MIPUI
AW
KARTIN CHHUAK
Vol. XXII Issue No. 23 Kristian
Thalai Pawl Saikhamakawn Branch Pathianni Dt.5.6.2016
KOHHRAN PROGRAMME:
Ni 5.6.2016 (Pathianni)
Chawhma Inkhawm
Zirlai - 20 na : “Zirtirte
hnena Thlarau Thianghlim pek thu”
Chawhnu Inkhawm
Thuhriltu: Pastor C.Sapkaia
Zân
inkhawm
Kristian Chhungkaw Campaign
Thuhriltu: Pi Vanlalchhuangi, Asst. Secy. Hlimen Pastor Bial Kohhran
Hmeichhia
K|P INKHAWM PROGRAMME
Ni 6.6.2016 (Thawh\anni
Z^n)
Short Sermon leh |awng\ai
rual Inkhawm
Hruaitu : Pu C.Lalnunsanga
|antu : Tv. Lalhmingsanga s/o Vanlalfela
Short Sermon :
Tv. Lalfakzuala leh
neitu turte Nl. C.Zosangliani
Thilpek lakh- :
Nl. Lalsawmliani leh
awmtute Nl. Lalmalsawmi
Zai hruaitute :
Nl. R.Zonuntluangi
(1-15 June) leh
Pu Lalhmangaihzuala
Keyboardist :
Pu Lalchhandama
KOHHRAN HMEICHHE
INKHAWM PROGRAMME
Ramthim Zin
Ni
7.6.2016 (Thawhlehni Z^n)
A hmun : Biak InVestry
Hruaitu : Pi Lalhmachhuani
|antu : Pi Zothanmawii
KOHHRAN PAVALAI PROGRAMME
Ni 9.6.2016 (Ningani Z^n)
Hruaitu : Pu T.Lalrinthanga
|antu : Pu Sangmawia
Thuhriltu :
Pu R.Chalkhuma
Khuangpu : Pu H.Remtluanga leh
Pu Lalthanliana Ngente
Thilpek lakhawmtu: Pu Kamzawngliana
SERMON
THLARAU RAH
“Thlarau rah erawhchu hmangaihna te, hlimna
te, remna te, dawhtheihna te, ngilneihna te, thatna te, rinawmna
tethuhnuairawlhna te, insumtheihna te a ni zawk e; chutiang kalh zawngin dan
thupek reng a awm love.”(Galatia 5:22,23)
Galatia ramah hian Paula’n lehkha a
thawn hunlai hian Lal Isua ringtute hian
buaina an tawk ve nasa hle a ni tih hi a lehkhathawn atang hian a hriat
theih a. Chung an buaina tawh te chuan ringtute chu kawng dik lovah a hruai a,
zirtirna hrang lakah an pensan a hlauh avangin Paula chuan chanchin tha kan
hrilh che u ni lo, chanchin tha dang reng reng chu van atanga lo chhuk
vantirhkoh emaw pawhin rawn hrilh che u mahse, lo pawm suh u ti hialin a
lehkhathawnah hian a chah uluk a ni. Rinna kawnga pen bo theihna tur tamtakin
hetihlaia ringtute hi a nuai vel a. Rinna chungchangah te leh hnam ang zawnga
rinna kalpui duhna, bik riau nia inhriatna avanga rinna kawngah sang bika
inhriatna te chuan nasa takin a tibuai a.
Hetiang buaina hian a tuam vel mek
laiin rinna nun kawng dik an zawh theihna turin Paula chuan keima kut ngeiin in
hnenah lehkha hraw pui pui ka ziak hi en rawh u, tiin lehkha a thawn hial a ni.
Chutianga an buaina zawng zawng atanga kawng dik an zawh theihna tur atan chuan
Paula chuan ringtu nun dan tur a zirtirna pawimawh em em lo lang chu Thlarau
rah hi a ni. Heng thlarau rah Paulan a sawite hi Ringtu nunah chuan mawi takin
a lo rah chhuak thin tur a ni a tihna a ni.
Thlarau thianghlim changtute nunah
chuan heng hmangaihna te, hlimna te, remna te, dawhtheihna te, ngilneihna
te, thatna te, rinawmna te,thuhnuairawlhna te, insumtheihna te hi mite
hmuh loh theih loh; tlang chhipa khaw awm thuhruk theih a ni lo ang chiaha
langsarin a rah chhuak ngei thin tur a ni tiin Paula hian a sawi a ni. Thlarau
Thianghlim chang sang kan intih viau lai hian kan nun hi kan in enfiah ngun a
pawimawh hle mai. Keimahni in hmuh danah chang sang in ti viau thin mah ila,
heng rah chhuak hi miten an hmuh miau loh chuan kan nunah hahchawlhna tur leh
thlamuanna tur an hmu thei chuang lovang. Thlarau Thianghlim chenchilh nuna
rawn rah chhuak thin hi chu a mawiin, hmuhhmaih theih a ni lo. Chu chu mite tan
pawha hmuhnawm alo ni a. Chu chuan an bula awm a ti chakawm a, mite tan
thlakhleh tham a lo tling thin.
Ringtu piangthar, Thlarau thianghlim
chang sang kan intih mek lai hian heng hi kan nunah hian a rah chhuak meuh em
aw. Heng zawng zawng hi kan nunah a rah chhuak anih chuan miten kan nunah
hahchawlhna an hmu ang a, kan rawngbawlpuite tan rawngbawlpui nuam leh chakawm
kan lo ni ang. Nitina kan nun bulhnaia awmte tan thlamuanna kan lo ni dawn a
ni.
EDITORIAL BOARD
Editor : f
Pu R.Lalmuanpuia
9612159842
Jt.Editor:
Tv. F.Laldingliana
9862378567
News Editors :
Pu Tommy Zirnuntluanga 9862913684
Tv. Laldinpuia
9862813325
Tv.
Pc.Vanlalhriatpuia 9862732381
Tv.
Lalnunzira 9862664253
Tv.
Lalzirliana 9862381918
Circulation Manager:
Tv.Lalrinawma Sailo
8974945579
Nl. C.Zosangliani 8731005507
Editorial.........?
Khawvel
changkang zelin a rawn ken Mobile phone changkang tak tak a lo chhuak zel a.
Mitin maiin kan hum ta fur mai a. Hei hian media hmasawnna nasa tak a rawn keng
tel ve zel a, tunah chuan mimal tin kutah tih mai theih turin kan duh emaw duh
lo emaw chanchin tha lam leh chhe lam pawh ni se a lo thleng ta pha ta reng
mai. Tun hma chuan Radio chanchin thar puan hun hi ngaih pawimawh a hlawh hle.
A chhan chu kha lo chu thil dang atangin hriatna tur a awm tlat lo alawm. Tunah
chuan eng hunah pawh, rang takin a hriat
pawh theih ta vek mai. Heng in hriat pawh tawn nana kan hman lar hi chu
Whatsapp te leh Facebook te hi a la ni tlangpui a. A tha zawnga a tangkai ang
chiah hian a hman that loh theih a ni tih hi kan hriat a pawimawh khawp mai.
Tin, heng hi Electronic media a ni tih kan hriat reng hi a pawimawh a.
technology lo sang tawh lutuk hian thil awlsam tak takin a tih kual theih a nih
tawh avang hian thil engkim mai hi a langtlang vek tawh a ni tih hi kan hriat a
tul hle bawk. Chuvangin heng hi fimkhur taka kan hman a pawimawh hle a ni.
ARTICLE
QUEEN
British Rock band 1980’s chho a Rock
Music rawn thlak danglam tu, tun thleng pawh a mi tam takin khawvel mihring
piang tawh zinga zaithiam ber a an ngaih Freddie Mercury, Bryan May, Roger
Taylor, John Deacon ho in 1970’s bawr chho vel khan khawvel a Rock Band awm
tawh zinga ropui ber pawl ni turin London lamah an rawn indin chho ve \an a.
Brian May leh Roger Taylor te hi Queen band an zawm hma chuan, tunhma in band
khatah an lo thawk dun tawh \hin nghe nghe a. Band hming atan ‘Smile’ tiin
an invuah nghe nghe a, Freddie hian 1970’s ah a rawn zawm ve ta chiah a,
tichuan ‘Queen’ tih hmingpu in an thlak zui a, he hming hi an rawn pu
chho hlen ta ani.
Khawvel a Band hlawhtling ber pawl
te zinga chhiar tel anni a, an hla pawh a hit em em vek a nih kha, Mizo mipuite
pawhin an hla tam tak hi chu kan lo tuipui ve em em a, an hla hian mi a khawih
zar a ni, bakah Freddie aw hi a \hat mai bakah a hla sak te nen hian a in mil
em em bawk.’These are the days of our lives’, ‘Let me Leave’ te kha aw, ril tak
ani. Album lah an hralh tam narawh e, ‘Bohemian Rhapsody’ phei kha chu UK.
Singles Charts ah chawlhkar 9 chhung ngawt number one nihna a hauh a. Rock N’
Roll Hall of Fame ah pawh lawm luh an lo nih tawh mai bakah khawvela album
hralh hnem pawl zinga lang pha ngat kha an ni a. An guitarist Brian May chu
Imperial College ah a lut a, an Bassist Tim Staffell te hi band khat ah an awm
a, Roger pawh kan sawi tawh kha, chutih laia an band hming chu ‘Smile’ tih a
ni.
An college board ah chuan hriattirna
an tar a, hnaruak a awm thu, hetih lai hian Ealling Art College a kal an
\hianpa an Bassist Tim Staffell a \hian leh chhawng Farrokh Bulsara (Freddie
Mercury) kan tih
kha
a rawn tel ve ta a, tichuan ‘Smile’ tih hming chu Bulsara (Freddie Mercury)
chuan ‘Queen’ tiin a thlak danglam ta a, he band hming hi an pu hlen ta a ni.
John Deacon te nen chuan an album hmasa ber tur ‘Liar’ tih leh ‘Keep Yourself
Alive’ tih leh ‘The Night Comes Down’ tih te ‘Jesus’ tih hla te chu demo tape
ah chuan record in an dah \ha ve ren rawn a, tih tak tak a hlawhtlinna hmu ngei
turin an thawk \an ta. Farrokh Bulsara pawhin Freddie Mercury tiin a inthlak ta
bawk a ni.
Tichuan lungrual takin an \hianho
chuan College chu an chhuahsan ta. Freddie pawh an band logo design tur
buaipuiin a buai char char a, an thawkrim bawk a, hlawhtling tak tak turin an
bei a, an hlawhtlinna rah pawh an tel tawk ta reng a,chawimawina chi hrang
hrang an dawng a. Brian May lah music thiam tak a nih mai piah lamah hla phuah
thiam elkhen a lo ni bawk nen, an hla hit em em ‘We Will Rock You’ tih hla te
kha Brian a phuah ngat a nih kha, hei lo pawh an band hla ah hian a kut chhuak
a tam mai sawi vek sen a ni lo.
FREDDIE
MERCURY: QUEEN a an zai tupa ber hi alo pian tirh a a hming dik tak chu Farrokh
Bulsara a ni daih, a nu leh pa Bomi leh Jer Bulsara inkarah September 5,1946 ah
Stone town, Sultanate of Zanzibar (tuna Tanzania) an tih ah a lo piang a.
Indian thisen kai ve tho a nih hi aw, India ramah St.Peter’s School ah lehkha a
zir a, kum 7 a nihin Piano te a zir bawk a, Mumbai ah a pi te bulah awmin
St.Mary’s school ah te a kal ve tlauh2 thrin a, hemi hnu hian West London ah
zirna a zawm leh ani, zirlai pawh a thiam pawh a thiam hnem, naupan laia ,
naupang harh vang ve tak leh, cher ria deuh, ha kuh ve deuh hi a ni a,
khatihlai khan khawvela Band ropui tak tak ten concert an neihna \hin London-a
Wembley Stadium ah mipui nuai tel ala hui khawm ang tih hi a in ring ngai lo
ang, mahse talent \ha tak Pathian in a pek chu hmang \angkaiin khawvel mipui te
ama zunah a uai tir a nih kha.
A tira Income Tax Office a
accountant ve mai kha, ama band Queen a rawn din \an chiah khan a nun hi a
inlet thawk a ni ber mai, Queen hla lar ber pawl,’Bohemian Rhapsoddy’mipui hmaa
a han sak chiah khan miten an lawmin an hlut em em a, an lar em em a nih kha.
Sawi tawh angin larna hian nun a tichhe thei kan tih tawh kha, Christian sakhaw
vuantu a ni lo a Zoroastrianism sakhaw vuantu niin, an vanglaiin an lar em em a,
a hla sak apiang a hit em em zel a, ‘Made in heaven, te,’Too Much love will
kill you’ te ‘ let me live ‘te kha hit kai \hah vek an ni.
Ni e an lara
duhtawkin khawvel a chena, ruihhlo, leh sex lamah a tlan nasa em em a nih kha,
a hla ah hian ‘Bohemian Rhapsoddy’ah te pawh hian illuminati kaihhnawih hmuh
tur a awm a ni. Khawvel nawmchenna a tlan nasat luat avangin at awpah AIDA a
vei ta, AIDS natna vangin November 24,1991 khan kum 45 mi chauh niin Kensington, London, England ah a lo
boral ta a ni. Mahse a vanneihna chu khawvelah duhtawkin a tlana, natna
hlauhawm tak AIDS natna a vei meuh chuan, a thlarau nun inbuatsaih nana hmangin
a thih hma hian a piangthar hman ta hlauh a ni.
BENG TIVÂR
FORMULA |ANGKAI |HENKHAT
Bawng
rih zawng formula:
Bawng pum rih
lam formula hi kg
vel a ni a.
I = a thlukvum leh a mei
bul inkar (centimeter a tehin)
K = a ^wm len lam leh kual (centimeter a tehin)
A awmzia chu bawng thlukvum leh a
mei bul inkar centimetre in kan teh ang a, tin a ^wm len lam kan teh leh ang a,
chu chu kan puntir ang a, chu chu 50 in kan sem ang.
Rangva
inchung Formula:
In kan sakin a
chungah rangva bandh engzat nge ngai ang tih kan hisap \hin a, hetiangah hian
rangva bandh hman zat tur formula chu Ixb bandh a ni ang.
I =
kan
in sak dung lam (Feet. a tehin)
b
= kan
in sak vang lam (Feet. a tehin)
Tichuan kan insak dung lam leh vang
lam kan puntir ang a, 100 in kan sem ang a, rangva bandh zat a chhuak ang. Kan
insak chu a dung feet 30 a vang feet 20 a nih chuan rangva bandh bandh 6 kan hmang dawn tihna a ni .
NB
: Rangva bandh khat hi a sei lam zawm khawm a Feet 72 ang a ngaih a
ni. Feet 6 chinah bandh khatah phek 12, feet 7 chi ah phek 10, feet 8 chi ah
phek 9, feet 9 chi ah phek 8, feet 10 chi ah phek 7 a awm deuh ber a ni.
QUIZ
Spot the difference:
Hming : ________________________________
Section:
________________________________
Chhanna leh
lawmman hi Circulation Manager Nl. C.Zosangliani emaw Tv. Lalrinawma Sailo
hnenah thehluh tur a ni a, thai dik hnem berin lawmman an dawng anga, tihdik
zat in ang an awm anih chuan \hum vawr a ni ang.
EUROPEAN
CHAMPIONSHIP FIXTURE
Saturday, 11 June 2016
12:30am
-France vs Romania
06:30pm
-Albania vs Switzerland
09:30pm
-Wales vs Slovakia
Sunday, 12 June 2016
12:30am
-England vs Russia
06:30pm
-Turkey vs Croatia
09:30pm
-Poland vs Northern Ireland
HRIATTIRNA
Kum 2016 YMA Day chu
keini
Branch YMA chuan ropui takin hman kan tum a.Volley Ball Court ah Infiamna chi
hrang hrang a hun hman tur a ni a. Programme chu hetiang hi a ni:
1)
Elephant Four: Ni 11.6.2016 (Inrinni) dar 10:00 am hian
khelh a ni ang. Section tin a\angin team
4 \heuh chhuah tur a ni a. Final chu YMA Day (Ni 15) ah khelh a ni ang.
2)
Lengkhawm zai: Ni 14.6.2016 (Thawhlehni) zan hian “Zo Zan”
hun hman a ni ang a, lengkhawm zaia
intihsiakna neih a ni ang a, Section inchei ‘Zo’ ber thlan a ni ang
a,tin, hemi zan vêk hian ‘Châi’ a awm bawk ang.
3)
Insuknawr (Men): Section tin a\angin team thum zel tel tur a
ni a, weight category a \hen a ni lo ang.
4)
Tug of War (Mixed): Section tin a\angin team khat \heuh, mipa 5
leh hmeichhe 5 chhuah tur a ni.
5)
Inbawlvawm (Deathball): Section tin a\angin hmeichhia
member 10 zel chhuah tur a ni.
6)
Inkawibah : Section tin hmeichhia leh MHIP member te tân
a ni ang a, member 10 zel, minute 10 chhunga, bu thleng sang ber chaka puan tur
a ni. Bu thlen chin inang an awm chuan râl sâia chak zawk zawn tur a ni ang.
7)
Ball Tunnel Race: Hun awm dan a zirin Section tin a\angin
member 10, mipa 5 leh hmeichhe 5 team khat \heuh chhuah tur a ni ang.
8)
Marathon Race (YMA Chhang):YMA Day zingkar dar 6:00am ah YMA
Chhangte tan Marathon Race neih a ni ang.
*Vengchhung
a\anga HSLCleh HSSLC passed tharte chawimawina Certificate YMA Day hian hlan an
ni ang.
*
YMA Day hi zing dar 10:00 am ah \an tur a ni ang a, Section member inchhiarna
in point a keng hnem ber ang.
Sd/-
(C.LALDAWNGLIANA)
Secretary
YMA Saikhamakawn Branch
MIPUI AW HRIATTIRNA
Mipui Aw a chhuah tur chi
hrang hrang hêng Sermon, Article, Lawmthu Sawina, Hriattirna,
Advertisement etc. neite chuan engtiklai pawhin Mipui Aw Editorial
Board- te hnenah a pêk theih reng a. Tin, thu chhuah tur nei rêng rêngte chuan
kan thuchhuah turte ziak ngêia pe zêl tawh turin kan inngênin kan inhriattir a
ni e.
LAWMTHU SAWINA
Electric 11 KV line ni 31.5.2016
(Thawhlehni) a chat siam chungchangah,
vengchhung mite hriattirna turin a au theih fum fe meuh si lo a, chutiang
pawhin vengchhung mite a hria apiang mai tlawmngaiin, thawktute puibawmin a hrehawm pawh sawi miah lo a, châk zawng
thawk ang mai a mitlawmngaite che vel han hmuh hian a thlamuanawm tak zet a,
mitlawmngaite inpekna azarah hun reilotêah êng kan nei leh ta mai hi a lawmawm
tak zet a. Tlawmngaih chhuah a, hun leh tha sengtu zawng zawngte inzavaia
chungah Saikhamakawn Local Council chuan thinlung takin lawmthu kan sawi a ni
e.
Sd/- (R.BIAKTHANSANGA)
Secretary
Saikhamakawn Local Council
LEHKHABU! LEHKHABU!
Watchman Nee leh Witness Lee te
ziah, Pathian thu lehkhabu chi hrang hrang kan zuar e. Khawngaih takin min rawn
dawr ve rawh u.
In \hian Mathani/Thantei
Archaw Dawr
Lalrinliana In
Saikhamakawn
SKKBC HRIATTIRNA
Saikhamakawn Badminton Club
Membership Fee Renewal tih alo hun leh ta a, Membership Fee `50/-
Tv. Pc.Vanlalhriapuia emaw Tv. Lalfakzuala hnenah emaw pe in ni 12.6.2015 aia
tlai lovah in renew tur a ni e. Club Member ten i ngaipawimawh hram hram ang u.
Sd/- (F.LALDINGLIANA)
Secretary, SKKBC
TUALCHHÛNG
,Pi Lalrammawii w/o Pu Lalpianthanga (Ch.Sec)
chu damlohna avanga New Life Hospital-a enkawl anih hnûin alo chhuak.
,Pu
F.Lalbuaia h/o Pi Lalhmangaihi (V.Sec) chu District Research Officer (DRO) ah a
kâi sâng a, Champhai ah post a ni.
,Pu
Lalthuneiha h/o Pi J.Lalhmingliani (V.Sec) te chuan an in sak thar an luah fel
ta.
,Pu
P.C Laldingliana s/o Vanlalduhi (T.Sec) te chuan chhungkaw mamawha hman atan
Bike (Apache RTR) thar an lei.
,Pi
F.Lalzuimawii m/o J.Vanlalhruaia (V.Sec) te chuan Scooty (Activa) thar an lei.
,Pu
C.Zokhuma h/o Lalsangi (L) (V.Sec) te chuan chhungkaw mamawha hman tan Scooty
(Activa) an lei thar.
SYNOD REVIVAL MEET
Synod Revival Meet chu Bungkawn
Kohhran Biak Inah neih mêk a ni. Hrechiang duh tan https://ktpskk.wordpress.com/
ah entheihin a awm e.
DOUBLE M.Sc PASSED THAR
Nl.
Lalramhluni Chawngthu d/o Pu C.Lalhmunngheta (T.Sec) chuan M.Sc (Applied
Geology) leh M.Sc (Ecology & Environmental Science) chu
Ponducherry University a\angin Ist division ah ve ve a passed a, Mipui Aw
Editoroial Board te chuan kan lawmpui tak zet a, a kal leh zelna turah duhsakna
kan hlan e.
CHATUAN RAMAH
Nl. Rody Lalbiakzuali (Kum-26) d/o
Pu F.Lalhmachhuana chuan ni 1.6.2016 (Nilaini) khan chatuan ram min lo pan san
ta.
Mipui Aw Editorial Board-te
chuan kan tawrhpuiin a kalsan tâk a chhung leh khat, a nu leh pa leh a unaute
Lalpa’n vengin awmpui zel se tih hi kan \awng\aina a ni.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 350
No comments:
Post a Comment