MIPUI
AW
KARTIN CHHUAK
Vol. XIX Issue No. 41
Kristian Thalai Pawl Saikhamakawn Branch Pathianni Dt.13.10.2013
VAWIIN CHANG VAWN
Engah mah mangang suh u; engkimah \awng\ai leh dilin, lawmthu hril tel zelin, in duhnate chu Pathian
hnenah hriattirin awm zawk rawh se. Tichuan, Pathian thlamuanna, rilru reng
renga hriat sen loh khan, in thinlung leh in ngaihtuahnate chu Krista Isuaah
chuan a vensak ang che u. Philippi 4: 6 -7
KOHHRAN
PROGRAMME
13. 10. 2013 (Pathianni)
Sunday School
|antu :
Pi Lalhmachhuani
Chawhnu Inkhawm
Thuhriltu : Pu Siamliana
Zân Inkhawm
Thupui sawitu : Pu Lalrintluanga
K|P PROGRAMME
Dt.
14 . 10 2013 (Thawh\an zan)
Neihthil thehkhawm
A hmun : S.S Hall
Hruaitu : Nl. Lalhmunsiami
|antu : Tv. Tlangdingliana
October thla chhûnga hla hruaitu leh
musician
Hla hruaitu : Tv. R. Zodinsanga
turte Tv. F. Laldingliana
Musician : Pu Lalremruata
KOHHRAN HMEICHHIA (15. 10. 2013)
Sermon Inkhawm
Hruaitu : Pi K. Lalbiaksangi
|antu : Pi Lalramliani
Thuhriltu : Pi Zohmingthangi
SERMON
NANGMAH A
DUH CHE
“Chutichuan unaute u, Pathian khawngaihna avang hian, inthawina
nung leh thianghlim leh Pathian lawm tlak ni turin in taksa chu inhlanah ka
ngen a che u; chu chu in rawngbawlna awm reng a ni. He khawvel dan ang hian awm
suh ula; Pathian duhzawng, a tha leh lawm tlak leh, that famkim chu in
hriatfiah theih nan, in rilru athara awmin lo danglam zawk tawh rawh u.” -Rom 12: 2 & 2
Mihring suala
tluchhe tawh hnu min tlanchhuak leh turin Pathianin a fapa neihchhun Isua
Krista chu khawvelah a rawn tir a, chhandamna hna chu thuawih takin a thawk zo
tih kan hre \heuh awm e. Chu chhandamna chuan mihringte hi sual ata min la
chhuak a, chatuana hrehmuna kal mai tawh tur kha Vanramah kal leh thei turin
Isua thisen ngeiin min la chhuak leh ta, a ropuiin, khawngaihna mak mawi leh
duhawm chu a va ni taklul em.
Chutiang taka
chhandamna hna thisen chhuak ngeia rawn thawktu chuan keini a chhandam
mihringte hi ama tan thawka, nunga, rinawm taka a tana rawngbawl tlat turin he
kan taksa thi thei ngei mai hi a hnena hlan turin min ngen a, chu chu kan tih
tur a ni tih chiang takin min hrilh bawk a ni. He thu hian chiang taka min
kawhhmuh chu keimahni ngei mai hi Pathianin min duh a ni tih hi a ni. Pathian
rawngbawl hna hi mi \henkhat chuan duh tawk chin kan nei fo \hin a, “hetiang
ah chuan koh bik nih a ngai” tih ngaihdante kan nei fo \hin. He ngaihdan hi
kan paih a hun tawh viau a ni. Zu leh drug, nulat tlangvalna lama nasa taka
tlan mekte, kohhrana mi in hmang tak leh khawtlang leh ram tana nasa taka thawk
mek te; Pathianin min duhdan hi a in ang vek ani tih hi kan hriat thar a va \ul
em. Ama tana inthawina nung leh thianghlim ni turin min ko a, midang ni lovin
keimahni ngei min ngen a ni.
Chu inthawina
nung leh thianghlim ni tura kohte nun dan
leh awmdan tur pawh chiang takin min hrilh nghal a. Pathian tan ka inpe
a, inthawina nung leh thianghlim ni turin ka in hlan e ti tute chuan he khawvel
dan ang hian an awm thei tawh lova. Pathian duhzawng anga awm a, kan nunhlui
sual chu kalsan tur kan ni tih Rom ziak kan tarlanah khian chiang takin kan hmu
thei nghal a ni. Khawvel lama tlan \hin ten an tlan chhunzawm a thiang tawh
lova, kan rilru puthmang leh kan duhzawngte chu Kristaah chuan siam dangalama
awmin khawvel mite lakah kan danglam tawh tur a ni.
Hetiang nun nei
tur hian Pathianin tumah ko bik leh thlan bik a nei lova, tuna kan awm ang ang
hian atana inthawina nung leh thianghlim ni turin Pathianin Nangmah A Duh
Che.
EDITORIAL BOARD
f
Editor
:
Tv.F.Laldingliana - 9862378567
Jt.Editor:
Pu
R. Lalmuanpuia - 9612159842
News
Editors :
Tv.PC.Vanlalhriatpuia - 9862732381
Pu.C.Lalnunsanga - 9612413287
Tv.P.Lalnunsanga -
9612324588
Tv.Laldawngliana -
8974743091
Tv.Lalhmangaihzuala - 9862846345
Nl. Lal\anpuii -8974243380
Circulation
Manager:
Tv.R.Zodinsanga - 8974743073
Editorial.........?
A LANGLO LAM A|ANGIN
Mi
pakhat chuan khawilaiah thu alo sawi a, kan ram chhiat tawh zia leh sual sim
kan ngaihthu leh inchhir a, pathian kan hnaih a \ul tawh zia chu alo sawi pap
pap a; mahse, nu pakhat chu ama inah, kawng inkalh khumin, a khum bulah chuan
\hing\hiin kan ram \hat leh theih nân leh inchhira sual kan sim theih nân alo
\awng\ai ve bawk a.
Hetiang
chiah hian pa pakhat chuan eirûkna dodâl a ngaih tawh zia, eirûk chungchâng a
ram pum huap angin alo beih ve mêk laiin pa pakhat ve thung chuan engmah sawi
chhuak ve lêm lovin a hnathawhna leh a nitin nun hmanah alo eiru duh lova,
eirûkna chu alo do ve mêk bawk a, thil tihin alo lan tir thung a.
A
chunga kan han târlan tâkah hian a tû zawkte hian nge thawk nasa zawk ang le?
An zavâi hian kan ti ngêiin a rinawm, hetiang chiah hian thil \ha tih kawngah
hian a âu chhuak chi kan ni emaw a taka lo tih emaw mi hriat leh hriat loh
pawhin tupawh hi i thawk tlêm bîk, i ti ve lo inti mai lo hian keimahni hma
zâwn \heuhah kan theih ang tâwk tâwkah hian thil \ha hi tih tlat zêl i tum ang
u.
ARTICLE
THIL HO MAI
MAI ANGIN A LANG
A.....
Ho mai mai tih hi
tih hi Mizo te hian kan ngah khawp a, thil ngaizam hnam kan ni tih a ti lang
hlê bawk in ka hria. Kan nunah hian ho mai mai tur thil hi tih loh hrâm hi a va
pawimawh êm...! tih hi ka ngaihtuah chhuak ta thut mai, kei pawh chuan ka lo
ngaihtuah ngai miah lo amaw le? Chutah ngun leh zual zawkin ka ngaihtuahna kan
sêng a, ho mai mai, kan tihte hi alo ho lo a ni tihte hi ka ngaihtuah chhuak ta
zawk a. Kan tun hun atâna pawimawh vak lo hi ‘Ho mai mai’ kan lo ti ngawt \hin
a, kan nakin hun atân chuan a lo \angkaiin a lo pawimawh hle thung a, alo ho
mai mai lo khawp \hin. Tin, “Ho Mai Mai” ngah viau mi chu a tlângpuiin a Mâwl
ngê ngê \hin.
A nia sin,
Pathian biaa inkhawm turin kan han insiam a, nalh tak leh smart- taka inchei
mai kha a felfaiin kan inthuam dân tur anih lâiin awlsam takin kan han inchei
leh ngawt a, a va ho lam ve, Bazar chhuahnaa inchei dân tâwk lek alawm mawle...
tih \awngkam alo ri a, ‘ho mai mai’ kan han ti leh ngawt a. Nimahsela ho mai
mai angin a lang a, a ho lo teh mai asin. Pathian biaknaa kan inchei dân hi a
Smart hlê tur a ni tih hi hre lo kan la awm si, hriat a hun tawh ka ti khawp
mai.
Vawikhat chu pa
pakhat hian a fapa a zilh a, “khawi hmunah pawh tar leh upa deuh tawhte, \anpui
ngai tak i hmuh chuan i \anpui anga i chhâwk \hin tur a ni” a ti a, mahse, a
fapa chuan zawi sep hian, “a ho êm mai a, fate pawh an nei ve tho ang chu
mawle” a ti vei sep a. Kei lah ta pek chuan ka lo hre fuh pek a, Aw...
“Tlangval i van hre lo tak êm! \anpui ngâite \anpui i chhâwk hian nangmah kha i
zahawmin awmdân mawi anih mai bâkah, engtikhunah emaw chuan \anpui ngâiin ila
awm ve ngêi anga, chu tih hunah chuan alo ‘Ho Mai Mai’ loh zia i la hrechhuak
ngêi ang”,ka lo ti rilru pek a.
Kan Mizo \awngkam
pakhat ‘|awngkam \hain sial a man’ tih hi kan hre fo tawh âwm e. Amaherawhchu
hman hi a harsain hriat reng har chi alo ni vei bawk nên. ‘Ka Lâwm e’ tih te
‘Ka tih pahlh’ tih te ‘ Min ngaidam rawh’ tih te \awngkam tawitê holam tak
angin alang a, nimahsela a hun taka hman chuan a ho lovin thil tithei tak a ni
lawi si. Han hman maia buaina fel mai tur lah ni si, mahse kan han hmang hreh
tlat mai te, tlâwmah kan lâk vânga ‘Ho mai mai, ngaihdam ka dil awm lo êm....
mai’ kan ti \hin te hi a Ho Mai Mai zawk lo maw? ngaihtuah chiang ve mah teh.
Tin, thil hotê ah pawh ‘Ka Lâwm e’ han tih maite hi i chîng ang u, kan
tlâwmngaih avangin kan han ti lo ngawt a; mahni inthiamchawp nân ‘Ho mai mai’
kan han ti leh ngawt bawk a, hetiang hmang duh lo hringnun hi ‘Ho mai mai’ dik
tak an ni ka ti ve tlat. Kan chênhona nunah tlâwmngai fâl bîk nihte, mi bâka
taima bîk nihte hi tunlai \halai nunah chuan ‘A Ho mai mai, a \ulna ka hre bik
lo, midang pawhin a ti bîk lo’ tihna rilru
alo piang chhuak \an ta, hawh u; i sim ang u, Tlâwmngai fâl bîk leh
taima fâl bîk zia hi a hlûin hmânlai Mizo nunah phei chuan mi bîk “Pasaltha”
nihna kawng khat a ni tlat.
A tawp berah
chuan thil ngaihzam lutuk te hi sim ila, ho mai mai anga kan ngaihte hi
ngunthlûk taka ngaihtuah chian chuan mi pangngaiin kan tih theih loh, mi bîk,
Vântlâng chunglam zia hi a lo ni châwk \hin a, hei vâng hian ‘Ho mai mai’ a kan
ngaih hi ngaihthah ngawt chi a ni lova,
ngun taka ngaihtuah chuan a \ulin alo pawimawh hlê zawk \hin, chumi ngaihtuah
chuak thiam apiang chu mifing nih an hlawh mai zawk a ni.
HRISELNA HUANG
KHINGKHIH
A chanchin tlângpui: Khingkhih
hi hnim chikhat, meter chave a\anga meter khat leh a chanve vêla sâng, kumkhat
chhunga puitling thei chi ‘annual plant’ a ni. Chi hrang hrang sawmli leh
pakhat vêl a awm. India hmar lamah chuan Ayurveda damdawi dâna damdawi
siamtute’n ‘Sida Codifolia’ (khingkhih chi khat) an hmang \hin a, Kerala
State-a damdawi siamtute’n ‘Sida Retusa’ an hmang \hin thung. Mizorama awm chi
hi ‘Sida Retusa’ a ni âwm e.
Damdawia hman theihte: A zung.
Damdawia hmannate:
Khawsik: A zung 30gms leh
sawhthing 30gms, tui liter khatin mei na vak lovah a chhumna tui 150ml anih
thlengin chhum kang tur. A tui thlit chhuah a, 75ml zêlin nitin vawi hnih chini
tlêmte chawhpawlha in tur a ni.
Nau neih sam nâm leh nau hrisel nân: A zung 25gms, tui 400ml in mei na vak lovah a chhumna tui 100ml
anih thlengin chhum a, 25ml leh bawnghnute 25ml chawhpawlhin chhuan so leh tur;
A chanve a so kang hnûah thlit chhuah a, 25ml zêlin nitin vawi hnih in tur a
ni.
Hmeichhe serh a\ang thil var chhuak nasa: A zung 60gms densawm a, tui liter khatin mei navak lovah chhum
tur. A chhumna tui 150ml anih hnuah thlit chhuah a, 30ml zêlin nitin zing leh
tlaiah in tur.
Thisen sâng, ruh seh: A zung
10gms silfaia bawnghnute no khat leh tuisik no khat chawhpawlhin chhum tur. A
chhumna tui chanve a so kang hnuah thlit chhuah a, nitin zan mut dawnah in tur
a ni.
Sikserh: A zung 30gms leh
sawhthing phoro 30gms silfai a, tui liter khatin mei na vak lovah a chhumna tui
150ml anih thlengin chhum a, 30ml zelin nikhatah vawi thum in tur.
Khawihli hnâi hmâ nân: A hnah
rawtsawm khawihli ah bel a \ha.
Pân: A zung rawtsawm tui sawr pânah hnawih a \ha.
Ruh nat vânga khawsik: A zung
60gms, tui liter khatin mei na vak lovah a chhumna tui 150ml anih thlengin
chhum a, 30ml leh bawnghnute ghee tlêm chawhpawlh a, nikhatah vawi thum; hun
rei tak chhung nitin ei tur a ni.
BIBLE QUIZ
No.41
SAM BUNG 66 - 70
A
kâr âwl dah khat rawh :
Q1. Leilung
luah zawng zawng hian chibai an bûk ang chia, Nangmah fakin an zai ang a; I
hming fakin an _______________ ang,” ti rawh u. (Selah)
Q2. Aw, hnam
tin chu lawm taka awmin, hlimin zai rawh se: Nangin mi tin chu thlei bik
____________ lova ro relsakin,
Q3. Mi felte
erawh chu lawm takin awm sela; Pathian hmaah hlim rawh se: A ni, lawm takin
______________ rawh se.
Q4. Ka âuna
lamah ka chau va; ka dang a ro zo va: Ka Pathian ka nghahnaah hian ka
____________ a vai zo ta a.
Q5. Ka nuna
tihbo tuma zawngtute chu, Mualpho tak
leh zak takin awm sela; ka chhiatna chunga lawmte chu Tlânchhiattirin
________________ awm rawh e.
A
bung leh châng dah rawh :
Q1. Pathian, ka tawngtaina hlawhchhamtir lova, ka laka a
ngilneih bang hek lova chu, Fakin awm rawh se.
Bung:
............... Chang:
....................
Q2. Pathianin mal min sawm ang a; Kawlkila mi zawng zawng
pawhin amah an tih ang a; Engmah lo mai mai ai pawhin an zâng zawk a ni.
Bung:
................ Chang:
....................
Q3. Aw Pathian i hmun thianghlim atangte chuan i hlauhawm
a ni: Amah Israel-ho Pathian ngei chuan a mite hnênah chakna leh thiltihtheihna
a pe thin a ni. Pathian chu fakin awm rawh se.
.Bung: ................ Chang: ....................
Q4. A chhiahhlawhho thlahte pawh chuan an rochung ang a; A
hming ngainatute chu a chhûngah an awm ang.
Bung
.................... Chang
.................
Q5. Nimahsela kei chu rethei leh pachhe tak ka ni a: Nang
chu mi tanpuitu leh mi chhanhimtu i ni a; Aw LALPA, rei rial lul suh ang che.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 40 RESULT
Chhanna lut zawng zawng : 7
Chhang dik vek :
7
Lawmman dawngtu: Laldampuii (V.Sec)
Bible Quiz
chh^nna leh lâwmman hi Circulation Manager Tv.R.Zodinsanga hnenah thehluh a, lam
\hin tur a ni.
PAVALAI
INKHAWM PROGRAMME
A hmun : Senior Hall
A hun :17.10.2013 (Ningani)
Hruaitu : Pu Lalthanhranga Ralte
|antu : Pu Ramdinthara
Hun hman dan tur:
Sermon : Pu TK Manga
LAWMTHU
SAWINA
Ni 25. 9. 2013
chhûna kan kawmchhak min avânga kan chhungkua thlabâr taka kan awmlaia kan
thlabârna min rawn hnêmtu zawng zawng leh leimin mêk karah pawh mahni nunna
thâp a kan bungrua min thiarchhuah saktu zawng zawngte chungah lâwmthu kan sawi
a. Kan harsatna tawha bengvar taka rawn che chhuak \hin Saikhamakawn mipui
zawng zawng chungah lâwmthu kan sawi tak meuh a ni.
In khawngaihna dawngtu
Pu Za\hianga
Tlangnuam
C.P. Road
VAWIIN KHAWCHIN
A lum lai berin : 270C
A vawh lai berin : 220C
Chawhma lamah
1mm, chawhnu lamah 5mm leh zân lamah 1mm (wheatherforcast.com). Accuwheather.com chuan chhun lamah 3mm leh zan lamah
0mm tla turin a sawi thung.
CHILD SPECIALIST
Inentir hun:Thawh\an a\anga Inrinni
(2:00pm)
A hmun: Samuel Drugs Store,
Kulikawn
Taxi Stand
(Kulikawn
phei)
Ph. No.: 9774727602
9612901654
TELEPHONE DIRECTORY
Kristian |halai Pawl, Marka Group-te
chuan vengchhung Telephone/Mobile Phone Directory a siam kan rawn zawrh;
vengchhung mipui min lo dawrtute zawng zawng chungah lawmthu kan sawi tak meuh
meuh e. Tin, hmun \henkhatah la rawn zawrh loh a ni a, min lo dawr zêl turin
kan inngên nawn leh bawk e. Tihsualpalh emaw chhutsual palh emaw a awm chuan
kan inhriattir dawn nia.
Sd/-
(ZOHMINGMAWII)
Secretary
Marka
Group, K|P
K|P SPORT/WEEK
Saikhamakawn K|P
chuan Sport/Week November 18 - 25 hian a buatsaih dawn a, Intihhlimna leh
intihsiakna chi hrang hrang a awm ang. Solo (Mipa leh hmeichhia) leh Quiz bikah
phei chuan lawmman \ha tak buatsaih a ni bawk ang. Member te lo inbuatsaih lâwk
ang u.
AIZAWL
CHHIM PRESBYTERY INKHAWMPUI
Aizawl Chhim Presbytery
Inkhawmpui vawi 35-na chu Hlimen Kohhran Biak In ah neih mêk a ni. Thupui atân
hian, “Ngaihven ula, fimkhur rawh u” - I Petera 5:8 hman a ni ang.
Aizawl Chhim Presbytery huam
chhungah hian Bial hrang hrang panga: Mission Veng Bial, Kulikawn Bial,
Tlangnuam Bial, Hlimen Bial leh Lungleng-I Bialte an ni.
TBZ
Neihthil thehkhawm Programme
A hmun : Pi Lalngaii In
A hun :14.10.2013
(Thawh\an zan)
Hruaitu : Pu Tlangruata
|antu :
Pi Chuangkimi
TUALCHHUNG
, Pi Lalthantluangi w/o Andrew Lalnunsanga (T.Sec) chu damlohna avânga Synod
Hospital-aenkawl anih hnûin alo chhuak.
SKK |HALAI
PAWL
Kan
veng hian hun rei tak a\ang tawhin current kan hmu hniam em em \hin a, chu chu
vengchhung mipui ten nasa takin kan tawrh phah a ni tih pawh kan hre \heuh awm
e. Current kan hmuh \hat theih nan tiin \halai rualte inhmuhkhawm a ni a.
Current neih \hat dan tur ngaihtuahin pawl “Saikhamakawn |halai Pawl” in din a
ni a. Hruaitute pawh in ruat nghal a ni. Theihtawp chhuahin vengchhung mipuite
tawrhna hrerengin electric current chak \ha kan hmuh theih na turin hmalak tum
a ni. Hei bakah pawh hian vengchhung hmasawnna leh \ul a awm a nih chuan hmalak
zel pawh a in huam hle.
Hetianga
electric current kan hmuh hniam \hin em avang hian electric current hmang chi
bungrua kan neih ten a tuar nasa in a chhiat phah nasa \hin hle a. Hetiang
bungrua chhia neite chuan a hlutna pawisa nen tarlangin a hnuai ami te hnenah
hian in report turin kan in ngen e.
Tv.
Malsawmzuala, 9612151984 leh Tv. Pc. Vanlalhriatpuia, 9862732381
Heng
hmalakna kawngah hian vengchhung mipuite \awiawmna leh thlawpna kan ngen e.
Sd/-
(PC. VANLALHRIATPUIA)
Secretary
SKK |halai Pawl
Train Ticket Confirmation i en duh chuan i Train Ticket PNR No.
kha message-ah type-in 139 ah hian thawn tur. Zawhchian duh nei tân
0389-2306080 ah a zawhchian theih
bawk.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P
SAIKHAMAKAWN BRANCH, COPIES : 300
No comments:
Post a Comment