khawi ilo vah vêl nan Scooty (Vespa) an lei thar.
SBI General
I N S U R A N C E
Motor, Building/Home, Shop, Health, Personal/Group
Accident, Construction/Engineer insurance kan ti thei e.
Motor insure duh a hmunah kan pan thei a,
Company danga insurance lo ti tawh pawh kan renew thei
e.
ZORIN BUSINESS CENTRE
Below SBI ATM
Zosapthara Building
New Street, Mission Veng
0389-2300494 / 9612500877 / 9862952837
WORK CAMP LAMAH
Bial K|P
chuan Work Camp Salem Boarding-ah ni 26 - 30, November, 2013 hian a nei dawn a,
kan Branch aiawhin mi 6: Tv. Lalhmangaihzuala, Tv. R.Zodinsanga, Tv.
Lalfakzuala, Tv. Tlangdingliana, Tv. Laldawngliana, Nl. Lalrinchhani te an kal
dawn. Tin, Bial aiawhin Upa Lallawmchhunga a kal bawk ang.
Zanin EPL inkhel tur
Man.
City Vs Tottenham (7:00)
Cardiff City Vs Man. United (9:30)
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
No comments:
Post a Comment