Mipui Aw 15.11.2015

MIPUI AW

KARTIN CHHUAK

Vol. XXI Issue No. 46 Kristian Thalai  Pawl  Saikhamakawn Branch  Pathianni Dt.15.11.2015

Vawiin changvawn :Pathian hnênah lawm thu sawi inthawina chu hl^n z^wk la;I thutiam pawh Chungnungbera lakah hlen rawh:Tin, mangan niah chuan mi ko la;Ka chhanhim ang che, tichuan nangin mi chawimawi d^wn nia,” a ti a.(Sam 50:14&15

KOHHRAN PROGRAMME

15.11.2015 (Pathianni)

Sunday School

|antu              : Pi Chawngpari

Zirlai 15-na    : Lal Isua a lo kal leh dawn

Chawhnu Inkhawm

Thuhriltu       : Upa Lallawmchhunga

                        Zân inkhawm

Thuhriltu       : Upa R.Lalngena

K|P FELLOWSHIP

15.11.2015 (Pathianni tlai)

Hruaitu           : Nl.F.Lalrintluangi

|antu              : Tv.Lalhruaitluanga (s/o Upa                                                                           Lalzuiliana)

A hmun          : Sunday School Hall

K|P INKHAWM PROGRAMME

16.11.2015 (Thawh\anni Z^n) Sermon

Hruaitu           : Nl.Zohmingmawii

|antu              : Nl. F.Lalrinfeli

Thuhriltu       : Pu C.Lalnunsanga

Thilpek lakh- : Nl Baby Lalduhsaki

awmtute           leh Nl Zorinpuii

Zai hruaitute  : Tv.Lalrinnunga

(16-30Nov.)       leh F.Laldingliana

Key Boardist  : Tv.Zomuanpuia

KOHHRAN HMEICHHIA PROGRAMME

17.11.2015 (Thawhlehni Z^n)

Hruaitu           : PI Lalchhingpuii

|antu              : Pi Sailothangi Sailo

Thuhriltu       : Pi Ralliani

PAVALAI PROGRAMME

19.11.2015 (Ningani Z^n)

He mi z^n hian Chaltlang Lily Veng Kohhran Pavalai P^wl ten an rawn tlawh d^wn a, Programme pawh la ruahman t<r a ni. Kohhran mipui a tam thei ang ber inkh^wm turin s^wm kan ni e.                      

KHAWNGAIH RAWNGBAWLNA

            A thiltihtheihna thawhzia anga athl^wna p>k Pathian khawngaihna chu mi p>k angzia z>lin chu Chanchin |ha rawngb^wltua siam ka ni.Jentailte hn>na Krista hausakna chhui chhuah rual lohte chanchin hril t<r leh, thur<k chatuan a\anga Pathian engkim siamtuah inthupa awm enkawlna chu engnge ni tih mi zawng zawng entir turin kei mi thianghlim zawng zawnga te ber aia t> z^wk hn>nah hian chu khawngaihna chu p>k a ni.(Ephesi 3:7-9)

            Khawngaih rawngbawlna han tih hian Khawtlang rawngbawlna lam chu kan sawi lovang a, Pathian rawngbawlna lam hi kan sawi tum ber chu a ni ang. Mi tamtakin Kohhrana kan rawngbawlna hi Pathian min p>k a ni tih hre reng chungin, kan felna leh kan \hatna avanga Pathianin min pek a ni lo tih hi kan kal thui pui hle mai a. Kan fel vang lah \hat vang erawh chuan min ko miah bawk si lo. Tirhkoh Paula pawhin ‘mi thianghlim zawng zawnga te ber aia t> zawk hnenah hian khawngaihna chu p>k a ni’ a ti a. Rawngbawltu zawng zawngte hian he rilru(Paula rilru) ang hi kan put ve a pawimawh hle a ni. Mi \henkhat chuan rawngbawlna chanvo an han chelh hian tlin vang leh \hat vanga Pathianin min ruat a ni lo tih hrereng chungin, chu chanvo ropui tak chu theihtawp chhuahin an thawk a. |henkhat ve thung erawh chuan tlin vanga thawk tur kan ni hlei nem tiin insiam \hat an tum reng reng lova, an nun ngaia nun an tum tlat \hin. Hetiang rawngbawltu hi mipui te pawh hian an ning duh viau bawk.

            Tumah rawngbawltu tlin vang leh \hat vanga Pathian ruat an awm kher lovang. Mahse, kan theihtawp chhuaha kan rawngbawlsaka ten kan nunah Isua hmel an hmuh theihna turin theihtawp chhuahin kan tlin lohna laiah insiam \hat kan tum \hin tur a ni. |henkhat zu in reng chunga rawngbawlna chelh tlat te, a ruka nulat tlangvalna kawnga  tlan lui tlatte an awm \hin. Hengte hi chuan rawngbawltua ruattu Pathian an zah loh vang a ni lo maw hetianga an awm reng nachhan hi. Pha zawk se an tan leh an rawngbawl saka te tan a \ha zawk ang em? Pathianin a Kohhrante kal tlanga min ruatna hi kan tlin vang leh kan theih vanga thawk tur kan ni lova, he rawngbawlna pawimawh tak thawk tl^ka min ngaitu Pathian av^ng hian theihtawp chhuahin thawh i tum \hin ang u.

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KAN INTHLANG LEH DAWN

                Kan dama Pathianin rem a tih chuan kan hma lawk ni 25 November 2015 (nilaini) khian AMC kan thlang leh d^wn a ni a. Tunge \ha anga tunge \ha lovang tih kan rilru pawhin a chhui viau tawh awm e. Engpawh nise tu  nge \ha ang a tu nge \ha lovang tih \henkhat erawh chuan kan hre kher lo mai thei bawk. Chutiang ang chu a tam zawk pawh kan nih hmel hle. Kan vengah hian Politics lam ngaihsak vak lo hi a tam zawk an ni hial ang a, chung mite tan chuan mi \ha leh \ha lo chu hriat a har duh phian ang. Campaigner-te a zirin kan vote leh mai mai ang tih a hlauhawm  khawp mai. 

            |henkhat chuan, kan party Candidate a nih chuan \ha kan tih vak loh pawh kan vote kan pe leh ngei dawn a, kan insawisel phak chu a ni miah lo. Mahse, tunlai khawvelah veng leh ram hmangaihtu tak tak chuan Party behchhan chu nei ve bawk mahse, a theihna zawng zawng khawtlang t^n leh ram t^n a hlan \hin tur a ni dawn lawm ni?Nia, tupawh an tling thei, kan duh zawng kan thlang thei bawk, mahse, mahni hmasial taka vote i thlak a nih chuan, i Politics khelh d^n kha a la \hing  viau a ni mai lovang maw? Kan ram tan leh kan khawtlang t^na \ha tur ni a i hriatah ngei khan i vote hlu tak kha pe \hin ang che. I Party-ah ni lovin........

           

ARTICLE

1980 chho ah i piang ami ?

            1980-1989 inkara i piang anih chuan thil \hing leh thil changk^ng i hmu kawp hman a. He thuziak ah pawh hian Sap \awng a tel zeuh zeuh anih pawhin ilo ngaithiam d^wn nia.

            ‘Generation’ tih hi J.F. Laldailova dictionary ah chuan ‘Chhuan’ tih in a awm a, keini 1980-89 inkara piang te hi chhuan khat chh<ng a mi, Era (Hun bi) khat a awm angin kan insawi mai anga. He ‘era’ a piang ho hi kan vannei hle.

            Kan Generation a piang ho hi kawngpui dunga inkhel hmasa ber kan ni a, a inkhel hnuhn<ng ber kan ni bawk in ka hria, a nawlpui ang chuan. Tin, field phut/diak ah kan inkh>l a, a hnuah ph<l lem a inkh>l hmasa ber kan ni leh bawk. Video Cassette reel awm chi (VHS) kan en hman a, CD leh DVD kan kh^l chul, Blu-Ray kan ti leh a, tunah chuan Pen-drive kan vit lut zeuh a, kan en mai tawh a. Tape Deck a\anga CD Player a kaisang ho kha kan ni a, a hnuah MP3 player leh Disc-man kan ngaithla leh a, tunah chuan kalna apiangah kan phone a zaithei vek tawh a, a ngaithla \ha peih  lo hmasa ber kan ni leh bawk. Tichuan, 2-Stroke engine two-wheeler khalh hmasa ber kan ni leh a, 4-stroke kan khalh leh hmasa ber bawk. Kan vanneih leh em em na chu Wai Wai man a to thei miahlo hi a ni. Nakin lawkah chuan a to anga, kan ei duh hunlai zawngin a tl^wm a, a to hunah meuh chuan Pathian in rem a ti anga, kan lo upa ve deuh tawh anga kan ei peih tawh kher lovang.

            Internet hmang hmasa ber leh hmang nasa ber Generation kan ni a, Technology lamah kan lut ta rau rau bawk a, Computer Operating System Windows 98, Windows 2000, Linux, Vista, Windows 7, Windows 8, Windows 10 kan hmang hman vek bawk a (A lar zual ho). Khawchhak film leh Vai film Mizo \awnga lehlin kan en hman a, a \hat em em lohzia hre t^wk t<rin kan lo lungfing hman bawk si. Ronaldo te pahnih ropuizia kan hmu hman ve ve a. Messi-a turu zia kan chhim hman a, a ropuina ti n>p tu a ngaih Maradona kan hmu chiang hmanlo kha kan vannei leh zel a nih hi.

            MNF leh Congress te inlehthal kan hre ve hman a, Lengpui Airfield a kal hmasa ber Generation kan ni a, Aizawl -Lunglei via World Bank Road hlutzia kan man thiam bawk.

            HARHNA ROPUI tak tak pathum chhim hman turin kan lo piang t^wk chiah chiah te hi a Ropui takzet bawk. Keini Generation hi Ramri luia ins< \hin hnuhn<ng ber kan ni a, Washing Machine hmang hmasa ber kan ni leh bawk. Kan hma lawk generation (1970-79) inkara piang te chu pumrua ah pawh an lo t> deuh a, keini ho hi kan lo lian leh chiah a nih hi. (Helai ah hian an huat loh na’n ‘Smiley/emoticon’ dah theih sela aw). ‘Tlai L>ng’ tih \awngkam kan hre ph^k a, tlai l>ng hnuhn<ng ber kan ni a, mahse, kan tlail>ng kha Ngaiz>lah kan han daikal ve hman lo chiah chiah te kha kan vannei takzet.

            Landline Telephone kan hmang hman chiah chiah a, Mobile phone kan hmang leh hmasa ber a, a chhehvel MIRC, Hi-Five, Orkut, Facebook, Whatsapp, Instagram, Twitter hmang hmasa ber kan lo ni leh ta a. Tichuan, Internet cafe hmang hmasa ber leh hmang hnuhn<ng ber kan lo ni leh ta a. Kan vanneih leh >m >m na ka tih leh chu, chutiang Technology leh Social Media hmang nasa ber leh hmang hmasa ber ni si hian sava veh, \ang\ial leh perhpawng man a ei, saihlum hrual, tawlailir (bearing hmanga siam) khalh, Christmas bawng thlah, pawnto, in zawng\ah bilbulawk vuak keh siak leh adangte. kan ti ve hman vek bawk si a. Technology sang chho zel ah a in update a inzir thiam hman t<rin kan la Naupang leh t^wk chiah chiah si a. Pu Vanlalduata inchai kan hmu phak a, kan Generation ho tho a nih hi India ram hmun zau zawk a Football hmanga ei zawng hmasa ber ta chu !

            Sawi dawn chuan sawi tur a va tam >m ! Heng zawng zawng aia ropui chu Lalpa leh a Kohhran a tel thei a kan awm leh Kohhran kutke ni tura a buatsaih “KRISTIAN |HALAI PAWL” a tel a, Saikhamakawn Branch Silver Jubilee, Ruby Jubilee leh Pathian in rem a tih a kan dam chuan Golden Jubilee hial kan hmang leh hman tur hi.

BENG TIVÂR

MIZORAM TLANGSÂN DÂN

1. Phawngpui                   -      2,157 metres

2. Lengteng                      -      2,149 metres

3 Nauzuarzo                    -      2,141 metres

4. Sur                               -      2,018 metres

5. Lurh                                     -           1,967 metres

6. |an                              -      1,935 metres

7. Chalfilh                        -      1,905 metres

8. Vapar                           -      1,897 metres

9. |awi                                    -           1,889 metres

10. Hrangturzo                        -           1,854 metres

11. Zopui                         -      1,850 metres

12. Mawmrang                        -           1,812 metres

13. Purun                         -      1,758 metres

14. Hmuifang                  -      1,619 metres

15. Sairep                         -      1,555 metres

16. Sakawrhmuituai         -      1,535 metres

17. Reiek                         -      1,485 metres

18. Thorang                     -      1,389 metres

HRIAT VE ATÂN: Mizoram boruak ang chi, lum leh hnawng, temperature celcius degree 20 a\anga 30 inkarah hian Malaria a tam bik a. Malaria hi chi 4 a awm, chung zinga chi 2 te chu Mizorama malaria thehdarh tu chu, 1.Plasmodium falciparum(pf) 2.Plasmodium vivax (pv) te an ni. Thosi zawng zawng hi malaria thlentu an ni lova,thosi chi khat Anopheles thosi nû (female) chauhin malaria hrik a pâi a ni. Anopheles thosi nâ te hian an inthlahchhawn nan mihring thisen an mamawh a. Mihring thisen dâwt tur zawngin zan thim a\anga zing khawvar inkarah In chhungah an lut \hin. Anopheles hi a dul râng a fûka mawng lam kang arh a\angin a hriat theih. Anopheles thosi hi Km 2 thleng a thlawk thei a, thli tleh dan a zirin chu aia thui pawh a thlawk thei a ni. Thosi a\angin heng natna te hi kan kai thei: 1) Malaria. 2) Dengue. 3) Japanese encephalitis. 4) Filaria. 5) Chikungunya.

BIBLE  QUIZ  No. 98

Johana BUNG 1-5

A kâr âwl dah khat rawh :

Q1. Nimahsela____________ a chin avangin fa an nei lo, an pahnihin upa tak an ni si a.

Q2.Tin, an va hmuh chuan nausen chanchin thu ________________a hrilh kha an sawi vel a.

Q3.Ana leh Kaiapha chu Puithiam Lalberte an ni a.) thlalerah ______________ fapa Johana hnenah chuan Pathian thu a lo thleng a.

Q4. Tin, Isuan a hnenah, “ ‘Lalpa i Pathian _______ suh,’ tih a ni e,” tiin a chhang a.

Q5.  Nimahsela ani chu __________a kal hrang a, a tawngtai thin a.

A bung leh châng dah rawh :

Q1. Tin, englo rimtui hal hun laiin mipui chu an zain pawnah an tawngtai a.

Bung: ________         Chang: _________

Q2. Vawiinah hian in tan Davida khuaah Chhandamtu a piang ta, Lal Krista chu.

Bung: ________         Chang: _________

Q3. Tin, mi zawng zawngin Pathian chhandamna chu an hmu ang,’ a ti,”tih ziak ang kha.

Bung: ________         Chang: __________

Q4.Tin, an zain mak an ti hle a, “Hei hi eng thu nge ni le? Thu nei tak leh thil tithei takin ramhuai bawlhhlawhte thu a pe a, an chhuah hi,” tiin an inbia a.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 97 RESULT

Chhanna lut zawng zawng      :

Chhang dik vek            :

Lawmman dawngtu      :

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

AIZAWL CITY TRAFFIC DAN THAR

1. Registration loh lirthei hi, kan leina hmun a\anga kan in pana haw nan leh  register huna enfiah tura DTO Office a kal nan bak hman phal a ni lo. Registration loh lirthei khalh hremna- Section 192 MV Act, Rs. 2000-5000.

2. Lirthei reng reng chu 3rd party risk tala insure tur a ni a. Insure lo lirthei khalh phal a ni lo. Insure lo lirthei khalh hremna- Section 196 MV Act, Rs. 1000.

3. License nei lo in lirthei a khalh thei lo a, lirthei docoments leh driving license te chu, lirthei kan khalh laiin enfiah theih turin kan keng tur a ni. License nei lo a lirthei khalh hremna-Section 181 MV Act, Rs 500.

4. License nei lo lirthei khalh tir phal a ni lo a. License nei lo lirthei khalh tirtu hremna- Section 180 MV Act, Rs.1000. Nu leh paten fate khaltir, \hiante khalhtir a huam.

5. Zu, phal chin bak aia tam in chunga lirthei khalh phal a ni lo. A bawhchhia te hremna-Section 185 MV Act, thla 6 t^n leh Rs.2000 thleng chawia hrem theih a ni. Kum 3 chhunga a tinawn leh a nih chuan kum 2 thleng t^n leh Rs.3000 thleng chawi theihna  a ni.

6. Helmet khum loh hi dan bawhchhiatna a ni a. Inkhawm turte, committee tur te leh veng chhung bikah chauh kal dawn avanga khum lova khalh phalna, danah a awm chuang lo. A hremna- Section 177 MV Act, Rs. 100 chauh chawi ni mahse, langsar taka dan pawisa mi nge dan pawisa lo mi kan ni tih lanna langsar tak a ni.

7.  Overtaking(intlan-leh-pelh) hi a hun leh a hmun a awm a. Two wheeler khalhtu bik ten, kan hma a miin min lehpel rawh a tih loh chuan, keimahni risk a lehpel kan ni a, tawhsual tawk palh pawh ni ila tuar kan huam tihna a ni. Tin Traffic point duty ten an stop hian din tur a ni a, double overtaking chu phal hauh loh a ni.

8. Lirthei neitu leh khalh tuten, kan lirthei kan kalsan dawnin, a hma lam dartlalang (wind shield) a\anga lang thei ngei turinTelephone no. tarlan \hin hian rikrum thilah khawpui enkawl a ti zangkhai \hin.

9. Bike silencer ring lutuk kan vengah khalh \hin an awm chuan, dan bawhchhia an nih npiah lamah, midang harsatna siamtu an ni tih hriaiin, Traffic Control Room no.2322307ah report la, Aizawl khawpui ralmuanna kawngah I yhawh hlawk hle dawn a ni.

10. Lirthei a mi tihpalh tuten kan tihpalh mihring hliamte damdawiina hruai leh thil thlen dan Police Station hnai berah hrilhhriat hilirthei khalhtute mawhphurhna a ni.

11. Vantlang kawng tihnawk zawng leh kea kal te kalna tur dip dal zawnga lirthei h<nte leh mahni dawr kawta “Customer Only” tih lo ziah ve ngawt hi kawng hmang vetu midang zah lohna a ni.

Sd/-

(C. LALTHANMAWIA)

Superintendent of Police)

Aizawl City Traffic Police

 

MISSIONARY LA DAWN

                  

                   Synod Mission Board (Mizoram Presbyterian Church) chuan kum 2016 chhung Contract Basis a thawk turin Missionary a la dwn a a dil duh tan a dil theih e. Dil duh chuan a hnuaia tarlan te hi hriattur a ni.

1. Synod Mission Board Office, Mission Veng a\angin dilna form siamsa (Standard application form) lak tur a ni a, hraittur \ul te chu dilan form ah tarlan a ni.

2. Dilan chu 18 November 2015(Nilaini) tlai dar 4:00 pm thleng Synod Mission Board Office ah thehluh tur a ni a, hun tiam hnu a mi chu pawm a ni lo ang.

3. 21 November 2015(Inrinni) chawhma dar 11:00 ah PC Girls School Mission Vengah Written Test

neih tur a ni a, 24 November 2015(Thawhlehni) zan dar 7:00 ah Synod Office ah Personal Interview neih tur a ni.

4. Written test topic tur chu hetiang hi a ni ang:

a) Bible Knowledge (Chanchi\ha bu 4 leh Tirhkohte Thiltih) Mark 50.

b) Mizoram Presbyterian Kohhran Chanchin, Mark 40

c) General Knowledge, Mark 10

5. Hlawh chu Synod hnuaia Contract Basic a thawk te rawihna rate angin pek a ni ang.

6) Hrechiang duh chuan office hun chhungin Phone No: 0389-2325899 ah zawhfiah theih a ni ang.

Secretary

Synod Mission Board, Synod Office

TUALCHHÛNG

, Pu C. Lalrinmawia h/o Lalchhingpuii (T.Sec) te chuan khawi ilo vah vel nan Bolero an lei thar.

, C. Zohmingmawia s/o C. Lalthlamuana (T.Sec) chu damlohna avangin Referral Hospital, Falkawn ah enkawl mêk a ni.

, Rosie Lalhruaitluangi w/o Lalremdika(V.Sec) damlohna avanga Aizawl Civil Hospital a enkawl a nih hnuin a lo chhuak.

tbz NEIHTHIL THEHKHAWM

A hun: Ni 16.11.2015(Dar 6:30 pm)

A hmun: Pu Lalbiakmawia In

Hruaitu: Upa Zairemthanga

|antu: Pu Lawiziki

cHATUAN RAMAH

Pu Sangnghina (Kum 69) chu ni 12.11.2015 (Ningani) khan Lungphuchawlin chatuan ram min pan san ta. A kalsan tak a chhung leh khat te Mipui Aw Editorial Board Member te chuan kan tawrhpuiin, Pathian in awmpuiin hnêm se tih hi kan \awng\aina a ni.

Jubilee t-Shirt

            Bial K|P Golden Jubilee T- Shirt a lo thleng tawh a, K|P Branch Committe member ten mahni bial tinah a la tura in report te hnenah an rawn sem dawn a, a man lo inring lawk turin kan inhriattir e.

sd/-

(PC VANLALHRIATPUIA)

Secretary

Kristian |halai Pawl, Skk Branch

HMANGCHÂNG

¤ Pickle i siam dawn chuan a kanna tur telah vinegar tlem telh la, a sawm tur a veng ang.

¤ Purun sen salad atan i chanin a rim ru lutuk tihziaawm nan tuiah darkar khat vel chiah ang che.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330