MIPUI
AW
KARTIN CHHUAK
Vol. XXIII Issue No. 17 Kristian
Thalai Pawl Saikhamakawn Branch Pathianni Dt.23.4.2017
VAWIIN CHANGVAWN
“LALPA kan Pathian chu chawimawi ula, A tlâng thianghlimah chuan chibai bûk rawh u; LALPA kan Pathian chu a thianghlim si a.” (Sam 99:9)
“Chung thilte chu chutianga boral vek tur a ni tih in hriat avangin Pathian ni lo thlen hun tur chu beisei leh thahnemngai taka duhin, awm dan thianghlim leh Pathian ngaihsak kawngah chuan mi eng ang nge in nih tur le? Chu mi ni a thlen avangin vante lo kangin a boral ang a, thil bulte pawh chu meia em tuiin a awm tawh ang.”(II Petera 3:11, 12)
KOHHRAN PROGRAMME:
Ni 23.4.2017 (Pathianni)
Hlimen Pastor Bial Inkhawmpui
(Phek 4-naah Programme hi tarlan a ni)
K|P INKHAWM PROGRAMME
Ni 24.4.2017 (Thawh\an Zan)
Sermon Inkhawm
Hruaitu : Nl. Lalngaihawmi Ralte
|antu : Tv. Lalchhuanvawra
Bible Chhiar
kaihruaitu : Tv. Zorammuana
Chhiar tur : Jakoba 3:13-18
Thuhriltu : Pu C. Lalnunsanga
Thawhlawm Nl. Babie Lalhmangaihzuali
tu turte lakhawm : Nl. Mimi Lalnunmawii
Zai hruaitute : Tv. C. Laldawngliana leh
Tv. Nathan Lalzuisanga
Keyboardist : Tv. R. Lalawmpuia
KOHHRAN HMEICHHE
INKHAWM PROGRAMME
Ni 25.4.2017 (Thawhlehni Zan)
Kristian Chhungkaw Puala hun hman tur a ni e
KOHHRAN PAVALAI PAWL
INKHAWM PROGRAMME
Ni 27.4.2017 (Ninga Zan)
Bial chhung Pavalai te Inkhawmho
A hmun : Hlimen Kohhran Biak In
Chairman : Pu Biaknghinglova
(Bial Asst. Secretary)
|antu : Pu Laikunga
(Bial Commt. Member)
Thuhriltu : Pu Siamliana
(Bial Vice Chairman)
I DINTHAR LEH ANG U
“Kan chan a chhiat zia hi inhmu a, Jerusalem a ram tihte , a kawngkharte a kâng tihte pawh inhria a: hawh u, sawichhiat kan nih tawh loh nân Jerusalem kulh chu i din leh ang u.” (Nehemia 2:17)
Nehemian lungngâi taka lal hnênah a intur no a hlan lâi khân lal chuan, “I damlo pawh a ni si lo a, engtizia nge lungngâi hmêl i put chu le? Thil dang a ni lovang, i rilru lam a lungngâi a nih hi maw,” tiin a zawt anih kha. Lungngâi chunga lal no hlan chu thil tih chi loh tawp tur a ni a. Mahse a ngâi si a. Keini pawh lungngâi chungin kan Lalpa kan pâwl fo \hin. Chu kan lungngaihna chu Nehemia ang hi a ni vek kher lovang. Lalpa chuan hlim taka lêngdun tura min duh lâiin; Amah kan hlatin, beidawnna khurah kan lut leh fo thin. Tichuan, a hnênah tlu lûtin Lalpa kan au chiam \hin. Kan thinlunga Jerusalem kulh chim, kâng chhe thawhte hi siam\hat duh tak takna nên Lalpa hnênah kan tlu lût \hin em? Nehemia ang a; siam\hat duh tak takna thinlung nên Lalpa hi pan ila, Ani chuan min \anpui a hreh loh kha, kan tawrhnate pawh A lam kan hnaih theihna tur atân leh min siam\hatna tur a hmanrua a ni thei a ni.
Kan lungngaih kan mangannate hi kan chhungkua vângte pawh a ni thei a, kohhran a kan rawngbâwlpui leh kan kohhran kan vei êm vângte pawh a ni thei e. Lal hnênah in tur no a hlan dawnin a thianghlim leh a thianghlim loh fiah nân Nehemia khân a in hmasa \hin a. Chumi hnûah lal hnênah a hlân chauh \hin anih kha. Chutiang deuh chuan kan mangannate Lalpa hnên kan thlenin, thlen tlâk a ni em? tih ngaihtuah chungin Lalpa hnên i thlen \hin ang u. Nehemia kha amah ngêi kal a, siam\hat hnâ chu thawk turin a kal a, a mamawh leh \ul ang zawng zawng pawh lal hnênah a thlen a; pêkâ a awm ang khân, kan Lalpa hian thinlung lungchhia leh inchhir ngawih ngawiha A lam hawite; a thlahthlam ngai lo a ni tih i hre thar leh ang u. Keini pawh kei mahni ngêi kan chêt ve a ngâi a, theih tâwp chhuah a kan thawh hnûah Lalpan min pui chauh dawn a ni tih i hre thar leh ang u.
Israel faten Nehemia hova Jerusalem kulh siam\hat hnâ an thawh lâi khân sawichhiatna leh hmelmate beihna kârah; an tlangval zatve ten fei, thal leh khandaih hmangin an vêng reng a, kulh siam\hat hnâ thawktute ngêi pawhin khandaih an pâi \heuh anih kha. Keini pawh kan chhungkua , kohhran leh kei mahni thinlung ngêi siam\hat hnâ kan thawk dawn tak tak anih chuan; kan kâwng chu thutaka hrêngin, felna âwmphaw chu hain, remna chanchin \ha inbuatsaihna chu kan ke a bunin kan indin thar leh thei ang. Chûlopawh chu rinna phaw chu la a, chumi chuan misual thal alhthei zawng zawng a timit thei tih ( Ephesi 6: 14-16 ) kan hriat kha. Hawh u, sawichhiat a kan awm tawh loh nân kan thinlung, kan chhungkua leh kohhran a, Jerusalem kulh chim leh kâng chhe tawh hi i din thar leh ang u.
EDITORIAL BOARD
Editor :
Pu C. Lalmuanpuia
8974807213
Joint Editor:
Tv. Laldinpuia
9862813325
News Editors :
Pu Tommy Zirnuntluanga
9862913684
Tv. Lalnunzira
9862664253
Tv. Lalawmpuia
8259910570
Nl. Zohmingmawii
8794773133
Tv. Lalruatsanga
Circulation Manager:
Tv. C. Lallawmawma
8974509821
Nl. C.Zosangliani
8731005507
Editorial.....
Pathian kaihhruaina leh awmpuina azarah Hlimen Pastor Bial Inkhawmpui vawi 52-na chu kan Kohhran in kan lo thleng leh ta reng mai a, a hmasa in Pathian hnenah lawmthu awm sela. He inkhawmpui ah hian Kohhran member te chanvo hrang hrang leh sub-committee peng hrang hrangah ruat kan ni a. Heng kan chanvo neih hrang hrangah te hian Pathian leh Kohhran tan ti a, theihtawp kan chhauh tlan \heuh a pawimawh em em a. He Inkhawmpui hi kan Kohhran hmel lanna pawimawh tak a ni tih hre reng chunga kan thiltihna kawng tinrengah theihtawp leh uluk taka kan chet a kan mawhphurhna \heuh \ha taka kan hlen zel hi a kan tih tur a ni.
Inkhawmpui chhung hian Kohhran mipui tam zawk te hian inkhawm te, palai leh mikhual tih atana dahin hmun te kan lo kian deuh \hin a, hetiang ni mai lo hian a thlengtu Kohhran mipuite kan pawimawh a ni tih hre reng chunga kan zavaia inkhawmah pawh kan tel zel hi Kohhran mipuite hian kan tih tur a ni tih i hre reng ang u. He Hlimen Pastor Bial Inkhawmpui vawi 52-na hi tluang tak leh \ha taka hman a nih theih nan leh Pathian ropuina a lo nih zel theih nan, a hmangtu zawng zawng ten hlawk thlak taka an hman \heuh theih nan Mipui Aw Editorial Board te chuan duhsakna kan hlan e.
KOHHRAN DEFENDER
Kohhranah hian mi chi hrang hrang kan awm a. Kohhrana nghet bur mai te, nghet vak lo leh pawn lang tak te kan awm bawk a. Kohhran sawisel hreh lem lo, ang nghal bawrh bawrh mai chi te kan awm reng bawk a. Chutih laiin Kohhran defender tura piang ve hrim hrim hi eng emaw zat kan awm bawk niin alang.
Kohhran defender tih chu Kohhran venghimtu, Kohhran humhalhtu, Kohhran bur mai kan ti thei ang. Hetiang mite hi Kohhran tan hian an hlu khawp mai. Kohhran defender te hi chuan Kohhran leh a nihna an hre chiang \hin. Kohhran chu Krista thisena din, Krista taksa a nih zia chiang takin an hre \hin.
Football playground-ah pawh defender te hi chuan Striker te ai chuan mipui lawm hluah hluah hi an hlawh khat deuh \hin. Chutiang bawkin Kohhran defender te pawh hi mipui \henkhat chuan an lawm loh chang a awm \hin. Mahse an mawhphurhna pawimawh zia kan hriat hmaih vang a ni fo \hin. Defender te chu an pawl chhiatna tura veng him tlattu an ni a, an mawhphurhna a sang hle a ni.
Defender te chuan an lama ball rawn tlan luh tumte chu a \ul hunah chuan an pet thal tawp mai \hin. Hetiang em em hian Kohhran defenderte hi chu che ve lo mahse a \ul hunah chuan khawng taka an chet a \ul \hin. Nem hun a awm ang bawkin khawng hun an hre \hin. Kohhran defender te chu Khawng hunah chuan huaisen takin an khawng mai \hin.
Defender hna hi hna hautak deuh mai a ni a. Defender ten chet huna chet nachang an hriat lohva an lo inthlah dah a, an lo din veng veng mai chuan an pawl tan chhiatna a thleng hin. Chutiang bawk chuan Kohhran defender hna hi hna hautak zet mai a ni a. Chet hunah cilhuan an chet ve chat chat zel a pawimawh.
Kohhran hmasa hun laia Aria zirtirna in Kohhran a tih buai nasat em em lai khan Kohhran defender te khan chet nachang lo hre lo sela chuan Kohhran khan chhiat lam a pan nasa ngawtin a rinawm. Mahse Kohhran defender te chuan Aria zirtirna dik lo laka an mite venhim hun an hria kha an ti fuh hle a ni. Thir chu a lin laiin an deng rawh tih ang khan, a den hun an hre hle \hin.
Kohhran \iak tira zirtirna dik lo tam takin Kohhran sut chhiat a tum ang khan tun laiah pawh hian Kohhran deusawhnate, Kohhran hmuhsitna \awngkamte kan la tawng chho zel a. Mahse heng karah hian Kohhran defender te chu huaisen taka kal zel tur kan ni.
Kohhran chu kan Bible-in Krista taksa a ti a. Krista taksa deusawhtute leh sawisawltute hi kawng hrang hrangah an tluang ngai lo tih hi kan hriat a pawimawh khawp mai.
Zakaria 2:8-ah chuan,”Nangni khawihtu chuan ka mit naute a khawih a ni mai” a tih kha kan hriat reng a pawimawh. Pathian mite chhiatna tur zawn kha thil \ha lo tak a ni a, Pathian mit naute khawih ang mai an ni tih Bible-ah kan hmu.
Chuvang chuan Kohhranhote hi kan fimkhur a pawimawh a, Krista taksa ti \huanawp leh sawisela, deusawh zawnga hma la lovin a chawm lian zawng leh ti \hang lian zawnga hma kan lak zel hi a pawimawh a. Chu chu Kohhranhote thil thlir dan tur atan pawh a \ha ber zel dawn a ni.
Kohhran defender te chuan Lal Isua ngaih pawimawh ber, Kohhran hnapui “Chanchin \ha hril” an ngai pawimawh \hin. Chanchin \ha hril chu Kohhran venhimna leh Kohhran sawhnghehna pawimawh a nih zia an hre chiang hle bawk \hin.
Mizoram Presbyterian Kohhran mipuite hi Kohhran sawiseltu leh deusawhtu ni lova, Krista taksa venghimtu, Kohhran defender ni zel turin i inbuatsaih ang u.
HLIMEN PASTOR BIAL INKHAWMPUI VAWI 52-NA
REPORT TLANGPUI
1. STATISTICS TLANGPUI
1) Kohhran zat : 5
2) Chhungkaw zat : 1,052
3) Kohhran member zat : 4,690
4) Dan zawhkim zat : 3, 363
5) Kohhran Upa zat : 40
6) P>m Upa zat : 1
7) Tual Upa zat : 6
8) Minister/Pastor zat : 2
9) Thuhriltu (Pathianni) zat : 59
10) Thuhriltu (Inrinni zan) zat : 50
2. INKHAWMPUI INKARA THIL THLENG
1) Dan chhung lawmluh thar zat : 81
2) Thunun lakluh zat : 86
3) Thunun thar zat : 74
4) Baptisma chang thar : 110
5) Pawl danga pakai zat : 2
6) Pawl dang a\anga lo pakai zat : 24
7) Kohhran chhuahsan zat : 1
8) Hming pe thar : 1
9) Mitthi zat : 36
10) Biak In hawnga Innei : 8
11) Hmun danga Innei : 25
12) Naupiang zat : 60
3. SUNDAY SCHOOL LAM
1) Zirlai zat : 3,242
2) Zirtirtu zat : 377
Total : 3,619
3) Pathianni Thawhlawm Average : `32,892/-
4. Missionary chawm zat : 166
5. Bial Standing Committee neih zat : 7
6. Marriage Reconvocation Certificate (RC) pek zat :2
7.Synod Marriage Licence (RL) pek zat : 6
VIP LIGHT HMANG TAWH DAWN LO
Ni 19th April Cabinet thukhawm chuan motor-a VIP light hi 1st May atang chuan hman tawh loh turin thu a ti tlu. Hei hian a huam loh tur te:
1. President of India
2. Vice President of India
3. Prime Minister
4. Chief Justice of India
5. Lok Sabha Speaker
A bak zawng, Union Cabinet Minister, Chief Ministers, State Cabinet ministers, Judges of High Court, Supreme Court etc te chuan VIP light an chhit a rem tawh lo ang.“2014 daih tawh khan Supreme Court chuan VIP light a ngaihmawh thu leh mipui tan phur rit a nih thu a lo sawi tawh a ni.
RESERVE BANK OF INDIA THUCHHUAH PAWISA LEM / FAKE NOTE CHUNGCHANG
1. Pawisa lem / Fake note, a TAK anga hman tum emaw, a lem a ni tih hre chunga kawl luih emaw, a lem siamna khawl leh hmanrua kawl emaw hi Dan kalh a ni a, IPC Section 489 A-E hmanga hrem kawp theih a ni. Hremnaah hian Pawisa chawi tir emaw, kum sarih Lung In tan tir emaw, a pahnih hmanga hrem kawp theih a ni.
2. Hre lova pawisa lem lo kawl ringawt chu hrem tur a ni lova. Hre reng chung emaw, hriattir a nih hnu pawha pawisa lem hman luih tum erawh IPC Section 489 C hmanga hrem ngei tur a ni.
3. Bank-in Customer hnen atanga pawisa lem a dawnin, eng vang mahin Customer hnenah a pe let leh tur a ni lova. Eng vang pawha pawisa lem man tawh Bank-in a pe chhuak leh a nih chuan, pawisa lem siam leh thehdarhnaah Bank ngei pawh a inhnamhnawih a ngaih a ni ang a, RBI Directive No.3158/09.39.00(Policy)/2009-10 hmanga hrem tur a ni ang.
4. Bank-in pawisa lem a mante chu ziah luhna bik siamin a chhinchhiah ang a, pali(4 pieces) a tlinin Nodal Bank Officer kaltlangin Nodal Police Station-ah thla tawp apiangin report a thawn thin tur a ni.
5. Customer pakhat hnen atanga pawisa lem panga (5 pieces) chin aia tam Bank-in a dawng a nih chuan, Nodal Bank Officer kaltlangin Nodal Police Station-ah First Information Report (FIR) a theh lut tur a ni.
DARTLALANG... IN EN RAWH LE...
Mihring lei leh ka in sawichhuah harsa a tih ber \hin chu ‘Ka thiam lo a ni’ tih hi a ni an ti, a dik hmel hle mai. Mahni thiam inchantir zar zar a, midang thiamloh chantir zelna hmunah chuan nunhona leh thawhhona boruak a \ha thei lo. Mihring chu chapo \hin, itsik \hin, hel \hin, lansarh duh \hin, inngaihlu \hin, nun kha \hin leh thuneih chak \hin kan ni. Mi dangte laka inngaihtlawm leh thuhnuairawlh taka awm hi mihringte hian harsa kan va ti \hin tak em! Kan rawngbawlna kawngah te pawh hian mahni \ha leh fel ve tawk kan inti a, kan rawngbawlpui te laka tlawm taka awm hi chu kan thei lo a, harsa kan tih hlawm chu a ni. Keimahni zawlpui leh keini aia dinhmun leh nihna ah pawh sang vak lo a kan hriat te chungah phei chuan tlawm hi har kan ti \heuh a ni.
Genesis 33: 1-4 a kan hmuh angin Jakoba’n a u Esauva malsawmna dawn tur a dawn khalh avangin Esauva thinrimin thahah a vau a. A pu Labana hnena a tlanchhia a lo kir leh chuan Esauva bul a thlen hma chuan Jakoba chuan vawi sarih lei siin a u chibai a lo buk a. Esauva chu a nau lawm turin a tlan a, a pawm a, a ir a chuktuah a, a fawp a, an \ap dun ta a. A u hmaa Jakoba inngaihtlawm theihna chu an inkara inremna siamtu a lo ni ta a nih kha. He tlawmna nun hi keini mihringte hian kan va mamawh tak em! kan inngaihtlawm theih loh avang hian mi dang nen kan inrem thei \hin lo a, mil loh leh tei theih loh kan nei fo \hin. Keini pawh hian midang tu te emaw nena kan inkara inremlohna leh inhalna kan neih te pawh hi keimahni zawk hian tlawmna nun kan neih tawk loh vang a ni thei mai ang em? In en chiang rawh le....
KOHHRAN HMEICHHE PI CHHUNGTEI GROUP HRIATTIRNA
Ni 25.4.2017 (Thawhleh) zan dar 7:00 pm hian Pi Chhungtei Group member te Pu Kamzawngliana (Ch.Sec) Inah inkhawm tur a ni a, Group member te \hahnemngai taka inkhawm turin kan inngen e. Thawhlawm a awm nghal ang.
Sd/-
(ROHLUPUII)
Secretary
Pi Chhungtei Group
HRIATTIRNA
Pu Kapkhama s/o K.V. Thanga of Saikhamakawn, Aizawl hian a LSC No. AZL 1760 of 1985 of Saikhamakawn veng a mi hi a ti bo va rawn insawiin Office -ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni.
Sd/-
Director
Land Revenue & Settlement
Mizoram: Aizawl
EI LEH IN HUANG....
MEAT BALL SIAM DAN
Bawngsa ti : 1/2 Kilo
Artui : pum 2
Purun var : mal 5
Aieng : 1 teaspoon
Meat Masala : 1 teaspoon
Hmarchadip sen: 1 teaspoon
Chi : a al tawk
Oil : 1 tablespoon
1) Sa herdip ah khan sawhthing leh purun var den pawlh la, artui pum 2 leh chi nen hmeh a, ball siam tur
2) Tel chhuang sa la, hmarchadip sen, chi, masala leh aieng pawlh a, tomato chawh kawi bawk tur.
3) Chumi hnuah tui leih a, a so hunah meat ball chu thlak tur, minute 20 ah a hmin mai ang.
THUROTLING
“Hnehna hi vawikhat nalh taka chet fuh a ni lova, hah taka thawh chhunzawmah a innghat a ni.”
- George H.Mathason
HLIMEN PASTOR BIAL INKHAWMPUI VAWI 52-NA HMANG MEK
Ni 21.4.2017 (Zirtawpni) a\ang khan Hlimen Pastor Bial Inkhawmpui vawi 52-na chu kan Kohhran ah neih a ni a. Chawhma dar 10:00 am-12:30 pm ah Kohhran Committee Room ah Bial Standing Committee neih a ni a, Chawhnu dar 1:00 pm - 4:00 ah Nomination Committee neih leh a ni. Zan lamah Pathian Biak Inkhawm a hun hman a ni a, Inlawmna leh Bial chhung Kohhran tin te report ngaihthlak a hun hman a ni a, Hlimen Pastor Bial Zaipawl leh Hlimen Damveng Kohhran Zaipawl ten Pathian fakna hla an sa bawk a ni.
Nimin ni 22.4.2017 (Inrinni) dar 10:00 am-4:00 pm ah Rorel a hun hman a ni a, zan lamah Pathian Biak Inkhawm a hun hman leh niin,Upa C. Lalmuankima, Saikhamakawn Kohhran hnen a\angin Pathian thuchah ngaihthlak a ni a, Hlimen Pastor Bial Zaipawl leh Hlimen Vengthar Kohhran Zaipawl ten Pathian fakna hla an sa bawk a ni.
Vawiin ni 23.4.2017 (Pathianni) Programme:
Chawhma Inkhawm
Dar 10:00 :Pathian Biak Inkhawm
Thupui : ‘Thuawihna’
(I Samuela 15:22)
Sawitu :Upa Lal\huamliana
Hlimen Damveng
Zaipawl : Saikhamakawn Kohhran Zaipawl leh Bial Masihi Sangati Zaipawl
Chawhnu Inkhawm
Dar 1:00 pm : Pathian Biak Inkhawm
(Lalpa Zanriah Sacrament)
|hehtu : Pastor C.Sapkaia, Bialtu Pastor
Zaipawl: Melthum Kohhran Zaipawl
Zan Inkhawm
Dar 7:00 pm : Pathian Biak Inkhawm
Valedictory Sermon :
Pastor C.Sapkaia, Chairman Kalchhuak
Zaipawl : Hlimen Pastor Bial Zaipawl leh Hlimen Kohhran Zaipawl
, Pi Zampuii w/o Pu Zoramthanga (T.Sec) chu damlohna avanga Civil Hospital, Aizawl a enkawl a nih hnuin a lo chhuak.
, Pi Vanlalhriati leh Pu C. Laltlanthanga (T.Sec.) te chuan a pahnihna atan fanu an nei thar.
, Pu Jordyneff Zoremsanga w/o Pi Lalrempuii (V.Sec) chu damlohna avangin Synod Hospital, Durtlangah enkawl mek a ni.
, Pu David Lalzara te chhungkua chu Pu Laltlanthanga In (Ch.Sec) a\angin Pu C.Runkima (V.Sec) te Inah an insawn.
PATHIAN THU ZIR DUH TAN
Presbyterian Bible School, Mission Veng, Aizawl-ah Certificate in Theology (C.Th) zir tur lak a ni leh dawn a, dil duh chuan heng hi hriat tur a ni e.
Admission Form: Office hun chhungin `10/- a lei theih a ni
Dil hun chhung: April 24,2017 (Thawhtanni) tlai dar 3:00 thleng
Dil thei chin: Class VII passed, kum 16 chin, Kohhran dan chhunga awm
Interview: May 3, 2017 (Nilaini) chawhma dar 10:00
Class \an hun: May 8, 2017 (Thawhtanni)
Zir hun chhung: May - August, 2017
Hrechiang duh tan: Phone No. 2317343/2325082/9436198231-ah zawh theih a ni.
Sd/-
REV. LALNEIHVURA
Principal, PBS
ZANIN EPL FIXTURE
6:45pm: Burnley Vs Manchester United (Star Sports Select HD1)
9:00pm: Liverpool Vs Crystal Palace (Star Sports HD 1)
RD SEPTIC TANK SERVICE
Septic tank khat paihfai, commode block, pipe line \ha lo, soakpit thar siam leh a hlui repairing pawh kan tithei reng a, kan sulhnu a felfai a, senior leh rintlak kan ni e. kan Rate a tlawm bawk.
RDA
Contact: 9436199884/
9612510887
No comments:
Post a Comment