Mipui Aw 29.11.2015

MIPUI AW

KARTIN CHHUAK

Vol. XXI Issue No. 48 Kristian Thalai  Pawl  Saikhamakawn Branch  Pathianni Dt.29.11.2015

Vawiin changvawn :        In nun thein nân \hat lohna zawng lovin, \hatna zawng ula: tin,in sawi angin, Lalpa sipai hote Pathian chu in hnênah a awm ang.Sualna chu hua ula, \hatna ngaina ula, kawng kâah rorêlna chu tungding nghet rawh u: Josefho mi la awm chhunte chungah chuan LALPA, sipaihote Pathian chuan khawngaihna a nei dah law maw.(Amosa 5:14&15)

 KOHHRAN PROGRAMME

29.11.2015 (Pathianni)

 Sunday School

Chawhma Inkhawm

|antu              : Pi R. Zothanmawii

Zirlai 44-na    :  “Rorelna a awm ang”

Chawhnu Inkhawm

Thuhriltu       : Pu Khawlhmingliana

                        Zân inkhawm

Thuhriltu       : Upa Zairemthanga

K|P INKHAWM PROGRAMME

30.11. 2015 (Thawh\anni z^n)

Hruaitu           : Nl. Lalngaihawmi Ralte

|antu              : Nl. Vanlalhruaii

Thuhriltu       : Tv. F. Laldingliana

Thilpek lakh-             : Nl. Ruthi Lalenkawli leh

awmtute           Nl. Ruthi Remruatkimi

Zai hruaitute  : Tv. F. Laldingliana leh

(1-15 Nov.)       Tv. Lalrinnunga

Keyboardist   : Tv. Zomuanpuia

KOHHRAN HMEICHHE INKHAWM PROGRAMME

01.12.2015 (Thawhlehni) Z^n

Ramthim zin

A Hmun         : S.S. Hall

Hruaitu           : Pi Ropari

|antu              : Pi Vanlalbiaki

KOHHRAN PAVALAI PROGRAMME

Hruaitu           : Pu T.K. Manga

|antu              : Pu Ramdinthara

            Kohhran Pavalai Bial Meet thlirletna hun hman a ni ang.

                                   

SERMON

                           RAWNGBAWLTU NUN

            Keini zawng Pathian hnathawhpuite kan ni si a; nangni Pathian thlawhhma chu in ni a, Pathian in sak chu in ni bawk a. (IKor 2:9)

            Keiniho hi krista rawngb^wltuah leh Pathian thur<k enkawltuah miin min ngai rawh se. Hetah hian enkawltu chu mi rinawm nih a ngai a ni. (I Kor 4:1&2)

            Kan rawngb^wl hna hi an dem lohna t<rin eng kawngah mah tl<k phahna t<r r>ng r>ng kan siam lova; Pathian rawngb^wltute angin engkimah mi mit tlungin kan awm z^wk \hin, nasa taka chhelnaah te,...........nimahsela mi tam tak ti hausa siin; engmah nei lo angin, ni mah sela engkim ngah siin.(II Kor 6:3-10)

            Mizoram Kohhran hrang hrang te Kohhran thl$rin rawngbawltu kan indaih tawh hle hlawm a. Kohhran Upa a\angin  Sunday School Zirtirtu leh \antu thlengin, mi \hahnem tak kan awm  hlawm ngei ang. Chung rawngb^wltu zawng zawngte chu eizawnna kawngah leh tui zawng leh duh zawng pawh inang lo tak kan ni hlawm bawk. Pathian Thu-ah pawh kan thu ngaihdan a inang lo viau thei. Kan Bible-in min hrilh chiang tak pakhat chu Rawngbawltute hi ‘Pathian hnathawhpuite’ kan ni tih hi a ni. Pathian hnathawhpuitu chuan nangmah n>na thawk d<n Pathian n>n kh^n in ngaihdan a inang \hin em? Pathian chu i peih loh san \hin em? Han inchh<t chiang teh le.  

            Tin, Kohhran hnuaiah hian rawngb^wl hna p>ng hrang hrang a awm a, K|P, Kohhran Hmeichhia leh Kohhran Pavalai te leh thil dang tam tak a awm ang. Chutah chuan K|P, Kohhran Hmeichhia leh  Kohhran Pavalai a i rawngb^wl d^nah miin eng tiangin nge an hmuh che han in chh<t chiang teh le. |halaia i rawngbawlna nge i ngaih pawimawh, khawvel  lama i tuina zawng? Kohhran hmeichhia a i rawngbawlna nge i ngaih pawimawh, khawvel lama i mamawh? Pavalai a i rawngbawlna nge i dah pawimawh, khawvel lama hlawkna?  Heng zawng zawngte hi i hruai memberte kha zawtin han chh^n t$r chhin teh le. Eng tin nge an chh^n che a i rin? Mi tam tak chuan an ni chh^nna a pawimawh lo, ‘kei leh Pathian ink^r a fel phawt chuan’ an ti \hin. Mahni z^wnah insawi thiamna a awm zel a, kan rawngbawl saka te ngei pawhin Pathian aia dah pawimawh zawk neia min hmuh chuan Pathian mithmuhah chuan eng tak ang ang maw?

            Pathian Thu chuan ‘Kan rawngb^wlna hna miin an dem lohna t<rin eng kawngah mah tl<k phahna tur r>ng r.ng kan insiam lova’ tih kan hmu. Mi \henkhat chu Pathian rawng kan b^wl ve avang hian mi eng emaw zat  chuan an tluk phah lo maw le? Tin, Pathian rawngb^wltuah leh Pathian thur<k enkawltuah miin min ngai rawh se tiin  kan hmu leh bawk a. Mite chuan eng ang chuan nge min ngaih? Rawngbawltu Pathian Thu aiin khawvel lam changk^nna leh infiamna lam ngai pawimawh zawkah an ngai che em? Pathian thur<k enkawltu nih aiin dam chh<ng khawsak lungkhamtuah an ngai che em? Tin, Pathian lam ai chuan Politics, kan party an lal lovang tih hlau zawk hmuhin an hmu che em? Heng zawng zawng hi mi dangte tl<k phahna siam theitu a ni a sin. In sawi thiamna zawng zawng mah la Pathian thuin a tih tlat avangin i awm d^n kha siam thar  ngai, rawngb^wltu i nih kha hre reng ang che.  

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

KAWN CHEI

                Aizawl Khawpui chh<ngah chuan a ti lo b$k nih pawh a nuam tawh lo hial ang le! Hm^nah kha chuan Krismas ti Krismas tu chu ruai \heh hi a ni \hin a, tunah erawh chuan han ti Krismas tu hi a awm ta lem lo. A tui fal leh a peih fal ten mahni in leh a v>l an chei mawi te hi a ni ta mai a. Krismas hlate hian lung a l>n ta vak hlawm lo chu a nih ber hi. Engkim mai hi ngaiah kan neih vek tawh hlawm a, a ngai hi kan ning tlang chu a ni e. Tin, hmanah kha chuan Krismas leh Kumthar hi chuan Halpuah leh puak thei thil chi hrang hrang nen Lal lo piang tur hi kan lo hmuak \hin kha a ni a. Tunah hi chuan kh^ng hun zawng zawng kha \hing kan ti ta viau bawk a, a h^l duh t^wk erawh kan la bo chuang lo ve.

            Engpawh nise, tuna kan uar lai hi theihtawp han chhuah tl^ng zel i la, miten hlim taka Krismas an hman theih hi a hlu ber a, a buaite buaina a zarah hlim takin kan hmang \hin hi a hlu hle a ni. Mi \henkhat erawh chuan kan K^wn chei hi tuipui ve vak lo mahse an sawisel chuang lova, \henkhat erawh chuan an tui lo mai ni lovin nasa takin an sawis>l thung a. Khawvelah hian a lungrual tak tak theih dawn loh a nih awm hi. Mahni tuina lam lamah Lalpiang chibai buk turin inbuatsaih \heuh zel ang ila, kawng khat chauhva thil thl$r lovin, kil hnih kil thum a \angte pawhin thlir thiam hi a fin thlak awm e.

            Eng pawh ti i la, kawn pawh chei mawi ila, chei lo pawh ni i la, he khawvel lal mai ni lo, lei leh v^n Lal, Isua Krista avang a ni tih hi kan rilruah hre thar leh ang u. Pathian lam reng reng ngaihsak hman lo l>k hian kan thil tih lamah kan rilru kan pe lutuk ang tih erawh a hlauhawm hle thung. Eng kim kan tih hi A ropui n^n i hlan z>l i la, lei  leh v^n Lalber lo thlenna tl^kin kan khawtlang i  chei mawi zel ang u.    

ARTICLE

PATHIAN HNATHAWH A CHUNGA A LANNA TUR A NIH ZAWK HI - JOH.9:3                                  -Dawngkima

                                                                                   

“ Min \awng\aisak tute dilna Pathianin a chhan dan ka chunga lo thleng puan chhuah hi ka bat a ni si a”.

                       

                        Sawrkar duty a vawi tam phaia ka kal hian phai kal ve Mizo tam zawk chu mangang dawmdawiin pan hmel hmuh hrehawm tak an nih zia ka hmuh laiin kei hi engvanga hrisel \ha tak, malsawmna chitin dawng bik nge ka nih ti a ka lawmna leh hetiang natna rapthlak min pe ve lo tura ka dil ngawih nngawih chu ka dil hlawhchham chiang hle in ka hria a. Dil leh tur pawh ka hre tawh lo a  ni. Lawmna chang hriat hi a hua nge ni, “Ka thinlungah lawmna ri chu \hatna in a par chhuak ‘(KHB -No 417) zo lo deuh zawk em ni? Malsawmna a min den laiin a dengtu ka ngaihsak tawk loh vangin lungtumin min deng ta zawk? Tidamtu ka hriat nan natna min pe em ni le? ka ngaihtuah buai khawp mai.

                       

             A hming pawh ka sawi \hat ngam loh ka hlauh ber chu ka taksa ril lai takah a tang tlat mai si a, phai kan pan ta ruai mai a ni.

Thilmak 1-na :- Mite tuar \hin chemo khai leh inhem avanga tuarna reng reng ka tuar ve ta lo tlat mai a. Min enkawlna hian a thawh tur a thawk ta lo hial ang tih pawh ka hlau a ni. Natna min pe a, ka nat erawh a phal silo a nih chu.

Thilmak 2- na :- Min zai hma chawlh hmanga kan lo haw lai khan zankhat chu Vairengte a kan chhungte hnen a\angin phone ka dawng ta a. “ Kan rawngbawlpui Nl. Tluangin Dawngkima natna ka  phur, amah chu a dam tawh tiin a let a let mai a, kan in zawt chianga nangmah ngei i nih thu a sawi avangin kan rawn hrilh che a nih hi” tiin amah pawh phone pe in kan inbe nghal nghe nghe a. Phaia kal a hun tawh si, ngaihtuahna a buai hle. Kan Nu in zuk kal leh phawt a, a chian na Doctor-te hnen a\ang pawh a hmuh belh a beisei  avang leh mite lo tawn dan pawh a nih avangin phaiah kan liam thla leh ta a. CT Scan chi hnih leh Endoscope-ah Cancer hnuhma a lan tawh loh thu leh zaina chhan tur pawh a awm lo ti a. Doctor min hrilh chuan chhungril a nghawr ta dawt mai. Zaimi Surgeon te erawh chuan a ser chawpa paih vek an duh cheu avangin zai turin min la buatsaih tho a.

Thilmak 3- na:- Zai tura min buatsaih zan dar 10:00 velah hnimhlum pek theih ka nih loh avanga zai \hulh thu ka dawng ta tlat mai. Pathianin zai a phal lo ah kan ngai hmiah. Ngaih\hat nan Chemo leh hem tlemte tiin a tawk mai ang an tih avangin hem turin kan in buatsaih leh ta zela. Biopsy result a chhuak a, a lo normal leh avangin Chemo lak a ngai leh ta tho a. Hem dan pangngai pawh a tawk tawh avangin chhunglam a\anga hem (Internal radiation) ti mai ang, mahse engti kawng mah in zai a theih dawn tawh lovang an ti bawk si avangin a naka zen kher pawha la chiang zel hi a tawk tawh e tiin lawm tak in kan lo haw ta a ni.

            Ka dil loh pawh a ni lo, ka chunga thleng lo tura ka dil  a thleng tlat laia damna pek ka nih leh si hi ka dil ni lovin mimal leh Kohhran anga min dilsakna avang tih hi a chiang a. Piantirh ata midel thu a Lal Isua thusawi a nu leh pa thiam loh pawh ni lo, ama thiam loh pawh ni lo ang khan keimah ah Pathian hnathawh a lanna tur a ni zawk tih hi ka thinlungah a ri reng a, tihdam a duh tawk mai ang nge, keimah ah Pathian hnathawh lo lang tur chu nghakin ka lo in pe tawp rih mai a ni. Tih dama ka awm hi a zau thei ang bera puan chhuah erawh ka tih tur hmasa ni tlat in ka hria. Min |awngtaisak tute chungah lawmthu ka sawi mawlh mawlh e.

                                                                                                        

                       

BENG TIVÂR

HOMONALEDI : S.Africa Gauram Province puk pakhatah Homonaledi, chawhrualin 5ft v>la s^ng t<r, mihring ni chiah lo ruhro an hmu chhuak \euh  mai. An kut zungpui a sei em em a, an buan invuah d^n Z^wng a nihna lai awm si, Mihring n>na inanna lai tam tak awm bawk si. BBC leh CNN hialin a cover a ni.                                   
            Kan Mizo Inbuan chak hr^ng hluite thlalak:

PuTl^ngsiama,

Pu      

Chalchungnunga leh Pu Lalkulha.

THAU DAM REI ZAWK: University of Cambridge a mi thiamte chuan,thau lutuk hrim hrim aiin, taksa che tl>m lutuk, insawizawi ngai lote an thi nasa z^wk tih an hmu chhuak a. Kum 12 chh<nga mi nuaithum(3) chuang chanchin an zir hnuah Cambridge mi thiamte chuan, thau lutuk avanga thi l>t hnih(2) a tam taksa ch>t tl>m lutuk avanga thi niin an sawi. Cambridge mi thiamte chuan taksa ch>t tlem avanga thi hi kum tin mi 6,76,000 vel an awm a, thau lutuk avanga thi chu mi 3,37,000 vel an ni an ti a. Hei vang hian nitin chak vak lova , minute 20 vel tal, ke a kal a \hat thu an sawi. Taksa ch>t leh insawizawi hi mi thaute chauh ni lo, mi ch>r z^wkte pawhin an mahmawh tho tih mi thiamte chuan an sawi a, mahse mi thaute hi an taksa a rih avanga an ch>t tl>m deuh z>l avangin, thau leh ch>t tl>m hi a inkawp duh hle tih an sawi bawk.      

BIBLE  QUIZ  No. 100

JOHANAbung 11-15

A kâr âwl dah khat rawh :

Q1. Tin, a farnuten Isua hnenah, “Lalpa, ngai teh, i _____________ kha a dam lo ve,” tiin mi an tir a.

Q2.A tukah chuan kutnaa lo kal mipui tam takin,Isua _____________ khuaah a lo kal dawn tih an hriatin,

Q3. Kei Lalpa leh _____________ mahin in ke ka sil chuan nangni pawhin in ke in insilsak tur a ni.

Q4. Tupawh mi hmangaih lo chuan ka thu a zawm lo; thu inhriatte hi ka ta a ni lo, Pami _______ ta a ni zawk e.

Q5.  In hnena ka thusawi avang chuan tunah pawh in _______________tawh pang a ni.

A bung leh châng dah rawh :

Q1.Chuta ka awm lo chu ka lawmsak a che u, in rin theih nan; nimahsela a hnenah i kal ang u,” a ti a.

Bung: ________         Chang: _________

Q2. Philipa chuan Andria a rawn hrilh a; tin, Andria leh Philipa chuan Isua an rawn hrilh a.

Bung: ________         Chang: _________

Q3. Tin, ani chuan chhang them chu a la a, a chhuak ta nghal a; chu mi lai chu zan a ni a.

Bung: ________         Chang: __________

Q4. Tupawh mi hmangaih lo chuan ka thu a zawm lo; thu inhriatte hi ka ta a ni lo, Pami tirtu ta a ni zawk e.

Bung: ________         Chang: _________

Q5.   “In inhmangaih theih nan heng thu hi ka pe a che u.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 99 RESULT

Chhanna lut zawng zawng      : 5

Chhang dik vek            : 5

Lawmman dawngtu      : C.Lalruatfeli (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

LAWMTHU SAWINA LEH NGENNA

            Kan hma lawk a Krismas lo awm tur lawm nan a kawnchei hnatlang neih na a thawk chhuak zawng zawngte chungah lawmthu kan sawi a. Tin, thing phurh hnatlang neih ni a lirthei phal taka min hman tirtu Pu H. Liantluanga, Pu C. Lalrinmawia leh Pu C. Vanlalsanga te chungah kan lawm hle bawk. Hmabak tam tak kan la nei a, bul kan \an chauh a ni a, k^wn chei hnatlang kan la neih zel turah pawh kawtlang mipui a pui a nawiin hnatlang turin kan in s^wm in kan in ngen a ni e.

Sd/- (C. LALDAWNGLIANA)

Secretary

 Y.M.A Saikhamakawn Branch

MISSIONARY TRAINING COLLEGE HRIATTIRNA

            Mizoram Missionary Training College(MTC) ah Bachelor of Missiology (B.Miss) zir duh tan zir theih a ni leh ta. Dilna form hi Rs.50/- in Office hun chhungin MTC Office a\angin lakchhuah theih a ni e.

Dil thei chin : Class XII pass chin

Dil theih ni hnuhnung: Jan.31, 2016

Written Test: March 1, 2016

Interview: March 3, 2016  

Sd/-Principal

Missionary Training College

Mission Vengthlang

Ph. No: 2310157/2301337/9612564113        

PRESBYTERIAN BIBLE SCHOOL ADMISSION NOTICE

Presbyterian Bible School, Mission Veng, Aizawl ah C.Th(Certificate in Theology)  zir tur lak a ni leh dawn a, dil duh chuan heng hi hriat tur a ni e:

1) Admission form Office ah Rs.10/- a lei tur a ni a, December 3, 2015(Ningani) tlai dar 3:00pm thleng PBS Office ah  thehluh theih a ni.. Diltu chu Class VII passed, kum 16 aia naupang lo, Kohhran dan chhunga awm a ni tur a ni.

2) December17, 2015(Ningani) zing dar 10:00am ah Interview neih tur a ni a, a tling te chuan January 15, 2016(Zirtawpni) ah Class \an tur a ni.

3) Zir hun chhung hi thla li i.e., January -April, 2016 a ni a, zirlai pakhat hnenah Stipend Rs.500/-thla khatah pek an ni ang.Hostel a awm lo. Hrechiang duh tan Phone No: 2317343/2325082/9436198231 ah zawhfiah theih a ni e.

Sd/- Rev. P.C Pachhunga

Executive Secretary

i/c Presbyterian Bible School

PAVALAI  MEET PROGRAMME

            Hlimen Pastor Bial Pavalai te chuan nizan a\ang khan Melthum Kohhran Biak Inah Meet an hmang a. Vawiin lam Programme chu hetiang hi a ni:

Chawhma Inkhawm (Dar10:00am)

Chairman: T.Upa Lalmuankima, Fin.Secy, BKPP

|antu: Pu : Lalramchhana, Hlimen Damveng Kohhran

Thupui 1na: Rinawmna: Pathian lakah.

Speaker: Upa Vanlalzuia, Bial Chairman

Zaipawl: Melthum KPP

Chawhnu Inkhawm(Dar 1:00 pm)

Chairman: Pu H. Remtluanga, Committee Member.

|antu: Pu Biaknghinglova, Hlimen Vengthar Kohhran

Thupui 2-na: Rinawmna: Mihring lakah.

Speaker: Upa Vanlalzuia, Bial Chairman.

Zaipawl: Hlimen KPP leh Hlimen Vengthar KPP.

Inkhawm ban Fellowship

Hruaitu: Pu Hmingthansiama, Comt.Mem. BKPP

|antu: Pu Laltluanga, Hlimen Kohhran.

Special Item: 1) Pu T. Lalrinthanga, Saikhamakawn Kohhran

2) Pu C. Lalremliana, Melthum

3) Male Voice: Saikhamakawn KPP

4) Duet: Pu Lalramlawma leh Pu Lal\anpuia, Hlimen Damveng Kohhran

Zan Inkhawm(Dar 6:30 pm)

Chairman: Pu K. Vanlalsanga,Vice Chairman BKPP

|antu: Pu Vanlalfela, Saikhamakawn KPP

Zaipawl: Hlimen Damveng KPP, Melthum Kohhran Zaipawl, Bial Zaipawl

2016 Bial Hruaitu thar hlanna.

Hlantu: Upa C.Lalmuankima, Bial Secretary Senior

Thupui 3-na: Rinawmna: Kohhran leh Rawngbawlna ah

Speaker: Upa Vanlalzuia, Bial Chairman.

TUALCHHÛNG

, Pi Lalthantluangi m/o C.Lallawmawma (V.Sec) te chuan khawi ilo vah vel nan Bike(R15) an lei thar.

,Tv.Lalfakzuala s/o Upa Zairemthanga (V.Sec) chu rilphir zai avanga BN Hospital -a awm chu dam takin a lo chhuak ta.

,Pu Lalthanliana Ngente te chhungkua chu Chhinga Veng East a\angin Pu Rochungnunga (V.Sec) te in an rawn luah

,Pu Lalrochama (V.Sec) chuan khawi ilo vah vel nan Bike(R15) thar a lei.

CHATUAN RAM LAMAH

            Pi Vanlalruati (57) d/o H.Lawma chu Ni 23.11.2015 zing lam khan chatuan ram min lo pansan ta a. A kalsan tak a chhungte Mipui Aw Editoril Board te chuan kan tawrhpuiin Lalpa’n vengin awmpui zel rawh se tih hi kan \awng\aina a ni e.

ZIRNA HLAWHTLING

            Tv. P.Lalnunsanga s/o P. Vanlalruata chuan A.N.M (Healthworker) chu \ha takin a pass. Mipui Aw Editorial Board chuan kan lawmpuiin a kal zelna turah duhsakna sang ber kan hlan bawk e.

PIANO COMPETITION-AH KAN VENG A|ANGIN 3-NA

            Mizoram mai ni lo, India ram pawha lawmman \hat berna zing ami intihsiakna, Piano Competition “The Pionist”, The Grand Hotel, Chanmari, Aizawl a neih tâkah Lalmuanzuala s/o Zoramnghaka (V.Sec) chu Junior Category (Under 14) ah Pathumna a ni. Mipui Aw Editorial Board Member te chuan kan lawmpuiin a kal leh zelna turah duhsakna kan hlân e.

PUANTAH ZIR DUH TÂN

            Mipa leh hmeichhia puantah zir duh t^n thla thum(3) chh<ng  free-in kan zirtir thei e. Zir duh kan awm chuan eng tik lai pawhin biak theih kan ni e.

Sangawii-  8414916040

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 22.11.2015

MIPUI AW

KARTIN CHHUAK

Vol. XXI Issue No. 47 Kristian Thalai  Pawl  Saikhamakawn Branch  Pathianni Dt.22.11.2015

Vawiin changvawn :Zilhhau fo pawh a ring ti  khawng tlat chuVawilehkhatah tihtliahin a awm ang a, tihdamna a awm lo vang.(Thufingte 29:1&2)

 KOHHRAN PROGRAMME

22.11.2015 (Pathianni)

Bible Society of India:

City Area Meet 2015-South Zone

Chawhnu Inkhawm

Bible Society of India:

City Area Meet 2015-South Zone

                       

                        Zân inkhawm

Bible Society of India:

City Area Meet 2015-South Zone

K|P INKHAWM PROGRAMME

23.11.2015 (Thawh\anni Z^n) Sermon

Hruaitu           : Nl.Malsawmtluangi

|antu              : Nl. Vanlaltlani

Thuhriltu       : Tv. C. Lallawmzuala

Thilpek lakh- : Nl H. Lalhmingmawii

awmtute           leh Nl Zothansiami

Zai hruaitute  : Tv.Lalrinnunga

(16-30Nov.)       leh F.Laldingliana

Key Boardist  : Tv.Zomuanpuia

KOHHRAN HMEICHHIA PROGRAMME

24.11.2015 (Thawhlehni Z^n)

Hruaitu           : Pi Laltlanzari

|antu              : Pi Vanlalsiami(VLi)

Thuhriltu       : Pi R. Zasangia

PAVALAI PROGRAMME

(26.11.2015)

Hruaitu    :      Pu T. Lalrinthanga

|antu      :      Pu J.Lalthantluanga

Thusawitu:  Pu Siamliana

                                   

SERMON

                           MIDANG LAWMNA ZAWN

            Chutichuan keini mi chakte hian mahni l^wmna zawng lovin, mi chak lote chak lohnate chu kan tuarpui z^wk t<r a ni. Mahni vengte tih s^wt n^n an \hatna turin tihl^wm i tum \heuh ang u. Krista pawh chuan mahni l^wmna a zawng si lo; “Nangmah hautute hauna chu keima chungah a tla ta a,” tih ziak ang kh^n a ni z^wk.(Rom 15 :1-3)

            Rawngbawltu hlun leh thil chinch^ng hre tawh zawkte hian kan rawngbawl d^n leh kan chet duh d^n tam tak hi mi chak lote t^n nge kan thawh a, kei mahni’n kan lawm vang z^wk tih han inz^wt hmasa teh ang u. Tunlai khawvelah kan rawngbawl d^n leh kan chet d^n han thlir kir i la. |halaite phei chuan mi tih d^n leh prog. changk^ng z^wk kan hmu a, an tih d^n kan zir ve nghal zel bawk a. Mi hlate hnuh hnaihn^n tiin prog. hrang hrang, changkang zawk hmang turin ruahmanna kan siam nasa em em  a. Heng zawng zawngte hi veng \henkhatte chuan an chhawr viau \h$n r>ng a, Pathian lama tui tharna pawh an neih theih phah a ni. Rawngbawltu chuan heng kan prog. siamte hi kan tui zawng a ni emaw ni lo emaw theihtawp kan chhuah zel a ngai a ni. A chhan chu, heng hmangte hian mi hlate Pathian hn>nah kan hruai theih chuan thil lawmawm tak a nih dawn vang a ni. Keimahni lawmna zawng lova, midangte lawmna zawng tawh zawk tur kan nih in hriat reng hi a \ul fo  a ni.

            Rawngbawltu tam tak chu, kan tuina chauhah theihtawp kan chhuah a, kan tui lohna chu sawisel tur kan zawng ruai \hin. Mi chak lote chak lohna tuarpui a, an chaklohna lai dawm k^ng tur kan nih hi kan inhriat thar leh a \ul a ni. Tunlai khawvel hun khirh takah phei hi chuan theihtawp chhuaha rawngbawltute kan \an a ngai tak meuhva, setana hian a eitheih tur zawngin theihtawp a chhuah ve mek zel avang hian inthlahdan hauh lova kan \an a ngai hle a ni. Tuna kan rawngbawl d^n hi han in en chiang i la, ruat kan nihna chinah chuan kan thawk chhuak ve mai pawh a ni thei a, chu ruat kan nihnaah chuan tu t^n nge i thawh a, tu t^n nge rawng i bawl? han in zawt leh teh ang. Pathian t^n ka thawk a, Pathian t^n rawng ka bawl kan ti \heuh awm e. Chhanna dik tak a ni a, mahse Pathian rawngbawl ni a kan inhriat lai tak hian Lal Isua hnenah mi chak lo zawkte leh mi hlate i hruai tleng em? tih hi kan in chhut fo a \ul bawk a ni. Ruat kan nihna zawnah kan thawh ringawt hian thlarau bo Pathian hnena sengkhawm si lo hian a tidarhtuah kan \ang mai ang tih a hlauhawm hle a ni. Rawngbawltu chu mahnit^n thawk tur kan ni tawh lova, midangten nun an neih theih n^n theihtawp kan chhuah tak meuh a ngai tawh a ni. Tuna rawng ka bawl ka tih ang mai mai hian chatuan ram kan inbawl thleng lovang tih a hlauhaw m hle a ni.

            Tin, prog. changkang leh light ringawt hi Pathianin a duh ber lova, Thlarau bo Ama hnena kan hruai thlen theihna tur kan ngaihtuah a ngai hle a ni. Thil changkang leh mak, ropui leh hlimawm ringawt hmang hian Lal Isua hian ram din a tum ngai lova, chuvangin rawngbawltute pawhin kan peih vang leh nuam kan tih vang pawh ni lova hmun hrehawm leh khawhar zawkah pawh kan kal a \ul zawk \hin a ni. Tuna kan awmdan hian thlarau bo a man ther zel a nih lh phei chuan kan kal phung chu siam\hata, rawngbawldan, thlarau bo man zawnga kan insiamrem a \ul zawk a ni.

                                                     

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

I NUNAH ISUA A LAL EM?

                Tunlai khawvelah finna leh thiamna a sang tawh hle, Media lam Information pawh a chak >m >m tawh a. Chung information kan hmuh tam ber chu thil \ha lam aiin chhiatna lam thil a ni ngei ang. Mi chanchin \ha sawi hmuh tur a tlem em em a ni. Facebook leh Whatsapp lama kan hmuh tam ber pawh chhiatna lam a ni deuh ber z>l. Pathian Thu lam post awm chu kan ngaithei vak lova, pa pakhat phei chuan “Mahni zawm theih loh thu post post hlawm mai” tiin a comment nghe nghe a. Mi in thil a tihsual an rawn post a, \henkhat chuan na tak takin an lo comment a, a thil tihsual duh lotu khan thil tisualtu chungah khan a ngaihtheih loh tak sual kha zuk ti duh ^wm hial khawpa a comment hmuh t<r a awm ch^ng a awm \h$n. Ch<ng mi \hate chuan Pathian Thu tak erawh an ngaithei miah chuang lova, ‘Lalpa |ihnain miin sual a kalsan \hin’ tih kha kan hlat hlawm hle.

            Pathian Thu lam leh thil \ha lam chuan ngaihven a hlawh lova, a chhe lam hian kan rilru a hruai nasa hle tih a chiang hle a ni. Chung mi tam zawk te chu, Ram hruaitu leh Khawtlang hruaitu  han ni ta se kan ram leh kan khawtlang chu a \ha awm mang e, tih tur awm tak an tam thei hle. Mahse chung na tak tak leh sual haw awm tak taka  thu rawn post \h$nte leh, mi thil tih dik lo lai rawn sawi chhuak \h$n mite chu han b>l chiang i la an lo nih ve tawh chinah pawh thil \ha an lo ti chhuak bik chuang lo tlat. Pathian Thu chu Pathianin kan zawm at^n min pe a, kan zawm theih loh chhan chu kan zawm duh loh vang leh kan tl^wm hreh v^ng a ni fo \h$n. Pathian tel lo hian sual i haw viau ringawt lo maw? Lalpa tel lo chuan eng ang a nasa pawhin i vei zawng sawi sawi \h$n mah la, I nunah Isua a Lal em? tih an zawt tho tho vang che.        

           

ARTICLE

UNIVERSE HI KUM ENGZAHA UPA NGE?

            He universe ropui zia leh mak zia hi mi thiamte pawhin an la zir zo thei lova, an zir mek a, an zir zel ang a, an zir zawh theih a rinawm lem loh a ni. A bul \an nan Big Bang zawha universe upat zawng hi i lo en chhin teh ang.Kum kal ta zawng zawng, Century hmasa chh<ng zawng khan astronomer te chuan Universe upat (kum zat) hi zir chian an tum thin a. Tun kum zabi thar kan kai chhoh tantirh thleng khan universe kum zat hi a la chiang lo va. Wilkinson Microwave Anisotropy Probe (WMAP) khawl an din (launch) a\ang chiah khan a danglam ta a ni. Hemi hma zawng hian astronomer te chuan universe hi kum engzah chiah nge a ni tih hriat tumin an ngaihtuah nasa hle a.WMAP hma zawng hi chuan astronomer te chuan Hubble Constant an tih mai (Universe \han len zel dan a\anga chhut) a\angin an chhut \hin a. Hubble constant a\angA chhut tur chuan, astronomer te chuan Galaxies hla tak a mi chu a hlat zawng (distance) an zir a (by using Cepheid variable star or other objects of known intrinsic brightness), he khawvela a\anga a kal hlat chak zawng nen an chhut a. Chuta \ang chuan galaxy te chet vel dan an han chhut zel a, Hubble constant nihna (value) an rin dan an hmuh hnuah, universe kum zat chu universe chhunga thil awm dan leh chet vel dan a\angin an chhut ta \hin a ni.

            Mahse hetah hian buaina a awm tlat mai. Astonomer te chuan Hubble constant value an teh dan hi a inang thei tlat lo mai a, universe density leh composition leh hlat zawng an teh chhuah chu an inang thei ta tlat lo a ni. Hei vang hian astronomer hrang hrangte chu ngaihtuahna hrang hrang puin an awm a. Hei hi kawng hnihin an \hen tlangpui a, pakhat zawng chu range of 50 kilometers/second/mega pe rsec a ni a, pakhat dang leh chu 80 Km/sec/Mpc in a ni (Mega per sec hi 3.26 Million light-years, emaw mel Tluklehdingawn, tlunglehdingawn 20 vel a ni). Tichuan chumi group pahnihte chuan universe upat zawng chu kum tluklehdingawn 10 a\ang 16 velin an chhut chhuak a. Value sang zawka chhut tute hian universe hi an chhut naupang zawk a.

            Hei hi researcher group hrang hrang in an chhui a, chung zingah chuan Wendy Freedman leh a pawlte pawh an tel a. He mite hian Hubble Space Telescope chu galaxy hrang hrang hlat zawng chhut nan an hmang \hin a ni. Chu chuan Hubble value kha a tlem thei ang berin an chhut a mahse he mite pawh hian engmah an chiang chuang lo a ni.

            Hei bakah hian Universe upat dan hi chhutna a la awm leh a, chu chu universe chhunga thil upa ber a\anga chhut tumna a ni. Astronomer te chuan radioactive elements chhe tawh a\angin universe upat zawng hi an chhut ta a. He khawvela lung (rock) upa ber chu 3.8 billion years (Kum tluklehdingawn 3.8) in an chhut a, Meteorites (space a\ang lung keh them) upa ber chu 4.6 billion years in an chhut chhuak ta a. Hei hi a hmaa an chhut tawhna nen belh emaw paihin universe hi kum tluklehdingawn 12 a\anga 15 inkar vel angin an chhut chhuak ta ni.

            Hei bakah hian Chhut dan hrang an la nei leh a, chu chu Globular Cluster a\angin arsi eng (luminous) ber an en a (Globular Custer chu arsi bial deuh pep pupa inhlawm khawm a ni). Chuta \ang chuan arsi inhlawmkhawm upat zawng chu an chhut ta a ni. Arsi eng ber an en a, chuta \ang chuan, a en dan a\angin a temperature an chhut a. Chu chu an han zir chho zel a, arsi upa berte chu 12 billion years vel niin an ngai a ni. Astronomer te chuan Globular hian universe upat dan a hril hnem hlein an hria a, a chhan chu Globular hian elements chang tak tak leh rit tak tak a nei, chuvangin thil awm hmasa berte zing a mi an ni thei a ni. Hemi hnu hian kum 2003 khan WMAP chu an han hmang ta a, Astronomer te chuan uluk takin ‘microwave background radiation’ chu an han chhut a, Universe hi 13.7 billion years ah an chhut chhuak ta a ni. He an chhutna hi 1% vel chuan la dik loah an ngai. Hei hian inhnialna zawng zawng chu a ti tawp ta a, mahse inhnialna ropui tak zawng a ni.

BENG TIVÂR

WEBSITE SUM LALUT HNEM TE

Websites                             Kumkhata lakluh zat

1. Google                    -           $21,800,000,000

2. Amazon                   -           $19,166,000,000

3.Yahoo                      -           $7,200,000,000

4. eBay                                    -           $6,290,000,000

5. MSN/Live               -           $3,214,000,000

6. PayPal                     -           $2,250,000,000

7. iTunes                      -           $1,900,000,000

8. Reuters                    -           $1,892,000,000

9. Priceline                  -           $1,884,000,000

10. Expedia                 -           $1,447,000,000

11. NetFlix                  -           $1,200,000,000

12. Travelocity                        -           $1,100,000,000

13. Zappos                  -           $1,000,000,000

14. Hotels.com                        -           $1,000,000,000

15. AOL                      -           $968,000,000

16. Orbitz                    -           $870,000,000

17. Overstock              -           $834,000,000

18. MySpace               -           $800,000,000

19. Skype                    -           $550,000,000

20. Sohu                      -           $429,000,000

21. Buy.com                -           $400,000,000

22. Stubhub                 -           $400,000,000

23. Alibaba                  -           $316,000,000

24. Facebook               -           $300,000,000

25. Youtube                -           $300,000,000

26. Blue Nile               -           $295,000,000

27. Tripadvisor                        -           $260,000,000

28. Getty Images        -           $233,000,000

29. Bidz                      -           $207,000,000

30. NYTimes               -           $175,000,000                                     
            COMPANY SUM LALUT HNEM TE:

Companies                         Kumkhata lakluh zat

1. Wal-Mart Stores      -           $485.65 billion

2. Sinopec                   -           $433.31 billion

3. Royal Dutch Shell   -           $385.63 billion

4. PetroChina              -           $367.85 billion

5. Exxon Mobil                       -           $364.76 billion

6. BP                           -           $334.61 billion

7. Toyota Motor          -           $248.95 billion

8. Volkswagen                        -           $244.81 billion

9. Glencore                  -           $209.22 billion

10. Chevron                -           $191.76 billion

11. Samsung Electronics -       $188.48 billion

12. Apple                    -           $182.8 billion

13. Phillips 66             -           $161.21 billion           

14. Dailmer                 -           $157.04 billion

15. General Motors     -           $155.93 billion           

BIBLE  QUIZ  No. 99

JOHANA BUNG 6-10

A kâr âwl dah khat rawh :

Q1.Tin, damlote chunga _______________a tihte chu an hmuh avangin mipui tam takin amah an zui a.

Q2. Tin, Isuan anni chu a chhang a, “Ka thu zirtir hi ka ta a ni lo va, mi ____________ta a ni zawk.

Q3. Isuan, “Ramhuai zawl ka ni lo ve; ka Pa ka _________________ a ni zawk e, nangnin ka hming in tihchhiat hi.

Q4. Chutichuan ________________a mit a lo var tak danzia an zawt leh a. Ani chuan an hnenah, “Ka mitah hlum a dah a, ka sil a, ka hmu thei ta mai a ni,” a ti a.

Q5. Kei kawngkhar chu ka ni; tupawh keimahah a luh chuan _______________ a awm ang a, a lutin a chhuak ang a, a ei tur a hmu bawk ang.

A bung leh châng dah rawh :

Q1. in, Isuan an hnenah, “Kei hi nunna chhang chu ka ni; tupawh ka hnena lo kal chu a ril a tam lo vang, tupawh mi ring chu engtikah mah a tuihal lo vang.

Bung: ...............          Chang: ....................

Q2. Mipui a then tam tak erawh chuan ani chu an ring a, “Krista chu a lo thlen hunah,he mi tih aia tam zawk thilmak a rawn ti ang em ni?” an ti a.

Bung: ................         Chang: ....................

Q3. Mi tirtu chu ka hnenah a awm a, mi thlahthlam lo ve; a thil lawmzawng apiang ka tih fo avangin,” a ti a.

Bung: ................         Chang: ....................

Q4. Pathianin Mosia a bia tih kan hria, he mi teh chai hi khawia lo chhuak nge a nih kan hre hrep lo ve,” an ti

Bung: ................         Chang: ....................

Q5. Isuan an hnenah, “In Dan Lehkhabuah ‘Pathiante in ni ka ti,’ tih ziak a ni lo vem ni?

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 30 RESULT

Chhanna lut zawng zawng : 2

Chhang dik vek                       : 2

Lawmman dawngtu: C. Lalruatfeli (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

B.S.I AIZAWL AUXILIARY

CITY AREA MEET 2015

SOUTH ZONE

A hmun: Saikhamakawn Kohhran Biak In

A hun: 21 & 22, November 2015

Thupui: “Chanchin\ha hi hril rawh u” (Marka 16:15)

Pathianni Chawhma (10:00am)

Chairman: Rev. C.Sapkaia

Pastor i/c Hlimen Bial

|antu: Upa K.Lalrinmawia

ITI Veng BCM

Zaipawl: BCM Republic Vengthlang Kohhran Zaipawl

Thilpek hlan: Rev. A.Khawlrimawia

Elim Kohhran, LIKBK Bungkawn

Zaipawl: Saikhamakawn Kohhran Zaipawl PCI

Inkhawmban Inpawlhona

Hruaitu: Pu H.Vanlalrawna

Recruiting Sgt. ITI Veng Corps SA

Pathianni Chawhnu (1:300pm)

Chairman: Rev. TC Laltlawmlova

Vive President, Aizawl South III Br.

Zaipawl: Khatla Branch Kohhran PCI

|antu: Pu Malsawma Lawnthang

Khatla

Zaipawl: Bethlehem Vengthlang Kohhran Zaipawl PCI

Zaipawl: Besy Choir

Thuchah: Rev. Vanlalbela

Zaipawl: Maubawk Sikul Veng Kohhran Zaipawl PCI

Inkhawmban inpawlhona

Hruaitu: Upa R.Khawpuithanga

Tlangnuam PCI

Pathianni Zan (6:30pm)

Chairman: Rev. Chalhnuna

President, Aizawl South I Branch

Zaipawl: Besy Choir

|antu: Elder Vanhmingliana

SDA Upper Republic

Zaipawl: Jubilee Kohhran Zaipawl PCI

Thilpek hlan: Rev. K.Darsailova

Vice President, Aizawl S-I Br.

Zaipawl: Kulikawn Kohhran Zaipawl PCI

VENGCHHUNG MIPUITE HRIATTIRNA

                   Saikhamakawn Ramri lam fehkawng, Phultuikhur chhak kawngkawi sirah leh Biakavau kawng Pu R.Lalzuala inbul ah te, Pu Kapkhama inbul ah te bawlhhlawh paih phal a ni lo a, henglai hmuna paih \hin te paih tawh lo turin kan inngen in kan inhriattir a ni e.

Sd/- (R. BIAKTHANSANGA)

Secretary

Local Council, Saikhamakawn

SYNOD HRUAITU THLAN THAR TE

                   Synod Executive Committee ah Synod hruaitu hrang hrang te thlan thar an ni a. Heng mite hi thlan chhuah an ni

Executive Secretary:

1) Rev. Lalramliana Pachuau

2) Rev. P.C Pachhunga

3) Rev. B. Sangthanga

Administrative Secretary:

1) Rev. R.C. Lalnghakliana, Chhim Area

2) Rev. Z.D Lalhmachhuana, Barak Area

3) Rev. C. Zorammawia, Manipur Area

Secreatry, Synod Mission Board:

Rev. K.Lalrinmawia

Synod Higher Secondary School Principal: Pu Lalv>na Hnamte.

LAWMTHU SAWINA LEH HRIATTIRNA

                   Pu Sangmawia s/o Rallianchhunga (L) (V.Sec) in YMA ten \ul leh pawimawh a hman turin  First Aids \hahnem tak min pe a. Tin Pu Biakthansanga’n mitthi sawngbawlna tur damdawi \hahnem tak min pe bawk a, an chungah Branch YMA chuan lawmthu a sawi a ni.

                   Ni 25.11.2015 (Nilaini) hian k^wncheina tur thing\ang sat a lakhawm turin Branch in hnatlang a ko a, YMA memberte thawkchhuak \heuh turin kan inhriattirin kan inngen a ni e.

Sd/- (C.LALDAWNGLIANA)

YMA, Saikhamakawn Branch 

TUALCHHÛNG

, C. Zohmingmawia s/o C. Lalthlamuana (T.Sec) chu damlohna avanga Referral Hospital, Falkawn ah enkawl a nih hnuin a lo chhuak

,Lalchhanchhuahaha/o Lalhmingmawii (Ch.Sec) te chuana pakhatna atan fanu duhawm tak an nei thar.

, Tv. Lalfakzuala s/o Upa Zairemthanga (V.Sec) chu rilph$r zai avangin BN Hospital, Kulikawnah enkawl m>k a ni.

, Pu J. Malsawma h/o Pi Rothanpari (V.Sec) te chuan khawi ilo vah vel nan Wagon R an lei thar.

, Lalremsangi d/o Laltlawmlova

(Ch.Sec) chu dam loihna avangin Aizawl Civil Hospital ah enkawl m>k a ni.

TIAM TLAT E TI DAWN

                   R.Lalmuanpuii d/o R.Lalzuala chuan Ni 25.11.2015 (Nilaini) dar 1:00 pm khian F.Lalzamlova, s/o R.Lalnunsangi, Chhinga Vengthlang Kohhran nen Chhinga Vengthlang Biak Inah “Tiam Tlat E” an ti dan. Fanau maltluan chawia damchhunga lengdun turin Mipui Aw Editorial Board chuan duhsakna kan hlan e.

TIAM TLAT E TI DAWN

                   Lalhmangaihsangi d/o Lalventhanga (L) chuan Ni 26.11.2015 (Ningani) dar 12:00 khian Johny Malsawmzela, s/o Lalbiakzula Serchhip Chanmari Kohhran nen Serchhip Bazar Biak Inah “Tiam Tlat E” an ti dan. Fanau maltluan chawia damchhunga lengdun turin Mipui Aw Editorial Board chuan duhsakna kan hlan e.

Zanin BPL inkhel tur:

Tottenham Hotspur Vs West Ham United (9:30)

Thawh\an zan

Crystal Palace vs Sunderland (1:30)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330