MIPUI
AW
KARTIN CHHUAK
Vol. XX Issue No. 28 Kristian
Thalai Pawl Saikhamakawn Branch Pathianni Dt.13.7.2014
VAWIIN CHÂNG VAWN
Thil \ha lo
titute avângin intilungngai duh suh la. Fel lo taka tite chu awt hek suh.
Hlobet angin ah thlukin an awm thuai ang a, Hnim hring angin an la vuai dawn si
a.
KOHHRAN PROGRAMME
13.7.2014 (Pathianni)
Chawhma inkhawm
|antu : Pi Lalchuangkimi
Chawhnu inkhawm
Thuhriltu : Upa
R.Lalngena
Zân inkhawm
Thuhriltu : Upa
Lalrindika
K|P PROGRAMME
14.7.2014 (Thawh\anni Zan)
Neihthil thehkhawm
A
Hmun : Sunday School Hall
Hruaitu : Nl. Lalramnghaki
|antu : Nl. Lalrinliani
Hla hruaitu : Tv
R.Zodinsanga leh
turte : Tv
Lalfakzuala
Keyboardist : Pu
R.Lalmuanpuia
KOHHRAN HMEICHHE PROGRAMME
15.7.2014 (Thawhleh zan)
Sermon Inkhawm
Hruaitu : Pi
Zonunsiami
|antu : Pi Dardingliani
Thuhriltu : Pi
Hmangaihsangzuali
PAVALAI PROGRAMME
Dt. 17.7.2014 (Ningani)
Hruaitu : Pu VL Zidinga Sailo
|antu : Pu Ramdinthara
In\awng\aisak
tawn, fak hla saka inpawl ho leh rilru sawia hun hman tur a ni.
SERMON
PATHIAN HRIATNA
He
khawvelah hian hnam hrang hrang kan cheng a, kan khawsak dan leh nunphung pawh
hrang thluah ni mah ila. He khawvelah hian nun thlamuanna leh innghahna tur hi
kan zawng deuh vek mai. Chu nun innghahna leh thlamuanna tur kan zawnna kawngah
chuan kan chunga roreltu Pathian hi awm ngeia hriatna kan nei deuh vek hlawm
bawk. Kan thih hnu lam khawvel pawh hi kan thlir thin tlangpui a. Chu kan thih
hnu hun atan chuan kan inbuatsaihnaah pawh hian he khawvela thil tih that leh
that loh hian kawngro tam tak su tur a ngaihna pawh sakhaw vuan tu tamtak hian
an nei a. He khawvelah hian thiltha tih hi kan inzirtirna laimu atan pawh
sakhaw tam tak chuan an hmang mek bawk.
Sakhaw tam tak hi
chu Pathian an hriat dan hian amah an biaknaah a kaihruaitu ber a ni a. An
Pathian biak hian a duhdan leh ngaihdan turte an suangtuahna atang hian a a
biak dan tur kalphung pawh hi an duang deuh ber bawk thin. Chuvangin khawvela
sakhaw tinte hi an biak pathian an hriat dan ang ang hian mahni zawnah theuh an
kal mai thin. A duhdan tur leh ngaihdan nia an hriat hmangin kan bia a, a lawm
zawng ni a an hriat hmangin tih lawm tumin an tlawn a, an thih hnu hun atan a
tha tur ni a an hriat hmangin he khawvelah hian an nung a, a malsawmna dawn
beiseiin an tlawn a, hlimna leh thlamuanna chan beiseina avangin a duhdan nia
an hriat hmangin he khawvelah hian nun an tum thin.
Keini Kristiante
chuan lei leh van leh a chhunga thil awm zawng zawng siamtu Pathian nung kan
biak a. Min chhandam a, min thlamuan a, malsawmna tam taka min vur thei tu leh
hlimna leh lawmna chuai thei ngailo min pe theitu kan bia a. Keimahni rin dan
leh hriat dan mai ni lo, Amah Pathian ngei mai kan hnenah a inpuang chhuak a, a
duhdan leh amah kan biak dan tur zawng zawng pawh min kawhhmuh a., min hruai
thin a. He khawvel leh thih hnu hunah chatuan atana chhandamna famkim min pe
theitu tur Pathian chu kan biak Pathian hi a ni.Hei tak hi a ni keini ringtute
kan danlamna chu.
He kan Pathian
ropui tak kan hriat dan pawh hi amah ringtute theuh theuh pawh hi a in thlau
thei viau awm e. Then khat chuan kan Pathian hi thihpui tham Pathian niin an
hria a, Amah avanga channa leh tawrhna lo thleng tur zawng zawng pawh tawrh an
huam a, tawrh chhan tlak Pathian niin an hria a. Retheih pui tlak Pathian niin
an hria a, hlimpui tham lawmpui tham Pathian niin an hria a, Engkim chan leh
tawrh huama zui tlak Pathian nia an hriat avangin an zui thin. Min chhandam
theitu leh nun zawng zawng innghahna tlak Pathian a nih zia an hriat avangin a
mahah an in nghat tlat thin. Paula chuan ‘A ni tak meuh mai, ka Lalpa Krista
Isua hriatna ropui bikzia avangin thil engkim pawh channaah ka ruat a ni; amah
avangin thil zawng zawng ka chan ta,’ a ti a ni. Eng ang tak zui phu Pathian
nge ni ve a i hriat le?
EDITORIAL BOARD
f
Editor
:
Tv.R.Zodinsanga - 8974743073
Jt.Editor:
Pu Lalduhkima -9862648830
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv.Laldawngliana -
8974743091
Editorial.........?
Editorial...?
KAN VENG HI TU TA NGE?
Kan
veng Saikhamakawn hi tu ta nge tiin han in zawt ta ila, a neitu bik chhan a har
viau mai thei e. Mi tam ber ten kan chhanna tur chu Saikhamakawna chengte ta hi
a ni kan ti \heuh ngei ang. Hei hi a nihna chiah pawh a ni a, nimahsela a neitu
rilru pu reng reng lo, veng chhung hmangaihna tak pawh nei lova awm ve mai mai
pawh a awm theih viau ang le.
Tin,
Saikhamakawna lo awm rei tawhte pawhin Saikhamakawn hi intih thu bikna tur a ni
chuang lova, pemthar zawkte pemthar te te si tih \awngkam kan hman khum fo
maite hi a a \ha miah lo bawk.Pemthar te mikhual en a en lovin kan veng mi en a kan en \hin a \ha viam bawk
ang..Mi chi hrang hrang awm khawm hian veng pakhat kan siam ani tih hria in
tumah innghirngho awm miah lova kan lungrual taka kan awm za a pawi mawh hle a
ni. Rawn pem thar pawhin mahni awmna
hlui tihdan anga awm reng lovin
Saikhamakawn veng tihdan kan zira kan ngaihchan thiam a \ul hle bawk a
ni.Saikhamakawn hi i ta leh ka ta ani tih hre thar leh ang u.
ARTICLE
RILRU HRISELNA - MENTAL HEALTH
- Dr. Jimmy Lalnunmawia
(Chhunzawmna)
Depression natna lanchhuah dan
tlangpui nia hriatthei chu hetiang hi a ni - Rilru hnual ngawih ngawih, hrehawm
tihna leh chauh ngawih ngawih, mahni inrintawkna bo leh ngaihtuahna chawmawlh
vek; nun in awmzia nei lo leh mi dang, thenrual leh hna lam ngaihtuah hlei thei
lo, thil reng renga rilru pek harsatna, hriatrengna pawh a tichhe thin, rilru
sawrbing harsatna, thil ngaihtuah nawn
tluk tluk thinna, mize inthlak hlawk: habit, mood leh concentration a inthlak
thut thut thin.
Thinrim, hlauh, mangan, mahni
inthiam lohna leh lungngaihna ten rilrua luah tlut tlut thin a. Inchei fai leh
rualpawl chakna nei lo, leh muthilh that thei loh. Ei leh in pawh an ngaihsak
tha pei lo, anihlo vek leh thil an ei nasa hle thung thin. Lungchhe ngawih
ngawih te a awmin, tah vak te an chak thin. Mi dangte tana phurrit niin an
inhre thin a, a thim zawngin thil an thlir renga, thih hlauhna te an nei rualin
thih chungchang an ngaihtuah nasa a, dam an thlahlel lo fo.
Mi dang reng reng an hmu dik lova,
mahni chauh dika an inngai nghettlat thin. Bula mite zai ngaia chet an thei lo.
Mahni khawvel siamchawpa an cheng tlat a, mahni phul phulin an phul a, mi thu
haw lam leh kal lam an uksak lo. Thin thawk thut thin leh so but thin, vawi leh
khata inthlak thut thin an ni thin a, an kianga awm a hahthlakin inveng renga
awm a tul thin, an huatthu sawi a awl em em a ni.
Vui hmui pu reng, mahni chauh an
inngaihtuah a, duata dawm hleu hleu an inbeisei tlat thin, anmahni chauh
ngaihsak turin an phut thin a ni.
Englai pawhin an ngui a, an thil
thlir dan pawh a duhawm lo zawng hlira ni thin. A ipik leh lunghnur zawngin
thil engkim an thlir a, mi dangte avanga tuar ni te in an inngai thin. Engkima
hlimna leh lawmna tur an hmu ngai lo, chhuanlam siam an hratin, an tihdik lo
emaw hlawhchhamnaa midang mawhpuh an ching
Heng hi Depression natna vei te
awmdan tlangpui a ni a. Tunlaia 'Depression ka nei' ti ve satliah ngawt te hian
an nei tak tak em tih chu lo bihchiang ve ru. Tam tak chuan dawt an sawi a ni
ti a hriat mai thei ang. Tin, depression awmzia tak tak an hriatlo vangin thil
engemawa stress na deuh an nei in Depression emaw an inti mai thin zawk a ni.
DEPRESSION
HI ENKAWL THEI A NI A, TIHDAM THEI A NI.
(Suicide Data la ron tarlan leh ka tum ang - Jimmy)
jimmy.l.syuhlo@facebook.com
© @[170209419678739:0]
BENG TI VAr
CALENDAR CHANCHIN
1.
Kan awmna Lei hian ni khi ni 365 leh darkar 6 ah a hel chhuak a, chuvangin a
kum 4 na zela (darkar 6 vawi 4=24Hrs)Ni khat belhin leap Year kum siam ani a,
chutianga siam rem chu a ni.
2.
Leap Year zawh chiah kum Calendar pumpui hi a kum 6-na, 17-na leh 28-na ah a
ngai a lo in her chhuak leh thin. eg: 1981 leh 1987, 1998, 2009.
3.
Leap Year zawh kum 2na Calendar pumpui hi a kum 17-na leh 28-na ah a ngai a lo
in her chhuak leh thin. eg: 1982, 1999 leh 2010.
4.
Leap Year hma chiah kum Calendar pumpui hi a kum 11-na leh 28-na ah a ngai a lo
in her chhuak leh thin. eg: 1983, 1994 leh 2011.
5.
Leap Year leh Leap year lo kum Calendar pumpui hi a kum 28 na ah a ngai a lo in
herchhuak leh thin. eg: 1976 leh 2002, 1977 leh 2003, etc.
6.
Calendar hi chi 14 chiah a awm. Leap year 7 leh Leap year lo 7.
7.
May leh June thla hian kumtin a ni zat leh ni hmingah anpui a nei ngai lova,
October hian Leap Year ah an pui a nei ngai lo va, August hian Leap Year lovah
anpui a nei ngai lo bawk.
8.
Kum tinin March leh November te, April leh July te, September leh December an
in ang ziah bawk.
9.
Kum tinin thla in ang chi li a awm :-
a)
Leap Year kumah:
i)
Jan, April & July
ii)
Feb & August
iii
March & November
iv)
Sept. & December.
b)
Leap Year lo kumah.
i)
Feb, March & November
ii)
Jan & October
iii)
April & July
iv)
Sept & December
INDIA NATIONAL LANGUAGE
Code Part XVII of Constitution ah
chuan Official language chungchang a tarlang a, Article 343 of Constitution ah
chuan Official language ah chuan Hindi in Devanagiri script leh English as
second official language tiin a tarlang. INDIA NATIONAL LANGUAGE hi enge? tih
zawhna awm chu Chief justice of Gujarat High Court S.J Mukhopadhaya chuan India
mi tam zawk chuan Hindi hi National language ah ngaiin pawm mahse, official a
National language a puanna a awm loh thu leh Article 343 constitution chuan
Official language chiah a tarlan thu a sawi. Hindi hi Natiönal language emaw ti
mahse, official taka puanna a awmlo a, first Official language erawh a nih thu
hriat a tha, second official language chu English a ni e.
BIBLE QUIZ
No.28
ISAIA 56-60
A
kâr âwl dah khat rawh :
Q1. Ka chawlhnite serha, ka lawmzawng
thilte thlanga, ka thuthlung pawm tlattu mi tilrehte chungchang thu-ah chuan
_____________________ heti hian a ti si a:
Q2.Tunge nuihza siam nân in hman
thin le? Tunge in thensana, lei in chhuah khum thin le? Nangni sasaw zinga,
thing buk hnuai tina intizauthauva, ruam chhûngte ________ khi belahte naupang
that thinte u,
Q3.Ngai teh u, innghirnghona leh
inhnialna tûr leh, suahsualna kuttuma inchûm tûrin a ni, chaw in nghei \hin ni:
in aw hi chung lama __________________ tlak zawngin chumi ni chuan chaw in
nghei ngai lo.
Q4. Tuman dik takin thupawi an sawi
lo va, tumah thutak takin thu an sawipui ngai lo: boruak mai mai hi an ring a,
_____________ an sawi \hin a; thiltihsualna an pai a, khawlohna an hring \hin.
Q5. Dak
la, i mit len vêl la, en rawh: an zain an inkhawm a, i hnênah an lo kal a nih
hi: i fapate chu hla tak a\angin an lo kal ang a, i fanute chu an rawn
_________ ang.
A
bung leh châng dah rawh :
Q1.Ram dang mite pawh, chawlhni bawhchhe lova serh thin leh, ka thuthlung
pawm tlat apiang, LALPA rawng bâwl tûr leh, LALPA hming ngaina tûr leh,
Bung:
________ Chang: _________
Q2.Tlâng sâng zo tak chungah chuan i khum chu i dah a: Moleka hnênah
i kal a.
Bung:
________ Chang: _________
Q3.Chumi hunah chuan i eng chu zing ni chhuak angin a lo chhuak ang
a, i damna tûr chu a lo chawr chhuak thuai ang: i felna chuan i hma a hruai ang
a: LALPA ropuina chu i hnudaltu a ni ang.
Bung:
________ Chang: __________
Q4.Chuvangin rorêlna chu keimahni a\anga hla takah a awm \hin a, felna
chuan min um phak ngai hek lo: eng kan nghak \hin a, nimahsela, ngai teh, thim
a lo ni \hin;
Bung:
________ Chang: _________
Hming : ____________________________
Section : ____________________________
BIBLE QUIZ NO. 27 RESULT
Chhanna lut zawng zawng
:4
Chhang dik vek
:4
Lawmman dawngtu
:Sysvila Varthansangi (V.Sec)
Bible
Quiz chh^nna leh lâwmman hi Circulation Manager Tv.C.Laldawngliana hnenah
thehluh a, lam \hin tur a ni.
TBZ PROGRAMME
(Neihthil thehkhawm)
A hun: Ni
14.7.2014 (Thawh\an)
(Zan
Dar 7:00)
A hmun : Pu Tlangruata te In
Hruaitu : Pi Zuimawii
|antu : Pu C.Saienga
ZAI HRUAITU LEH MUSICIAN TRANNING
Ni 17.7.2014 (Ningani) zan dar 7:00
hian Sunday School Hall-ah K|P Zai hruaitu leh Musian-te Tranning neih a ni
dawn a, K|P a zai hruaitu leh Musician-te kim taka kal \heuh i tum ang u.
HRIATTIRNA
Saikhamakawn Taxi Driver Association
chuan vengchhung tan tiin Saikhamakawn tan bik Saikhamakawn Taxi Stand a\anga
chhuak chu `.15/- in kan tlan \hin a, amaerawhchu
vengdang Taxi-ah `.20/- a chuan pawi ti lem lo leh
remchan avang ni kher lo pawha lo phar ta mai \hin tam tak kan awm \hin avangin
`.20/- a tlan ve turin kan rel a, vengchhung
mipuite kan han inhriattir a ni e.
Letter to Editor
(Editor ngaihdan a ni vek kher lo)
Pu
Editor, he thu hi khawngaihtakin i chanchinbu a min lo chhuaksak theih chuan ka
lawm ngawt ang.
Kan hriat \heuh angin Mizoram
sorkarin The Mizoram Liquor (Prohibition and Control) Bill 2014 a pass ta si a,
hemi chungchangah hian kan veng bik Saikhamakawn huam chhungah hian zu zawrh,
zu dawr hawn leh inluah hawh tir ang chite hi rem ti lo tur hian Join Committee
huap angin emaw a neih theih ni ta sela Saikhamakawn hi a thianghlimin a fel
fai zawk ngei ang. Hetiang lamah hian ngaihtuahna i han seng ve chhin teh ang
u.
- Saikhamakawn tlangval.
LAWMTHU SAWINA
Kan fapa C.Lalsangzuala’n ni
5.7.2014 a Shillong-a min boralsan chungchangah Saikhamakawn khawtlang leh
Kohhran chungah lawmthu sawi tur kan va han ngah tehlul em! A boral hriat anih
veleh mipui kha zozai lo pungkhawmte, zanlai pawh sawi lova a ruang Shillong
a\anga lo chho hmuak tura mahni Motor ui hauh lova rawn thawhchhuahpuitute, kum
ruk(6) lai kan awm tawh loh hnu pawha YMA ten an Member nilai ang chiah a min
lo dawngsawngte, Kohhran lamah Pastor ngeiin a han vuite, kan duhthusam ang
ngeia Saikhamakawn thlanmuala kan han vui liamte - sawi vek sen a ni lo, kan
lawm tak meuh meuh a ni. Kan chunga in \hatna leh min hmangaihna in lan tir
zawng zawng hi Lalpan a letr tam takin vur mawlh che u rawh se.
Inkhawngaihna dawngtu,
Zoramthangi leh a fate
Shillong (Saikhamakawn)
LAWMTHU SAWINA
Ka fapa Vanlaldika (Kum10)huan Thawhah natna avangin ni
13.6.2014 (Zirtawpni) khan chatuan ram min lo pan san chungchangah Kohhran
hrang hrang te leh khawtlang nu leh pa, YMA ten in hun hlu tak seng a min
buaipuina zawng zawngah kawmthu kan sawi a. Kan chhungkaw chunga in \hatna
zawng zawngah Pathian in a let tamtak in malsawmna vur che u rawh se.
In khawngaihna dawngtu
Rohmingthanga te chhungkua
Khawzawl (Saikhamakawn)
Vawiin KHAWCHIN
Max : 270C Min : 240C
Chawhma
lamah 4mm, chawhnu lamah 8mm leh zan lamah 14mm tla turin sawi a ni.
(source :weatherforecast.com)
TUALCHHUNG
,
Pi Saihlunkungi w/o C.Runkima (V.Sec) chu damlohna avangin Bethesda Hospital-ah
enkawl mek a ni.
,Pi
VL Beiseii w/o Hualhnuna (T.Sec) chu damlohna avanga Greenwood Hospital-a
enkawl anih hnuin alo chhuak.
,Nl.
Vanlaltlani d/o B.Lalrinzauva chu damlohna avanga Alpha Hospital-a enkawl anih
hnuin alo chhuak.
TUALCHHUNG A|ANGA GRADUATE THAR KAN HRIATTHEIHTE
R.Zodinsanga
s/o R.Lalsangzuala (Arts) - Ist Div.
R.Zonuntluangi
d/o R.Lalsangzuala (Arts) - Ist Div.
C.Zosangliani
d/o C.Lalhmunngheta (Arts) - IInd Div.
Malsawmdawnga
s/o Lalsiama (Com.) - IInd Div.
CHATUAN RAM LAMAH
Pu C.Lalsangzuala, kum-57 chuan ni
5.7.2014 (Inrinni) khan thisen sang natna avangin he lei hrehawm kalsanin
chatuan ram min pan san ta.
A kalsan tak a nupui fanaute, a
chhung leh khat lainate kan tuarpuiin; Lalpan awmpuiin vengin kaihruai zel se
tih hi kan \awng\aina a ni.
WORLD CUP FINAL
Zanin dar 12:30 hian Fifa World Cup
Final chu khelh a ni dawn a, Germany leh Argentina ten Estadio Jornalista Mário Filho (Maracanã),
Rio de Janeiro, Rio de Janeiro-ah an khel ang.
#
Italian referee Nicola Rizzoli chuan 2014 World Cup final, Germany leh
Argentina inkhel hi a hâm ang.
#
Germany leh Argentina te hi World Cup Final-ah \um hnih inhmachhawn tawhin 1986
khân 3-2 in Argentina an chak zawk a, 1990 khân 1-0 in West Germany an chak
zawk a ni.
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment