Mipui Aw 7.4.2013

MIPUI AW

KARTIN CHHUAK

Vol. XIX Issue No. 14 Kristian Thalai  Pawl  Saikhamakawn Branch  Pathianni Dt.7.4.2013

VAWIIN CHANG VAWN

            Mi suaksualte remruat anga awm ngâi lova,Misualte kawng pawha ding ngâi lova, hmusittute \hutphah pawha \hu ngailo mî chu a eng a thâwl e. A lâwmna chu LALPA dânah a ni zawk a; a dân thu chu a chhûn a zânin a ngaihtuah \hin. Ani chu tuiluang kianga thingphun A huntêa rah \hin. A rah pawh uai ngâilo ang hi a ni a; a thil tih apiang chu a hmuingil zel ang.

KOHHRAN  PROGRAMME

7. 4. 2013 (Pathianni)

Chawhma Inkhawm

|antu           : Pi Ropari

Chawhnu Inkhawm

Thuhriltu    : Upa R. Lalngena

Zân Inkhawm

Thuhriltu    : Pi Khawlvuani

K|P PROGRAMME

 Dt. 8. 4. 13 (Thawh\an zân)

Neihthil Thehkhawm

A hmun          : S. S. Hall

Hruaitu           : Nl. V. Lalrindiki

|antu              : Nl. J. Lalngaihawmi

April thla chhûnga hla hruaitu leh

musician turte

Hla hruaitu    : Pu Lalremruata

turte                  Nl. R. Lalngaihawmi

Musician         : Tv. R. Zodinsanga

KOHHRAN  HMEICHHE

PROGRAMME  (9.4.2013)

            Kristian chhungkaw puala hun hman tur a ni a, group hrang hrangte mahni group \heuhah hun hman tur a ni.

           

           

           

SERMON

I  BÂN  PHAR  RENG  RAWH

            Tichuan Mosian a hnêna a sawi ang chuan Josua chuan a ti a, Amalek-ho chu a va bei ta a: tin, Mosia leh Arona leh Hura chu tlang chhipah an han lâwn a. Tin, heti hi a ni a, Mosian a kut a phar veleh Israel- hote chuan a hneh thin a.

                                                                   Exodus 17: !0-11

            Israel- ho te chuan Rephidim hmun an thlen chuan an hmêlma Amalek ho chuan an rawn bei a. Tichuan Mosia chuan Josua hnênah an zînga a\anga in thlang chhuak a, Amalek-ho chu va bei lêt tûrin a ti a. Tin, Mosia erawh tlângchhipah Pathian tiang keng chungin an in beih chhûng zawng bân lo phar tûr thu a sawi bawk. A tûkah chuan Josua leh a hote chu Amalek-ho bei tur chuan an chhuak ta a, Mosia pawh chu tlângchhip lamah Pathian tiang keng chungin Arona leh Hura-te nên an kal ve bawk a. Amelek-ho nên chuan an han in bei ta a, Mosian Pathian tiang keng chunga bân alo phar vêleh Israel-ho te chuan hnehna an chang \hin mahsela Mosia bân alo kham a; a dah thlâk veleh Israel-hote chu hnehin an awm thung \hin. Arona leh Hura-te chuan Mosia bân phar turin an lo pui a ni tih pawh kan hre \heuh âwm e.

            Hetiang chiah hian Krista pawh Kalvari tlângah kan tân a bân alo phar tawh a, Mosia erawh a bân a kham \hin a, a dah thla leh fo \hin, nimahsela Lal Isua erawh chatuan atân kan tân a bân min phar sak tawh a; sual chu chatuan atân hnehin a awm ta. Engatinge sual hi kan la hneh loh fo thin le? Krista kan tâna a bân a pharna Kros kan hlamchhiah châng apiangin sualin min hneh \hin mai zawk a ni. Lal Isua Krista keimahni avânga a bân a phar zia hria a, nîtin mahni ngei Kros-a inthihsan \hin miten hnehna chu Lapa tâ a ni tiin Setana chu hnehna an lo puan khum thei zawk \hin  a ni.

            Tin, midang ten Krista a nun thar an neih theihna Mosia ang khian midangte tân bân kan phar ve thei a ni tih pawh kan hriat a \ul awm e, kan ban phar dân kawng erawh a ki a dang deuh pawh a ni thei. Tunlai kan khawtlangah ngei pawh Thlarau Thianghlim hnathawh alo thlen nachhan pawh midangte tâna bân lo phar, sual a\anga chhanchhuah ngai ten chhanchhuah an nih theih nân a \hahnemngâi taka Lalpa hmâa bân lo phar an awm vâng a ni ngêi ang. Zan lama kawngpui dunga hnehna kawngzawh \hinte midangte rilruah nasa takin hnâ a thawk \hin a, tin, hnatlân huna hnatlânte, hla zir huna zirte, kohhran ho inkhawm ngaihpawimawhte hmang hian sual hnehna bân kan phar ve thei a ni tih kan hriat a \ul hle a ni. Kan bân a kham chângte kan peih loh chângte pawhin Pathian chakna ring a kan tih \ang \ang chuan sual hnehin a awm zêl dawn a ni.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

CHAPONA

            Zir mite chuan thil awm \an tirh a\anga sual awm hmasa ber chu chapona hi a ni e; an ti \hin. A chhan chu vân indonaah khan Setana kha a chapona vâng a ni; an tih vângin. Mihring hrim hrim hian engemaw kawng talah hi chuan chapona hi chu kan neih \heuh a rinawm. Kan lo hausa deuh a ni emaw, lehkha kan lo thiam deuh bîk a ni emaw, thiam thil engemaw kan loh neih bîk deuh vângte pawh a ni thei e. Hetiang kawngah hi chuan kan insûm hrâm hrâm \hin pawh a \ha âwm e. Chumaibâkah mimalah mai nilo, a pâwl angte, kohhran leh vêng ang chîah te pawh hian alo chapo theih viau mai bawk. Entirnan: Football Team \ha tak mai kan nei a, kan tum pui apiangte chu kan hneh zêl mai si a, min hneh theitu an awm lo; han tih ang chite. Hetiang chiah hian kan chungah eng pawh lo awmin lo thleng sela, eng dinhmunah pawh ding ila chapova uang mai lovin kan dinhmuna min hruai thlengtu zawk Pathian lam thlir chung zêlin leh tumah hi tla chhe thei lo kan awm lo tih hre reng chungin kan dinhmun \hatna leh dinhmun\hat lâi hian chapo leh uang mai lovin inngaihtlâwmna nun i zir hrâm hrâm zêl ang u.

ARTICLE

CYMA INTERBRANCH CRIKET TOURNAMENT-AH SAIKHAMAKAWN BRANCH YMA KAN TELVE E

- Robuanga.

              Tuilêt hmâ leh Toilet hnû chhiar tel vek pawh a; a vawi khatna atân kan Branch YMA chuan  Inter-Branch YMA Criket Tournament-ah kan va tel ve a. Sihhmui Branch YMA-te chu vânneihthlâk takin kan va hneh ve hlauh mai a, a lâwmawm hle mai. Cricket method-a chhût chuan kan hnehna pawh hi a chiang nelhnawlh hlêin alang. Saikhamakawn hi Toss ah kan chaka, Batting(vuak hmasak) kan thlanga; Run 134 (Za sawmthum pali) kan vaw chhuak a, Sihhmui lam hian Run 76 (Sawmsarih paruk) vawchhuakin  a vawtu (wicket) 10 (Sawm)-ah an thîin; a vawm tûr neih an vawm zova, Run 58 (Sawmnga pariat) in kan chak a ni.

            Târlan tawh angin \humvawrah kan chak a, vuak hmasak kan thlang a, Jeremy Lalhruaitluanga Captain (Tendulkar of Saikhamakawn) chu vêng hmasa ber (opener) leh a kawppuiah Lalfakzuala  kan hmang a,  Jeremy hian Run 36 (Sawmthum paruk) siamin a out (thi) a, Run siam tam deuhte chu  Lalrinnunga-19, Lalmalsawma-15, R.Zothansanga-10,  Vanlalhruaia & Faka ten  3 ve ve an siam a, a dang run 1 leh run siam ve lova out (thi) pathum kan nei bawk. Run 134 kan siamah khian mi 10 kan out (thi) hman a, Abraham Lalnunthara (last batman) chu out lovin  (over 20 a zo tawh si a) a awm. Kan vêng a\anga ente chuan a hmuhnawm zia kan inhrilh sap sap mai. Kan Branch vawm  \annaah over khatah (vawiruk vawmah) Run 11 kan hmu a, Sihhmuiin an vawm \annaah Run 2 (over 1 ah) an hmuthung. Engpawhnise kan khelh leh turah nasa taka \an a ngâi tih i hria ang u. Sawi lan ve lawk ngai chu Sihhmui Branch te hi hetiang Tournament-ah  hian an lo chhuah tawh \hin bâkah an  player naupangber Lalruatsanga chu kum14 leh thla 11 a ni a, 4 Run(boundary thlengin) a hlap vel pap pap mawle. Tin, kan bowler (vawmtute) ten an vawm \ha hlawm hle a, Lalfakzuala chuan Wicket pathum a vawmhlum a, a dangte pawh an che \ha hle; hmuhnawm tak a ni. Chumaibâkah kan sawi hmaih hauh loh tur chu 1st Round paltlang tura min puitu Tlangnuam Branch YMA-te hi an fakawmin, engkimah min pui a, min zirtirin kan Practice-na tam zawkah hian an kit (hmanrua leh inthuamna) min hman tir mai bâkah tournament kan hmachhawn thlengin min hawh tir bawk a, an chungah kan lawm hle a ni.

      Kan Branch  hian Dt.8/4/13 (Thawh\an) Dar.12:00 (noon)-ah Chanmary Branch (Defending Champion); Ramhlun Sport Complex-ah khelh leh tur a ni a, a thei apiangin \awiâwm i tum \heuh ang u . Team \antu mipuite hi team chakna hnâr pawimawh tak kan ni si a.

Computer Virus hrang hrang

1)Virus hming ''Melissa'', ''David L. Smith'' a siam. Trojans,Malwares.

2)Virus hming ''ILOVEYOU'', ''Onel de Guzman of the Philippines''

3)Virus hming ''The Klez Virus''

4)Virus hming ''The Code Red and Code Red II'' worms niin 2001 nipui lâia rawn lang thut a ni.

5)Virus hming ''Nimda'' 2001 tho.

6)Virus hming ''SQL Slammer/Sapphire'' The Bank of America's ATM service a ti chhia, Seattle city-a service hrang 911 in an tawrh bâkah Continental Airlines chuan electronic hmanga flight ticket an cancel phah vak a ni.

7)Virus hming ''MyDoom'' Feb. 1, 2004 a\angin a rawn lang.

8)Virus hming ''Sasser and Netsky'', ''Sven Jaschan'' a siam (Kum17 a upa)

9)Virus hming ''Leap-A/Oompa-A''

10)Virus hming ''Storm Worm'' 2006 a hmêlhriat a ni.

            Kim chang zawkin han târlang thei ila ngaihnawm tak tak a ni hlawm a, ILOVEYOU virus rawn chhuah dânte phei chu ngaihnawm tak a ni. Lo zawng ve chhin ve mah teh u. Mahse zawn pahin Virus kâi awih loh.

HRISELNA HUANG

CHANGKHÂ

A chanchin tlângpui: Changkhâ hi Mizoramah leh India ram hmun hrang hrangah an chîng uarin chawhmehah an hmang \hin. Thlâi zâm chi a ni a, pum lam sawisêlna neite leh zunthlum natna veite tân damdawi \ha tak a ni.

Damdawia hman theihte: A zung, a hnah leh a rah.

Damdawia hmannate:

Khawmual kâikuang seh, Lâikîng seh: A hnah râwt dip a, a sehna hmuamhmâah bel a \ha.

Thinlian: A hnah râwtsawm tui sâwr 10ml zêlin hun engemaw ti chhûng in tur a ni.

Zunthlum: A rah râwtsawm tui sâwr, 5ml zêlin nikhatah vawi hnih ei \hin tur.

Pumpui pân: A hnah râwt sawm tui sâwr 5ml leh khawizu 5ml chawhpawlh a ni khatah vawi hnih ei tur a ni.

Naupang luak: A hnah râwtsawm tui sâwr 5ml leh aieng râwtdip tlêmte chawhpawlha ei tir a \ha.

Kâng: A hnah râwtsawm tui sâwr, taksa kâng lâiah hnawih a \ha.

Taksa rit lutuk tûr vên n^n: A rah densawm tui sâwr 5ml leh khawizu 5ml, aieng râwt dip 1gm nên chawhpawlhin nitin zing leh tlaiah ei \hin tur a ni.

Hnute tui tih tam nân: A hnah râwtsawm diak a, hnutêah bel a \ha.

Pumpui chak lo, chaw pâi \awih harsat: A hnah 25gms, mei na vak lovah tui 400ml-in chhum a, a chhumna tui 50ml anih hnûah thlit chhuah a 25ml zêlin nitin zing leh tlaiah, karkhat chhûng ei tur a ni.

Tai pân: A rah pakhat leh hmâwng hnah pathum râwtsawm diaka bawnghnute thûr khal (Curd) no khat nên chawhpawlhin karkhat chhûng nitin ei tur a ni.

Zawnghri, Tangseh:  A hnah râwtsawm tui sâwr 10ml leh aieng râwtdip 1gm chawhpawlha nitin zing leh tlaiah ei a \ha.

CHHÂWNTUAL

A chanchin tlângpui: Chhâwntual hi thing chikhat a ni a, a rah a ei theih. Chi hnih - a rah sen chi leh a rah eng chi a awm. A pil hi naupangin an ei \hin.

Damdawia hmannate:

Pum nâ: A pil densawm tui sâwr 10ml-in nikhatah vawi hnih in tur.

Pumpui chak lo, pum nuam lo: A pil chhumna tui, chaw nên ei a \ha.

Pumpui lâwng: A pil 60gms tui tui 1ltr-in mei na vak lovah a tui 250ml anih thlengin chhum a, 60ml zêlin nikhatah vawi hnih, chaw ei khamah in \hin tur.

BIBLE  QUIZ  No.14

NEHEMIA BUNG 1-5

A kâr âwl dah khat rawh :

Q1.Tin, ka hnênah, “Sala tâng chhuak, chu mi rama dama la awmte chu chânchhe tak leh sawichhiatin an awm a: tin, Jerusalem kulh chu a chim rem rum tawh a, a kawngkhârte pawh a _________ asin,” an ti a.

Q2.Tin, kei chuan lal hnênah, “Lal chu kumkhuain dam reng rawh se: mi thlahtute thlan awmna khua chu a ramin a kawngkhârte chu a kang vek si a, lungngai hmêl pu lo thei ________ ka nih ang?” ka ti a.

Q3.Tin, sângha Kawngka chu Hasena fapaten an siam a; a relte an dah a, a kawngkhârte an rel a; a kalhnate leh a ________________ an rem a.

Q4.Tin, a kianga Amon mi Tobia chuan, “Han din teh rêng se; sihal pawh han lâwn sela an __________ kulh chu a tichim mai ang chu,” a ti a.

Q5.|henkhatin, “Kan tam si a, ei tûr kan nei lo. Kan lote kan _____________________ si a,” an ti a.

A bung leh châng dah rawh :

Q1.“Aw LALPA, van Pathian, Pathian ropui leh hlauhawm, nangmah hmangaiha i thupêk pawmtute chunga thuthlung hlena khawngaihna tilangtu;

Bung: ...............          Chang: ....................

Q2.Tin, lal chuan ka hnênah, (lalnu pawh a kiangah chuan a thu a) “Eng chen nge i thang ang a, eng tikah nge i lo haw leh ang?” a ti a. Chutichuan lal chuan lawm takin mi kaltir ta a; tin, keiin hunbi ka tiam a.

Bung: ................         Chang: ....................

Q3.Tin, anni dawt chu Gibeon mi Melatia leh Meronot mi, Jadonan, lui ral ram awptu thu hnuaia awm Gibeon mi leh Mizpa mite nên an siam tha a.

Bung: ................         Chang: ....................

Q4. tichuan Jerusalem chu rawn beia buaina rawn siam an phiar tlâng ta a.

Bung: ................         Chang: ....................

Q5. “In thiltih hi a tha tawp lo mai a ni: kan hmêlma, hnam dangte mi sawichhiatna avângte hian kan Pathian tiha in awm a tul a ni lâwm ni?

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 13 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Lalthlamuanpuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun     : Vestry

A hun         : 11.4.2013 (Ninga zân)

Chairman  : Pu VL Zidinga Sailo

|antu         : Pu Ramdinthara

Sermon      : Pu Kamzawngliana

NURSES/MPW (H.W.) STAFF RAWIH MAN

            The Trained Nurses Association of India(TNAI) Mizoram Branch chuan a hnuai ami ang hian Govt/Private/Unemployed Nurse etc. rawih man a duang.

            Nurse/MPW (H.W) chu a hnathawhna pâwn lam a\anga tlâwmngâi tura koh an nihin rawlkhawlhna engemaw vânga an kallo emaw, an ti hlawhtling thei lo anih pawhin an mimal zalenna a ni a, phût luih / a Duty tilo anga ngaih loh tur a ni ang.

1.Nitin chhawrman chhûnah 8hrs `350/- zanah 8 hrs `500/-

2.Injection : IM: `20/-; IV: `50/-; SC:`50/-

3.Drip khâi : 1st Bot.: `200/-; 2nd Bot.: `100/-

4.Nâupâi en man: `50/-; BP Check: `20/-

5.Dressing Minor wound: `50/-; Major wound: `100/-

6.|huiphelh, damlovin Nurse/ MPW an panin `20/-; Nurse/ MPW ten damlo an panin `50/-

7.Nau chhar zânah: `500/-; chhûnah: `300/-

YMA CRICKET TOURNAMENT-AH KAN CHAK

                  Saikhamakawn Branch YMA chuan a vawikhatna atân YMA Cricket Tournament-ah tel vein ni 5.4.2013 (Zirtawpni) khân Sihhmui Branch YMA nên inkhelin Run 58-in hnehna an chang. Tin, ni 8.4.2013 (Thawh\anni) chhûn dar 12:00-ah Ramhlun Sport Complex-ah Chanmari Branch YMA nên 2nd Round an khêl leh dawn.

K|P HNATLÂNG NEI

            Saikhamakawn Branch K|P chuan ni 6.4.2013 (Inrinni) khân Pu Jeff Lalhmingsanga In Slab chhûnga hnatlâng neih a ni a, member \hahnemngai taka thawkchhuak zawng zawng chungah Branch Committee chuan lawmthu a sawi a, tin, inhlawhna min siam saktu Pu Jeff Lalhmingsanga te chhungkaw chhûngkaw chungah pawh lawmthu kan sawi bawk e.

TIAM TLAT E

            Nl.Lallawmsangi Hrahsel d/o VL Malsawma leh Tv. Zothansanga s/o T.Upa C.Zoliana, Mission Vengthlang te chuan ni 11.4.2013 (Ningani) dar 2:00pm hian Dâmvêng Kohhran Biakinah Kohhran dân thianghlimin a nuamah pawh, hrehawmah pawh; kumkhuaa lêngdun turin tiam tlat e an ti dawn.

                  Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

FB Chat Emotion

Smile		:) or :-) or :] or =)
Frown		:( or :-( or :[ or =(
Tongue		:p or :-p or =P
Grin		:D or :-D or =D
Gasp		:O or :-O or :o or :-o
Wink		;) or ;-)
Glasses		8) or 8-) or B) or B-)
Sunglasses		8| or 8-| or B| or B-|
Grumpy		>:( or >:-(
Unsure		:/ or :-/ or :\ or :-\
Cry		:'(
Devil		3:) or 3:-)
Angel		O:) or O:-)
Kiss		:* or :-*
Heart		<3
Kiki		^_^
Squint		-_-
Confused		O.o or o.O
Upset		>:O or >:-O or >:o or >:-o
Pacman		:v
Colon Three		:3
Robot *		:|]
Putnam *		:putnam:
Shark *		(^^^)
Penguin * (Added 17 Sept 09)		<(")

TUALCHHUNG

, Zothansangi d/o B.Lalrinzauva (Ch.Sec) chu damlohna avângin Zemabawk Cancer Hospital-ah enkawl mêk a ni.

, Pu Allan Lalramhluna h/o Lalchhanhimi (V.Sec) te chuan a pathumna atân fanu duhawm tak an nei thar.

, Pu Lalfakzuala h/o Baby Lalmalsawmi (V.Sec) te chuan a pathumna atân fanu duhawm tak an nei thar.

Zânin EPL inkhêl turte

Liverpool Vs West Ham(6:00)

Tottenham  Vs  Everton          (6:35)

Chelsea Vs Sunderland (7:30)

Newcastle United Vs Fulham (7:30)

QPR Vs Wigan  (8:40)

Thawh\an zân

Man. United Vs Man. City (12:30)

UCL Quarter Final

Thawhleh zân

Borussia Vs Malaga (12:15)

Galatasaray Vs Real Madrid (12:15)

Nilai zân

Barcelona Vs Paris Saint (12:15)

Juventus Vs Bayern Munich (12:15)

FA Cup

Inrinni zân

Millwall Vs Wigan Athletic (9:45)

La Liga

Zânin inkhel turte

Celta Vigo Vs Rayo Vallecano (3:30)

Osasuna Vs Espanyol (8:30)

Getafe Vs Atletico Madrid (10:30)

Valencia Vs Real Valladolid (12:30)

Thawh\an zân

Sevilla FC Vs Athletic Bilbao (1:30)

Zirtawp zân

Real Betis Vs Sevilla FC (1:30)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300