Mipui Aw 28.7.2013

MIPUI AW

KARTIN CHHUAK

Vol. XIX Issue No. 30 Kristian Thalai  Pawl  Saikhamakawn Branch  Pathianni Dt.28.7.2013

VAWIIN   CHÂNG   VAWN

                            LALPA  chu ka nghak reng a, ka nunna hian a nghak reng a, A thu pawh ka beisei a ni. Vengtuten khawvar an thlir aia nasain, A ni, vengtuten khawvar an thlir aia nasa mahin, Ka nuna hian LALPA chu a thlir reng \hin a ni. Aw Israel-hote u, LALPA chu beisei rawh u; LALPA hnênah chuan ngilneihna a awm si a, A hnênah tlanna tam tak a awm bawk a. Tichuan ani chuan Israel-ho chu An khawlohna zawng zawng ata a chhanchhuak ang. -Sam 130:5-8

KOHHRAN  PROGRAMME

28.7. 2013 (Pathianni)

Sunday School Inkhawm

|antu           : Pi Lalchuangkimi

Chawhnu Inkhawm

Thuhriltu    : Upa Zairemthanga

Zân Inkhawm

Thuhriltu    : Pu Lalrintluanga

K|P PROGRAMME

 Dt. 29. 7. 13 (Thawh\an zân)

Hruaitu           : Pu R. Lalmuanpuia

|antu              : Nl. Lalrintluangi

Thuhriltu       : Nl. V. Lalrindiki

Thilpêk lakh- : Nl. Jenifer Lalremruati

awmtu turte   : Nl. Lalhruaitluangi

July thla chhûnga hla hruaitu leh

musician turte

Hla hruaitu    : Pu Lalchhandama

turte                  Tv. R. Lalzamlova

Musician         : Pu Lalremruata

KOHHRAN  HMEICHHIA  (30. 7 .2013)

Hruaitu           : Pi R. Zothanmawii

|antu              : Pi Hmangaihzuali

Thuhriltu       : Pi Lalmuankimi

           

           

           

SERMON

A  LO  KAL  LEH  DAWN

            Lalpa ngei chu au thawm nên, vantirhkoh chungnung ber aw nên, Pathian tawtawrawt ri nên, vân a\angin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; Chuvangin, heng thu hian inthlamuan tawn rawh u.       I Thessalonika 4: 16-18

            Lal Isua ngeiin Khawvel hi ka ram chu nisela ka \huihruai hoten a bei ang tiin a sawi a. A awmzia chu he khawvel hi kan zui La Isua ram a nilo tih a ni. Nimahsela he khawvelah hian ringtute kan la awm tlat si a. Ringtuten he lei ram mi kan ni lo tih kan hre \heuh a, kan rama kal turin he khawvelah hian Isua chu a rawn kal leh ngei dawn a, he khawvelah hian kan châm hlen dawn lo a ni tih hre thara thlamuang taka kan awm hi Lal Isua ngei pawhin min duhsak hle a ni.

            Kan sawi tâk ang khian keini ringtute hi he khawvel hi kan ram hlun tur a ni lova. Kan ram diktak Vanramah kan la kal ve ngei dawn a, a takin la hmu lo mah ila rinna mitin nitin kan thlira, chhel takin kan awm \hin a nih hi. Lal Isua hian a tana rinawm leh chhel taka tuarte hi a theihnghilh ngai lova, tin, a mite hi a hre rêng \hin. A ramah nuam taka hian a hmangaih hringfate kan kal lovang tih a hlau em vangin a thisen leh nunna hial a rawn sêng a, chumi azara chhandamna changtute he khawvel hreawm taka a\anga ama rama min hruai turin a lo kal leh dawn a ni.

            He khawvel hi Setana ram a ni kan tih tawh kha, he kawvelah hian hreawm tam tak kan tuar \hin a, sual vanga rûm changte leh \ah changte kan nei \hin. Tin, sual bumna vangin ringtute kan tluk chângte a awm \hin a, kan ngui a, kan chau ngawih ngawih \hin.  Hetianga sual vânga kan tuarnate zawng zawng hi mih hmangaihtu kan Pathian hian a hmuh hmaih hauh lo a ni tih kan hriat a pawimawh khawp mai. Sual vânga inven reng ngaia kan awm \hin ziate hi kan Lalpa hian a hai hauh lo, heng zawng zawng avang hian Lal Isua chu a lo kal leh dawn a, sual vanga tawrhna awm tawh lohna rama min hruai turin a lo kal leh dawn a ni, a va lawmawm tehlul em.

            Ringtute khawvela kan awm chhûngin hreawm \hin mahila kan ropuina ni a lo la thleng ve ngei dawn a ni. Chutih hunah chuan Lalpa ngei chu au thawm nen, vantirhkoh chungnung ber leh tawtawrawt ri ropui tak nen min hruai turin a lo kal leh dawn si. Sual vanga rûm \hinte, chau \hinte, sual vanga hreawm nasa tak tuar \hin ringtute lawmna ni a lo in herchhuak ve tawh dawn a ni. Min hmangaihtu hmel tak tak kan hmu ve tawh anga, a kiangah kan awm ve tawh anga, sual thiltihtheihnain min tibuai phak tawk dawn si lo. Tunah hreawm rih mah ila nakinah Lal Isuan a hnena min hruai tura a lo kal huanah chuan kan ropui ve tawh dawn a ni tih hriain  rinawm taka tuar chhungin thlamuang takin i awm ang u.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

TUH RAH SENG

            Kan Pathian thu chuan, “Miin a theh apiang, chu mi vêk chu a seng bawk dawn si a; - Galatia 6:7” alo ti a, a dik rêng bawk a, kan tuh rah leh kan thil lo tih tawh sâ hi midang hian a hlâwkna emaw a chhiatna emaw hi an rawn seng dawn lo rêng rêng a ni. Han chhiarthla zêl ila, “Mahni tisa lama thehtu chuan tisâa mi chhiatna a seng ang a; Thlarau  lama thehtu erawh chuan Thlarauva mi chatuana nunna a seng dawn a ni” - Galatia 6:8. Hei bâkah pawh hian kan Pathian thu vêk chuan, “...chu mi hunah chuan mi tin an thiltih ang zêlin a rul \heuh vang” - Mathaia 16:27 tih kan hmu leh bawk.

            Chumaibâkah mitinte hi kan hun hman leh nitina kan thil tih \heuhvah hian, kan nun thleng pawh hian kan fimkhur  a, kan uluk loh chuan kan tuh rah ngêi kan seng leh \hin avang hian a tuartu chu keimahni bawk kan ni leh \hin. Chutiangchiah chuan kan nitin hun hman leh kan nun kan uluk chuan a hlâwkna teltu tur chu keimahni tho kan ni tih inhria ila, kan nitin hun hman; kan nun \heuh hi uluk takin rah \ha seng ngêi thei turin i inbuatsaih hrâm hrâm ang u.

ARTICLE

            CHHIATNI |HATNI KAIHHRUAINA

(Mizoram Presbyterian Kohhran)

            Synod-in kum 1993-a Chhiatni |hatni Kaihhruaina a siam chu hun leh nunphung danglam zel avangin en \hat ngaia hriat a ni a. Hma lo la tura ruat, Synod Social Front kaihhruainain Dt.24.11.2006 khan Synod Committee Room-ah Kohhran Pawl hrang hrangte leh Tlawmngai Pawl hrang hrang aiawhte kal khawmin an lo sawiho tawh a. Central YMA-in ram pum huapa inkaihhruaina a lo neih te pawh en tel niin, kalkhawmte hian Synod-in kaihhruaina a lo neih tawh sa chu \ha an ti a, siam\hat \ul tih lai an neihte an pharh pawh chu \ha an tihpui bawk a. He inrawnkhawmna a\anga Social Front-in siam\hat ngai nia a hriatte rawtna a siam chu SEC-ah a thlen a, SEC chuan lo thlirin, heng rawtnate beh chhan hian Chhiatni/|hatni kaihhruaina hi Social Front Committee-in lo en \ha leh sela, SEC-ah rawn thlen leh rawh se tiin a rel leh a (SEC 214:55). Hemi thu bawhzui hian Social Front Committee chuan a hnuaia mi ang hian Kaihhruaina thar a duang ta a ni. Chhiatni |hatni kan neihte hi sakhuana nen a inzawm vek \hin avangin a sawngbawl danah ringtute tih atana mawi ngaihtuah a \ul hle a ni. Neinung deuhte pawhin insum thiam leh harsa deuhte pawhin phak tawk hre chunga tih kan zir deuh deuh a \ul hle.

CHHIATNI

1. Mitthi dar vuak : Mitthi dar vuak hi kan kohhran mi thi inhriattirna a ni a, Kohhran Committee member tu emaw tal hriatpuinaa vuak tur a ni. Second 20 vel dan zelah vawi 1 vuain, vawi 15 vuak tur. Presbyterian Kohhran mi, mikhual thi pawh a mikhualna hmuna vui tur a nih chuan a vuina hmun kohhran dar vuak tur a ni. Khuala thi chu a ruang thlen hnuah chauh vuak tur. Mahni intihlum leh hlamzuihah chuan mitthi dar vuak loh tur a ni.

2. Lumen leh thlan laih : Mitthi ruang lumen leh thlan laih hi \halai leh pavalaite mawhphurhnaa ngaih a ni deuh ber a. Kohhrana rawngbawltute pawhin thlahthlam hauh loh tur a ni. Vuina tihlohvah chuan kohhran mal intih thuneih viau aiin Tlawmngai Pawl kuta dah thiam hi khawtlang inpumkhatna atan a \ha zawk ang.

3. Mitthi puana tuam : Mitthi puana tuam hi chhungkhat laina leh \henrual \ha hnai bikte tih tura ngaih a ni.

4. Pangpar dah : Pangpar tak emaw, siam chawp pangpar emaw inpek hi lusun chhungte tan thil lawmawm tak leh hriat reng zinga mi chu a ni a. Amaherawhchu, pangpar dah aia tangkaa ral \hat zawkna chhungkua an awm thei a ni tih hriat a \ha.

5. Mitthi vui hun : Lumen ngai chu chawhnu dar khat (1:00 p.m) aia tlai lovah vui ni se, lumen ngai lo chu chawhnu dar thum (3:00 p.m) aia tlai lovah vui ni se. Khuala thi leh engemaw vanga hun bithliah tihdanglam a \ul chuan Kohhran hruaitute leh khawtlang hruaitute inbe rawna tih ni se.

6. Thlalak : Mitthi kuang thla lakpui nan hian hun rei lo thei ang ber hman a \hat avang leh senso a tlem zawk theih nan a \ul tak chauh thlalak ni se. Thlalak dan tur fel taka ruahman lawk a \ha.

7. Mitthi vui inkhawm : Mitthi vui inkhawm hi kohhran inkhawm a nih avangin mumal taka programme siam tur a ni. Thlanah chuan a rei lo thei hman ang ber hun hman ni se. Minister leh active Upa thite chu ina thlahna hun hman hnuah Biak Inah vui tur a ni. Mitthi vuina hi naupangte pun khawmna tura ngaih a ni lo.

8. Mahni intihlum : Kan kohhran  member tawh phawt chu mahni intihlum pawh ni se kohhranin vui tur a ni.

9. Ralna : Mahni remchan dan azirin mitthi vui zawh kher nghak lova eng hunah pawh ralna hi pek a thiang a ni. Inkhawm \hulha Pathiannia ral tura khek kher loh a \ha.

10. Khawhar lenpui : Khawhar lenpui chhan ber chu lusun chhungte hnem leh thlamuanna anih avangin kohhran kalhmang leh thurin kalh zawnga thusawi chu remtih loh tur a ni. Chuvangin khawhar an awm hlimchhawn ni hnih ni thum chhung chu kohhranin a ruat rawngbawltuin chhun lam lengkhawm chu kaihruai \hin se a \ha.

11. Khawhar riahpui : Khawhar riahpuiin a tum ber chu lusunte thlamuan leh a \ul anga \anpui hi a ni a. Tunlai chuan zan hnih zan thum an inriahpui \hin. Khawhar chhungte tih hautak loh tur a nih avangin inriakte tan hian chawhlui buatsaih loh a \ha.

12. Thlan \hut : Khual khuaa chhungkhat laina bul tak an thih a, chumi hmuna kal ve theih loh vang emaw, chu thih thu chu a hnua hriat ve chauh a nih hian thlan \hut \hin a ni a. Hetiang ni si lova thlan \hut hi a mawi lo hle a ni. Thlan \hut hun chu Pathianni ni lo thei se a \ha.

13. Thih champhaphak : Mitthi ngaihna chawk tho zawnga thih champhaphak hman hi tih loh a \ha. Mi dang pun khawm leh sum seng zawnga hman phei hi chu ringtu tih dan tur a ni lo vang. Mitthi hnena lehkha thawn phei hi chu Kristianna nen a inhmeh lo a ni.

14. Lungphun : Hriatrengna lungphun hi kan hnam tih dan \hin a ni a, chhunzawm zel pawh a \ha ang e. Amaherawhchu, \hen leh rual khawm zawnga hun hmang kher lo pawhin chhungkuaa chinfel mai theih a ni tih hriat tur a ni. A hautak lo zawnga tih a \ha hle.

15. Thlan cheimawi leh thlan tlawh : Thlan tihfai \hin hi thil \ha leh \ul tak a ni a, amaherawhchu lusunna tithar zawnga thlan tlawha cheimawi \hin erawh chu ringtu tih atan a mawi lo a ni.

16. Hlamzuih chungchang : Ni 90 tling lova thi chu hlamzuih a ni a, chutiang chu kohhran leh khawtlangin phek buaipui tura ngaih a ni lo va, amaherawhchu, Pastor emaw, Upa emawin thlamuanna thuchah sawia \awng\aiin mitthi thlahna hun hman tur a ni a. Chumi zawhah thlanmualah emaw duhna hmun remchangah emaw phum tur a ni.

17. Puithuna atthlak : Chhiatni chungchanga chin dan hlui, puithuna atthlak chi hrang hrang, kristianna nena inhmeh tawh lo ang chi - khuala thi, a khaw lama thlan lo laih lawk tawh vanga a ruang thlen ni nia phum ngei ngei ngaia ngaih tlatna ang chi te, mitthi thuam thil chhawm zui tlak si phum tel ngei ngei tura ngaihna te, ruang awm chhunga in chhunga thil intar, dah bo ni si lo (calendar, darthlalang etc.) lehlin vek tura ngaihna etc. te hi tih loh atan a \ha.

18. Kohhran Inkhawm leh Thihna : A theih hram chuan mitthi awm avangin Kohhran inkhawm \hulh loh a \ha. Tin, kohhran inkhawm chhungin khawhar inah zai loh theih ni se. Mi \henkhatin chintawk an neih loh avangin hemi kawngah hian fimkhur a \ul hle a ni.

Source : www.mizoramsynod.org

(Kar lehah |hatni inkaihruaina-in chhunzawm leh tur)

BIBLE  QUIZ  No.30

SAM 16-20

A kâr âwl dah khat rawh :

Q1. LALPA-a _________________ dang thlangtute chu, an lungngaihnate a la pung ang: An thisen hl^n in mite chu ka hlân ve lo vang a, Ka hmuiin an hmingte ka lam hek lo vang.

Q2.Ka thinlung hi i fiah a; zânah mi tlawh a; Mi fiah tawh a, engmah i hmu si lo va; Ka ________in a sawi sual lo vang ka ti tlat a ni.

Q3.Thihna hruihrualte chuan mi zem a, Pathian ngaihsak ____________ tuiliante chuan mi tihlau va.

Q4.An tehna hrui chu leilung luah zawng zawngah zam chhuahin a awm a; An thu chu kawlkil thlengin a thang chhuak ta a. Chûngahte chuan ni _________ khian puan in a zar a,

Q5.I thilhlan zawng zawng chu hre reng sela, I hâlral thilhlan chu lawm ________________ se: (Selah)

A bung leh châng dah rawh :

Q1.Nangin nunna kawng chu mi hriattir ang a: I hmaah chuan hlima khah liamna a awm a; I kut dinglamah chuan kumkhaw lawmna tûr a awm a.

Bung: ...............          Chang: ....................

Q2.Mahni an inchawm thau va, An kain chapo takin an tawng thin.

Bung: ................         Chang: ....................

Q3. Mahni an inchawm thau va, An kain chapo takin an tawng thin.

Bung: ................         Chang: ....................

Q4.LALPA thunnunna thu chu a dik a, thinlung a tilian thin: LALPA thupêk chu a thianghlim a, mitte a tivar thin.

Bung ...................        Chang .....................

Q5.Thenkhatin tawlailirte an ring a, thenkhatin sakawrte an ring. Keini erawh chuan LALPA kan Pathian hming chu kan lam zawk ang.

Bung ....................        Chang .................

Hming : ......................................................

Section : .....................................................

BIBLE QUIZ  NO. 29 RESULT

Chhanna lut zawng zawng : 8

Chhang dik vek                       : 8

Lawmman dawngtu:   Remi (T.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

LAWRKHAWM

PAVALAI MEET

                  August ni 3 - 4, 2013 lo awm turah hian Synod Revival Committee buatsaihin Zoram pum huap Pavalai Meet - 2013 chu Bethlehem Presbyterian Kohhran Biak In ah nghah a ni dawn a, kan Kohhran Pavalaite pawhin Pathianni chhun inkhawmah Pathian fakna hla an rem dawn a ni.

SBI General

I N S U R A N C E

Motor, Building/Home, Shop, Health, Personal/Group Accident, Construction/Engineer insurance kan ti thei e.

Motor insurance ti duh a hmunah kan pan thei a,

Company danga insurance lo ti tawh pawh kan renew thei e.

ZORIN BUSINESS CENTRE

Below SBI ATM

Zosapthara Building

New Street, Mission Veng

0389-2300494 / 9612500877 / 9862952837

K|P BIBLE QUIZ RESULT

            Ni 21.7.2012 (Pathianni) fellowship-ah khân Bible Quiz inelna neih a ni a, lawmman dawngtute:

1. Tv. F.Laldingliana

2. Tv. R.Zodinsanga

3. Tv. Malsawmzuala

VAWIIN KHAWCHIN

A lum lai berin : 250C

A vawh lai berin : 220C

            Chawhma lamah 4mm, chawhnu lamah 3mm leh zân lamah 0mm (wheatherforcast.com).                           Accuwheather.com chuan chhun lamah 3mm leh zan lamah 0mm tla turin a sawi thung.

NIHLIAP TIBO

            Vengthlang panthlâkna pêng Pu Lalsailova in bul Electric ban bul vêlah ka Nihliap ka ti bova, alo chhar chuan khawngaihtaka min lo pe lêt leh turin ka ngên a che u.

In \hian,

Pu Lalsiama (Ch.Sec)

NIHLIAP LEH ULGEL CHHAR

            Vengthlang panthlâkna pêng Pu Lalsailova in bul Electric ban bul vêlah Nihliap leh Ulgel ka chhar a, a neitu dik tak chuan a awmdân dik tak sawiin ka hnênah lam theih a ni e.

In \hian

Upa Zonunmawia (V.Sec)

HRIATZAU NÂN

* Camel hian a taksaah tui tamtak pâi thei mahse sazu hi tui tello in a awmrei thei zawk.

* Sangha zingah chuan Pandaka Pygmea hi a te ber a, fanghmir tia lek a ni.

* Hnapkhawn hian inti pem miahloin Blade hi a zawh tlang thei.

* Tho hi a damchhung zawngin a pianna hmun atanga feet hla tak ah a thlawk ngai lo.

* Starfish hian a bânah mit a nei daih.

* Humming Bird hian sec 1 chhûngin a thla vawi 90 a zâp hman, minute khat ah vawi 5,000 aia tam mah a zâp hman.

* Humming Bird hi hnunglam,sir zawng leh hma zawnga chelovin boruak ah darkar 1 chuang a awm thei.

* Sai hi ding chungin an thi \hin.

* Fanghmir hi a muhil ve ngailo.

* Ostrich mit hi a thluak aiin a lian zawk.

* Kangaroo hi hnung zawngin an kal theilo.

* Giraffe hi a hram ngailo.

(http://www.facebook.com/groups/mizospecialreport/)

           

TUALCHHUNG

,Pu C.Zakhuma h/o Liansangi (V.Sec) chu damlohna avanga Greenwood Hospital-a enkawl anih hnuin alo chhuak.

,Pi Ruby Lalhuzami w/o R.Lalhmingmawia (T.Sec) chu damlohna avangin Aizawl Hospital-ah enkawl mêk a ni.

,Pu Zoliansanga w/o Vanlalhruaii (V.Sec) chu damlohna avangin Greenwood Hospital-ah enkawl mêk a ni.

,Pu Ramchullova (RCA) h/o Vanlalzawmi (V.Sec) te chuan a pathumna atân fanu duhawm tak an nei thar.

,Pu Khualkunga h/o Lal\anpuii (V.Sec) te chuan khawi ilo vah vêl nân Bike (Karizma ZMR) thar an lei.

,Pu Rochungnunga h/o Vanlalchhuangi (V.Sec) te chuan khawi ilo vah vêl nân Scooty (Rodeo) thar an lei.

,Pu J.Lalrinthanga h/o Laltei (Ch.Sec) te chuan khawi ilo vah vêl nân Scooty (Rodeo) thar an lei.

,Pu C.Lalengzama h/o Lalropari (V.Sec) chu Havildar a\angin ASI (Assistant Sub-Inspector) ah a k^i sang.

TIAM TLAT E

            J.Lalawmpuia s/o J.Lalrinliana, Saikhamakawn leh Lalrinngheti d/o Thanhliri, Piler te chuan ni 31.7.2013 (Nilaini) dar 2:00pm hian Saikhamakawn Kohhran S.S.Hall-ah  a nuamah pawh, hrehawmah pawh; kumkhuaa lêngdun turin ‘tiam tlat e’ an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

HRIATTIRNA

            Hlimen Urban Health Center  (UHC)-ah inentir duhte tân inrinni apiangin Doctor a \hu tawh dawn a, inentir leh râwn theih reng a ni e.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 21.7.2013

MIPUI AW

KARTIN CHHUAK

Vol. XIX Issue No. 29 Kristian Thalai  Pawl  Saikhamakawn Branch  Pathianni Dt.21.7.2013

KOHHRAN  PROGRAMME

Pastor  Bial  Fan

21. 07. 2013 (Pathianni)

Chawhma  S.S Inkhawm

|antu           : Pu Lalfakzuala

Chawhnu Inkhawm

(Baptisma & Lalpa Zanriah Sacrament)

Buatsaihtu      : Pastor C. Sapkaia

Zân Inkhawm

Thuhriltu       : Pastor C. Sapkaia

FELLOWSHIP  PROGRAMME

A hmun          : S.S Hall

Hruaitu           : Tv. C. Lallawmzuala

|antu              : Nl. R. Zonuntluangi

            Bible Quiz neih tur a ni a. Matthaia ziak a\angin zawhna a lo chhuak ang.

K|P PROGRAMME

 Dt. 22. 07. 2013 (Thawh\an zân)

Thupui  zirho

Thupui               : Thing leh mau leh hnim humhalh

Hruaitu           : Pu C. Lalremruata

|antu              : Tv. J. Lalremruata

Thupui hawngtu: Nl. Pc. Vanlalruati

Thilpek lakh- : Nl. Zohmingliani

âwmtu turte   : Nl. Hmingthanpuii

July thla chhûnga hla hruaitu turte

Hla hruaitu    : Pu Lalchhandama

turte                  Tv. R. Lalzamlova

Musician         : Pu Lalremruata

KOHHRAN  HMEICHHIA (23. 07. 2013)

Hruaitu           : Pi C. Lalparmawii

|antu              : Pi J. H. Pekmawii

Thuhriltu       : Pi Vanlalhruaii

            Vawin chawhma inkhawmah  hian thlai thar thawhlâwm lâkkhâwm tur a ni. Kohhran hmeichhe lamin an buaipui ang.

           

           

SERMON

INREMNA  RAWNGBAWL  HNA

            Nimahsela engkim Pathian hnên atâ chhuak a ni a; ani chuan Krista avângin amah nên inremin min siam a, inrem rawngbâwl hnâ min pe a; khatia, Pathianin Kristaah chuan khawvel hi amah nên inremin a siam a an bawhchhiatna te chu bawhchhiatnaâ ruatsak lovin, inremna thu min kawltir kha.Chutichuan Krista aia palâi kan ni a Pathianin keimahni min hmangin a ngên chiam che u tih theih a ni; “Pathian nên lo inrem rawh u” tiin Krista aiah kan ngên che u a ni.(IIKorinth 5:18-20)

            Pathian ringtu (piangthar) intite zingah hian eng emaw châng chuan ngaihdân leh pawm dân in anglo a awm ve fo \hin. Kan mizia leh nunphung a inang lo ang bawk hian Thlarau Thianghlim hnathawh leh a thilpêk kan lo dawnsawn dân pawh a inang \hin lo. Kan \hahnemngaih luat avâng leh kan duhthawh luattuk avângte pawh a ni ta ve ang; kohhrana rawngbawltu \henkhatte rau lo riau a va hmuhna te, kan rawngbâwl hona tichhe thei lek lek khawpa mahni chan ram ringawt khuk pui hlut maite pawh thil awm thei a ni âwm e. Mihring lam \hahnemngaihna chauh dah liana, midangte ngaichâng lêk lova mahni \hahnemngaihna zâwna ke kan pen hian rah \ha a chhuah lo fo tih kan hriat a pawimawh hle mai.

            Mihringte mizia leh nunphung hrim hrimah hian mahni diklohna lam aia mi diklohna lâi va hmuhsak hi a awl ve rêng a (Mat.7:3) Kan mihring  miziaa bet tlat thil tam tak Pathian aw ngaichâng hlei thei lova min siam \hintu a awm thei. Amaherawhchu he kan mihring hlui mizia hi khawvela kan awm chhûng hi chuan a bo dawn si lova, chuvangin ringtu piangthar, Krista thawhlehna \awmpuitu te hian kan duhdân leh ngaihdân aia Thlarau Thianghlim hnathawh kan dah lal a, keimahnia Thlarau rah duhawm tak a lo lan zêl \heuhna turin keimahni leh Pathian inkâr \heuh chingfel hmasa \hin ila, Pathian thutaka piang silo inti thlarau mi taka rawngbâwl kan nih chuan inngaihtuah chian a ngai khawp ang. Pathian leh keimahni inkâr ah ngêi pawh inremlohna a awm anih chuan kan mihring puite nêna inrem tak leh rilru inpawh taka rawngbâwl ho a har \hin khawp mai. Inrem ahnêkin insawisel leh inrêl lamah kan ram\ang fo \hin. Amaherawhchu kan chaklohna lâiah erawh chuan in zilhhau a, indâwm kâng tawn tur kan ni tih erawh kan hriat tel a pawimawh âwm e. (I Thes.5:11)

            Kohhran rawngbawltu langsar kan ni emaw, rawngbawlna langsar nei lêmlo kan nih pawhin kan thlen chin \heuhah inbihchiang ila, Pathian duh dân leh min hruainate hrechiang a, Thlarau Thianghlim hnathawh chhêm alhtu kan nih zel theihna turin midangte thlarau chan kan buaipui hmâin keimahni chan \heuh leh Pathian inkâr ching fel hmasa \hin ila, rawngbâwl hona kawngah pawh tûn ai hian hmâ kan sâwn ngei a rinawm.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

BIAKIN CHHÛNG  AWMDÂN

            Pathian nung bia kan ni a, chuvangin amah kan biakna hmun atâna kan serh hran Biakin hi kan zah in kan enkawl \ha hle tur a ni, tin, a vawnfai kawngah pawh kohhran mipui/mimal tin te kan pawimawh a ni tih hi kan hriatreng a \ul âwm e.

            Mi \henkhat, a bîk takin tlêma kum lama la naupang deuhte, inkhawm lâia awmdân phung kan la man thiam tâwk lo emaw ni chu aw... a tih theih, tlar hnung lamah \huin duh aiin kan bengchheng deuh \hin tlat, a pawi in kan biak Pathian hi a zahawm ani tih hi kan hriat \heuh a pawimawh hle mai. Nu leh Pa te pawhin kan fa te inkhâwm lâia awmdân phung kan in hrilh nawn fova, kan inzirtir fo a \ul tak zet a ni, tumah hre sa leh thiam sâa piang kan awm si lo, Sunday Sikul zirtirtu lam te pawhin kan zirlaite kan hrilhhriat a \ul hle bawk. Tin, kum upa lam deuhte pawh inkhâwmlaia nepnâwi ei maite, a hmuam lam chi lo ti mai te pawh kan awm \hin, hêngah  hian kan insûm a, biakin zahawmna kan ngaihpawimawh a \ul tak meuh meuh a ni.

            Pathian nung bia kan ni tih hre reng a, amah biaa kan in serh hran chhûng hun reilo te chhûng hi chu kan insûm tlân hram hram a \ul hle a ni.

ARTICLE

            RINAWMNA

            Mi tamtakin Mizote hi hnam rinawm tak niin kan in sawi \hin a. Kristianna a rim arâ  pawh kan hriat  hmâa kan mizo nunphungah hi chuan hnam  rinawm tak ni a sawi \hin kan ni âwm e. Amaherawhchu Kristianna hian min chênchilh chinah hian kawng tamtaka hmasâwnnaah hian a zuan in kan zuang dawrh mai a, khawvel êng hmu ve phâk thei dinhmunah min hlângkâi ta. Kan hman nunphunga tel ve \hin nia kan hriat rinawmna chuan tlâk hniam lam a pan ve mêk zêl niin vawiin kan nunphung a\ang hi chuan a hriat theih âwm e.

            Kristian kan nih hma pawh a, rinawm \hin kha, tunah kristian kan nih hnûah kan rinawmna a tla hniam telh telh a nih chuan thil inhmeh lo tak a ni dawn a ni. Kristian kan nih tawh ngat phei chuan a hmâ aia rinawm leh tlâwmngai zawk  tur kan ni  dawn lawm ni? Nge ni a, kan nihna lo zawk deuh hian kan lo inchhâl ta mai mai zawk tih hi chhut tham a tling?

            Kan hnam rinawmna kan sawi apianga kan sawi hmaih theih ngâi loh chu kawngka kalh a ngâi lova, tute tân pawha luh mai theih in thingfakin kan do va, ngaihngam takin kan kalsan \hin tih a ni. Tunah erawh chuan a kalhna satliah mai pawh ni lo, tihbo tur ngah deuh te phei chuan a vênna hmanrua changkâng tak tak nên kan in kharkhip pawhin kan ngaih a ngam tak tak thei tawh meuh lo a ni a. A in thlâu ta hle mai.

            Neih in ang \hêm \hêm, mi tâ awh bîk tur awm chuang lo kan nih avânga bo lo mai mai kan ni nge? Kan rinawmna avânga in rûksak lo. Rûk tur awm chuan loh vânga kalh ngai ta lo zawk nge? tih hi chhût tham a ni lo maw? Kan mizo pipu hunah pawh khan rûkrûk hrât sawina \awngkam lâr tak chu ‘kutkem nei’ te pawh kan an lo ti \hin ve tho mai. ‘Khual thuthang leh ar pân chuk a pûn tual tual’ an tih \hin te pawh hi rinawm loh rah a ang deuh lo maw? Thil nihna tak aia tlêm dâwt tel hret pawisa lo hnam kan ni em? tih te hi chhut tham atling in ka hria. ‘Dâwt var’ te pawh kan nei nual mai. Hnamdang hian nei ve tak maw?

             Heng zawng zawng chhut hian kum za chuang awrh thilah heti êm êm a nasa hian kan nunphunga bet tlat nia kan sawi \hin rinawmna hi kan thlauhthla duak thei dawn em ni? Nge ni a, hnam rinawm ni a kan lo inchhâl \hin na hi a tak tak a ni lo zawk? Kristian kan nih hnuah hian kan Kristianna nêna \angkawp phei chuan hnam a zawnga rinawm ber tur nia ngaih theih kan nih lâiin tuna kan dinhmun han thlir vang vang hian, chu chu a dik si lo. Kan rinawm loh sa ve reng a, kristianna pawh hian min siam \ha zo lo nge? Kristianna kan chan zarah rinawm lohna kan chhar ta zawk? chu chu thil ni thei a ni si lo. Ngaihtuah a ti thui vawng vawng hle mai.

HRISELNA HUANG

KÂWIHRUI

A chanchin tlângpui: Kâwihrui hi hrui zâm chikhat a ni a, Mizoramah chuan ramhnuaiah hmuh tur a awm \hin. A kâwm chhungah hian a mû, be mû lian tak ang deuh a awm a, a mu ro chu a sak hle. Mizo naupangte chuan a mu hi infiam nân an hmang \hin.

Damdawia hman theihte: A mu.

Damdawia hmannate:

Tilna: Til a nat a, a vûn bawk chuan kâwi tliang ril relin dâwm a \ha.

COCONUT

A chanchin tlângpui: Coconut hi a rah ei atân chîn a ni ber a, a kûng hi dân tlângpuiin 20mts a\anga 30mts a sâng a ni. Phun a\anga kum 6 vêlah a rah \an a, kum 50 chh6ung vêl a rah \hin. A rahte, a kûng, a hnahte leh englâi mai pawh hian \angkaina a nei vêl vek a ni. Kerela State-ah chuan Coconut hi an State Tree a ni. Kerala hming awmzia pawh hi Coconut ram tihna a ni. Mizoramah pawh hian an chîng ve nual a, khawi lâi lâiah emaw hian hmuh tur a awm ve zeuh zeuh \hin.

Damdawia hman theihte: A rah, a hriak, a zîk, a pâr, a hnah a zung leh a rah chhûnga a tui.

Damdawia hmannate:

Kaw\halo, tui hri: A rah no chhûnga a tui in tam a \ha.

Lung \ha lo: A rah no chhûnga a tui in tam tur. Hei hian taksa in chi a mamawhna a phuhrûkin chi ei châkna a tireh thei.

Pum chhûnga thil thur tam lutuk: A Kawr ro hâl a, a vâp leh tuisik chawhpawlhin a nâwi, no mawnga a tlâkkhawm thlengin che lova dah vang vang tur, chutah dîmtêin a tui fîm chin thlitchhhuah a, paih tur a ni. Chumi hnûah tui dang dah leh a, a hmâ ang bawkin a tui vawi thum paih tur. A tui paih hnûah a vâp no mawnga tlakhawm chu lâkchhuah a, pho ro tur. 1/2gm zêlin nikhatah vawi thum emaw vawi li emaw ei tur. ei zawh veleh Bawnghnute in zui leh nghal zêl tur a ni.

Mercury ei palh: A rah puitling tawh chhûng a tui a tam thei ang ber in tur a ni.

Taksa chak nân, mipat hmeichhiatna lama chak nân: A rah ei tam a \ha.

Hmeichhe serh a\anga thil var chhuak nasa, thi neih lâia thisen chhuak hnem lutuk: A hnah no (A hnah bawrkhawma a chhungril ber, a hnah insiam \an tir) chan sawm a, kurtai nên inzât vêlin chawhpawlh a, sumah uluk takin densawm tur a ni. 25gms zêlin nitin zing leh tlaiah karkhat chhung ei tur.

Pumna: A zung 20gms densawm tui 250ml-in minit 15 chhum a, a chhumna tui chu 50ml zêlin nikhatah vawi 4 in tur a ni.

Hriat tur: Coconut hi Rulhût pâi tân ei tam a \ha, a that theiin, Coconut ei nasa miten Rulhût an pâi ngai lo a ni. Chubâkah a hriak hi vun kua-ah a lût tlang theiin vun leh taksa tân a \ha hle. A châng chuan Nghapui thau aiah damdawi atân an hmang bawk \hin. Kerela State-ah chuan a pâr a\anga Toddy (Bear) siam an in \hinin an vawrh lar hle a, a zawrhna dawrte pawh a awmin khualzinte hnênah an hralh \hin a ni.

KAWLSUNHLU

A chanchin tlângpui: Kawlsunhlu hi thing lian vak lo a ni a, a kûng puitling hi 20ft vêl a ni tlângpui. A kûng leh a \ang hi a rîain a ram hle, thlasikah a hnah a tlakawlh ve \hin.

Damdawia hman theihte: A zung, a hnah leh a rah, a mû tel lovin.

Damdawia hmannate:

Taksa sa \hin, mît \ha lo: A rah densawm leh Kurtai inzâtin chawhpawlh a, karkhat chhung nitin zingkarah leh zan mut dawnah thirfian khat ei \hin tur. He damdawi hi taksa lum vânga vun bawl tân pawh a \ha.

Âwmnâ, zun nei lo, thisen nei tlêm: Hêng ho tân hian a rah ei a \ha.

Rul chuk: A hnah emaw a zung emaw densawm a, rul chukna hmuamhmaah bel a \ha.

Kaw\huah nân: A zung 10gms tui no 2-in a tui chanve a so kang thlengin chhum a, zan mut dawnah in tur a ni.

BIBLE  QUIZ  No.29

SAM 11-15

A kâr âwl dah khat rawh :

Q1. En teh u, thinlung dik tak pu thim hnuaia an ____________ theihna tûrin,  Mi suaksualte chuan thal ngul an kuai a, An thal chu a hruiah an vuah diam saw.

Q2.Mi tinin an vengte hnênah thu engmah lo mai mai an sawi \hin a: Mi fak derna hmui leh bumna thinlung ______________ thu an sawi thin.

Q3.Nilengin ka thinlunga lungngaihna neiin, Eng chen nge ka rilruah rem ka ruat ka ruat dawn? Eng chen nge ka hmêlma chu ka chungah __________________________ a awm dawn?

Q4.“Hre thiama, Pathian zawng rêng rêng An awm emaw,” tiin, LALPA chuan van a\angin mihring _______________ hi a zuk en a.

Q5.Dik taka awm a, fel taka tia,  A rilrua thutak __________________ mi chu;

A bung leh châng dah rawh :

Q1.LALPA chu a fel si a; felni hi angaina \hin a: Mi dik takte chuan a hmêl an la hmu ang.

Bung: ...............          Chang: ....................

Q2.Aw LALPA, nangin anni chu i vawng \ha ang a, Heng \hangtharte lakah hian kumkhuain i humhim ang.

Bung: ................         Chang: ....................

Q3. Ka hmêlma chuan, “Amah ka ngam ta,” a ti dah ang e; Ka nghînin mi dotute an lawm dah ang e.

Bung: ................         Chang: ....................

Q4.Thil tisualtute zawng zawng chuan hriatna rêng rêng an ei lo vem ni? Chhang an ei angin ka mite an ei zo vek \hin a, LALPA lah an ko ngâi hek lo.

Bung ...................        Chang .....................

Q5.A leia mi rêl a ngâi lo va, A \hian chung pawha thil sual ti ngâi lo va, A vengte hming pawh sawichhe ngâi lo mi chu.

Bung ....................        Chang .................

Hming : ......................................................

Section : .....................................................

BIBLE QUIZ  NO. 28 RESULT

Chhanna lut zawng zawng : 9

Chhang dik vek                       : 9

Lawmman dawngtu: Laldampuii  (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

           

LAWRKHAWM

PAVALAI INKHAWM PROGRAMME

A hmun     : Senior Hall

A hun         :25.7.2013 (Ninga zân)

Chairman  : Pu Chhuansanga

|antu         : Pu Lalremsiama

                  |awng\ai rual leh hla zira hun hman a ni ang.

VAWIIN KHAWCHIN

A lum lai berin : 280C

A vawh lai berin : 240C

            Chawhma lamah 0mm, chawhnu lamah 7mm leh zân lamah 28mm (wheatherforcast.com).                                     Accuwheather.com chuan chhun lamah 2mm leh zan lamah 3mm tla turin a sawi thung.

LETTER  TO  EDITOR

To,

            The Editor

            Mipui Aw

            S.K.K. K.|.P

Subject: Community Hall Chungchâng

Ka pu,

            Kan veng Community Hall sak \hat a nih chungchângah hian i chanchinbu kaltlanga rawtna rawn thlen ka duh a, min phalsak chuan ka lawm hle ang.

            Kan veng Hall sak\hatna tur ` 2,50,000/- zet mai Y.M.A in a hmu tih han hriat khân ka lo lawm ve êm êm a, kha leh chen Hall hmantlâk loh kan neih avâng khân vêng dangah Badminton khêla kal a ngâi \hin, chuvangin siam \hat a ni leh ta hi thinlung takin ka lo lawm êm êm a ni.

            Amaherawhchu thla khat êm pawh kan hman hmâa, a chhuat a’n khawk chhe leh nghâl mai leh Line Marking an reh leh nghâl mai hi chuan beisei a ti bo hle mai. Veng danga an siam dânte ka hriat ang tawk rawtna ka han siam ve a ni.

1. Thingphel kan phah theilo anih pawhin Carpet rawng hring (Professional Court rawng ang) phah nise. Tichuan pheikhawk leh Racket a chhe zung zung lo ang.

2. Hall chhûng Light êng lo zawng zawng khu rang taka thlâk nise, light dang dah belh bawk nise, tichuan Stage-ah table tennis a khelh theih  bâkah; Funtion lian tham neih nân a hman theih bawk anga; hmang \angkaitu kan pung sawt dawn a ni.

3. Stage a T.T khêl ten Ball; Hall chhûnga an tih tlâk reng loh nân puanzar ni bawk se, tichuan tumah intibuai tawn lovin Game chi hnih kan khêl rual thei ang.

4. Hall Fee pe te Hall chhûng leh pâwnah an hming thla tin târchhuah \hin nise, tichuan infiammi ten Hall Fee pêk kan ngâipawimawh thei ang.

5. Hall chhûngah khuan bawlhhlawh bâwm leh hmunphiah dah ni bawk se.

6. A tawp berah chuan Hall siam \hatna atâna Fund kan hmuh hi thil dangah pawh pên ni lo hrâm se a lawmawm hle ang.

I rintlak

Hall-veitu-a

           

TUALCHHUNG

,Pu C.Zakhuma h/o Liansangi (V.Sec) chu damlohna avangin Greenwood Hospital-ah enkawl mek a ni.

,Malsawmtluangi d/o Lalpianthanga (Ch.Sec) chu damlohna avângin Alpha Hospital-ah enkawl anih hnuin alo chhuak.

,Lallawmkimi d/o Lalruatsanga (V.Sec) chu damlohna avângin Kulikawn Hospital-ah enkawl anih hnuin alo chhuak.

,Pu Lalramchhana h/o R. Lalthazuali te chhungkua chu Bâwktlâng a\angin Pu Lalhmunmawia (T.Sec) te inah an rawn pem lut.

,Kan News Editor Pu C.Lalnunsanga h/o Vanlalhumi (V.Sec) te chuan a pahnihna atân fapa duhawm tak an nei thar.

TIAM TLAT E

            V.L.Malsawma s/o Biakkunga (L) leh K. Lalmuanpuii d/o Upa Zairemthanga, Saikhamakawn te chuan ni 25.7.2013 (Ningani) dar 2:00pm hian Saikhamakawn Kohhran Biakin-ah Kohhran D^n Thianghlimin a nuamah pawh, hrehawmah pawh; kumkhuaa lêngdun turin ‘tiam tlat e’ an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300