MIPUI
AW
KARTIN CHHUAK
Vol. XX Issue No. 27 Kristian
Thalai Pawl Saikhamakawn Branch Pathianni Dt.6.7.2014
VAWIIN CHÂNG VAWN
Tuna ka tuarsakna
che uah hian ka lawm a, Krista hrehawm tuar bak chu a taksa avangin ka tisaah
hian ka chhunzawm zel a ni; a taksa chu kohhranho hi an ni.
KOHHRAN PROGRAMME
6.7.2014 (Pathianni)
SUNDAY SCHOOL
|antu : Pu C.Saienga
Zirlai
-24 na : Kristiante Thawh hona
Chawhnu inkhawm
Health Sunday
Thupui
: Rilru Hriselna (Mental Health)
Thuhriltu : Upa
Lallawmchhunga
Zân inkhawm
Hospital Sunday
Thupui : Tidamtu Lal Isua
Thuhriltu : Upa C.Lalmuankima
(Hospital Sunday pualin thilpek
lakkhawm a ni ang)
K|P PROGRAMME
7.7.2014 (Thawh\anni Zan)
SHORT SERMON INKHAWM
Hruaitu : Nl. CVL Biakzuali
|antu : Tv. Lalrinawma Sailo
Thuhriltute : Tv.
Lallawmzuala
Tv. F.Laldingliana
Hla
hruaitu : Tv R.Zodinsanga leh
turte : Tv Lalfakzuala
Keyboardist : Pu
R.Lalmuanpuia
FELLOWSHIP PROGRAMME
6.7.2014 (Pathianni tlai)
Hruaitu : Pu Lalhmangaihzuala
|antu : Tv. Lalzirliana
KOHHRAN HMEICHHE PROGRAMME
8.7.2014 (Thawhleh zan)
Kristian chhungkaw pual
Group
tinte mahni Group Member te inah inkhawm tur.
SERMON
TAWNGTAI
NA
Chutichuan, tihdama
in awm theih nan in sualte thupha chawi tawn ula, intawngtaisak tawn thin rawh
u. Mi fel tawngtaina chuan thil nasa tak a ti thin. Elija chu keimahni
nungchang ang pu mihring bawk a ni a, ani chuan ruah sur loh nan thahnemngai
takin a tawngtai a; tin, kum thum leh thla ruk chhung zawng lei chungah ruah a
sur ta lo va. Tin, a tawngtai leh a, vanin ruah a surtir a, leiin a rahte a
rawn chhuahtir ta a. Jakoba
15: 6
Ringtute tana pawimawh leh kan
thlarau tan a thanlenna hnar chu tawngtaina hi a ni. Tawngtaina kan tih hian a
awmzia taka lang chu Pathian hnena thu kan sawi a, amah kan biakna a ni e tiin
sawi ila a fiah ber awm e. Amaherawhchu tawngtai ringawta Bible chhiar
thlahthlam leh si chuan kan thlarau nun thanlen na kawngah a khingbai thei a ni
tih erawh kan hriat a tha ang.
Tawngtai thiltihtheihna hi ringtuten
kan hriat thar fo a tul hle mai. Bible chang tarlanah chuan Elija chu keimahni
ang bawk mihring a ni a, mahsela Pathian hnenah tihtakzeta a tawngtai chuan a
tawngtaina chu tihhlawhtlinin a awm chiang kher mai. Ruah sur lo turin a
tawngtai a, kum thum a sur lo mai a, sur turin a tawngtai leh a, Pathinin a
tawngtaina lo chhangin a sur tir leh mai bawk a ni. Hetah hian thil langchiang
em em chu Elija leh Pathian inkar inzawmna hi a thuk hle a ni tih ching takin
kan hmu thei ang. Engati nge tunlai hunah kan tawngtaina te chhanin a awm lo
nia kan hriat tak thin. Pathian nen nun inzawmna tak kan nei lo nge? Kan thil
dil te; kan dil dan a diklo zawk. Kan Pathian thu vek chuan ‘in dil a in dil
dan a dik loh avangin in hmu lo a ni’ tiin a sawi a, kan dil danah dik tawklo,
mahni hmanthatna te, mawina lam zawng te emaw tuarna pumpelh zawngte emaw in
kan dil pawh a ni mahna, in enfiah tlan a tul mai thei a ni.
Kan tunlai khawvel leh he Zoram
chhung ngei pawh han thlir ila, sualna tam takin a pung a, nasa takin Setanan a
ram a din mawlh mawlh mai niin a lang. Tin, keini vengchhung ngei pawh thlir
ila, ruihlo leh ruih theih lam chi a hluarin, a
zalen ta mah mah lo maw? Rinngtu kohhran ho ten kan tihtur leh kan theih
ang tawk tawk chuan ti ve te pawhin kan in hre mai thei e, mahsela he khawtlang
leh kan ram tan hian kan tawngtai tlem deuh a ni lo maw? Elija chuan
thahnemngai takin a tawngtai asin. Vawinni a ringtu in ti te hian kan ran leh khawtlang
a lo dam theih nan thahnemngai takin Pathian hnenah kan tawngtai ngai em? Kan
tih theihtawk Pathian tak kan taksa ngei che chhuaka kan in pek baka Zoram leh
he khawtlang a lo dam theih nan thahnemngai takin i tawngtai ang u.
EDITORIAL BOARD
f
Editor
:
Tv.R.Zodinsanga - 8974743073
Jt.Editor:
Pu Lalduhkima -9862648830
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv.Laldawngliana -
8974743091
Editorial.........?
Editorial...?
NGAIHTUAHNA SENG ILA....
US President awm tawh zinga hriat hlawh ber te zinga mi John F.
Kennedy-a chuan, “Ram in harsatna vawr tawp a tawh laia \an hmun mumal nei ngam
lo chu hremhmunah pawh a sa lai ber chang tlak a ni” a lo ti hial a. Kan chenna
ram hun tawn a zira ngaihtuahna fim tak hman a \ul zia uar takin a sawi a ni.
Tunlai kan ram
hun tawn leh boruak in lum let vel danah hian eng ang takin nge ngaihtuahna kan
lo sen ve le..?
MLTP Act chungchangah inhnialna nasa tak a awm mek reng a. Kan
sawrkar meuhin zu khap burna dan siam\hat a, awmze nei zawka zu zawrh theih
tura hma a lak mekna ah hian Kohhran pawhin a tih tur nia ngaiin zu khap burna
dan hlip lo turin sawrkar pawh a ngen hial a. Kohhran chhung leh pawn lam a\ang
pawhin sawisel tu a nei ngah ve viau tho bawk. |henkhatin a inrawlh lohna turah
a inrawlh an ti mawh hek lo.
Amaherawhchu hei
erawh hria ila, democracy ram kan nih miau avangin mimal emaw pawl ang pawhin
(Kohhran pawh huapin) kan duh dan leh ngaihdan tharum thawhna tello a kan
tihlan hi engtik lai pawhin a thiang a. Zu khapna dan chungchanga Kohhran-in
thu leh hla a lo nei ve pawh hi ram dan pui kalh a chetna niin a lang love.
ARTICLE
RILRU HRISELNA - MENTAL HEALTH
- Dr. Jimmy Lalnunmawia
June ni 8 khan mahni intihlum 42 an
ni thu tarlan a ni a, khami leh tun inkara mi 11 an awm leh hman, tichuan mi 53
an tling tawh a ni, ava rapthlak em! Kum danga kumkhat chhunga awm ang zat kha
kumin kum chanve chhungin an tling chho hman der a ni. A va pawi tak em! Rilru
lam natna vei kan tam hle a lo ni.
Bible sawi angin 'mi mahni
inhmangaih', mahni inlainatnaa khat kan lo pung ta. Setana'n he thang hmang
hian nunna hlu tak chu mahni a inlak tir reng a ni. Mahni chauh inngaihtuahna
avangin bumna thanga kan inawka, beidawnna ruama kan lut a ni. Setana hian
beidawnna a kan nun min hruai luh hi a tum ber ani reng a, kan hmalam hun a
thim zawngin kan thlir tlata, beiseina reng reng kan neih theih tawhlohna tur
hian kan inchhir leh ngawih ngawihna tur leh kan siamthat leh mai theih si loh
tur thil tam tak min duh tirin min tih tira, kan nuna min lakluh tir tumin min
veh reng ani. Beiseina lem, nawmna lem, hlimna lem hi kan hmaah a chhawp mawlh
mawlha, chutiang thil chu kan laka, kan nunin a ngaih viau tawh hnuah min
nuihzat chhun zawm leha, chu nun beidawnna leh ipikna hmang ngei chuan mi tam
tak sual lian leh pawi zawk khawih tir a tum ta thin anih hi. Innghahna tur
dika innghahloh avangte, en tur dik tak en chunga nun hman lohna avangte in
bumin kan awma, kan ke chheh a dik hleithei tawhlo a, a eng zawng pawn thil
thlir ngaihna pawh kan hre lo thin a ni. Lalpa'n a hmangaih em em te, A duhtaka
a siamte kan ni vek si a, mahse nun harsa tak zawh tamtak an awm a ni.
Khawvela kan awm chhung hian
harsatna leh buaina te tawk lo tura siam hi tumah kan awm lo. Stephana chu
tihhltm tuma an den ruih ruih lai khan ani chuan van lam a en tlata, atana Van
kawngkhar rawn inhawng a hmu a sin, a tawrh lai reng chuan a hmelte chu
Vantirhkoh hmel angin alo eng ta ani. Thlir tur dik, en tur dik, nun chhiar dan
dika kan chhiar a ngai.
Kan sawi tum ber chu Rilru
hrisellohna (rilru lam natna) 'DEPRESSION' a ni. Hemi vanga mahni intihlum tam
tawhzia Suicide Record pawh kumtin tarlan thin a ni.
Depression hi hrehawm tihna ringawt
a ni satliah lo a, natna chikhat a ni. Rilru chhungril ber khawihtu, eng khawl
tha ber ber mahin a hmuchhuah thei si lo natna na tak mai a ni. Mihring
ngaihtuahna zungzam fan a, rilru pangngai taka hman thei lohna leh nun ninna pe
thei natna tihbaiawm a ni. Hnaa leh nuna phurna neilo tirtu a ni. He natna hian
mi zawng zawng a khawih ve thei vek a, tumah a thliar lo. Natna dang ang bawk a
ni a, hriatthiama leh inngaihsakna te a pawimawh hle.
(Chhunzawm tur)
BENG TI VAr
AFFIDAVITS LEH DEEDS
Inhmun leh ram
te kan leiin kan hralh a, kan dahkham a; bungrua leh property hlu tak tak te
kan inhawhtirin kan hralh a, pawisa te kan inpuk tir a, midang nen inremna te
kan siam a, loan te kan la a, hengah te hian ziaka felfai taka thu kan dah \hin
loh avangin buaina kan tawk fo \hin a ni. Tin, mi \henkhat rokhawm tur neiin an
ro te sem mumal lovin an boral san a, thurochhiah te siam mumal lovin an boral
a, an rokhawmtu tur ten buaina an tawk fo \hin. Heng ang thilah te hian Deeds
emaw Affidavits emaw thurochhiah te felfai leh \ha taka dah ni \hin sela, tuna
mi tamtak ten Court-a thubuai kan neih te hi kan pumpelh thei dawn a ni.
Hetianga thil lei leh hralh, inhawh tir leh pawisa inpuktirna leh inremna dang
te a hriatpuitu awma thu felfai taka ziaka dah te hi Deeds kan tih chu a ni a.
Affidavits chu Magistrate emaw Notary Public emaw Oath Commissioner emaw te
hmaa mahni chanchin dik tak sawichhuahna emaw thu dik sawi lanna tura thu chham
Court-a evidence atan emaw thildang atana hman tur Non-Judicial paper emaw
Court-fee bel paper-a ziak emaw print emaw chung Magistrate emaw Notary emaw
Oath Commissioner leh Ukil ten an hriatpuia an endik hnua hming an ziah hnan
chu a ni.
Deeds emaw Affidavits kan siamin thu
dik tak kan sawi tur a ni a. Thu dik lo leh dawta miin Affidavits a siam chuan
IPC section 191 leh 192-na hmanga hrem theih a ni.
Affidavits siam dan :
Affidavits chu Ukil (Bar Council-a in register) in a siamsakin a endik sak tur
a ni a; Non-judicial paper-ah siam tur a ni. A thu chhamtu in hming a ziah hnan
ang a, a thu chhamtu chu Deponent tih a ni a, a siamsaktu Ukil-in a endik
(Identity) sak ang a, Notary Public-in a sign hnan ang a, a register bawk ang.
Sipai (Army) lam thilah emaw service pawimawh dang bik thilah leh hming
thlaknaah te chuan Notary Public aiah hian Magistrate First Class in seal a
chhut a, a sign hnan kher a ngai \hin.
Affidavits leh Deeds te hi mi tupawh
kum puitling (kum 18 chin) leh rilru fim chhia leh \ha hriatna dik hmang theiin
an siam thei a. Deeds leh Affidavits te in an lohna chu Affidavits chu mi
pakhat emaw a aia tam emawin an mahni chanchin thudik an sawina a ni a. Deed
chu mi pakhat emaw a aia tam leh midang pakhat emaw a aia tam ten an inkarah inremsiamna
neia an pawm tlan ve ve a thu ziaka an dah a ni a. Deeds-ah chuan mi kum
puitling chhia leh \ha hriatna hmang thei pahnih aia tlem lo hriatpuitu
(witness) an awm tur a ni. Affidavits aiin Deeds siamna man a to zawk tlangpui.
(Source : Bengvarna)
BIBLE QUIZ
No.27
ISAIA BUNG 51 - 55
A
kâr âwl dah khat rawh :
Q1. Hnimhlingnei ai chuan far a to
zawk ang a, buar ai chuan lenhmui a to zawk ang: chu chu LALPA tan
______________ tûr leh kumkhaw chhinchhiahna tihborala awm lo tûr a ni ang.
Q2.Nang hi tuifinriat, tui thuk zau
tak tui tikangtu, tuifinriat mawng thuk chu __________kal kaina tûr kawnga
siamsaktu i ni lâwm ni?
Q3. I chhip zumte ch rubi lungin, i
_______________ chu karbankul lungin, i kulh zawng zawng chu lungmawitein ka
siam ang.
Q4.____________ berâm angin kan vâk
bo va; mahni kawng kawngah kan peng \heuh va; Lalpa chuan ani chuungah chuan
kan za khawlohna chu a nghat ta a.
Q5. Chuvangin ka mite chuan ka hming
an hria ang; ______________chumi niah chuan a sawitu chu ka ni tih an hria ang;
ngai teh, keimah hi ka ni,” tiin.
A
bung leh châng dah rawh :
Q1. Kei LALPA i Pathian, a fawnte chu ri hum hum khawpa tifinriat
chawk lettu chu ka ni si a: ka hming chu sipaihote LALPA a ni.
Bung:
............... Chang:
....................
Q2. Chuvangin, nang tihretheih
leh uain rui ni si lova mi rui, hei hi hre tawh rawh:
Bung:
................ Chang:
....................
Q3. Felna hretu, ka dan thu
thinlunga pai mite u, ka thu ngaithla rawh u; mihringte sawichhiatna hlau suh
ula, an hauna che u avângin mangang hek suh u.
.Bung: ................ Chang:
....................
Q4. Hnehchhiahna leh rorêlnaa lak bovin a awm a; a dam rualpi lek phei
chu tuin nge mi nung ram ata tihborala a awm chu ngaihtuah tehlul ni? Ka mite
bawhchhiatna avângin lungngaihna tlak buakin a awm a ni.
Bung
.................... Chang
.................
Q5. I puan in hmun chu zauh
rawh, i awmnate puan in chung chu kai pharh rawh se: ren suh: i hruite chu
tisei la, i kaihmârna khente chu tinghet rawh
Bung
.................... Chang
.................
Hming :
......................................................
Section :
.....................................................
BIBLE QUIZ NO. 26
RESULT
Chhanna
lut zawng zawng : 8
Chhang
dik vek : 7
Lawmman
dawngtu : Denis Malsawmsanga (V.sec)
Bible
Quiz chh^nna leh lâwmman hi Circulation Manager Tv.C.Laldawngliana hnenah
thehluh a, lam \hin tur a ni.
WORLD CUP THU NAWI
#
NEYMAR TAN WORLD CUP A TAWP TA. World Cup Quarter Final Columbia 2-1 a an hneh
\uma inhliam Brasil Superstar Neymar Jr chu Brazil Team Doctor Rodrigo Lasmar
chuan a hnungzang hliam a serious thu leh World Cup a khelh chhunzawm theih
tawh dawn loh thu a puang.
#
Germany & Chelsea forward Andre Schurrle chuan kumin World Cup-ah an
champion a rin thu a sawi.
#
World governing body Fifa chuan Uruguay striker Luis Suarez chu thla 4 a hrem
chhungin football kaihhnawih training-ah erawh a tel a phalsak. Tin, £80m-in
Barcelona a pan dawn ta. Luis Suarez chuan World Cup-a Italy defender Giorgio
Chiellini a seh chu, ““Ka balance ka hloh avang khan ka in thunun thei lova, ka
bula lo ding kha duh loh deuhin ka va tipalh ta a ni,” tiin a insawifiah.
#
Colombian pop star Shakira chu kumin World Cup closing ceremony-ah zai tura
ruat a ni leh ta, a zawna \um 3 a inlanna tur a ni a, 2010 South Africa leh
2006 Germany-ah te khan a lo perform tawh bawk.
# Algerian National Football team te chuan
World Cup prize Round of 16 an thlen avanga an pawisa dawn $9
million (£5.25 million) vel chu Gaza a mirethei te tan hlan vek dawn.
#
Russian MP Vladimir Zhirinovsky chuan an coach Fabio Capello chu World Cup-a a
naute a chetchhiatpuina chhan insawifiah turin a phut.
#
Switzerland chuan World Cup last 16-a Argentina an hnehloh avangin Swiss coach
Ottmar Hitzfeld chuan a hna chelh lai a\angin a bang.
#
German national team players-te chu FIFA World Cup-ah quarter-final an luh
avangin player tinin £40,000 theuh an dawng dawn.
#
Netherlands leh Mexico inkhelh \um khan Robben an injury time-a penalty an
hmuhna kha, Fifa chuan Arjen Robben dive chungchangah action an lak dawn loh
thu an sawi.
HRIATTIRNA
AIZAWL
DISTRICT FOOTBALL ASSOCIATION REGISTRATION THU THAR :
1.
Registration tih hun : July 1-20, 2014
2.
Club Affiliation fee : ` 1000 per team
3.
Club Renewal fee : ` 500 per team
4.
Security deposit : 1st Division -` 5,000,
2nd
Division -` 4,000,
3rd
Division -` 3,000
5.
Player zat : 30 aia tam lo; 20 aia tlem lo.
6.
Player registration fee :` 100 mi pakhat tán zêl(AIFF tuk)
7.
Training : July 20, 2014 (Inrinni) dar 10 hian Agriculture Conference Hall-ah(A
hmun hi sawn palh awm thei a ni a, TV Scroll leh Chanchinbu lama lo ngaihven
nise) Registration Training neih tur a ni dawn a, 1st leh 2nd Div-a awmsa club
leh 3rd Division-a in affiliate tum zawng zawngin aiawh 1 intirh ngei ngei tur
a ni. Heta kal lote chuan Affiliation an ti thei lo vang. Kal turte chuan
Laptop ken tur a ni a, Internet Device ken ngei bawk tur a ni. Hemi hunah hian
Registration-a lehkha pawimawh leh hriattur hrang hrang inpek a ni ang. Kum
dang angin Registration form paper-a inpek thin ang kha a awm dawn lo tih lo
hria ila a tha ang e.
#Greece
captain Giorgos Karagounis chuan World Cup atanga an tlak hnuah ram tana
inkhelh a chawlhsan nghal thu a puang.
#
Mexican Javier Aguirre chuan Japan coach-a tang tura an sawmna a pawm.
#
Turkish soccer giant Galatasaray chuan Manchester United coach hlui David Moyes
chu club enkawl turin an bia.
TUALCHHUNG
, Nl. Vanlaltlani d/o B.Lalrinzuava (Ch.Sec)
chu damlohna avangin Alpha Hospital-ah enkawl mek a ni.
, Pi Hmingthangi m/o Lalzawmliani (Ch.Sec) chu
New life Hospital-ah enkawl mek a ni.
,
Tv. Pc. Vanlalhriatpui s/o Lalparmawii (V.Sec) chu damlohna avanga Greenwood
Hospital-a enkawl anih hnuin alo chhuak.
MIZORAM
/ INDIA / KHAWVEL hmun hrang hrangah i bungrua/parcel te Bazar
pan kher ngai lovin rang leh tlawm takin kan thawn thei e.
Pan Card Center kan ni a, Pan Card
siam duh tan kan vengah ngei kan buaipui sak thei bawk e.
Hrechiang
duh tan:
Ph.:
8131935804
email:
friends_exp@yahoo.com
HRIATTIRNA
Serlui leh Ramri lui humhalh huam
chhungah Sangha leh Sangha note leh kaikuang note chhuah a ni a, Serlui leh
Ramri lui humhalh chhungah eng thil mahin man phal a ni lo. Man theih hun tur
chu nakinah mipuite hnenah hriattir leh a ni ang; chumi hma chu man phal a ni
hrih lo. Ti lui man kan awm anih chuan an chungah action na taka lak a ni ang.
HRIATTIRNA
Tunlai hian kan veng P/S leh M/S
Compound chhungah lut a, suahsual rawngbawl \hin kan awm a. Hei vang hian a
vengtu pawh insiam alo ngai ta hial a. School building leh Compound tihmelhem a
man kan awm anih pawhin kan sawi buai thei lovang.
Sd/-
Secretary
Village Education Committee
Saikhamakawn.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment