Mipui Aw 6.11.2016

MIPUI AW

KARTIN CHHUAK

Vol. XXII Issue No. 45 Kristian Thalai  Pawl  Saikhamakawn Branch  Pathianni Dt.6.11.2016

VAWIIN CHÂNG VAWN

            In hotu, Pathian thu lo hrilhtute che u chu hre reng ula, an awm dana thil chhuak chu ngaihtuahin an rin dan zir rawh u. (Hebrai 13:7)

KOHHRAN PROGRAMME:

Ni 6.11.2016 (Pathianni)

Khawvel Sunday School Ni

Chawhma Inkhawm

|antu              : Pi Vanlalsiami (Bial 9-na)

Thupui                       : Pu Muka Chanchin |hen I- na

Sawitu                        :  Pu Ramthianghlima 

Chawhnu Inkhawm

|antu              : Pi F.Laldawngliani

Thupui                       : Pu Muka Chanchin |hen II- na

Sawitu                        :  Pi Lalchhingpuii

Zan Inkhawm

Thuhriltu       :  Upa Lallawmchhunga

K|P INKHAWM PROGRAMME

Ni 7.11.2016 (Thawh\anni Z^n)

Short Sermon leh |awng\ai rual

Hruaitu           : Tv. Pc.Vanlalhriatpuia

|antu              : Nl. Vanhlupuii

Short Sermon            : Tv. Laldinpuia leh

                           Tv. Lalnunzira         

Thilpek lakhawm:    Nl.Lalmuanawmi leh

tu turte:              Nl. Lalhruaitluangi Fanai

Zai hruaitute  : Tv. Lalhmangaiha

(1-15 Nov.)       leh Tv. Nathan Lalzuisanga

Key Boardist  : Tv. Vanlaltluanga

VAWIIN TLAI K|P FELLOWSHIP PROGRAMME

A hmun          : Sunday School Hall

Hruaitu           : Pu C.Lalnunsanga

|antu              : Tv. Lalhriatpuia s/o Vena

KOHHRAN HMEICHHE

 INKHAWM PROGRAMME

Ni 8.11.2016 (Thawhlehni Z^n)

Kristian Chhungkaw Puala hunnhman a ni ang.

SERMON

THUAWIHNA

            Hebrai 5  8Fapa meuh pawh ni mahsela a thil tuarahte chuan thuawih  a zir ta a ni; 9tichuan tihthatfamkima lo awmin, a thu awih zawng zawngte tan chatuana chhandamna bulpui a lo ni ta

            Thuawih hi thil \ha tihna kawngah chuan thil har tak a ni a, thil\halo tihpuia \hianten min sâwm châng erawh chuan an thuawih a nuamin a âwl hle thung si. Thuawih tihin a kawh ber leh kan rilrua lo awm nghal chu thil \ha tihna kawnga thuawih hi a ni âwm e. Chutiangchiah chuan kan Pathian pawhin a thu a kawi a ngila zawm a, a thuawih mai turin min ti a ni. Tin, thuawihloh pawizia te, thuawihlote dinhmun chhiatzia pawh kan Pathian thu chuan min hrilh chiang hle mai. Pathian thu awihlo a mahni duh dan dan anga kal \hin ten vanneihna han dawngin han kaltluang viau mahsela Sam ziaktu chuan Hlobet anga an la vuai tur thu leh ah thlûka an la awm tur thute chiang takin a lo sawi a. Thuawihlote hian vanneihna an dawng tluantling thei tak tak lo a ni.

            Thuawihna hi Pathianin a thupekah chuan thupek tiam nei hmasa ber a ni tih pawh Ephesi ziakah kan hmu. Pathianin thuawihte tan lâwmman a siamsak dan a\ang hian a thuawih a ngaihpawimawhzia a lang chiang hle. Tin, Lal Saula ngei pawh Amelek ho thah chimih vekna tur thupêk Pathian hnên a\angin a dawng a, an ran vulhte pawh zuah hauh lohna tur thupêk a ni. Nimahsela ama remhriatna leh Pathian tâna inthawina atân Amalek-ho ran vulh thau \ha leh an Lal Agaga te chu an rawn hâwn a, mihring ngaihah chuan thil \ha tak chu a ni ngei mai, Lalpa tân a \ha \hâ chu an rawn hâwn ngêi a ni, nimahsela Lapa Pathian chuan a thupêk zawm kha a lâwm zâwk a ni tih kan hmu. Lalpa thupêk awih lova mihring lam \hahnemngaihna zâwn a\ang leh tunlai \awng takin; a lang tlat  tihna zâwn a\anga Pathian tana Saula’n \hahnem a ngaih avangin Lal a nihna ata chu Pathian in a hnâwl ta a ni. Keini tunlai ringtute ngêi pawh hi, kan tisa lam \hahnemngaihna leh kan rilrua awm satliah mai maina a\anga Pathian rawngbâwl a maw in ti a tlân vak hi Pathian hian a pawm lem lo niin a alang, hotê pawh nise Pathian thuawih mai hi kan tih tur niin a lang. Mihring lam \hahnemngaihna a\anga Pathian tân  tia rawngbawl  vak hian Pathian a lawmlo mai a ni lo, Saula ang hian kan nihna a\ang hian min hnâwl ve mai ang tih pawh thil hlauhawm tak a ni thei âwm e.

            Bible châng kan tarlan tâk ang khian Lal Isua meuh pawh a thil tawrh a\angin thuawih a zir a ni tih kan hmu a, thuawihna hi Pathianin a ngaihpawimawh hle tih a lang thei. Lal Isuan naupangte a lawm nachhan leh vanram pawh naupangte anga lâwm turin min tih nachhan pawh naupang in thuawihna nun an neih vâng leh chu thuawihna nun neite tân chuan Vanram chu an chanvo a ni tih a rawn sawi chhuahna a ni thei âwm e. Lal Isua meuh pawhin thuawih zir a ngai a nih chuan keini chuan kan ngâi nasa lehzual ngei ang.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                          Tunge mi hlawhtling? Rilru in anglo, ngaihtuahna pawh in anglo leh duhzawng pawh in anglo \heuh a piang kan ni a,kam thiltum pawh in anglo tak tak kan ni hlawm. Mahse,  keimahni hmazawn \heuh ah theihtawp kan chhuah \heuh \hin, chutihrualin mihlawhtling khawvel a hausa tak tak kan awm ta reng a ni.

          Heng mi hlawhtlimg kan tihte hian engang in nge heng dinhmun thleng tur hian  engthil nge an lo hmachhawn kan hriat loh tamtak a awm, a bul berah chuan rilru nghet tak an nei \hin. Vawikhat chetfuh lohna in an rilru a ti beidawng ve ngailo a,an tum hma hauhin an beidawng ve nghal ngai lo a ni.

      Rilru nghet tak nei ila, kan thil tumah a kawng thlir hmasain,  chu chuan kan rilru tihnual lo sela, kan tumah chiangin harsatna pawh a awm ang, chumi hmachhawn ngam tur chuan kan rilru siam ila, rilru nghet tak neiin thlak zung zung lo ila, mi hlawhtling kan lo ni ngei ang.

ARTICLE

SUNDAY SCHOOL CHANCHIN LEH A PAWIMAWHNA

            Sunday School hi kum 1700 v>l a\angin Khawvel ram \henkhatah chuan an lo nei tawh a. Amaherawhchu, mumal zawk leh awmze nei deuhva a lo z$k chhuahna chu kum 1780-ah a ni. England rama Gloucester khuaa cheng Robert Raikes-a (1735-1811) chuan thil siamna hmuna thawk, naupang ngaihsak hlawh lote chu ama sum s>nga zirtirtu ruaiin a zirtir \hin a. A thiltih leh a ngaihtuahnate chu ama chanchinbu Gloucester Journal hmangin a puang darh a, rei lo te chhunga England ram fan chhuakin Sunday School chuan hma a s^wn chak ta hle a ni.

            India ramah  chuan kum  1800 August thlaa William Carey-a  leh a  \hianten Serampore khuaah Week-day School an din chu a hnu thla thum (December) lekah tihtawp leh a ni a, kum 1802-ah tharthawh lehin a hlawhtling zui ta hle. Kum 1803 July ni 9-ah Pathianni School chu neih \an a ni a, hei hi mei mit lova India rama Sunday School din \an hun chu a ni ta a ni. Kum 1876 January thlaah Allahabad khuaa Missionary Conference an neih \umin India ram pum huapa Sunday School inthlunkhawmna, India Sunday School Union hi din a ni a; mahse, 1980 vel a\angin he pawl hi alo rawih \an deuh tak avangin January 1982-ah India Sunday School Association din a ni ta zawk a ni.

            Mizoramah pawh Missionary lo chhuak hmasaten Sunday School hi an ngai pawimawh hle a.Welsh Missionary Rev. D.E Jones (Zos^phluia), kum 1897 August ni 31-a Aizawl lo thleng chuan ngaih pawimawh hmasakah neiin Mission venga Synod Bookroom leh Synod Press inkar (Tuna Zosaphluia Building awmna)-ah hian School a din a. Chu School chu a pian cham vawi 28-na, February ni 15, 1898 (Thawhlehni)-ah hawn a ni. He school-ah vek hian Sunday School hmasa

ber pawh February 20, 1898-ah neih a ni a, hei hi Mizorama Sunday School din \an nia pawm a ni ta a ni. Ringtu an lo pung zel a, Sunday School pawhin hma a sawn zel a. Kum 1923 a\angin naupang leh puitlingin a hrangin Sunday School an nei \an. Kum 1935-ah Lushai Sunday School

Union din a ni a, kum 1955 a\angin Mizo Sunday School Union (MSSU) tia a hming thlak a ni.

            Sunday School Pawimawhna:

1) Chanchin\ha inhlan chhawnna pawimawh tak a ni : James de Forest Murch chuan, “Khawvelin Krista Chanchin\ha hi a mamawh a, chumi pechhuak turin Kohhran a ding a, pe thei tura a inbuatsaihna chu Sunday School hi a ni; chuvangin, Sunday School hi khawvelin a nghak \huap mai a ni,” a ti. |hangtharte hnena Lal Isua chanchin\ha leh rinna hlan chhawnna pawimawh tak a nih avangin Sunday School nei \ha Kohhran leh nei \ha lo Kohhran chu rei loteah an danglamna a lo lang thuai \hin.

2) Pathian hriatna leh rinna dik tak nei tura mite buatsaihna hmun a ni : Miin Beginner a\anga Senior thlenga Sunday School a kai chuan Pathian thu hriatnaah te, ringtu nun nghehna leh puitlinna kawngahte mihring nunphung leh hmangchang hriatnaahte a sang bik hle. Nunkawng bumboh zawhin dai pelh chang an nei ve palh anih pawhin kir lehna remchang an ngah bik a ni. Pathianin mi a pawl reng rengin an lo hriat tawh Pathian thu hmang deuh vekin a pawl \hin a, an la hriat ngai loh thuin a pawl ngai hauh lo. Chutianga zawi zawia Pathian thu hriatna kan khawlkhawmna hmun chu Sunday School hi a ni.

3) Kohhran kui \iahna leh din nghehna :Pastor pakhat chuan, “Sunday School hi kum 15 chhung titawp ta ila, Kohhran member zatve hi chu an kiam nghal ang,” a ti a. Hei hian Sunday School pawimawh zia a tarlang chiang hle. Sunday School hi Kohhran kui \iahna, chawm seilennaleh enkawl zuina hmun pawimawh tak anih avangin Kohhran din nghehna leh hmasawn zelna kawngah Sunday School neih \hat hian kawngro a su thui hle.

4) Kristian nun dan \ha zirna hmun : Tun hma angin zirna in tam berah nun dan \ha leh awm dan mawi inzirtirna hun a tam tak loh avang leh, mi tam tak tan Sunday School hi chutianga zirtirna an dawnna awmchhun anih tak avangin Sunday School \ha tak neih hi tun hma zawng aiin apawimawh ta hle a ni. Sunday School hian thiamna leh finna chauh ni lovin, taksa leh thlarau nun zirtirna tak tak a khawih avangin school zawng zawnga \ha ber a ni.

            Khawvel Sunday School Nî:

            Khawvêl Sunday School Nî hi Dr. Bailey-a, Tab ernacle Presbyterian Church, Philadelphia (USA)-a Kohhran Upa rawt chhuah a ni a. Kum 1907-a World Sunday School Association Convention, Rome-a neih \umah leh, kum 1910-a Washing ton-a Convention neih tuma an sawi hona bawhzuiin kum 1910 atang khan neih tan a ni a. Mizoram Presbyterian Kohhranin Khawvêl Sunday School Nî a hman tan chu kum 1944 khan a ni. Hemi kum a\ang hian tun thlengin Khawvêl Sunday School Nî pualin thawhlawm pawh lâk khawm zêl a ni a. Tin, kum 1945 a\angin November Pathianni hmasa ber hi Khawvêl Sunday School Nî-ah hman a ni ta zêl a ni. Kum 2000 a\ang khan Naupang leh Puitling Sunday School zir tur a hran a siam a ni.

 

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

PATHIAN THU ZIR DUH TAN

            Presbyterian Bible School, Mission Veng-ah Certificate in Theology (C.Th) zir tur lak a ni leh dawn a, dil duhte tan a hnuaia tarlan hi hriat tur a ni e.

Admission Form: Office hun chhungin Rs.10/- a lei theih a ni

Dil hun chhung: November 29, 2016 (Thawhlehni) tlai dar 3:00 thleng.

Dil thei chin: Class VII passed, kum 16 chin, Kohhran dan chhunga awm

Interview: December 1, 2016 (Ningani) chawhma dar 10:00 am

Class \an hun: January 16, 2017 (Thawh\anni)

Zir hun chhung: January - April, 2017

Stipend Zirlai pakhat hnenah thla tin `500/- pek a ni ang. Hostel a awm lo.

            Hrechiang duh tan PhoneNo.2317343/2325082 9436198231-ah zawh theih a ni.

Sd/-

(REV. LALNEIHVURA)

Principal,  PBS

Zanin EPL Inkhel turte:

Arsenal Vs Tottenham (5:30pm)

@Starsports Select HD1

Hull City Vs Southamton (7:45pm)

Liverpool Vs Watford (7:45pm)

@Starsports Select HD1

SwanseaVs Manchester United (8:30pm)

@Starsports Select HD2

Leicester Vs West Brom (10:00pm)

@Starsports Select HD1

SYNOD MULTIPURPOSE TRAINING

CENTRE  ADVERTISEMENT

            Synod Multipurpose Training Centre, Mission Vengthlang, Aizawl-ah DCA 1st Semester (CCA) training-na (Govt. approved) hawn a ni leh dawn a. Dilna chu plain paper-ah ziakin Kohhran lehkha thil telin a hnuaia Address-ah Office hun chhungin thehluh tur a ni.

Dilna thehluh ni hnuhnung : 24.11.2016 (3:00 pm)

Interview hun: 25.11.2016;

dar 10:00 a.m.

Course : 6 months

            Tin, heng Trade-ah te hian training hawn a ni leh dawn a. Dilna chu a hnuaia hming ziak hnenah hian Kohhran lehkha thil telin thehluh theih a ni.

1. Tailoring (Mipa) : Seat 20

2. Tailoring (Hmeichhia) : Seat 40

3. Shoe Making (Mipa) : Seat 5

Zir hun chhung : January - December, 2017

Dil theih hun : November 24, 2016 thleng

Interview hun : November 25, 2016, 10:00 A.M.

Sd/-

Programme Director

SMTC

KOHHRAN   PAVALAI PROGRAMME

Ni 10.11.2016 (Ningani Z^n)

Hruaitu           : Pu T.Lalrinthanga

|antu              : Pu Sangmawia

Thuhriltu       : Upa R.Lalngena

Khuangpu      : Pu Vanlalfela leh

            Pu Zakhuma Chhangte

Thilpek lakhawmtu:    Pu Lianchia

TBZ NEIHTHIL THEHKHAWM

A hun : 7.11.2016 (6:30pm)

A hmun: Pu R.Lalsangzuala In

Hruaitu: Pu T.K.Manga

|antu: Pi Sawi\huami

CHAWNGHEI |AWNG|AI

            Ni 7.11.2016 (Thawh\anni) tlai dar 5:00 a\angin Krsitian |halai Pawl chuan thla thar Chawngheia |awng\ai Biak Inah a nei leh dawn a, K|P Member te leh Kohhran mipui a duh apiang tel \heuh turin kan insawmin kan inhriattir a ni e.

Sd/-

(PC VANLALHRIATPUIA)

Secretary

K|P, Saikhamakawn Branch

 LAWMTHU SAWINA

            All Mizoram Inter Club Badminton Championship, Luangmual a neih zawh tâkah Saikhamakawn Badminton Club a\angin Mens Single ah Malsawmsanga Champion in, Runners up ah Lalrinawma, tin, Mens Double ah Lalfakzuala leh Zohmingthanga ten Quarter Final an thleng bawk.

            Players tel zawng zawngte chungah lawmthu kan sawi a, tin, vengchhung mipui min lo \an a min \awiâwm \hintu zawng zawngte chungah leh kan Local Council Member Pu Rochungnunga leh Nl. K. Vanlalruati ten min rawn \awiâwm \ha em em bawk a,  lawmthu kan sawi tak meuh meuh e.

            Tin, a lawmna hun hi ni 19.11.2016 (Inrinni) hian hman tur a ni a, Club Member-te kan inhriattir bawk e.

Sd/-

(F. LALDINGLIANA)

Secretary

Saikhamakawn Badminton Club

            HRIATTIRNA

            Saikhamakawn veng chhungah Village Level Child Protection Committee din a ni a, he pawl a thawhtur chu naupang ten nunkawng dik an zawh theihna tura kaihhruaia, mawhphurhna lak te a ni.

            Heta O.B leh Committee member te chu:

Chairman: Pu Lalbiaksanga

Vice. Chairman: Pu Lalremruata

Secretary: Pi K.Lalrinsiami

Asst. Secy: Pu C.Laldawngliana

Treasurer: Pi Saithangpuii

Fin.Secy:Pu Rohnuna Sailo

Committee Members:

1) Pi Zohmingthangi

2) Pi Lalrinpuii

3) Pi Lalhmangaihi

4) Pi Chawngkungi

5) Nl.K.Vanlalruati

6) Pi Zonunsangi Ralte

7) Pu Rochungnunga

8) Pu R.Sangzuala

9) Pu R.Biakthansanga

10) Pu David Lalzara

11) Pu Lalthangzela

            Heng mite hnenah hian thurawn leh an hmalakna tura kawng kawhhmuh duh tan report theih reng a ni e.

Sd/-

(R.BIAKTHANSANGA)

Secretary

Local Council Saikhamakawn

LAWMTHU SAWINA

            Kan pa duh tak Lalfakzuala’n min boral san chungchangah khawtlang mipuite min buaipuina leh min ngaihsakna zawng zawngah kan lawm em em a. Damdawiin lama kalpuitu leh a \ul leh tih tur awm zawng zawngte kan tih ve ngai miah lo a \hahnemngai taka min \anpui a min ngaihsakna zawng zawngah khan kan lawm em em a, khawtlang mipuite kan chunga in \hatna  zawng zawngah lawmthu kan sawi tak meuh meuh a ni. Kan chunga in \hatna leh min lainatna zawng zawngte hi keini chuan kan rul seng dawn lo che u a, Lalpa’n a let tam takin rul che u rawh se tih hi kan \awng\aina a ni e.

Inkhawngaihna dawngtu

Lalsangzuali (Zualtei) leh a fate

Taitesena

Section    

TUALCHHÛNG

, Zorampari d/o Pi F. Zuimawii (V.Sec) chu damlohna avangin Aizawl Hospital-ah enkawl m>k a ni.

,Pu Lalbiakmawia h/o C.Lalhmingliani (V. Sec) te chuan chhungkaw mamawha hman atan Bike  (Gixer) thar an lei.

, Malsawmzuala s/o Lalbiakliana (T.Sec) chu Falkawn Hospital-ah enkawl mek a ni.

,Pu Kapliana h/o Rinpuii  (T.Sec) chu damlohna avanga Falkawn Hospital-a enkawl anih hnuin alo chhuak.

HRIATTIRNA

            Ni 23-24, Nov.2016 a AR Lammualah Chief Minister Running Trophy, Cultural Dance Competition neih turah YMA memberte a tam thei ang ber tel turin kan insawmin kan inngen tak meuh meuh a ni e.

Items: 1) Cheraw

            2) Chawnglaizawn

            3) Tlânglâm

Sd/-

(C.LALDAWNGLIANA)

Secretary

YMA Saikhamakawn Branch

CHATUAN RAMAH

            Pu Lalfakzuala (43) h/o Lalsangzuali  (T.Sec) chuan ni 29.10.2016 (Inrinni) khan chatuan ram min lo pan san ta. A kalsan tak a nupui fanau  chhung leh khat te Mipui Aw Editorial Board te chuan kan tawrhpui takzet a, engkim tithei Pathian chuan thlamuanin, vengin awmpui zel se tih hi kan \awng\aina a ni e.

HRIATTIRNA

            Vawiin chawhnu inkhawm ban hian member duty neilo zawng zawngte Pu C.Lalengzama (V.Sec) te inah kim taka kal khawm tura hriattir kan ni e. Rokhawlhna avangin kan inhmukhawm rang thei lo va, tun \um chu member ten i ngaipawimawh \heuh ang u

Agenda: 1) Monthly Contribution chungchang.

             2) Bank Account hawn chungchang.

             3) Welfare dan leh hrai.

             4) A.O.B

Sd/-

(K.LALHULIANA)

Police Welfare Association

Saikhamakawn

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350