Mipui Aw 24.8.2014

MIPUI AW

KARTIN CHHUAK

Vol. XX Issue No. 34 Kristian Thalai  Pawl  Saikhamakawn Branch  Pathianni Dt.24.8.2014

VAWIIN  CHANGVAWN

Pathian leh sum rawng in bawl kawp thei lo ve                   (Luka 16 :13)

KOHHRAN PROGRAMME

24.8.2014 (Pathianni)

Sunday School

|antu              : Pi Tlanglawmi

Zirlai 30&31-na :Rawngbawltu hausakna                                   &Kolossa thuhmahruai

Chawhnu inkhawm

Thuhriltu       : Upa C.Lalmuankima

Zân inkhawm

Thuhriltu       : Upa Lalzuiliana

               

              KTP PROGRAMME

25.8.2014 (Thawh\anni zan)  

Sermon Inkhawm                              

Hruaitu           :  Pu C.Lalnunsanga

|antu              :  Nl Vanhlupuii

Thilpek la-      :  Nl J.Zothankimi leh

khawmtute        Nl Zorinpuii

Hla hruaitute :  Lalhmangaiha leh

                           Tv C.Laldawngliana

Keyboardist   :  Pu Lalchhandama

               

KOHHRAN HMEICHHE

 PROGRAMME

(26.8.2014, Thawhlehni zan)

Ramthim zin

A hmun          : Vestry

Hruaitu           : Pi Hmangaihsangzuali

|antu              : Pi Sawimawii

PAVALAI PROGRAMME

(28.8.2014 Ningani zan)

Sermon Inkhawm

Hruaitu           : Pu C.Lalchhuansanga

|antu              : Pu R.Vanlalsanga

Thusawitu                                                                                                      : Tv. Thangchungnunga

       

SERMON

" indona chu LALPA indona a ni si a".(I Sam  17:47)

            Kan thupuia kan hmuh ang hian "Indo nun" tih a ni a. Rev. H. Killuaia chuan a fakna hla ah chuan "Indona zawnga rapthlak ber ka nun hi, Leh lam leh lama nek sawrin a awm a; Van in dona aia nasa zawk a ni, Hruaitu Krista ni suh se ka tlawm ngei ang," a lo ti a. Indo na ah chuan tu nge min bei tu leh tunge kan hmelma tih te hi ngun taka kan ngaihtuah chian a \ul hle mai.

            Kan nun ah hian nun insual thil \ha tih duhna leh sual ti \hin duh nun insual reng mai hi a awm vek a ni. Thil \ha tih duhna chu rilru ah a lo awm a, mahse thil\ha tih thei na nun chu a awm si lo. "|hatna tih ka duh hi ka ti lo va; sualna tih ka duh loh hi ka ti zawk si \hin a" tiin Tirhkoh Paula ngei pawhin a lo sawi a, a nun a lo buai em em a, Mi rethei ka va ni tehlul em! He thihna taksa lakah hian tuin nge min chhan chhuak thei ang?" a lo ti thlawt mai a ni. He lai thu hi Paula hian a Kristian hma nun nge a sawi a, Kristian a nih tawh hnu nun em ni a sawi? Tiin zirtute pawh an in then phawk a ni. A enga pawh ni se he mihring nun ah hian Famkimna hmun kan thlen hma hi chuan nun indona hian tawp ni a nei dawn si lo. Kan Lal Isua ngei pawh thlarau hruaia a awm lai khan diabola'n a chak lohna lai ah a rawn thlem chat chat a nih kha. (Mat 4:1-10). Sualin a thlem loh rawngbawltu an awm dawn em ni ?

            Indona hmunah mi a awm chuan hmelma in an rawn bei a, a hneh theih na tur chuan eng anga \an lo lak tur nge tih te leh inhumhimna hmun a mamawh zia te, a hriat chian a \ul a. A hmelma a hneh theih na tur pawhin eng anga beih let tur nge tih te, a hneh theih na tur a tan a pawimawh ralthuam te a lak khawm zung zung a ngai a, theih tawp a hmelma a beih leh ve na ah hnehna a chang \hin. Chutiang ni lova indona hmun ah a awm mai mai a, in thlah dah tak leh mu thlu mai mai te a, a awm chuan hmelma in awlsam takin an rawn hneh mai dawn a ni. Chuvang chuan kan nun a tisa thiltih awm zawng zawng te, kan tisa duh zawngte chu  Krista Thlarau a kan tih hlum zel chuan kan lo nung zel dawn a ni.

     

EDITORIAL  BOARD

              f

Editor :

Pu Lalduhkima                     -9862648830

Jt.Editor:

Tv.F.Laldingliana                 - 9862378567

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv. C.Laldawngliana            - 8974743091

Editorial.........?

Editorial...?                 

Hruaitu |Ha

Mi tinten hruaitu \ha kan tih zawng
          a inang lo viau awm e. Engpawh nise thil tih honaah leh pawl ho inkaihhruainah reng reng hruaitu \ha leh \ha lo chu an pawl  thil tihah a lang chhuak \hin. Pawl reng reng hian thiltum leh kal dan phung an nei tlangpui vek a. Chung pawl ho chuan an thiltum chu tihlawhtling tur chuan theih tawp an chhuah \hin. An hruaitu a zirin an thiltum tihhlawhtlin kawngah an chakin an chak lo thei. 

            Mi \henkhat chuan hruaitu ni rei takte hi hruaitu \haah an ngai a, \henkhat ngaihdan erawh a ni ve kher lo thei. |henkhatin mi thar chherchhuak thei hi hruaitu \ha an lo ti ve bawk a. Hun reitak hruaitu ni thei chu hruaitu \ha a ni em? Tin, mi thar a chherchhuak zung zunga mahni  ral bang leh daih si te hi hruaitu \ha an ni tho ang em le? Engpawh nise mitin mai hian hruaitu \ha  tih zawng kan nei vek ang a. A \henin \ha an tih kha \henkhat chuan \ha an ti ve kher lo thei a. |ha lo kan tih kha \henkhat chuan \ha an lo ti viau thei bawk. Chuvang chuan inhnial vak lovin  hruaitu ka nihna pawl chuan eng nge a thil tum tih hre chiang ila, chu thil tum chu tihhlawhtlin tum \ang \ang phawt mai la. Hruaitu \ha chu i thei ngei ngei ang le.

           

ARTICLE

CHET DAN MAWI

INLENG CHUNGAH (Chhunzawmna)

4.         I chhungte be tura lo leng pawh nise, mawi tak leh hlim taka lo ‘welcome’ tur a ni.

5.         I inlengte chu lungmuang charha siam tum ang che.

6.         Mi pahnih/pathum an lo lenin biak duh bik neih loh tur a ni a, ang khata biak tlan tur an ni.

7.         An titi leh sawi duh zawng te chu \ha takin lo ngaihthlak sak ang che.

8.         Mi chanchin a chhe lam lo sawipui vak suh ang che.

9.         I inlengte chu thingpui i lum sak dawnin an duhdan zawt hmasa \hin ang che.

10.       Thingpui i samin in inlengte chu i chhungte aiin pe hmasa \hin ang che.

11.       Mi chaweia i sawmin i chawhmeh man zat sawi chhuah \hin kher ching suh ang che.

12.       In inlengte chu hmun dangah kalsan daih suh ang che. Loh theih lova reilote i kalsan dawn chuan lehkha chhiar tur emaw eng emaw en tur pek nachang i hre dawn nia.

13.       Mi len laiin rawl vin neih loh tur a ni.

14.       In inlengin chetsual palhna a nei thei, entir nan ‘no’ emaw a lo tikeh palh a nih pawhin a zah lohna tur ber ngaihtuah \hin ang che.

15.       I inleng neih laiin i chhungte hnathawk an lo hawin lo ngaihsak bawk tur a ni.

16.       I inlengin ‘gate’ a khar theihghilh pawhin a hmuh lai kher chuan khar suh ang che.

17.       I inlengte an haw dawna din emaw kawngka thlenga thlahte hi a mawi a ni. |awngkam \ha tak leh ngaihawm tawk chauhvin \hen la, gate bula titi pui reng erawh ching suh.

18. Office-ah mi lo leng dawngsawng \hin i nih pawhin \ha takin lo dawngsawng \hin la, inti lalte aiin inngaitlawm taka mi lo dawngsawng \hinte hian fak an hlawh zawk fo a ni.

19.       Office a dawrtu neih laia midang rei tak tak phone a kan biak dan te hian nuam lo an ti a, kan ngai pawimawh lo niin an hre \hin. Chuvangin midang biak \ulna lakah a theih hram chuan kan insum \hin tur a ni.

           

VANRAM  LEIHLAWN

(Vanram kawng min hrilh thei ang em?)

-Rev. L.H.Rawsea

            Indopui I-na hun lai khan silai a puak dur dur a, an inkap reng a, thi leh hliam an awm zut mai bawk a. Chutah an han inkap nasa lehzual sauh a, a boruak lah chu a khu dum nguih nguih mai a. Chung lamah chhum ang maiin a khu chho rum rum a.

            Sipai huaisen leh ral hmaa zam ngai lo mah ni se Bert-a chu hliam a tuar avangin a let reng a. A thianpa, feet ruk zeta sang, Tiny Tim-a chu Bert-a bulah a va lum phei a Trench khurah a lum lut a, Bert-a chu a la ziaawm hle nia hriain a let leh a.

            Trench khur atang chuan aw a lo chhuak leh ta.! “Van kawng min hrilh thei ang em.?” tiin Bert-a chu a au lawm lawm a. Tiny-a chuan a va pan leh a. “Van kawng a.? Thianpa, a va pawi em.! A kawng ka hre lo, ka hre hauh lo.! Mahse, lungngai suh, mi dang ka’n zawt ang e aw.” Tiny-a chuan a ti a.

            Step-ah chuan a tlan chhova, mi a hmuh hmasak ber chu a zawt a; a lo hre der si lo. A piaha lo ding chu a zawt zel a, hria a tawng lo. A thianpa thih hma ngeia hrilh a duh si. A zawt zel a, Step dangah pakaiin a tlan kual a, a zawt zel a, mi pasarih a zawh hnuah pawh vanram kawng hrilh thei a hmu lo va.

            Trench khur dangah a kal a, mi a zawt zel a. “Ka thianpa Bert-a a thi dawn a. Van kalna kawng hriat a duh tak zet. Hrilh thei in awm em.? a ti zel a. Nimahsela, chhang theu tu mah an awm chuang lo. A tawpah Tiny Tim-a chuan machin Gun pu hi a va tawng ta a, A silai kuah reng chungin ral lam chu a lo thlir a, a va pan a. “Silaipu, kan thianpa a hliam a, a thi tep a ni. Vanram kawng a hre duh. A kawng i hrilh thei em.?” a va ti a.      Machine Gun pu chuan a lo lehhawi a. Hlim hmel tak hian,”Hria e, vanram kawng chu ka hria alawm. Nimahsela, he trench khur hi ka chhuahsan thei lo. Ka silai pawh hi ka kalsan a rem lo...mahse lo nghak lawk....” a ti a.

            A kawr ipte atang chuan Thuthlung Thar bu te a phawrh a, hmanhmawh takin a keu zung zung a. “Thianpa, han en teh le. Hei hi vanram kawng chu a nih hi,” tiin Johana 3:16 chu a kawhhmuh sawk sawk a. “He chang hi i kutzungpui khan chhinchhiah tlat la, vanram kawng chu va hrilh ta che,” a ti a.       Tiny Tim-a chu rang takin a tlan a. Bert-a hnenah chuan a va bawk phei rawp a. Ani lah chu a che chang thei tawh lo, chau tak hian a lo mu a, a thaw dep dep a. Tiny Tim-a chuan a thi tawh emaw a ti hial a. A darah a va beng harh a. “Heta hi vanram kawng chu ka hmu ta e, Johana 3:16 : “Pathianin khawvel a hmangaih em em a, A fapa mal neih chhun a pe a, amah chu tupawh a ring apiang an boral lohva chatuana nunna an neih zawk nan,” tiin a chhiar sak a.

            Bert-a chu a rawn meng kawk a.! A hmelah chuan thlamuanna hmel a lo lang a. Zawite hian “Tu pawhin” tih chu a chham nawn a chham nawn a. Chutah van lam hawiin a ban a phar a, a hmelah chuan Vantirhkoh hmel a lo eng chhuak a. “Tu pawh’ tih chu a rawn chham nawn leh a, a thlarau a thlah ta a.

            Bert-a thi mai tur chuan vanram kawng a hmu chhuak a, chu kawng zawh chuan vanram chu a pan ta a ni. Nang vanram kawng chu  i hmu ve tawh em le.?

BIBLE  QUIZ  No.34

JEREMIA 21 - 26

A kâr âwl dah khat rawh :

Q1. He khawpui chhûnga awm chu khandaihin emaw, \âmin emaw, hrîin emaw an thi ang; ________________ a hualtu che u hnêna chhuaka inpete erawh chu an nung ang, an nunna chu  indona lawmman atân a ni ang.

Q2. Juda lal ___________________, Josia fapa, a pa Josia aia rorêltu, he hmun ata kal chhuak ta chungchang thu chu LALPAN heti hian a sawi: Hetah hian a lo kir leh tawh lo vang.

Q3. Anni chuan an vengte hnênah an muamng hrilhin ka mite ka hming theihnghilhtir an tum a, an paten _________________ avânga ka hming an theihnghilh ta ang khan,

Q4. Tin, LALPA ka ni tih mi hriat nân thinlung ka pe ang : ka mite an ni ang a, an ___________________ ka ni ang: an thinlung zawng zawng nên ka hnênah an lo kir dawn si a.

Q5. Ka rawngbawltu ____________________ lal ___________________ pawh ka chah ang a, anni chu he ram leh a chhûnga awmte leh heng vêla hnam awm zawng anwgte bei tûrin ka rawn hruai ang a; ka tiboral der ang a, mi tihah leh chek khumah leh tiau reng atân ka siam ang.

A bung leh châng dah rawh :

Q1. Tin, Juda hotute chuan heng thu hi an hriatin, lal in a\angin LALPA in luhna Kawngka tharah an thu a.

Bung: ...............          Chang: ....................

Q2. Lal Zedekian Malkiza fapa Pasura leh Maaseia fapa puithiam Zephania te chu Jeremia hnênah a tîr a,

Bung: ................         Chang: ....................

Q3. He thu hi zaw ngei ni ula chuan, Davida thutphah chungah lalte chu tawlailirte leh sakawrte chunga chuangin, anmahni leh an thuihruaite leh an mite chu \ he in kawngkhârahte hian an lût ngei ang.

.Bung: ................         Chang: ....................

Hming : ......................................................

Section : .....................................................

BIBLE QUIZ  NO. 33 RESULT

Chhanna lut zawng zawng : 5

Chhang dik vek                       : 3

Lawmman dawngtu: Lalnunfela Hrahsel (T.Sec)

         Bible Quiz chh^nna leh lâwmman hi Circulation Manager Tv.C. Laldawngliana hnenah thehluh a, lam \hin tur a ni.

ELECTRIC  BILL  CHUNGCHANG

         Keini KTP Luka Groupte chuan sumtuak nan vengchhûngah electric bill kan khawn \hin a. Vengchhung mipuite tlawmngâia min pek tir \hinte chungah lawmthu kan sawi e.

         Bill min pek tir \hinte remchan lohna avanga khawn lâia awm hmanlo khawn nawn leh hman loh avanga  harsatna tâwk \hin kan awm tih kan hria a; a pawi kan ti hle, in hriatthimna kan han dîl nghal e.

         Electric bill khawn lâia awm hman lote kan awm anih chuan Due Date ral hma ni hnih (2) ala awm in group hruaitute hnênah emaw, heng  a hnuaia hming kan tarlante hnênah emaw hian thehluh \hin nise a lawmawm ngawt ang.

V. Sec         - Tv. Lalfakzuala

T. Sec         - Ni. Zohmingmawii

Ch.Sec        -Nl. Malsawmtluangi

Sd/-

(LALFAKZUALA)

Secretary, KTP Luka Group

              

TAWI NAWI

(Accident)

            Kumin 2014 hian Jan- July(thla 7)chhung hian Aizawl Khawpuiah Lirthei chetsualna \um 673 a thleng tawh a, mi 17 thi tawh a record a ni. Chetsualna chhan tam ber chu a khalhtu (Driver) ruih vang a ni deuh ber.

            Azawl Traffic Police-te chhinchhiah dan chuan Jan- July 2014 chhunga lirthei chet sualna 673 zinga 281 chu two Wheeler an ni a, LMV vawi 228, Taxi vawi 114, HMV vawi 35 leh Bus vawi 15 an ni.

          Lirthei chet sualna vawi 673 ah hian 17 an thi a, thi te chu mipa 11 leh hmeichhia 6 an ni. Mi 278 an hliam a, mipa 185 leh hmeichhia 93 an ni bawk.

        LETTER TO EDITOR

 (Letter to Editor hi Editor ngaihdân a  ni vek kher lo)

Subject : Gas Sem khât Chungchâng

  Pu Editor,

         Enge  i ngaih ve dân chu ka hre lova, kan duh rêng vâng  leh \ha kan tih rêng vâng pawh ni lovin Vanbuangi Gas Agency a\angin Kapliana Gas Agency-ah min insawn tir. |henkhatte phei chuan sum leh pâi tam tak kan sêng nghe nghe anih kha. Hetia kan insawn a\ang hian Gas hi an rawn sem khât  hlê a. An rawn sem chhunah pawh hian an rawn phur tlêm thei êm êm  bawk a ni. Chuachhapah he tia kan insawn hnu hian Vanbuangi Gas Agency-te hian Gas hi Black-in an zawn zuar reng thei  bawk si. (Black hi chu kan sawi theih chu a ni lo mai thei) Saikhamakawn khua leh tuite hi Gas avangin kan \âm mêk chu a nih hi. Hei hi engtianga hmâ lâk tur chi nge ni a i hriat rêng rêng? Khawtlang hruaitute hmalâkna tur chi a ni i ti ve lo maw?

         Dik tak chuan kan khawtlâng hruaitute hi an sual vâng phei chu a ni kher lovang a, mipuite harsatna sukiang tur hian hmâ hi an la har \hin ve deuh chuan ka hria Gas chungchangah kher lo pawh hian ka ti ve deuh \hin. Engpawh nise kan khawtlang hruaitute ka demna leh ka sawisel châk vâng hrim hrim ni lovin thil \ha an tih  tawh tam tak awm mahse an tih loh lam hi a langsar duh riau \hin a, ka ngaihdân ka han sawichhuak ve a ni e.

-Gas Lakhâta

Saikhamakawn

TUALCHHUNG

,Pi Lalchhingpuii w/o C.Lalrinmawia (T.Sec) chu damlohna avângin Synod Hospital Durtlangah enkawl mêk a ni.

,Pu Lalremruata h/o Lalrawngbawli (V.Sec) te chuan khawi ilo vah vêl nân Scooty (Flyte) an lei thar. (An Nu tâ tur zawk a nih hmêl Ed. Fiamthu)

,Pu R.Lalthantluanga te chhungkua chuan Mission Veng a\angin Pu J.Thanzama (V.Sec) te inhnuai C.P.Road chu rawn luahin an lo pêm.

,Pi Lalnuntluangi w/o Joseph Zarzolinana te chuan a pakhatna atan Fanu duhawm tak an nei thar.

,Reuben Vanlalpekhlua s/o Stephan Lalchantluanga (V.Sec) chu Khawsik leh kaw\halo avangin Alpha Hospital Kulikawnah enkawl mek a ni.

, Lalrinnungi leh Lalnunfeli d/o Zoramchhana (Ch.Sec) te chu Synod Hospital Durtlangah enkawl an nih hnuin dam takin an lo chhuak ta.

M.A  PASS  THAR

.Tv. C.Laldinpuia s/o C. Lalmuankima chuan MA Geography \ha taka pass-in Zoram pumah Pathumna a ni.

.Nl. F.Lalrintluangi d/o F.Lalrinpuia chuan M. Com. 1st Div. ah pass.

            Vengchhung atanga Master Degree nei tharte Mipui Aw Editorial Board chuan kan lawmpui takzet a, an kal zelna turah duhsakna kan hlan e. Tin, la zir mekte pawhin tan la sauh sauh ang u.

Pass dang hriat hmaih palh kan la nei thei a, tihchhuah zel tum a ni e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330