MIPUI
AW
KARTIN CHHUAK
Vol. XXI Issue No. 10 Kristian
Thalai Pawl Saikhamakawn Branch Pathianni Dt.8.3.2015
VAWIIN CHÂNG VAWN
“Ngai teh, ka
tirhkoh i hmaah ka tir a, Ani chuan i kawng a siam ang”
KOHHRAN PROGRAMME
08.03.2015 (Pathianni)
Sunday School
|antu : Pi C.Lalchhuanawmi
Zirlai 9-na : Pathian
Chawhnu inkhawm
Thu Hriltu : Upa Lalrindika
Zan inkhawm
Thuhriltu : Upa Zonunmawia
PAVALAI FELLOWSHIP
PROGRAMME
08.03.2015(Chawhnu inkhawm
ban)
Hruaitu : Tv. Thangchungnunga
|antu : Pu J.Zothanzuala
A hmun : Sunday School Hall
K|P PROGRAMME
09.03.2015 (Thawh\anni zan)
Neihthil thehkhawm
Hruaitu : Nl Malsawmtluangi
|antu : Tv.Israel Lalhunmawia
Hla hruaitute : Pu Tommy Zirnuntluanga
(Ni 1-15 March)
leh Nl. C.Zosangliani
Keyboardist : Tv. Zoliankima
KOHHRAN HMEICHHE
PROGRAMME
10.03.2015 (Thawhlehni Zan)
Kristian
chhungkaw puala hun hman tur a ni. Dar 7:00 pm-ah Biak In-ah kal khawm phawt
tur a ni.
PAVALAI PROGRAMME
12.03.2015 (Ningani Zan)
Hruaitu : Pu C.Zakhuma
|antu : Pu Thangluaia
Sharing leh
\awng\ai inkhawm a hun hman tur a ni.
SERMON
LAWM RAWH U
Philippi
4 4Lalpa ah chuan lawm fo rawh u: ka ti leh pek thin ang, lawm rawh
u. 5In dawhtheih zia mi
zawng zawng hriat ni rawh se. Lalpa chu a hnai e. 6Engah mah mangang suh u; engkimah tawngtai leh dilin, lawmthu hril
tel zelin, in duhna te chu Pathian hnenah hriattirin awm zawk rawh se.
Mihring
te hian vanneihna kan dawn chang te, kan duh leh kan awh ngawih ngawih kan neih
ni te, harsa taka kan beih a; a tawp a kan tum ram kan thlen ni te hian lawmna
leh hlimna duhawm tak chu kan nun chhungah a lo luang lut thin a ni. Chu hun
chu a nuam in a engthawl thlak a, thil tih a nuam in, kan bula awm midangte tan
a nuam thin. Lawmna a kan nun a khah ni chuan midang kan huat te, kan hmelma
thin te pawh kan rilru ah a lang tawh ngai lo. Lawmna in kan rilru a luah khah
ni ang renga awm tur leh chu lawmna atanga Pathian kan dawr ang reng a dawr
turin kan Pathian thu in min duh a. Mahsela chu nun neih reng chu harsatna leh
vanduaina a lo thlen niah meuh chuan a harsa thin a ni. He hunah tak hian kan
Pathian chuan lawm turin min ti tlat si. Lawmna chhan awm lova lawm erawh
mihring te tan thil har leh tih rualloh a ni lawi si.
Zawlnei
Habakuka chu Pathian hmaah han phun ve bawk mahsela a tawngtaina hlaah chuan; a
hmelma ten harsatna leh mangan na tawpkhawk rawn thlenin; a ran rual te, a
grape kung te, a olive thing duah tha tak tak mai te chu rawh tihchhiat sak vek
mahsela Pathianah chuan ka lawm zel dawn a ni a ti tlat a. Engvanga he thu hi
sawi thei nge a ni, tu fa nge lungngaihniah lawm ngai a, ngui ni ah tap lova
hlim thin. Habakuka erawh chuan engkim hi Pathian pek a nihzia te, Pathian chu
a chhandamna leh a chakna a nihzia a hrechiang a, Pathianin a kalsan ngai dawn
bawk si lo tih a hriatchian na chuan lawmna leh thlamuanna a pe a, a hmelma ten
engtiang pawhin a chuangah hleilenna lantir mahse engkim a engkim zawk Pathian
a neih avangin a lawm mai zawk a ni. Khawvel thila innghat ni ta se Habakuka hi
a lawm reng theih hauh lovang. A
innghahna leh a chhandamna chu a hmelma ten an tichhe ve thei lo tih a
hrechiang tlat a ni.
Kum
tam tak he khawvelah kan lo hmang ral tawh a, kan kum hman tawh zawng zawng
chanve pawh lungngaihna in kan hmang em ni? Harsatna leh manganna kan tawh ni
hi belhkhawm ila kumkhat pawh a tling tawh angem? Pathinin min hruaina zawng
zawng hi; kan chungah harsatna a lo thlen chang pawhin i chhut kir thin ila;
chutah chuan Pathian min hruai tawhna avangin harsatna vawrtawp kan tawh mek
lai pawhin lawmthu kan sawi thei ngei ang. Lungngaihna ni reilo te kan tawh
changa kan vui mai thin hi kan ti dik dawn em ni? Harsatna karah pawh lawm thin
te hnenah kan Pathian hi a awm hla ngai
lova, manganna an tawh mek lai pawha; Pathianin alo enkawl tawhna avanga lawm
tlat thin mite tawngtai na chuan Pathian a ko eih a, tichuan mihring rilru in a
hriat ngai loh thlamuanna a pe thin a
ni.
EDITORIAL BOARD
f
Editor
:
Pu Lalduhkima - 9862648830
Jt.Editor:
Tv.F.Laldingliana - 9862378567
News
Editors :
Pu Tommy Zirnuntluanga - 9862913684
Tv. Laldinpuia -
9862813325
Tv.
Lalrinnunga
- 9862239963
Tv. Lalnunzira -
9862664253
Circulation
Manager:
Tv. C.Laldawngliana - 8974743091
Editorial.........?
ZIRNA
Tunlai hian HSLC leh HSSLC exam
chu neih mek a ni a, kan vengchhung a\ang ngêi pawhin zirlai exam \hahnem tak
an awm âwm e. Chuvangin mipui lam pawh hian kan inhriatthiam tlân a, vengchhung lamah pawh bengchheng siam
zawng a engemaw han huaihawt emaw zirlai tibuai thei tur ang chi a, aurinna lo
hman leh engemaw programme siam lo turin, kan tû kan fate hmakhua ngâi reng
chungin hemi hun chhûng na nâ nâ hi chuan keimahni lam pawh lo insiamrem thiam ila
a \ha âwm e. Tin, hetih rual hian zirlaite pawhin \an kan lâk a, pass nân mai
chauh nilovin tûn ang laiah mi ten lehkha kan thiam tawh a, a ruh no no
chhuakah tihna khawvelah hian thiamthei fâl bîk kan ni thei lo anih pawhin a
vântlang chin tal ni thei turin lehkha kan zir a, kan inbuatsaih a pawimawh âwm
e. Chutihrualin nu leh pa te pawhin kan fate lehkha zir \awiâwm a, nasa tak leh
\ha zawka lehkha an zir theihna turin inchhungkhur boruak leh zirna tibuai thei
tur ang chi lakah kan fate i veng tlat bawk ila, vengchhung tân Result \ha kan
neih nân i \ang tlâng ang u.
ARTICLE
KUM 2015 K.|.P
ROREL INKHAWM VAWI 6 NA
Pu C.Lalmuanpuia
Asst.Seretary
Report tlangpui:
A hmun : Mission Veng Kohhran Biak In
A hun : 27th Feb - 1st March 2015
Mizoram Mizoram pawn Total
chhung
Bial
awm zat : 179 8 187
Branch
awm zat: 776 40 816
Member
Mipa
zat : 85947 1153
87100
Hmeichhe
zat : 50862 909
51771 Total: 136,809 2062
138,871
Hei hi report thar ber 15th Feb 2015
chin a ni a. Tunah hian member hi tun aia kan tam beisei a ni.
* Bial sum hmuh zat belhkhawm : `
22,165,619/-
* Branch sum hmuh zat belhkhawm : `
179,422,935/-
* Bial hminga
Missionary chawm zat :
326
* Branch in Missionary
a chawm zat : 1786
* Bial leh Branch Missionary chawm zat
belhkhawm tamna ber bial hian Missionary 61 chawmin Dawrpui Vengthar bial an ni
a, kan bial Hlimen bial hian missionary 45 chawm in missionary chawm tam lamah
palina kan ni.( Missionary chawm zat hi Bial leh Branch-in kan chawm zat belh
khawm a ni)
Rorel hi February 28, 2015(Inrinni)
10:00 am ah Mission Veng Kohhran Biak In ah neih a ni a , Rorel palai kal hi mi
828 niin, kum 2017 a K.|.P Rorel Inkhawm neih leh na tur chu Bawngkawn Kohhran
Biak In ah 3rd -5th March 2017 ah a ni ang. Kum 2016 - 2017 kumpuan thupui ah
“Pathian n>na lendun” (Mika 6:8) Thenzawl bial a\anga lo lut chu thlan a ni.
Tin Central K.|.P Budget 2015 - 2016
atan `43,30,000 pawm a ni a. Kan Bial Budget bik
atan hian ` 12,500 ruahman a ni. Agenda floor thleng lova
palai te in hrilhfiah hi 41 awm in floor a rorel hi 9 a ni a,heng zinga 5 te hi
pawm a ni a, chungte chu:
1) Central K.|.P Committee a\anga lo lut Youth
Recreation Centre (YRC) pual hian Budget Aizawl khawpui chhung tan member
pakhatah ` 50, District Capital tan`
30 leh a dang zawng tan ` 20 tih chu pawm a ni.
2) Electric Veng Bial leh Mission Vengthlang
Bial a\anga lo lut YRC pualin Thawh\an zan inkhawm thawhlawm \um khat hi ram pum huapin lakkhawm ni rawh se tih chu
pawm a ni.
3) Chhinga Veng Bial a\anga lo lut Central K.|.P
in ram pum huap in sual thupha chawi \awng\ai rual buatsaih rawh se tih leh
Dawrpui Bial a\anga lo lut Central K.|.P hmalakna in Branch tinah Zoram t^n
chawnghei \awng\ai neih ni rawh se tih chu a \ul anga CK|P in ruahmanna lo siam
turin pawm a ni.
4) Teikhang Bial a\anga lo lut kum 2015 chhungin
K|P vawikhat inkhawm thawhlawm Synod Hospital Charity Fund atan CK|P in pek ni
rawh se tih chu pawm a ni.
5) Vaivakawn Bial a\anga lo lut CK|P in
Orchestra Band din d^n kawng zawng rawh se tih chu pawm niin CK|P in bawh zui
tur a tih a ni.
K|P Rorel Inkhawm ah hian Pathian
biak inkhawm vawi 5 awmin sermon vawi 4 ngaihthlak a ni a. Inkhawm zawng zawng
hi mi 5941 kan ni. Rorel Inkhawmah hian Inkhawm boruak a nuam \hin hle a, zai
hote a nuamin Solfa lamah pawh rualawh a na hle. Tin, Sermon hrang hrang thupui ‘Krista tana danglam ngam,’
‘Kohhran,’ ‘Buaipui tur dik Chanchin |ha,’ ‘ I rawngbawlna kha hlen rawh,’
tih kan ngaih thlak te chu a ropuiin a
hlawkthlak hle a ni. Tin, min thlengtu Mission Veng Kohhran hian ei leh in
lamah min hrai tlai hle a, Ushering leh
Light & Sound lamah pawh min thleng zo hle bawk.
Heng
report hrang hrang kan tar lan leh hmalakna tur hrang hrang kan neih ah
hian Member tin te \hahnem ngai taka hlen chhuak turin leh theihtawp chhuaha
\an laa ke pen turin kan insawm a ni.
BIBLE QUIZ
No. 62
HABAKUKA
A
kâr âwl dah khat rawh :
Q1. Engatinge khawlohna te min entîr a, thiltih dik lo tak te hi I en
reng? Inrawkna leh Inpâwngnêkna te Ka hmâah an awm reng si a: Inhauhna leh
__________________ te a lo chhuah a ni.
Q2.Ngai rawh u, Kaldai mi, hnam
___________ leh Thu dâwn tâwi tak, chênna hmun, an ta lo pawh neih tum a lei
vân paltlang \hîntute chu ka chawk tho a nia.
Q3. En teh, a chapo mang e, a rilru a va ngîl lo êm! Mifel erawh chu
________a nung ang.
Q4. Pâwngnêk tumin an lo kal hlawm
a, chak takin hma lam an hawi tlat a ni; ________ ang maia tam salte an man
hlawm \hîn,
A
bung leh châng dah rawh :
Q1. En teh, a chapo mang e, a rilru a va ngîl lo êm! Mifel erawh chu
a rinna in a nung ang.
Bung:
............... Chang:
....................
Q2. Lebanon tlâng i suasamna chuan a chhilh ang chia, Sate boralna
chuan a tihlau vang che; Mihring thisen avâng leh ramte, khawpuite leh A
chhûnga chêngte i
suasam tawh avângin.
Bung:
................ Chang:
....................
Q3. LALPA chu luite chungah chuan a lungni lo ta a ni maw? Luite
chungah chuan ithinrimin, tuipui chungah i thinur a ni maw, i sakawr, i
chhandamna tawlailîr
chungah i chuan tâk?
Bung:
................ Chang:
....................
Q4. Ka hriatin ka khûr, ti ralin, A aaw ah ka kha a in khâwng; Ka ruh
a muatin, ka khûr a, mahni hmunah: Mahse sipai rualpui ang buaina ni Mipui
chunga a lo thlen hunin Ka nghîng lo van
Bung:
................ Chang:
....................
Hming :
......................................................
Section : .....................................................
BIBLE QUIZ NO. 61 RESULT
Chhanna
lut zawng zawng : 9
Chhang
dik vek : 9
Lawmman
dawngtu: Lallianzuala (T. Sec)
Bible Quiz chh^nna leh lâwmman hi
Circulation Manager C.Laldawngliana hnenah thehluh a, lam \hin tur a ni..
TBZ NEIHTHIL THEHKHAWM
Ahun: 9.3.2015, Thawh\anni (7:00pm)
Ahmun : Pi
Rokhawli In
Hruaitu
:Pu Khawlhmingliana
|antu :Pi
Zothanmawii
BIAL
ZAIPAWL INBUATSAIH
Hlimen Pastor Bial Zaipawl te chuan
Doordarshan a hla thun turin tunlai hian an inbuatsaih m>k a ni.
TAWI NAWI
1.
Naupang toys lar tak BARBIE hming pum chu Barbara Milicent Roberts a ni.
2.
Blue Whale lung (heart) hi an lian khawpa, patling in an arteries ah hian an
hleuh chhuak thei.
3.
Oxford University khu Aztec empire aiin a upa zawk.
4.
Nursery Rhyme lartak Humpty Dumpty ah hian vawikhat mah artui a ni tih sawi lan
a ni lo.
5.
Star Wars film hmasa ber an release laite pawh khan France ram chuan guillotine
hmanga mi lu tan an la bansan chuanglo zu nia.
6.
Scotland National Animal chu Unicorn (sakawr ki nei) zuk ni daih a.
7.
United States ah khuan hmeichhia ten vote neih theihna dan an nei hauh lo.
8.
Pluto khi an hmuhchhuah hnu leh planet a\anga an paihthlak thleng khan Ni (
Sun) khi vawikhat pawh a la hel chhuak hman lo.
9.
Khawizu te hi an hmuar / hîng ve theilo, kum 32,000 a upa khawizu pawh hi ala
ei tlak.
ADMISSION NOTICE
Brighter Higher Secondary School chu
Upper Republic a\angin Kulikawn, Tlangnuam Road (Hauva&Sons building) ah
sawn a ni a, Class- IX to Class- XII (Art & Science) ah Admission a hawng
mek e. Kal hmasa apiang duhsak an ni ang. Tin, First Division chin tân
Concession siamsak an ni ang.
Contact: 8414956902
9862325305
(4-1)
YOUTH RECRATION HNATLANG
Central K|P in min ngen angin 14th March 2015 (Inrinni) hian Falkland a Youth
Recreation Centre (YRC) hmunah lei laia bial huap hnatlang neih tur a ni a. Lei
laihna hmanrua mahni remchan dan anga ken vek tur a ni ang. Ei leh in leh a kal
dan tur hi Branch Committee in a la rawn ngaihtuah ang.
HNATLÂNG DAWN
Kristian
|halai pawl Matthaia Group chuan ni 10 & 13, March, 2015 hian vengchhungah
BP Check, Blood Group Test, inbûk, Blood Sugar Test neih kan tum a, min lo tih
tir turin kan inngen e. Tin, hemi pah hian Mizoram physical MAP leh Sahbawn tui
rawn zawrh nghal kan tum a, min lo dawr turin kan inngen a, hemi zan vêk hian
motor silna man ba rawn khawn tum a ni a, kan han inhriattir l^wk nghal
bawk a ni e.
Sd/- (F.LALDINGLIANA)
Secretary, Matthaia Group K|P
LAWMTHU SAWINA
Kristian |halai Pawl Matthaia Group
ten Rawra thiar hnatlang kan neih a thawkchhuak Member zawng zawngte chungah
lawmthu kan sawi a, tin, inhlawhna \ha tak min siamsaktu Pu J.Lalrinliana te
chhungkaw chungah lawmthu kan sawi tak meuh meuh bawk e.
Sd/- (F.LALDINGLIANA)
Secretary, Matthaia Group K|P
LAWMTHU SAWINA
Ni 7. 3. 2015
(Inrinni) a Kristian |halai Pawl Luka Group ten purdah s< a hnatlang neihna
a member thawkchhuak zawng zawng te chungah lawmthu kan sawi e.
Sd/- (LALDINPUIA)
Secretary, Luka Group K|P
TUALCHHUNG
,Malsawmzuala s/o Lalbiakliana (T.Sec) chu damlohna avanga
Hlimen Urban Hospital-a awm chu a lo chhuak ta.
,Zohmingzuali d/o
V.Lalhmingmawia (Ch.Sec) chu damlohna avanga Hlimen Urban Hospital-a
enkawl anih hnuin alo chhuak.
, Tv. Lal\anpuia s/o Thlamchhuaki (L) (Ch.Sec) chu damlohna
avangin Aizawl Hospital-ah enkawl mêk a ni.
ADMISSION OPEN FOR THE SESSION [2015 - 2016]
Solomon’s High
School Kulikawn, Aizawl ah Cl-VIII, IX leh Cl-X tân Admission hawn mêk a ni a.
Kum 25 chuang Mathematics leh Science Subject-a experience nei tawhin an
zirtirna hmunah hian i fate rawn dah ve rawh le. Mathematics leh Science
Subject-a harsatna neite leh Sport a tuite duhsak bik an ni ang. Hostel pawh a
awm nghal bawk e.
HC.THAWNGA
Top Ten Maths Tutor
Contact: 8014442431
9774464095
9774406688 (5-4)
ADMISSION NOTICE
Candid English School, Saikhamakawn
chuan kum 2015-2016 Session atan Kg 1 - Cl VIII Admission a hawng leh ta.
Naupang ten thiamna tak tak an chhar chhuahna School-ah hian i tu leh fate rawn
Admit rawh le. Hrechiang duh tan:
Principal
Ph. : 8731066929 (2-1)
Zanin EPL inkhel turte:
Chelsea
Vs Southamton (7:00)
Everton
Vs N.Castle (9:30)
Man.
Utd Vs Tottenham (9:30)
Thawh\anni zan
Swansea Vs Liverpool
(1:30)
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment