Mipui Aw 27.7.2013

MIPUI AW

KARTIN CHHUAK

Vol. XX Issue No. 30 Kristian Thalai  Pawl  Saikhamakawn Branch  Pathianni Dt.27.7.2014

VAWIIN CHÂNG VAWN

            Aw Israel mite u, ngaithla teh u, LALPA kan Pathian chauh chu LALPA a ni a; LALPA in Pathian chu in thinlung zawng zawngin, in rilru zawng zawngin,in chakna zawng zawngin in hmangaih tur a ni.                             (Deuteronomy 6:4,5)

KOHHRAN PROGRAMME

27.7.2014(Pathianni)

SUNDAY SCHOOL

|antu              : Pi Zosiampuii

Zirlai 27-na    : Van khua leh tui

Chawhnu inkhawm

Thuhriltu       : Pu Khawlhmingliana

             Zân inkhawm          

Thuhriltu       : Pu Lalrintluanga

            K|P PROGRAMME

       28.7.2014 (Thawh\anni Zan)

            SERMON INKHAWM

Hruaitu           : Nl Zohmingmawii

|antu              : Tv Vanlalhmangaihzuala(Vla)

Thuhriltu        :  Tv R.Lalzamlova

Hla hruaitu     : Tv R.Zodinsanga leh

turte                 : Tv Lalfakzuala

Keyboardist     : Pu R.Lalmuanpuia

            KOHHRAN HMEICHHE                                             PROGRAMME

        29.7.2014 (Thawhleh zan)

            (SERMON INKHAWM)

Hruaitu           : Pi Zuimawii

|antu              : Pi Lalramliani

Thuhriltu       : Pi Lalchhingpuii

       PAVALAI   PROGRAMME

        31.7.2014 (Ningani zan)

Hruaitu           : Pu Kamzawngliana

|antu              : Pu C.Saienga

Rilru sawi leh fak hla saa inpawl ho tur a ni.

       

SERMON

                     KHAWVEL ENG

“Khawvel eng in ni e. Tlang chhipa khawawm chu thuhruk theih a ni lo. Miin khawnvar halin hrai hnuaiah an dah ngai lo, a dahnaah an dah zawk \hin; ti chuan inchhunga mi zawng zawng a en \hin. chutiang bawkin in eng chu mi mit hmuhin eng rawh se, chutichuan in thil tih \hatte an hmu ang a, in pa vana mi an chawimawi thei ang.” (Matthaia 5:14-16)

                Isuan Tlang chunga a thusawi Khawvel eng in ni a tih hi a ropui hle a. Amah ringtute chu khawvel thim zingah pawh midangte ti eng a, amah chawimawi tir thei khawp chanvo ropui min pe a ni. Chu kan eng chu hliahkhuhtu awm lova mite hmuha eng chhuak turin min beisei a, min duh bawk a ni.Ringtu tam takten  kan nihna ropui tak hi kan khuh bova, eng chhuak thei lovin kan awm fo \hin a ni.

             He khawvelah kan awm chhung hian harsatna tam tak kan tawk thei a. Tin, mamawh tam tak kan nei thei bawk. Ringtute chu he tih hunah hian ken enna a lang chhuak \hin tur a ni a. Mahse chutiang ni lovin harsatna a lo thlen pawhin Pathian ring lo tute awm dan pawh tluk lovin kan awm fo \hin a. Rualawhna hmunah pawh, kan rualawhna chuan keimahni a Isua Krista eng hi a hliah fo \hin a nih hi. Kan nun leh thiltih zawng zwng leh kan chetzia zawng zawng te hi mi ten min chhiar a, min thlir reng bawk a. Keimahah hian Krista nun mawi chu hmuh  an chak \hin. Chumi a nih a vang chuan kan nun leh thiltih, kan chetzia leh awmdan, kan \awngkam hman dan thl;eng hian ringtute kan fimkhur a ngai em em a ni.

            Thil pakhat han tarlang lawk ila. Aizawl veng pakhat a Kohhran pakhat chu an veng chhung a sualna chi hrang hrang a lo rem theih nan leh mi hla zawk ten Pathian an lo hmuh  theih nan tlaivara \awng\ai neih an tum a. Chu thu chu mi hla an tih te chuan an lo hriat chuan an nuih a za khawp mai. An \awng\ai dawr dawr a, kaimahni hote tan lah chuan an la \awng\ai leh nghal a, an mahni tan hian \awng\ai zawk se kan veng leh Kohhran pawh a nuam zawk ang. Coruption -ah an fihlim bik lova, an nupuite ho lah chu an pa te coruption zarah an la inti milian em em mai leh nghal. Biakinah chuan an lam ang dur dur a, khawlaiah mi an rel leh zawt zawt a tiin an sawi zui nghal pang mai. Hei hian kan Zoram nun a phawrh hlein a hriat. Mi hla kan tih te hian Pathian hnena \awng\ai a, a mah be \hinte nunah hian eitur an zawng reng a ni tih hriat a va han \ha em. Kan Biakin nun leh kan khawlai nun te hi inmil sela. Lal Isuan tlang chhipa khaw awm thuhruk theih a ni lo a tih ang hian amah Lal Isuaah awm reng  i la, Khawvel entu tur Khawvel eng kan ni thei  ngei ang.                        

      

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

TIH VE CHI A NI EM ?

                                               

            Kan hriat \heuh angin Mizoram sawrkar chuan awmze neia zu zawrh theihna tur dan a lo pass ta a. Inhnialna tam tak karah MLTP Act chu MLPC tia thlak a lo ni ta. Hetiang a nih tak avang hian hun rei lo te ah Wine Shop kan nei chho mai dawn niin a lang. Kan chhiatpui dawn nge kan \hat pui dawn tih chu hunin ala hril chho mai dawn a ni.

            Hetih mek lai hian veng/khua \henkhatah chuan Joint Committee ten Resolution pass in mahni veng huam chhunga zu zawrhna dawr (Wine Shop) hawn leh zu dah nana inluah tir a rem dawn loh thu an lo chhuah zui ve zat bawk a. Sawrkar in dan siam mahse khawtlang mipui ten an thuneihna chinah chuan khawtlang tana \ha tur nia ngaiin zu chu an la do zel dawn ni awm tak a ni.

            Hun kha leh chen YMA in beihpui thlaka a lo do tawh leh Kohhran pawhin a duh loh zu hi kan veng chhungah hian phalna neia zawrh ni ve ta se kan \hat pui ang ngem le...? Hemi chungchangah hian ngaihtuahna sen a tul khawp mai. Veng \henkhat ten hma an lo lak tawhna ang hian kan veng chhung bika thuneihna lo ken kawh ve mai hi a \ha ang nge sawrkar thupek pawisak lohna ni ang le?              

           

ARTICLE

CHETDAN MAWI

(INCHEINA) Chhunzawmna

7. I kawrchung hmaa kawrkilh pakhat chauh kilh i duh chuan kawrkilh pahnih awm chi a nih chuan a chung zawk chauh kilh la. Kawrkilh pathum awm chi a nih chuan a laia mi kilh thin ang che. Hei hi chin \hin dan tlangpui a nih avangin hriat ve hrim hrim atan a \ha a ni. Rual pawl zau ve hle si, mi chin dan hriat loh hi a thil hlauhawm tak zing a mi a ni.

8. A hmun leh hun a zirin inchei thiam ang che. Hlim niah chuan a var leh a sen lam an ha \hin tlangpui deuhva, lungngaih niah chuan a dum lam ni thei se a inhmeha ngaih a ni. Mitthi vuinaa lo in hak sen vur emaw lo hak tlet vur emaw chu a in hmeh lo a ni. Zin tur i niha thlawhtheihna-a kal tur i nih chuan inchei smart deuh la, Motor emaw rel emawa kal tur i nih chuan hahdam deuhva chetpui theih tur chia inchei a in hmeh deuh. Nitin hnaa kalnaah pawh a mawl leh zangkhai lam hak tum \hin ang che. Biakina kal tur kan nih erawh chuan uluk tak uchuak si lovin inchei \hin ang che. Hmeichhe tan kawr awm zau lutuk lo, ban bul lutuk lo leh pawnfen chhing lutuk lo hak \hin nise. Hmeichhe tan kekawr haa inkhawm hi tunah rih chuan mipuiin kan la pawm lo niin a lang a, chuvangin kekawr chu hak loh hram nise. Chawlhni kawr hran deuh neih hi mipa leh hmeichhe tan pawh a \ha khawp mai. Inkhawmnaah mipui hmaa i din dawn chuan incheina a ti chheichhuai lo lam ni sela, mipui ngaihtuahna hruaikawi thei tur chi chu ni lo thei sela a \ha a ni. Sap ho chu inneihna leh party-naa kal tur an nih chuan Mizovin a inchei ler hle mai kan tih ang deuh hian an inchei thung \hin.

9. Kawr dung \ial hak hian min ti cher/ria an ti a, kawr vang \ial hak hian min ti thau/bing an ti. Lan ria ve deuh i duh chuan a dung \ial lam ha la, lan thau ve deuh i duh chuan vang \ial lam deuh a tihchi viau ang.

10. Thawmhnaw fai tak leh nalh tak ha sia pheikhawk khawro tak bun chu a in hmeh lo hle a ni. Chu vangin i pheikhawk pawh a tle thei ang berin nawt \hin ang che.

10. Kan hnam zia hloh lova inchei tur a ni. Khawvel a danglam zel angin kan incheinate pawh a dang zel a, kan uar zawng pawh a danglam zel a ni. Hmeichhiate pawhin kekawr hak kan uar ta em em a, puan leh pawnfen te pawh kan thlah ta hle mai. Hnatlannaah te, infiamnaah te leh vairama zinnaah te pawh mahni hnam incheina hman reng chu a remchan loh hun a awm \hin. Pathianni leh hun bikah te erawh chuan ram chhungah leh ram pawnah pawh ni sela kan hnam incheina hi ngaisangin thlahthlam lo hram ila a duhawm khawp mai. Hnam dang incheina chu a mawi pawh a ni thei e, Mizo kan nih miau avangin  kan hnam in cheina ngei hi zahpui lovin i hmang zel ang u. Hmeichhiaten Puanzeh ropui tak an bih te hi a mawi a, a ngaihsanawm a, a chhuan awm bawk a ni.

11. Mut kawr suit haa khawlaia vahchhuah hi thil mawi lo tak a ni. Hostel naupang an zirtirtuten hetiang haa khawlaia vahchhuah tir hmuh tur an awm \hin, heng hi chu chin tam loh atan a\ha.      

           

BENG TI VAr

                       

Thatcher Illusion

           

A chunga milem letlingte hi second sawm vel
             chhung han en teh le. Thil danglam deuh i hmu
             thei em? Hmel pangngai takin a lang vek em? Tichuan, han her kual la, an hmel lan dan dik zawngin han en teh le. Engtin nge an awm hlawm? An hmelchhe hlawm wm? A letling zawnga i en khan thil danglam deuh awm pawh khan a lang si lo a, a dik zawnga en khan engtizia nge a lo tak em em?

            He thil hi Thatcher Illusion an ti a; a hmu chhuaktu pa chu Peter Thompson-a a nia; kum 1980-a a hmuhchhuah kha a ni. Kha tih laia British Prime Minister lar tak Margaret Thatcher kha he thil muhchhuah tichiangtu tur model atana a hman avangin Thatcher Illusion an vuah ta a ni.

            Engati nge a letlinga a awm khan thil dik lo tak a awm a ni tih hi kan hriat theih loh le? Scientist te pawhin chiang takin an hrilhfiah thei mai bik lo; kan thluak hian thil awm dan pangngai, hriat thiam sa hi a nei nghet tawh khawp a, hmui leh hnar awm dan, inkar hlat zawngte hi thluakin a hriat thiam sa a ni a; chu mi lo anga a lo awm takah khan chuti maiin a man thei bik lo niin a lang. Mihring hmel hi a letling zawnga kan hmuh khat em vang pawh a ni ang e.

            Kan mit leh ka hi kan lan dan leh kan rilru thleng pawha tilangtu pawimaawh tak a ni a; chu mi mil chuan thluak hian kan khawvel hi hriat thiam a tum \hin a ni. He illusion hi mihring chauh ni lo, zawngte pawhin an nei ve tih finfiah a ni bawk.      

BIBLE  QUIZ  No.30

Jeremia bung (1-5)

A kâr âwl dah khat rawh :

Q1. Tin, LALPA chuan ka hnênah, “I hmu fuh hle mai: ka thu hlen tûrin ka __________ reng a ni,” a ti a.

Q2.Aw ___________ chhûngte leh Israel chhûng zawng zawngte u, LALPA thu hi ngaithla rawh u;

Q3.Nupui bum hmangin a pasal a __________ angin, Aw Israel chhûnget u, mi bum ta a nih hi,Tih hi LALPA thuchhuak a ni

Q4. Aw ______________, suahsualna ata i thinlung tlengfai la, Chhandama i awm theihna tûrin; Eng chen nge i ngaihtuahna sual chu i pai dan?

Q5. Zâwlneite pawh _______________ mai an ni ang a, Anmahniah thu chu a awm si lo; An chungah chutiang tih a ni ang,” an ti a.

A bung leh châng dah rawh :

Q1.Chu lo pawh LALPA thu ka hnênah a lo thleng a, “Jeremia, eng nge i hmuh?” a ti a,Tin, kei chuan,”Vai umkhal thing \ang ka hmu,” ka ti a

Bung: ________         Chang: _________

Q2.Tichuan ka khing ang che u a,In fate fa lehte pawh ka la khing fo vang, Tih hi LALPA thu chhuak a ni.

Bung: ________         Chang: _________

Q3.Tin, a hur nawmnah mai mai avângin ram chu a tibawlhhlawh zo ta a; thing bul, lung bul hnênah a uire ta a.

Bung: ________         Chang: __________

Q4.Ka mite zingah mi suaksual an awm si a, Sava vehtuin a chan angin an chang reng a, Thang an kam a, mite an âwk a.

Bung: ________         Chang: __________

Hming  : ____________________________

Section : ____________________________

BIBLE QUIZ  NO. 29 RESULT

Chhanna lut zawng zawng      :3

Chhang dik vek            :3

Lawmman dawngtu  :Esther Lalmuanpuii (V.sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

P&E HRIATTIRNA

         Power & Electricity Department Thakthing section office/ bill counter chu building remchan lohna avangin hun eng emaw chen khar a ni dawn a. Hemi hun chhung hian elelctric bill pe \hin leh electric chungchanga mamawh neite chuan SDO, Revenue Sub. Division -III Office, Republic Vengah dawr \hin tur a ni. Mipui te hriatthiamna kan ngen e.

LAWMTHU SAWINA

            Kan nu Saihlunkungi’n ni 19.7.2014-a min boralsan chungchangah Saikhamakawn khawtlang leh Kohhran chungah lawmthu sawi tur kan va han ngah tehlul em! A boral hriat anih veleh mipui kha zozai lo pungkhawmte, kan lusun khawharna min hnem tura \halai leh nu leh pa min len pui tute zawng zawng chungah lawmthu kan sawi tak meuh a ni. Kan chunga in \hatna leh min hmangaihna in lan tir zawng zawng hi Lalpan a let tam takin vur mawlh che u rawh se.

Inkhawngaihna dawngtu,

C. Runkima leh a fate

Saikhamakawn

TRAINING NEI

            K|P inkhawma Musician leh zai hruaitu te chuan ni 24.7.2014 (Ninga zan) khan Sunday School hall-ah training an nei a, a kal ten hlawk thlak an tiin hun remchang hmasa berah neih leh nise an ti.

Vawiin KHAWCHIN

A lum lai berin : 290C

A vawh lai berin : 230C

            Chawhma lamah 4mm, chawhnu lamah 8mm leh zan lamah 14mm tla turin sawi a ni.

(source :weatherforecast.com)

LETTER TO EDITOR

(Letter to Editor hi Editor ngaihdan a ni vek kher lo)

Pu Editor,

         Mipui Aw Chanchin Bu-ah hian ka ngaihdan ka han tar lang ve lawk ang e.

         Mizote hi Khawhar inhnem/inlenpui \hin kan ni a, he zia hi thil \ha tak mai leh kan tih reng atan pawha thil \ha tak a ni. Kan veng pawh khawhar lenpui chungchangah hi chuan kan la \ha hle in ka hria. Tin, YMA te hian khawhar lenpuinaah a kaihhruaina an chang \hin a, hei pawh hi a \ha in tih zel chi pawh a ni. Ka ngaihmawh erawh chu hei hi a ni. Hun enge maw laiah kha chuan Kohhran Inkhawm, K|P leh Kohhran dang Inkhawm zanah te in khawm laia loin \an san hi awm lovin, inkhawmte inkhawm bang kan lo nghak \hin a. Biak In hlat deuh  a mite pawh \an em lovin a zai lam kan lo ti hma mai \hin kha a ni. Tun hnuah erawh chuan Kohhran pui Inkhawm tih loh chu eng inkhawm pawh kan \an hnan bawrh bawrh a, Inkhawm \an hun leh Khawhar In-a \an hun a in ang bawk si. K|P leh midang inkhawm \hin tan chuan kal hman a har em em a. Chu tih lai chuan Khawhar Inah K|P hruaitu khawhar Ina kal lo chu ti kha ti kan ti leh bawk si. Kan YMA  thil tum zingah Kistian nun dan \ha ngaihsan tih hi eng a tan nge kan tih tak le?  Pu Editor, enge i ngaih ve dan le?  Inkhawm aiin khawhar ina kal \ha zawka ngai kan tam ta hle em ni zawk? Kei chuan Inkhawm phawt ila, inkhawm bana kal hi Kristian kan nihna nen pawh a inhmeh ka la ti zawk tlat.                                                  

-Lalduhkima

TUALCHHUNG

,Pu R. Lalbiaksanga h/o Vanlaveni (T. sec) te chhungkua chuan khawi ilo vah vel nan bike (duke) an lei thar.

,Lawmsangzuala s/o H. Lalremruata (Ch. sec) chu damlohna avangin Civil Hospital-ah enkawl mek a ni.

TAWI NAWI

Hamara Desh chanchin masak te!

* India hi raltuam lakluh lama khawvela in seng hnem ber dawttu ram niin tun kum 10 kalta chhung khan $ 50 billion zet a seng!

* India hian US aiin voters Maktaduai 568 zetin a nei hnem zawk!

* Khawvel mirethei zawng zawng a\anga za a 47 zet hi India-a cheng an ni!

* India hian kum tin 12 million tonnes vel kawlhai (mango) tharchhuak ziah ang a ni a. Chu chuan Blue Whale 80000 vel nen a rih zawng a in hen!

* Tun a\anga kum 3-ah chuan khawvela hna hmu thar zawng zawng za a 25 vel zet chu Indian an ni dawn!

*Vanduai : 1867, May 30 khan Turin, Italy a mi Mariadel Pozzodella Ceshrna chuan Duke pakhat pasal ah a nei a, hemite innei hi an vanduai kher mai.

1) Amah cheitu nula a inawkhlum.

2) An in kawngkhar vengtu chu a hrawkah a in zai hlum bawk.

3) Honeymoon an hman naah an chuan na rel in Station Master a chil hlum.

4) An chhiahhlawh hruai pakhat chu sakawr chung a\angin a tla hlum.

5) Mopa \hian chu amah a inkap hlum.

6) Hemite nupa hi an inneih a\anga rei lo te ah an thi ve ve.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 20.7.2014

MIPUI AW

KARTIN CHHUAK

Vol. XX Issue No. 29 Kristian Thalai  Pawl  Saikhamakawn Branch  Pathianni Dt.20.7.2014

VAWIIN CHÂNG VAWN

            Aw LALPA, ropuina te, thiltihtheihna te, chawimawina te,hnehna te, lalna te hi i ta ni a; lei leh vana awm zawng zawng hi i ta ani si a; aw LALPA, ram chu i ta a ni a, mi zawng zawnga chungnung ber i ni. I Chronicles 29:11

KOHHRAN PROGRAMME

20.7.2014(Pathianni)

SUNDAY SCHOOL

|antu              : Pu C.Lalremruata

Zirlai 26-na    : Puitling Rilru

Chawhnu inkhawm

Baptisma leh Lalpa Zanriah Sacrament

Buatsaihtu      : Pastor C.Sapkaia

Zân inkhawm

Thuhriltu       : Pastor C. Sapkaia

K|P FELLOWSHIP

            Tualchhungah chhiat tawk an awm avangin vawiin tlai fellowship a awm lovang.

K|P PROGRAMME

21.7.2014 (Thawh\anni Zan)

SERMON INKHAWM

Hruaitu           : Nl Brigitte Zonunmawii

|antu              : Nl R.Lalngaihawmi

Thuhriltu        :  Pu Lalchhandama

Hla hruaitu     : Tv R.Zodinsanga leh

turte                 : Tv Lalfakzuala

Keyboardist     : Pu R.Lalmuanpuia

            

KOHHRAN HMEICHHE PROGRAMME

22.7.2014 (Thawhleh zan)

(SERMON INKHAWM)

Hruaitu           : Pi Lallianpuii

|antu              : Pi Sawi\huami

Thuhriltu       : Pi Hmangaihsangzuali

SERMON

                   ISUA HI TUNGE A NIH?

“Mten Mihring Fapa hi tunge a nih an tih?” tiin a zawt a. “|henkhat in, ‘Baptistu Johana a ni,’ an ti a; \henkhatin, ‘Elija a ni’ an ti; \henkhatin ‘Jeremia emaw zawlnei tua emaw a ni,’ an ti, an ti a......... Tin, Simon Peteran, “ Krista Pathian nung Fapa chu i ni,” a ti a, a chhang a.(Matthaia 16:13,14 &16)

                Isua Krista hi he khawvela a lo len laia hun enge maw chen rawng a bawl hnu khan, a zirtirte hnenah “Mihring Fapa hi tunge a ni min tih” tiin a zawt a. A zirtirte chuan “ ‘Baptistu Johana emaw, Elija emaw, Jeremia emaw, a nih loh vek chuan zawlnei tu a emaw a ni ang’ an ti che” an ti a. A zirtirte hnenah chuan tunge a nih a zawt ve leh thung a. Simon Petera chuan “ Krista Pathian nung Fapa chu i ni” tiin a chhang a nih kha. Krista chanchin hre ve si, a hnathawh leh a duhzawng pawh hria mahse, Krista nihna tak hre lo hi a awm theih viau awm e. Kan ram ringtu tam tak pawh hian miten Isua hi zawlnei tua emaw ang lek a ngai a tam theih viau bawk ang. Chunglama hriattirna  nei lo i ni ve mai lawng maw?

            Kristian za ah za(100%) a in chhal kan ni a, kan nun leh thil tih leh chet dan kawngah te Pathian nung Fapa a ni tih hi i pawm tak tak em? Harsatna leh manganna kan tawh chang chuan Pathian kan au a, mahse kan harsatna leh mangannate a kian hnu hian Isua Krista chu kan theihnghilh zui fo \hin. Isua Krista hi Pathian nung Fapa anih hre chiangtu chuan harsatna leh manganna a tawh chang mai  ni lovin,hlimna leh lawmna a tawn chang te in Pathian a hre reng \hin. Chu mai a la ni lo, thil sual ti mai tura thlemna a tawhna hmunah pawh Krista Pathian nung Fapa aw an ngaichang \hin a, a duh zawng an zawm zawk \hin. Miten hmu lo mahse a Pathian, a mah ngaihsak rengtu aw a ngaichang a, a ma duhzawng a nun chu a tum tlat \hin a ni.

            Krista hi zawlnei tua emaw ang leka ngaitute chuan Pathian hi malsawm dawn nan chauh an duh a. Kan zoram ngeiah pawh hian Isua ringtu ni ve si, mahse sual pawi sa  miah lo kan tam ta hle. Politics chungchangah pawh Kohhran rawngbawltu  ni zawk hian Politics  kan ti bawlhhlawh zawk fo mai. Isua hi Pathian nung Fapa bia in ti ve tho te hi kan harh a hun ta e. Miten Kristian hi engmah lova an hmuh lohna turin kan biak \hin Isua Krista hi tunge a nih a, enge a duh zawng i ngaihtuah nawn leh a ang u. Tuna i tih \hin, nitin a i eizawnna a i thawh mek lai khan Isua hi tunge a nih i ngaihtuah ngai em le? Thil \halo i tih dawna i thinlunga thu sawi \hintu, hei hi chu a dik lo a ni tih rawn hrilh \hintu kha  tunge i ngaih tuah ngai em? Kan vela ringlo mi kan tih te hian Isua hi nangmah avang khan tu ah nge an ngaih ang le? Isua hi tunge ? Ka zawt nawn leh a che.

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

Editorial...?

TUTE NGE CHAWIMAWI TUR?

                                               

            Khawtlang-ah hian mi chi hrang hrang talent in ang lo tak tak te kan awm khawm a. Chung zingah chuan mahni kawng zawh lama hlawhtlinna chang khawtlang chawimawi \hin tute an lo chhuak \hin a, a lawmawm \hin khawp mai. |henkhat ten zirna lama hlawhtlinna an chan laiin a \hen te chuan sport lamah mi te phak bak hlawhtinna an lo chang ve bawk a. Engpawh nise zirna lam a ni emaw infiamna lam a ni emaw heng mite hian an thiamna leh theihna hmangin khawtlang an chawimawi a ni.

            Amaherawhchu hetianga mi hlawhtling te lawmpuia chawimawi kawngah hian kan \uan a fum ta deuh em le? Anmahni ti phur a midangte pawh chona siamsak thei tur zawnga in chawimawi kawngah hian khawtlang anga kan \hangharh deuh deuh a \ul hle niin a lang.

            Kumin chhoah pawh kumtir a\angin vawiin ni thlengin zirna lama hlawhtling mi eng emaw zat kan nei chho ta zel a, heng mite tan hian thil ropui tak kan tih sak thei lo a nih pawhin khawtlang huap pawl eng eng emaw ber te hi chuan hetiang mite puala hun buatsaih saka kan phak ang tawka chawimawi ve \hin hi thil \ha tak niin a lang.

 

                       

           

ARTICLE

CHETDAN MAWI

(INCHEINA)

            Incheina chungchang hi sawi tur tam pawl tak a ni awm e. A chipchiar tak chuan a sawi hman loh ang a, a pawimawh zual tarlang ila a \ha awm e. A tlangpuiin mipa inchei dan hi chu a inang tlang viau a. Hmeichhe incheina erawh hi chu chi hrang hrang a tam avangin sawi thui deuh pawh a ngai  ngei ang.

1. Rawng inchawih ngaihtuah ang che.Mipa tan kawr leh kekawr hak rawng inchawih zawn \hin tur a ni. chutiang bawkin hmeichhia pawhin kawr lrh puan/pawnfen rawng inchawih zawn ngei tur a ni. Inchei ve hle si rawng inchawih hre lo deuhte hi miin an nuih ru duh hle. Rawng inchawih a pawimawh bakah kawr \ial lam i hak chuan a hnuai lam kekawr/pawnfen chu a plain lam ni se. I puan/kekawr a \ial a nih chuan i kawr hak a plain a ni ve leh bawk tur a ni. |ial ve ve emaw par ve ve emaw a nih chuan an ngaisang lovang che.

2. I mawza chu i pheikhawk rawng mil aiin i kekawr rawng mil ni zawk rawh se. Entirnan i kekawr chu light grey a nih chuan i mawza pawh chu chutiang bawk chu ni thei se a \ha.

3. I neck tie awrh pawh i kawr mil emaw i kekawr mil emaw ni thei ngei se a \ha. Kawrchung i ha a nih pawhin i kawrchung nena inchawih neck tie ngaihtuah ang che.

4. Kan vun rawng a zirin kan inhmeh tur chi thlan thiam a pawimawh. |henawm nu ngo deuhvin a in hmeh em avanga nu hang deuhvin lo lei ve ngawt kha a fuh lo mai thei a, mahni vun rawng nena inhmeh tur deuh thlan thiam a pawimawh a ni. Chu bakah kum nena inmil deuh a awm leh a, tleirawl mawipui tur upa lamin kan mawi pui loh tur chi a awm leh bawk.

5. Inchei dan style thlak zin lutuk hi miten an nuih ru duh. Entir nan, a changa sam kir, reilote hnua kir leh lo, emaw sam zuah a, reilote hnua tan leh ang chi te hi mi lelo zia a ni duh khawp mai.

6. Thawmhnaw lei dawnah fimkhur thiam ang che. Thawmhnaw thar kan lei dawnin kan neih tawhsa rawng ang lo deuh ngaihtuah te, kan puan emaw kan kekawr in emaw a hmeh tur lam pawh ngaihtuah a ngai a; thawmhnaw lei fo thei lo tan phei chuan rawng chi hrang hrang ngaihtuah thiam a pawimawh.

                                                                        ( Chhunzawm tur)

           

BENG TI VAr

AIZAWL CIVIL HOSPITAL-A PAWISA CHAWI |ULNA TE

In entirna Card man : Pawn lam mi tan Rs. 10

                                    Hospital-a awm tan Free

X-Ray hrang hrang man te :

1. Hand, Elbow, Shoulder, Humenus, Forearm - Rs 20

2. Pelvis, Abdomen, Skull etc. - Rs 30

3. Chest -Rs 35

4. Ba Swallow - Rs 50

5. Ba Enema - Rs 140

6. Ba Meal - Rs 120

7. Lumber, Torasik Spine - Rs 60

8. IVU  -Rs 140 ( IVU tih man bakah  a tihna damdawi mahni in lei a ngai. Damdawi In chhunga damlo awm mek te tan  chuan free a ni a, BPL te tan khawla en man free a ni a, damdawi erawh mahni a lei a ngai.)

9. ECG - Pawnlam mi tan Rs 50 Damdawi in a awm tan .Rs 50.

10. USG( Ultrasound) Pawnlam mi tan Rs 50 Damdawi Ina awm tan Rs150

11. Endoscopy - Pawnlam mi tan Rs 150  Damdawi Ina awm tan Rs 150.

 Heng a chunga kan tarlan tak te khi BPL leh AAY Contrast  Card nei tan free theih a ni. Gynae case Ultrasound chu Indoor leh Outdoor ah Rs 100.

KHAWVELA THLAWHNA CHESUAL RAPTHLAK ZUAL  PANGA TE.

1. Malaysian Airlines Dt. 17.7 2014  a kahthlak, a chhunga chuang mi 295 an thi vek. He thlawhna tla hi Kum 1960 hnu lama sumdawng thlawhna chesual zingah rapthlak ber pakhata sawi a ni.

2.Trans Africa  ho thlawhna, Lockheed Hercules chu Kum 1999 khan Bailundo, Angola ah kahthlak niin a chuang zawng zawng mi 9 in nunna an chan.

3. Iran AIR Bandar Abbas a\anga Dubai pana thlawk, Iran Air Flight 655 chu Iran Coast of Iran-a US  Warship chuan Kum 1988 khan an kap thla a, a chuang zawng zawng mi290 in nunna an chan vek.

4.KOREAN AIR Boeing 747 Alaska a\anga Seoul South Korea pan chu Soviet Union  Fighter ten kum 1983 khan an kap thla. Mi 289 chuangin nunna an chan vek bawk.

5.LIBYAN AIRLINES  Boeing 727 hi Israelten Kum 1973 kum khan an chhaihbuai a an kah hnuin Cairo a\anga 150 kms a hlaah  Sinai thlalerah \um luih a tumna lamah a chesual. Mihring  166 chuang zingah mi 103 in nunna an chan.

BIBLE  QUIZ  No.29

ISAIA 61-65

A kâr âwl dah khat rawh :

Q1. LALPA lungawi kum thu leh kan Pathian phuba lak ni thu sawi tûr te, lungngai zawng zawng thlamuan tûr te,

Q2.Tichuan hnam tinin i felna chu an hmu ang a, lal zawng zawngin i ropuina chu an hmu bawk ang: tin, hming thar, LALPA kain a vuah tûr chuan an ko vang che.

Q3.Eng vangin nge i puan sin kha a sen a, i silhfente pawh kha grêp sawrna khura rap sawrtu silhfen anga a awm ni?

Q4. Kan beisei loh thil rapthlâk i tih lai khan i lo chhuk a, tlangte chu i hmaah an luan thlak dul dul kha.

Q5. huanahte inthawia, leirawh chan chungahte englo rimtui hala, ka hmaichhan ngeia mi tithinur thinte,

A bung leh châng dah rawh :

Q1.Tin, hmun hlui chhe tawhte chu an rem leh ang a, tun hmaa khaw lo tiau tawhte chu an din tha leh ang a, khawpui chhe tawh, chhuan tam tak tiaunate chu an siam tha leh ang.

Bung: ________         Chang: _________

Q2.tlangvâlin nula nupuia an nei thin ang hian ifapaten nupuiah an nei ang che: mo neitu chu mo chungah a lawm angin, i Pathian chu i chungah a lawm ang.

Bung: ________         Chang: _________

Q3.Tichan mi tin chu ka rap bet a, ka thinrimin ka tirui a, an nunna thisen chu leiah ka baw ta.

Bung: ________         Chang: __________

Q4.Tunah erawh chuan, aw LALPA nang chu kan pa i ni a; keini hi bellei kan ni a, nang min vawtu i ni; tichuan kan za hian i kut chhuak kan ni.

Bung: ________         Chang: _________

Q5. LALPA chuan heti hian a ti, “Grêp bawrah uain thar an hmu a, miin, ‘Tichhe suh, khatah khan malsawmna a awm si,’ an ti ang khan, ka chhaihhlawh avângin ka ti ve ang, an zaa ka tihchhiat vek loh nân.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 28 RESULT

Chhanna lut zawng zawng      :2

Chhang dik vek            :2

Lawmman dawngtu  :Vanlalpeki (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

(24.7.2014 NINGANI ZAN)

(SERMON INKHAWM)

Hruaitu           : Pu T.K. Manga

|antu              : Pu Lalsuithanga

Thuhriltu       : Pu T.Lalrinthanga

HRIATTIRNA

         Ramri Lui bula kan huanah mautuai leh rawtuai khawrh khap tlat a ni a, tunah pawh mautuai leh rawtuai bakah thing leh mau la \hin hmuh an ni leh ta fo mai. Khawngaih taka la tawh lo turin kan ngen che u a, in la lai manchhuah leh a nih chuan mantir emaw kutpalh tawrh emaw pawh lo thleng se in mawh a ni ang.

In \hian,

(ROCHHINGI & SONS)

w/o V.L. Vuana

Hlimen Vengchhak

P&E HRIATTIRNA

         Power & Electricity Department Thakthing section office/ bill counter chu building remchan lohna avangin hun eng emaw chen khar a ni dawn a. Hemi hun chhung hian elelctric bill pe \hin leh electric chungchanga mamawh neite chuan SDO, Revenue Sub. Division -III Office, Republic Vengah dawr \hin tur a ni. Mipui te hriatthiamna kan ngen e.

CHATUAN RAM LAMAH

            Pi Saihlunkungi, kum-74 chuan ni 19.7.2014 (Inrinni) khan  lungnâ natna avangin he lei hrehawm kalsanin chatuan ram min pan san ta.

            A kalsan tak a pasal fanaute, a chhûng leh khat lainâte kan tuarpuiin; Lalpan awmpuiin vengin kaihruai zel se tih hi kan \awng\aina a ni.

Vawiin KHAWCHIN

A lum lai berin : 290C

A vawh lai berin : 240C

            Chawhma lamah 3mm, chawhnu lamah 9mm leh zan lamah 4mm tla turin sawi a ni.

(source :weatherforecast.com)

BO ZAWNNA

                                   Mitthi an awma kuang chunga pangpar khawi \hin chu Y.M.A. Run-ah dah a ni a. Tunah hian a awmna chin hriat a ni lova, lo kawl emaw, lo dah \ha emaw kan awm a nih chuan a dahna ngai Y.M.A. Run-ah dah turin kan in hriattir e.

LAWMTHU SAWINA

            Dt.16.7.2014 khan Folkland venga Leiminin in a hnawla tuihawkin a len tak Ruang  Zawngin Chite luiah  kan Branch chu hnatlang a thawh chhhuah a ni a, Ruang zawn hna hi ngawrh tak leh uluk taka beiin kan Veng Chekbawk Ram in Chite lui a pawh thlakna thlang fe atanga zawng chho in Zokhawthar Ram hnuai thlenga Chite lui hi zawn chhoh a ni a. Hetah hian YMA member mi 32 lai  kan thawk chhuak a, tlawmngaia member thawk chhuak zawng zawng te chungah Branch YMA Saikhamakawn chuan lawmthu a sawi tak meuh a ni.

Tin, hnatlanga thawkchhuakte kal lam leh haw lam  Motor a min hruaitu Pu H. Lalliantluanga chungah leh hnatlangte theitui in na tur a pawisa minpe tu Pu C. Lalengzama-te chungah Branch YMA Saikhamakawn chuan lawmthu a sawi tak meuh meuh  a. Tin, Val Upa chan changa kum 60 chung lam rawn thawk chhuakte chungah Branch YMA chuan lawmthu a sawi tak meuh meuh bawk a ni.

Sd/-  (K. Lalhuliana)

Secretary, Branch YMA

BENG TI VAR

Bati far loh dan : Êng lama intodelh lo ramah chuan sathaukhawnvar (mombati) hi kan kawl fur awm e. A remchang viau nain a far hi a ninawm ve \hin. I lei tirhah khan bati chu chi tui tak tawk takah darkar 2-3 han chiah ziah mai la. Tichuan i mamawh hunah far miah loin i chhi tawh mai dawn a ni.

TUALCHHUNG

,Pi Vanlalpawmi w/o Zoramchhana (Ch.Sec) chu keruh tliak a vanga zai anih hnuin Synod Hospital Durtlang a\angin a lo chhuak.

,Pu Dawngkima h/o Lalmuankimi (V.Sec) te chuan khawi ilo vah vel nan XUV thar an lei.

,Pu Chawngchhuana h/o Manthangi (T.sec) te chuan khawi ilo vah vel nan Maruti Van an lei thar.

,Pu H. Lalremruata (Ch.Sec) te nupa chuan a pakhatna atan Referral hospital, Falkawn-ah fapa duhawm tak an nei thar.

Graduate thar hriat belh :

* Pu Lalzahawma h/o Lalnunkimi

(2nd Div.) Arts

WORLD CUP RISK COMPETITION RESULT

                                  

         Fifa World Cup 2014 khelh zawh takah khan rin loh tak tak thil a awm nual a, risk dik pawh a har fu mai. Hrilhlawk tu tam tak te pawhin a buk chawpin a \helh ve tho a. Football expert te pawhin an ring sual ve nasa hlawm hle. Mipui Aw Risk Competition-ah pawh chhangtu tam tak zingah zawhna panga (5) chhang dik thei mi pali (4) an awm a. Tahchuan \humvawr niin heng mite hi lawmman dawngtu te an ni.

Pakhatna (sponsored by Rokunga Music School) : Stephan

Pahnihna (sponsored by Pu C. Lalmuanpuia) : H. Vanlalvena

Pathumna (Sponsored by Upa Zonunmawia & Family ) : Reuben

         Lawmman te hi heng a sponsor-tute hnenah hian vawiin a\ang hian engtik hunah pawh lam mai tur a ni.

BO CHHAR

         Kar kal ta vel a\ang khan Upa Zonunmawia te in-ah Jacket a nei tu hriat loh a awm a. A theihnghilh kan awm a nih chuan lak mai tur a ni e.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330