MIPUI
AW
KARTIN CHHUAK
Vol. XX Issue No. 6 Kristian
Thalai Pawl Saikhamakawn Branch Pathianni Dt.9.2.2014
Bial Kohhran Hmeichhe Inkhawmpui
Programme
Dt. 9.2.2014 (Pathianni)
10:00am :
Pathian Biak Inkhawm
Hruaitu : Pi Zohmingthangi
Bial
Finance Secretary
|antu : Pi Lalbiaki
Melthum Kohhran
Kristian chhungkaw intehna
lawmman hlanna
Hlantu : Upa Khawlchungnunga
Bial Chairman
Zaipawl : Saikhamakawn Kohhran
Thupui : “I din thar leh ang u”
Speaker : Dr. Lalrindiki Ralte
Inkhawmban : inpawlkhawm
A hmun : Sunday School Hall
Hruaitu : Pi Zonunsangi
Bial Committee Member
Thupui : “Kristian chhungkua”
1:30pm :
Lalpa zanriah Sacrament
Buatsaihtu : Pastor C.Sapkaia
Bialtu Pastor
Zaipawl : 1) Bial Zaipawl
2) Hlimen Vengthar Kohhran Hmeichhia
Inkhawm ban Mual Inkhawm
A hmun : Sunday School Hall
Hruaitu : Pi Lalhluani
Bial Hmeichhe Chairman
Thusawitu : Upa Vanlalzuia
Hlimen Kohhran
6:30pm : Pathian Biak Inkhawm
Hruaitu : Pi Lalhluani
Bial Hmeichhe Chairman
Zaipawl :1) Hlimen Kohhran Hmeichhia
2)Melthum Kohhran Hmeichhia
Thupui : “I din thar leh ang u”
Speaker : Dr. Lalrindiki Ralte
Inkhawm ban zaikhawm
A hmun : Sunday School Hall
Hruaitu : Upa R.Lalngena
Saikhamakawn Kohhran
K|P PROGRAMME (Ni 10.2.2014 : Neihthil thehkhawm)
Hruiatu: :
Tv. F.Laldingliana
|antu : Nl. Lalrinliani
Hla hruaitu :
Tv. R.Lalzamlova
tur te Tv. Tlangdingliana
Keyboardist : Tv.
Zomuanpuia
SERMON
CHHANDAMNA
Rinna avanga
khawngaihnaa chhandam in ni; nangmahni thawh chhuah a ni lova,Pathian thilpek a
ni; (Ephesi 2:8)
Rinna avanga
khangaihnaa chhandam kan ni han tih mai hian a pawm a awlsamin a dawnsawn a
nuam hle a. Kan thawh chhuah ni bawk lo athlawn liau liaua Pathian thilpek kan
dawng hi a ropui em em a ni. Chhandam ka nihna atan hian ka thawhve a awm lova,
tih ve engmah ka nei bawk lo.Pathian hmangaihna chuan min chhandamna turin
engkimin min thawh sak a. A vuakna vualte a tihdamin kan lo awm ta a, a mi hmangaihna
chu fak tlakin mihringte chungah a lo lang a. A chhan-dam mihringte chu na leh
hliam reng reng awm lovin min chhandam a. Kan hriat reng reng loh lai leh
chhandam ngai kan ni tih pawh kan ngaihtuah
hmain chhandamna famkim chu min lo pe a lo nih chu. Hetia kan awm mai
mai hi min lo chhandam a, misualte kan nih lai pawhin ahmangaihna nasa tak mai
chuan chhandamna min lo siam sak reng a lo ni.
Johana 3:16 ah
chuan ‘Pathianin khawvel a hmangaih em em a, chutichuan a Fapa mal neih chhun a
pe a, amah chu tupawh a ring apiang an boral loh va, chatuana nunna an neih
zawk nan,’ tiin a lo sawi a. Pathian hmangaihna chuan kan boral a phal lova
chatuana nun nei turin min lo duh em em a. Min chhandamna turin a Fapa mal neih
chhun a lo hlan ta a ni. Chu a Fapa ngei chu chhandamtu atan ring turin min
duh a, min sawm a, min ngen a ni.
Boralna
hmun chatuan hremhmun siamtu Pathian hian Hremhmun rapthlak zia leh hrehawmzia
a hre chiang em em a. Chu hmuna kal lo tur chuan mihringte hi min duh a,
chhandam-tu min siamsak ta. Chuvang chuan Isua Krista hi ring mai la, Lal leh
Chhandamtu atan pawm mai la chhandamin i awm dawn a ni. Enge i tih? Enge i
nih? lam a ngaihtuah lo chhandam in nihna turin Isua Krista i rin chauh a phut
a ni. Lalpa Isua Krista ringla Chhandamin i awm ang.
EDITORIAL BOARD
f
Editor
:
Tv.R.Zodinsanga - 8974743073
Jt.Editor:
Pu Lalduhkima -9862648830
News
Editors :
Tv.PC.Vanlalhriatpuia - 9862732381
Tv.F.Laldingliana - 9862378567
Tv.Lalfakzuala -9862033731
Pu Benjamin Lalduhsaka -9862907973
Nl. Lal\anpuii -8974243380
Nl.Malsawmtluangi -8731059158
Circulation
Manager:
Tv.Laldawngliana -
8974743091
Editorial.........?
MAWHPHURHNA SEMZAI
“Patling/nutling/nula/tlangval \heuh \heuh kan buai dan hi a va in
chen lo \hin em!!! Inchhung khura mahni mawhphurhna pawh hlen zo lo khawp hian
thil dang-ah a buai theih mai lo maw....??? Chu mai a la ni lo, kan eizawnna
thleng pawh hian a nghawng thui tawh viau ang chu!! Kan zirna hial pawh min ti bahlah ta ve ang”! tih
hi kan kan venga nu leh pa leh \halai fel tak tak te rilru a ni thei mai ang em
le?
Nu leh pa leh
\halai heti zo zai zingah hian engatinge mi tlem te kutah mawhphurna kan bel
\un \hin? Thil lang chiang tak chu mi tam tak zingah pawn lam a\anga lo sawisel
mai lo a a taka luhchilh tura mahphurhna la ngam chu mi tlem te an awm tihna a
ni. |henkhat kohhran leh khawtlang thila mawng pawh hung hman lo leka an vir
buai laia lo \huthluang der der mai chi hi kan tam viau a ni thei mai lo maw?
In enfiah a va \ul em. Kohhran lamah kan tui vut lo a ni thei, chutiang bawkin
YMA, MHIP etc. lamah a kul a tai-ah kan \ang thei kher lo pawh a ni ang.
Amaherawhchu midangte chhawk zangkhai tur tal pawhin a eng emaw hawi zawng tal
hi chuan pen chhuak ve ila, tichuan kan eizawnna leh inchhungkhur a mawhphurhna
tibuai lutuk lovin kan kal tlan zel theih a rinawm.
ARTICLE
CHÎNDAWKLAK |HALO
Mitin mai hian
kan nîtin nun hmanah hian thil chîndawklak \halo (Bad habit) hi kan nei \heuh
âwm e. Hetiang chîndawklak \halo kan neih \hin hi min lo hrilh hretu emaw tu
hnênah emaw lo sawitu an awmte a nih loh chuan mahni inhriat hi a har hlê \hin
rêng a ni. Chuvangchuan ka ngaihmawh thil tlêmtê ka’n thai lang ve ang e.
1) A \ha ang e: A thupui a\ang ringawt pawh hian kan hman dân kan inhre \heuh
âwm e. Kohhranah te, Khawhar inah te, inneihnaah te, puipunna hrim hrimah leh
information mike-ah te thlengin he \awngkam hian hman a hlawh hlê mai a. He
\awngkam hi kan ngaihtuah chian loh vânga hmang nge kan nih kan uar ve hrim
hrim zawk pawh ka hre lo, mi puitling ve tak taka ka ngaihte leh kohhran leh
khawtlang hruaitu tam tak pawhin kan hmang uarin Sentence tâwp apianga hmang
tâwk lah bo lo. He \awngkam hi Sentence tâwp apianga hman hi thil mâwi ber a ni
hran lêm lo a, hman ziah chi lah a ni hek lo. A bîkin kan vêng hian kan uar bîk
nîte pawhin ka hria, vêngdangah hian he ti êm êm a an hman ngâi pawh ka hre lo.
Veng hrang hrang leh khaw hrang hrangah te, function hran hranah te pawh.
Entirnan, ‘Thilpek lakkhawmna lo nei ila a \ha ang e’ han tih aichuan ‘Thil pek
ilo lakhawm ang u’ ti mai ila a fuh zawk lo maw?’. ‘A tam thei ang ber
thawkchhuak ila a \ha ang e’ tilo hian ‘A tam thei ang ber i thawk chhuak ang
u’ te tita zâwk ila a fuh zâwk lo maw? ‘A \ha ang e’ han tih reng mai hi chu a
chaltlai lutuk deuh lo maw? A \hatna êm êm a awm chuan si loh phei chuan
þawngkam chuangtlâi tak a ni. Amaherawhchu a hman hun erawh a awm nameuh mai,
hman hun erawh kan hriat fo a þha âwm e.
2) Lâwmthu sawi kan bâ: He \awngkam pawh hi an hman fuh loh ka hre leh zauh
zauh \hin. Vawi khat chu khawharin kan kal naah in neitupa hian thu a sawi a,
“In chungah hian lâwmthu sawi kan ba nasa êm êm a ni” a ti chhên mai a, lâwmthu
pawh chu a sawi ta chuang lêm hlei lova, a bat thu chauh kha a sawi a, ka rilru
tê tê chuan, “ Âw… lâwmthu chu sawi ta hlê hlê la ka lo ti a.” Lâwmthu sawi kan
bâ a nih chuan lâwmthu chu sawi nghal mai a rem chân viau zawk ka ring. Hetiang
ang deuh hi chîng kan awm fo \hin bawk.
3) Mi hmâa thusawi zâwi lutuk: Hetiang mî hi chu kan vêngchhûngah ngei pawh ka hre
\euh mai. Khawhar inah te, puipunna chi rêng rêng leh kohhran inkhawm hêng
nilai zan thupui sawi te leh inrinni zan thusawi te leh \awng\ai thupui thawh
te thlengin; a sawitu pawhin a thu sawi chu a hre bîk dâwn a mawn’ lê? tih mai
tur khawpa zawia an han sawi þhin hi chu thil chîndan mawilo tak a ni. Mi hmâah
kan ding a, thu kan sawi anih chuan; a lo hre tura kan duhte zawng zawng hriat
phak turin sawi chîng tawh ila a finthlak viau ang.
Hêng
kan sawilan tâkte hi kan lo ni emaw, kan thiante an lo ni emaw, kan chhungte an
lo ni emaw anih chuan inhrilhhria ila, chîng dawklak chhunzawm tawh lovin
nitina inzir tur kan ni tih in hre reng chungin insiam\hat nan hman i tum hrâm
hrâm ang u.
BENG TI
VAr
inentlawmsiak
Eng
kan chhitna hmanruate hi a in thlak mek zel a. Hriata lo inpeih ran a \ul.
Hriatna tizau atan chung hmanraw hrang hrangte chu i lo tarlang teh ang.
1.
Incandescent Bulb : Hei hi bulb pangngai hi a ni. Bulb
darthlalang um lang tlang thei chhunga ‘thirzai’ sin ni awm tak ‘filament’ hi a
eng a, a chah chuan a thim tih kan hre deuh vek ang. Heta kawlphetha a luan
tlang chuan a lo sa a, a vam ta hiam mai a. Chumi vam chu engah kan chhi ta a
ni. Filament chu chat lova a en reng theihna turin darthlalang um chhunga
boruak (oxygen) chu an hip chhuak hmasa a ni. Thil (filament) sa tak, a kan nat
ang zela eng zual zel thei hmanga electric bulb siam hi incandescent light bulb
an ti a ni. 1802 a\anga enchhinin, 1964 thleng khan an tichangkang zel a ni. A
man a tlawm avangin a lar hle. A chhit man to (kawlphetha heh) hi a \hat lohna
a ni.
2.
Fluorescent Tube Light : Tube light kan tih hi a ni a. Kawlphetha
hmanga darthlalang bawm chhunga gas tih en a ni. Darthlalang mum chhunga
mercury hu (vapour) awm chu kawlphetha zungzamin a deh rualin ultra violet eng
a insiam a. Chu chuan dumde mawnga eng ang chi, phosphor an tih chu a kap eng
ta vak mai a ni. 1840-50-ah a tih theih tih an hre \an a. Indopui II-na lai vel
khan a lar viau a, Kawlphetha kan hmelhriat ve hma, 1951-ah khan USA-ah chuan
incandescent aiin an hmang tam zawk tawh a ni. A chhit man tlawm hi a \hatna a
ni a, ballast leh starter te nena vuah buaithlak hi a \hat lohna a ni.
3.
Compact Fluorescent Light/Lamp (CFL) : Tube light chu an lo
siam thiam zel a, tube light eng zawk, tlo zawk, te zawk leh hmun heh lo zawk
te an siam a. Pawn lama tube light chelhtu bawm, ‘holder’ mamawh lovin, ballast
leh starter te pawh an bilh lut vek a. Bulb pangngai vuahna hnuna vuah ve theih
turin an siam ta a. Kawlphetha heh lova eng bawk si turin muk (compact) taka an
bilh khawm vek avangin a hmingah hian Compact Fluorescent Lamp (CFL) tiin an
vuah a ni.
4.
Light Emitting Diodes (LED) : LED chu LCD (Liquid Crystal Display) ang ni
lovin diode eng a ni. Pipe a tui luang hi tipengin thil hrang hranga kan
chantir ang hian, kawlphetha luang hi thil hrang hrangah chantir theih a ni a.
Chutiang cheibawlna thil, electronic pheka bawk thliah zinga semiconductor
diode hian eng a pechhuak thei tih hi 1927 lamah khan an hre tawh a. 1960
chhovah khan hman tlaka chhit dan an thiam a, mahse a man a la to hle.
Kawlphetha a heh loh bakah CFL aiin a tlova, on/off sek mah ila, ‘fuse’ tur a
awm ve lo va, a chhungah gas hlauhawm a awm lo va, amah a zan avangin diode
(hmawr bawk) lai tak phei hi chu thlauh pawhin a keh meuh lo. An sawi dan
chuan, LED light 1 hi CFL bulb 6 dam chen a dam thei a, chu chu bulb pangngai
50 dam chen a ni. A man to hi a \hat lohna a ni mai.
BIBLE QUIZ
No.6
THUFINGTE
1-5
A
kâr âwl dah khat rawh :
Q1. Mi
tluangte tan finna dik a ____________ thin a,
Rinawm taka awm thinte tan phaw a ni;
Q2. A kut
ding lamah ____________ a awm a, A kut vei lamah sum leh ropuina.
Q3.LALPA
ânchhia chu _____________ a awm a,
Mi felte chenna erawh chu mal a sawm thin.
Q4. I kawng
chu a hnên ata ____________ la, A kawngka va hnaih suh.
Q5. I _______________________ chungah thil tha lo
suangtuah suh, Ngaihngam takin i kiangah a awm tih hre siin.
A
bung leh châng dah rawh :
Q1.Chungte chuan anmahni thisen an chang a, An nunna
chang ru an ni.
Bung:
________ Chang: _________
Q2.Zirtirna tlakchham vangin a thi ang a, A ât êm avângin
a bo vang.
Bung:
________ Chang: _________
Q3. I kawng zawng zawngah amah hre reng la,
I kawngte chu a kawhhmuh zel ang che
Bung:
________ Chang: __________
Q4.Finna hi thupui ber a ni a; chuvangin fina hi nei
rawh; A ni, i thil neih zawng zawng chan pawhin finna hi nei rawh.
Bung
_________ Chang _________
Q5. A tleirawl lai thian kalsan a, A Pathian thuthlung
theihnghilhtu lak ata chu.
Bung
__________ Chang _________
Hming : ____________________________
Section : ____________________________
BIBLE QUIZ NO. 4 RESULT
Chhanna lut zawng zawng : 5
Chhang dik vek :
3
Lawmman dawngtu :
Lalrempuia (T.Sec)
Bible
Quiz chh^nna leh lâwmman hi Circulation Manager Tv.C.Laldawngliana hnenah
thehluh a, lam \hin tur a ni.
PAVALAI PROGRAMME
Dt. 13.2.2014(Ninga zan)
A hmun : Pu Zothansanga In
Hruaitu :
Pu C. Zakhuma
|antu : Pu C. Lalrinsanga
Rilru sawi a hun hman tur ani
TBZ PROGRAMMEE
NEIHTHIL THEHKHAWM
Dt. 10.2.2014(Thawh\an zan)
A hmun : Pu Zosangliana In
A hun : Dar 6:30 pm
Hruaitu : Pu C. Lalrinmawia
|antu : Pi K.Lalhmingliani
INKHAWMPUI HMANG MEK
Hlimen
Pastor Bial Kohhran Hmeichhiate chuan Saikhamakawn Biak In-ah inkhawmpui
hlimawm tak an hmang mek a. Zanin thleng hi a awh ang.
Vawiin KHAWCHIN
A lum lai berin :
240C
A vawh lai berin
: 210C
Ruah sur lo tur a sawi
a ni.
(source :weatherforecast.com)
LAWTHU SAWINA
dt. 1.2.2014(Inrinni) a Vanapa Section huan sam hnatlanga
thawkchhuak member zawng zawng te chungah lawmthu kan sawi a. Tin, inhlawhna
min siam sak tu Pu C. Vanlalsanga te chhungkaw chungah Vanapa Section YMA chuan
lawmthu kan sawi e.
sd/-
Secretary
YMA,
Vanapa Section
ZAIPAWL
HRIATTIRNA
Vawiin chawhma inkhawm a kohhran
zaipawl hla rem tur te dar 9:15 am ah Biak In-ah kim vek tur a ni e.
Zanin inkhel turte
Tottenham Vs
Everton (7:00)
Man Utd Vs Fulham (9:30)
Thawhleh zan
Cardiff
Vs Astan Villa (1:30)
Hull City Vs Southampton (1:30)
West Ham Vs Norwich (1:30)
West Brom Vs Chelsea (1:30)
TUALCHHUNG
, Pi
Saihlunkungi w/o C.Runkima (V.sec) chu
damlohna avangin Greenwood Hospital-ah enkawl mek a ni.
, Tv. Lalrinnunga s/o V.L. Siami (Ch.sec) chu damlohna avanga
Kulikawn Hospitala enkawl a nih hnuin a lo chhuak.
, Pu C. Lalengzama h/o Lalropari
(V.sec) te chhungkua chuan khawi i lo vah vel nan Scooty (Ray) thar an
lei .
, Pu Vanlalfala h/o Vanlalzawmi (Ch.sec) chu damlohna avanga State
Referral Hospital Falkawna enkawl a nih hnuin a lo chhuak.
,Pu Lalchhanhima h/o Lalmawizuali (T.sec) chu damlohna avangin
Greenwood Hospital-ah enkawl mek a ni.
, Pi
Hnehthangi w/o Zairemthanga (V.sec) chu damlohna avanga JCI Hospitala enkawl a nih hnuin a lo chhuak.
ROKUNGA RIMAWI RÛN (MUSIC ZIRNA)
(FREE ADMISSION)
3rdMarch, 2014 a\angin Keyboard,
Guiter, Drums, Vocals zirna zing dar 6:00 a\anga tlai dar 6:00 chhûng hawn a ni
dawn a. Zir duh tân February 2014 chhûngin Admission a tih theih dawn a,
Admission Fee a awm lovang, Monthly Fee chu hetiang hi a ni:
1) Keyboard :
` 1,000/-
(Church Music leh Keyboard Course
leh London Rock School Syllabus duh thlan theih)
2) Guiter :` 1,000/-
3) Drums :` 1,500/-
4) Vocals
Kum 20
hnuailam :` 1,000/-
Kum 20
chunglam :` 1,500/-
Instructor thiam tak tak ten
nilengin a hmunah an \hutchilh ang.
A hmun : Pu Rochungnunga (RCA) In
CP Road, Vanapa Section
Saikhamakawn (3-1)
https://www.facebook.com/groups/SKKthalaipawl/
Saikhamakawn K|P e-mail : ktpskk@gmail.com &
ktp_skk@yahoo.com
PUBLISHED BY LITERATURE SUB. COMMITTEE K|P SAIKHAMAKAWN BRANCH, COPIES : 330
No comments:
Post a Comment