MIPUI
AW
Vol. XXIII Issue No. 3 Kristian
Thalai Pawl Saikhamakawn Branch Dt.15.1.2017
VAWIIN CHANGVAWN
LALPA lehkhabuah zawng ula, chhiar rawh u: chung zingah chuan pakhat mah kim lo a awm lo vang a, pakhat mah kawppui nei lo a awm lo vang: ka ka ngeiin thu a pe a, ka thlarau ngeiin chung chu a hruai khâwm ta hlawm si a. (Isaia 34: 16)
KOHHRAN PROGRAMME:
Ni 15.1.2017 (Pathianni)
Chawhma Inkhawm
|antu : Pi Lalramliani
Zirlai 1-na : Thuhmahruai- I
Chawhnu Inkhawm
Thuhriltu : Pu Khawlhmingliana
Zan Inkhawm
Thuhriltu : T. Upa C. Vanlalsanga
K|P INKHAWM PROGRAMME
Ni 16.1.2017 (Thawh\anni Zan)
Sermon Inkhawm
Hruaitu : Pu Lalremruata
|antu : Tv. Zorammuana
Thuhriltu : Pu R. Lalmuanpuia
Bible chhiartu tur: Tv. Ricky Lalrinkima
(Chhiar tur: Rom 1: 1-5)
Thilpek lakhawm Nl. Babie Lalduhsaki leh
tu turte : Nl. J. Lalhmangaihzuali
Zai hruaitute : Pu Tommy Zirnuntluanga
leh Tv. Abraham Lalnunthara
Key Boardist : Tv. Vanlaltluanga
KOHHRAN HMEICHHE
INKHAWM PROGRAMME
Ni 17.1.2017 (Thawhlehni Zan)
Hruaitu : Pi R. Lalthansangi
|antu : Pi Lalchungnungi
Thuhriltu : Upa Zairemthanga, Kohhran Represent
Kristian Chhungkaw pual a ni ang.
KOHHRAN PAVALAI PAWL
INKHAWM PROGRAMME
Ni 19.1.2017 (Ninga Zan)
Hruaitu : Pu H. Remtluanga
|antu : Pu Kamzawngliana
Thuhriltu : Upa R. Lalngena
Khuangpu : Pu T. Lalrinthanga leh
Pu Vanlalfela
Thilpek lakhawmtu: Pu Lianchia
“A KIN TA”
Tin, Isuan uain thur chu a lo in zawh chuan “A kin ta” a ti a. Tin, a lu a kun a, a thlarau a thlah ta a. (Johana 19:30)
Vanah leh leiah te leh lei hnuaiah pawh chhinchhiahna bu phelh thei tumah an awm lo, mahse Lalpa’n keini mihring fate min hmangaihna chu a danglam thei si lo, a neih chhun a fapa pawh zuah zo lovin min pe ta, a va ropui em! Chu kraws anchhe dawng mihring fate thiamchanna tur kawng chu a lo thlang ta bzawk si a. Tih theih loh chu min tihsak ta, min tlanna kawng chu zawh zovin, “a kin ta” tiin kraws lerah a tlan zo ta. Thiam changin tholeh Krista nun thar zawk chu kan nun atan min lo pawm sak a, thisen thianghlim avang chuan nunna bu ngei chu hawngin van khua leh tui nihna kan lo chang leh ta, a va ropui em!
He khawvel kan khualzinna ramah hian sual vangin hliam kan tawrh chang a awm fo \hin. Dam chhan nei lo khawpa inhriain mal ngawih ngawih a kan nun chu beidawn chang awm \hin mahsela Lalpa hmangaihna eng mawi tak chuan kan thinlung thim chu a chhun engin hma lam pan turin chakna thar min pe leh fo \hin. Mahse kan thinlung bumtu Setana chuan thim lam chu min thlirtir a tum tlat a, a chang chuan kan hneh lo chang a awm fo \hin. Tumah tih theih loh min tihsak a, man dang beisei lova min tlan a, hmangaihna tawp nei lova min hmangaihtu Lalpa kan sual te min tleng faia, fa atana min pawm leh tu zawk thlir a, en tlattu nunah chuan Lalpa eng a lo lang chhuak leh fo \hin. Kan thiltih vang ni lova kan hmangaih let ve na avang zawka Lalpa tana nung te zawk chuan lawm takin Lapa tan engpawh an ti tawh zawk \hin. A rin Lalpa chu a rinawm a ni tih a hriat chian avangin.
Kohhranah rawngbawlna hrang hrang kan chelh a, kan tlin vang leh fel vang ni lovin theihtawp kan chhuah \hin. Mahse heng kan thiltih vanga vanram kal kan tum a nih chuan kan sualna te phur zo a, “a kin ta” ti a kraws lera Lal Isua au aw khan thil tih vanga vanram kai tum tan awmzia a awm lo ang. Lal Isua ngeiin “a kin ta” tiin kan sualna te chu a phur zo tawh a, keinin kan phurh ve ngai tawh lovin Lal Isua zawk chu kan damna leh kan thiamnchanna vanram chahbi a lo ni ta zawk si a. Kan pian tirh ata kan sualna te hi phur dawn ni ila tuinnge phur seng ang a, tuin nge phur zo awm ang? Mahse kan phurh ve leh kan sual vanga tlanna man pek ngai lovin Lal Isua zawk chuan min phurhsakin damna famkim changin min tlan zawk si a, a va ropui em! Lalpa chu fakin awm rawh se, Amen.
Kan thil tihsual tawh te avangin inthiamlovin sual lamah kan kal zui zel mai dawn em ni? Ni lo ve, kei zawng ka sual te Lalpa’n min ngaidam ta, thiamchangin nunthar tholeh Krista nun zawk chu ka nunah min puansak tawh tiin simin Lalpa lam i hawi zawk dawn lawm mi? A tawp berah chuan kan thiltih\hatte vanga thiam chang kan ni lo va, thiamchanna Lal Isua Krista nun kan neih avang zawkin heng thil \hate hi Lalpa hmingin kan ti zawk a ni. Kan thiltih theih hi tlem hle mahsela Lalpa kan chunga a lawm chuan a aia hlu a awm lo. “A ni chu rinawmin a awm reng a ni: Amah leh amah a in phat thei si lo va,” Kraws lerah, “a kin ta” tiin min tlanna a pa thuzawm famkimin thiam kan lo chang ta. Lalpa lawm tlaka rawngbawl hna thawk zelin kan chakna zawng zawng nen hma lam i pan zel ang u.
Lalpa’n a thu malsawm rawh se, Amen.
EDITORIAL BOARD
Editor :
Pu C. Lalmuanpuia 8974807213
Joint Editor:
Tv. Laldinpuia 9862813325
News Editors :
Pu Tommy Zirnuntluanga 9862913684
Tv. Lalnunzira 9862664253
Tv. Lalawmpuia 8259910570
Nl. Zohmingmawii 8794773133
Tv. Lalruatsanga
Circulation Manager:
Tv. C. Lallawmawma 8974509821
Nl. C.Zosangliani 8731005507
ARTICLE
NEPHILIM KAN TIH TE HI TUTE NGE?
Nephilim kan tih mai te hi Hebrai \awng chuan Nefilim tih a ni a, Tuilet hma ‘antediluvian’ hunlai a khawvel awptu te an ni. Bible chuan ‘hmasang michak ; mi hmingthang te’ tiin a sawi a. Mihring fanu te leh Pathian fapa te tiin sawi a ni fo bawk. Nova hunlai mihring sualna nasa tak pawh kha Nephilim ho vang a lo punlun ta ni a ngaih ani.
Nephillim’ kan tih mai hi awmzia tak ah chuan ‘rawn tla thla’ tihna ani a, an nunrawng in an chak em em a. English thu ziakmi ho hian‘Giant’ tiin an let a, a thu awmzia a phawkchhuak lo ni a hriat anih vangin \henkhat chuan let lem lovin ‘Nephilim’ tiin an dah bawka, ‘Giant’ an tih nachhan ber ni a lang chu, Greek ho thuthlung hlui bu ah khan ‘Nephillim’ tih hi ‘Gegantes’ tiin an dah bawk a, sap\awng nen a inkaihhnawih deuh zawk a an hriat vangin an ti ‘Giant’ ve ta ngawt anih hmel. Mahse Modern Greek ho chuan “TITANS” an ti thung. Titans ho hi an sawi dan chuan, Pathian in mihring laka fa a neih te sawinan an hmang. Mihring ang bawk pianphung chu pu mahse mihring te theih loh thil mak tak tak an ti thei thung.
Genesis 6:1-7 kan chhiar chuan sualna punlun chhoh vang a Pathian lungawilohna leh lei mihring te a hrem dawn zia kan hmu ang.
Pathian fapa te:
Chiang takin tute nge Pathian fapa te hi sawi anni lova, chiang taka lang erawh chu mihring te zing ah Pathian faten fa annei tih hi ani (Gen 6: 2). Nephillim te hi Hybrid (Thlahpawlh ti mai teh ang) anni a, an chanchin bik zirna hi khawvel huap pawn \huang thum in a awm nghe nghe ani. Gen 4: 14 a kaina tlanbo thu kan hmu a, nupui a neih thu kan hmu a, Bible hian engvanga mihring dang lo awmve te chanchin hi chhui miah lo nge anih tih hi thilmak tak zawng ani ve hrim hrim.
Biblical references:
Abraham a hunlai a lal panga te lo tibuai tu kha \henkhat chuan Nephilim an nih loh pawn Nephilim fate lehchhawng Siddim (Dead Sea) bul vel a khawsa, a hnua Canan mite nen a inneih pawlh ta te kha annih an ring bawk.
Gen 14 leh Deut 2 a Rephaim tih hming kan hmuh te ( ‘Titans’, Rapha fate). Zuzim emaw Zamzummim ( Sualna lal) tih te, Emim, Horites leh Anakim tih hming pute reng reng kha Nephilim thlah ziding vek anni a, Kanaan ram luahtu te pawh kha Nephilim thlahte anni a, an lendan tur chu Numbers 13: 33 ah khan a inziah kha.
Kan chhiar zel chuan Rephaim ho chu an lian hlawm hle tih pawh a lang a, chu ti anih chuan Genesis a milian a tih Nephilim te pawh kha an ni thei tho mai.
Anakima thlahte hi sawi leh lawk teh ang, Anaka a\ang a lo piang niin Anaka hian a fapa emaw a tupa emaw milian tak mai a nei a, a hming chu Arba ani a, Hebron a piang a ni nghe nghe a, Hebron hi a hming dik tak chu “ Kiriath Arba” tihna daih ani. Arba hi Anakima thlah te ah chuan a ropui ber a, anni hi Kanaan ram a enthlatu ten an va hmuh te kha an ni.
Milian te leh mihringte inbeihna \henkhat bih leh thuak thuak ila: Moses khan Og a that a, Og hi Rephaim lal ani a, Hermon tlang bul mai a Golan Heights ah an awm a, a lian awm hle a ni, amah hian khum ngawt pawh Cubit kua ( Nine cubits) a ni a chuti anih chuan ft 13.5 – 15.5 vel a sang ani dawn tihna anih chu, ani hi Milian dam hnuhnung ber ni a hriat ani. Sap ho chuan a hming ‘Og’ tih a\ang hian thumal ‘Ogre’ tih hi a lo chhuak niin an ngai.
Joshua khan Hebron \tang hian Anak a fa 3 te chu a umchhuak a, Caanan ram lam a hmelma te bei tura a kal leh hlan hian anni hi lo kir leh in ro an rel leh a, Caleb a khan a hnu ah a that ta ani.
Davida leh Saula chanchin ah pawh khan Goliatha kan hmu a, Palestina ram Gath ah awmhmun an khuar kha ani a, Isaia 45:14 kha Milian chanchin Bible in a sawi hnuhnun ber ani mai thei a ni, Sheba mi sang tak tak te ti in a rawn sawi lang leh a nih kha.
An nihphung ni a an sawi te :
Mi pangngai let 2 emaw let 3 vel lai an ni a.
Tuilet hma khan sualna ti punlun tu ber leh sual lam chi thehdarh tu an ni.
Tuilet hnu ah Canaan ram mite nen an in thlahpawlh leh a.
An kut leh ke zung\ang mi pangngai aiin a tam (Paruk zel an nei)
Caanan mite ang lo takin an thih dawn thleng pawhin Pathian lam an ngaihsak lo.
Nephilim ho chanchin hi European hovin Bible an chinphar vak vak hunlai a, Bible a an telh tak loh Jubilees leh Book of Enoch ah khan a inziak kimchang hle a, tuna kan hmanlai sawiselna lam ni lovin, heng an paih tak tam tak te hi chu telh nise kan Bible vanga inhnialna tam tak hi kan pumpelh ngei ngeiin a rinawm.
WEEKLY ROUND UP
STATE
# Tripura Bru Refugee Camp paruka Mizoram mi awmte lak kir hun tan February chawlhkar hnihna tinzawn a ni.
# Mizo Pasal\ha lar ber te zinga mi Vanapa (Thangzachhinga) Rabung ram Zawlnghakah Vanapa Memorial Park siam a ni.
# Mizoram khawpui panga (city and town) Aizawl, Champhai, Khawzawl, Biate leh Khawhaite chu central sorkar chuan pawn lama inthiar awm lohna open defection free (ODF) ah a puang.
# FCS & CA chuan thuchhuah siamin Indian Oil Corporation in eirawngbawlna gas man a bithliah thar angin Rs. 732 a ni a, subsidy tur chu Rs. 282.48 a ni ang.
# State Bank of India hotute chuan Rs.500 note leh Rs.1000 note hlui tihthih a nih hnua Rs.1000 note thar siam a ni dawn anga thuthang awm chu an hriatpui loh thu an sawi.
# Ni 13.1.2017 (Zirtawpni) khan Rajiv Gandhi Stadium ah I-League club thar Minerva Punjab FC si khat faiin an hneh a, goal awmchhun hi hun tawp dawn 90+4 mins a Asutosh Mehta khung a ni.
NATIONAL
# January ni 31 ah Parliament Budget session \an dawn
# Income tax department chuan ramchhung bank hrang hrang te chu kum 2016 April 1 a\anga November 9 inkarah saving account-a sum deposit an dawn zat report turin a hriattir.
# India leh Portugal chuan Defence, Private Sector, Joint Economic, Commercial, Industrial Project, leh Investment ah te thawhdunna thuthlung an ziak.
# Sorkar laipuiin cashless economy kalpui a tumnaah December thla chhung khan Aadhaar enrolment ti hi November thla aiin 60% zetin an pung.
# Air India chuan ramchhunga an thlawhtheihna service ah hmeichhe tan bik seat 6 a dah zel dawn a, extra charge siam a ni dawn lo tih a sawi.
INTERNATIONAL
# Portugal rama democracy kalphunga sorkar thlan lal hmasa ber hotu, Mario, Soares chu kum 92 mi niin a thi.
# US in kum 2016 chhung khan bomb 26,171 a thlak.
# Cambodia a ruihhlo do beihpui thlaknaah mi 652 man an ni tawh.
# Iraqi special force te chuan Mosul a IS te an beih kawngah hma an sawn zelin Mosul khawpui kianga Tigris river an thleng tawh ni a tarlan a ni.
# US President elect Donald Trump chuan a makpa Jared Kushner chu Senior White House Adviser atan a ruat.
# China chuan an rama firfiak lut turte ven nan kum 2017 chhungin Pakistan nen an inri-na chu a khar dawn nia sawi a ni.
# US chuan N.Korea official \henkhat chu mihring dikna chanvo palzutah puhin a hrek. Heng zingah hian ram hotu lu ber Kim Jong Un a fanu pawh a tel.
KOHHRAN PAVALAI PAWL FELLOWSHIP PROGRAMME
A hun: Ni 22.1.2017 (Pathianni Chawhnu Inkhawm ban)
A hmun: Sunday School Hall
Member thar lawmluhna leh \awng\ai rual a hun hman a ni ang.
TBZ NEIHTHIL THEHKHAWM
A hun: Ni 16.1.2017 (Thawhleh Zan), dar 6:30
A hmun: Pu R. Lalsangzuala In
Hruaitu: Pu Khawlhmingliana
|antu: Pi Ralliani
HRIATTIRNA
Kristian |halai Pawl Isaia Group te chuan Bible/Hla bu/ Lehkhabu kawm siam (Cover binding) man chawiin kan tih tir leh dawn a, vengchhung mipuite Bible/Hla bu/ Lehkhabu kawm siam ngai leh siam tur nei ten lo zawng khawm turin kan inhriattir lawk a ni e.
Sd/-
(LALDINPUIA)
Secretary
K|P Isaia Group
M.H.I.P HRIATTIRNA
Kum 2017 chhunga MHIP Saikhamakawn Branch hruaitu tur thlanna neih tur a ni a, member-te \hahnemngai takin kal \heuh ang u.
A hmun : Pi Lalngaii In
A hun : Ni 19. 01. 2017 (Ningani)
Dar 7:00 p.m
Refreshment tuihnai tak buatsaih a ni ang.
LAWMTHU SAWINA
Kan nau Rodingliana’n ni 27.12.2016 (Thawhlehni) a chatuan ram min pansan tak chungchangah vengchhung mipuite min buaipui a min bawihsawmna zawng zawngah lawmthu kan sawi a. A ruang min hlawmsak a, tih tur \ul awm apiangte kan tih ve ngai miah lo a, in lam leh thlanmual thlenga min buaipuina zawng zawngah khan kan lawm em em a ni. In khawngaihna kan dawn zawng zawngte hi keini a unau te hi chuan engtikah mah kan rul seng dawn lo che u a, Lalpa’n a let tam takin malsawmna in rul che u rawh se ti hi kan \awng\aina a ni e.
In khawngaihna dawngtu
Rodingliana unaute
Saikhamakawn
KUM 2017 K|P SAIKHAMAKAWN BRANCH GROUP HRUAITU TURTE
Isaia Group
Leader: Pu Tommy Zirnuntluanga
(Branch Committee ruat)
Asst.Leader: Pu C. Lalnunsanga
Secretary: Tv. Laldinpuia
(Branch Committee ruat)
Asst. Secy: Pu Albert Lalremsanga
Treasurer: Nl. F. Lalrintluangi
Fin. Secy: Nl. Malsawmtluangi
Jeremia Group:
Leader: Tv. R. Zodinsanga
(Branch Committee ruat)
Asst.Leader: Tv. Lalzirliana
Secretary: Tv. Lalrinnunga
(Branch Committee ruat)
Asst. Secy: Nl. P.C Lalrinmawii
Treasurer: Nl. Lal\anpuii
Fin. Secy: Nl. Lalngaihawmi Ralte
Mika Group
Leader: Pu Lalhmangaihzuala
(Branch Committee ruat)
Asst.Leader: Tv. F. Laldingliana
Secretary: Tv. C. Laldawngliana
(Branch Committee ruat)
Asst. Secy: Tv. C. Lalmuanawma
Treasurer: Nl. Zohmingmawii
Fin. Secy: Nl. C.Zosangliani
LAWMTHU SAWINA
Ni 12.1.2017 (Ningani) khan Kristian |halai Pawl Saikhamakawn Branch din cham vawi 42 na a ni a. Kumtin hemi ni a kan lo tih \hin angin Synod Hospital, Durtlang tan thisen pek leh a ni a, member \hahnem tak thisen pe tura kal khawmin chung zingah chuan mipa 24 leh hmeichhe 2 in thisen an pe thei a, a lawmawm hle a, memberte chungah lawmthu kan sawi e.
Hemi ni hian Blood Group ‘A’ bik phei chu Hospital lamah a awm loh avangin lak hmasak ho hmanhmawh taka phurh chhoh nghal chuk chuk a ni a, hetiang a mamawhna a nasat lai taka midangte tan ke kan pen thei hi a lawmawm lehzual a ni.
Sd/-
(P.C VANLALHRIATPUIA)
Secretary
K|P Saikhamakawn Branch
, Pu C. Lalzuitluanga h/o Pi Rozami (T.Sec) chu damlohna avangin Aizawl Hospital ah enkawl mek a ni.
, Pi J. Lallawmkimi w/o Pu Lalliankima (V.Sec) chu damlohna avangin Falkawn Hospital ah enkawl mek a ni.
, Pu R. Lalzuala (Ma-a) h/o Lalchhuanawmi (T.Sec) chu damlohna avanga Alpha Hospital ah enkawl a nih hnuin a lo chhuak.
, Pu Vanlalruata h/o Lalmuankimi (Tetei) (V.Sec) chu damlohna avanga Aizawl Civil Hospital a enkawl a nih hnuin a lo chhuak.
, Pi Lalhmunruati m/o John VL Hruaitluanga (V.Sec) chu damlohna avanga Falkawn Hospital a enkawl a nih hnuin a lo chhuak.
, Pu Lalzokima h/o Pi Zodingpuii (T.Sec) te chuan a pathumna atan fanu duhawm tak an nei thar.
, Pu Lalzahawma h/o Lalnunkimi (Ch.Sec) te chuan a pahnihna atan fanu duhawm tak an nei thar.
, Lallawmzuala s/o Lalhmudika (Ch.Sec) chu damlohna avanga Synod Hospital ah enkawl a nih hnuin a lo chhuak.
ACCOUNT TRAINING NEI DAWN
Vawiin chawhnu inkhawm ban hian Saikhamakawn Kristian |halai Pawl Group sum enkawl tute (Treasurer leh Finance Secretary) Account training neih a ni dawn. Training neihpui tur hian Pu C. Lalmuanpuia, Asst.Leader leh Pu Lalremruata, Fin.Secy ten training an neihpui ang.
WAITRESS MAMAWH
DM Hotel near Saikhamakawn ah Waitress fel tak mamawh a ni e.
Working hours: 4:00 am-10:00 pm
Contact: 9862323571
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 350
No comments:
Post a Comment