Mipui Aw 30.6.2013

MIPUI AW

KARTIN CHHUAK

Vol. XIX Issue No. 26 Kristian Thalai  Pawl  Saikhamakawn Branch  Pathianni Dt.30.6.2013

VAWIIN CHÂNG VAWN

            “Kei Grep hrui tak tak ka ni, ka Pa a huan enkawltu a ni. Ka zawmpui pêng rah lo apiang a paih thin a;a rah apiang a ti thianghlim thin, a rah tam leh zual nân”          Johana 15:1-2

KOHHRAN  PROGRAMME

30. 6. 2013 (Pathianni)

S.S Inkhawm

|antu           : Pi Vanlalhruaii

Chawhnu Inkhawm

Thuhriltu    : Pu Khawlhmingliana

Zân Inkhawm

Thuhriltu    : Upa Zonunmawia

KTP PROGRAMME

Dt. 01. 07. 2013 (Thawh\an zan)

Short  Sermon  Inkhawm

Hruaitu           : Upa Lallawmchhunga

|antu              : Pu Benjamin Lalduhsaka

Thusawitu-     : Nl. Lalhmunsiami

tur te               : Nl. Brigittee Zonunmawii

Thilpek  lak-  : Nl. Baby Lalhmangaihzuali

hawmtu  turte            : Nl. J. Lalhmangaihzuali                                                       (Zualbawihi)

July thla chhûnga hla hruaitu leh

musician turte

Hla hruaitu    : Pu Lalchhandama

turte                  Tv. R. Lalzamlova

Musician         : Pu Lalremruata

KOHHRAN  HMEICHHIA (02. 07. 2013)

            Ramthim zina hun hman tur a ni a, a hmun atân Sunday School Hall a ni ang.

           

           

SERMON

TIDAMTU  A  AWM  NANGE?

            Gilead-ah thinghnâi damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh?                    ( Jeremia 8: 22)

            Gilead tih hi Hebrai \awng a ni a, a awmzia tak chu “rualrem lo” emaw “\i\oh” emaw tihna a ni. A ram \henawm hi Basan a ni a, an ram hi a biboh duh hle nghe nghe. Gilead ram hmingthanna chhan ber chu thinghnâi damdawi leh tidam theitu (doctor) te an ni a. He ramah hian damdawi atâna hman theih thlai a tam hle, chung zingah chuan  storax  hnâi a\anga siam (resin) phei chu a hmingthang lehzual a ni. A hun lai chuan Giled ram hi miin an pan nasa in damdawi lam thiam awmna hmun a nih avangin a hlut hle ngei ang. Heng vang pawh hi a ni mahna, Jeremia pawhin a mite natna tihdam theihna a awm mial lawmni tiin a chunga Bible thu kan tih lan ang khian a âu chhuak lawm lawm rêng a ni.

            Jeremia hnu laiin mipuite chu Pathian thinurna avângin nasa takin an tuar a, an rûm a, an lungngai hle a, chumi ata chu a hunlaia damdawi \ha awmna leh tidamtheitu awmna hmun Gilead-ah damna a awm lo’m ni? tiin a au chhuak a. Nimahsela a duh ang damna chu a hmulo a ni ngêi a, tidamtu a awm nange?  tiin a au chhuak hial a ni. Kan sual vânga kan tawrhnate, natna kan tawh chângte leh lungngaihna namên lo kan tawh nîte hian khawi hmunah nge damna kan zawn \hin. Damna awmna hmun ni a lang, mahse damna tak awmloh na hmunah damna zawn ava hlauhawm tak êm! Hmun diklo kan pan anih ngat chuan kan beidawng ngêi ang le.

            Tunlai kan hun tawn ngêi pawh ngaihtuah  ila. |halaite mai ni lo, nu leh pa thlengin a tih theih ang. Sual vângin rilruna tak ten kan awm a. Chumi atâ chu min chhâwk thei mial lo maw tiin zu leh ruihtheihthil lamahte kan tlân \hin. Tin, nawmna leh hlimnate, thlamuanna tak zawngin khawvelah theihtawpin kan tlan zui a. Hlimna leh nawmna awmna hmun nia kan hriatna hmunah ngêi chuan beidawnna leh natna tinreng kan tuar leh lawi si. Hlimna leh lawmna hmun leh kan natna min chhâwk theitu nia kan rinna hmunahte hian min tidam theitu tak alo awm leh chuang si lo, beidawngin tidamtu a awm nange? tiin lungngaiin kan \ap leh \hin si a nih hi. Gilead-a thinghnâi damdawi awm \hin khân Pathian mite natna a tidam zo tawh lo ang hian, tunlai kan dinhmunah ngêi pawh damna leh nawmna awm nia kan hriatten min tidam zo lovin, nawmna min thlen thei ta lo. Tidamtu a awm nange? tiin kan indawmkun tlawk tlawk mai a nih hi.

            Heng kan lungngaihna leh kan natna zawng zawng lak atâ min chhanchhuak a, min tidam theitu, tidamtu tak tak Lal Isua hnênah i kir leh ang u. Isua bulah lo chuan damna tak tak a awm silo, Isua hnênah nilo hmun danga damna zawng \hin ten a tawpah tidamtu a awm nange tiin lungngai takin hun a hmang \hin a ni.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

HMU PHIR |HIN RAWH

            Hmu phir han tih hian mit meng fiah lo leh hmu chiang lo lam nilovin hmuhchian lam zawkna tur a ni. Thil reng reng hian \hatna leh \hat lohna a nei \heuh \hin. Hei hi chu he khawvel pian tirh atâ vawiin ni thlengin ala awm a ni. Thil pakhat i hmuh hian enliam mai lovin, a \hatna chauh en mai lovin a \hat lohna pawh en thiam tum \hin ila; chutiang chiahin thil \ha lo lo thleng pawh hi a \hat lohna lâi chauh en lovin a \hatna lâi awm thei pawh hmuh thiam theih hi a mi thil chîk mi nihna leh puitlinna a ni \hin. Mihring miziaah pawh hian \hatna lâi leh \hat lohna lâi kan nei \heuh a, chuvangin misual, uikawm, thinchhia leh adt. kan tih ang chite pawh hian \hatna lâi an nei ve tho \hin, an \hatna lâi chu hman thiam tum ta zawk ila. Chutiangzêlin mifel, thilphal, zaidam leh adt. kan tih ang chite pawh hian fel tâwk lohna, \hat tâwk lohna leh tlin lohna an nei ve tho bawk \hin a, hei pawh hi kan hmuh thiam sak pawh a pawimawh âwm e. Chuvangin he khawvel famkim lohna khawvelah hi chuan thil rêng rêng hian \hatna leh \hat lohna a nei \hin a, chuvangin eng thil mai pawh i hmuhin hmu phir thiam \hin ang u.

ARTICLE

            CHAKNA  I  NEI  A  NIA

-Pc. Mapuia.

            Khawvelah hian mi inang lo, sa inang lo, dinhmun leh nihna te, zahawmna kan neihte leh theihna kan neihte hi a inang lo hle mai tih chu in âwih chawptir tuma tu pâ \awngkam thiamna hmanga zak kau zawk zawk a bân vai chunga sawi tehchiam a ngai ve lo, tlân pah pawhin sawi ila, kan hrilha te chu an in hlân nghal zung zung ngei ang le. Mihringte hi Pathian hian min siam ropui hle mai, finna min pêkte hi a va ropui tak êm! Mihring finna thûk zia hi a chhiar zau leh hawi zau tân phei chuan a ropuiin âwihawm loh khawp zu nia. Finna mai ala ni lo, mitinte hian theihna leh chakna kan nei \heuh; chu chu kan hriatchian a kan hman thiam pawh a \ul hle. He kan theihna leh chakna, finnate hi kan hman thiam theih nan Pathianin chhia leh \ha hriatna, thil thliar thiamna min pe bawk a, hei tak hi thilsiam zawng zawng aia kan danglamna pakhat a ni rêng a ni.

            Kan sawi lan tâk ang khân mihringte hian chakna, theihna (Ability) kan nei \heuh a, mahse, kan hman thiam dân erawh a inang lo khawp mai. |henkhat chuan kan thei lo emaw, kan sim thei tak tak thlâwt lo emaw te an ti fo \hin a, hêng mite hi mahni inhrechiang lo, chakna hmang thiam lo a ni ve thlâwt a ni. Ruihtheih thilte, zûk leh hmuam lam chi rêng rêngte pawh a ni ang, ka sim thei tawh lo kan ti ngawt te hi kei a mak ka tiin ka lo tlâwmngai \hin. Kei aimahin siamtu Pathian hi a rilru a va na dawn tak êm! Chakna leh theihna min pêk hian keimahni ngei paw’n kan thunun zo lo a ni a. Kan sim duh thil te, kan tih duh tawh loh thil te hi engvangin nge kan tih leh tehlul ang le? Kan duh duh kan lâkna bân hi thunun a har viau em ni? a va har lo tak em!!! A bîk takin ruihtheihthil leh zûk leh hmuam hi thlur bing ta bîk ila, Pathian puihna lo chuan ka thei tawh lo ti ngawt suh, nangmah ah khân Pathian ngêiin sim hmak theihna tur khawp chakna chu a dahsa reng, hmang mai la; i thei a ni mai. Duh zâwng leh châk zawk apiang tih bawrh bawrh mai te, ka tân ala \ha lo ang tih hrethiam miah lova emaw hre reng chunga tih emaw  pawh a ni ang, chutiang mizia kan neih chhûng chuan kan mihrinna kan la phawkchhuak zo lo a, ramsa ang lek kan la ni tih hi kan hriat a \ul âwm e.

            Pathianin mahni duh duh thlang a, duh loh zawng ti lova, duh zawng ti thei zel turin chakna leh theihna min pe a, hei hi hmang thiam ila, mahni inthununna kawng lam i zawh ang u. Nimahsela sual bâwih kan nihna erawh keini chakna hmanga sim theih a ni lova, nimahsela sualin min bâwihna atâna a hmanrua zawng zawng erawh a sim theih vek a ni. Chu chakna leh theihna chu Pathianin keimahniah a dah vek ani tih hi i hre thar \heuh ila, ka thei lo tihte, ka sim tak tak theilo ti \hin te hian sim an duh tak tak lo a ni. A chhan chu an sim duh kha eng pawh ni rawh se, a ti leh tu chu mahni bawk kan ni leh tho, kan duh zâwng tih a, duh loh zâwng tih loh mai hi mahni inthunun dân kawng awmchhun a ni; a hman thiam i zir bawk ang u. He thu lo chhiar tu zawng zawngte he thu hi hre turin ka duh che a ni, mahni duh duh a inthunun thei turin CHAKNA  I  NEI  A  NIA....

HRISELNA HUANG

HNÛM

Botanical name: Engelhardtia spicata

English name: Etassel Tree

A chanchin tlangpui: Thing lian ve tak a ni a, a thing hi thing \ha êm êm lo a niin thing tuah atânte an \hin. A hnah chu hnah sâwl hmawr zum lampang a ni a, a rah hi mûm a niin a kâwr a bawl deuh a, a rah chhûng vâr an ei \hin. A \ang a\angin maimaw puan zâi \awn buk ang deuhvin sam sei tak a awm \hin a, hei hian a chi leh a pâr a keng tel nghal a ni.

Damdawia hman theihte: A pil.

Damdawia hmannate:

Kaw\halo: A pil leh sekhupthur kûng chhum pawlh a, a tui chu nikhatah vawi thum in tur a ni.

JAPAN HLO

Botanical name: Mikenia scanden

English name: Japan weed

A chanchin tlangpui: Japan hlo hi hrui zâm chikhat a ni a, hnim tihrêm harsa tak a ni. Hnah a ngahin a kûng hi a hnahin a khuh bo vek \hin.

Damdawia hmannate:

Kaw\halo: A kûng pumpui silfaia densawm hnûah a tui sawr chhuah 25ml zêlin nikhat vawi hnih emaw vawi thum emaw in \hin tur a ni.

KAIHZAWL

Botanical name: Dillenia pentagyna

English name: Cancer remedy tree

A chanchin tlangpui: Kaihzawl hi thing lian ve tak a niin 50ft lai a sangte pawh a awm thei. A hnah hi kawrthingdeng hnah nen a in ang hle a, a rah erawh chu Tiar rah nên a inangin Tiar rah aiin a lian deuh hret. A pâr hi rawng var a ni a, a lâiah rawng engin a \ial bawk. A thing hi thingzai atân an hmang \hin. Hmanlai a\ang tawhin Cancer damdawiah an hmang \hin a, a hming hi hmar lamah ‘Kaihzawl’ an vuah a, chhim lamah ‘Hnahkhauh’ an vuah a, khawthlang lamin ‘Kawmkaw’ tiin an ko thung. Pu JH Ramnghinglovan a lehkhabu “Hand Book of Forestry of Mizoram” tihah “Kawthingdêngte” tiin a ziak bawk.

Damdawia hman theihte: A hnah, a pil leh a zîk no.

Damdawia hmannate:

Cancer: A pil hring emaw a ro emaw 60gms tui 1lt-in mei navak lovah a tui 125ml anih thlengin chhum a, 60ml zêlin khawizu thirfiate khat nên ni 15 chhung nitin zingkârah leh zan mut dawnah in tur. A zîk no a helin emaw chhum hminin emaw ei \hin bawk tur a ni.

Ran (Bawng, Vawk, Kel etc.) pân: A hnah rawt sawm diak a, ran taksa pân laiah hnawih sak a \ha. A hnah hring ei tir bawk tur a ni.

BIBLE  QUIZ  No.26

JOBA  BUNG 36-40

A kâr âwl dah khat rawh :

Q1. Rilru chaknaah chuan a ropui a ni.Mi suaksual chu a zuah lo va,_____________________ dik takin a relsak thin.

Q2. An pawisaka a rawng an bâwl chuan, An nite chu _________________ ral ang a, An kumte chu nuam takin.

Q3.Kawlphein akutte chua khuh a, A tum tak __________________ a. Khawpui ri chuan ___________________puang a, Ran rualte pawhin thlipui lo thawkah chuan an puang a.

Q4. Ngaithla ngun ula, a awrâwlte leh A kâa lo chhuak rite chu.  Van_____________________chhuak a, A kawlphe chu lei tawp thleng thlegin.

Q5. Engkimtitheia chu kan hmu chhuak thei lo va,Thiltihtheihna ___________________ a,Felna a ngah a, a hnehchhiah lo vang.

A bung leh châng dah rawh :

Q1. Tin, LALPA chuan thawngaleivir atangin Joba chu a chhâng a, heti hian a ti a:

Bung: ...............          Chang: ....................

Q2.I pian achinah, zing hnênah, thu i pein, Khawfingchat hi ahmun tûr i hriat tir ngai êm?

Bung: ................         Chang: ....................

Q3. Eng chena kawng chu khawiah nge? Thim pawh chu khawiah nge a hmun? I hria ang chu, chungah chuan i piang tawh a, I nite pawh a tam tawh alawm!

Bung: ................         Chang: ....................

Q4Vur dah khawlna hmunah i lut tawhin,Rial dah khawlna hmunah pawh i lut tawh êm ni?

Bung ...................        Chang .....................

Q5.Pathian ban ang i nei em ni?Amah angin khawpui ri aw i chhuah thei êm ni?

Bung ....................        Chang .................

Hming : ......................................................

Section : .....................................................

BIBLE QUIZ  NO. 25 RESULT

Chhanna lut zawng zawng : 5

Chhang dik vek                       : 5

Lawmman dawngtu: Robert Zosangpuia Sailo  (V.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun     : Senior Hall

A hun        : 4.7.2013 (Ninga zan)

Chairman   : Pu H.Remtluanga

|antu         : Pu Sâiênga

                  |awng\ai ruala hun hman a ni ang.

E.ROLL THU THAR

            July 1-15, 2013 chhûngin MLA Electoral Roll siam \hat leh ennawn lehna hun hawn a ni a, hriat tur \ul zualte:

1. 1/1/2013 a kum 18 tling chin, E-Roll a la awm lo ten dil theih ani.

2. Roll a hming emaw pa hming emaw diklo te tih dik theih ani.

3.Hmun danga insawn duhte, hmun dang a\ang a rawn in sawn duhte tân dil theih a ni.

4.In thun thar tur ten thlalâk (Passport size) copy khat thil tel tur a ni.

5. Dîlna hi Pu Lalzama hnênah hun tiam chhungin theh luh tur a ni a, dilna form pawh a kawl nghal bawk. Tin, Roll thar ber pawh a kawl a, a duh apiang tân a en theih reng e.

TOP UP   TOP UP   TOP UP

AIRTEL,  AIRCEL, VODAFON  leh  BSNL-ah

            Engtiklai pawhin top up kan thun thei reng e.

In \hian

Pi Lalramnghaki

w/o

Pu Lalduhkima (Maduhtea) T.Sec

VAWIIN KHAWCHIN

A lum lai berin : 260C

A vawh lai berin : 230C

            Chawhma lamah 1mm, chawhnu lamah 2mm leh zân lamah 0mm (wheatherforcast.com).                           Accuwheather.com chuan chhun lamah 7mm leh zan lamah 0mm tla turin a sawi thung.

Letter to Editor

(Editor ngaihdân a ni vek kher lo.)

            Ka pu, he thu hi i chanchinbuah min chhuahsak turin ka ngên a che.

Subj: Community Hall chungchâng.

            Vânneihthlâk takin kan veng Community Hall chu Y.M.A leh Local Council-te zârah \ha taka siam zawh niin Batminton Court pawh \ha tak kan lo nei ta a. A siam kawngah pawh vengchhûng mipuite kan \ang tlângin hnatlâng thâ pawh vawi duailo sênral a ni nghe nghe a, vengchhûng mipuite thawhhona \hat vang liau liau a ni.

            Zing leh tlai, zan lam thlengin Hall-ah Batminton khêlin \halaite an in kalchhâwk zut mai a, kan lâwm a, kan hmang \angkai thiam hle a, a lawmawm thlâwt a ni. Hetihrual hian a hmang \hinte hian a enkawlzui leh vawn thianghlim kawngahte; kan kut a ni tih kan hriat \heuh a pawimawh hle ang. Y.M.A leh Local Council-te hi a neitute an ni bîk lova, a hmang \hintute leh vengchhûng mipuite tân liau liau a ni tih kan hriat a pawimawh khawp mai. Hemi kawngah hian tun aia \an kan lâk a pawimawh hmêl khawp mai.

            Tin, a hman dân leh hman hun chungchângah erawh tlêma fimkhur a ngai deuh mai thei e. Zing leh tlai leh zan lamahte khelh theih hun chhûng bituk awm sela a fuh zawk âwm mange aw... a tih theih. Dân mumal awm lova tâl mai mai hi thil \ha anih loh bâkah mi vêng hmuhah pawh kan Hall neihchhun kan tih zahawm theihna kawng khat anih ve avâng hian hemi lama thunei tuten ngaihtuah rang se a va lawmawm dawn êm!

            Thil pakhat duhawm deuh mai chu GSA lam pawhin an Table Tennis Board -te hi dah ve thei hlauh sela chuan kan veng \halai ten Batminton leh T.T. Game ah hi chuan tun aia sângah kan vêng \halaite hi an in vawrh sâng thei ngei ngei ang.

            - Community Hall Veitu-a

           

TUALCHHUNG

,Lalengkima s/o R.Lalzuala (T.sec) chu Typhoid natna avânga Alpha Hospital-a enkawl anih hnuin alo chhuak.

,Zairemmawia h/o Thangliani te chu an inluah lâi (T.Sec) a\angin Pu Lalliantluanga te inhnuai (V.Sec) ah an insawn.

,Pu Lalsailova h/o Chawngkungi (T.Sec) te chuan khawi ilo vah vêl nân Scooty (Flyte) thar an lei.

,Pu C.Laldawngliana h/o Lal\anpuii (Ch.Sec) te chuan khawi ilo vah vêl nân Taxi (Maruti 800) an lei thar.

,Zodinthari d/o Thanhranga (V.Sec) te chuan khawi ilo vah vêl nân Scooty (Flyte) thar an lei.

HRIATZAU NÂN

SMS hmangin Complain theih

            Directorate of Election, Mizoram chuan mipuite’n Electoral Roll chungchânga harsatna leh hriatfiah duh an neihte SMS hmanga awlsam taka an zawhfiah theih nân SMS Complaint Registration System a buatsaih a. SMS-ah hian a tirah “CEOMZ” tih type a, space (kârâwl) dah leh hnûah an Complaint Message Type tur a ni a, sms hi 56263 ah thawn tur a ni. Zawhna chhânna dawng let thei tur hian Complaint thawntute’n an Mobile Service a\angin DND (Do Not Disturb) Service Deactivate a ngâi a ni.

YMA HRIATTIRNA

            Central YMA-in Sepaktaraw Tournament a siam turah tel tumte leh tel ve duh kan awm anih chuan YMA hruaitute hnênah inhriattir tur a ni e. A hmâ lama lo Practice-te a ngaih dawn avângin aa rang lama in hriattir theih chuan a lawmawm hle ang. Vengchhûng \halaite tel \heuh turin kan in sawm bawk e.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 23.6.2013

MIPUI AW

KARTIN CHHUAK

Vol. XIX Issue No. 25 Kristian Thalai  Pawl  Saikhamakawn Branch  Pathianni Dt.23.6.2013

VAWIIN CHANG VAWN

            Thil dang bera aiin i thinlung vêng \ha rawh, Nunna lo chhuahna a ni si a. |awng chaltlâi bansan la, Mi bum chîng suh. I mitin hma lam en la, Ngil takin hma lam thlir rawh. I ke atân kawng tirualrem la, I kawng zawng zawng tihngheh ni rawh se. Ding lam emaw, vei lamah emaw pêng suh; Sual ata i ke sawn rawh.  Thufingte 4:23-27

KOHHRAN  PROGRAMME

23. 6. 2013 (Pathianni)

S.S Inkhawm

|antu           : Pi Sanghluni

Chawhnu Inkhawm

Thuhriltu    : Upa Lallawmchhunga

Zân Inkhawm

Thuhriltu    : Upa C. Lalmuankima

K|P PROGRAMME

 Dt. 23. 6. 2013 (Thawh\an zân)

Hruaitu           : Tv. R. Zodinsanga

|antu              : Tv. Lalruatkima

Thuhriltu       : Pu R. Lalmuanpuia

Thilpek  lak-  : Nl. Vanhlupuii

hâwmtu  turte            : Jenifer Lalremruati

June thla chhûnga hla hruaitu leh

musician turte

Hla hruaitu    : Nl. Brigittee Zonunmawii

turte                  Tv. Abraham Lalnunthara

Musician         : Upa Lallawmchhunga

KOHHRAN  HMEICHHIA (25. 6. 2013)

Bial hruaitute nên inpâwlkhâwmna

neih tur a ni.

A hmun          : Vestry

Hruaitu           : Pi R. Lalthansangi

|antu              : Pi R. Zothanmawii

Thilpêk lakhawmtu: Pi Hmangaihsangzuali

           

           

SERMON

THOLEH  NUN AWMZIA

            In thi tawh a, in nunna chu Pathianah chuan Krista hnênah thuhrûkin a awm si a. Krista kan nunna chu a lo inlâr hunah chuan nangni pawh amâ hnênah ropui zingah in inlar ve ang.                                  ( Kolossa 3: 3- 4)

            Kristmas Isua pian champhaphâkte, Good Friday, Lal Isua  kan tân Kros-a kan sual phur a; a thih ni champhaphâkte keini Kristiante chuan kan hmang \hinin kan ngaipawimawh hle a. Lal Isua kha thi ta ringawt se, nun thar kan neih phah thei dawn chuang em ni le? A thihna leh a thawhlehna avangin nun thar kan neih phah thei chauh a ni. Mi \henkhat sawi uar zualte phei chuan a thawhlehna hi a pawimawh zawk an lo ti ve châwk bawk. Chulam chu kan chhui tur a ni lova, mahse thisen chhuak lovin ngaihdamna a awm thei lo, tih erawh kan hriat a \ul hle ang.

            Mihring hmasa Evi leh Adamate bawhchhiatna avangin mihringte chu sual bâwihah kan tâng a, Lal Isua phei chuan “Rul thlah te u” min ti hial a nih kha. Setana nunna \awmpui kan ni a, sual chi chu keimahniah a awm tlat a. |ha lam reng reng ngaihtuah lo, kawng dik lo lama pêng bo vek kan ni a, Pathian ngaihdamna chang leh tur chuan Lal Isua thisen ngêi a chhuah a lo ngai ta, tin, Lal Isua chuan thihna sual chu hneha a thawhleh a ngai bawk a ni, kan sual ngaihdam nâna thil pawimawh hi a va rapthlak em!!! Hemi avang hian Pathian chhandamna hi a hlu a; a ropuiin kan phu lo takzet a ni.

            Krista chu kan tan a thi a, ropui takin thihna sual chu hnehnin ni thum niah Pa Pathian chuan a kai tho leh ta. Kristaah chuan kan mihring hlui; sual bâwih kan nihna leh sual fa kan nihna chu Krista thihnaah chuan kan lo thihsan ve ta, ni thum nia Isua Pathianin a kaihthawh leh khân keini pawh ama rualin kan tho ve leh ta, Krista nunna \awmpuitu; Pathian fa nihna chu Krista zârah kan chanvo a lo ni ve leh ta. Fa nihna hlu tak chu a ring duh apiang tân  a lo ni ta a ni.

            Tichuan mihringte hi kan piangthar emaw piangthar lo emaw kan tâna chhandamna chu Kristan min lo thawhsak zo tawh a, sual bawih kan nihna atâ min chhuah zalênin, kan duhthlanna ngeiin Pathian kan thlang ve leh thei ta a ni. He duhthlanna zalen tak mai hi Krista thihna leh thawhlehna vânga kan chan chu a ni a, kan hriat fuh a pawimawh khawp mai, tin, sual bawiha awm tur paw’n keimahni duhthlanna bawk a ngâi a ni. Krista’n min chhandam vek avang ngawtin Vanram chang tur kan ni lova, Thlarau Thianghlim zara  amah kan thlan a, kan rin a lo \ul ta zawk a ni. Thawhlehna nun chuan mihringte hi min ti zalên a, duh leh Pathian thlang thei duh loh leh sual lam thlang thei dinhmunah min dah leh ta, keimahni thu in Pathian fa kan ni thei a, kan thu vekin hremhmun kawng kan zawh bawk a ni. Krista thihna leh thawhlehna nun chuan bawhchhiat hma dinhmunah min dah ta a ni.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

VANTLÂNG THIL

            “Vantlâng thil i tâ angin en rawh” an ti \hin; a dik rêng bawk a ni. Kan vêng chhungah ngêi pawh hian vantlâng tân thil thar kan nei zeuh zeuh ta zêl a, zunin thar, Ngaizêl kawng amite, Step leh Footpath-a checker tile han phah thar ang chite, Community Hall kan han hman leh theih ang chite leh a dang dang pawh a awm nual âwm e. Mahni tâ anga kan enkawl a, kan vênhim a, kan uluk loh chuan rei lotêah hman tlâk lohvin kan chhuah palh hlauh ang tih a hlauhawm \hin khawp mai. Entirnân, vantlâng zunin a, bawlhhlawh paih emaw a ti \awp zâwnga hman a; inthiar nâna lo hman ang chite hi a zahthlâk tawh hle a ni. Chutiang chiahin Step leh Foothpath ang chite pawh hi dîm thiam ila, thil han hnuh vak ang chi leh a ti chhe thei ang zâwngin khawsa lo hrâm ila, kan Community Hall pawh inkhelh theih a peih a ni leh ta a, a ti tla bal zâwng leh ti hmêlhem zâwngin khawsa lo hrâm hrâm ila, enkawl a, vawn thianghlim tum tlat zawk ila. Chutiang zêlin vantlang thil hrim hrim: Notice Board ang chite thleng hian kan tân a \angkai \heuh a ni tih hriain a enkawl lamah \an ila sauh sauh ang u.

ARTICLE

            A  LANNA  TLÂNG  DANG  A|ANGIN 

KA  RAWN  THLIR A

            Hah em em in tlâng chhip chu ka thleng chho hlawl mai a, eng tlâng nge? tih pawh ka hre lêm lo, ka \hu hnawk a ka thlan fim a tla zawih zawih mai bawk a. Chutah ka hmalam ah hian thingphêk chhe tawh tak; mawih tawh lam âwn thle fahrana dingah hian he thu hi a lo inziak kulh mai a “ |an Lam Neih Lohna Tlângah Kan Lo Lâwm A Che”. Tichuan ka tho nghal a, chumi intârna dinglama pên a, thui loteah lung tohlâwt hi thlanglam zâwngin alo inkhawh chhuak luah mai a, ka va pan phei nghâl. Chu lungtohlâwt a\ang chuan kan thlir ta a, khawvel hmun hrang hrang; ram hrang hrang hi a lo lang pe uarh mai a, ka thlir reng a, engkim mai hi a lang vek nia mawle. Ram ropui tak tak lang ruih mai chu belhchiang châkawm tak a nih vei nen, Zopa rilru alo chhuak a niang chu kan ram Mizoram ngêi mai chu thlûrbing duhna ka rilruah a lian ta zawk a. Chiang lehzual zawka thlir tur chuan ka \huthmun ka siam rem ta sauh sauh a.

            Chu tlângah chuan engmah hi \an bîk leh âwn lam a neih theih miau loh avangin  a nihna ang takin ka hmu thei a. Ram chhung political party hrang hrang kan thlir a, Mizoram hmangaihna rilru chu an nei \heuh a, nimahsela an hmangaih hmasa ber chu anmahni a ni vek nia mawle... Eirûk hlemhlêtna kawngah lah an tlân nasa êm êm mai a, dik taka rorêl duh tlêmte awm ho lah hnathawk thei lova dahkhâwm niâwm fahran hian in pakhatah hian a awmkhâwm vek a, chuta \ang chuan an chhuak thei dêr silo, mahse, tumah chu zu \an bîk ka nei chuang lo, ka thlir liam mai mai hi a ni ber.

            Veng hrang hrang chu kan thlir kual leh a, Pathian kohhran ho chu kan thlîr bing leh ta hlawm a, piangthar tawh inthlahdah tak leh zawmthaw tak hi a tam hle mai, Pathian \ih mi tak tak an awm bawk a. Nimahsela, a lan dân tlângpui a\anga ka zuk hmuh dânah chuan Pathian rawngbawltute hi an inthlahdah hlawm niin a ka hria.

            Chutah Zoram \halaite ka thlir leh a, ruihtheihthil, mipat hmeichhiatna, zu hmun hlimna, leh mahni mipatpui leh hmeichhiatpui inkawp duh thlengin alo hluar êm êm mai bawk a. Chumi kawnga kal te chu tam tak an ni. Duh duh dâna awm an duh a, hlimna leh lâwmna an zawnga chumi kawnga an kal theih nân engmah an pawisa hlawm lo. Chutiang taka an awm nachhan a ka hmuh chu Ram hruaitu lu ten Pathian \ihna tak tak leh ram hmangaih aia an mahni an in hmangaih hmasak zawk vângte, Kohhran tin ten Pathian an dawr tam tawk loh vâng niin ka hmu chhuak bawk a. Mahse, tumah ka dem thei chuang lo, \an lam pawh ka nei thei chuang lo, tih tur ti tâwk  lovin an lêng \huauh \huauh mai a ni zawk.

            Ka \hu rei ta deuh a niang, ka mawng kham lutuk chu ka tho hlawl a, ka piah kawrte tui luang ri her her lam chu kan pan phei leh a, chu tlâng danglam tak maiah chuan enge la awm zêl? tih hriatbelh châkna chuan ka khat ta tlat a, kal zel turin ka rilru ka siam fel ta a ni.

HRISELNA HUANG

HNUTEHNIM

A chanchin tlangpui: Hnim feet 7 vêla sang a ni a, chi hnih - a kûng leh a hnah sen chi leh var chi a awm a, a var chi hi damdawi atân a \ha zawk. A hnah emaw a kuang emaw balin a hnâi bawnghnute ang tak a chhuak \hin.

Damdawia hman theihte: A zung, a hnah leh a pâr.

Damdawia hmannate:

Rul chuk: A hnan ei a, a zung rawt sawm diakin a chukna hmuamhmâah nuai bawk tur a ni.

Thawhah, thawchham: A pâr ro 1/2gm leh thinghmarcha 1/2gm leh chi 1/2gm pânhnahin fûn a, ei a \ha.

Ruhseh: A zung aswagandha zung leh gugloo inzât \heuhin den sawm diak a, 2gms zêlin hrual mûm a, mûm khat zêlin karkhat chhung nitin vawi thum ei tur.

Ke zung\ang kâr pân: A hnâi nikhatah vawi li hnawih a \ha.

Vun natna: A hnah chansawm leh coconut ziah dip inzâtin chawhpawlh a, sulphur tlêmte nên nikhat chiah hnûin a tui sawr chhuah a, vun nâah hnawih a \ha.

Eczema (Vun natna chi khat, vun bawl \hit \het a, a hnua tui hliam hliam): A hnah densawm diak hrual mûm a, an\am chi densawm diakin hrual hnan leh tur, chumi hnûah chirdiakin zût a, meiling chungah dah a, a lin sen hnûah dah daih tur a ni. Chutah a tuamtu chirhdiak chu khawh a, a chhung ami leh an\am hriak chawhpawlh vun na laiah hnawih a \ha.

Ha nâ, ha ngêt: A kung chhumna tuia hrawk \huah a \ha.

Emaw

Ha ngêt lâia a hnâi far a \ha.

Phâr leh vun natna chi hrang hrang: A zung 5gms densawm a, bawnghnute no khat nên chawhpawlhin nitin vawi khat in a \ha.

Beng nâ: A hnah chhung lamah bawnghnute Ghee emaw têl emaw hnawih a, a chung lam a\angin meiah hem lum a, a tui sawr bengah far a \ha.

Taksa a bîkin ke a hling lût: A hnah hnawih a \ha.

Lu nâ: A hnah pahnih zingkarah nichhuah hmâin ei a \ha.

Khawmualkaikuang seh: A hnâi leh thing hmarcha rawtsawm pawlh a, a sehna hmumhmâah bel a \ha.

Singsihlîp: A hnâi ni li chhûng nitin vawi thum emaw vawi li emaw hnawih \hin tur a ni.

Zeng: A hnah kanna hriak dah daih a, nikhatah vawi hnih taksa zeng lai zût nan hman tur.

Ui a seh: A hnâi far sawm zêlin ni thum chhung nitin vawi hnih ei tur a ni.  (Emaw)

A hnâi kurtai leh ar êk tlêmte \heuhin chawhpawlh a, ui sehna hmuamhmâa hnawih a \ha.

Hnute fual: A hnâi leh bawnghnute Ghee chawhpawlh hnutea hnawih a, hnute chu châwi kân a, hnute dâwmnain nghet tak hrên tur. Ni 15 chhung zan tin mut dawn a hrên ziahin hnute fual a ti reh thei.

Sikserh: A hnah tui sawr 5ml zêlin nikhatah vawi thum hun engemaw ti chhung in tur. Naupang erawh chu pêk tlem tur a ni.

BIBLE  QUIZ  No.25

JOBA  BUNG 31 - 35

A kâr âwl dah khat rawh :

Q1. Dawt lama kal ka nih a, Bumna lama ka ke pên rang \hin ka  nih chuan. (Bûkna dik taka tehin awm ila, Ka dikna hi ______________________ a hriat nân)

Q2. Tin, Elihua chuan hêng mi pathumte kâah hian chhânna rêng a awm ta lo tih a hriatin a thinur ta hle mai a. Tichuan, Barakela fapa Elihua, _______________ mi chuan a chhâng a, heti hian a ti a: Ka naupang a, nangni in upa a, Chuvang chuan ka tîm a, ka ngaihdan pawh ka hrilh ngam lo che u a,

Q3. I theih chuan mi chhâng la, |an khawh la, ka hmâah hian i thute chu siam rem rawh le, Ngai teh, Pathian lam thuah chuan  _____________________ ang bawk ka ni a, Hluma siam ve bawk ka ni.

Q4. Joba, ‘Fel zawng ka fel a ni, Pathianin ka thiamna mi hnâwlsakin, Ka thiam reng chung hi dawtheiah mi chhiar mai pawh a: Bawhchhiatna ka nei lo chungin Ka hliam chu ________________ rual a ni lo,’ a ti si

Q5. Van lam dâk la, en teh, Chhumte khi en la, nang aia a sân zawk khi. Thil i tihsual pawhin, a tân eng nge pawi? I _________________________________ a pun pawhin, a tân eng nge pawi ang?

A bung leh châng dah rawh :

Q1. Tin, kawng lova peng ka lo nih a, Ka mithmuh ang maia thinlung pu ka lo nih a, Ka kutah hian kaidum reng a bei phawt chuan,

Bung: ...............          Chang: ....................

Q2. Mahse, mi thil hriat thiamtirtu chu  Mihringa thlarau awm, Engkimtitheia thaw chu a ni.

Bung: ................         Chang: ....................

Q3. Ka thiang a ni, bawhchhiatna nei lovin; Ka fihlim a ni, khawlohna nei lovin;

.Bung: ................         Chang: ....................

Q4.Chuvangin, nangni, mi rilru neite u, Mi ngaithla rawh u, Pathian chuan thil suaksual tiin Engkimtitheia chuan thil dik lo chu a ti teuh lo vang.

Bung ...................        Chang .....................

Q5. Hnuailengte aia min zirtir hnem zawktu, Chunglente aia finga min siamtu chu?’ an ti lo.

Bung ....................        Chang .................

Hming : ......................................................

Section : .....................................................

BIBLE QUIZ  NO. 24 RESULT

Chhanna lut zawng zawng : 3

Chhang dik vek                       : 3

Lawmman dawngtu     : M.S.A.  (T.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun : Senior Hall

A hun    :27. 6. 2013 (Ninga zan)

Chairman  : Pu C.Zakhuma

|antu     : Pu Suithanga

              Rilru sawi leh hla zira hun hman tur a ni.

MUSIC ZIR DUH TE TAN.

Synod School of Music hnuai-ah July - December, 2013 chhung atan Keyboard zir duh te tan seat dil theih ani a. Dil duh te chuan a hnuaia tarlante hi hriat nise:

1. Music department, Synod office a\angin form lachhuakin June, 2013 thla chhung ngei in Synod Office ah thehluh tur ani. July 2, 2013 ah seat chang turte hming tar chhuah ani anga, zir tura thlan te chuan July 3-4, 2013 ah admission tihfel tur ani ang.

2. July 5, 2013 a\anga class \an tur ani ang.

3. Dilna ah mahni awmna Kohhran lehkha thil tel ngei tur ani.

4. Hriat tur \uldang chu dilna form ah tarlan ani.

THIL CHHAR

            Bag-te, YMA Day khân Community Hall kawngah chhar  a ni a, a neitu dik tak chuan a chhunga thil awmte, a chhunga pawisa awm zât leh a Bag awmdan chiang taka sawiin ka hnênah lam theih a ni e.

R.Chalkhuma

Saikhamakawn

VAWIIN KHAWCHIN

A lum lai berin : 270C

A vawh lai berin : 230C

            Chawhma lamah 2mm, chawhnu lamah 7mm leh zân lamah 12mm (wheatherforcast.com).                                    

Accuwheather.com chuan chhun lamah 3mm leh zan lamah 1mm tla turin a sawi thung.

K|P RETREAT NEI

            Nimin inrinni ni 22.6.2013 khân Saikhamakawn Branch K|P chuan Branch Committee leh Group Committee chin tân intuaitharna hun hmangin Retreat neih a ni a, hlawk taka hun hman a ni.

K|P THINGPHUN

            Nimin ni 22.6.2013 (Inrinni) khân Saikhamakawn Branch K|P chuan General Conference thurêl bawhzuina neiin thing \iak Mel-5 \awng\aina hmunah Bûng pathum an phun a, a enkawl lamah vengchhung mitin ten enkawl pui hrâm hrâm zêl ang u.

TIRKOH CHÂWM BELH

            Saikhamakawn Branch K|P chuan June thla a\ang hian Tirhkoh sawm (10) an châwm \hin chu panga (5) a pun belhin Tirhkoh sawm leh panga (15) an châwm ta.

BIBLE QUIZ

            Saikhamakawn Branch K|P chuan July thla fellowship vawi hnihna lo awm turah hian Bible Quiz intihsiakna hun a hmang dawn a, lo inenlâwk duh tân Matthaia ziak a\angin Quiz hi buatsaih a ni ang. Tin, he Quiz hi mimala chhân tur a ni a, lawmman siam tur niin; pakhatna-in `.100/- emaw hû pui, pahnihna-in `.70/- emaw a hû pui, pathumna-in `.50/- emaw a hû pui a ni ang. K|P member tinte lo inbuatsaih \heuh ang u.

LU MEHNA DAWR

            Lu mehna dawr Pu Lalrinliana inah ka hawng thar a, zing dar 6 a\anga dar 9 thlengin; thawh\anni a\anga zirtawpni thlengin engtiklai pawhin dawr theih ka ni e. Min han dawr ve rawh u.

In \hian,

Lalawmpuia (O.P.A.)

Saikhamakawn

TUALCHHUNG

,Malsawmtluanga s/o Pu Laltlanzara (V.sec) chu Pneumonia      natna avangin Alpha Hospital-ah enkawl anih hnûin alo chhuak.

,Pu Hmingchuailova h/o Beauty Vanlalpêki (Ch.Sec) te chuan khawi ilo vah vêl nân Bike (CBZ) an lei thar.

,Lalengkima s/o R.Lalzuala (T.sec) chu Typhoid natna avangin Alpha Hospital-ah enkawl mêk a ni.

KUM THUM (3) ZAWNG|AH

            Kum thum (3) Zawng\ah \iak Polipot pakhat `.50/- zêlin a duh tân a lei theih ta e.

F.Lalzuimawii

Saikhamakawn

Ph.: 9862732209

HRIATZAU NÂN

            Mahatma Gandhi-an vântlâng eichhetu sual 7 a tih chu:-

1.Tum mumal nei lova ram kalsiamtute.

2.Thawhrimna tel lova hausakna.

3.Hriatna fîm tel lova nawmchenna.

4.Nungchang mawi lova thiamna lo pung.

5.Dikna tel lova sumdawnna.

6.Hringnun ngaihhlutna tel lova khawvel thiamna sang.

7.Inpekna tel lova rawngbawlnate.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300