KTP SKK: Mipui Aw 13.3.2016

MIPUI AW

KARTIN CHHUAK

Vol. XXII Issue No. 11 Kristian Thalai Pawl Saikhamakawn Branch Pathianni Dt.13.3.2016

Vawiin changvawn

Tin, amah vekin, “Pathian ram chu hetiang hi a ni: miin leiah hian chi theh sela, zanah muhilin chhunah tho thin sela, chi chu, a zia a hriat lohvin, lo tiakin lo \hang sela; chutiang chu a ni. (Marka 4:26 & 27)

KOHHRAN PROGRAMME:

13.3.2016 (Pathianni)

Chawhma Inkhawm

|antu : Pi Lalchharliani

Zirlai 10-na : “Pathian Thlarau leh Israel te tundin lehna”

Chawhnu Inkhawm

Thuhriltu: Upa Lalzuiliana

Zân inkhawm

Thuhriltu: Pu Lalrintluanga

K|P INKHAWM PROGRAMME

14.3.2016 (Thawh\anni Z^n)

Short Sermon

Hruaitu : Pu C. Lalmuanpuia

|antu : Tv. Lalzirliana

Short Sermon : Tv. C. Laldawngliana

neitu turte : Nl. Lal\anpuii

Thilpek lakh- : Nl. Lalawmpuii

awmtute leh Nl. Hmingthanpuii

Zai hruaitute : Nl. R. Zonuntluangi

(1-15 March) leh Pu Lalhmangaihzuala

Key Boardist : Tv. Lalrinsanga

KOHHRAN HMEICHHE PROGRAMME

15.3.2016 (Thawhlehni Z^n)

Hruaitu : Pi Zohmingthangi

|antu : Pi Hunthangpuii

Thuhriltu : Pi Zuimawii

KOHHRAN PAVALAI

PROGRAMME

17.3.2016 (Ningani Zan)

Sharing leh \awng\airual

Hruaitu : Pu C.Zakhuma

|antu: Pu C.Lalremruata (Mafela)

SERMON

PATHIAN BEISEI DAN

Daniela 3:17,18 Kan Pathian, a rawng kan bawl thina chuan he rawhtuina meipui ata hi min chhanchhuak thei si a, i kut ata pawh aw lalber, min chhanchhuak mai ang. Chuti lo pawh ni sela, aw lalber, i pathiante rawng chu kan bawl dawn lo va, i rangkachak mi lim din pawh chu chibai kan buk hek lovang tih hi hria ang che,” an ti a.

Daniela thiante pathumin pathian hnathawh an beisei dan hi a ropui khawp mai. Thi tura chung thu rel mai theihna dinhmunah an ding a. chutih rual chuan khawvel thil taka chhanchhuahna hmu nghal theih tur dinhmunah an ding mek bawk a. Duhthlanna tur kawng hnih an nei a, rorelna hmaah Pathian tana an din chuan thihna hmachhawn nghal tur a ni. Mahse Pathian phatsana lal Nebukadnezara rangkachak milim din chibai an buk chuan chhanchhuahin an awm nghal dawn a ni. Hetiang dinhmunah hian an din mek laia hian Daniela thiante pathumin Pathian hnathawh an beisei dan hi a ropui hle mai.

Pathian phatsana khawvel thil taka chhanchhuahna an hmuh nghal tur hnawl ngama Pathian hnathawh an beiseina hian Pathian a awm mai mai tir thei lo ni berin a lang. Pathian chuan chhanchhuahna tur kawng reng reng a awm tawh lova a lan hnuah mak tak maia chhanchhuahna chu an chungah alo thleng chawpchilh nghal. Hetiang chiah hian kan rinna nunah hian duhthlanan tur kawng hi chhawpsakin kan awm fo awm e. He khawvel thil taka hlawkna chan mai theih tur mahse pathian duh loh zawnga pen bo zauh ngai tur si hian kan nun a tibuai fo thin awm e. Hetiang huna kan din mek lai hian Daniela thiante pathum dinhmun hi kan ngaihtuah thin a pawimawh. Khawvel thilah hlawkna kan um avanga Pathian duhloh zawng kan thlan thinna hian keimahnia Pathian hnathawh kan beisei thin hi a dal tlat thin a. Chuvangin Pathian kan beiseinaah hian Danielka thiante pathum ang a, Amah Pathianah chuah rinna kan nghah hi a ngai thin.

Rawhtuina meipui ata hi min chhanchhuak thei si a, min chhanchhuak mai ang. min chhanchhuak dawn lo mahsela an tih ngamna nun hian Pathian ngeng a chhun dawn hian ka hre thin. Pathianah chauh rinna nghat a, Amahah chauh beiseina an nghat ngam a. Chu rinna leh beiseina an nghah chu hlawhtling dawn lo mahsela an chan ngamna nun tak mai hi a ropui. He khawvel thila ropuina leh hlawkna chan ngama; Pathian hnathawh kan beisei tlatna hmunah hian Pathian malsawmna chu a awm a, chumi hai chhuak tur chuan Daniela thiante pathum ang a min chhanchhuak dawn lo mahsela tih ngamna nunah hian Pathian ropuina puanchhuahin a awm thin. Chu chu Lalpa malsawm ram rim nam chu a ni.

EDITORIAL BOARD

Editor : f

Pu R.Lalmuanpuia 9612159842

Jt.Editor:

Tv. F.Laldingliana 9862378567

News Editors :

Pu Tommy Zirnuntluanga 9862913684

Tv. Laldinpuia 9862813325

Tv. Pc.Vanlalhriatpuia 9862732381

Tv. Lalnunzira 9862664253

Tv. Lalzirliana 9862381918

Circulation Manager:

Tv.Lalrinawma Sailo 8974945579

Nl. C.Zosangliani 8731005507

Editorial.........?

Zirna lam tluang zawh mektu ten an kum khat zirna a hmawr an bawk chho tan mek zel a, thenkhat ten kum khat chhung atana an zirna a hmawr an bawk zawh tawh mek laiin thenkhat erawh chu la a tawpna tur exam tan chho ve mek te an ni hlawm bawk a. Zirna hi mihring nunah atan hian thil pawimawh tak a ni tih chu kan hre tlangtheuh a, ngaih pawimawh pawh a hlawh hle a. Amah erawh chu zirnain a ken tel tlat chu lehkha zir thiam ringawt hi a ni lo tih kan hriat tel a pawi mawh khawp mai. Zirna Education kan tih mai hi hrilfiahna chi hrang hrang awm karah he hrilhfiahna hi thil pawmawm ber a ni tlat. “All round development” tih hi a ni. He hrilhfiahna hian a huam zauh zia a ti lang chiang hle mai. Chuvangin a lehkha zirna ngawr ngawr a thiamna hi Zirna (Education) kan tih hian a tum ber a ni tih ka hriat tel hi a pawimawh khawp mai. Kawng engkimah mihring hman tlak ni tura buatsaihna hi a tum bulpui ber chu a ni. A lehkha in ziak zirna ngawt lam hi kan lak len lutuk palh theih avangin Zirna (Education) in tum lam hi kan ngaihtuah fo a pawimawh a ni.

ARTICLE

K|P General Conference vawi 56-na a \iak ta

Mizorama |halai Inkhawmpui lian ber Kristian |halai Pawl General Conference vawi 56-na, Champhaia nghah, March 3, 2016 a\anga \an chu March 6, 2016 (Pathianni) zân khan a \iak ta. Thupui atan ‘Pathian Kohhran’ (Mat. 16:18,19) tih hman a ni a, speaker atan Rev. Vanlalbela, Bawngkawn hman a ni a, speaker hian Inrinni zan, Pathianni chawhma leh Pathianni chawhnuah te hun a hmang. Ramthar hawi programme-ah Rev. P.C. Lalropuia, Kolkata hnen a\angin Pathian thuchah ngaihthlâk a ni bawk. March 5, 2016 (Inrinni) chawhmaah Thupui Zir Inkhawm neih a ni a, Rilru Hrisel tih thupui hmangin T.Upa Dr. C. Lalhrekima, Mission Vengin thuchah a sawi. Chawhnu lamah Variety Programme hlimawm tak hman a ni a, Upa K. Rorelkima, Committee Member hnen a\angin thuchah tawi ‘K|P, Kohhran kut ke’ tih thupui ngaihthlâk a ni. Zan Pathian biak inkhawmah Central K|P Leader kalchhuak Rev. J. Lalremsiama hnen a\angin Pathian thuchah ngaihthlak a ni. A thlengtu lamin an chhinchhiah dânin mikhual zawng zawng hi 20,765 an ni a, lânga kal hi 1000 chuang an ni bawk. Conference \iak zan hian inkhawm kan \hahnem hle a, pandal chhungah mi 21062, pandal pâwnah mi 23000, kan vaiin 44062 lâiin kan chhim a ni. Kum 2016 - 2018 chhunga Central K|P hruaitu thar tur thlan an ni a, hetiang hian chanvo siamrem a ni:

Leader:Rev. Zothansanga, (Synod Ruat)

Asst. Leader:Pu Ngurhmingliana, Khatla Bial

Secretary:Upa Zonunmawia, (Synod ruat)

Asst. Secretary:Pu P.C. Biakmuanpuia, Mission Vengthlang Bial

Treasurer:Pu Zonunsanga Ralte, Mission Veng Bial

Finance Secretary: Pu Vanlalpeka, Chanmari Bial

Committee members :

Pu Lalhnehzova, Bawngkawn Bial

T.Upa Ricky Lalrammawia Ralte, Bawngkawn Bethel Bial

Pu Lalchhuanliana, Bungkawn Bial

Tv. Joseph Lalsangzuala, Chaltlang Bial

T. Upa Lalrinawma, Chanmari West Bial

Pu F. Lalremruata, Dawrpui Bial

Pu P.C. Lalropuia, Durtlang Bial

Upa Rosangliana, Electric Veng Bial

Pu Lalmuanawma, Kulikawn Bial

T.Upa Zomuana Ralte, Ramhlun Bial

Nl. Lalfamkimi, Ramhlun Vengthar Bial

Tv. Robert Lalduhzuala, Ramthar Veng Bial

T.Upa H. Ramnunsanga, Tuikual Bial

Pu K. Lalruatpuia, Venghlui Bial

Dr. David C. Vanlalfakawma, Zemabawk Bial

Dr. Lalrotluanga, Zonuam Bial

Thurel tlangpuite: Rorel Inkhawmah hian palai 1037 an kal a, thurel tlangpui hetiang a ni :

1. Kum 2020 K|P General Conference chu Serchhip ten an thleng ang a, a hun atan February 27 - March 1, 2020 a ni ang.

2. Youth Recreation Centre chungchanga rawtna hrang hrang lut chu Budget kalpui mek, member pakhat zêla chhûta kan pek \hin hi chhunzawm tur a ni. Aizawl Khawpui chhûng tan Rs. 50/-, District Capital tan Rs. 30/- leh A dang zawng tan Rs. 20/3. Youth Recreation Centre pualin K|P Inkhawm vawi khat thawhlawm lakkhawm ni se, tih a ni.

4. Thupui zir tûr rawtna hrang hrang lût a\angin Presbyterian Kalphung inzirtirna neih nise, tih a ni.

5. Kum 2016 chhungin K|P inkhawm \um khat thawhlawm Synod Hospital Charity Fund pualin lakkhawm ni se, tih a ni.

6. Central K|P buatsaihin Bial leh Branch Chanchinbu enkawltute tan Workshop neih rawtna chu pawm a ni.

7. Ruihhlo ngaite leh hum sual daite pualin ram pum huapin \awngtairual neih nise, tih a ni.

8. Kum 2017 - 2018 kum puan thupui rawtna hrang hrang lût a\angin “Thlen chin a\anga hmasawn” (Phillippi 3:16) tih chu thlan a ni.

9. Kum 2016 - 2017 Central K|P Budget atan Rs. 40,46,000/- pawm a ni a, Bial Budget ruahmanna pawh pawm a ni.

Agenda hi floor-a sawi ho lova inhrilhfiah chi agenda a awm bawk.

Kum 2015 Report tlângpui:

1. Bial zat: 197

2. Branch zat: 831

3. Member zat:

Mipa: 90,239

Hmeichhia: 53,453

4. Innei zat:

Biak Inah: 1,739 (44.69%)

Hmundangah: 2,152 (55.31%)

5. Bial sum hmuh belhkhawm: Rs. 2,70,32,223

6. Branch sum hmuh belhkhawm: Rs. 19,62,71,689

7. Kohhrana sum hmuh chhûnluh belhkhawm: Rs. 4,87,04,708

8. Bial hminga Missionary chawm zat: 339

9. Branch hminga Missionary chawm zat: 2,187

10. Missionary-a chhuak zat: 216

11. Thawh\an zan inkhawm zat percentage: 24.13%

12. Member tamna Branch:

Mission Veng: 1475

Ramhlun ‘N’: 1386

Chanmari: 1214

Kan Branch a\ang hian Conference palai mi 47 zet kan kal thei a, a lawmawm hle a ni.

BENG TIVÂR

QUIZ

Spot the differences

Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, ti dik vekin lawmman an dawng anga, tihdik zat in ang an awm anih chuan \hum vawr a ni ang.

Quiz lut zawng zawng zat: 3

Lawmman dawngtu: Malsawmtluangkimi (V.Sec)

PAVALAI FELLOWSHIP PROGRAMME

A hun : Ni 13.3.2016

Chawhnu Inkhawm ban

A hmun: Pu Lalrinpuia In

Hruaitu: Pu Sangmawia

|antu : Pu C.Saienga

Ni 21.3.2015 a Electric Vengthlang tlawh tura mi hla zir nghal tur a ni e.

ADMISSION NOTICE

Nu leh pate mamawhna avangin Govt. Saikhamakawn Middle School chu kum 2016-2017 Academic Session a\angin English Medium School ah leh a ni dawn ta. Sum senso hautak si lo a zirna \ha i duh chuan i fate rawn luh tir ve rawh le.

1. Admission Fee - Free

2. Monthly Fee- Free

3. Naupangin English speaking an thiam nan Spoken English Class neih a ni ang.

4. Naupangin an zirna mai bakah kut themthiamna zirtir an ni ang.

5. Zirlai chak lo deuh te a hranpa a enkawlna (remedial teaching) pek an ni ang.

6. Nitin Mid-day-meal an dawn avangin tiffin manah sum sen ve a ngai lo.

7. Zirlai bu a thlawna dawn tur a ni.

8. Naupang te chu an zirna pui turin hmun thlan bikah Exposure Tour neihpui an ni ang.

Admission hi Sir Lalzuiliana (V.Sec) leh Miss Zonunsangi (T.Sec) te hnenah form la chhuakin tih nghal theih a ni. Seat a tam loh avangin a kal hmasa apaing duhsak an ni ang.

Sd/-

Headmaster

Govt. Saikhamakawn MS

LAWMTHU SAWINA

Ni 12.3.2016 (Inrinni) a Darlung kâi a Blanket min sûk tirtute zawng zawng chungah lawmthu kan sawi a, tin, Blanket sûk hnatlanga thawchhuak Member zawng zawngte chungah lawmthu kan sawi bawk e.

Sd/- (LALFAKZUALA)

Secretary, Mika Group, K|P

ADMISSION OPEN

Solomon’s High School, Kulikawn, Aizawl-ah Class VII, IX leh X tan Admission hawn mek a ni. Kum 25 chuang Mathematics leh Science subject a experience nei tawh in an zirtirna hmunah hian i fate rawn dah ve rawh le. Mathematics leh Science subjecta harsatna nei te leh Sports a tui te duhsak bik an ni ang. Hostel a awm nghal bawk e.

Last Four years result:

Year Pass Percentage

2015 80%

2014 85%

2013 84%

2012 74%

Contact: 8014442431

8974133843

9774406688

HC THAWNGA

KTP SKK

Monday, 14 March 2016

Mipui Aw 13.3.2016

No comments:

Post a Comment