Mipui Aw 19.8.2012

MIPUI AW

Vol. XVIII Issue No. 34 Kristian Thalai  Pawl  Saikhamakawn Branch  Pathianni Dt.19.8.2012

VAWIIN CHANG VAWN

Tlawm taka awm dan ka thiam a, hausaa awm dan pawh ka thiam bawk a; thil tinrengah leh thil zawng zawngah tlai leh riltama awm dan, hausa leh tlachhama awm dan thuruk chu ka hre chhuak tawh.Mi tichaktuah chuan engkim ka ti thei a ni.

KOHHRAN PROGRAMME

12. 8. 2012 (Pathianni)

Pastor  Bial  Fan  Programme

Chawhma S.S inkhawm

Tantu: Pi Sanghluni

Chawhnu

Baptisma  Sacrament

Rawngbawltu: PastorG. Chhunthuama

Zan Inkhawm

Lalpa  Zanriah  Sacrament

Buatsaihtu: Pastor G. Chhunthuama

<KTP PROGRAMME

 Dt. 20 .8. 12 (Thawhtan zan)

Neihthil thehkhawm

Hruaitu :Tv. Pc. Vanlalhriatpuia

Tantu     :Nl.Lucy Zohmunmawii

Thilpek lak: Nl. Vanlalpeki

hawmtu turte: Nl.J. Lalngaihawmi

Thusawitu: Pu Lalchhandama

August thla zai hruaitu turte

Hla hruaitu   : Tv. R.Lalzamlova

turte                 Tv. Lalhmangaizuala

Musicians     : Pu Lalduhkima

                          Pu Lalchhandama

VAWIIN  TLAI   FELLOWSHIP

Hruaitu: Nl. Zohmingmawii

Tantu: Nl. Ramdinthari

KOHHRAN  HMEICHHE  PROGRAMME (Ni 21. 8.2012)

Hruaitu: Pi Lalchhingpuii

Tantu: Pi Zothanpuii

Thusawitu: Pi Lalropari

SERMON

IN  HLAN  THARNA

            Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u. Rom 12:1&2

            Pathian thu kan tarlan ah khian inhlan turin min ngen a ni tih chiang takin a lang a. Pathian chhandamna ropui tak mai chu mihring ten kan chan chiah hian Pathian tan in hlan lo thei lovah Amah Thlarau Thianghlim chuan min siam zawk thin a. Chhandam na chang tawh reng reng Pathian tana in hlan a, Ama tana in pe nghal lo tumah kan awm lovang. Mahsela chutianga in hlan a Pathian tana in pe tak leh thahnemngai taka lo thawk tawh thin mihring te chu sual vanga kan rum changte, sual hnathawh kan hneh zawh loh avanga lungngaihna khura in dawm kun ngawih ngawih chunga kan awm reng laia kan mamawh ber chu Inhlan Tharna hi a ni awm e. Chutiang chungchang chu han sawi zau dawn ila.

            Tirhkoh Paula chuan nitin ka thi thin a tih hi kawng dang zawngin sawi dawn ta ila Pathian tan sual thihsanin nitin a in hlan thar thin, tiin sawi ila a mual thelh chuan kan thelh hauh lovang. Kan nitin khawsakna kawngah, Office kan kalna ah te, ram lama hna kan thawh naah te, sikul kan kal naah te leh thiltih na kawng hrang hrangah Pathian atanga min hnuk hla theitu sual hnathaw chi hrang hrang langsar tak tak leh langsar lem lo te pawh a tam viau ang. Chumi atanga hnehna chang thei tur chuan ni tina Pathian tana kan inhlanthar a tul tak meuh meuh a ni. Pathian hnena in hlan a in kawltir reng lova, mahni theihna leh chakna ringa kal thin ringtu nun chu a tlo ngai lo, mihring theihna leh chakna in sual hi hneh theih a ni hauh lo, theih nise Lal Isua a rawn kal ngai hauh lovang.

            Pathian hnenah engtin nge kan in hlan thar ang, Daniala chu nitin vawi 3 a tawngtai ziah a, Pathian nen an in be ziah thin, hetiang chiah hian Pathian hnena kan in hlanthar reng dawn chuan tawngtaia amah pawlin kan in hlan thar reng thin tur a ni. Nitina in hlan thin Daniala nunah sualin vawikhatmah hnehna a chang ngai lo; Rom 12 a kan hmuh ang khian he kan inhlanna hi kan rawngbawlnaah Pathianin a pawma, kan tih tur awm reng a ni, a ti bawk a, sual hneh theih lo nun neitute chu nitin a Pathian pawla inhlan thar thin mi te hi a ni.

EDITORIAL  BOARD

              (

Editor :

Tv.PC.Vanlalhriatpuia         - 9862732381

Jt.Editor:

Pu R. Lalmuanpuia               - 9612159842

News Editors :

Tv.RLalzamlova                   - 9612413196

Tv.R.Zodinsanga                  - 8974743073

Tv.F.Laldingliana                 - 9862378567

Tv.Lalhmangaihzuala          - 9862846345

Circulation Manager:

Pu.C.Lalnunsanga                - 9612413287

PAVALAI INKHAWM PROGRAMME

A hun: 23.8.2012 (Ninga zan)

A hmun: T.Upa.Sangzuala(L) In

Hruaitu: Pu M.S. Dawngliana

Tantu: Pu Ramdinthara

            Rilru sawi leh tawngtai ruala hun hman  tur a ni.

T.B.Z.  Programme

Neihthil  Thehkhawm

A hun :20.8.2012 (Thawhtan)

A hmun : Pu R.Lalsangzuala In

Tan  hun: Zan dar 7:00

Hruaitu : Pu C. Kapliana

Tantu : Pi Rohlupuii

LAWMTHU  SAWINA

            Ni 15.8,2012 (Nilaini) a K.T.P ten Synod Hospital Durtlang tana thisen kan pekah tlawmngaia thisen pe te chungah lawmthu kan sawia. Thisen tum  a lo kal engemaw harsatna avanga pe leh thei lo te chungah pawh lawmthu kan sawi tak meuh a ni. In tlawmngaihna leh in inpekna nasa tak hi Pathiain a rul leh ngei ang che u tih hi kan duhthusan a ni.

            Tin, heng zawng zawng min tihtir theitu leh hriselna min pe tu Pathian chungah lawmthu kan sawi e.

Sd/-

Lalduhkima

Secretary, Br. KTP

N.P.S.S  REHEARSAL  NEI  DAWN

            Ni 23.8.2012 (Ninga) zan dar 7:00 hian Biak In ah Naupang Sunday School (Beginner- Sacrament) chuan inkhawmpui lo awmtur inbuatsaih nan rehearsal a nei dawn a. Nu leh pa ten kan fate tawiawm theu tum ila a tha ang.

            Kan kohhran in Beginner inkhawmpui kan thleng dawn a ni.

BIBLE  ZIRNA  HAWNG

            Presbyterian Synod  Bible School (D.T.H) thlaruk course chu a hawng leh ta a. Adimission hi hawn mek a ni a, hawn rei a nih dawn loh avangin a zir duh chuan Synod Office ah a rang lama ngaihven tur a ni e.

            A bikin thalaite Bible hriatna kawngah tun aia hma kan sawn theih nan hun tha tak a ni e.

ZUNTHLUM  DAMDAWI

            Zunthlum damdawi tha khawvel doctor thiamrual hoin an siam chhuah scientist ho pawhin kum 20 dawn lai research an lo beih tawh chemical tello damdawi tha chu Mizoramah a lo lut ta e. A duh tan he no. ah hian zawhfiah theih reng a ni e.

Phn. No. 9862246105

                9089227400

TORCHLIGHT  BO

            Nizan khan biakin bulah Torch light- chhar a ni a, a neitu chuan a awmdan diktak sawiin Pu Jeff Lalhmingsanga (V.Sec) hnenah lam tur a ni e.

HRIATTIRNA

            Kan veng C.P.Road leh Ngaizel leh Tlangnuam Road pengthuamah Dt.16.8.2012 atang khan Traffice Police Duty tawh tura ruahman a ni. Vengchhung mipuite Traffic Rules zawma ngai pawimawh turin kan inhriattir in kan in ngen e. Mahni vengchhung anih avanga dan palzut mai lovin heng Helmet khum leh Trafic Rules hrang hrangte zawm hram i tum ang u.

Sd/-

Lalhmingmawia

Traffic Police

TUALCHHUNG

,Pi Lalfakmawii w/o Pu F.Lalrinmawia (V.Sec) chu khawsik avangin Civil Hospital-ah enkawl a nih hnuin dam takin a lo chhuak.

,Zothansangi d/o B. Lalrinzaua (Ch.sec) chu damlohna avanga Synod hospital a enkawl a nih hnuin damtakin a lo chhuak.

,Tv. Lalremsiama s/o Pu Lalchungnunga (V.Sec) chu accident avangin Civil Hospital ah enkawl mek a ni.

,Pi F. Lalzuimawii m/o J. Vanlalhruaia (V.Sec) te chhungkua chuan khawilo vahvel nan Wagon R thar an lei.

ADVOCATE   THAR

            Nl. Lalramnghaki d/o C. Lalhmunngheta (T.Sec) advocate niin, a duh leh mamawh tan biak rawn theih a ni. Kan veng in hetiang mi kan nei hi a chhuanawm tak zet a ni.

SOLFA  ZIR  THEIH

            Synod Music school ah theory of music (Tonic & Staff notation) September - November thla chhung zirna hun hawng leh ta a. A zir duh te chuan hengte hi ngaihven tur a ni.

1. Dilna hi Synod office a music department atangin lakchhuah tur a ni.

2. Dilnaah hian kohhran lehkha thil tel tur a ni.

3. Dilna hi ni 24.8.2012 thleng thehluh theih a ni.

4. Ni 27 ah seat chang turte tar chhuah a ni ang.

5. Ni 28-29.8.2012 ah admission tih tur a ni ang.

6. Ni 3.9.2012 zing dar 6:30 atangin class tan tur a ni ang.

      **Kan Cyclostyle a chhiat avangin Vawiin chanchinbu chhuak hi Xerox a ni a, chuvangin phek khat chauhva rawn tihchhuah a ni a, mipuite hriatthiamna kan dil e.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300