Mipui Aw 27.11.2016

MIPUI AW

KARTIN CHHUAK

Vol. XXII Issue No. 48 Kristian Thalai  Pawl  Saikhamakawn Branch  Pathianni Dt.27.11.2016

VAWIIN CHÂNG VAWN

            Zirtirna lamah i rilru nghat la,

            I beng chu hriatna thu lamah.

                                    -Thufingte 23:12

KOHHRAN PROGRAMME:

Ni 27.11.2016 (Pathianni)

Chawhma Inkhawm

|antu              : Pi R. Lalzuali

Zirlai 44-na    : “Thlarau Thianghlim                                        leh Bible”

Chawhnu Inkhawm

Thuhriltu       :  Upa Zairemthanga

Zân Inkhawm

Thuhriltu       :  Upa R. Lalngena

K|P INKHAWM PROGRAMME

Ni 21.11.2016 (Thawh\an Zân)

Sermon Inkhawm

Hruaitu           : Tv. Laldinpuia

|antu              : Nl. Zonuntluangi

Thuriltu          : Tv. Pc. Vanlalhriatpuia

Thilpek lakhawm-:  Nl. Vanlaltlani leh

tu turte       Nl. Baby Lalhmangaihzuali

Zai hruaitute  : Pu Albert Lalremsanga

(15-30 Nov.)     leh Tv. F. Laldingliana

Keyboardist   : Tv. Zoliankima

KOHHRAN HMEICHHE

 INKHAWM PROGRAMME

Ni 29.11.2016 (Thawhlehni Zân)

Sermon Inkhawm

Hruaitu           : Pi Vanlalhruaii

|antu              : Pi F. Laldawngliani

Thuhriltu       : Pi Zuimawii

KOHHRAN PAVALAI PROGRAMME

Ni 1.12.2016 (Ningani Zân)

Sermon Inkhawm

Hruaitu           : Pu Lalrinpuia

|antu              : Pu Lalthlamuana

Thuhriltu       : Pu D.Thangbawiha

Khuangpu      : Pu T.Lalrinthangaleh

                          Pu H.Remtluanga

Thilpek lakhawmtu: Pu Sangmawia

SERMON

SIM  RAWH  U

            Tin, chung lai chuan Baptistu Johana chuan, “Sim rawh u! vanram chu a hnai tawh e,” tiin, Judai thlalerah thu hrilin a lo kal a.                                         - Matthaia 3: 1

             Ni suh e, ka hrilh a che u, nangni pawh in sim loh chuan chutiang bawkin in boral vek ang.          - Luka 13:3

            Sim awmzia chu kan hre tlâng \heuh anga. Mihringte hi sim tur neilo khawpa fel leh \ha tumah kan awm hek lovang. Uire nu denhlum tur pawh sual neiloin dêng hmasa tura Isuan a tih meuh chuan sual neilo tumah an lo awm lo a nih kha. Chuvangin mi\ha leh fel nia kan ngaihte pawh sual neilo an awm lova, sualna lâi nei kan nih \heuh avangin sim tur kan nei vek tihna a ni. Vanram a hnaih tawh avanga sual sim a hun tawhziate, kan sualte kan sim loh chuan kan boral dawn a ni tihte kan ngaihtuah a, chu simna kawng kan zawh chu a hun tawh takzet a ni.

            Engvangin nge sim rawh u tia Bible meuhin min hrilh. Kan sawi tak ang khan Lal Isua lo kal a hnaih tawh êm avângin Baptistu Johana chuan simna thu a tlângau pui a. A chhan nia lang chu, mihringte sual bumna vangin Setana duhzawng kan ti a, tisa duhzawnga kan awm chuan hremhmun hmabâk mai kan nih si avangin Krista lokal leh hmâ ngêia sima Pathian lam hawia a duhzâwng anga awm turin simna thu hi a tlângaupui a ni, a pawimawh hle mai. Tin, Luka 13:3 thu kan tarlan khi kan en chuan sim duhlo khuate chan tur chiang takin a sawi a. Sual man tuara rapthlak taka thite thih dân rapthlak tak dungthulin sim duhlo khuate chu an thih ve ngei dawn thu chiang takin kan hmu a. Nang leh kei ngei pawh hi intifelin inti \ha viau mah ila, sual sim tur Pathian duhloh zâwng tih kan nei ngei ang. Mahse haidera kan felna Isua kan pan si loh chuan sual vânga thi tia kan sawi te ang hian kan la boral ve ngêi dawn tih hi kan hriatchian a \ul tak meuh meuh a. He thu hi kan Lal Isua ngeiin a sawi a ni tih hi i hre bawk ang u.

            Hetiang taka simna a pawimawh si chuan engtin nge kan sualte kan sim tak ang le. Sim duh tak tak sim theilo tam tak an awm a. Vawi engemaw zat sual sim tum mahse thei silo te an awm bawk si. Thil theihlo ti tura phut kan ni em ni. Kan ni hauh lovang. Mihring ten chhandamna kan chan hmâ chuan misual chhelailet der kan ni a. Thil \ha kan tih ve te avangin Vanram kan kâi phah thei bawk si lo. Mahse Pathianin a fapa nunna chu min rawn pe a. Krista chu kan tân finna, felna, thianghlimna leh tlannaah min ruat sak ta, kan nunna chu Krista a ni tih Pathian ngeiin min pawmsak a. Mihring thar nihna min pek hi sual kan sim theihna awmchhun a ni a, sual tih châk \hin leh sim theilo zawng kha kan nihna a ni lo tih hria a, mihring thar; Krista tholeh nun kan \awmpuina hi simna kawng awmchhun a ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                      Chief Minister Running Trophy atana kan veng aiawha tel te leh a buaipuitu kan hotute an fakawm hle. Amaherawhchu hemi tana kan inbuatsaihna ah nula leh tlangval puitling zawk tel tur kan awm ta mang lo erawh chu vengchhung nula leh tlangval te kan inenfiah a, kan inngaihtuah chian a \ul hle a ni. Tuna CM Running Trophy atana kan veng aiawha tel te a tam zawk Middle School zirlai leh YMA Member pawh la ni pah mang lo te an ni a, an zirtirtute  hnenah hriatthiamna chawlh  dilsak te a ngai a,heng kan nau te hian keini an u zawk ten kan tel peih lohna ah tlawmngaiin, lehkha zir tur ngah tak chungin kan ai min tel sak a,  khawnge a rual u zawk nula leh tlangval te hi kan awm zawh tak le? Kan veng hi heti zat \halai; nula tlangval kan awm ve tawh,hetiang angah hian \hahnem ngai tak leh tlawmngaihna nena veng tana kan thawhchhuah ve zel hi a pawimawh takzet a ni. Keini nula leh tlangval te hi kan thiltihna reng rengah leh kan awm danah kan naute zawk entawn tura kan awm a,kawng engkimaha sulsutu leh a thil \ha zawk kawhhmuhtu leh tihhmuhtu kan nih hi a pawimawh takzet a ni tih i hre reng ang u. Keini a rual u zawkte hian tlawmngaihna leh \hahnemngaihna nena kan veng tan theih tawp chhuah zel i tum \heuh ang u.

ARTICLE

PRESBYTERIAN KOHHRAN INRELBAWL DAN

(Chhunzawmna)

 IV.  PATHIAN BIAK INKHAWM A KALPUI DAN

            Rev. Saiaithanga  chuan  Pathian  biak  inkhawm  hi, “Kohhran thlarau lam chawhlui a ni a, kohhran nunna atan a pawimawh em em a; chuvangin, urhsun tak, fel tak leh zah taka tih tur a ni,” a ti. Presbyterian Kohhran hian a din tirh a\ang khan Pathian biak inkhawm hi a ngai pawimawhin a la urhsun hle a. Mumal taka inkhawm a nih theih nan sulsutu John Calvin-a hun a\ang tawh khan Inkhawm Kaihhruainate siam a lo ni tawh \hin.

            Mizoramah  chuan  Kohhran  hun  ruat  pangngaiah Pathian biak inkhawm kar khatah vawi nga kan nei tlangpui a, chungte chu- Nilai zan inkhawm, Inrinni zan inkhawm, Sunday  School inkhawm,  Pathianni chawhnu inkhawm leh Pathianni zan inkhawm te a ni. Mizorama kohhran a din tirh lamah chuan Nilai zan inkhawm hi danzawhkimte inkhawm hun atan hman \hin a ni a. Inrinni zan hi \awng\ai inkhawm huna hman \hin a ni bawk. Kohhran tam takah chuan thuhril leh chak zawng sawi chhuahna hun atante hman tel a ni ta hlawm. Hengte bakah hian thawh\an zanah KTP an inkhawma,  thawhleh  zanah  Kohhran  Hmeichhia an inkhawm bawk a.  Kohhran  Pavalai  Pawl  chuan ram  pum  huapin inkhawm danah kalphung inang tlang an la nei lo.

            Presbyterian  Kohhran  Pathian  biak  inkhawmah  hian Bible chhiar te, \awng\ai te, hla sak te, Pathian thu sawi ten hun a luah tam ber a. Bialtu Pastor-te remchan dan azirin kum khatahBaptisma Sakramen vawi thum vel leh Lalpa Zanriah Sakramen vawi li vel neih a ni tlangpui a, Kohhran len leh len loh azir a ni ve bawk. A hun azirin Apostol-te Thuvawn leh Nicaea Thuvawn chhiar rual te, Thurin chhiar te, Thuchhiar inchhawn  leh  Lalpa  |awng\aina  hmanga  \awng\ai  rual  te neih a ni bawk \hin. Hun bik tih lohvah chuan Bialtu Pastor te chu an inkhawmna apiangah Pathian biak inkhawm hruai tura ngaih leh beisei an ni. Pathian biak inkhawmah hian \an hun kan nei a, ban hun erawh chu ruahman lawk a awm lem lo va, chuti chung chuan darkar khat kan enzawn tlangpui ta hlawm niin a lang.

V.  KOHHRAN |AWNGKAM |HENKHATTE

            Kohhran hrang hrangte hian \awngkam kan hman dan hi a inang vek lo va, Kohhran pawl khata awmte zingah pawh duhtui  deuh  leh  duhtui  lem  lo  a  awm  theih  bawk.  Heng  a hnuaia  mite  hi  Mizoram  Presbyterian  Kohhrante  chuan Kohhran  huangchhunga  \awngkauchheh  kan  hman  dan tlangpui a ni :

1.  Tarik ni hmingte : Pathianni, Thawh\anni, Thawhlehni, Nilaini,  Ningani,  Zirtawpni,  Inrinni.  Pathianni  hi chawlhkar khata ni hmasa ber a ni tih hriat tlat tur a ni. Kohhran hun ruat hian kar hnih a khawih tel zel avangin ‘Karleh Kohhran hun ruat’ ti lovin, ‘Kohhran hun ruat’ tih mai a \ha.

2.  Upaten Lalpa Zanriah Sakramen an buatsaih a, Pastor/Minister ten an \heh\hin.

3.  Kohhran Committee-in thununna tling khawp Kohhran

dan bawhchhia a hriatte chu a thunun\hin. (Hetiang hi phuaremaw hnawt chhuakemaw tia lam loh tur a ni. Hnawh chhuah chu Kohhran member nihna hlihsak hi a ni).

4.  Dan zawhkim tharte hi kohhranin la lut lovin kan lawm lut\hin.       

5. Kohhran dan bawhchhia thununte hi lawm luh ni lovin lak luh\hin an ni.

6.  Kohhran dang a\anga Tualchhung Kohhran pakhata pem te,  Testimonial  lehkha  chhiarsakte  hi  Kohhranin  a  lo dawngsawng \hin.

7. Sande Sikul kan tih \hin kha Sunday School tih a ni.

            8.  Lalpa Zanriah Sakramen tia Mizo \awnga kan ziah \hin hi Sunday School lamah chuan SacramentDepartment tiin dah a ni.

9.  Pathian  biak  inkhawma  Pathian  thu  kan  sawi  \hin  hi Thuchah ni lovin Thuhrila ni.

10.  Inneih  leh  Mitthi  vuinaah  Thuhril  kan  ti  ngai  lo  va, Thuchahkan ti \hin.

11.  Minister/Upa thi an awmin in lamah Thlahnaneih a ni a, Biak Inah kan Vui\hin. 

12.  Inrinni zanah |awng\ai ho kan nei ngai lo va, Tawngtai rual kan nei \hin.

13.  Monu leh Mopa kan tih \hin hi Mo leh Moneitu tih an ni.

VI.  KOHHRAN INTHUNUNNA LAM

            Min kotu Pathian a thianghlim avangin amah  ringtute pawh  nun  dan  thianghlima  nung  turin  min  phut  a.  John Calvin-a  pawh  khan  inthununna  chungchang  hi  a  ngai pawimawh  hle.  Kohhran  dan  bawhchhiate  hrem  duh  vang lam ni lovin, thununna tawkten sima Pathian leh a Kohhran lam  an  hawi  hi  a  duhpui  a.  Vawiin  thlengin  khawvel  ram hrang hranga Presbyterian Kohhran leh a hnahthlakte chuan \ha takin kan la kengkawh zel a ni.

            PCI  Dan  Buin  thununna  tling  bawhchhiatna  a  sawite chu - tualthah, inngaih, uire, aien, Kristian rinna kalh zawnga sakhaw biakna leh dan bawhchhiatna dang Synod-in thununna tlinga  a  ngaihte  hi  a  ni  a.  Hengte  baka  Mizoram  Synod-in inthununna tlinga a ngaih langsar zualte chu - rukruk, zu sa, zuar leh inte, khawvel dana inneite, puan inzawna mu, inkawp lo  chi  inkawp  (Homosexual  &  Lesbian), Kohhran  remtihna ni  lova Indian Christian  Marriage Act leh Special Marriage Act  hmanga  inneite,  mi  pawngsualtute  leh  a  puitute,  etc. Inngaihna suala tlute thunun lamah hi chuan Kohhran hian a ti\ha khat viau a. Tualthat thunun te, rukru thunun te, zu sa, zuar leh in thunun te, aien thunun lamah hi chuan thununna kan kengkawh \ha vak lo niin a lang. (Chhunzawm tur)

                        SYNOD  HRIATTIRNA    

            Central Sawrkar-in November 8, 2016 zanlai a\anga Rs. 500 leh Rs. 1,000 note a tih thih tak avangin, Synod Office lam chuan note hlui an dawng thei tawh dawn lova, Bial Treasurerte'n Bank-ah Synod Account-a deposit emaw, Account dang a\anga rawn Transfer/Cheque a pek emaw tur a ni ang a, Bank Receipt, Form C, Form M, etc. hmangin Pathian ram sum rawn thehluh tawh tur a ni e. Synod Account No. leh thil \ul dangte chu Synod Office Finance Department lama thawktutezawhfiah theih a ni e. Synod hnuaia Office leh Department hrang hrangte pawh fimkhur turin kan inchah a ni

Sd/- Rev. Lalramliana Pachuau

Senior Executive Secretary

Mizoram Synod

 

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

LAWMTHU SAWINA

            Saikhamakawn YMA Branch ten YMA Rûn chu MUP, Saikhamakawn Unit te hla zir nan kan mamawh hun apianga hman min phalsak avangin kan lawm êm êm a. Tin, Chawlbawla Section ten an khuang phal taka min hmantir avangin MUP, Saikhamakawn Unit ten lawmthu kan sawi tak meuh meuh bawk a ni.

Sd/-

(ZAIREMTHANGA)

Secretary

MUP, Saikhamakawn Unit

JOINT COMMITTEE THUCHHUAK

            Saikhamakawn vengchhung alo thianghlim a, alo him zawk  zel theih nan hengte hi ngaih pawimawh a, zawm tur a ni e:

Action Plan: Saikhamakawn vengchhung (Area) ah zu, ruihhlo eng chi pawh lakluh, siam leh zawrh khap tlat a ni.

a) Zu, ruihhlo eng chi pawh man vawi khatna chu thupha chawia ngaihdam a dil chuan thu intiam (Bond sign) a chhuah a ni ang.

b) Man vawi hnihna chu zu, ruihhlo eng chi pawh a tlem leh tam lam sawi lovin thuneitu Police/Excise hnenah pek a ni ang.

c) Man vawi thumna chu thu leh awm lova khawtlangin ensan a ni ang.

d) Man vawi lina chu vengchhung a\anga hnawhchhuah nghal a ni ang.

Sd/-

(C.LALDAWNGLIANA)

Secretary

Joint  Committee, Saikhamakawn

YMA HRIATTIRNA

a) Mi tupawhin awmpui, chhungkhat laina hnai pawh nise, Branch YMA hruaitute hnenah inhriattir (report) zel tur a ni e. Hei hi chhiat \hat thu ah kan him tlan zawkna tura tih a ni.

b) In luahtir tur ten, In luah hma in pêm lehkha chu Branch YMA hruaitute  hnenah thehluh tur a ni e.

c) Krismas hma in chhungte thlân leh a vel (area) tih fai vek tura ngen leh hriattir kan ni e.

d) YMA Saikhamakawn Branch Committee chuan kum 2016 Krismas lo awm tur atan vengchhung chei nise ti a a lo pass tawh angin vengchhung chei leh tum a ni a, chhungtinte vengchhung cheina tur an rawn khawn leh turah \hahnemngai taka lo thawh leh turin kan inngen a ni e.

Sd/-

(C.LALDAWNGLIANA)

Secretary

YMA Saikhamakawn Branch

LAWMTHU SAWINA

            Saikhamakawn Local Council chuan vengchhungin kan mamawh êm êm, Transformer chhia, a thlakna tur Sialsuk khuaa va lâk a ngai si a, chawpchilh takin ni 19.11.2016 (Inrinni) a thawkchhuak turin hnatlang neih anih theih nan kan au a, mi 35 vel tlawmngaia thawkchhuakin, hnatlangte kalna turin, mahni motor-te kengin an fehchhuak a, ni 23.11.2016 (Nilaini) hian Transformer hlui dah chhuaka a thar dah hnatlang neih leh a ni a, Electric Department a\angin mi 9 an rawn thawk a, tualchhung a\angin mi 36 tlawmngaiin kan han thawk chhuak leh a, Saikhamakawn vengchhungin electric êng lama kan harsatna phuhruk tura tha leh tui mai ni lo, motor-te thawh chhuaka inpete, Transformer thlâk theihna tura thawktu zawng zawngte chungah Saikhamakawn Local Council chuan thinlung takin lawmthu a sawi a ni e.

Sd/-

(R.BIAKTHANSANGA)

Secretary

    Local  Council, Saikhamakawn

LAWMTHU SAWINA

            Chief Minister Cultural Running Trophy hlawh tling taka kan neihtheihna tura an hun hlu tak leh tha leh zung senga chhumlo chatlova hma latu kan Branch Executive nula leh tlangval kan ruatte, incharge Pu.C.Lalduhsanga leh kan instructor Pu Albert Lalremsanga,Tv. Zomuanpuia (Nypee-a) leh kan participant nula tlangval, tleirawl fel tak takte veng tan a an inpekna a ropui kan van ti em! Tin, kan item \ha taka kan perform thei nan kan veng Govt. Middle School Headmaster leh Staff zawng zawngte chungah hun chep tak kara chawlh min pek theih avang pawhin kan lawm hle a ni. A tawp berah chuan a bul a\anga a tawp tluang taka kan hlenchhuah theina vengchhung nu leh pa te chungah leh Pathian chungah lawmthu awm rawh se.

Sd/-

(C.LALDAWNGLIANA)

Secretary

YMA Saikhamakawn Branch

    

TUALCHHÛNG

,       Nl.Vanlaldinpuii d/o Lalliankima (L) (T.Sec) chu damlohna avangin Aizawl Hospital-ah enkawl mêk a ni.

,Pu C.Laltlanthanga h/o Vanlalhriati (T.Sec) chu damlohna avanga Aizawl Hospital-a enkawl anih hnûin alo chhuak.

ADMNISSION, ADMISSION

            Nazareth English School, a good renowned for its excellence, Saikhamakawn, Aizawl opens admission for the academic session of 2017-2018. You are kindly informed and invited to admit yourself to avail the excellent, informative and effective teachings imparted through ecperienced teachers accomodated from inside and outside Mizoram. Apart from Spoken English Class being offered with no extra charge to our students, the school management lays a policy of launching excursion exploring other parts of India in accordance with its conveniences every year.

i)  Admission Fees:

` 1000/-  (For old comer)           

` 1300/-  (For new comer)

Monthly Fees:

` 500/- (For Nursery& KG)

` 600/- (For Class I- V)

            (Admission form and other detail information can be had from school‘s office during school hours)

Sd/-

(DAVID LALZARA FANAI)

Principal

Nazareth English School

Contact: 8415854809 (Mizo/English/Hindi), 8014656422

Zânin EPL Inkhel turte:

Watford Vs Stoke City (5:30)

@StarSport Select HD1

Arsenal Vs AFC bournemouth (7:45)

@StarSport Select HD1

Man. Utd. Vs West Ham (10:00)

@StarSport Select HD1

Southamton Vs Everton (10:00)

@StarSport Select HD2

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 20.11.2016

MIPUI AW

KARTIN CHHUAK

Vol. XXII Issue No. 47 Kristian Thalai  Pawl  Saikhamakawn Branch  Pathianni Dt.20.11.2016

VAWIIN CHÂNG VAWN

            Uain hi nuihzatbura mi siamtu a ni a, zupui hi insual bung bungna a ni; Chumi buma awmte chu an fing lo a ni. -Thufingte 20:1

KOHHRAN PROGRAMME:

Ni 20.11.2016 (Pathianni)

Chawhma Inkhawm

|antu              : Pi Zaithantluangi

Zirlai 43-na    : “Thlarau Thianghlim                                        leh harhna”

Chawhnu Inkhawm

Baptisma leh Lalpa Zanriah Sacramen

Rawngbawltu            :  Pastor C.Sapkaia

Zan Inkhawm

Thuhriltu       :  Pastor C.Sapkaia

K|P INKHAWM PROGRAMME

Ni 21.11.2016 (Thawh\anni Zân)

Sermon Inkhawm

Hruaitu           : Nl. Bridgette Zonunmawii

|antu              : Nl. K.Lalmuanpuii

Thuriltu          : Pu Tommy Zirnuntluanga

Thilpek lakhawm-:  Nl. Zorinpuii leh

tu turte                Nl. Babie Lalduhsaki

Zai hruaitute  : Pu Albert Lalremsanga

(15-30 Nov.)     leh Tv. F.Laldingliana

Keyboardist   : Tv. Zoliankima

KOHHRAN HMEICHHE

 INKHAWM PROGRAMME

Ni 22.11.2016 (Thawhlehni Zân)

Sermon Inkhawm

Hruiatu           : Pi Laltlanzari

|antu              : Pi Rothanpari

Thuhriltu       : Pi Lalhmangaihi

KOHHRAN PAVALAI

INKHAWM PROGRAMME

Ni 24.11.2016 (NingaZân)

Hruiatu           : Pu T.Lalrinthanga

|antu              : Pu C.Lalremruata (Mafela)

Thuhriltu       : Pu Vanlalfela

Khuangpu      : Pu Zakhuma Chhangte leh

                          Pu Vanlalfela

Thilpek lakhawmtu: Pu Lianchia

SERMON

RINAWMNA

                        Thih thlengin rinawmin lo awm rawh, tichuan nunna lallukhum ka pe ang che. Thlarauvin kohhranho hnena thu a sawi hi beng nei chuan hre rawh se. A hnehtu piang thih hnihna chuan engmah a tih lo vang, a ti e’ tiin. Thupuan 2:10 & 11

            Rinawmna hi mihring nunah chuan a hluin a pawimawh hle mai a. Mî rinkâi tawhlo laklawh tan chuan han rinawm ve viâu \hin mahse “a va mak ve” tih bak an hlawhchhuak zo ngai meuh lo a ni. Rinawmna hi a chânga neih a; neihloh chi a ni lova, a tir a\anga a tawp thlenga neih chi a ni. Rinawmna hi thil hloh theih a ni tih hriat a \ul bawk âwm e. Chuvangchuan rinawmna chu vawn nun reng a  tur a ni.

            Bible thu kan tarlanah khian thih thlenga rinawm turin min ti a, thih thlenga rinawmlo tân nunna lallukhum a chan theih dawn loh a ni. Thih thlenga Pathian tâna rinawmte chauhin nunna lallukhum an chang dâwn a ni. A nihleh engnge rinawmna chu ni ta ang? He khawvela kan awmchhungin Setana’n nasa takin min thlêm \hin a, kan nawmsakna tur pawh nisela sual lam kawng kalsana Pathian tana din tlat hi rinawmna chu a ni a, chu nun chu ringtuten kan neih ngei ngei tur a ni.

            Khawvel mite an duh ang angin an khawsa a, nuam an tih zâwng leh \ha an tih ang angin nitin hun an hmang \hin. Pathian hremna tawh ahnekin an nun kawng a tluâng viâu ni tein a lang \hin. Chutiang ti ve thei nimah ila engvangin nge Pathian tân kan rinawm tlat reng bik le? tia ngaihtuah châng a awm \hin. Nakinah kan khawvel nun a tâwp hunah thih thlenga rinawmte lawmman chu Pathianin min la pe ngêi dawn a ni tih hi kan hriat avangin khawvel mite angin kan awm ve thiâng lova, Pathian tâna kan rinawm chhan hi amah kan hmangaih vang a ni tur a ni tih kan hriatchian a \ulin a pawimawh hle bawk. Min hmangaihtu leh min tlantu tâna rinawm taka nuna, a tâna kan inpêk ve hi kan tih tur âwm rêng pawh a ni. Bible pawhin Krista tâna kan taksa hlan hi kan rawngbawlna tur a ni tih min hrilh chiang hle.

            A tawp berah chuan, keini mihring famkimlo leh fello, rinawm theilo hi engtin nge Pathian tan thih thlengin kan rinawm reng theih ang. Pathian duhzawng ti turin kan chakna a tlêm si, theihna kan va nei lo em! Pathian vêkin kan nunna atan a fa neihchhuan Isua Krista chu keini rinawm thei lote tân min rawn pe a. Chumi nun a\ang lo chuan mihringte hi Pathian tân kan nungin kan rinawm thei hauh lo. Thih thlenga rinawm taka Isua hnungzui tur chuan Ama nun kan neih a \ul a, chumi nun nei turin Thlarau Thianghlim chuan nitin min sâwm reng a ni, a hnen i pan ang u.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

                      Local Council in ui leh ar chhuah a khap reng a,chu chu kan veng chhungah pawh dan awm sa reng a ni. Mahse, tunlai hian kan vengchhungah kan ui vulh lai khawlaia chhuah \hin kan awm leh \an  ta a, ui neitute \heuhin kan ui vulh te kan khuahkhirh a, midang tan a hlauhawm a ni tih kan hriat reng a pawimawh. Kan ui vulh te khawlaia kan chhuah fo hian midang tan a seh a hlauhawm mai bakah mi kawtkai leh bathlara zun leh ek mai a ching a.  Kan ui vulh hi a fel a, tumah a seh ngai lo pawh kan ti a ni mai thei, mahse a neitu tan lo leh midang tan a hlauhawm reng tho a. Midang a seh in emaw, midang tan hnawksaka a lo awmin kut lo thlâkna deuhin emaw lo khawihna leh si se, a neitute hian kan khawngaihin kan thin a rim êm êm lawi si ang. Chuvangchuan mahni ui vulh \heuh \henawm khawvengte  tâna hlauhawm leh hnawksak zâwnga a awm loh nan leh mi kut an tuar mai loh nan kan enkawl a kan khuahkhirh reng a pawimawh em em a ni. Heng kan uite khawlaia kan chhuah tir mai mai fo hian kan Local Council te thupek kan bawhchhe fo bawk tihna a ni.

ARTICLE

PRESBYTERIAN KOHHRAN INRELBAWL DAN

(Chhunzawmna)

 5) General Assembly :General Assembly hi PCI rorelna sang ber a ni a, he thu ziak lai hi chuan Synod pakua a awm a, chungte chu an  din  kum nen hetiang  hian han tar  lang ila  :  Mizoram  Synod 1924,  Cachar  Hill  Tribe Synod  1930,  Manipur  Synod  1978,  Biateram  Synod 1996, Ribhoi Synod 1996, KJP Synod Mihngi 2002, KJP Synod  Sepngi  2002,  Zou  Synod  2006,  Karbi  Anglong 12K|P Thupui Zir BookletPresbyterian Church Synod 2015 -te an ni. Inkhawmpui neih  dan  chungchangah  chuan  a  kum   hnihna   zelah General Assembly hmasain hun leh hmun a ruatah neih \hin a ni. Inkhawmpui Puipate chu Moderator, Moderator Elect,  Secretary,  Treasurer  leh  Statistician-te  an  ni  a. General Assembly-a member-te chu Puipate, Minister leh Pro.Pastor te, Committee hrang hrang member te, Synod tin  Moderator leh  Secretary  te,  Presbytery  tin  aiawh mi panga zel thlan te, Presbyterian Women Fellowship (PWF)  aiawh  palai  sawmhnih  leh  Presbyterian  Youth Fellowship (PYF) aiawh palai sawmhnih te an ni.

            General  Assembly  mawhphurhna  langsar  zualte  chu Synod thar siam te, Danpui siam leh kenkawh te, Synod hrang hrang thu thlen ngaihtuah te, Ram pawn Kohhran dangte nen inlaichinna ngaihtuah te a ni a. Shillong-ah Office  a  nei  a,  Administrative  Secretary  pathum  leh staff dangte an thawk a. General Assembly hnuaiah hian rawngbawlna peng hrang hrang enkawl turin Committee hrang hrang pariat a awm bawk.

(Kum  2004  khan  General  Assembly-in Regional Assemblydin theihna dan a siam a. A dinhmun tura a siam dan hetiang hi a ni: General Assembly remtihnain Synod  pahnih  emaw  a  aia  tam  emaw  kal  khawmin Regional  Assembly  an  din  thei  ang  a;  mahse,  chung dante chuan Danpuia mi a kalh tur a ni lo. Synod hnuaia mi  ni  lo  Project  in\awm  chi  chungchang  chu  General Assembly  Executive  Committee-in  a  dawng  \hin  ang. Regional Assembly hi Church Court a nih ve loh avangin a hranin No. pek a ni ta lo a ni).

III.  Kohhran Rorelna Kalpui Dan

1.  Inkhawmpui leh Committee Hruaitute :Kohhran rorelna indawt  chhawnga  hruaitu  kan  invuah  dan  chu :  Tualchhung Kohhran  Committee  leh  Pastor  Bial  Inkhawmpuiah ‘Chairman’ tih  a  ni  a,  Presbytery,  Synod  leh  General Assembly-ah  te ‘Moderator’ tih  a  ni  thung.   Inkhawmpui inkara  thu  pawimawh  rel  turin  Bial  leh  Presbytery-in ‘Standing Committee’a nei a. Synod leh General Assembly chuan ‘Executive  Committee’ a  nei  thung.  Chutiang  kara thu  hmanhmawh  ngaihtuah  turin  Mizoram  Synod  chuan ‘Officers’ Meeting  (OM) a  nei  a,  General  Assembly  chuan ‘Working  Committee’ a  nei  thung  a.  Heng  pahnihte  erawh hi  chu  Danpuiin  Committee  Puitlinga  a  ngaihte  an  ni  ve lo.  Tualchhung,  Bial,  Presbytery  leh  Synod-tea  hruai  hnathawktute term hi kum khat a ni, General Assembly Moderator term erawh chu kum hnih chhung a ni a, (hei pawh hi kum hnih dana inkhawmpui neih a nih \hin vang a ni).

2.  Agenda  siam  : Inkhawmpui  leh  Committee  thu ngaihtuah  tur  (agenda)  chu  Secretary-ten  an  buatsaih  \hin. Tualchhungah  chuan  Kohhran  member  tinten  agenda  an thawh thei a, Bial agenda chu Tualchhung Kohhran leh Bial Standing Committee leh Presbytery a\angin a lut deuh ber a.

            Presbytery-ah chuan Bial leh Presbytery Standing Committee leh Synod a\angin a lut ber. Synod-ah chuan Presbytery, SEC, Board  leh  Committee  hrang  hrang  leh  General  Assembly a\angin a lut tlangpui a. General Assembly-ah chuan Synod hrang  hrang  a\ang  te,  Gen.Assembly Executive  Committee a\ang tein a lut deuh ber bawk.

3.  Member-tinte pawimawhna:Tualchhung a\anga General Assembly thlengin Inkhawmpuia mawhphurhna hrang hrangte chu Minister leh Upaten term neiin an inchelh chhawk a. Mi mal thua kal lovin, Inkhawmpui leh Committee rel ang vekin kal a  ni  \hin.  Chairman  leh  Moderator-te  chuan  bukna  dik  tak khai chungin member-te ngaihdan a\angin thutlukna an siam \hin a, a tam zawkte ngaihdan anga kal a ni tlangpui \hin. |an

lam nei taka Chairman leh Secretary-tena mahni ngaihdan an sawi ve fo hi thil kalhmang a ni lo va, tul bik takah lo chuan Chairman/Moderator leh Secretary chuan vote an pe ngai lo bawk.

            Presbyterian  Kohhran  rorelnaah  reng  reng  chuan member-te  an  intluk  tlang  vek  a,  zalen  takin  ngaihdan  an sawi thei vek a, vote thuhmun an nei \heuh bawk. Rorel an ngai  pawimawh  a,  an  pawtchhe  mai  ngai  lo.  Inkhawmpui rorelnaah ngaihdan a inan loh avanga thutlukna siam a harsat chuan vote hmanga thutlukna siam \hin a ni a, Committeeah  chuan  vote  hmanga  thutlukna  siam  a  ni  ngai  meuh  lo. Inkhawmpui leh Committee rorelnaah reng reng thu harsa leh khirh deuhvah chuan a  tam zawk duh  dana thutlukna siam mai lovin, hun danga ngaihtuah leh turin dah a ni fo bawk.

4.  Thuneihna inngaih pawimawh tawn :Kawng kal fel tak  (proper  channel)-a  thil  kalpui  hi  Presbyterian  Kohhran chuan  a  ngai  pawimawh  a.  Committee  leh  Inkhawmpui thu reng reng a hnuai zawk a\angin a chung chiahah a hlan chhawng  \hin  a,  Kohhran  rorelna   kal  kân  bik  neiin  thu  a kalpui ngai lo. Thuneihna an inzahsakin an inpawisa tawn a. Rorelnasang zawkin a hnuaia mi rorel a \hiahsak ngawt ngai lo va, a ngaihdan a nih loh pawhin ngaihtuah \ha leh turin a ti mai zawk \hin. Committee leh Inkhawmpui thu kalh zawnga chet lak chin hi Presbyterian kalphung kalh tlat a ni.

            Khawvel  ram  hrang  hrangah  Presbyterian  Kohhran chu mi mal  emaw,  mi  bikten  emaw ro  an  relna  a  ni  ve  lo va. A huhova mawh phurh tlanna (collective responsibility) leh hruaitu hna thawh hona (collective leadership) a ni  ber mai. Hetianga thawh hona a nih avang hian mi mal thiam tak emaw tling vak lo emaw te pawh an langsar vak tak tak thei lo. Mi mal thu a leng lo va, Inkhawmpui thu leh Committee thu a lal ber zel \hin. (Chhunzawm tur)

 

BENG TI VÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

LAWMTHU SAWINA

            Ni 6.11.2016(Chawlhni) a kan u Thangchhuana boral chungchangah hian Saikhamakawn Branch YMA, NGO hrang hrang leh Kohhran ho te leh mimal leh \henrual \ha te chungah hian a unaute hian lawmthu kan sawi tak meuh meuh a, vengchhungah mai duhtawk lovin |hiak a kan Inpui thlengin min buaipui a, vengchhung a alo awm ve \an a\angin tisa mamawh mai ni lovin thlarau lam nun thlengin in lo hmangaih em em a, keini unau hian kan theihnghilh ngai tawh lo ang. A mawilonaahte leh a bawrhsawm thuah pawh nasa takin inngaihsak \hin tihte kan hriat hian engmah thil hlu leh ropui hlan let tur che u kan nei lo, Lalpa’n a let tam takin malsawmna in vûr lêt \heuh che u rawh se.

In khawngaihna dawngtu

Thangchhuana unaute

|hiak

KOHHRAN HMEICHHE HRIATTIRNA

            Ni 25.11.2016 (Zirtawpni) hian Kohhran Hmeichhe Ni hman tur a ni a, member ten ngai pawimawhin hman \heuh i tum ang u.

A hmun: Biak In

|an hun: Dar 10:30am

Hruaitu: Pi Lalchhingpuii

|antu: Pi Saihmingthangi

Bible Women chanchin chhiar

Chhiartu:       i) Pi R.Lalthansangi

                 ii) Pi Saithangpuii

            Chawhnu lam chu a \ul anga hun hman a ni anga, Refreshment tui tak buatsaih a ni bawk ang.

ADMNISSION, ADMISSION

            Nazareth English School, a good renowned for its excellence, Saikhamakawn, Aizawl opens admission for the academic session of 2017-2018. You are kindly informed and invited to admit yourself to avail the excellent, informative and effective teachings imparted through ecperienced teachers accomodated from inside and outside Mizoram. Apart from Spoken English Class being offered with no extra charge to our students, the school management lays a policy of launching excursion exploring other parts of India in accordance with its conveniences every year.

i)  Admission Fees:

`1000/-  (For old comer)            

`1300/-  (For new comer)

Monthly Fees:

`500/- (For Nursery& KG)

`600/- (For Class I- V)

            (Admission form and other detail information can be had from school’s office during school hours)

Sd/-

(DAVID LALZARA FANAI)

Principal

Nazareth English School

Contact: 8415854809 (Mizo/English/Hindi), 8014656422

JOINT CULTURAL MEET CUM BIO-RESOURCES FESTIVAL, 2016

A hun: 25thNovember, 2016 (Zirtawpni) Dar 11:00am

A hmun : A.R.Ground, Aizawl.

            Central YMA huaihawtin Joint Cultural Meet Cum Bio-Resources Festival,2016 buatsaih a ni dawn a. Mizoram Chief Minister chu Khuallian a ni ang. Minister, Parliamentary Secretary, MLA leh Sorkar Department hotute chu tel vek tura beisei leh sâwm an ni.

            Central Young Lai Association (CYLA) leh Mara |halai Pawl (MTP) a\angin zaithiam zai ngaihthlak tur leh Hnam lâm en tur a awm dawn a, Sub Headquarters YMA 5:- (Lunglei, Champhai, Kolasib, Serchhip, Mamit) a\angin Cheraw kân pui an rawn entir ang. CM Running Trophy lo awm tura Top 10 chin ten Central YMA hmingin Chawnglaizawn leh Tlanglâm an entir bawk ang.

            Tunlai zaithiam lar tak tak, Israel Lalbiakrema,  K.C. Runremsangi, R. Lalhmangaihzuali (Zualbawhi) leh Lalruatfeli (Triau Trackx) ten zaiin mipui kalkhawmte an âwi dawn a ni.

            He Joint Cultural Meet Cum Bio-Resources Festival denchhen hian AR Ground sirah Bio-Resources Stall 20 zet hawn a ni dawn a. Mipui ten man tlawm zawka an lei theih turin Handloom leh Handicrafts, Mizo thuam hrang hrang, Ayush damdawi, Agriculture leh Horticulture Products etc. phochhuah a ni bawk ang.

            Joint Cultural Meet Cum Bio-Resources Festival hlawhtling tak kan neih theihna turin mipui a tam thei ang ber lo tel turin kan insawm a. YMA hruaitu leh member te phei chu kal vek tura beisei leh sawm kan ni e.

Sd/-

(C.LALDAWNGLIANA)

Secretary

YMA, Saikhamakawn Branch

    

TUALCHHÛNG

,Pi F.Lalzuimawii m/o J.Vanlalhruaia (V.Sec) chu damlohna avânga Aizawl Hospital-a enkawl anih hnûin alo chhuak.

, Zorampari d/o F. Lalzuimawii (V.Sec) chu damlohna avânga Aizawl Hospital-a enkawl anih hnûin alo chhuak.

TIAM TLAT  E

            F.Lalmuanpuia s/o F.Lalbuaia, Saikhamakawn leh Lalrempuii d/o Hranglawmzuala, Ramhlun te chuan ni 24.11.2016 (Ningani) Dar 1:00pm  hian  Kohhran dan thianghlimin Saikhamakawn Kohhran Biak Inah a nuamah pawh hrehawmah pawh “Tiam tlat e” an ti dawn. Nupa inlungrual tak leh fanau maltluan chawia damchhunga leng dun turin Mipui Aw Editorial Board te chuan duhsakna kan hlan e.

TIAM TLAT  E

            Zoduhawmi d/o C.Zokhuma, Saikhamakawn leh F.Lalsangliana s/o F.Hrangliana, Melthum te chuan ni 22.11.2016 (Thawhlehni) 1:00pm hian Melthum Kohhran Hall-ah a nuamah pawh hrehawmah pawh “Tiam tlat e” an ti dawn. Nupa inlungrual tak leh fanau maltluan chawia damchhunga leng dun turin Mipui Aw Editorial Board te chuan duhsakna kan hlan e. 

MUP SAIKHAMAKAWN UNIT

            MUP Aizawl South III Area Lengkhawm Zai Intihsiakna ni 16.11.2016 (Nilaini) a Tlangnuam a neih ah chuan vanneihthlak takin Pakhatna an ni a. Aizawl City Area 13-a Inzaisiakna Vanapa Hall ah ni 22.11.2016 (Thawhlehni) ah neih leh tur a ni a. Pathian hnenah mi \awng\ai pui turin Saikhamakawn mi zawng zawng kan sawm ngen a che u.

Sd/-

(ZAIREMTHANGA)

Secretary

MUP Saikhamakawn Unit

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350