Mipui Aw 31.7.2016

MIPUI AW

KARTIN CHHUAK

Vol. XXII Issue No. 31 Kristian Thalai  Pawl  Saikhamakawn Branch  Pathianni Dt.31.7.2016

Vawiin   changvawn

Mi suaksualte remruat anga awm ngai lo va, Mi sualte kawng pawha ding ngai lo va, Hmusittute thutphah pawha thu ngai lo mi chu a eng a thawl e. A lawmna chu LALPA danah a ni zawk a; A dan thu chu achhun azanin a ngaihtuah \hin. (Sam 1:1&2)

KOHHRAN PROGRAMME:

Ni 31.7.2016 (Pathianni)

Chawhma Inkhawm

|antu              : Pi Zuimawii

Zirlai 28-na    : “ Thlarauva khah thu”

Chawhnu Inkhawm

Thuhriltu: Upa Zonunmawia

                        Zân inkhawm

Thuhriltu: Upa C.Lalmuankima

K|P INKHAWM PROGRAMME

Ni 1.8.2016 (Thawh\an Z^n)

Short Sermon

Hruaitu               : Tv. Pc.Vanlalhriatpuia

|antu                  : Nl. Hmingthanpuii

Short Sermon     : Tv.Lalnunzira leh

                                Nl. F.Lalrintluangi

Thilpek lakhawm : Nl. Vanlalhruaii leh

tute                  Nl. Dephony Ramengmawii

Zai hruaitute      : Tv.Lalhriatpuia

(15-30 July)  leh Pu Albert Lalremsanga

Keyboardist        : Tv. Vanlaltluanga

KOHHRAN HMEICHHE

 INKHAWM PROGRAMME

Ni 2.8.2016 (Thawhleh Z^n)

Ramthim zin

A hmun          : Senior Hall

Hruaitu           : Pi Khawlvuani

|antu              : Pi J.Lalhmingliani

KOHHRAN PAVALAI PROGRAMME

Ni 4.8.2016 (Ninga Zan)

A hmun         : Pu Zakhuma te In

Hruaitu         : Pu Siamliana

|antu            : Pu Lianchia

Thilpek lakhawmtu: Pu Lallura

Hla zira hun hman tur a ni ang.

SERMON

“ Keimah lo chu pathian dang reng reng i nei tur a ni lo. Milem siam chawp chung lam vana mi emaw, hnuai lam leia mi emaw, lei hnuai lama tuia mi emaw, a eng anpui mah i insiam tur a ni lo; chung chu chibai i bûk tur a ni lo va, an rawng i bâwl tur a ni hek lo. Kei LALPA i Pathian hi Pathian thikthuchhia, pate khawlohna avanga fate hrem \hin, mi hawtute chu     chhuan thumna leh chhuan lina thlenga hrem \hin leh, mi hmangaiha ka thupêkte pawmtu sang tam takte chunga khawngaihna lantir \hin ka  nih hi.” (Deut.5: 7-10)

            Lal Isua Krista hian Israel fate Aigupta ram a\anga a hruai chhuak ang hian keini pawh misual boral mai tur kan nihna a\angin min hruai chhuak a, hrehawmna tinreng tuarin a nunna a hlan a, a thisen thianghlim tak mai chu kan tan a luang chhuak a chhandam kan lo ni ta a, a hlu in a ropui tak zet a ni.

            He khawvel dam chhung ropuina leh sanna te nawmsak châkna te hi Pathiana neih lohin min tlantu Isua Krista chauh hi Pathianah neih ila, a hrehawm chang pawhin kan tana a tuarna te hre reng chungin tuar thiam zel hi kan zir tur a ni.

            He khawvela kan ch^kna te zawng zawng hian Pathian hmel hliah tir lo ila kan ch^kna sual itawm tak tak te hi Lal Isua tan hnehna i puan khum zawk ang u.

            Khawvel thil kan rilru a kan pai reng \hin hian Lal Isua kan lo hlat a, khawvel thil kan lo Pathian leh \hin tih hria ila, he khawvel thil ral leh mai tur Vanrama kan chhawm theih loh tur thil hi engmah lo mai a nihzia i hmu thiam ang u.

            Kan thil tih engkim mai hi Pathian khawngaihna kan dawn avanga ti thei chauh kan ni tih hria ila thinlung leh tih takzetin Lalpa i hmangaih ang u.

            Kan Pathian hi amah hria a a thupekte zawmtu tan chuan nitin a hmangaihna a thar zelin an dawng \hin a, mahse a thu hria a zawm duh si lo te tan chuan Pathian thikthu chhia leh phuba lak hmang, amah an hmuhna tur a nih dawn phawt chuan mi hrem pawh pawisa lo, an thlahte zelah pawh chhuan thumna leh chhuan lina thlenga phuba la theitu a ni a, thinlung leh tih tak zeta a thu pawm a, zawmtute chu rilru reng reng a hriatsenloh thlamuanna a pe \hin a ni.

            Kan nunna leh kan neih zawng zawngte pawh hi ama ta a ni a, a duh danin kan chungah hian a thuneihna a hmang thei a nih hi hria ila, hre reng chunga thil tisualtu ni lovin, inthawina aia a thu awih duh tu kan Pathian hi kan theihna zawng zawngin, kan chakna zawng zawngin i hmangaih ang u.

            Pentikos ni a Thlarau Thianghlim a lo thlen dawn khan inhmangaihna leh inpumkhatna neiin Lal Isua thu an awih a, khawvelthil te ngaihtuah lovin Lal Isua thu an zawm a, an chungah Thlarau Thianghlim a lo thleng ta a, khawvela chanchin \ha puan darhna bul a lo ni ta a ni.

            Lalpa’n a thu malsawm rawh se, Amen.                

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

A HUN LEH A HMUN

            Thufing chuan, “A hun takah engkim ti la, a hmun takah engkim dah rawh” a ti. Chuvangin hetiang chiah hian mihring kan nih chhûng hian thil rêng rêng hi a hun leh hmun kan thliar thiam a pawimawh \hin khawp mai. Fiamthu pawh hi a hunah chuan a hlimawmin thil \ha tak a ni, amaherawhchu a hun lovah chuan midangte tân thinrimna emaw lungngaih ti zualtu lek pawh a ni thei. Hetiang chiah hian inhmuam ûp reng bula awm a hrehawm thei bawk. Chuvang chuan nuih hunte, hlim hunte, nawm hunte, \ah hunte, lungngaih hunte, ngui hunte, hrehawm hunte leh adt. pawh a awm thei a, a hun hi kan thliar thiam viau a pawimawh khawp mai. Hetiang chiah hian thil rêng rêng hian hmun a nei bawk a, “A hmun lova thil awm chu bawlhhlawh a ni” te an lo ti \hin. kan thil neih bungrua leh thil dang hrim hrim, keimahni thleng hian a awm lohna tura a awm emaw kan awm lohna tura kan awm emaw anih chuan bawlhhlawh a ni a; bawlhhlawh kan ni thei bawk. Chuvangchuan thil rêng rêng hi a hun leh hmun thliar thiam i zir zêl ang u.

ARTICLE

NINGEN

ZIAH ZAWM TURTE (Mizo \awng)

Dan narânin thumal, amaha parts of speech hrang neite hi ziah zawm tur a ni. Ziah zawm tur tam ber chu prefix (thuhmabet) leh suffix (thuhnungbet)-te hi an ni.

PREFIX

1. in

inbia, inchei, inngai, infak, induh, inren, in\hen, insu, ...

Hetianga prefix atan hman a nihin ziah zawm \hin tur a ni.

Prefix-a hman a nih hian thumal thar, awmze hran nei a siam chhuah chang pawh a awm- indang, inlêng, inriak, ...

'Inpui' (nu leh pate in):- Hetah hi chuan 'in' hi prefix ni lovin 'house' (noun) a ni a. 'pui' zawk hi suffix anga hman a ni. Lungpui, chempui, kawngpui, ...

2. ti leh tih

Tibo - tihbo                              Tichiang - tihchian

Tipung - tihpun                                    Tisual - tihsual

Tithitling - tihthitlin                  Tifel - tihfel

3. Inti leh intih

Intihria - intihhriat                    Intitlangvâl - intihtlangvàl

Intichak - intihchak                  Inti\ap - intih\ah

3. a - prefix anga hman chang a awm bawk.

achha, achinah, ahnekin, apiang, apui, aruangah, asiam, ata, atân, a\anga, asin, avangin, azirin, ...

SUFFIX

1. 'a' suffix-a hman dan

Aizawla cheng ka ni.                Nulaa chhiar a ni ve ta.

Mahnia tih ka duh.                   Sual chu suala thungrulh loh tur.

Selinga pianga seilian ka ni.     Nichina lo kal kha i pu a ni maw?

A mawl naa a hmel\ha hle.

2. Ah

Mizoramah, London-ah, K|P-ah, keimahah, hnungah, dawtah, kiangah, ...

Hetiang hunah hi chuan suffix a ni lo.

Ah! Nang i ni maw? (Interjection)

Chhangban ah khat hi ka duhtawk viau. (Verbal noun)

Naupang ipte ah tur ka lei a. (Verb- modified form of 'ak')

Chem hriamin mi ah chu le! (Modified form of 'ât')

Atan tihnaa hman a nihin ziah hran a ni bawk.

Nupui ah mi nei ta che.

I puan rawng chu kawr ah a mawi ngawt ang.

3. Awm

Awihawm, zahpuiawm, uiawm (uih ni lovin), ninawm, duhawm, ...

4. Ho

Sipaiho, kal loho, anniho, retheiho, ...

5. In

Takin, turin, pathumin, rinnain, kalin, ...

6. Na

Awmna, chakna, muanna, rinawmna, zawhna, inneihna, fakna, duhamna, ....

7. Pui

Anpui, chipui, Congress-pui, upatpui, pawlpui, ... (Mate)

Awmpui, kalpui, nuihpui, zawnpui, thawhpui, manganpui, buaipui, ...

Arpui, chempui, inpui, rulpui, keipui, nopui, vawkpui, khawpui, ...

8. Sak

ngensak, biaksak, peksak, paihsak, ...

9. San

Kalsan, kirsan, pensan, vah bosan, mutsan, ...

(Ensan, hawisan, nuihsan, ... Suffix a ni ve lo)

10. te (plural siamtu)

Ringtute, rimawi tumtute, zitirte, naupangte, kal lote, ...

11. tê (small)

artê, uitê, bawngtê, keitê, fiantê, mutê, khuangtê, ...

12. Thlâk

hahthlak, lungngaihthlak, manganthlak, zahthlak, chauhthlak, ...

13. Tir

Nihtir, chantir, kaltir, insualtir, hriattir, entir, ...

14. Tu

Betu, sawitu, in satu, hla satu, endiktu, fuihtu, thuhretu, khawngaihtu, ...

Intransitive verb-ah 'tu' an belh ve ngai lo.

Zâitu, ?hutu, dingtu, kaltu, lâwntu, chhotu, muhiltu, ... (Dik lo)

15. Zia

Nihzia, ranzia, thukzia, sanzia, seizia, zauzia, mawizia, duh lohzia, finzia, ...

Reference

MIZO |AWNG ZIAH DAN (Revised & enlarged)

Mizo Language Committee Book No. 1

           

BENG TIVÂR

VARANASI AH I ZIN ANG HMIANG

“Keini inralthuamnate chu tisaa mi a ni si lo va, kulhpui nghet takte thiatna tura Pathian zarah thil ti thei tak a ni zawk,” (II Kor.10:4)

            Varanasi khua hi UP State a Ganges luikam, Kolkata leh Delhi inkar Lucknow thlen hma deuha awm a ni a. Hindu ho khaw thianghlim niin Ganges luipuiah hian nitin mi tam tak damna duh vang te, van rama kai duh vang te in an in bual \hin a. Tin, mitthi te pawh an rawn la zel a, an bual fai a, lui kamah chuan halna hmun  kum 5000 vel lai meipui chu mit lovin an hal char char bawk a, nitin mi 50-200 hal ang ang ni.

            Rev.S.Lalkhuma leh tlangval pakhatin Z.E.M bul tumin kum 2004 khan hma an la \an a, kum 2007 ah Varanasi puala din \ha zawkin an hria a, Varanasi Mission chu a lo ding ta a. Tunah hian thawktu engemaw zat awm tawhin Rev.S.Lalkhuma chu Field Visitor a ni a, a nupui Pi Sangtei pawh a \angkai khawp mai.

            |awng\ai inpui leh Isua inlarna In thi hming pu in, Biak In leh a thawkte Quarter atan te, puan\hui zirna leh sikul kalna neilote tan sikul hawngin Missionary ten an zirtir \hin.

            Varanasi Mission chuan September, 2016 chhung hian karkhat chhung \awng\ai beihpui neih nise a ti a, a duh apiang kal theih a ni. Kal man mahni intum a ngai a, thlawhna emaw, train emaw duh zawk zawk August ni 15 hma in Upa Lallawmchhunga hnenah in-report tur a ni.

            Han ngaihtuah mai chuan a huphurhawm hle mai, mahse kan inralthuamna tur chu tisaa mi a ni lova, Pathian thu thiltithei, khandaih hriam tawn eng ang ai pawha hriam, nunna leh thlarau ruhtuah leh thling phel hrang khawp hiala chhun thei a ni tlat. Hindu kulhpui nghet takte chu a va han \hiat dawn teh lul em! Chu mi tur chuan Varanasi a kal turin Lalpa’n a duh che. “Heta hi ka awm, mi tir ta che”tiin i chhang ang hmiang.

(Varanasi Mission hi Synod hnuai a ni ova, Para Church a ni. e.g; TBZ te Apostolise)

            Khawlvuani

            Saikhamakawn                 

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

PAVALAI FELLOWSHIP PROGRAMME

Ni 31.8.2016

(Chawhnu Inkhawm ban)

A hmun: Pu Kamzawngliana te In

Hruaitu: Pu Siamliana

|antu: Pu Lalbiakvela

            Hla zira hun hman tur a ni.

HRIATTIRNA

               Saikhamakawn Local Council chuan AMC thuchhuak angin kawngpui sira motor zanriaka dah \hinte Parking Fee, thla tharah hian a rawn khawn dawn a, kawngpui sira motor dah \hinte kan inhriattir a ni e.

               Tin, bawlhhlawh paihna man hi englai pawhin Pi Chawngkungi, L.C. Treasurer hnenah a pek theih reng e.

Sd/- (R.BIAKTHANSANGA)

Secretary

Local Council, Saikhamakawn

HRIATTIRNA

               Vengchhungah Taxi alo pun zel avangin 1 August 2016 a\ang chuan vengdang Taxi, Saikhamakawn Taxi Stand-ah din a rem tawh dawn lova, Taxi khalhtute kan inhriattir a ni e.

Sd/-

Leader

SKK, Taxi Welfare

STAR PERFORMER AWARD DAWNG

               Nl.Malsawmdawngkimi d/o Chhakchhuakvunga (L), G.N.M tuna Colombia Asia Hospital Kolkata-a thawk mek chuan North East state pumpui a\angin midangte tana hnathawk \ha leh entawn tlak Star Performer Award a dawng a, Mipui Aw Editorial Board te chuan thinlung takin kan lawmpui a, a kal leh zelna turah duhsakan kan hlan e.

"Kan chaklohna lai ber chu kan beidawng leh mai \hin hi ani a.

Hlawhtlinna kawng pawimawh ber chu vawi khat chiah tih nawn leh \hin hi a ni."

            Thomas edition.

HRIATTIRNA

               Saikhamakawnah hian Director General of Police Mizoram (DGP(M)) hnuaia thawk unit hrang hrang kan lo awm ve nual ta a. Vengdanga an din ang bawkin POLICE WELFARE din ve \ha kan titlang dawn em? Sawi ho turin; a hnuaia hun leh hmun tarlanah hian Police service lai zawng zawng chu kim takin kalkhawm i tum ang u

A hun: 1.8.2016

A hmun: Pu Laldanzira In

Sd/- (Hav.LALHMINGLIANA)

3rdBn. MAP

CONVIENER

LAM THEIH

               Kan dawrah ATTA theihnghilh a awm a, he Atta hi Pi Saii hnena Ration an lak a ni a, a neitu kan awm anih chuan rawn lak tawh nise a \ha awm e. Kar hmasa lama dah tawh a ni a, a chhiat hmain rawn lak vat nise a lawmawm ngawt ang. Tunkar lo awm tur nilaini thleng nghah a ni ang, chumi hnûah chuan engtin pawh lo awm se insawisel thei lovang.

In \hian,

Mangheta

Saikhamakawn

CHATUAN RAMAH

               C.Lalzawma (Kum-54) chuan ni 25.7.2016 (Thawh\anni) zan khan Stroke avangin Chatuan ram min pansan ta.

               A kalsan tâk a chhung leh khat, a chenpui, a unaute Mipui Aw Editorial Board-te chuan kan tawrhpuiin Lalpan vengin awmpuiin thlamuan se tih kan \awng\aina a ni e.

"Mi chaklote an kalkawnga dâltu lungchang tak chu mi chakte tan an kalkawnga rahbi pawimawh ber a ni \hin,"

               Thomas Carlyle.

TUALCHHÛNG

,Pi Rozuali w/o Lalthanliana Ngente (V.Sec) chu damlohna avanga Kulikawn Hospital-a enkawl anih hnûin alo chhuak.

,Pu R.Vanlalpeka h/o Laltlansangi (V.Sec) te chuan a pathumna atan fanu duhawm tak an nei thar

,Joseph Vanlalnunmawia s/o Stephan CVL Chantluanga (V.Sec) chu damlohna avangin Falkawn Referral Hospital-ah enkawl mek a ni.

HNARUAK DIL THEIH

          A hnuaia tarlan ang hian Synod Hospital, Durtlang leh John Williams Hospital, Lungleiah hnaruak a awm a, kum 18–35 inkar tan dil theih a ni. Diltu chuan Kohhran lehkha leh thiamna Certificate thil telin ahnuaia hming ziak hnenah hian ziaka thehluh tur a ni e. Hlawh chu Synod Pay Scale zui a ni ang.

Dil theih hun chhung: August 18, 2016 (Ningani) Dar 5:00 p.m. thleng

Interview: August 24, 2016 (Nilaini); Dar 10:30 a.m.

Hna hming     Post ruak zat Qualification

1.Doctor (Specialist) (Regular Post)2

          (1) M.D. (General Medicine) (Any recognised

University)

            (2) M.S. (General Surgeon)     –do–

          (3) M.D/Diploma (Radiologist)     –do–

2.Medical Officer (Regular Post)2MBBS (Any recognised University)

3.Staff Nurse (Contract Basis)4GNM/B.Sc. Nursing (Any recognised University) for John Williams Hospital

(Staff Nurse tan Standard Application Form Synod Office atangin lakchhuah tur a ni a. Chutah chuan hriat tur pawimawh dah tel a ni).

 Sd/-

Rev. Lalramliana Pachuau

Secretary

Synod Service Board

Mizoram Presbyterian Church Synod

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 24.7.2016

MIPUI AW

KARTIN CHHUAK

Vol. XXII Issue No. 30 Kristian Thalai  Pawl  Saikhamakawn Branch  Pathianni Dt.24.7.2016

Vawiin   changvawn

Mi tin mahni chaknaa hruai bo leh hipa an awm chuan thlemna an tawk a ni zawk e. Tin, chakna chuan no a pai a, sual a hring thin a; tin, sual chuan a lo puitlinin thihna a hring thin.

- Jakoba 1:14 & 15.

KOHHRAN PROGRAMME:

Ni 24.7.2016 (Pathianni)

Chawhma Inkhawm

|antu              : Pi Lalrinengi

Zirlai 27-na    : “ Ringtu Thlarau nun                                        Indona”

Chawhnu Inkhawm

Baptisma leh Lalpa Zanriah Sacrament

Rawngbawltu: Pastor C.Sapkaia

                        Zân inkhawm

Thuhriltu: Pastor C.Sapkaia

K|P INKHAWM PROGRAMME

Ni 25.7.2016 (Thawh\an Z^n)

Hruaitu               : Pu Lalremruata

|antu                  : Nl. Eden Lallawmzuali

Thuhriltu            : Pu C. Lalnunsanga

Thilpek lakhawm : Nl. Zorinpuii leh

tute                        Nl. Baby Lalduhsaki

Zai hruaitute      : Nl.C.Zosangliani

(15-30 July)  leh Pu Tommy Zirnuntluanga

Keyboardist        : Tv. MS Dawngliana

KOHHRAN HMEICHHE

 INKHAWM PROGRAMME

Ni 26.7.2016 (Thawhleh Z^n)

Sermon Inkhawm

Hruaitu           : Pi Sanghluni

|antu              : Pi Rinchhungi

Thuhriltu       : Pi Sailothangi Sailo

KOHHRAN PAVALAI PROGRAMME

Ni 28.7.2016 (Ninga Zan)

A hmun         : Pu H. Remtluanga te In

Hruiatu: Pu T.Lalrinthanga

SERMON

HMANGAIHNA

            Khawvel hi hmangaih suh ula, khawvela thil awmte pawh hi hmangaih hek suh u. Mi tu pawhin khawvel hi a hmangaih chuan Pa a hmangaihna amahah a awm lo.

-Johana 2:15

            Pathian chu thil hmun thei loh; khawvel siam tirh atâ fiah taka hmuhin a awm a, thil siamah chuan a lang a ni (Rom 1:20). Chuvangchuan Pathian hi eng ang chenin nge kan kan hmangaih? tih a thil siam mihringte a\angin fiah takin hmuh kan tum dawn a ni.

            A hmasain mihring tungchhova kal tawh phawt chuan hmangaih kan nei \heuh tawh awm e. Nula tân chuan i tlangval hmangaih, tlangval tân i nula hmangaih, nu leh pa tân kan kawppui emaw, kan hmangaih tu emaw pawh a ni thei, kan nulât lâi; kan tlangval lâia kan hmangaihahte khân a chiang zawk awm e.

            Chutichuan, kan hmangaihte chu kan ngâi \hin a, kan thlahlel ngawih ngawih a, an bula awm kan châkin kan duh \hin a ni.Hmêl hmâi hmuh theih lohah pawh phone talin kan bia a, rei tak tak inbiak pawn kan ning lova, nuam kan ti zawk a, kan hlim \hin a ni. Hetiang chiah hian Pathian chu i ngai em? A bula awm i thlahlelin biak i châk ngâi em le? Pathian biak inkhawm, Pathian nêna lendun a thlahlel \hin em?

            I hmangaih tak maiin a hmangaih lêt ve kha nuam i ti \hin ti raw…? A hmangaih lêt ve loh che a i rilru awm awmdân pawh i hria, chutiang chiah chuan Pathian chu hmangaihna a khat Pathian a ni a, a hmangaih che a, i vahbosan lâi, i hmangaih lêt ve loh lâi khân a rilru i ti hrehawm \hin a, nang nunna tuikhur kalsantu kha ilo kir nghâkin a thlir reng che a ni.

            I hmangaih lakah chuan i rilru, i thinlung leh ngaihtuahna i pe nasa êm êm \hin.A \hente phei chu kan lehkha zirlaite a tibuai a, kan ngaihtuahnaah a awm reng a, kan thinlungah hmun a chang lian em em \hin a, rilru berah kan nei \hin a ni. Lalpa hian a i rilru a luah ve em? I ngaihtuahna a chang ve em le?

            Kan hmangaih tak takte tân chuan kan rilru mai pawh ni lo, kan taksa ngei pawh kan hlan phal \hin a ni lawm ni…? Tunah i taksa kha Lalpa tan i pe phal ve dawn em? Min hmangihtu chuan a taksa pawh a rawn pe phal asin. Pathian hi i hmangaih tak tak anih chuan i rilru leh taksa kha i pe phal tur a ni dawn lawm ni? Lalpa hi ilo hmangaih tak tak em? I ngaihzawng tluk pawhin ilo dah lo ang tih a hlauhawm kawp mai. Mahni \heuh hi i inchhûtin i inenfiah \hin ang u.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

VÂNTLANG THIL

            “Vântlang thil i tâ angin en rawh” an ti \hin. A dik khawp mai, amaherawhchu vântlang thil mahni tâ angin kan enna kawngah hian mi \henkhat tân chuan alo lâkkawih theih viau âwm e. Vântlang thil mahni tâ anga en tih vâng hian vântlang bungrua leh vântlang thil mahni ta chhawr taka lo chhawr vak vak mai leh mahni tâ ang mai lo hman bawrh bawrh a, ka tih rîral \hin hi thil \ha lo tak a ni. Chutiang nilovin vântlang thil chu mahni tâ ang maiin dimdawi tak leh uluk, felfai taka hmangin a chhiat leh \hatah mawh kan phur a ni tih hre reng chungin eng bungrua pawh nise kan vawngin kan enkawl zawk tur a ni.

            Hetiang ang chiah hian vântlang zunin, êkin, Notice Board, kawngpui, Step, Hall leh a dang dangte pawh hi a neitute vek kan ni tih inhria ila; a chhiat leh \hat, vawnfai leh then thianghlim kawngah pawh hian mipuite hian mawh kan phur nasa hle a ni tih inhria ila, veng hmêl lanna leh veng intehna pawimawh tak pawh a ni ngêi âwm e. Chuvangin kan vengchhungah ngêi pawh hian mitinte hetiang kawngah hian \an ila sauh sauh zêl ang u.

ARTICLE

NINGEN

            Antartic tuipuiah hian mihring ang tak mahse mihring ni chiah si lo ‘humanoid’ an tih ang hi cheng an lo awm ve reng em ni....

            Mi tute mai pawh hian he kan chenna khawvela tuifinriat zau tak mai awm chhungah hian engemaw thilnung danglam tak mai, mihring te kan la hmuhchhuah chian chiah si loh engemaw tak a awm hi chu kan ring tlang deuh vekin a rinawm a. Thenkhat te phei chuan thawnthu a Atlantis khawpui bo ta te pawh kha tuifinriat hnuaiah hian a la awmin an ring a ni a. Tuipui lam a thilmak sawi hi chuan tam tak te rilruah chuan thil pathum; Bermuda Triangle, Atlantis leh Mermaid te hi an lo lang hmasa ber \hin ngei in a rinawm a. Mermaid te ngat phei hi chu a tak tak a an awm ring hi khawvel mihring zingah hian a tam pawh an la tam viau reng a, an chanchin lah ngaihnawm tak tak sawi tur an hre hnem bawk. Heng tuifinriat hnuaia thilmak la finfiah theih chiah si loh mahse a mi nazawng ina kan hriat lar em em si loh zingah hian ‘Ningen’ an tih te hi a mak pawl tak chu an ni ve ngei ang le.

            Kum engemawzat kalta a\ang khan Japan ram velah khian Antartic tuipui vawt lutuk mai a khawsa mihring ang tak mahse lian tak mai si an awm thu sawi a awm fo mai a. Heng mihring ang tak ‘humanoid’ ho hi Japanese ho chuan ‘Ningen’ an ti a, sawkar ina an tirh whale chanchin zirna lawng vel atangin an hmuh thu hi an report fo \hin a ni.

            Heng Ningen an tih te hi a hmutu ten an sawi dan chuan an vun rawng hi a var vek a ni a, an taksa sei zawng hi 20-30meters bawr vela sei niin an pianzia hi mihring ang tak, ban leh ke te pawh nei vek leh mihring ang tak a kutzung\ang panga nei ve an ni in an sawi a. Thenkhat thung chuan mermaid ang deuh in ke aiah sangha mei ang an nei e an ti thung. Mihring angin hmel ang tak an nei ve lo a mahse an mit leh ka erawh a hriat hle thung niin an sawi bawk.

            Sawi dan pakhatah chuan hetianga whale chanchin vel zir tura Japan sawrkarin a tirh chhuah lawng pakhat a  thawktute zing a mi te chuan ral hla deuh hlek a tuipui a thil awm chu khawi ram emaw tuihnuai lawng ni turah an ngai a. Mahse an han pan hnaih a an han enchian nak chuan tuihnuai lawng awzawng a lo ni hauh lo mai a, a pianphung a\ang chuan mihring ruangam ang tak mai a ni tih leh chu thil chu amaha nunna nei che thei a ni tih an hre ta a, rei vaklo hnuah chuan he an thil hmuh hi thupui thuk lamah chuan a lut bo leh ta niin an sawi.

            Ningens te chanchin hi thawnthu a tak tak nge ni hriat chian theih loh ‘Urban Legends’ an tih ang chi deuh a ngaih a nih laiin 2 Channel Forum ah chuan sawrkar tirh whale research lawng a thawk ngeiin a sawi anga post a awm \euh mai a. He thil hian mi ngaihven pawh a hlawh hle nghe nghe a, chutah MU magazine tih Japanese ho in thil mak lampang an chhuina chanchinbu chuan 2007 November thla khan heng Ningens te chanchin an chhuina hi an rawn tichhuak ve leh bawk si a. Heng a\ang hian Ningens te hian ngaihven an hlawh lehzual ta a ni.

            He magazine a an ziah dan tlangpui ah chuan Southern sea an tih lai bawr velah hian a thilnung pianzia mihring ang tak, mahse lian tak si enge an nih chiah hriat chian theih si loh an awm thu te, South Atlantic Ocean, Nambia vaukam hnaih a hetiang ang thil thla Google Map ina thla an lo lak fuh te an tarlang bawk a. Chutih lai erawh chuan hetiang thil ‘Ningens’ an tih ang chi te hi an lo awm tak tak ngei em tih finfiahna erawh hi chu chiang tak a awm thei chuang lo a. Mi tam tak ngaihdanah chuan khawvel sawrkar lian hrang hrangte hian Ningens te hi an lo hmuh tawh \hin dan record fel fai tak an nei deuh nual hlawm a mahse mipui vantlang hriatah an puangzar duh lo mai niin an ngai ve thung a, mita hmutu ngei te pawh an thil hmuh te hi sawi chhuak lo turin an khap bet hmiah mai niin an ngai ve thung a ni.                   Ningens an hmuh te reng reng hi zan thim hnuaia an hmuh te an nih tlangpui \hin avangin an thla lak fuh pawh a har em em mai a, an thla an lakah te pawh hian vur tlang tuia lang ang maiin an lang \hin a, mahse ngun taka heng thlalakte hi zir chian chuan an taksa ruangam ang leh an vun mihring pangngai vun ang tak te chu a hriat theih khawp niin an sawi. Mahse heng thlalak te hi Ningens hi an awm nge a ni tih mipui vantlang hmuh a ti fiah turin an \ha tawk tlat lo hlawm a, \henkhat ngaihdan lah hian sawrkar lam hian thup \hen an nei niin an lo ngai ve bawk si a. Hetiang a nih avang hian Ningens te hi an lo awm tak tak nge tak tak lo tih chu finfiahna tha tak a awm hma chuan khawvel hian a hre tak tak dawn lo niin a lang.

           

BENG TIVÂR

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

YOGA LAKA FÎMKHUR TÛRA NGENNA

            Synod Excecutive Committe chuan Yoga chungchânga hma lâk thar rawtna a dawnte ngun takin a ngaihtuah a. Mizoram Kohhran Hruaitute Committee (MKHC)-in ‘Yoga chungchánga Kohhran mipuite hriattirna’ a tihchhuah thar chu Kohhranin an lo bawh zui theih nâna thawn chhuah turin a rêl a (SEC 263:64).

Kohhran mite chu sakhaw dang thiltih laka fimkhur tûrin kan inngên a, a hnuaia MKHC-in Yoga chungcháng a sawite hi ngai pawimawh tûrin kan inchah a ni :

1. Yoga hi Hindu philosophy a innghat tlat a nih avangin tih Kristian theihah kan ngai lo.

2. Yoga hmanga damna an sawi hian taksa damna chu eng emaw chen a thlen ve a ni mai thei a; mahse, damna tluantling, Isua Krista a\anga damna ang tak tak hi a thlen ve lo.

3. Yoga hi zâwi tê têa Kristiante chîm ral tumna leh sakhaw danga inlehtîrna tûra mi thinlung chhum hmin tumna hmanraw hlauhawm tak niah kan ngai a, chuvângin kohhran mipui zawng zawngte lo invêng fimkhur tûrin kan inngên a ni.

Sd/- ( UPA H. RONGHAKA )

Secretary

Presbyterian Church of India

Mizorm Synod

PAVALAI FELLOWSHIP PROGRAMME

Ni 24.7.2016

(Chawhnu Inkhawm ban)

A hmun: Pu Zakhuma te In

Hruaitu           : Pu T.Lalrinthanga

|antu              : Pu J.Lalramhluna

HRIATTIRNA

               Saikhamakawn Branch YMA chuan kumin Krismas lo awm turah hian kawnchei leh nise tiin a rel a, chumi atana chuan sum mamawh anih avangin chhungtinte hnenah lehkha ip rawn sem tur a ni a, \hahnemngai taka pawisa min lo thunsak turin kan ngen che u a, thlatin khawn \hin a ni dawn a ni tih mipuite kan inhriattir e. Ip hi section hruaitu ten an rawn semin an lakhawm \hin ang.

Sd/- (C.LALDAWNGLIANA)

Secretary

YMA, Saikhamakawn Branch

LAWMTHU SAWINA

               Fancy Electronics chuan YMA Hall-a hman turin Êng (Light) \ha tak leh manto tak mai chu YMA, Saikhamakawn Branch te min rawn pe a, Fancy Electronics chungah lawmthu kan sawi mawlh mawlh e.

     

MIPUITE HRIATTIRNA

               Chhiatni Fund indaihlohna avangin tunah hian thingphel, Kuang tur sawmhnih (20) a bâ in lâk a ni a, chumi man tur leh chhiat lam thila hman turin vengchhung chhungkaw tinah chhiatni fund rawn khawn leh tum a ni a, chhungkaw tinte kan inhriattir a ni e.

               Tin, Section tina khawntuten ni 15.8.2016 ral hmain an rawn khawn dawn a, chhungtinte hrethiam tak chunga lo inring turin kan inhriattir a ni.

Sd/- (C.LALDAWNGLIANA)

Secretary

YMA, Saikhamakawn Branch

“SOLO COMPETITION: PRAISE ON”

Synod information and Publicity Department chuan Kohhran ah zaithiam an lo pun zel theih nan, “Praise On”TV Show (Branch K|P Solo intihsiakna) Mizoram pum huap a buatsaih dawn a. Hemi atana hriat tur pawimawih te chu:

1) Praise On hi kan Kohhran rawngbawlna kawnga hmasawnna atan leh Kohhran Programme hrang hrang thinlung taka Pathian faka zai thei kan lo puna kan inhriat tawnna atana buatsaih a ni a, Mizoram chhunga K|P Branch tin te Solo intihsiakna a ni ang.

2)  K|P Branch tin a\angin Brach ruat ngei tel tur a ni ang. Mimala tel a rem lo ang.

3) He show a tel thei tur chin chu Presbyterian Kohhran, K|P member, mahni puala Audio Album leh Music Video Album la siam lo te tel theih a ni ang. (Music Video pahnihkhat emaw, Audio \henkhata zaina lo nei tawh te chu Album puitling siam an nih loh avangin an tel thei ang).

4) Lawmman:

Pakhatna: Rs. 80,000.00

Pahnihna: Rs. 40,000.00

Pathumna: Rs. 20,000.00

Consolation Prize (Top 10 tling chin): Rs. 5,000.00

5)  He show ah hian Round 4: Audition (First) Round, Second Round, Third Round leh Final Round a awm ang.

6)  Second Round a\ang hian TV-ah “Hruaina Eng” channel ah Live-telecast a ni ang.

7) District hrang hrangah Audition Round neih a ni ang a, Aizawl ah chuan Mission Veng Branch in an thleng ang a, July ni 30, 2016 a\angin hming pek theih a ni ang a, August ni 19-20, 2016 zai hun a ni ang.

            Hemi atana kan Branch a\anga tel duh te chuan  ni 24.7.2016 (Pathianni) ral hma in Branch  Secretary te hnenah in report tur a ni e.A \ul leh mawmawh awm apiang chu Branch in a buaipui ang.

Sd/-

(P.C VANLALHRIATPUIA)

Secretary

Kristian |halai Pawl

Saikhamakawn Branch.

TUALCHHÛNG

,Pi Rozuali w/o Lalthanliana Ngente (V.Sec) chu damlohna avangin Kulikawn Hospital-ah enkawl mek a ni.

,Tv. C.Lallawmzuala s/o C.Ramliana (L) (V.Sec) chu damlohna avanga Synod Hospital, Durtlanga enkawl anih hnuin alo chhuak.

,Pi Rokhawli w/o Upa Rallianzuala (L) (T.Sec) te chhungkua chuan chhungkaw mamawha hman atan Scooty (Flyte) an lei thar.

,Pu R.Lalkhuma h/o Saithangpuii (T.Sec) te chhungkua chuan chhungkaw mamawha hman atan Bolero thar an lei.

,Pu R.Lalsangzuala h/o Lalengpuii (V.Sec) te chhungkua chuan chhungkaw mamawha hman atan Bike (KTM RC 200) an lei thar.

,Pu Vanlalpeka h/o Lalbeiseii te chhungkua chu Chawngbawla Section a\angin Pu Dawngkima te in (V.Sec) ah an insawn.

OFFICER INCHARGE AIZAWL DISTRICT

Police Station Name of Incharge Contact Number Mobile Number

Aizawl P.S Inspr.Vanlaltluanga 2322319/2322375 9436155237

Bawngkawn P.S Inspr. Zarzokima 2340758/2347570 9862596158

Kulikawn P.S Inspr. Seikhuma 2322379 9862576630

Vaivakawn P.S Inspr. Ramfanfzauva 2342303 9856927618

Saitual P.S SI. R.Lalzawmliana 2562405 8014355185

Darlawn P.S SI.C.Zonunmawia 2569342 9862561967

Sairang P.S SI Liansangzela 2568209 9612311752

Sialsuk P.S SI.R.Chhawnkima 2571343 9862561994

Sakawrdai P.S SI. John Fambol 9862364400

Zonuam O.P SI. RS.Lalchungnunga 2341463 9612354323

New Vervek O.P ASI Zohunthara

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350