MIPUI
AW
KARTIN CHHUAK
Vol. XX Issue No. 31 Kristian
Thalai Pawl Saikhamakawn Branch Pathianni Dt.3.8.2014
VAWIIN CHANGVAWN
Sim rawh
u ! Vanram chu a hnai tawh e.
KOHHRAN PROGRAMME
3.8.2014 (Pathianni)
Sunday School
|antu :
Pi Sailothangi Sailo
Zirlai
28-na :
Lalpaah ding nghet rawh u
Chawhnu inkhawm
Thuhriltu : Upa
Zonunmawia
Zân inkhawm
Thuhriltu : Pu
Siamliana
KTP FELLOWSHIP
3.8.2014(Pathianni Tlai)
Thupui zir
Hruaitu : Pu Lalhmangaihzuala |antu :
Tv Lalruatsanga
Thupui : ‘Kan tawh tur Pathian’ Hawngtu :
Nl C. Zosangliani
KTP PROGRAMME
4.8.2014 (Thawh\anni zan)
Short Sermon leh \awngtai rual
Hruaitu : Tv P.C. Vanlalhriatpuia
|antu :
Pu Lalrinchhana
Thu
Hriltute : Tv Abraham Lalnunthara
leh Nl Lalrinchhani
Thilpek
lakh-:
Nl Lalrinliani leh
awmtu te : Nl Lalhmangaihsangi
Hla
hruaitute : Lalhmangaiha leh
Tv C.Laldawngliana
Keyboardist : Pu Lalchhandama
KOHHRAN HMEICHHE PROGRAMME (5.8.2014) (Thawhlehni zan) Ramthim Zin
A hmun :
Sunday School Hall
Hruaitu : Pi
Lalmuankimi
|antu : Pi Biakthangi
SERMON
SERMON
-J.H.Pekmawii.
Tin, Pathianin,
“Kan anpuiin, keimahni ang takin mihring siam ila, anni chu tuifinriata sangha
chungah te, chungleng sava chungah te, ran chungah te, lei chung zawng zawngah
te, rannung leia bawkvâka kal zawng zawng chungah te thu i neihtîr ang u,” a ti
a. Tichuan Pathianin ama anpuiin mihring a siam a, Pathian anpui ngeiin a ni a
siam ni; mipaah leh hmeichhiaah a siam a ni. -Genesis 1:26-27
Unau duhtak,
keini mihring fate hi ama anpuiin min siam a, lei vaivut mai mai engmah nilo
kha lei leh van siamtu Pathian anpui kan lo ni ta a, chuvangin i hlimin i lawm
ang u. Mahse, kan hlim a kan lawm rual vek hian amah ang turin englai pawh hian
kan nun hi ka fimkhurin kan vawng \ha em? tih hi inchhut \hin ang u.
Vawiinah mite
rilru ka tina lovang a, vawiinah hian ka thinur lovanga, vawiinah hian ka eiru
lovanga, vawiinah hian ruihhlo bawihah ka awm lovanga, vawiinah hian ka rilru
zawng zawngin Lalpa lawm zawng tih ka tum ang tiin Ama anpuia a siamte hian
englai pawh a Lalpa duh zawng chauh tih tumin nun kan tum em le? Keimahni \heuh
inenfiah a hun hle a ni.
Tin, rannung
chungahte pawh hian Ama anpuia a siamte hian ngilneihna kan lantir \hin em le?
Mahni inenfiah\heuh ang u.
Tam tak chu kan
nundan hi min hmu rengtu a awm tih hre chung hian kan eiru ngam tho a, mite kan
hmusit ngam tho a, ruihhlote pawh kan ti zel tho \hin. Mahse, Bible chuan hre
reng chunga thil tisual lui chu vawi tam tak vuak tur annih tur thuin min hrilh
a ni.
Kohhran hi Krista
taksa kan ni a, tirhkoh Petera hnenah pawh khan he lungpui chungah hian ka
kohhrante ka rem chho anga, mitthi khawkulh khawngkhar pawhin an ngam lovang,
leia i phuar chu vanah pawh phuar a ni
anga, leia i phelh chu vanah phelh a ni ang tiin alo sawi a, chutiang taka a
ngaihpawimawh chu kan ni a, mahse, leia a taksa amah anpuite ho hian mite chan
ai eirutute, mite malsawmna dawn tur lo dawn khalh tute hi hruaituah te hian
kan thlang leh mai \hin a, eiru thawhlawmte pawh hi Krista taksa in ti a, ama
anpuia a siamte hian ka it leh tlat \hin niin alang a, hetiang chung hian Lal hmel kan hmu ngam dawn em ni le?
EDITORIAL BOARD
f
Editor
:
Tv.R.Zodinsanga - 8974743073
Jt.Editor:
Pu Lalduhkima -9862648830
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv.Laldawngliana -
8974743091
Editorial.........?
FIMKHURNA
Tunlai khawvel boruak thlirin ram chhung leh pawn ah chhiatna
rapthlak tak tak chanchin hriat tur a in dawt ta zut reng mai a. Mi \henkhat
ten heng chhiatna leh indo thuthang avang te hian Lal Isua lo kal a hnaih tawh
zia an lo tlangau pui ve bawk a, a dikna chen pawh a awm ngei ang. Chutih rual
erawh chuan tunlai khawvel inbiak pawhna \ha tawh tak avang hian tunhma lama
thil rapthlak tak tak thleng kan hriat loh te ang te kha a kim changin hun rei
lo te chhungin kan lo hriat ve zung zung theih tak avang hian a punlun ta viau
ang a ngaih ngawt pawh a fel chiah lo ve thei bawk.
Engpawh
chu nise kan khawvel hun hi a hmawr tawh tih chu phat rual a ni awm love. Kan
pumpelh theih hauh loh tur hrehawmna leh harsatna te pawh a la rawn thleng zel
ang; amaherawhchu inven theih leh pumpelh theih ang chi chhiatna thleng tam tak
hi a awm ve fo a, heng lakah hian fimkhur leh zual a ngai. Rui chunga lirthei
khalh te leh \ul lova chhuah vah tam lutuk te hi vanduaina min thlen tu an ni
chawk. Chuvangin helamah hian fimkhur lehzual ang u.
ARTICLE
CHET DAN MAWI
TUNLAI TECHNOLOGY HMAN DAN
Tunlai
khawvel thiamna lo sang chho zel hian kan nun nasa takin a sawi danglam ta a.
Chung zinga kan hriat lar leh nasa taka kan nun sawi danglam tute chu - TV,
Mobile, Computer leh Internet-te hi an ni. Khawvel thiamna lo sang zel hian
Information and Communication Technology lamah nitin nun min her danglamsak a. Hengte hi a hmanna tur
dik taka kan hman chuan an \angkai hle a. a hman dan kan thiam loh erawh chuan
kan nun khawih chhe tu an ni thei thung a ni. Heng thilte hi a mal malin a hman
dan tur sawi dawn ila sawi tur tam tak a awm thei ang. Kristian kan nih a kan
hmachhawn dan turah a \ha tawk leh him tawk kan ngaihtuah ngun a ngai hle a,
heng te hi a pawimawh zual \henkhatte an ni :
1.
TV en nan hun khahral lutuk tum lo la a aia \angkai zawk tihtur i neih
\hulh phah nan hmang suh ang che. Hmuhnawm ringawt enin hlawkna min pek
aiin hna \ul zawk kan tih hian kan hlim a, kan hlawk zawk bawk \hin a ni. Mit
chakna laka insum theih hi hnehna ropui tak a ni.
2.
TV i en a nih pawhin a channel/programme en awm chi thlang thiam la, chhungkuaa
naupangte nena en ho tur in nih phei chuan uluk leh zual ang che. Hmuhnawm
zawng zawng hi en thiang emaw tihtur a ni lo. Mipat hmeichhiatna (sex) hmanna
lam te, nunrawng taka thisen inchhuahna lam chi an chin te hian nun a hruai
sual thei a, naupang en atan phei chuan phal loh tur chi tam tak a awm.
Chuvangin nu leh pa te pawhin kan fate en turah te pawh thu kan neih pui a
pawimawh khawp mai.
3.
Mobile Phone hmang \hin i nih pawhin englai pawha lek chhuak rengtu nih tum lo
la, hmanna tur hun leh hmun hriat tum ang che. Mahni
nihna nena phu hauh loh mobile changkang ber chi neih tum kher hi thil \ul lo a
ni. Mobile phone lei nana hmeichhe \henkhat lo inzuar t a mai te pawh sawi tur
an awmte hi thil pawi tak a ni. Kan nuhna hlu tak Mobile Phone a hralh mai chu
uihawm lutuk a ni.
4.
Computer Games leh Chat te hi atchilh tlat an awm ve theih \hin avangin a
bawiha luh ve hleu hle rawh. Mi \henkhatin
sumdawn nana hmangin Cyber Cafe an siam a, zan rei tak tak thlenga inkhelh nan
leh in chat vel nan an hmang \hin. Chung thila tui lak lawh zirlaite pawhin an
chhiat phah duh hle a ni.
5.
Internet hi \angkaina tam tak awm mahse hlauhawmna tam tak a awm thei a.
Naupangten an hman dawn phei chuan nu leh pa emaw puitling rintlak tak
\hutpui(supervise) theihna hnuaiah lo phei chuan a him lo tih hriat tur a ni.
Naupangten an zirlai atan Internet hman a\ul a nih pawhin ‘parental filter’ tal
kan dah ngei a \ha a ni.
6.
Internet hmanga \hian i siam a nih pawhin in laichinna thianghlim tak vawn tum
ang che. Mi \henkhatten Internet-a \hian an siamin
mahni nihna diktak sawi chiang duh lovin inlaichinna \ha lo tak tute nen emaw
an siam \hin a, hei hian chhungkuaah te thlengin buaina a siam thei a ni.
7.
Kristian nun ti dal thei tur thil reng reng website en suh ang che.
Kristian ten ‘website’ \henkhat kan en reng reng loh tur chi a awm a. Chung chu
mipat hmeichhiatna lam \ha lo taka lantirna a ni a, Kristian \hate tana pumpelh
ngei tur chi a ni.
BENG TI VAr
ISUA SAWI CHHETU KHAWVELA MI LARTE THIH
DAN
1.
John lennon ( The Beatles Singer) - America thu thar lakhawmtu te
hmaah Christianity hi a tawp vek dawn. Hnial buai ngai lovin ka chiang a ni.
Isua hi a \ha, mahse a thu ken te hi a mawlmang lutuk. Tunah hi chuan A ni aiin ka lar fe (1966) a ti a. He mi hnu
lawk hian vawi ruk zet kah ani mai chu- a lar ta phian.
2.
Tan Credo Neves (President of Brazil) - President thlanna turah a
campaign laiin vote 500,000 ka hmuh tlin phawt chuan Pathian meuh pawhin
President ka nihna turah hian min ti tla thei lovang a ti pung punga. A
sawi ang zat vote chu a hmu ta ngei a,
mahse President a lak luh a nih hmain a khua a sik thut a, a thi
nghal der.
3.
Casuza ( Bi- sexual, Brazillian hlah phuah thiam leh zai thiam) -
Canecio (Rio-de Janeiro)a show an neihnaah Cigaratte a pak khu tual tual a, van
lam hawi a pak khuk tual tual pah chuan ‘Pathian hei hi a tan ve aw’ a ti vel
a. Kum 32 mi vel lek a nih laiin chap Cancer-in hrehawm takin a thi.
4.
Titanic satute - Titanic an sak zawh hlim khan thu thar lakhawm tuten
Titanic chu engtianga him nge a nih an zawt a. Inring tawk takin ‘Pathian meuh
pawhin a ti pil thei lovang’ an ti khang lang a, a pil leh pil loh chu sawi
ngai lovin kan hre vek ngei ang.
5.
Marilyn Monro - Thuhiltu ropui Billy Graham-an show an neihnaah a
va tlawh a. Thlarau Thianghlimin a hnena thu sawi turin a tir a ni tih a han
hrilh chuan Marilyn Monro-i chuan ‘ Nangni Isua ve hi ka mamawh lo ve’ a lo ti
vei rawk a, A hnu lawk karah chuan a apartment-ah thi a chhar a ni ve leh nawlh
bawk.
6.
Bon Scott (Singer)- A hun laia band lar tak AC/DC singer ni \hin
chuan kum 1979 khan a hla thuah ‘ Don’t Stop me, I’m going down all the way,
down the highway to hell’ a ti vei al al a. A hnu kum 1980 Feb. 19 ah a ma luak
hakin a thi.
7.
Campinas - Brazil a khaw pakhat campinas-ah kum 2005 mai khan
\hian za ho zurui hian an \hian nu pakhat chu lengah an sawm a. An \hian nu Nu
chuan chu tia rui chunga a fate inkhalhchhuak tur chu a ngaihtuah hle mai a. A
fanu Car seat-a \hu tawh chu a banah vuanin ‘Mami, Pathianin hruai che sela,
veng him che rawh se’ a ti lawm lawm a. A fanu chuan A ni ( Pathian) chu a
savawm bawm a a chuang a nih ngawt loh chuan hetah chuan kan khat tlat tawh a
leng tawh lo’ a ti vei chhar chhar a. A hnu lawk darkar 2/1 lekah chuan
accident rapthlak takah an thi phiar a, an Car chu a chhe hneh khawp mai.Eng
car nge tih pawh hriat theih loh
khawpin a chhia. Mahse mak tak maiin a savawm bawm chu a him pial a, Police-te
pawhin chutiang a a savawm bawm engtin mah chhe khem miah lova a him ngawt
theih na chhan chu an hre zo lo. Chu ai pawh a la mak em em zawk chu a savawm
bawm chhungah chuan artui plate khat an lo phur a, artui chu pakhat mah a keh
miah lo!!!
8.
Christine Hewit - Jamaican
Journalist & Entertainer Christine
Hewit chuan Bible hi Lehkhabu ziak awm tawh zawng zawngah a la chhe ber a ti pung
pung a. Kum 2006 khan tunge a nih pawh hriat theih loh khawpin chhiain a
motor-ah a kang hlum daih.
(Pathian,
Isua, Thlarau Thianghlim, Bible, Kohhran te hi eng angin nge i ngaih ve le????)
BIBLE QUIZ
No.31
JEREMIA
BUNG (6-10)
A kâr
âwl dah khat rawh :
Q1. Sipaihote LALPA chuan heti hian a
ti: Israel awm chhunte chu grêp angin lo fai vek ula, _____________ lotu angin
a zarte chu vai nawn rawh u.
Q2. Naupangten thing an fawm a, an
paten mei an chhem a, hmeichhiaten van lalnu hnêna hlan tûr chhâng an hmet a,
________________ dangte tan in tûr thilhlan an hung chhuak a, mi tihthinrimna
mai tûrin.
Q3. Muanna kan zawng a, \hatna engmah
a lo thleng lo, _______________ hun tûr pawh, ngai teh thlaphanna mai.
Q4. ________________zîngah i cheng a,
An bumna avângin kei mi hre duh lo, Tih hi LALPA thu chhuak a ni.
Q5. Taris ata tangkaraw chher an rawn
la a,___________ ata rangkachak pawh,Mi themthiam kut chhuak vek an ni e.
A
bung leh châng dah rawh :
Q1. Ka na avângin ka chung a pik e.Ka hliam a na a ni, Mahse, “Hei
zet hi hrehawmna chu a ni, Ka tuar mai tûr a ni,” ka ti.
Bung:
............... Chang:
....................
Q2. Sipaihote LALPA, Israel Pathian chuan heti hian a ti: Ngai teh u,
anni, heng mite ngei hi saiin ka hrai ang a, tui kha ka intir bawk ang.
Bung:
................ Chang:
....................
Q3. Buh seng hun a liam ta, Nipui a tawp ta, chhandamin kan la awm
lo.
.Bung: ................ Chang:
....................
Q4. Ka fanu, ka mite hliam chu ngaih sam takin, “A \ha a lawm, a \ha
alawm” tiin an thawi a, A \ha hauh si lo va.
Bung
.................... Chang
.................
Hming :
......................................................
Section :
.....................................................
BIBLE QUIZ NO. 30 RESULT
Chhanna
lut zawng zawng : 3
Chhang
dik vek : 3
Lawmman
dawngtu: Samual H. Lalhlimpuia (V.Sec)
Bible
Quiz chh^nna leh lâwmman hi Circulation Manager Tv.R.Zodinsanga hnenah thehluh
a, lam \hin tur a ni.
PAVALAI
PROGRAMME
7.8.2014
(Ningani zan)
Hruaitu : Pu Siamhleia
|antu : Pu B.Lalrinzaua
Thusawitu :UpaZairemthanga
MISSIONARY
CHHUAK
Pi
Lalremthangi d/o Pu C. Lalrinmawia (T. Sec) chu Lunglei Ramthar Pastor bial a
non- Mizo evangelist ni turin Synod hnuai atanga tirh a ni a.
Pathian
hruaina leh awmpuina a dawn zel theih nan Mipui Aw editorial board te chuan
duhsakna kan hlan e.
PAVALAI
MEET
Aizawl
chhim Presbytery Kohhran Pavalai meet vawikhatna chu Saikhamakawn Presbyterian
Kohhranah nghah a ni a. Hemi atan hian kawng hrang hranga inbuatsaihna kalpui
mek a ni. Meet hlawhtling tak neih a nih theih nan Kohhran mipui ten Pathian
hnenah thahnemngaih takin i dil ang u.
QUIZ COMPETITION
Synod Information
and Publicity Department chuan Aizawl khawpui chhung Presbytery huamchhunga KTP
branch te tan Quiz competition a buatsaih dawn a. He quiz ah hian kan branch
aiawha tel thei member kan awm a nih chuan ni 14. 8. 2014 ral hmain KTP
hruaitute hnenah in hriattir nise a tha ange.
Vawiin KHAWCHIN
A
lum lai berin : 270C
A
vawh lai berin : 230C
Chawhma lamah 3mm, chawhnu lamah 8mm
leh zan lamah 5mm tla turin sawi a ni.
(source :weatherforecast.com)
HNATLANG NEI
Nimin inrinni
(2.8.2014) khan thlanmual kawng siam mekah hnatlang neih chhunzawm leh a ni a.
He hnatlangah hian Vanapa leh Taitesena section huamchhung mipuite
thawkchhuakin hnatlang hi neih a ni. Vengchhungin hma kan sawn zela, a lawmawm
hle.
BO LAM THEIH
Hmeichhe kekawr thar
leh nihliap pahnih chu hunrei tak atangin Pi R. Zasangi dawrah theihnghilh a ni
a, a neitu diktak chuan a awmdan diktak sawiin ni 10. 8. 14 ral hmain Pi R.
Zasangi dawrah lam theih a ni a, huntiam chhunga lam a nih loh chuan sawibuai
theih a ni tawh lovang.
NIMBU TUI
FIR THA
Nimbu
tui fir tha lei duh chuan engtiklai pawhin Pu R. Chalkhuma (T.Sec) te inah lei
theih a ni e.
NGENNA LEH HRIATTIRNA
Aizawl Chhim
Presbytery Pavalai Inkhawmpui kan thlen tura Kohhranin min ruat angin; Traffic
& Security Duty turin heng mi te hi kan ruat belh an ni:
1. Pu Lalliantluanga
2. Pu Khualkunga
3. Pu Lallura
4. Pu V. Malsawma
5. Pu Lalzarliana
6. Pu C. Lalromawia
7. Pu Lallianzela
8. Pu Lalrinawma
9. Pu Lalbiakliana (Mabiaka)
10. Pu Lalchhuanliana
Sd/-
(C. LALENGZAMA)
Sd/-
(ZIRSANGLIANA)
Saikhamakawn
TUALCHHUNG
,
Pu Richard Lalhmangaihzuala h/o Pi Melody Lalkrosmawii (Ch.sec) te nupa chuan a
pakhatna atan Falkawn Hospitalah fapa duhawm tak an nei.
,Pu
Isak Lalthanmawia h/o Pi Lallawmzuali (V.Sec) te nupa chuan a pakhatna atan
Synod Hospital Durtlangah fanu duhawm tak an nei.
,
Pu Robuanga h/o Pi Lalrinkimi (V.Sec) te chhungkua chuan khawilo vahvel nan
Bike (Achiever) thar an lei.
,Pu
Lalhruaia h/o Pi Vanlaldiki (V.Sec) damlohna avangin Synod Hospital Durtlangah enkawl mek a ni.
TAWI NAWI
* Tarmit hi kum 700 vel kalta a\ang khan an vuah \an a ni.
* White House tuna Washington a mi hi tun hma chuan grey colour a
ni \hin a, kum 1812 indo lai khan Canadian sipai ten an hal a, tichuan a bang
vel kang ung vek thup nan chuan tuna rawng var hian chei \hat a ni.
* A tlangpuiin mihring mitmu pakhat hi gram 7 vela rit a ni.
* British mi kum 28 a\anga 33 inkar nupui nei tawh te interview
naah chuan 12% te chuan eng vanga nupui nei ve ringawt nge an nih a chhan sawi
tur an hre lo.
* Mihring puitling hi atom 7000000000000000000000000000 (7
Octallion) chuanga siam a ni.
* Andy Roddick khan kum 2004 khan Tennis Service na ber record
siamin 249 km/hr a chakin a service.
* Ni (Sun) khi arsi sextillion 300 or (3 trillion times 10
billion) or 30000000000000000000000 zinga pakhat ve mai a ni
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment