Mipui Aw 6.10.2013

MIPUI AW

KARTIN CHHUAK

Vol. XIX Issue No. 40 Kristian Thalai  Pawl  Saikhamakawn Branch  Pathianni Dt.6.10.2013

VAWIIN CHÂNG VAWN

            Thil dang bera aiin i thinlung vêng \ha rawh, Nunna lo chhuahna a ni si a. |awng chaltlâi bansan la, Mi bum chîng suh. I mitin hma lam en la, Ngil takin hma lam thlir rawh. I ke atân kawng tirualrem la, I kawng zawng zawng tihngheh ni rawh se. Ding lam emaw, vei lamah emaw pêng suh; Sual ata i ke sawn rawh.  Thufingte 4:23-27

KOHHRAN  PROGRAMME

6. 10. 2013 (Pathianni)

S.S Inkhawm

|antu           : Pi Tlanglawmi

Chawhnu Inkhawm

Thuhriltu    : Upa Lalzama

Zân Inkhawm

Thuhriltu    : Upa C. Lalmuankima

K.|.P  FELLOWSHIP  PROGRAMME

Hruaitu           : Upa Lallawmchhunga

|antu              : Tv. Vanlalhmangaihzuala

K|P PROGRAMME

 Dt. 7. 10. 2013 (Thawh\an zân)

Thupui zir

Hruaitu           : Pu C. Lalmuanpuia

|antu              : Tv. C. Laldinpuia

Thilpek  lak-  : Nl. M.S. Dawngliani

hâwmtu  turte            : Nl. Debbie Lalfakzuali

Thupui                       :Nungchate tâna malsawmna

Hawngtu        : Tv. Lalfakzuala

October thla chhûnga hla hruaitu leh

musician turte

Hla hruaitu    : Tv. R. Zodinsanga

turte                  Tv. F. Laldingliana

Musician      : Pu Lalremruata

           

           

           

SERMON

HMANGAIHNA

            Khawvel hi hmangaih suh ula, khawvela thil awmte pawh hi hmangaih hek suh u. Mi tu pawhin khawvel hi a hmangaih chuan Pa a hmangaihna amahah a awm lo.

-Johana 2:15

            Pathian chu thil hmun thei loh; khawvel siam tirh atâ fiah taka hmuhin a awm a, thil siamah chuan a lang a ni (Rom 1:20). Chuvangchuan Pathian hi eng ang chenin nge kan kan hmangaih? tih a thil siam mihringte a\angin fiah takin hmuh kan tum dawn a ni.

            A hmasain mihring tungchhova kal tawh phawt chuan hmangaih kan nei \heuh tawh awm e. Nula tân chuan i tlangval hmangaih, tlangval tân i nula hmangaih, nu leh pa tân kan kawppui emaw, kan hmangaih tu emaw pawh a ni thei, kan nulât lâi; kan tlangval lâia kan hmangaihahte khân a chiang zawk awm e.

            Chutichuan, kan hmangaihte chu kan ngâi \hin a, kan thlahlel ngawih ngawih a, an bula awm kan châkin kan duh \hin a ni.Hmêl hmâi hmuh theih lohah pawh phone talin kan bia a, rei tak tak inbiak pawn kan ning lova, nuam kan ti zawk a, kan hlim \hin a ni. Hetiang chiah hian Pathian chu i ngai em? A bula awm i thlahlelin biak i châk ngâi em le? Pathian biak inkhawm, Pathian nêna lendun a thlahlel \hin em?

            I hmangaih tak maiin a hmangaih lêt ve kha nuam i ti \hin ti raw…? A hmangaih lêt ve loh che a i rilru awm awmdân pawh i hria, chutiang chiah chuan Pathian chu hmangaihna a khat Pathian a ni a, a hmangaih che a, i vahbosan lâi, i hmangaih lêt ve loh lâi khân a rilru i ti hrehawm \hin a, nang nunna tuikhur kalsantu kha ilo kir nghâkin a thlir reng che a ni.

            I hmangaih lakah chuan i rilru, i thinlung leh ngaihtuahna i pe nasa êm êm \hin.A \hente phei chu kan lehkha zirlaite a tibuai a, kan ngaihtuahnaah a awm reng a, kan thinlungah hmun a chang lian em em \hin a, rilru berah kan nei \hin a ni. Lalpa hian a i rilru a luah ve em? I ngaihtuahna a chang ve em le?

            Kan hmangaih tak takte tân chuan kan rilru mai pawh ni lo, kan taksa ngei pawh kan hlan phal \hin a ni lawm ni…? Tunah i taksa kha Lalpa tan i pe phal ve dawn em? Min hmangihtu chuan a taksa pawh a rawn pe phal asin. Pathian hi i hmangaih tak tak anih chuan i rilru leh taksa kha i pe phal tur a ni dawn lawm ni? Lalpa hi ilo hmangaih tak tak em? I ngaihzawng tluk pawhin ilo dah lo ang tih a hlauhawm kawp mai. Mahni \heuh hi i inchhûtin i inenfiah \hin ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

            VÂNTLANG THIL

            “Vântlang thil i tâ angin en rawh” an ti \hin. A dik khawp mai, amaherawhchu vântlang thil mahni tâ angin kan enna kawngah hian mi \henkhat tân chuan alo lâkkawih theih viau âwm e. Vântlang thil mahni tâ anga en tih vâng hian vântlang bungrua leh vântlang thil mahni ta chhawr taka lo chhawr vak vak mai leh mahni tâ ang mai lo hman bawrh bawrh a, ka tih rîral \hin hi thil \ha lo tak a ni. Chutiang nilovin vântlang thil chu mahni tâ ang maiin dimdawi tak leh uluk, felfai taka hmangin a chhiat leh \hatah mawh kan phur a ni tih hre reng chungin eng bungrua pawh nise kan vawngin kan enkawl zawk tur a ni.

            Hetiang ang chiah hian vântlang zunin, êkin, Notice Board, kawngpui, Step, Hall leh a dang dangte pawh hi a neitute vek kan ni tih inhria ila; a chhiat leh \hat, vawnfai leh then thianghlim kawngah pawh hian mipuite hian mawh kan phur nasa hle a ni tih inhria ila, veng hmêl lanna leh veng intehna pawimawh tak pawh a ni ngêi âwm e. Chuvangin kan vengchhungah ngêi pawh hian mitinte hetiang kawngah hian \an ila sauh sauh zêl ang u.

ARTICLE

            KUM  1986  KUM A  PU CHAWNGKHUPA  KAWMNA

                                                                        Pu. Kapkhama

            sumsuihah Pastor Bial Inkhawmpui-in zânah alo kal a, lênkhawmna a\angin zâna kal zêl turin a chhuak ta a. Veng lû lamlian thlengin ka han thlah a. ‘“Aw, khawngaihtu  Pathian in” tih hla i phuah dân min hrilh ta che’ tiin ka zâwt a. A phûr khawp mai a, “1951 kum vêl khân Pathianin Mizoram chhim leh hmar, chhak leh thlang hawi zâwngin Motor kawng ala khat vek dâwn a, chumi entir nân i Compound-ah Motor kawng lâi rawh min ti a, ka lâi ta a. Ka Compound-in a daih si lova, kawmchârte huan ka va \hiat a” a ti a. “Kan khuaah ni 20 chhung kawl min buntir ta a. Ka â si lova; min chhuah leh a, ka hâwng a. Lalpan lâi leh tho tho rawh min ti leh a, ka lâi leh a. Aizal Jail-ah min khung. Ka khuangte ka ngâi lutuk chu ka \ap ka \ap a, tichuan ka khuangte chu alo thleng a, thla hnih ka tâng a, sâ hi ka châk lutuk a, Lalpa sâ min pe rawh ka ti a. Zirtawpah ka pe ang che a ti a, ka zâi ka zâi a. Tichuan arpa var lianpui mai hi lungin kawngkâah alo thlawk lût a. Ka kokîah a rawn fu a. Halleluiha ka âr, ka ti a, min vengtu chu vâipa a ni a, min lâksak a. ‘Ar thlawh phâk chin zawng zawng chu in âr a ni em?’ a ti a, tumân ka âr an ti lova, an talh a, an eizo vek a min sawm ve duh miah lo” a ti a.

            “Tichuan ka sa châk chu a mak a mak in ka châk a, Lalpan zirtawpah ka pe ang che a ti a. Ka khuangte nen chuan ka zai ka zai ta a, Vahritpâ a chhuang sen hlur mai hi a rawn thlawk duai duai a, ka kokiah a rawn fu a, Halelluiah ka Vahrit ka ti a; Vâipa chuan min lâksak leh daih mai a. Delhi a phone a, dâwi a niang an ti a. Ka Vahrit leh ka khuang chu Delhi-ah an thawn ta daih a. Khuangte kha an phelh darh vek a, a chhungah dawi awm leh awm loh an en a ni âwm e. Ka khuang an phelh darh chhe vek a. Ka Vahrit lah an ticher zo vek a. Ka pu, in talh leh ei turin min sâwm ve rawh u aw, ka ti a, aw a ti a. Kan ei ta a, kan eikham a le, hla a lo chhuak ta a:

            Mifing Mihringna hian in

            A ngaihtuah chhuak zo lo a che

            Ka chhandamtu i thurûk hi.” tiin min hrilh ta a ni.

            Pu Chawngkhupa mi â nia an ngaih chhungah khân hmuh loh nun thuhrûk a awm tlat a ni. Taksaa kan chan si loh fin vânga chan pawh a ni lo, a mâwl apiangin an hmufiah hmâ, mâwl hlawh a ni tawp mai. Doctor thiam pui pui an chhuak tawh a, îtsîk rehna damdawi leh \anghmasialna damdawi hi tuman an la siam lo. Thutak hmutute zawrh hi chu a man a danglam. Chhiatna zawng zawng laka chawlhsan nate a ni.

Pathian chu fakin awm rawh se.

 

HRISELNA HUANG

KELHNÂM TÛR

A chanchin tlângpui: Hrui zâm a ni a, a hrui erawh a fei lovin thil \awn nân a hman tlak loh. A hnah chu hnah sâwl dum deuh a ni. Mi \henkhat chuan “pawhbial” ti tein an ko \hin.

Damdawia hman theihte: A zung, a hnah leh a kûng pumpui.

Damdawia hmannate:

Kal \ha lo: A densawm chhumna tui in a \ha.

Khawsik: A kûng leh nauawimu chhum pawlh ei a \ha.

Sikserh: A zung leh a hnah chhumpawlh a, a tui in tur.

KHATUAL

A chanchin tlângpui: Hnim tê lampang a ni a, Mizoramah chuan chhim lam hmun vawt deuhvah a awm \hin. A kûng pumpui a bîkin a hnah a kha hle. Taksa chakna damdawi \ha tak a ni.

Damdawia hman theihte: A kûng pumpui.

Damdawia hmannate:

Lâ tla, thinlian, sikserh: A kûng 60gms tui liter khatin mei navak lovah 250ml anih thlengin chhuan kang a, 60ml zêlin karkhat chhung nitin pum ruah lâi leh zan muut dawnah in \hin tur a ni.

Taksa tihchak nân: A kûng chhumna tui no khat, chaw ei hmâa in \hin a \ha.

Pân: Ahnah densawm tui sawr pânah hnawih a \ha.

KHAÛM

A chanchin tlângpui: Khaûm hi hrui zâm chikhat a ni a. A mu a ei theih a, a kâwr erawh chu kha tak a ni. A mu hian hriak a pâi hnemin kan emaw chhum emaw in chawhmeh tui tak a ni. Mahse chawhmeha siam dawn hian a kawr khâ a tel lohna turin fimkhur a ngai.

Damdawia hman theihte: A mu.

Damdawia hmannate:

Zun kawng \ha lo, zun lama harsatna nei: A mu chhumna tui in a, a mu ei bawk tur a ni.

KHAUPUI

A chanchin tlângpui: Thing chikhat a ni a, a kâwr hi ‘hruikhau’ siam nân an hmang \hin a, hrui fei tak a ni. Thlasikah a hnah tlakawlhin a pâr sen chuaih \hin. A rah hi balhla rah ang deuh a niin hmulin a tuam a, a bawrin a rah \hin.

Damdawia hman theihte: A pil.

Damdawia hmannate:

Hrawk nâ: A pil densawm tui sawr 15ml zêlin nikhatah vawi thum, ni 3 chhung in tur.

Kaw\halo: A pil 25gms tui 400ml in mei navaklovah 50ml anih thlengin chhum a, 25ml zêlin nithum chhung nitin zing leh tlaiah in tur a ni.

Santên: A pil chhumna tui, a chung ami anga siam 25ml zêlin nithum chhung nitin vawi hnih khawizu thirfiante khat nên in tur.

BIBLE  QUIZ  No.40

SAM  BUNG 61 - 65

A kâr âwl dah khat rawh :

Q1. I puan inah chuan kumkhuain ka awm ang a: I thla hnuai bihrukna hmunah chuan ka ________________ ang. (Selah)

Q2. Nangni zawng zawngin, tihlum tûrin,  Lung bang awn bei ang leh, pal tlu lek lek bei angin, Eng chen nge mi pakhat hi in ________________ dawn?

Q3. Chutiang bawkin ka dam chhûng zawngin ka fak ang chia: I hmingin ____________ kutte ka phar ang.

Q4. Chungte chuan khandaih angin an lei an tat hriam a, Mi sawiselbo chu hmun fianriala an kah theihna tûrin An thal, thu kha-te chuanin, an tin a: Hlau lovin vawilehkhatah an kap nghal ________________ thin.

Q5. Kan bawhchhiatnate zawng nangin i tleng fai ang chu. Mi,  i biak in hung chhûng kawtlaiahte awm thei tûra I thlan a, i kiang i pantir chu, a eng a thawl e: I in ___________________ chu kan tlai ang, I biak in hmun thianghlim thatna chuan,

A bung leh châng dah rawh :

Q1. Chutichuan ka thutiamte ni tin, ka hlen theih nân, Kumkhuain i hming fakin ka zai ang.

Bung: ...............          Chang: ....................

Q2. Mi chi tete hi engmah lo mai an ni, mi chi liante pawh hi dawt mai an ni: Bûknaah chuan an kang daih ang a; Engmah lo mai mai ai pawhin an zâng zawk a ni.

Bung: ................         Chang: ....................

Q3. Khandaih thiltihtheihna hnênah pêk an ni ang a; Sihalte chan an ni tawh ang.

.Bung: ................         Chang: ....................

Q4. Tichuan, mi zawng zawngin an hlau vang a; Pathian hnathawh chu an hril ang a, A thiltih chu fing takin an ngaihtuah ang

Bung ....................        Chang .................

Q5. Lei hi a leileh rin khawhna thlurte chu tui tam takin i chawm a; A vung thlurte chu i timuka; Ruahtuiin i tinem a; A thil tote chu mal i samw thin a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 39 RESULT

Chhanna lut zawng zawng : 7

Chhang dik vek                       : 7

Lawmman dawngtu: Lalrinsanga Kawlni (Ch.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI  INKHAWM PROGRAMME

A hmun       : Senior Hall

A hun          :3.10.2013 (Ningani)

Hruaitu         : Pu Lalchhuansanga

|antu            : Pu R.Vanlalsanga

            |awng\ai ruala hun hman tur a ni ang.

KOHHRAN  HMEICHHE INKHAWM PROGRAMME

Kristian chhungkaw pual

(Biak In ah)

Hruaitu        : Pi Lalchhingpuii

|antu           : Pi Ainawnpari

HRIATZAU NÂN

Curency Year Exchange Rate (Rupees ` per US $ )

1913 - 0.08692307692

1925 - 0.10

1947 - 1

1952 - 5

1966 - 7.55

1975 - 10.409

1980 - 7.887

1985 - 2.369

1990 -17.504

1995 -32.427

2000 -45.000

2006 -48.336

2007 (Oct) -38.48

2008 (June)-42.51

2008 (October)- 48.88

2009 (October)- 46.37

2010 (January 22)-46.21

2011 (April)-44.17

2011 (September 21)-48.24

2011 (November 17)-55.3950

2012 (May 23)-56.25

2012 (June 22)-57.15

2013 (May 15)-54.73

2013 (June 12)-58.500

2013 (June 27)-60.73

2013 (July 08)-61.21

2013 (August 15) -61.30

2013 (August 17) - 61.65

2013 (August 28) - 67.70

2013 (October 4) - 61.43

TELEPHONE  DIRECTORY

                Kristian |halai Pawl, Marka Group-te chuan vengchhung Telephone/Mobile Phone Directory a siam a, vengchhung in tinah rawn zawrh tum a ni a, a man hi `.30/- a ni ang a, min lo dawr \heuh turin vengchhung mipuite kan inngên e.

Sd/-  (ZOHMINGMAWII)

Secretary

Marka Group, K|P

HNATLÂNG NEI

        Nimin ni 5.10.2013 khân Kohhran Light & Sound Committee te chuan Biak In-a Light êng thei lo leh Sunday School Hall-a Ceilling Fan \ha lo te enfelin siam\hat hnntlâng an nei. Member-te an thawkchhuak \ha hle.

AIZAWL CHHIM PRESBYTERY INKHAWMPUI

                Aizawl Chhim Presbytery Inkhawmpui vawi 35-na chu 10th - 13th October, 2013 chhung hian Hlimen Kohhran Biak In ah neih a ni dawn. Thupui atân hian, “Ngaihven ula, fimkhur rawh u” - I Petera 5:8 hman a ni ang.

                                                Aizawl Chhim Presbytery huam chhungah hian Bial hrang hrang panga: Mission Veng Bial, Kulikawn Bial, Tlangnuam Bial, Hlimen Bial leh Lungleng-I Bialte an ni.

ADVERTISMENT

            Sam siam, Facial leh thil chi dang dang ka tihsak thei e. Pu Lalrinlian in, Vanapa Section-ah dawr ka siam a, min han dawr ve rawh u.

In \hian,

Sawmtei

VAWIIN KHAWCHIN

A lum lai berin : 260C

A vawh lai berin : 220C

            Chawhma lamah 1mm, chawhnu lamah 4mm leh zân lamah 9mm (wheatherforcast.com).                                    Accuwheather.com chuan chhun lamah 18mm leh zan lamah 3mm tla turin a sawi thung.

INKHAWM |AN HUN

            1st October, 2013 a\ang khân Presbyterian Kohhran zân inkhawm \an hun chu dar hmasa dar 6:00 leh \an hun hi dar 6:30 ah sawn a ni.

TUALCHHUNG

, Lalmalsawma s/o Lalbiaksanga (T.Sec) chu damlohna avânga Aizawl Hospital-a enkawl anih hnûin alo chhuak.

, Pu Andrew Lalnunsanga h/o Lalthantluangi (T.Sec) te chu an inbâwl hrang.

, Pu Lalthuneiha h/o J.Lalhmingliani (V.Sec) te chuan NLUP-ah Auto-Rickshaw an dawng.

Zânin EPL inkhêl turte

Norwich City Vs Chelsea (6:00)

Southampton Vs Swansea  (6:00)

Tottenham Vs West Ham  (8:30)

West Brom Vs Arsenal (8:30)

Zânin Spanish La Liga

Atletico Madrid Vs Celta Vigo (3:30)

Sevilla FC Vs Almeria (8:30)

Getafe Vs Real Betis   (10:30)

Athletic Bilbao Vs Valencia (12:30)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 300