Mipui Aw 20.10.2013

MIPUI AW

KARTIN CHHUAK

Vol. XIX Issue No. 42 Kristian Thalai  Pawl  Saikhamakawn Branch  Pathianni Dt.20.10.2013

KOHHRAN  PROGRAMME

20.10. 2013 (Pathianni)

Sunday School Inkhawm

|antu           : Pi V.L Beiseii

Chawhnu Inkhawm

Baptisma leh Lalpa Zanriah Sacrament

Buatsaihtu   : Pastor C. Sapkaia

Zân Inkhawm

NEICC \awng\ai rual ni

Thuhriltu       : Pastor C. Sapkaia

NEICC pualin thilpêk lâkkhawm a ni ang.

K|P PROGRAMME

 Dt. 21 .10. 2013 (Thawh\an zan)

Sermon  Inkhawm

Hruaitu                       : Nl. Lalramnghaki

|antu              : Nl. Zorinpuii

Thuhriltu       : Pu Lalduhkima

Thilpek lakh- : Nl. Jennifer Zorinsangi

âwmtu turte   : Nl. Ramdinthari

October thla chhûnga hla hruaitu leh

musician turte

Hla hruaitu    : Tv. F. Laldingliana

turte                  Tv. R. Zodinsanga

Musician         : Pu Lalremruata

VAWIIN  TLAI  FELLOWSHIP

A hmun          : S.S. Hall

Hruaitu                       : Pu C. Lalnunsanga

|antu              : Nl. Malsawmtluangi

Quiz                : Tirhkohte Thiltih a\anga                                              neih tur a ni.

Quiz master    :  Pu Lalchhandama

Memberte \hahnemngâi takin i kal ang u.

KOHHRAN  HMEICHHIA  (22.10.2013)

Sermon  Inkhawm

Hruaitu           : Pi Ralliani

|antu              : Pi Sawi\huami

Thuhriltu       : PiHmangaihsangzuali

           

           

           

SERMON

NUN  KRISTA

            Kei atan zawng nun hi Krista a ni si a, thih pawh hlawkna a ni.                            Philippi 1:21

            Tirhkoh Paul an Philippi khuaa lehkha a thawn lai hian amah hi lungin (Jail)-ah a awm mêk a, Rom sorkar in Kristiante a man a, an tihduhdahna avângin Paula pawh hi an man anih ngêi a rinawm. Tihduhdahna kal zêlah Philippi khaw kohhranhote amah anga tihduhdahna tuar ve mai thei dinhmuna ding an nih thu leh chumi avanga zâm mai lo turin a tânna lungin a\angin he a lehkhathawn hmang hian a fuih a ni. A tawrhna hian a tibuai lêm lo ni ngei tur a ni. Keini ho ngêi pawh han in en ta ila, tunlai kan ram leh khawtlângah Kristiante Setana’n nasa takin min tiduhdah mêk a. Engtianginnge tihduhdahna chu kan tawh ve rêng han sawi lawk ila. Tihduhdahna  hi chi hnih(2):  1. Pâwnlam leh 2. Chhûnglam. Pâwnlam tihduhdahna chu taksa tawrhna a ni a, chhûnglam  tihduhdahna tak hi keini ho pawhin kan tawh mêk chu a ni ta chiah a. Sualin zirtirna diklo hmangte, rinna diklo hmang ten min bei mêk a, tin, sualna chi hrang hrang mipat hmeichhiatna hmankhawlohna hmangte, eirukna, ruihtheih thil leh sual dang tam tak; kan tunlai khawvel leh kan ramah kan hmuin kan hre hnem hle, hetianga Kristiante Setana’n min tihduhdaha min nghaisak mêk lai hian Tirhkoh Paula angin rinna nghet taka vuan chungin Krista tâna ding a, thih thlenga midangte rinna kawng dik an zawh theih nâna mahni nun ngei in hlan ral mi Nun Krista neitu kan nih a va pawimawh em!!!

NUN  KRISTA  CHU  ENGNGE?

            Philippi 2:5-8.  He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bâwih angah a insiam a, amah leh amah a intitlâwm ta zawk a. Tin, mihring anga lo awmin, a inngaitlâwm a, thi khawp hiala thu zawmin a lo awm ta a, kraws-a thihna ngei chu. He thu-ah hian Krista rilru ‘Nun Krista’ dik tak chu kan hmu a, chu chu inngaihtlâwmna leh midangte tâna thih thlenga thuawih taka nun a ni. Hei tak hi Nun Krista chu a ni kan ti thei ang. Paula pawh khan thiha Pathian hnêna nuam taka hun hman chu a châk lutuk, nimahsela Philippi khaw Kohhran-a Setanan buaina a thlen mêkah siam\hat hnâ thawh leh thlamuan ngai a la ti si, Pathian hnêna nuamsa taka chawlh chu thlang lovin ringtute tihduhdahna khawvelah midangte tâna nun hman chu a thlang zawk a ni. Hetiang chiah hian Lal Isua ngei pawhin van hmun ropui chu thlahlel hlei thei lovin mihringte tâna a nun pum hlân turin khawvelah alo kal ta a ni. Nun Krista chu engnge? tih chiang takin kan hre thei tawh awm e. Nun Krista ah chuan mahni kan lang lova, midangte an pawimawh zawk a ni. A nih nang leh kei hian kan nunah engnge  kan dah pawimawh? mahni kan indah pawimawh hmasa nge? Midang ten Isua nei se tih rilru kan pu. Kan hriat reng atang pawimawh ber chu Nun Krista ah chuan mi dangte \hatna tur leh damna tur a nih pawt chuan ka tuar mai ang nge tih hi a lang lian bêr \hin si a.

.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

            VÊNG HMANGAIHTU

            Saikhamakawnah chuan Saikhamakawn |halai Pawl alo ding ta a, vêngchhung tâna thawkin veng \hatna turin hmâ an la mêk tih facebook lam a\angte in kan hre thei âwm e. Hetianga beisei nei lo leh phût lêt nei lova, politics rawng kâi lova mahni \hahnemngaihna leh inpêkna liau liau a hmâ an la thei hi an fakawmin vêngchhung pawhin kan \angkaipui ngei a beisei awm khawp mai.

            Hemi kawngah hian hlemhlêtna leh mahni lo lansarh duhna leh boruak \ha lo thei awm lo turin hma la thiam zêl ta sela, chumaibakah vengchhung mipuite pawh hian an thawhnaah leh an hmalâk naah \âwiawm thiamin khalh ngiltu leh fuihtu ni thei ila, sawisel mai lo leh deusawh mai lovin a \ha lam kawngah chuan in support tlâng hrâm hrâm ila, chumaibâkah kan theihna kawng engemaw kan hnathawhnaah a ni emaw, engemaw kawng tala \angkaina kan nei ve anih chuan tlânchhe mai lova a puih theihna angah pawh pui a, zilh leh thurâwn ngaihna lâiah pawh inrâwn zêl ta zawk ila kan vêng hian hmâ kan sâwn ngei a rinawm.

ARTICLE

                CENTRAL  YMA  GENERAL  CONFERENCE

-Dinga Fanai.

                Saikhamakawn Branch YMA chu ni 14.10.2013 khân member 34 leh kan hruaitute 5 hovin YMA Geneneral Conference vawi 68-na hmang turin Khawbung panin an chhuak a, tluang takin ni 18.10.2013 khân rawn haw lehin Saikhawpui an lo thleng leh ta.

                Hetiang hun hmang tur hian inpek a ngai a, mahni in senso pawh angai thin a, member kalte an fakawm hle. Report tlângpui han târlang ila: kum 2013 - 2015 hruaitu tur thlan a ni a, thlen tlinte chu:- President-Lalbiakzuala; Vice President-Vanlalrema Rokhum; Secretary-Vanlalruata; Asst. Secretary-Lalhmachhuana; Treasurer-J.Lalsailova; Fin. Secretary-Lalrochuanga Pachuau te an ni. Conference-ah hian Mikhual riak lut mi 6070 an awm a, hriat theih chinah khaw \henawm Dungtlanga riak: 65, Zawlseia riak: 47, Samthanga riak: 4 awmin YMA khawmpui tura riak lut zawng zawngte hi mi 6186 an ni a, lehlâng mi 1007 awmin khawmpui chhimtu zawng zawng chu mi 7193 an ni. YMA General conferencve ah hian Kumpuan bawhzui tha lawmman late chu Branch-ah; 1-na Edenthar veng Branch, 2-na Mission veng S Branch, 3-na Ngopa Branch te an ni a, Group-ah; 1-na Zobawk group niin 2-na Saitual Group, 3-na Khawzawl group te an ni.

                General Secrerary report-a a lan dânin tun dinhmunah YMA hian Branch: 796, Group: 46, Sub-Hqrs.: 5 a nei a, member mipa 2,32,435 leh hmeichhia 1,57,122 an vâiin member 3,89,557 an awm a, Mizoram pâwn Assam, Meghalaya, Manipur, Nagaland leh Tripura-ah te Branch a nei a ni. Tin, Finance Secretary report-a târlan danin Central YMA hian 1stSetember, 2012 a\ang leh 31stAugust, 2013 chhûng khân sum cheng 2,11,63,802 a hmu a, cheng 2,06,18,402 a hmang a ni.

                Kum 2014 kumpuan atân, “Ram leh hnam humhalh” tih thlan a ni a, 2014-a YMA General Conference diltu pathum Ratu, Lengpui,  CYMA zingah Ratu chu thlan a ni. CYMA thu pass-te:

A.YMA KHAWIH :

1.Central YMA buatsaih pêm lehkha kan hman mekah hian EPIC number ziah bakah, EPIC photo copy thil tel ni rawh se.

2.Pém nghet tur ni lo, zirna vang emaw, eizawnna vang emawa hun eng emaw chen hmun danga awm turte testimonial form inang tlang hman tur siam ni rawh se.

3.Chhiatni \hatni kaihhruaina ennawn ni rawh se.

4. Ram leh hnam humhalh nana pawimawh, intodelhna kan neih theih nan ei leh bar, sum leh paia inrenchemna (ecomonic management) pawimawhzia inzirtira hmalak ni se.

B. SORKAR KHAWIH:

1. Sorkarin mau mahal a kalpui mek hi kum hnih emaw, kum thum emaw chhung chu mahal rih lo ni se.

2. Sorkar department tinin anmahni office building-ah parking an neih theih nan CYMA-in hma la rawh se.

3. The Mizoram Land Revenue Act & Rules 2013 hi a nihna ang taka kalpui ni rawh se.

4. Sorkarin dan lova khaw thar din chungchangah tun aia nasa zawkin hma la rawh se.

5. Lunglei to Lengpui Airport via Buarpui kawng hi tipuitling turin sorkarah thlen ni rawh se.

6. Mizoram sorkarin Water Resources Safety Reserve siam rawh se.

7. Tipaimukh Dam Multi Hydro Electric Power project siam tum hian kan ram tam tak a chîm dawn avangin, siam lo turin sorkarah thlen ni rawh se.

 

HRISELNA HUANG

KHAWMHMA

A chanchin tlângpui: Khawmhma hi thing lian vak lo a ni a, a rah hi thûr tui tak a niin hmunkhatah a bawr khâwm \uai \hin. A rah puitling tawhah hian thil var thûr tak a awm a, hei hi ‘a beh’ an ti. A kûng hi Meihawlah a \hain silai hlo siam nânte an hmang \hin a, a thing hi thingtuah atânte an hmang bawk.

Damdawia hman theihte: A rah, a hnah leh a zung.

Damdawia hmannate:

Vawmbal: A hnah densawm bel a \ha.

Kaw\halo: A rah chhumna tui in a \ha; tin, a rah densawm leh khawizu chawhpawlh a, ei pawh a \ha.

Ngâwt: Artûkkhuan bul bâwk, khampa zung,  khawmhma zung pil leh hmu\au zung densawm pawlh a tuam hnan tur a ni.

KHIANG

A chanchin tlângpui: Khiang hi Mizoram thing lâr pawl tak niin hre lopawh kan tlêm hle ^wm ve.

A kûng puitling hi meter 15 - 20 a ni tlangpui. A kûng hi thingkung dang aiin \êkin a dêng duh deuh bûk niin an sawi. A thing hi thingtuah atân a \hat viau rualin thingzai atân erawh chuan a \ha lêm lo.

Damdawia hman theihte: A hnah a rah leh a pil.

Damdawia hmannate:s

Tît, mawimawm leh khamual kaikuang seh: A rah, a mu tel lovin rawtsawm diak a, a sehna hmuamhmâah hnawih a \ha.

Rul chuk: A hnah densawm tui sawr 5ml zêlin darkar khat danah vawi 4 emaw vawi 5 emaw in tur, a chukna hmuamhmaah chuan inzawm deuh zatin hnawih bawk tur a ni.

Ran pân: A pil densawm duak an chawah pawlhsak a, eitir tur. Bawng leh vawk tan 25gms-in nikhatah vawi hnih pêk tur a ni a, ram tenau dangte chu pêk tlêm tur a ni.

Pem, pân: A pil densawm tui sawr hnawih a \ha.

KHIANGZO

A chanchin tlângpui: Khaingzo hi thing lian ve tak, pil chhah tak nei a ni a. Thing tlo tak anih avangin thingzai atan leh furniture siam nante an hmang \hin. A pil hi Mizoten Sangha vuak nan kan hmang \hin.

Damdawia hman theihte: A hnah, a zik leh a pil.

Âwmnâ: A pil emaw a zîk no emaw silfai hnuah densawm a, a tui sawr chhuah tur. 10ml leh Mizo artui chawhpawlhin nitin zing leh tlâiah hun engemaw ti chhung ei tur.

Rul chuk, maimawm seh, tît seh:  A pil densawm tui sawr hnawih a \ha.

BIBLE  QUIZ  No.42

SAM  BUNG 71 - 75

A kâr âwl dah khat rawh :

Q1. Lei leh a chhunga awm zawng zawngte chu an tuiral zo ta: Keiin a _________________ chu ka phun a ni. (Selah)

Q2. Ka tan awmna lungpui, ka kal theih fona tûr, lo ni ang che: Nangin mi chhandam tûrin thu i pe a; Ka lungpui leh ka ________________________ i ni si a.

Q3. Ani chuan mi zinga retheite chu ro a relsak ang a, Pachhe fate chu a chhandam ang a, Hnehchiahtu erawh chu a _____________________________ ang.

Q4. Mi dang anga hreawmin an awm lo va; Mi dang anga sawisakin an awm ________________ lo.

Q5. Tunah chuan a thil ker mawi zawng zawngte chu _________________________ leh tubohtein an tichhe hlawm a.

A bung leh châng dah rawh :

Q1. Mi suaksualte ki zawng zawng pawh ka tansak ang a; Mi felte ki erawh chu tihsanin a awm ang.

Bung: ...............          Chang: ....................

Q2. Ka lei pawh hian nilengin i felna thu a sawi ang: Ka chhiatna tûr chu an mualphovin an zak ta si a.

Bung: ................         Chang: ....................

Q3. Jesaia fapa Davida tawngtainate chu a tawp ta.

.Bung: ................         Chang: ....................

Q4. Kei atân erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theih nân.

Bung ....................        Chang .................

Q5. Nangmah dotute thawm chu theihnghilh suh ang che: A beituho che sa mur mur chu a chho fo thin a ni.

Bung ....................        Chang .................

Hming : ......................................................

Section : .....................................................

BIBLE QUIZ  NO. 41 RESULT

Chhanna lut zawng zawng : 5

Chhang dik vek                       : 5

Lawmman dawngtu: Lalthlamuanpuia (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

PAVALAI  INKHAWM PROGRAMME

A hmun       : Senior Hall

A hun          :24.10.2013 (Ningani)

Hruaitu        : Pu TK Manga

|antu            : Pu Ramdinthara

            |awng\ai ruala hun hman a ni ang.

VAWIIN KHAWCHIN

A lum lai berin : 250C

A vawh lai berin : 210C

            Chawhma lamah 1mm, chawhnu lamah 4mm leh zân lamah 3mm (wheatherforcast.com).                                    Accuwheather.com chuan chhun lamah 5mm leh zan lamah 1mm tla turin a sawi thung.

CHILD SPECIALIST

Inentir hun:Thawh\an a\anga                                    Inrinni (2:00pm)

A hmun:    Samuel Drugs Store,

                    Kulikawn Taxi Stand

                    (Kulikawn phei)

Ph. No.:      9774727602

                    9612901654

OFFICE OF THE PRINCIPAL

F.T.M.S.A UNIT OF HOME MISSION SCHOOL

MELTHUM, AIZAWL, MIZORAM

Kum 2014 - 2015 session atân K.G-I to Class-VI, lût thar tur tân Ni 30thOct 2013 thleng admission tih theih a ni.

Admission Fee:

KG - I and KG - II   `.1,500/-

Class - I to Class - VI  `.1,800/-

(Office hun chhungin dawr theih kan ni)

Contact - 9862711998

Sd/-

(LALTHLAMUANA HNAMTE)

Principal

Home Mission School

LAWMTHU SAWINA

            Kristian |halai Pawl, Marka Group-te chuan vengchhung Telephone/Mobile Phone Directory kan rawn zawrh vengchhung mipui min lo dawrtute zawng zawng chungah lawmthu kan sawi tak meuh meuh e. Tin, hralh zawh loh tlêm ala awm a, kan rawn zawrh laia lo awm lo leh duh leh mamawh tan Pu C.Lalnunsanga (Amatea) te dawrah lei theihin dah a ni e.

Sd/- (ZOHMINGMAWII)

Secretary

Marka Group, K|P

HRIATTIRNA

            K|P Matthaia Group-te chuan ni 26.10.2013 (Inrinni) hian sum tuak nân Motor sil kan tum a, vengchhung lirthei neitu ten min sil tir \heuh turin kan ngên a che u.

Rate:

Two wheeler: `.50/-

LMV           : `.100/-or `.150/-

HMV          : `.200/-

Sd/- (ZODINSANGA)

Secretary

Matthaia Group, K|P

HRIATTIRNA

            Vawiin ni 20.10.2013 (Pathianni) chawhnu inkhawm bânah Ramri lama huan lo ram nei zawng zawngte Pu Lalsailova (Pa Saia) te inah kalkhawm tur a ni a, ramri kawng sah dan tur ngaihtuah (rêl) a ngai a, ramri lama huan lo ram nei zawng zawngte kan inhriattirin kan inngên e.

Sd/-

Lalsailova

Saikhamakawn

HRIATZAU NÂN

        Mizoramah vote nei 6,86,305 kan awm.

MIPA:3,36,799

HMEICHHIA:3,49,506

TUALCHHUNG

,Pu H.Remtluanga h/o Hmangaihzuali (V.Sec) chu damlohna avangin Greenwood Hospital-ah enkawl mêk a ni.

,Pu Thangluaia h/o Vanlalbiaki (Ch.Sec) chu damlohna avangin Greenwood Hospital-ah enkawl mêk a ni.

BSc. NURSING PASS

            Nl. C.Lalrinzuali d/o Robuanga (V.Sec) chuan BSc. Nursing 1st Division-ah a pass a, Mizoram pumah pasarihna a ni bawk. Hetiang mi chhuanawm kan vengchhungah kan nei hi kan lawmpuiin a kal leh zelna turah duhsakna kan hlân e.

Zanin EPL inkhel tur

Aston Villa Vs Tottenham (8:30)

Thawh\an zan

Crystal Palace Vs Fulham (12:30)

Zanin La Liga

Granada Vs Getafe (3:30)

Almeria Vs Rayo Vallecano (8:30)

Real Betis Vs Elche Benito (10:30)

Real Valladolid Vs Sevilla FC (12:30)

Thawh\an zan

Celta Vigo Vs Levante (11:30)

Athletic Bilbao Vs Villarreal (1:30)

UEFA Thawhleh zan

Schalke 04 Vs Chelsea (12:15)

Steaua Vs FC Basel (12:15)

Arsenal Vs B.Dortmund (12:15)

Marseille Vs Napoli (12:15)

A.Vienna Vs Atletico Madrid (12:15)

FC Porto Vs Z.St Petersburg (12:15)

AC Milan Vs Barcelona (12:15)

Celtic Vs Ajax Amsterdam (12:15)

Nilai zan

B.Leverkusen Vs Shakhtar (12:15)

Man. United Vs Real Sociedad (12:15)

Galatasaray Vs FC Copenhagen (12:15)

Real Madrid Vs Juventus (12:15)

Anderlecht Vs P.S-Germain (12:15)

Benfica Vs Olympiakos (12:15)

CSKA Moscow Vs Man.City (12:15)

Bayern Munich Vs V. Plzen (12:15)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 300