Mipui Aw 21.4.2013

MIPUI AW

KARTIN CHHUAK

Vol. XIX Issue No. 16 Kristian Thalai  Pawl  Saikhamakawn Branch  Pathianni Dt.21.4.2013

VAWIIN CHANG VAWN

            Chuvangin, ni tha lovah chuan in do zawhna tur leh, in tih zawh vek hnu pawha in din theihna turin, Pathian ralthuam famkim chu la rawh u.

KOHHRAN  PROGRAMME

21.4. 2013 (Pathianni)

Sunday School Inkhawm

|antu           : Pi Lal\anpuii

Chawhnu Inkhawm

Thuhriltu    : Pu Siamliana

Zân Inkhawm

Thuhriltu    : Upa Lallawmchhunga

KTP PROGRAMME

 Dt. 22 .4. 2013 (Thawh\an zan)

Sermon  Inkhawm

Hruaitu           : Nl.C.V.L Biakzuali

|antu              : Nl. C. Zosangliani

Thuhriltu       : Pu Lalchhandama

Thilpek lakh- : Nl. C. Lalrempuii

awmtu turte   : Nl. Zorinpuii

February thla chhûnga zai hruaitu leh

musician turte

Hla hruaitu    : Tv. Lalhmangaiha

turte                  Tv. Pc. Vanlalhriatpuia

Musician         : Pu Lalremruata

FELLOWSHIP  PROGRAMME

A hmun          : S.S Hall

Hruaitu           : Pu Lalmuanpuia

|antu              : Tv. Lalnunzira

            MZU a\angin Livelihood  management chungchang inzirtirna hun an rawn hmang dawn a. Memberte a tam thei ang ber kal turin kan inngen a, group committee memberte phei chu kal kim hram nise.

KOHHRAN  HMEICHHIA (23.4.2013)

Hruaitu           : Pi C. Lalrinpuii

|antu              : Pi Zothanmawii

Thuhriltu       : Pi Lalhmangaihi

           

           

           

SERMON

I KIR LEH ANG U

            “Hawh u, Lalpa hnenah i kir ang u: Min lo pawtsawm tawh na a, min tidam leh dawn si a, Min lo vaw tawh na a min tuam leh dawn si a”. Hosea 6: 1

            Mihringte hi Pathian kan bosan a, mahni duh ang angin kan tlana, sual kawng zawhin kan hun kan hmang thin. Pathian phalloh kan thlahtu bulten an lo tih avangin chu an thil tih sual avang chuan Pathin hmangaihna angchhung atangin kan tlan bosan a ni tih pawh kan hre theuh awm e. Kan duh thu in Pathian hmangaihna angchhungah kan kir thei tawh lova Pathian anchhia dawng kan nih tawh avangin chatuan hrem tur kan ni, mahsela Pathian hmangaihna chuan a fapa ngei kan sual thawinan rawn tirin, a thisen in min tlan ta a, a hnena kir leh theihna kawng min rawn hawnsak leh ta a ni, Pathian chu fakin awm rawh se!!!!

            Mihringte hi Pathian vahbosan reng mai thin kan ni a, kan duhzawng te kan chak zawk te hi Pathian duhloh zawng hlir mai a kal thin kan ni, khawvela kan lo pianchhuah phat hian sual lam awn nghal mihring kan ni a. Pathiana kan awm reng loh chuan keimahni chauh chuan thatna leh felna te thianghlimna reng kan nei hek lo, chuvang chuan Lal Isua chu kan tan felna te, thianghlimna te, kan vanram kal theihna atan min lo pe ta a ni. Amaha kan awm reng loh chuan felna rah kan chhuah thei lo a ni tih Lal Isua ngei pawn a hriat chian em avangin “Keimaha awm reng rawh u, keimah lovin engmah in ti thei si lo” tiin Johana ziakah min lo hrilh a ni, chuvang chuan A hnenah kan awm reng a tul a ni.

            Pathiana nun nei tawh te ngei pawh Amaha kan awm reng loh chuan sual tan kan lo nung reng tawh thin. Sual tana  nung thinin mahni kawng leh duhdan ang angin kal thin mah ila Pathian hmangaihna chuan min umzui zel a, kan nunna te ama hnen lama kan kal leh theih nan min zuah sak a, sual hle mah ila hriselna tha kan neih te hi Pathian hmangaihna in ama hnen kan pan leh theihna kawng min hawnsak a ni tih kan hriat a pawimawh awm e. Mahsela chu hmangaihna chu kan hnawl a sual lam a kan tlan luih chuan hremna erawh kan pumpelh hauh lovang. Hmangaihtu Pathian hian a hmangaih te hi a hrem hreh chuanglo tih hi kan hriat reng a tul awm e.

            Pathian duh loh zawngin lo kal tawh thin in Pathian tan thatna reng nei lo in lo vahbo san tawh mah ila inchhira a hnen kan pan chuan min lo ngaidamin a fa nihna hlu tak chu  kan tan ala dah reng a ni.              

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

RUIHTHEIH  THIL

            Ruihtheihthil hi engtiang chiahin nge kan ramah a hluar a, engtiang chiahin nge kan khawtlangah hian bu a khuar tih hi mi nawlpui chuan kan hre kher lovang. C.A.D.S report a\ang leh sawrkar report a\anga a landân chuan ngaihthah chi a ni lova, kan ramah hian a hluar hle a ni tih kan hriat a pawimawh khawp mai.

            Kan ramah mai nilo keini khawtlangah ngei pawh nu leh pa tam zawkin kan hriatdan ang ai hian a hluar a ni tih hi hria ila. Zu lam ai mahin damdawi ruih chi lamah tunlai kan \halaite an tlan nasa hle. Keini vengah ngei pawh ruihtheihthil khawi awma kan hriat loh leh khawih ruala kan ngaih lohte pawh hi ngaih\ha taka enliam mai an harsa \an tawh a, nu leh pate fimkhur taka kan fate kan enkawl a \ul takzet tawh a ni.

            Hetiang hi kan tunlai hun tawn mek a nih avang hian tunge mawhphur ber a, engtia hmalak chi nge tih hriatthiam pawh a har hle. Y.M.A lamin theihtawpa nawr tawm an tum a,  ruihtheihthil a tlemin a vân phah ngei mai, mahse a ti \hinte hei hian a ti tlem chuang si lo. Mihring nun thlakthlengtu chu Pathian a ni tih hriain chhungkua leh kohhran hoten Pathian kan dawr tam a pawimawh ber niin a lang.

ARTICLE

HMANGAIHNA

         “Hmangaihna hi zawng a hrilh a hrilh fiah chi awzawng a lo nilo
a niang nge.!. Ziak mi tam takte ziakfung leh hla kungpui tam tak te irawm chhuak te meuh pawhin tun thlengin tungchhova kal hringfate pawm dân hi kuang khatah an la luan za tir thei lova, ‘A chiang mang e’ tih tur khawpa hrilhfiahna \ha min hnutchhiahtu lah an la awm hek lo. Eng \awng mah hian a hrilhfiah zo lo pawh a ni mahna le.!!         Hmangaihna hi chu a lo mak thlawt a sin.!! Mihringte nuna hlimna a thlen sak zat zet mittui pawh koh chhuah sak \hin a, hlimna phena lungngaihna chhum dum a phum tel tlat \hin angin tawrhna phenah pawh lawmna ni zung zuk zep tel tlat thin a.!! Mahsela, hmangaihna tel lo hi chuan hringnun kalchawi hi a kim thei der si lo. Damlai tuipui zauvah hi chuan hringnun kar fung chelh tlattu a nih miau avangin a duh duhna  lam hawiin hmangaihna chuan he hringnun hi a khalh kual a khalh kual a, a tuai vir vel \hin a ni ber e.!!

            Mahsela, hmangaihna chuan duh tawk chin lem a nei thei ngai lo, ngaihdam theih loh khawp lian sual lah a hre ve hek lo. Dan leh thupêkte meuh pawhin a khap dai ve zo  lova. Dinhmun sanga dingte dinhmun pawh a pheh hniam sak \hin, rethei leh hausate inkar khi chat thûk tak kaina tur kailawn dawhsak \hintu pawh hmangaihna vek hi a ni \hin. Aniasin, Hmangaihna huang chhungah meuh hi chuan mahni hmasialna leh duhamna ten hmun an chang ve ngai lova, itsikna leh vervêknate inrawlh a thiang  ve hek lo, sum leh paite meuh pawh engmahlo mai a ni \hin. Mahsela, pachhiatna leh bawrhsawmnate erawh hmangaihna ti zualtu a ni thung tlat \hin si. Hengte vang hi a nia’ng nge ‘Love is Blind’ an lo tih hial reng ni.

            He hmangaihna hi a lawm Beidawng tawhte beiseina thar pe a, chak lote chakna pe \hintu, Manganna leh lungaihna ruama tang mêk mihringte khai chhuaka hlim lai ni chen tir leh \hintu  chu.!! Thinlung hliamte tuam dam \hintu, rilru sak ber pawh ti kehsawm vek thei a nih miau avangin  mihringte nun a thil ropui ber leh chhuan tlak awmchhun, mihringte thil neih azawnga thil hlu ber a ni kumkhua ngei ang.!! Nimahsela, hmangaihna dik tak erawh mihringte tana hmuh fuh thiam harsa tak a ni kumkhua thung si.. A sawi peih leh sawi thiam apiang hmangaihna chu a dik ber chuang lova, sawi loh avanga dik lah a ni chuang dêr bawk si lo.!!

            Engpawh nise, hlim ni leh lawm ni ai chuan lungngaih ni leh \ah niahte hian hmangaihtu tak tak chu hriat a lo awlsam zawk \hin. Chuvangin, lungngaih, mangan leh harsatna tâwka \anpui i ngaih hunah meuh chuan hmangaihtu nia i ngaih \hin tam tak chuan an liamsan ang che. Chu hunah chiah chuan a ni... I chhingmit chu kharin awm mahsela hmangaihtu dik tak chu i hmuh \helh chuang lo anga, i hriatna beng pawh tih ngawn ni sawmsarih  mahse hmangaihtu dik tak chu i hre tho tho ang. Engpawh nisela, ‘hmangaihna hi zawng a sawi a sawi fiah chi ni lovin a nun a nun fiah chi zawk a lo nih hi...”

HRISELNA HUANG

THLAI  LEH  THEI  DAMDAWIA HMAN THEIHTE

            Limbu : A hnahah hian Limonene (Tel rimtui) a pâi a, a hnah 20 gms, tui 1 litre-ah chhuan so a, ni tin no 3 in tur, chu chu muttui nante, pumna atante, rulhul damdawiah te a \ha. A kâwr pawh hi khawsik, rulhut, pum nuamlo leh chawei tuilo tan a \ha fu bawk. Tin, Limbu tui hian Vitamin B, C, Acid, Flavonoid te a pai.

            Vitamin C tlakchham vanga Scurvy natnate, pumpui chaklote, taksa a al tam lutuk (Sa ei tam hian thisen leh zunah al a tam duh) hian ruhsehte, Kala lungte awmte a siam thei a, hemi atan hian Limbu tui sawr in tam a \ha. Limbu tui hian thisen a ti thianghlimin, kal natna, ruhsehte a vêng thei. Tin, Limbu a Citrates (Citric Acid & Salt) te hian Kala lungte awm an chiah ral thei tih finfiah a ni tawh bawk.

            Limbu tui hian Vitamin P leh Hespiridin-te a pai tel a, chu chu thisen zâm tan a \ha hle bawk. Ke vung, thahruichat, piles, BP sang tan a \ha bawk.

            Limbu tui hian khuhhip hrik, Tonsil a awm te, kaw\halo hrikte a suat vek thei. In chhungkuaa kaw\halo an awm chuan Limbu tui in tir ang che.

            Limbu tui hian vun, tin, sam a ti chak a, sam phei chu a ti mawi duh hle.

PUMPUI  NA

            Kan thil ei, pai tawih har chi ei vang emaw, thil mawm lutuk eitam vang emaw hian pumpuina leh nuamlo a awm \hin. Kan ei leh in hian pumah thur tam tak a siam a, hei hian pum a ti nuam lo \hin  ani, zuin mi ah phei chuan a awm duh hle.

            Thin thip vung vungte hi lung lam \hat loh vang emaw tih a awl viau, thin thip hi pumpui pan emaw, pumpui lâwng vang emaw a ni duh viau zâwk a ni.

            Pum na lutuk si lo, nâ awm reng si, tawrh theih tawka na, a changa thip zawk zawk \hin hi pumpui a\anga acid insiam tam lutuk avanga pumpui pân leh rilfâng pân vang a ni duh khawp mai.Hei hi chaw mawm lutuk eite, zu inte, mosola leh hmarcha eite hian na a ti zual duh hle.

            Pumpui pân ven nan hian Bawnghnute chhuanso, cheese, bawnghnute khâr, chhangphut chhum diak leh balhlate ei a \ha. Artui, Biscuit al chi, Chow chhum tui hâng, Alu, Iskut, Cake leh balhla te hi pumpui pânin a haw lo.

            Zu, Coffee, mei zuk, mosola, hmarcha, soda, Coca cola leh thil mawmte hian pumpui pan a ti zual thei.

            Bawnghnute hi pumpui lâwng, pân leh thin thip tân damdawi \ha berte zinga mi a ni.

BIBLE  QUIZ  No.16

NEHEMIA  BUNG 10-13

A kâr âwl dah khat rawh :

Q1.Tin, _______________________ sâwma pakhat an lak laiin Arona thlah puithiam chu Levi  hote hnênah an awm tûr ani a; Levi hote chuan sawm apakhat an lak ata sawm apakhat chukan Pathian inah, ro dahkhawmna pindanah chuan an rawn dah tûr a ni.

Q2.A dawt lehah chuan ___________________ Salaia te, an zain Benjamina thlah Jerusalem-a awmte chu mi _________________ an ni.

Q3.________________________ fapa Johanana dam lai thleng pawhin Levia fa, chhûngkaw puipate chu chanchin ziakna buah chuan an chuang a ni.

Q4.Nimahsela chung thil zawng zawng awm laite chuan _________________________ khuaah ka awm lo va; Babulon lal Artazerzia kum sâwmthum leh kum hnih a lal kumin lal hnênah ka lal a, ni eng emaw zat hnuah phalna ka dil leh a:

A bung leh châng dah rawh :

Q1.Tin, Benjamina thlahte chu Geba piah lam Mikmas-ah te, Aija leh Bethel leh a khawperah te;

Bung: ...............          Chang: ....................

Q2.Chung lo pawh Levi-hote: Jesua te, Binuia te, Kadmiela te, Serebia te, Juda te, lawm thu sawinaa hotu Matânia te, amah leha unaute chu.

Bung: ................         Chang: ....................

Q3.Chutichuan a idk lohzia ka hriattir a, an hneah, “Engati nge kulh bulah in riah? Hetianga in tih leh chuan in chungah ka kut ka thlang ang,” ka ti a. Chuta chin chu chawlhni chuan an lo kal leh ta lo va.

Bung: ................         Chang: ....................

Q4.Chutichuan Juda-ho mi liante chu kulh chungah chuan ka hruai chho va, lawm thu sawia inzui duah duah a kal tûr pâwl lian tak pâwl hnih ka ruat a; pâwl khat chu Bawlhhlawh Kawngak lamah, kulh chung ding lampangah an kal a;

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 7 RESULT

Chhanna lut zawng zawng : 3

Chhang dik vek                       : 3

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu T.K Manga In

A hun       :25.4.2013 (Ninga zan)

Chairman : Upa Zairemthanga

|antu        : Pu R. Lalsangliana

Tawng\ai ruala hun hman tur.

K.T.P  HRIATTIRNA

               K.T.P memberte  23. 4. 2013 (thawhleh zan) dar 7:00pm hian bial inkhawmpuia hla rem tur hla zir tur a ni a, memberte \hahnemngai taka zir turin kan in hriattir a ni e.

TIAM  TLAT  E

            Nl. Lalrinhlui d/o

C. Lalrinsanga Saikhamakawn

leh

Tv. Lalbiakchhunga Sailo s/o Salsariha (L) Chanmari West

te chuan ni 24.4.2013 (Nilaini) 1:00pm hian Chanmari West kohhran hallah Pathian leh kohhran hote hmaah tiam tlat e an ti dawn.

            Fanau maltuan chawia kumtluana lengdun turin Mipui Aw Editorial board chuan duhsakna kan hlan e.

LAWMTHU  SAWINA

            Ni 17. March 2013 khan Meghalaya leh Assam border bulah ka motorin ka accident a. Umkiang Patroling officerin theihtawpin min buaipuia a chungah ka lawm takzet a. Chumi hnuah Sillong NEIGRIHMS hospitalah min phur let lehin min admit nghal a. Hetah hian kan veng nula Dr. Pricilla Zodinpuii d/o Pu Zirsangliana chuan theihtawpin min buaipui a, a chungah lawmthu ka sawi tak meuh meuh a ni. Tin, vengchhung kohhran leh mimal min \awng\aipui tute leh ka damloh chhunga in lama min buaipui tute zawng zawng chungah lawmthu ka sawi bawk a ni.

In khawngaihna dawngtu

Pu LV. Ramdinthara te nupa

HLIMEN  PASTOR  BIAL  INKHAWMPUI  VAWI 48-na

A hun: Ni 26-28 April, 2013

A hmun: Hlimen Vengthar Kohhran                         Biak In

Thupui: “Pathian \ih”

PROGRAMME

Ni 26. 4. 13. (Zirtawp zan)

Dar 7:00pm : Inlawmna leh report

|antu : Upa Zakamlova, Damveng

Zaipawl: Hlimen Kohhran zaipawl & Bial zaipawl

Ni 27. 4. 13. (Inrinni)

10:00am- 4:00pm: Rorel

Ni 27. 4. 13. (Inrinni zan)

Dar 7:00pm: Pathian Biak Inkhawm

Thusawitu: Upa C.Zothanliana,                                     Hlimen

Zaipawl: Saikhamakawn Kohhran                  zaipawl

Ni 28. 4. 13. (Pathianni chawhma) Dar 10:00am: Pathian Biak Inkhawm

Thupui: “Pathian \ih”

Sawitu: Upa Lalthlengliana,

               Hlimen Vengthar

Zaipawl: Hlimen Vengthar Kohhran zaipawl & Bial zaipawl

Ni 28. 4. 13. (Pathianni chawhnu) Dar 1:00pm: Lalpa Zanriah Sacrament

Buatsaihtu: Pastor C. Sapkaia

Zaipawl: Damveng  Kohhran zaipawl

Ni 28. 4. 13. (Pathianni zan)

Dar 7:00pm: Pathian Biak Inkhawm

Valedictory sermon: Upa Lalrindika

Zaipawl: Melthum Kohhran zaipawl

TUTION   TUTION

 Class I a\anga Class VIII chin tân tution ka pe thei reng e. Donbosco Boarding a zirchhuak.

(L.V. RAMDINTHARA)

B.Com., B. Th.

Phn-        8974158559

8730977541

TUALCHHUNG

, Zothansangi d/o B. Lalrinzaua (Ch.Sec) chu damlohna vanga rei tak damdawiina enkawl anih hnuin a lo chhuak.

, Pu Lalrinchhana s/o Pi Zuimawii (Ch.Sec) chu damlohna avangin Synod Hospital Durtlangah enkawl mek a ni.

Tualchhung a\anga Matric pass kan hriat theih chinte

* Lydia Zohmingliani d/o Pu K. Lalhmingmawia (T.Sec) - Dist.

Letter- Math, Science, I.T

* Christina Lalruatsangi d/o Pu Lalrochama (V.Sec) - II

* Vanlalruati d/o Pu Vanlalhuma (V.Sec) - II

* Ruthi Lalenkawli d/o Pu J.H Lalremruata (V.Sec) - III

* C. Lalrinsanga s/o Pu  C. Lalhlimpuia (V.Sec) - III

* Ramengmawii  d/o Pi Lalthantluangi  (T.Sec) - III

*  Zoremtluanga s/o Pu Lalhmingliana (Ch.Sec) - III

C.A.D.S  REPORT

            Central YMA hnuaia Central Anti-Drug Squad-te hian chak takin kan rama ruihlo lo lut tur leh hluar zel tur venna kawngah hian nasa takin hma an la a, an thawhrimna hi a fakawm hle a ni. Nikum 2012 April ni 14 leh kumin 2013 April 9 inkara CADS -ten ruihlo an man leh a kaihhawih chu hetiang hi a ni.

1. No.4 (Heroin)          - 20 1/2 Hawng, 586 Cane,232 Piece

2. Parvon/Proxivon     -139476 Capsules

3. Nitrosun/Alprozelum           -3275               Tablets

4. Opium                     -2 Kgs

5. Damdawi kheh chi  -125

 Kgs,1612500 Tablets

6. Police/Excise a pek -157

7. Home-a dah             -79

8. Councelling pek zat -1277

9. Ruihhlo man hlutna-`15862358.00

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 14.4.2013

MIPUI AW

KARTIN CHHUAK

Vol. XIX Issue No. 15 Kristian Thalai  Pawl  Saikhamakawn Branch  Pathianni Dt.14.4.2013

VAWIIN CHÂNG VAWN

            Thil \ha lo titute avângin intilungngâi duh suh la. Fel lo taka tite chu awt hek suh. Hlobet angin ah thlûkin an awm thuai ang a, Hnim hring angin an la vuai dawn si a. Lalpa chu ring la, thil \ha ti rawh; He ramah hian awm la, rinawmna ûm zêl rawh. LALPA chungah chuan lawm bawk rawh; Tichuan i thinung duhzâwngte chu a pe ang che. I awm dân tûr chu LALPA chungah nghat la; Amah chu ring la, amân a ti vek ang.

KOHHRAN  PROGRAMME

14. 4. 2013 (Pathianni)

Chawhma Inkhawm

|antu           : Pi Remsangpuii

Chawhnu Inkhawm

Thuhriltu    : Upa Lalrindika

Zân Inkhawm

Thuhriltu    : Upa Lalzama

K|P PROGRAMME

 Dt. 15. 4. 13 (Thawh\an zân)

Hruaitu           : Tv. C.Lallawmzuala

|antu              : Nl. R.Lalremchhungi

Thuhriltu       : Pu C.Lalnunsanga

Thilpel lakh    : Nl. C.Zosangliani

awmtu turte   : Nl. Lalduhkimi

April thla chhûnga hla hruaitu leh

musician turte

Hla hruaitu    : Pu Lalremruata

turte                  Nl. R. Lalngaihawmi

Musician         : Tv. R. Zodinsanga

kohhran  hmeichhe PROGRAMME

Dt.16.4.2013 (Thawhleh z^n)

Hruaitu           : Pi Zuimawii

|antu              : Pi Lalnunfimi

Thuhriltu       : Pi Khawlvuani

           

           

           

SERMON

PATHIAN THU

            “Pathian thu hi a nung  a thil a titheia khandaih hriam tawn eng ang ai pawhin a hriam a, nunna leh thlarâu, ruhtuah leh thling phel hrang khawp hial in a chhun thei a, thinlunga ngaihtuah leh tumte hi a hre nghâl thei a ni”

            Pathian thu kan hriat theih leh kan hmuh theih awlsam ber chu Pathian lehkhabu thianghlim (Holy Bible) hi a ni. Chanchin\ha Johana ziakah chuan “A tirin thu a awm, thu chu Pathian hnênah a awm, thu chu Pathian a ni” ti te in min hrilh bawk a. Pathian chu a thu ah a awm a, mihringin thu kan sawi ang leh thu kan ziak ang mai hi a ni lo tih a hriatchian theih âwm e. Hemi anih avâng hian Pathian thu chu thiltithei tak leh Amah ring duhlo tân chuan hlauhawm tak a ni tih kan hriat a \ul hle bawk.

            Pathian thuah mihring ten suala kan tlûksan thute, Amah pawh ngaihsak lova kawng danga kan pênsan tâk thu te min hrilh a, kan chan tur pawh hremhmun anih thu min hrilh bawk a, chumi a\angin a fapa thisen ngeia min tlan thute min hrilh bawk. Lal Isua nunna chu kan nunna a ni a, a thianghlimnate, a felnate, kan tân sual laka min tlantu ( IKorinth 1:30)  anih thute min hrilh a, kan chanvo a ni tih hriaa lâwm tak a kan pawm mai a \ul a, keimahni lamah danglamnate, hlim ruk riaunate zawng lova Pathian thuin kan nihna a min puan saka lo awih mai hi kan tih tur a ni a, Pathianin min hrilh ngei a ni tih hriaa lâwm tak a ‘AMEN’ lo tih mai hi kan tih tur a ni. Khawilai Evangelist Speaker-in min hrilh aiin a rinawmin a nghet zawk a, a chiang zawk bawk.

            Mahnia thu awm Pathian kan nei a, hei vâng hian ramhuaite pawhin Pathian thu hi an hlau a, natna pawhin a ngam hek lo. Kohhran Upa-in damlo a \awng\ai chuan Pathian thu in a dam ang; a tih avângin damlo chu a dam mai dawn a ni, a daw ve ngai si lo. Amah ring duh lote tân hremhmun a buatsaihte hi a tak a ni tih kan hriat a, hmangaihnaa khat Pathian ni mahse; a thu awih duh lo leh a fapa nunna engahmah ngâi duh lova; nunna neih nân hmang duh lote chu a hrem ngêi dâwn a ni tih min hrilh hi kan Pathian hian a hmangaihna vângin a sût leh dawn hauh lo, a hlen ngêi ngêi dâwn, “Ka kâa thuchhuak chu thiltih nei lovin a lo kîr leh lovang” titu hi kan Pathian a ni a.

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

MI INZIRMI KAN TIHTE HI

            A thupuia kan hman tâk ang chiah hian mi inzirmi kan han tihte hi tute nge ni ta ang le? Mihringah rau rau pawh hian thluak \ha deuh bîk leh thil hre thei deuh bîk hi chu kan awm na meuh mai. Hei hi chu phat rual a awm âwm love; amaherawhchu mi tupawh mai hian tui zâwngte, thiam zâwng bîk deuh hi kan nei \heuh âwm e. Entirnan: Lehkha zir kawngah hian thiam thei deuh bîk leh hrethiam awlsam bîk, hre chak deuh bîk an awm a, mi inzirmi tak a ni. Tin, Football thiam deuh bîk leh ti mi deuh chu Football Player-ah rau rau pawh a inzirmi bîk ngêi ngêi bawk ang. Hetiang ang zêl hian kan Talent neih kawngah hi chuan mi tupawh hi kan tui a, ka thiam rang a, kan thiam chak a, mi inzirmi tak kan lo nih phah \hin niin alang. Chuvangin, ka fate an ni emaw ka \hiante an ni emaw a tu a pawh nise, a inzirmi lo lutuk, a tlawktlâw bîk lutuk, a hman tlâk loh tih ang chite hian mi a tihnûal a, kan nih tur ang kan innih phâk tir lo fo\hin. Hetiang nilo hian thil pakhata lo tlawktlaw viau pawh khân thil dang alo thiam fû theih \hin avângin mi tupawh hi lehkha a thiam lovang emaw infiamna a tih theih loh vang emawa inhnualsuat lo hian \hat vena lâi kan neih \hin hi i inthlîr sak hrâm hrâm \hin ang u.

ARTICLE

RAMPUM HUAP FAINA BEIHPUI THLÂK KAWNGA HMA LÂK DÂN TUR KAHHRUAINA

1. Central YMA tih tur

1) Aizawl khawpui chhûngah faina chungchâng hi Aurinna hmanga Campaign \hin ni se.

2) Aizawl khawpui hmun \awp zual thlanchhuah a, thlâlak a, a \ûl anga hmâ lâk ni se.

3) Sawrkar Deptt. hrang hrangte faina pual Nodal Officer nei tura ngen ni se.

4) Hotel, Zirna in leh sumdawnna hmunte faina kawngah endik \hin ni se.

5) Motor a\anga bawlhhlawh paih chhuak lo tura inzirtir ni se.

6) Faina chungchângah Signboard/Hoarding a tam thei ang târ ni se.

2. Sub-Hqrs. YMA tih tur

1) District Hqrs.-in bawlhlawh paihna hmun bîk nei tura hma lâk ni se.

2) District khawpui chhûng hmun \awp zual thlanchhuah a, thlâlak a, a \ul anga hmâ lâk ni se.

3) Sawrkar Deptt. hrang hrangte faina pual Nodal Officer nei tura ngen ni se.

4) Hotel, Zirna in leh sumdawnna hmunte faina kawngah endik \hin ni se.

5) Faina kawnga hma la tura Group YMA-te fuihin, an enpui \hin ang.

3. Group YMA tih tur

1) An huam chhûnga Branch YMA-te faina kawnga an hmalâkna enpui ni se.

4. Branch YMA tih tur

1) Faina lam hawi Sub-Committee din ni se, thla khatah vawi 1 tal meeting neih \hin ni se.

2) Vengchhûng information Mike/Chanchinbu a\angin faina chungchâng inzirtir \hin ni se.

3) Vantlâng kawngpuiah tuichhia leh thlite luan tir lo tura chhûng tinte inzirtir nise.

4) Vengchhûng tihfai hnatlâng neih \hin ni se.

5) Hotel, Zirna in leh sumdawnna hmunte faina kawngah endik \hin ni se.

6) Chhûng tin ten faina kan nun pui theih nân, in tinah awareness campaign neih ni se.

7) Branch huam chhûnga hmun \awp zual thlang chhuakin, tih fai hmâ leh tih fai hnû thlâlak a, a \ul anga hmâ lâk ni se.

8) Kuhva zuar/Dawr hmâah chinai tât lo tura ngenna tar vek tura ngen ni se, Chinai hrûkfai hnatlâng neih \hin ni se, YMA chhangte pawh hman \angkai \hin ni se.

9) Pawnchhia, Ip, Bâwmte ualâu taka dah hnawk lo tura hmâ lâk ni se.

10) Motor a\anga bawlhhlawh paih chhuak vawm chhuak mai lo tura lirthei neitute ngen ni se.

11) Chhûng tin ten kawngkalte tân pawha hman \angkai theih turin bawlhhlawh bâwm hûn ni se.

12) Thil eina, Meizial bung, Tuibûr leh Sahdah hmuam hnû kawng sira pen per a, pik mai lo tura inzirtir \hin ni se.

13) Kawngsir leh bang phêna zun ram thiar mai mai lo tura inzirtir ni se.

14) YMA Property hêng - YMA No, Tray, Bêl, Dekchi, Ketli, Tea-urn, te hi a zing thei ang bera tih fai \hin nise.

15) YMA In, Property House, Zunin, Signboard, YMA Hall, YMA lungphun leh thlanmualte fai taka vawn ni se.

16) Faina chungchângah Signboard/Hoarding a tam thei ang ber târ ni se.

17) AMC huam chhûngah chuan PPP Mode-a bawlhhlawh paih vek tura inzirtir ni se.

HRISELNA HUANG

CHAWHMEHHNAH  KÛNG

A chanchin tlângpui: A kûng puitling hi 6mts vêla sang a ni tlângpui. India ram chhim lamah a bîkin Kerala-ah an chîng nasa hle. A hnah, a kûnga a inrem dân hi neem hnah inrem dân nên a inang hle a, an pianhmang pawh a inang deuh, mahse neem hnah angin a hniar nasa ve lo. A hnah hian rim a nei a, chawhmeh kan tihrimtui nânte an hmang \hin.

Damdawia hman theihte: A zîk leh a hnah.

Damdawia hmannate:

Kaw\halo: A zîk 5gms ei a \ha

emaw

A hnah râwtsawm diak tirfiante khat leh mizo artui chawhpawlh a, nikhatah vawi thum ei a \ha.

Tûr nei chi rannung seh/zûk: A hnah bawnghnutein chhum a, nuai hlawmin rannung sehna/zûkna hmuamhmâah bel a \ha.

emaw

A hnah densawm tuisik no khatah darkar 8 chhûng chiah a, a chiahna tui chu nikhatah vawi thum in tur.

Thil huat nei: A hnah nuaisawm leh aieng inzâtin chawhpawlh a, thirfiante khat zêlin thla 1 chhûng zing tin ei tur a ni.

Luakchhuak tih reh nân: A hnah meiah hem ro hnûin tuiah darkar 8 chiah a, a tui in a \ha.

Thau lutuk: A hnah bawnghnute Ghee-in kan a, ei \hin a \ha.

Mit \ha lo: A hnah chawhmeh kanah telh a, ei \hin tur.

CHOÂKA|HI

A chanchin tlângpui: Choâka\hi hi hnim zâm chi a niin a rah chu rawng senduk, dâng deuh (rawng êng vak lo) a ni.

Damdawia hmantheihte: A hnah leh a rah.

Damdawia hmannate:

Khuai, zu neilo chi zûk: A hnah densawm diak a, a zûkna hmuanhmâah bel a \ha.

Thakpui kan: A hnah râwtsawm diak bel a \ha.

Mit fiah lo: A hnah densawm tui sawr 10ml zêlin nikhatah vawi thum kârkhat chhûng in tur a ni.

Hrawk nâ: A rah ei a \ha.

Kaw\halo: A hnah densawm tui sawr 15ml zêlin nikhatah vawi thum, khawizu tlem nên in tur.

Santên: A hnah leh a rah inzât densawma a tui sawr chhuah, 15ml zêlin nikhatah vawi thum in tur a ni.

Pumpui lâwng: A hnah densawm tui sawr 15ml zêlin nitin zing leh tlaiah in a \ha.

Zung thei lo, zun harsat: A hnah, a rah leh zâmzo zung, 10gms \heuh lâkkhawm a, tui no 3-in chhum tur; a chhumna tui chanve a so kang hunah thlit chhuah a, in tur a ni.

BIBLE  QUIZ  No.15

NEHEMIA BUNG 6-9

A kâr âwl dah khat rawh :

Q1.chumiah chuan, “Nang leh Juda-ho chuan hel in rilruk a, chuvang chuan kulh chu i siam ani tih thu hnam dangte zingah a thang a, ____________________ a sawi bawk a; tin, an sawi dân hmangah chuan nang hi an lal nih i tum a.

Q2.Sala hruai, Babulon lal Nebukadnezaran a hruaite zinga, sala tâng chhuak a, Jerusalem leh Judai rama mahni khua \heuhva haw leh a, chu mi rama awm ____________ chu hengte hi an ni:

Q3.tichuan Ezra chuan LALPA, Pathian ropui tak chu a fak a. Tin, mipui zawng zawng chuan an bân pharin, “Amen, Amen,” tiin an lo chhâwn a;  tin, an kûn a, an _____________ lei siin LALPA chu chibai an bûk a.

Q4.Israel mipuite chu hetiangin an \awng\ai a, “LALPA, Nangmah chauh hi LALPA i ni a, vânte vân leh a chhûnga awm zawng zawngte nên, leilung leh a chhûnga awm zawng zawngte nên tuifinriat leh a chhûnga awm zawng zawngte nên i siam a, an zain i ___________ \ha \hin a: tin, vâna awmhote chuan chibai an bûk \hin che a.

A bung leh châng dah rawh :

Q1.“An hnathawh chu an puitlin theih loh nân an kutte chu tihchak lohin a awm ang,” tia min sawi \haih duh vek an ni a. Chutichuan aw Pathian, ka kutte hi min tihchaksak teh ang che.

Bung: ...............          Chang: ....................

Q2.Jesua leh Joaba thlahte zinga Pahat-Moaba thlahte 2,818;

Bung: ................         Chang: ....................

Q3.Tin, a nihnih ni chuan mipui zawng zawng zinga chhûngkaw puipa te, puithiam te, Levi-hote chu dân thu zir tûr bawk chuan lehkha ziaktu Ezra hnênah an kal khâwm a.

Bung: ................         Chang: ....................

Q4. tin, an ril\am tihren nân vân a\angin chhâng i pe a, an tuihâl tihreh nân lungpui ata tui i tihchhuahsak a,  pêk i tum ram chu luah tûrin i pe a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 14 RESULT

Chhanna lut zawng zawng : 2

Chhang dik vek                       : 2

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun     : Vestry

A hun         : 18.4.2013 (Ninga zân)

Chairman  : Pu H.Remtluanga

|antu         : Pu Thanhranga

|awng\ai ruala hun hman ani ang.

YMA CRICKET TOURNAMENT-AH CHAK TA LO

            Saikhamakawn Branch YMA chuan YMA Cricket Tournament 2nd Round ni 1.4.2013 (Thawh\anni) khân Champion lâi Chanmari Branch YMA nên inkhelin an chak zo ta lo.

GSA HRIATTIRNA

            Ni 14.3.2013 (Pathianni) chawhma inkhawm bânah Pi Vanlalhluni m/o William Lalchhuanawma te inah Inter-Village Football Tournament-a tel tum Football Players zawng zawngte kim taka kal tur a ni e. Hemi a kal lote chu an tel ve thei lovang.

Sd/- (F.LALMUANPUIA)

Secretary

Game & Sports Association

Saikhamakawn

KOHHRAN HNATLÂNG NEI

            Saikhamakawn Presbyterian kohhran chuan nimin ni 6.4.2013 (Inrinni) khân Kohhran Committee Room tur Slab chhûngin hnatlâng a  kova, kohhran mipuite an thawkchhuak \ha hle.

LAWMTHU SAWINA

            Kan pa PC Lallawmawma ni 31.3.2013-a a boral chungchângah a ruang buaipui a, Sairâng lam a\anga vengchhûng thlenga mahni lirthei, tha leh zung, sum leh pâi sênga tlawmngâia min buaipui a, min tlaivar pui a, ruang lâk thleng leh a hnu thlenga min buaipui a, min lênpuitute zawng zawng chungah lawmthu kan sawi tak meuh meuh a, mimal tin hnênah lawmthu kan sawi sêng lova, kan chunga in \hatna zawng zawngah Lalpan a lêt tam takin malsawmnain vûr che u rawh se tih hi kan \awng\aina a ni e.

In khawngaihna dawngtu,

Zosangliani leh a fate

Saikhamakawn

TIH DIKNA

            Mipui Aw chhuak hmasa Issue No. 14-ah khân Article huang ami, ‘Tuilêt hmâ leh toilet hnû’ tih kha ‘Tuilêt hmâ leh tuilêt hnû’ tih zawk tur a ni. Lawrkhawm ami, ‘T.Upa C.Zoliana, Mission Vengthlang’ tih kha ‘T.Upa C.Zoliana, Damveng’ tih zawk tur a ni a, tin, Tualchhûng ami, ‘Pu Lalfakzuala h/o Baby Lalmalsawmi (V.Sec) te chuan a pathumna atân fanu duhawm tak an nei thar.’ tih kha ‘a pahnihna atân’ tih zawk tur a ni e. Tihsual palhah ngaihdam kan dîl e.

Hriat zâu nân

                  Facebook account nei, amaherawhchu an mahni boral tawh an awm anih chuan Memorialization Request he link-ah hian a thawn theih e.https://www.facebook.com/help/contact/?id=305593649477238&refid=18

TUALCHHUNG

, Pi HP Lalthantluangi w/o T.Lalmuanpuia (T.Sec) chu damlohna avângin BN Hospital-ah enkawl mêk a ni.

, Pu J.Vanlalhruai h/o Vanlalhriati (V.Sec) te chuan a pakhatna at^n Synod Hospital-ah fapa duhawm tak an nei thar.

, Pu Zosangliana h/o Sangawii (T.Sec) chu damlohna avângin Delhi-ah refer a ni a, zai anih hnûin alo haw.

, Pu Khualkunga h/o C.Lal\anpuii (V.Sec) chu Havildar a\angin ASI (Fit) ah a kaisang.

Zânin EPL inkhêl turte

Newcastle Vs Sunderland (4:30)

Stoke City Vs Man. United (6:35)

Chelsea Vs Tottenham (Postp)

Thawh\an zân

Man. City Vs West Brom (Postp)

Thawhleh zân

Arsenal Vs Everton (12:15)

Nilaini zân

Man. City Vs Wigan (12:15)

West Ham Vs Man. United (12:15)

Fulham Vs Chelsea (12:30)

Zânin FA Cup Semi Final

Chelsea Vs Man. City (8:30)

La Liga

Zânin inkhel turte

Vallecano Vs Real Sociedad (3:30)

Atletico Madrid Vs Granada (8:30)

Real Zaragoza Vs Barcelona (10:30)

Athletic Bilbao Vs Real Madrid (12:30)

Thawh\an zân

Mallorca Vs Celta Vigo (12:30)

PAVALAI HRIATTIRNA

            Ni 19.4.2013 (Zirtawpni) hian Hlimen Damveng Pavalai te’na inkhawma min sâwm angin Saikhamakawn Pavalai leh a thei thei Hlimen Damvengah inkhawm turin kan inngênin kan inhriattir e.

Sd/-

(VL ZIDINGA SAILO)

Secretary

Saikhamakawn Pavalai Pawl

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300