KTP SKK: Mipui Aw 6.3.2016

MIPUI AW

KARTIN CHHUAK

Vol. XXII Issue No. 10 Kristian Thalai Pawl Saikhamakawn Branch Pathianni Dt.6.3.2016

Vawiin changvawn

Bumin awm suh u; Pathian chu hmuhsit zia a ni lo ve; miin a theh apiang, chu mi vek chu a seng bawk dawn si a; Mahni tisa lama thehtu chuan tisaa mi chhiatna a seng ang a; Thlarau lama thehtu erawh chuan Thlarauva mi chatuana nunna a seng dawn a ni. (Gal. 6:7-8)

KOHHRAN PROGRAMME:

6.3.2016 (Pathianni)

Chawhma Inkhawm

|antu : Pi Sailothangi Sailo

Zirlai 9-na : “Pathian Thlarau leh Zawlneite”

Chawhnu Inkhawm

Thuhriltu: Upa Lalzama

Zân inkhawm

Thuhriltu: T. Upa C.Vanlalsanga

K|P INKHAWM PROGRAMME

7.3.2016 (Thawh\anni Z^n)

Short Sermon

Hruaitu : Pu C. Lalmuanpuia

|antu : Tv. Lalzirliana

Short Sermon : Tv. C. Laldawngliana

neitu turte : Nl. Lal\anpuii

Thilpek lakh- : Nl. Lalawmpuii

awmtute leh Nl. Hmingthanpuii

Zai hruaitute : Nl. R.Zonuntluangi

(1-15 March) leh Pu Lalhmangaihzuala

Key Boardist : Tv. Lalrinsanga

KOHHRAN HMEICHHE INKHAWM PROGRAMME

Ni 8.3.2016 (Thawhlehni Z^n)

Kristian Chhungkaw puala hun hmang a chhuah tur a ni ang.

KOHHRAN PAVALAI PROGRAMME

Ni 10.3.2016 (Ningani)

Chairman : Pu C. Zakhuma

|antu : Pu Lalfakzuala

Thusawitu : Pu C. Lalchhuansanga

SERMON

BIBLE

“Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phelhrang khawp hial in a chhun thei a, thinlung a ngaihtuah leh tum te hi a hre nghal thei a ni.” (Hebrai 4:12)

He thu hi ngun takin i ngaihtuah teh ang hmiang. Lal Isua hi mawmawh tak tak in i inhria em? Tunah khan nangmah leh nangmah kha ngun takin han in zawt teh le. Lal Isua Krista nunna tuinunglui hi i chak tak tak em? I mamawh tak tak em? Nge a vel ah chauh hian i phar buai mai mai zawk? I nitin khawsakna ah, “ Indona chu Lalpa indona a ni a, hnehna chu Lalpa ta a ni.” tih hi i nunpui tak tak ngai em?

Awle, tunlai Zoram ringtu piangthar te hian he Bible Pathian thunung hi kan buaipui tak tak a hun ta. Tunlai thil lo chhuak thar leh mobile phone thar te chu kan hre hnehsawh hle mai tiraw? A \ha leh \ha lo, a man to leh to lo pawh ka hre thei khawp mai. Mahse, he nunna bu Bible hi eng chen nge i hriat ve le? I nitin khawsakna ah eng nge i sawi duh zawng lo ni ta ber? Bible kan Lalpa thu ziahna bu hi il o hre tlem leh si em? Thil thar leh news hre thei em em si in. Mi thusawi ah ringawt hian i innghat dawn em ni? Bible in engtin nge a tih? tih hre khawp in he Bible i rin hi i keu peih em? Nge i mobile i en hnem zawk le? Fiamthu ho tak tak in thawnkual in, thu ho tak tak sawi in zanrei tak tak thleng i mobile kha i khawih mai a nihchuan in enfiah ang che, chu ai chuan maw Bible hian nunna a pe ang che, midangte tan malsawmna i lo ni zawk dawn a sin. Kohhran ah hruaitu leh nihna chelh si in midang nun beidawng leh rilru mangang a awm mekte pawh in inhnemna tlak ah an lo ngailo zawk che em?

Piangthar Biakin ah te Lalpa fak a lam a inkhawm \hin, mahse Bible chhiar ngailo ilo ni reng zawk lo maw? Pathian thu hi chu a nung a thil pawh a ti thei a sin, zan i mut dawn ten bung khat emaw lek te han chhiar la, a hlawk zia chu nangmah vekin i hre ngei ang. Thinrim leh thinur na a lo thlen chang leh i nun a harsatna a lo thlen chang in he Bible Pathian thu hian i ka in a sawifiah thiam rual loh i thinlung pawhin a a ngaihtuah thiamloh khawp thlamuanna a pe ang che.

A tawp ber ah chuan nangmah leh nangmah kha ngun takin in zawt la, Lal Isua hi chak in i tuihal tak tak em? Mamawh tak tak in i in hria em? Hlim lamna ringawt hian Vanram a thlen dawnlo che a, nangmah aia i hmangaih tur Lal Isua duhzawng a i nitin nun i hmanna zawk khan Vanram a hruai thleng zawk dawn che a ni. Lal Isua duh a mamawh tak tak tu chuan Bible a thunung hi chhiar nuam a ti in a chhiarlo phal ngailo. Midang te thusawi ah a in nghat ve lo a, Bible thu erawh a ring in a zawm a, a pawm \hin. Tun a\ang chuan Bible hi chhiar tam la chu chuan i kawng a kawhhmuh zel ang che, kal ngaihna hre lo a i awm reng lai pawhin a thlamuan zel ang che a, kawng dik chu a kawhhmuh zel ang che. He lei i chhuahsan ni a lo thlen thleng pawh in a thlahlo ang che a, Lal Isua nen a in tawh tir ngei ang che. A thu hi a nung a, thil a ti thei a, i thinlung a i ngaihtuah leh i tum pawh hre vek thei Pathian thunung he Bible hi i ngainat leh i duh ber lo ni zel zawk rawh se.

Amen

EDITORIAL BOARD

Editor : f

Pu R.Lalmuanpuia 9612159842

Jt.Editor:

Tv. F.Laldingliana 9862378567

News Editors :

Pu Tommy Zirnuntluanga 9862913684

Tv. Laldinpuia 9862813325

Tv. Pc.Vanlalhriatpuia 9862732381

Tv. Lalnunzira 9862664253

Tv. Lalzirliana 9862381918

Circulation Manager:

Tv.Lalrinawma Sailo 8974945579

Nl. C.Zosangliani 8731005507

Editorial.........?

BIBLE

Amen

ARTICLE

NGAIHTUAHNA VAKVAI

- Fala Hmar

“I was lookin back of my life; and all the things I’ve done to me, I’m still searching for the answer; I’m stiil searching for the keys. The Wreckage of my past keep haunting me.”

“Ka hun liam ta ka nun hlui te ka chhuikir a, keima chung ngeia ka thil tih t^k te nen. Kha’ng nu n chhanna leh a pawimawh lai tak chu tun thleng hian ka la dap f^n a. Ka nuna ka tihchhiat t^k te chuan mi chhuahsan zai r>ng a r>l si lo.”

Hman ata vawiin thlenga lal ropui leh fing lal; Solomona’n,”Thu pai nuam chu khawithlar ang a ni” tiin min lo chah lawm lawm mahse, keini ang du^ng chuan khawi lama thupai nuam mah han phochhuah tur r>ng kan nei ve lo a nih hi. Khai mah aw.. ka chung a va pik em! Dam thlahlel lo, a chatuan roluahpui lo turte tana tawpna chiangkuang tak; chatuan thihna ngei pawh hlau lo; taksa in thahrui a neih ang pawh sawr chhuak thei map lo hringmi nun ram chu pik awm reng a ni. Mit(eye) in a hmuh phak bak suangtuahna nei thei tawh lo, beng in rimawi a hriatphak chin pawh a mawi zawh tawh lohna hringnun hi mahni induhkhawp lohnaa khatin a chau zo ta.

Ka khawl thluak nei chu ti thiin ka headphone(earphone) vuah pawh chu ka la thla chawpchilh ve nghal a. Thatchhiat vang nge, taimak vang zawk? Tun dinhmuna ka duhberi leh duhbera, lehkhapuan leh kawlawm(pen) bawk chu ka b>l leh ta. Hun engemaw chen ata ka ngaihtuahna luah fo tu, ‘mi \ha ka ni lo’ tih inhriatna avanga ngaihtuahna peng hrang hrang bawk chuan mi chenchilh leh \an ta.

Chutichuan mahni in chek(examine) r>ng r>ng chuan hun chu ka hmang a. Chhungril sualna, hmuh theih lama min tihsual tir \hintu ai chuan taksa ngeiin a ihsual \hinte chuan keimahah nghawng nei lian zawkin ka hria a. ka kut leh ke te hi thil \ha lo tihna kawngah a themthiamin, a hmuingil zaw mah emaw tih tur a ni a. Keima tan ngeia ka thil tih \hat te chu chhungkua leh khawtlang tana ka thil tih \hat te chu kan chhiar dawn a, chhiartur a bar a awm si lo. Pathian leh a Kohhranho tan ngei pawh eng teh ual ka tih ka hre law....!! Chutia ka nuna ka tihchhiat t^k te ngaihtuah a, siam\hat theih tawh hauh si loh chungte ka chhuikir lai chuan a belchhahna niawm fahranin ka chhungril sualna tia ka vuah ve ngawt chu a rawn inthum rawn leh ta tlut tlut mai le; chhei raw le!! a nasa lo leh mai mai te’ng chu.

Khawlohna din leh suala pai, ka nihna r>ngah pawh misual ka nihna ah hi chuan a rah chhuahte vang hian ka chang ve thawkhat t a ?? Fak hlawh beisei ka mihringpuite chunga \hatna ka lo put ve \hinte chu takna r>ng nei lo; mahni hmasialna inthup mai a lo ni a. Mi phungthlu(polite) leh \henrual kawm thiam(friendly) ve tak ni a ka lo inhriatna te pawh a chunga ka’n sawi tak te nen khian k^wn khatah nam liamin a awm bawk si. ti hian ka chung a va pik em tiin ka suahsualna te kan tarlang chiam a. Dam thlahlel lo ang tak te’n insawi mah ila. Eng vang nge? Enga tinge? Engtin nge? tukin ni chhuak hmu in, chu ni(sun) v>k chu a tla tur ka la hmuh cheu ni...?? a chhan chu a awm a ni,

Chunlam pawlna duhawm tak changa thu ropui tak te hmanga miten harhna an chan laiin, kei ve thung chu; ka vanduai nge ka vannei zawk? ‘The Lord’s Prayer’ Lalpa |awng\aina tih lohva \awng\aina(serenityprayer) hian ka ngaihtuahna vakvai tak mai chu kawng awmze nei zawk zawh turin a hruai veleh \an ta. Chu \awng\aina chu, “Pathian, ka thil tihdanglam theih loh te lungdam taka pawm turin lungmuanna min pe la, ka tihdanglam theih thil te tidanglam ngam turin huaisenna min pe la, an pahniha danglamna thliar thiam turin finna min pe ang che” tiin

BENG TIVÂR

SAHARA DESERT

(a lo evergreen ve reng tawh tlat)

Khawvela a ber nihna ngah tak Sahara thlaler khu khawvel a thlaler zau ber, hmun ro ber, hnim hring tlemna ber leh vaivut khawro tamna ber, ruah sur khat na ber a ni a. Mahse chuti khawp a hmun ro ni si khu tun hma chuan ram hring nuam tak, ruahtui \hatak tlakna, ramsa chi hrang hrang te chenna hmun leh mihring pawh an lo chen ve hrep tawhna hmun a lo ni tawh a ni ti ta ila tam tak tan chuan awih harsa tak a ni ngei ang. Mahse Prehistoric culture hun lai vel kha chuan hnim hring hmun leh ram ngaw \ha tak mai a lo ni tawh \hin tih mithiamte chuan an hmuchhuak tlat mai. Chhim lam a\anga ruahtui te rawn kal in 10000 BC vel kha chuan ram hring nuam tak a ni a. Negroid people ho an cheng a, a chhung a cheng ramsa te p>l in, thlai leh hnim hring tam tak te chu chaw ah an ring \hin ani.

Tassili N’Ajjer an tih hmun a p<k a hmanlai lemziak tamtak an hmuhchhuah ah chuan hetiang lampang hi a lo inziak \euh mai le. Hetiang cave paintings hi khawvel hmun dang zawng aiin helai hmunah hian a tam zawk nghe nghe a ni. Heng p<k a lemziak ah te hian ngaw hnuai a sa an p>l lai lem te, Olive kung leh Cypress kung niawm tak tak lem te a awm \euh mai. An chh<t dan chuan 7000 - 2000 BC vel thleng kha chuan Sahara thlaler hi a la hring nuam hle niin an ngai tlat mai. An chhut dan chuan a mi cheng te chuan an ram chu an ti chereu nasa a, thing leh mau te an kit rem nasa in ram an hal nasa em em a ;(Mizoram hian kan hmabak a la ni ve a ngem?) tin, a chhan leh vang chiah hriat lohvin chhim lam a\anga ruahtui rawn kal \hin chu a tlem ta tial tial a, a mi cheng te pawh chu an indo \hin avangin an lo tlem hret hret a .Tichuan, chu hmun hring nuam tak mai chu thlaler hmun khawro ah a lo chang zo ta a ni.

Sahara thlaler hi tunah pawh hian a la khawro belh zel a, a mi cheng la awmchhun te khuan tuichhunchhuah thuk tak tak an lai nasa em em a, chu chuan tui level a ti hniam zel a, mihring tlem tawh nak alaiin kum 1913 khan \^m a tla vak mai a, mihring nuaih tel fe an thi a, khua hi a kheng deuh reng bawk. Kum 1972 - 1974 inkar khan hri an leng leh chiam a, tam a tla bawk a, chu chuan nunna tamt ak a suat a ni. Hemi \um a \^m tla ah hian mahni fa te sa ei hial pawh an tam an ti.

A ram a ro tial tial a, mihring an tlem tial tial bawk. Tichuan, hmun hring nuam tak ni \hin chu khawvel thlaler zau ber a lo chang ta ani. Tin, Sahara hi a zau belh zel bawk. Vaivut thli tleh \hin chuan a vaivut al tak mai te chu a chhem darh zau ve zel a, an chim chin a hnim leh thlai te chu an thi hmiah hmiah zel mai ani…Eng chen takin la zauh belh zel ang maw????

QUIZ

JOHANA BUNG 6-10

A kâr âwl dah khat rawh :

Q1.Tin, damlote chunga _______________a tihte chu an hmuh avangin mipui tam takin amah an zui a.

Q2. Tin, Isuan anni chu a chhang a, “Ka thu zirtir hi ka ta a ni lo va, mi ____________ta a ni zawk.

Q3. Isuan, “Ramhuai zawl ka ni lo ve; ka Pa ka _________________ a ni zawk e, nangnin ka hming in tihchhiat hi.

Q4. Chutichuan ________________a mit a lo var tak danzia an zawt leh a. Ani chuan an hnenah, “Ka mitah hlum a dah a, ka sil a, ka hmu thei ta mai a ni,” a ti a.

Q5. Kei kawngkhar chu ka ni; tupawh keimahah a luh chuan _______________ a awm ang a, a lutin a chhuak ang a, a ei tur a hmu bawk ang.

A bung leh châng dah rawh :

Q1. Tin, Isuan an hnenah, “Kei hi nunna chhang chu ka ni; tupawh ka hnena lo kal chu a ril a tam lo vang, tupawh mi ring chu engtikah mah a tuihal lo vang.

Bung: ............... Chang: ....................

Q2. Mipui a then tam tak erawh chuan ani chu an ring a, “Krista chu a lo thlen hunah,he mi tih aia tam zawk thilmak a rawn ti ang em ni?” an ti a.

Bung: ................ Chang: ....................

Q3. Mi tirtu chu ka hnenah a awm a, mi thlahthlam lo ve; a thil lawmzawng apiang ka tih fo avangin,” a ti a.

Bung: ................ Chang: ....................

Q4. Pathianin Mosia a bia tih kan hria, he mi teh chai hi khawia lo chhuak nge a nih kan hre hrep lo ve,” an ti

Bung: ................ Chang: ....................

Q5. Isuan an hnenah, “In Dan Lehkhabuah ‘Pathiante in ni ka ti,’ tih ziak a ni lo vem ni?

Bung: ................ Chang: ....................

Hming : ......................................................

Section : .....................................................

SUDOKU RESULT

Chhanna lut zawng zawng : 3

Chhang dik vek : 3

Lawmman dawngtu: Malsawmtluangkimi(V.Sec)

Sudoku/Bible Quiz chh^nna leh lâwmman hi Circulation Manager Tv.Lalrinawma Sailo emaw Nl.C. Zosangliani hnenah thehluh a, lam \hin tur a ni.

GENERAL CONFERENCE A KAL TURA IN REPORT TE HRIATTIRNA

K|P General Conference Champhaia kal duh tur te chu naktuk 29.2.2016 (Thawh\an) zan inkhawm banah Sunday School Hall ah kim taka in hmuhkhawm tur a ni e. Kal dan tur leh thil \ul dang pawimawh sawi tur a tam avangin in report kal tum zawng zawngte chu kim taka kal turin kan inhriattir nawn leh a ni e.

Sd/-(PC.VANLALHRIATPUIA)

Secretary

K|P Saikhamakawn Branch

SUNDAY SCHOOL ZIRTIRTU TRAINING

Nimin 27.2.2016(Inrinni) khan Presbyterian Puitling leh Naupang Sunday School zirtirtute Mizo Sunday School Union (MSSU) a\angin training an rawn neihpui a, zirtirtu pawh an kal \ha in an hlawkpui hle.

ADMISSION NOTICE

Nazareth English School, Saikhamakawn opens admission from Nursery to Class VI for the Session of 2016-2017. You are welcomed to boost the level of your aspiration and to enlighten your potential challenge and hope of future. Excursion outside Mizoram for our students will be organised every year as per conveniences.

Admission fee: ` 1000 for all

Monthly fee : ` 600 for Class 1-VI

` 500 for KG I&II

Location : M/S Liantluanga Building, Saikhamakawn.

For Further inquiry and admission,

Contact: 1) David Lalzara Fanai,

841585809 (Mizo/English/Hindi)

2) Pu Rohnuna Sailo

9862383744

LAWMTHU SAWINA

Ni 20.2.2016 a kan pa Peter M<nga’n (Champhai) Falkawn Referral Hospital a min boralsan chungchangah Saikhamakawn khawtlang nu leh pa, \halai ten min bawihsawmnaah kan lawm em em a. YMA ten kuang mawi tak min siam sakin engkim mai kan tih ngai miah lo a in mi ngaihsakna ah in chungah kan lawm tak meuh meuh a ni. Kan chunga in \hatna zawng zawngte Lalpa’n a let tam takin r<l che u rawh se tih hi kan \awng\aina a ni e.

In khawngaihna dawngtu

Pu Lalbiaknunga te nupa

Vanapa Section

TBZ INPAWLHONA LEH MISSIONARY KAWMNA

A hun : Ni 7.3.2016, Dar 7:00pm

A hmun: Pu Khawlhmingliana In

Hruaitu: Pu Siamliana

|antu : Pi Ralliani

Kan Missionary tan a thilpek lakkhawm a ni ang a, member te \hahnem ngai taka kal tur a ni e.

ADMISSION NOTICE

Nu leh pate mamawhna avangin Govt. Saikhamakawn Middle School chu kum 2016-2017 Academic Session a\angin English Medium School ah leh a ni dawn ta. Sum senso hautak si lo a zirna \ha i duh chuan i fate rawn luh tir ve rawh le.

1. Admission Fee - Free

2. Monthly Fee- Free

3. Naupangin English speaking an thiam nan Spoken English Class neih a ni ang.

4. Naupangin an zirna mai bakah kut themthiamna zirtir an ni ang.

5. Zirlai chak lo deuh te a hranpa a enkawlna (remedial teaching) pek an ni ang.

6. Nitin Mid-day-meal an dawn avangin tiffin manah sum sen ve a ngai lo.

7. Zirlai bu a thlawna dawn tur a ni.

8. Naupang te chu an zirna pui turin hmun thlan bikah Exposure Tour neihpui an ni ang.

Admission hi Sir Lalzuiliana (V.Sec) leh Miss Zonunsangi (T.Sec) te hnenah form la chhuakin tih nghal theih a ni. Seat a tam loh avangin a kal hmasa apaing duhsak an ni ang.

Sd/-

Headmaster

Govt. Saikhamakawn MS

LAWMTHU SAWINA

Tun kar Chapchar K<t kan hman zawh takah kan Branch aiawhin kan chanvo hrang hrangte \ha tak leh hlawhtling takin kan ti thei a, chanvo neitu zawng zawng te chungah Branch YMA chuan lawmthu kan sawi tak meuh meuh a. Tin veng chhung a\anga min rawn \awiawm tute zawng zawng chungah lawmthu kan sawi bawk e.

Sd/-(C.LALDAWNGLIANA)

Secretary

YMA Saikhamakawn Branch

TUALCHHÛNG

, Upa Lalzama h/o Pi Lalchharliani (Ch.Sec) chu Sub Divisional Education Officer (SDEO) in a pension ta.

ADMISSION NOTICE

NEW HOPE ACADEMY

Upper Republic, Aizawl

Kum 2016-2017 Session atan Class IX-XII (Arts) Admission hawn a ni ta. Experience Teacher ten an zirtirna hmun, School building nuam leh classroom awmna nuam tak kan ni e. Board Exam tur Class X leh XII tan Study Camp kan neih pui \hin a, zirlai chak lo te tan beiseina thar nen theihtawp kan chhuahpui \hin. Hrechiang duh tan:

Contact: 9862810672/ 8257035798

New Hope Academy

Upper Republic, Aizawl

R. Hautluanga Building

Near Sikulpuikawn

ADMISSION OPEN

Solomon’s High School, Kulikawn, Aizawl-ah Class VII, IX leh X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian i fate rawn dah ve rawh le. Mathematics leh Science subjecta harsatna nei te leh Sports a tui te duhsak bik an ni ang. Hostel a awm nghal bawk e.

Last Four years result:

Year Pass Percentage

2015 80%

2014 85%

2013 84%

2012 74%

Contact: 8014442431

8974133843

9774406688

HC THAWNGA

KTP SKK

Monday 14 March 2016

Mipui Aw 6.3.2016

No comments:

Post a Comment