Mipui Aw 16.6.2013

MIPUI AW

KARTIN CHHUAK

Vol. XIX Issue No. 24 Kristian Thalai  Pawl  Saikhamakawn Branch  Pathianni Dt.16.6.2013

VAWIIN CHANG VAWN

            Tin, thil engkim a ke hnuaiah a dah a, amah chu engkim zawng zawng chungah lu atan kohhranho hnênah chuan a pe a, kohhranho chu a taksa a ni, engkim engkima tikhattu famkimna chu.                                   Ephesi 1:22-23

KOHHRAN  PROGRAMME

16. 6. 2013 (Pathianni)

S.S Inkhawm

|antu           : Pi Lalrinngheti

Chawhnu Inkhawm

Thuhriltu    : Upa Lalzama

Zân Inkhawm (Rualbanlote Ni)

Thupui           : ‘Mitin hmangaihtu Lalpa’

Sawitu            : Upa Zonunmawia

            Zanin thilpek lâkkhawm hi rualbanlote puala lâkkhawm tur a ni.

K|P PROGRAMME

 Dt. 17. 6. 2013 (Thawh\an zan)

Hruaitu           : Pu C. Lalnunsanga

|antu              : Tv. R. Lalhmingsanga

Thuhriltu       : Tv. Pc. Vanlalhriatpuia

Thilpek  lak-  : Nl. Judy Lalsangliani

hawmtu  turte            : Nl. Lalrinmawii (Mawitei)

June thla chhûnga hla hruaitu leh

musician turte

Hla hruaitu    : Nl. Brigittee Zonunmawii

turte                  Tv. Abraham Lalnunthara

Musician         : Upa Lallawmchhunga

VAWIIN  TLAI  FELLOWSHIP

A hmun          : S.S Hall

Hruaitu           : Pu Lalremruata

|antu              : Tv. Israel Lalhunmawia

KOHHRAN  HMEICHHIA (18. 6. 2013)

Sermon  Inkhawm

Hruaitu           : Pi Hunthangpuii

|antu              : Pi Sawimawii

Thuhriltu       : Pi Zuimawii

           

           

SERMON

MAHNI TÂ KAN NI LO

            A nih leh, in taksa chu,in chhûnga awm Pathian hnên a\anga in hmuh Thlarau Thianghlim in a ni tih in hre lo em ni le? Mahni tâ pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u.

                                                                        I Kor 6:19-20

            Kan Pathian thu chuan mihringte hi ama tâ kan nih zia bible châng kan han tarlan a\ang khian a lang chiang hle. Bible chu a daw dawn si lo, chuvang chuan Pathian tâ kan ni tih hi kan awih mai a \ul awm e.

            Bible bul lam kan chhiar chuan mihringte hi Pathian siam kan nih thu kan hmu a, ama anpui ngêia a siam kan ni tih pawh a lang chiang hle, chumai bakah a thilsiam dang zawng zawng ai pawha kan ropui bîk ziate, a thilsiam dangte chungah pawh thunei tur leh enkawltu tur kan nihzia pawh kan hre \heuh âwm e. Chumai pawh a la ni lo, nitin Amah nên an lêngdûn a; an in pawl thin a ni. Chutianga Pathian nêna lêngdun \hin ama nunna thâw ngêia nung mihringte chuan sual bumna hnuaiah tluin Pathian fa kan nihna a\angin kan bosan ta a, fa kan nihna a\anga bosanin sual fa kan lo ni ta. Hrem tuar tur mihring kan lo ni.

            Sual bumna avanga Pathian hremna kan tawh tur chu amah Pa Pathian ngêi chuan phal lovin a fapa mal neih chhun Isua Krista chu kan sual thâwi nân amah leh amah in tihlungawi nân a fapa ngêi nunna chu keini misual te min tlan nân min rawn pe ta a ni. Tichuan Pathian thisena lei ama nunna a tlanchhuah kan ni a, keiniin kan hriatloh lâi leh kan pian hmâ kum engemaw zât kal tawh a\ang khân sual bawih a\angin min lo tlan tawh a; tuna kan awm ang hian Pathin fa nihna hlu tak chu kan lo chang dêr tawh a, Lalpa ka lawm e tih mai lo chu tih theih kan nei lo.

            Kan tih ve tel lo chhandamna kan chan avâng erawh chuan tih tur kan nei ve ta, awm mai mai tur kan ni lo a, kan taksa pêngte Pathian hman atâna felna hriamhreiah kan hlan ve a ngâi a ni. Mahni duh zawng leh châk zawnga awm tur kan ni lova, min lei tu Pathian tâ kan ni a; a thu thu a awm tur kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rêl anga; thiam kan chang hauh lo ang.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

CHANTÂWKA LUNGAWI

            Nausên pianghlim a\anga tarkun thleng mai pawh hian mihringte hi chan tâwka lungawi hi a awm chu kan awm\euh mai anga, amaherawhchu kan vâng viau âwm e, tin, zir chuan thil theih ve tak chu a ni ve bawk. Mihring pianken ve pakhat nia lang thei chu naupang chhiat leh \ha hriatna la neilo kan tih mai ang chite pawh hi han en ta ang ila; chithlummûm sen an neih lâi reng pawhin an \hiante chithlummûm hring chu an awt tlat a, an chan tâwkah an lungawi ngâi rêng rêng lo a ni. Chutiang chiah chuan Chhia leh \ha hriatna nei tawh pawh hian kan chan leh kan nihna chu duh tâwk lovin mi tâ leh mei neih hi kan awt ve tlat \hin a, rual elna \ha tak mah nisela, a chhe zâwng hian kan hmang ang tih hlauhawm tak a ni. Lal Davida ngêi pawh kha nupui nei lo a ni bîk lova, mahse, a chan tâwkah khân lungawi lovin mi nupui chu ava chuhpui ta anih kha. Hetiang ang bawk hian kan chan tâwkah hian kan lungawi lovin mi thil neih va awt a, va lâksak emaw va chhuhsak emaw neih ve tumna lamah hian thil \ha lo kan lo ti palh ang tih hi a hlauhawm hle a ni. Hetiang sual laka kan invên thiamtheih nân chantâwkah hian lungawi hrâm hrâm i zir \hin ang u.

ARTICLE

            Y.M.A. ZEL  ANG  AW!

Mawitei pa

            Kum 77 zet liam ta a Missionary Zosap hova din, Kohhran ni silo, mahse, Kristian nun dân tur anga nung si, ram leh khawtlâng tâna pawl \angkai leh chhenfâkawm, Mizo zawng zawng huap, \anpui ngâite \anpuia, zofate hmasâwnna tur ngaihtuahtu , hunâwl hmang \ha a, Kristian nun dân \ha nun chhuahpui leh zo nun ze mawi chhawm  nungtu  tlawmngâi pawl Y.M.A. chu  vawiin thleng hian pâwl din zawng zawnga din fuh ber  a ni hial awm e tih theih tur khawpin ala pâr vul ta zêl anih hi.

            Sem sem dam dam ei bil thi thi tia khawtlânga \anpui ngâi \anpui a, chhawm chhuah ngâi chhawm chhuak \hin pi leh pute nuna thil mawi êm êm ‘Tlawmngaihna’ chhawm nung zêl tura pawl din YMA hian famkim lohna khawvelah hian sawisel leh huat a hlawh châng a awm \hin. Mahse, hnungtawlh lova, siam\hat a \ulna laia insiam\ha zêl chung leh thudik \an a \ul huna huaisen taka ding ngam zêl tur YMA kan ni tih i hre thar ang u.

            YMA member nih hi ram leh khawtlânga in lulin nân leh mi chunga lên nân a ni lova, mimal hamthatna tura  in ruahmanna tur pawl lah a ni hek lo. YMA member kan nih hian zo nun ze mawi chhawm nung chung zêl a ram leh khawtlâng tâna ding tur kan ni tihte, hruaitu kan  nih phei chuan ram leh khawtlâng tân, midang tana thawk turin hnathawh kawr kan ha a ni tih kan hriat a va \ul êm! Huau huau leh hlimhlawp Programme a awm lai ringawt a Active Member nilo, a sur a sa hnuaiah, a hrehawm ber hnuaiah pawh Active Member nih zel hi a pawimawh hle mai. Hnam lâm thiam ringawt a tawk lova, hnam incheina hming hriat tam leh neih tam a tawk ringawt lova.   Lal Isua zirtirna nêna inkalh miah lo, inkalh lo mai ni lo inhmeh leh kal dun rial rial thei zo nun ze mawi hian kan nun chhungrilah nghet takin zung a kaih tlat tur a ni. YMA member kan nih hian \anpui ngâi tânte, thlafam lusûn hnem ngâi tânte enge ka Contri. ve tih hi ngaihtuah fo a ngai.

            Tlawmngaihna kan lan chhuah tir na \hin tamtak te changkânna avânga tih rem ta lo a awm thei, mahse, kan rilru lama tlawmngaihna hi changkânna ei ral tir chi a ni love, tlawmngaihna kawnga kan tih \hin changkanna avânga tih chhunzawm theih loh tam tak awm mahse, mizo nun ze mawi chhawm nung a, chhungril lama zo nun ze pui tlawmngaihna tuh a a awm tlat chhûng chuan tlawmngaihna hi a boral ka ring lo. Mimal nunah hian a in tuh ngheh tâwk \hin loh avâng hian tlawmngaih chhuah a hunah nachâng kan hre lo \hin mai a ni. Khawpui chhung Branch tam zawkin an tih theih tawh loh ti theitu kan la ni te hi Branch dang an changkân tawh êm avâng leh kan changkan loh êm êm vâng a ni bîk lo, zonun ze mawi lanchhuahtirna kawngah kan la \ha tihna a ni mai. Mi Branch tihdan \ha lâi chu kan entawn tur a ni a, a \ha lo lâi erawh kan hnualsuat ngam tur a ni ang chiahin kan Branch tih dan \ha lai pawh Branch dang entawn tlaka kan chhawm nun zel a pawimawh.

            Nimin lama kan hman liam tak YMA Day vawi 78-na hmingin YMA member zawng zawngte changkânna in a eiral theihloh tlawmngaihna nun chhuahpui chungin Y.M.A. zel ang aw ka rawn ti a ni e.

HRISELNA HUANG

HNAHKHAT

A chanchin tlângpui: Hnahkhat hi bul b^wk nei chi a niin hnah pakhat chauh a neih avanga a hming hi pû a ni âwm e. |henkhat chuan ‘phûrthak hlo’ ti te pawhin an ko bawk.

Damdawia hman theihte: A zung.

Damdawia hmannate:

Kâng: A zung râwtsawm diak taksa kâng laiah bel a \ha.

Kaw\ha lo: A zung rawt sawm tui sawr 10ml zelin nikhatah vawi thum in tur.

Pum nâ: A zung rawtsawm tui sawr 15ml in tur.

Lung nâ: A zung densawm tui sawr 10ml zêlin nitin zing leh tlaiah in tur a ni.

HNAHKIAH

A chanchin tlângpui: Hnahkiah hi thing lian vak lo a ni a, hnah hlâi tak a neiin a pâr hi rawng dumpawl dâng sen deuh a ni a, a bawrin a pâr \hin. Mizote chuan a hnah hi bekang um nân an hmang \hin. A pil hi tâi-tiang tihsen nân an hmang \hin a, a rah hi sava thanga tawktarh atân an hmang bawk \hin. A zîk no, a kâwr paihin khawhring damdawiah an hmang \hin. Hmânlai Mizote chuan a hnah den phuai hi meibuah an hmang \hin a ni.

Damdawia hman theihte: A pil, a zîk no.

Damdawia hmannate:

Pum nâ: A zîk no, a pil meh faia ei a \ha.

Hliam: A pil densawm tui sawr hliamah hnawih a \ha.

HNAHTHIAL

A chanchin tlângpui: Hnahthial hi Mizoramah chuan a tam hle, hnah hlâi \ha tak a nei a, chaw fûn nânte an hmang \hin. Chi hnih-thial nu leh thial pa a awm a, thialpa hnah hi thial nu aiin a sei zawk. Hnahthial khaw hming pawh hi a hming châwia phuah a ni.

Damdawia hman theihte: A zung.

Damdawia hmannate:

Thakpui kan: A bul bâwk densawm tui sawr a kanna lâiah hnawih a \ha.

HNÂM TÛR

A chanchin tlângpui: Hrui zâm chikhat a ni a, a zung hi tûr chak tak a ni a, hmânlai mizote chuan mahni intihhlum nân an hmang \hin. A pâr zu hi khuaiin a dâwt ve \hin a, khawizu \henkhat kha deuh hlek awm \hin pawh hi khuaiin a pâr zu a dâwt \hin vâng a ni an ti.

Damdawia hmantheihte: A zung.

Damdawia hmannate:

Sakei leh ramsa dang seh: A zung densawm tui sawr, sa sehna hmuamhmâah hnawih a \ha.

BIBLE  QUIZ  No.24

JOBA  BUNG 26 - 30

A kâr âwl dah khat rawh :

Q1. Van dona bante chu a nghing dur dur a, A zilhhauna chu  mak an ti a. A thiltihtheihnain tuipui a ____________________ a

Q2. Pathian kut chungchang ka zirtir ang che u, Engkimtitheia hnêna awm chu ka zep lo vang. Ngai ru, nangni ngeiin in vaiin in hmu a, Eng tiziaa __________________ cheu nge in nih?

Q3. Put hauh lovin luite a khuap chat a, Thil inthupte engah a la chhuak a. Mahse, khawnge finna hmuhna tûr chu? Hriatna awmna ________________ chu khawiah nge?

Q4. Benga hriaten nihlawh mi ti a, Mita hmuten mi hriatpui a; Mi rethei \ap ka chhan chhuah thin avângin, Pa nei lo, ___________________ nei lote pawh.

Q5. A hruihrual chu a phelh a, mi nghaisak tak avângin, Ka hmaah insumkarna an thlah thak a. Ka ding lamah mi _______________ an lo thawk a, Ka ke an nek per a. An tihchhiatna kawng chu ka chungah an din a.

A bung leh châng dah rawh :

Q1.A hmaah chuan Seol chu saruak ani a, Abadon chuan khuhna anei lo.

Bung: ...............          Chang: ....................

Q2.Ka hmêlma chu mi suaksual ni sela, Mi beitu chu mi fel lo ni teh se.

Bung: ................         Chang: ....................

Q3.Ramsa ngeng ngalhte pawhin an rap ngai lo va, Tah chuan sakeibaknei kawlh a kal ngai hek lo.

.Bung: ................         Chang: ....................

Q4.Hotute chu an tawng lai an chawl a, An kutin an ka an hup a;

Bung ...................        Chang .....................

Q5. Mi ten a, an inthiar fihlim a, Ka hmaa chil chhak pawh an tim lo.

Bung ....................        Chang .................

Hming : ......................................................

Section : .....................................................

BIBLE QUIZ  NO. 23 RESULT

Chhanna lut zawng zawng : 5

Chhang dik vek                       : 5

Lawmman dawngtu     : Zorinpuii (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu H.Remtluanga In

A hun        :20. 6. 2013 (Ninga zân)

Chairman : Pu Lalthanhrânga

|antu        : Pu Lalremsiama

                  |awng\ai rual leh hla zira hun hman tur a ni.

THLALAK PRINT THEIH

            Photo Printer \ha leh changkâng tak mai hmangin hengte hi kan print thei reng a ni:

1. Passport size - 4 copies `.30 ( Bazar rate aiin a tlawm bik )

2.Thlalak pangngai - 4x6 `.10, 8x10 `.15

3. A4 Large Size `.50

            Zing leh tlai, zanahte tih theih reng a ni a, Inrinni ah chuan engtik lai pawhin kan ti thei reng e. Passport Size duh kan awm pawhin koh theih reng kan ni a. A rate erawh a to chuang lo.

                        C.LALPIANTHANGA

Melthum

Ph. No: 9863370156

HRIATZAU NÂN

1. Duh zawng zalen taka sawi theihna(Right to freedom of speech and expression)

2. Ralthuam lek lova thlamuang taka in hmuhkhawm(Right to assemble peaceable and without arms)

3. Pawl din theihna/phalna(Right to form associations or unions)

4. India ram khawi hmun ah pawh zalen taka kal vel theihna(Freedom of Movement)

5. India ram khawiah pawh awm hmun benbel theihna(Freedom of residence ang settlement)

6. Eizawnna,eng hna pawh thawh theih na (Freedom of Profession, Occupation, Trade and Bussiness )

*. Article 14 :- Equality before law and equal protection of law

*. Article 15 :- Prohibition of discrimination on grounds only of religion, race, caste, sex or place ofbirth.

*. Article 16 :- Equality of opportunity in matters of public employment

*. Article 17 :- End of untouchability

*. Article 18 :- Abolition of titles, Military and academic distinctions are, however, exempted

B.D.  ZIR  DAWN

            Kan Member pui Pu Robert Lalsiamliana chuan Hindi BD (Bachelor of Divinity) a zir dawn a, tin, Tv. Vanlalfala pawhin Bachelor of Divinity (BD) a zir dawn bawk.

            |ha tak leh tluang taka an zir chhuah theih nan duhsakna kan hlân e.

MUSIC  ZIR  DUH  TE  TÂN.

            Synod School of Music hnuai-ah July - December, 2013 chhung atân Keyboard zir duhte tân seat dil theih a ni a. Dil duhte chuan a hnuaia târlante hi hriat nise:

1. Music department, Synod Office a\angin form lachhuakin June, 2013 thla chhûng ngeiin Synod Office-ah theh luh tur a ni. July 2, 2013-ah seat chang turte hming târ chhuah a ni anga, zir tura thlante chuan July 3 - 4, 2013-ah Admission tihfel tur ani ang.

2. July 5, 2013 a\anga class \an tur a ni ang.

3. Dilnaah mahni awmna Kohhran lehkha thil tel ngei tur ani.

4. Hriat tur \uldang chu dilna Form-ah târ lan a ni.

THIL BO

            Pu Zosangliana (T.Sec) te in leh kan in inkarah rangkachak \hi ka ti bo a, a lo chhar in awm chuan khawngaihtaka min pe leh hrâm turin ka ngên a che u.

In \hian,

Brigettee Zonunmawii

Saikhamakawn

TUALCHHUNG

,Pu C.Lalmuanpuia h/o Zoliansangi (T.Sec) chu Typhoid natna avângin Synod Hospital-a enkawl  anih hnûin alo chhuak.

,Pu Lalengmawia h/o Lalbiakmawii te chhungkua chu Ch.Sec a\angin V.Sec; Y.M.A Rûn bulah an insawn.

,Malsawmtluanga s/o  Laltlanzara (V.Sec) chu Pneumonia natna avângin Alpha Hospital ah enkawl mêk a ni

,Pu Davida h/o Vanlallawmi (Ch.Sec) te chuan khawi ilo vah vêl nân Taxi (Maruti 800) an lei thar.

,Esther Lallawmsangi d/o Zodinpuia (T.Sec) chu hun rei tak Synod Hospital-a enkawl anih hnûin alo chhuak.

KUM THUM (3) ZAWNG|AH

            Kum thum (3) Zawng\ah \iak Poly-pot pakhat `.50/- zêlin a duh tân a lei theih ta e.

F.Lalzuimawii

Saikhamakawn

Ph.: 9862732209

LU MEHNA DAWR

            Lu mehna dawr Pu Lalrinliana inah ka hawng thar a, dar 6am - 9am thlengin; thawh\anni a\anga zirtawpni thlengin engtiklai pawhin dawr theih ka ni e. Min han dawr ve rawh u.

In \hian,

Lalawmpuia (O.P.A.)

Saikhamakawn

VAWIIN KHAWCHIN

A lum lai berin : 270C

A vawh lai berin : 230C

            Chawhma lamah 2mm, chawhnu lamah 10mm leh zân lamah 12mm (wheatherforcast.com).

Accuwheather.com chuan chhun lamah 3mm leh zan lamah 7mm tla turin a sawi thung.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300