Mipui Aw 26.5.2013

MIPUI AW

KARTIN CHHUAK

Vol. XIX Issue No. 21 Kristian Thalai  Pawl  Saikhamakawn Branch  Pathianni Dt.26.5.2013

VAWIIN CHANG VAWN

            Chutichuan, Krista hnenah kaihthawhin in awm ve tawh chuan chung lam, Pathian ding lama thu Krista awmnaa thil awmte chu zawng rawh u. Chung lama thil awmahte chuan in rilru nghat tlat rawh u, leia thil awmahte chuan nghat lovin. In thi tawh a, in nunna chu Pathianah chuan Krista hnenah thuhrukin a awm si a. Krista kan nunna chu a lo inlar hunah chuan nangni pawh ama hnenah ropui zingah in inlar ve ang.

KOHHRAN  PROGRAMME

Pastor  Bial  Fan

26. 5. 2013 (Pathianni)

S.S Inkhawm

|antu           : Pi Rampuii

Chawhnu Inkhawm

Thuhriltu    : Pastor C. Sapkaia

Zân Inkhawm

Thuhriltu    : Pastor C. Sapkaia

KTP PROGRAMME

 Dt. 27. 5. 2013 (Thawh\an zan)

Sermon Inkhawm

Hruaitu           : Pu C. Lalmuanpuia

|antu              : Tv. J. Laldinsanga

Thuhriltu       : Upa Lallawmchhunga

Thilpek lakh- : Nl. Lallawmzuali

awmtu turte   : Nl. B. Lalnunthari

May thla chhûnga hla hruaitu leh

musician turte

Hla hruaitu    : Tv. Malsawmzuala

turte                  Nl. Lalhmunsiami

Musician         : Pu R. Lalmuanpuia

KOHHRAN  HMEICHHIA (28. 5. 2013)

Hruaitu           : Pi Lalhmangaihi

|antu              : Pi Lalchhuanawmi

Thuhriltu       : Pi Rokhawli

           

           

SERMON

MAHNI  TA  KAN  NI  LO

            A nih leh, in taksa chu,in chhûnga awm Pathian hnên a\anga in hmuh Thlarau Thianghlim in a ni tih in hre lo em ni le? Mahni tâ pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u.                                        I Kor 6:19-20

           

            Kan Pathian thu chuan mihringte hi ama tâ kan nih zia bible châng kan han tarlan a\ang khian a lang chiang hle. Bible chu a daw dawn si lo, chuvang chuan Pathian tâ kan ni tih hi kan awih mai a \ul awm e.

            Bible bul lam kan chhiar chuan mihring te hi Pahian siam kan nih thu kan hmu a, ama anpui ngêia a siam kan ni tih pawh a lang chiang hle, chumaibakah a thilsiam dang zawng zawng ai pawha kan ropui bîk zia te, a thilsiam dang te chungah pawh thunei tur leh enkawltu tur kan nihzia pawh kan hre \heuh awm e. Chumai pawh a la ni lo, nitin Amah nên an lêngdun a; an in pâwl \hin a ni. Chutianga Pathian nêna lêngdun \hin ama nunna thaw ngêia nung mihring te chuan sual bumna hnuaiah tluin Pathian fa kan nihna a\angin kan bosan ta a, fa kan nihna a\anga bosan in sual fa kan lo ni ta. Hrem tuar tur mihring kan lo ni.

            Sual bumna avanga Pathian hremna kan tawh tur chu amah Pa Pathian ngei chuan phal lovin a fapa mal neih chhun Isua Krista chu kan sual thawi nân amah leh amah in tihlungawi nân a fapa ngei nunna chu keini misual te min tlan nân min rawn pe ta a ni. Tichuan Pathian thisena lei ama nunna a tlan chhuah kan ni a, keini in kan hriat loh lai leh kan pian hmâ kum engemaw zat kal tawh a\ang khân sual bawih a\angin min lo tlan tawh a, tuna kan awm ang hian Pathian fa nihna hlu tak chu kan lo chang der tawh a; ‘Lalpa ka lawm e’ tih mai lo chu tih theih kan nei lo.

            Kan tih ve tel lo chhandamna kan chan avâng erawh chuan tih tur kan nei ve ta, awm mai mai tur kan ni lo a, kan taksa pêngte Pathian hman atâna felna hriamhreiah kan hlan ve a ngai a ni. Mahni duhzawng leh châk zawng a awm tur kan ni lova min lei tu Pathian ta kan ni a; a thu thu a awm tu kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rel anga thiam kan chang hauh lo ang.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

RAM LEH HNAM HUMHALH

            CYMA chuan kum puan atân, “Ram leh hnam humhalh” a puang a, chumi hmalâkna kal zelah chuan Rangvamual leh Phunchawng lama ram dang mi awmte chu a chhuah tir hlawm a ni a, chu mai nilovin ILP nei lote zawng chhuakin  hma nasa takin ala mêk a ni a, hemi kawngah chauh lo pawh hian hma lâkna tam tak a nei bawk. Kei ni vengah ngei pawh hian mimal tin hian kan ram neih chhun leh kan hnam humhim tur hian theih tawp chhuah ve bawk ila, hnamdang mi khawtlang hruaitute hriatpuina lova lo awmpui mai ang chite, mahni in lo luah tir ang chiahte pawh kan finkhur tlân \heuh a pawimawh âwm e. A tira thil hotêa kan ngaih \hin, a hnûa siam \hat leh har tak leh mi tam tak nunphung tibuai a, mahni mihring puite chunga harsatna thlentu kan nih lohna turin engkimah hian fimkhur tak kan hmalam hun thlir tel chung zelin kan thil tihte hi kan tih a \ul \hin a ni. Chuti anih loh chuan a tawpah tharum tak meuh meuh a inbeih a ngaih chinah hi chuan a fuh tawh \hin lo. Chuvangin bul\hut a\ang hian theih chin chinah i fimkhur thiam \heuh ang u.

ARTICLE

HMABAK  NEIH

                                                                                    Pc. Hriata

            Nun chhan neilo hi mihringah hian kan awm lovang ti ila kan sawi sual ka ring lo. Mahsela nunchhan nei tawh lo ni a in hriate erawh chu he khawvelah hian a awm rei peih lo thung. A awmzia takah chuan he khawvelah hian nun chhan neilo mihring chu relo te hunchhung an awm ve zeuh \hin tihna a ni. A nih chuan nang leh kei hi hrisel takin kan dam a, engnge kan damchhan? emaw kan nun ve reng chhan hi kan in zawt ngai em le? Thil pawimawh tak a ni, he kawvelah hian Nangmah leh I chhûngte tân chauh em ni I nun? Nge Pathian rawngbawl turin? Nge ni a nuam I tih vang hrim hrim le? Kan nun chhan hi mahni in zawh a, chumi  chu ti puitling tura \an lâk a \ul hle awm e.

            Natna hreawm tak tuartu; dam châk lutuk avanga thih thlang zawk rum rum an sawi \hinte pawh hian chhel taka an la tuar nachhan chu beiseina tlem tal an neih vang a nih ka ring \hin. Mihring rilru hian thil \halo kan chungah a thleng thei a ni tih hre reng mah ila chumi beisei chu thil har tak a ni thung si. Nimahsela chu hun chu kan thleng ngei \heuh si. Harsatna leh manganna tâwpkhâwk ka tawk tia kan in dawm kun reng laia thih kan la thlang lo anih ngat chuan eng nge beiseina ila neih a, engnge hmabak nei nia I nun in a la in hriat? tih ngaihtuah chhuak vat ang che, chu chuan chakna a pe ngei ngei ang che. Chumi lam kawng zawh tur chuan in tih harh a, hnunglama thil awm; I rilru ti hah mêktu pawh kha, hnunglam a mi a ni tawh tih hre zui nghalin, huaisenna leh tihluihna chuan mihring nun chu thui lo te tal hruai tir a \ul hle a ni.

            Mihringte hian hmabak nei niin kan in hre vek a, chumi lam kawng chu kan zawh hlawm \hin. Kan hmabak neih kan hlenna kawnga min dâltu lian tak chu hun kal tawh a kan thil lo tih hi a ni awm e, chutih rual chiah chuan hun kal tawha kan thil tih chuan min pui thei bawk. Hei tak hi awmze nei a kan nun hi hman a \ul nachhan a ni, a tih theih ang. Hnunglama thil awm chu theihnghilh turin in ti ngawt \hin mah ila, hmalama thil awmin min ti hreawm ngâi si lo, kan hun kal tawh in min ti hreawm \hin si. Hetiang anih avang hian chiang taka lang ta chu he kan hringnun hian hmabak tih tur a nei \heuh a, chu kan hmabak leh hmachhawpte a hlawhtlinna hmu tur chuan kan hun hman turah ruahmanna fel tak nena nun kan hma a \ul a, tin, kan hun kal tawh hian min ti na \hin tih leh beidawnna min siam \hin tih hriat bawk a pawimawh hle awm e.

            Kan tisa lam hmabak leh hmachhawp ringawt pawh hetiang taka kan ngaihpawimawh si chuan, kan thlarau lam tan hian eng ang takin hmabak nei nia kan in hriat. Khawvel mihring tam zawk hian thih hnua chatuan nuna chungchang an ngaihtuah vek a. Chumi huna thlamuang tak leh nuamsa taka an awm theih nan chuan leia an damlai in hreawm an pawisa ngai lo. Keini ringtu te pawh hian Pathian duhzawng tih a thih hnua Pathian hnena awm chu kan hmabak pui ber a ni ngei mai. Mahse chu nun chu i hmabak a ni em tih i inzawt ngai em le? Nge i ngaihtuah ngai lo. I hmabak neih ho hi i nun a tawp ruala tawp ve mai tur a ni em? Thih hnu nun, chatuana awm turah chan \ha chan ve tur nei niin tuna in dinhmun a\ang khan i in hria em? Kan damchhunga hmabak nei nia kan hriatte ti hlawhtlingin chu chuan dinhmun sang takah min dah mahsela, he kan tisa tinungtu kan thlarau tan hian hmabak \ha kan neih ve si lo chuan kan va khawngaihthlak dawn êm!

            Hringnun mai nilo thlarau nun nen lam hmabak nei mihring kan lo ni reng tihna nih chu. eng nge hmabak i neih ve le?

HRISELNA HUANG

FU

A chanchin tlângpui: Fu hi Mizoramah kan chîng ve \hinin hre lo kan awm kher âwm love. Kurtai leh Chini te hi fu a\anga siam a ni. fu chi hrang tam tak a awm a, India ram hmun hrang hrangah an chîng nasa hle.

Damdawia hman theihte: A kûng, a tui sawr.

Damdawia hmannate:

Pumpui lâwng: Fu tui, Limbu tui leh sawhthing tui tlemte nên chawhpawlh a, nitin in \hin tur, he damdawi hi thluak leh kal tân pawh a \ha.

Thisen nei tlem: Kurtai hlui bawnghnute in chhum a, in tur.

Nghamit: Kurtai tih lum bel a \ha.

Taksaa darthlalang them tâng: Kurtai leh ajowan dip inzât chiahin chawhpawlh a, taksaa darthlalang them luhna hmuamhmâah bel tur a ni.

Irhfiak: Fu tui leh sawhthing ro tih dip chawhpawlh a, in a \ha.

Mawngkawchhûng nâ: A zîk \hial sawm a, a tui lem a \ha, khawsik a tel erawh chuan tih loh tur.

Thâwk harsa: Fu tui leh sawhthing densawm tui sawr 10ml chawhpawlh a, nitin nokhat in tur.

Ke zungpui nâ: Kurtai leh chinai inzâtin chawhpawlh a, ke zungpuia bel a \ha.

Lu hai, luakchhuak: A zîk no chansawm tuiin chhum a, a chhumna tui chanve a so kang hunah in tur. He damdawi hi naupâi lâia luakchhuak hlûi \hin tân pawh a \ha.

HMAWNG

A chanchin tlângpui: Hmawng hi thingkûng zar ngah tak a niin 30m vela sang a ni tlangpui, a hnah hmawr lampang hi a zuih deuh \hin. A par bawr khatah hian a nu leh a pa a awm a, a pâr pa hi a nu aiin a te zawk. Temple leh Pagoda bul velah te an phun \hin. chi hrang 65 vel lai a awm a, damdawia hmanna erawh a in ang vek lo. Heta kan sawi lai mêk hi Ficus religiosa a ni.

Damdawia hman theihte: A hnah, a rah, a zung leh a pil.

Damdawia hmannate:

Vun natna hrang hrang: A pil 60gm densawm a, tui 1lt in mei na vak lovah a chhumna tui 250ml anih thlengin chhuan kang a, 60ml zelin karkhat chhung nitin zing leh tlaiah in \hin tur a ni.

Pân chhia: A pil hâlna vâp hnawih a \ha emaw a pil phoro tih dip pânah hnawih a \ha.

Thawhah: A rah tui tlemte nêna densawm tui sawr 5ml zelin nikhatah vawi hnih, khawizu tlem nen in \hin tur.

Phar: A zung rawtsawm diak bel a \ha.

Thâwh harsa, hrawk nâ: A zung rawtsawm chi tlem nen chhum a, hrawk \huah nan hman \hin tur.

BIBLE  QUIZ  No.21

JOBA  BUNG (11-15)

A kâr âwl dah khat rawh :

Q1.Van aia sâng a ni a, nangin eng nge i tih theih?

___________________aia thuk a ni, nangin eng nge i hriat theih?

Q2.  Hnahthel leng chu i chaih buai dawn êm ni?

____________________ ro chu i um dawn êm ni?

Q3.Tlâng chim meuh pawh chu a riral a,

____________________ pawh a hmun ata sawn ani a;

Q4.Grêp hrui angin a rah hel a sawi til ang a,

____________________ angin a par a thing thla ang.

A bung leh châng dah rawh :

Q1.Mahse, mi suaksual mite chu a thlawn ang a,

Tlan chhuahna kawng reng an nei lo vang.

An nghahfak b3er pawh thih mai a ni.

Bung: ...............          Chang: ....................

Q2.A hausa lo vang a, a sum leh pai chu a awm hlen hek lo vang a,

An neihte chu lei lamah an kur hek lo vang.

Bung: ................         Chang: ....................

Q3.Mi tihlum hila mah sela, amah chu ka nghak cheu vang:

Mahse, a hmaah ka kawng chu ka tan ang.

.Bung: ................         Chang: ....................

Q4.A hnênah finna leh chakna a awm a,

Rem hriatna leh  hriat thiamna a nei a.

Bung ...................        Chang .....................

Q5. A nite chu ruat sa anih a, a thla zat lah chu i hnêna a awm a, A pelh theih loh tûra ramri chu i ruat ahnuin,

Bung ....................        Chang .................

Hming : ......................................................

Section : .....................................................

BIBLE QUIZ  NO. 20 RESULT

Chhanna lut zawng zawng : 3

Chhang dik vek                       : 3

Lawmman dawngtu     : Lalropuii Khiangte (T.sec)

,            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun    : Pu Kamzawngliana

A hun       :30. 5. 2013 (Ninga zan)

Chairman : Pu Lalhmingliana

|antu        : Pu Vanlalruata

                  |awng\ai rual leh rilru sawi a hun hman tur a ni.

                  Vawiin chawhnu inkhawm bân Fellowship Upa Zairemthanga te inah neih tur a ni a, he hunah hian hla zir nghal bawk tur a ni e.

K.T.P  HRIATTIRNA

1. K.T.P memberte  27. 5. 2013 (Thawh\an zân) inkhawmbân  hian Bial K.|.P meet-a rem tur hla zir leh tur a ni a, member ten \hahnemngai takin zir \heuh i tum ang u.

2. June ni 1 & 2 a Hlimen Pastor Bial K.|.P meet kan Kohhran in an thlen tura inbuatsaih nan K.|.P memberten ni 30.5.2013 (Ningani) hian nilenga hnatlâng neih tur a ni a, a tam thei ang ber hnatlâng turin kan inngên a ni e.

HRIATTIRNA

            YMA information kaltlanga au tur nei ten zinglamah dar 8:00 thleng au theih a ni a, tlailamah chuan dar 4:30 a\anga zan dar 8:00 thleng au theih a ni a. Inkhawm awm laiin emergency thilah lo chuan au theih a ni lo.

            Chhiat tawh chungchang leh emergency thil anih loh chuan hemi hun chhung bâkah hian infomation a\angin au tir thei a ni lovang.

            Au tur nei ten Information Sub-Committee Member te chauh au tir \hin tur a ni ang.

Sd/-

(LALZAAWMA)

Secretary

YMA information sub-committee

Letter  To  Editor

( Editor ngaihdan a ni vek kherlo)

            Khawngaihin i he thu hi i chanchinbuah min chhuahsak turin ka dil a che.

Subject: Zu leh ruihhlo hi.

            Tunlai Aizawl khawpui chhûnga zu leh a ruihhlo vânga thil thleng hi han sawi lan ve lawk ka duh a. Kan hriat \heuh angin Rangvamual leh Phunchawng lamah zu zuarte hnawtchhuakin zu tih rêm tum a ni a. Hemi kawnga hma latute an fakawmin ngaihsân an phû viau in ka hria. Mahse hetia zu a tlêm tâk duak ah chuan chiang taka kan hmuh chu zu tlem vângin zu \ha a awm lova, zu chhe in vângin mi tamtak chuan nunna an chân phah a. Thil \halo tih vânga nunna chân nimahse, lainatna leh khawngaihna nêna en loh theihloh ve bawk si. Zu \halo zuartute an demawm ve mêk bawk a. Zu chhe in vanga thi an tam avangin zu \ha zawrh mai duhna rilrute a lo piang mêk zêl bawk a. Hei hi thil \ha ber a ni angem? tih hi ngaihtuah ngun chu a ngai khawp mai.

            Hetiang thil a lo thlen tâkah chuan MLTP Act siam\hat a, zu \ha chauh hmuh theih nân tia ngaihtuahna a lo awm chho \an mek a. Sawrkar hialin ngaihtuahna a sêng dawn tih thâwmte a lo ri ta. Hei hian thihna leh ruihhlo a tlem zawk rin vang leh \ha zawk nia ngaihdân a awm vangte pawh a ni ngei ang. Mahse ngaihtuah ngun ngâi deuh awm chu. Zu hi tih zalen ni ta se tuna zu chhe in vanga thi an tam ai hian zu \ha in vanga thi hi an pung zawk ngei ngei ka ring tlat a. A chhan chu zalên taka banphaka a awm vang a ni. Tin, ruihhlo dang pawh hi a a tlem phah chhan tur a awm hran lo, zu ngawlvei leh drugs ngawlvei te hi a hran a ni tlat a ni. MLTP Act tih zalen hi sual vulhna ni ngêiin ka ngai, i ti ve lo maw pu editor.

- Zu Khapburduha

TUALCHHUNG

,Zothansangi (Sang Sangi) d/o B.Lalrinzauva (Ch.Sec) chu damlohna avanga Zemabawk Cancer Hospital-a enkawl anih hnuin alo chhuak.

TIAM  TLAT  E

Stephan C. Vanlalchantluanga

s/o C. Vanlalsanga

LEH

Lalnuntluangi (L.N-i)

d/o H.K. Lalrinmawii, Dinthar

            Ni 31.5.2013 (Zirtawpni) 1:00pm hian Saikhamakawn Kohhran Hall-ah a nuamah pawh, hrehawmah pawh; kumkhuaa lêngdun turin tiam tlat e an ti dawn.

            Fanâu maltluan châwia nupa inlungrual tak ni turin Mipui Aw Editorial Board-te chuan duhsakna kan hlân e.

SYNOD MUSIC COMMITTEE HRIATTIRNA

            Synod Music Committee buatsaihin Synod School of Music hnuaiah June - August, 2013 chhung hian Tonic leh Staff Notation (Morning Class) zirkawp duhte tân Seat dil theih a ni a, a hnuaia tarlante hi hriat nise.

1. Synod Offce, Music Deptt. a\anga application form lachhuakin May ni 29, 2013 (Nilaini) thleng thehluh theih a ni anga, May ni 31, 2013 (Zirtawpni) ah Seat chang turte hming târchhuah a ni ang. Zir tura thlante chuan June ni 3 & 4, 2013 ah admission tih fel tur a ni ang.

2. June ni 5, 2013 zing dar 6:30 a\angin class \an tur a ni ang.

3. Dîl naah mahni awmna Kohhran lehkha thil tel tur a ni.

4. Hriattur \ul dang chu Admission form-ah tarlan a ni.

VAWIIN KHAWCHIN

A lum lai berin : 280C

A vawh lai berin : 230C

    Chawhma lamah 0mm, chawhnu lamah 2mm leh zân lamah 5mm (wheatherforcast.com)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 19.5.2013

MIPUI AW

KARTIN CHHUAK

Vol. XIX Issue No. 20 Kristian Thalai  Pawl  Saikhamakawn Branch  Pathianni Dt.19.5.2013

KOHHRAN  PROGRAMME

19. 5. 2013 (Pathianni)

Pentikos Ni

Chawhma Inkhawm

Thupui           : Thlarau thuhmun an chang

Sawitu            : Upa Lalrindika

Chawhnu Inkhawm

Thupui           : Thlarau dik changte awmdan

Sawitu            : Upa Lalzuiliana

                     Zân Inkhawm

Thupui           : Thlarau rah

Sawitu            : Upa Zairemthanga

Chawhma thilpek a awm ang a, Zanah PCI pual tawngtai leh thilpek lakkhawm ani bawk ang.

KTP PROGRAMME

 Dt. 20. 5. 2013 (Thawh\an zan)

Thupui zirho

Hruaitu            : Pu Lalremruata

|antu              : Nl Lalrinliani

Thupui           : ‘Keimahni leh kan chhehvel thil te’

Thupui hawngtu : Tv. C. Laldawngliana

Thilpek lak-   : Nl. Zonuntluangi

hawmtu turte                Nl. Lalhmangaihsangi

May thla chhûnga hla hruaitu leh

musician turte

Hla hruaitu    : Tv. Malsawmzuala

turte                   Nl. Lalhmunsiami

Musician         : Pu R. Lalmuanpuia

Vawiin tlâi Fellowship

Hruaitu           : Nl. Lalrinchhani

Tantu              : Nl. Pc Lalrinmawii

KOHHRAN  HMEICHHIA (21. 5. 2013)

Hruaitu           : Pi Hmangaihsangzuali

|antu              : Pi Laldingpuii

Thuhriltu       : Pi Rimawii

NPSS HRIATTIRNA

            Vawiin Pentikos ni chawhma inkhawmah hian NPSS te hla rem tur ani a, dar 9:15 ah Biakin ah kim tur a ni e.

           

           

SERMON

KAN  SUALNA  TE  HI....

            Ka bawhchhiatnate hi ka hre ta si a:Ka sual hi ka hmaah a awm fo thin a ni. I chungah, i chung chauhvah thil ka tisual a, I mithmuha thil sual ka lo ti ta a:                         - Sam 51 : 3 - 4

            Ringtute hi chauhchang nei kan ni tih hi tuman kan pha thei lovang. Kan han piangthara, chhandam hlim lawmna kan chan lai chuan chaklo thei leh tlu thei angah pawh kan inngailo hial \hin. Kawng lehlamah chuan min tichaktu Pathian vang chauh chuan chau lo leh tlu lova awm tur kan nih laiin kan chau a, kan tlu \hin si a nih hi. Mahsela Pathianin a khawngaihna avangin min kaithoin, Thlarau Thianghlim zarah chakna thar kan nei leh \hin. Chuvang chuan ringtu piangthar \ha tak ni mah ila, suala tlu \hin leh chaklo \hin kan nih avang hian kan sualna te hi midangte hmuh theih tur hian a lo awm leh \hin a, heivang hian Pathian hming chu khawvel mite hmaah ka tichhe fo \hin a ni.

            Engvangin nge ringtute hi kan chakloh \hin. Sual keimahnia lian kan do zawh loh emaw kan tlansan phalloh emaw avangin sual chuan min hneh a, kan chaklo \hin a ni. Ringtute hi chaklo ngawt kan ni ngai lova, a chhan ber chu sual kan tih vang a ni. A nih chu sual chu engnge ni ta ang. Mihring kan inang lo ang bawkin kan hmaa sual hnathawh leh thlemnate hi a inang lo hle hlawm awm e. |henkhat tan zu leh ruihhlote sual do zawh har tak a nih laiin \henkhat tan chuan do zawhloh chu sawi loh, engatan maha an ngaihloh thil a ni thei a. Kan mizia leh kan nunphung azirin kan hmaa sual awm hi a danglam hle mai. Addict piangtharin a chakloh vangin ruihhlo a khawih leh a, tin, mi nuntluang pangngai piangthar  alo chak lohin inkhawm leh bible chiar a thlahthlam ve thung a.  Pathian lam a\anga thlir chuan ringtu sualvanga chaklo leh hnungtawlh mek an ni ve ve tho. Mihringten kan thliar mai mai chauh zawk a ni. Kan hriat reng tur chu kan sualnate hi Pathian mithmuh a\anga teh a ni zawk \hin tih hi.

            Lal Davida chuan Uria nupui a uire a, chumi hnuah Uria ngei pawh indona hmuna a thih ngei theih nan ral hmatawngah dahin, indonaah a thi ngei reng a. Chutah Pathian hmaah a inhmuhchhuah meuh chuan Davida chuan Pathian chungah chauh a ni thil a tihsual tih a hrechhuak a, mihringte ngaihah chuan Uria leh a nupui chungah thil sual lian tak khawih niin a lang. Mahse Pathian hmaah a ni Davida khan thil a tihsual ni. Keini pawh kan \henawm khawvengte chungah te, kan mihringpuite tan harsatna leh chiatna kan lo thlen tawh a ni thei, chutianga kan tihsualna te ngei mihringte chuan min ngaidam eng ang mahse Lalpan min ngaidam em? tih hi inzawt ila. Pathian hmaah a ni thil kan tihsual \hin, i hre thar \heuh ang u.

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

CHHIATRUPNA LO THLENG |HIN HI

            Mizoram hi tlang ram a ni a, chuvangchuan ruah a han sur vak châng leh khua a’n chên deuh tawh hi chuan hmun hlauhawm hi a tam êm êm mai tawh \hin a. Tun thla |omir thla ang chiah ngat phei chuan \o haw hunlai a ni a, a hlauhawm leh zual a ni. A chhan ber chu chhiatrupna lo thleng \hin hi a ni a, hetiang lo thleng tur hi a invên lawk theih loh nachung hian tam tak erawh hi chu lo invên lawh theih pawh a awm ve bawk \hin. Entirnan, kan tuichhe paihna ang chite leh kan inbula tuihâwk luankawr ang chite uluk tak leh fel faiin a luang em? Tui tling ral thei lo a awm em? Lei khî a awm em? Silpaulin z^r ngai ang chite a awm em? Lei hnuaia tui lût ta daih chi angte a awm em? tih ang chite hi en fiahin siam\hat ni ta sela engemaw chenah hetiang chhiatrupna hi a pumpelh ve theih âwm e. Chumai bâkah kalna kawng chungchângah pawh kalna tur hmun in ang rau rauvah hetiang hun lâi hi chuan kalna kawng hlauhawm lo zawk alo awm anih phei chuan kawng ralmuang zawkah chuan kal hrâm hrâm theih ila, hetiang chhhiatrupna ang chi lakah hian a theih chin chinah mahni \heuh i fimkhur hrâm ang u.

ARTICLE

HMUN HLAUHAWM

-Dinga Fanai

            Fur chu a ni ta reng mai, Mizoramah chuan furin a ken tel tlat thil pakhat chu leimin hi a ni ngêi ang. Mizoramah chang lo pawh Sonapur lamah pawh leimin hi chu alo awm ve ngêi ziah bawk. Amaherawhchu Mizoram hi a hlauhawm bîkte pawh ti ila kan sawi sual âwm love. Dawihzep vâng nge thil lo suangtuah thui vâng zawk Aizawlah ngêi pawh hian hmun hlauh deuh deuh mai ka nei nual tlat mai, han sawi thuak thuak ila:

1)   Thuampui to Bawngkawn Road: He lai hmuna i kal tawh chuan chhaklam han hawi phei la; a hlauhawm zia chu sawi kher a ngai tawhin ka ring lo, a ko a sang a, motor pawh nise tlân laklawh laiin lung alo tla thut ang tih hlauhawm tak a ni. Bawngkawn Hmarveng (Bawngkawn North) phei saw chu ka þih tak zet.

2)   Durtlang to Bawngkawn Road: Durtlang kawngchho kan tih mai hi a zâu tawh viau nâa ala min fo mai, kawnghnawh vek khawpa a min châng pawh a awm þhin. A zauh avang hian hlauh loh ngawt chiah kei chuan ka ruat ve lo.

3)   Ramhlun to Chanmari: An inrîna tak maia kawngchhak lam lung ko saw i en chho ngai em? Kal laklawh laiin vawilehkhatah a rawn tla phut ang tih ka hlau þhin. A chhak lamah rawn tla; insah huk thei tûr Laipuitlang tuikhuah ala awm cheu bawk.

4)   Chaltlang to Chanmari: Chaltlang Road tiin hriat a hlawh hle, in race nân an hmang fo þhin bawk. Hmânni chu Chanmari aþanga Chaltlang pana ka tlân lai takin chhaklam aþangin a rawn min thut pek a, ka bula tlân ve tho bike khan tlan lui pawp rawh a rawn tia ka tlân lui a, ka chhuak hrâm. Bike pawh tlêmte chu a rân phah tawh. Hei vâng hian ania leimin ka hlauh tâk êm êm ni.

5)   Bawngkawn to Hunthar via edenthar & Chanmari west: Lêngtâwi an tih lai tak mai saw. Hmânah pawh nunna chân an awm tawh kha. Zûam ngawt chi a ni lo. A chhak a ko luttuk. La tla tûr waiting list ala awm þeuh mai.

6)   Tuikual to Vaivakawn via Dinthar & Dawrpui Vengthar: Temple aþanga i kal thlâk chuan lungpui ko bûr hnuaiah I lût thla ngêi ang tih ka ring. Saw lai kawng ko bûr mai hnuaia ka kal lai sawn thlamuangin ka kal ngai lo hrim hrim. A ko chungah lah in lian mangkheng ala awm zui… Chupawh an la luah vek nia mawle... In neitupa saw chu saw inah sawn a awm ka ring lo hrim hrim.

7)   Mission veng to Kulikawn via Thakthing: Thakthing Khâmphei tiin a lâr mah zawk âwm e. A min tawh a, a thlanga in pawh a hnâwl thlâk vek tawh kha. Kawng a zau lova, tlân chak har lai tak a ni. Thakthing tlang aþangin a tlângpumpui mai saw min thhei mai tûrah kei chuan ka ngai hial mai.

8)   Saikhamakawn to Kulikawn via Ngaizel: Ngaizel khâm zet saw chu ruah a sûr hlek chuan ka kal ngailo hrim hrim, a hêlna tûr a awm þhat vângte pawh nimahnâ. Râwn tla mai thei tûr waiting list pawh a awm þeuh mai. Thlamuangin ka kal ngailo ve bawk.

Mihring vânneihna hi a sang in ti phawt mai teng. A sang hi ka ti tak meuh meuh a ni. Hetiang lung ko leh khâm ko tam tak kârah hian Aizawl mipui leh khualzin kan vei vâk a ni a, mihring nunna chân hi chu sawi tham lek chauh ania, tûn fur lai rauhtui tam lai hi chuan mitinte kan theih ang chin chinah i fimkhur ang u.

HRISENA HUANG

DIRIMTUI

A chanchin tl^ngpui: Dirimtui hi Kerela leh Tamil Nadu state-ah chuan a hriak sawr at^n an chîng \hin a. Mizoramah pawh hmuh tur a awm ve nual. A hnah nuai sawm emaw densawm emawin rimtui tak alo chhuak \hin. A hnah a\angin a hriak an sawr chhuak \hin a, a hriak hi damdawi lam a bîkin Vitamin A siam nân an hmang \hin, thil rimtui siam nân pawh an hmang bawk.

Damdawia hman theihte: A kûng pumpui.

Damdawia hmannate:

Ruhseh: A hnah chhumna tui sâah towel emaw puan emaw huha ruh na lai deh nân hman a \ha.

Awrpuar: A hnah 1kg tui 16lts-in mei na  vak lovah 4lts anih thlengin chhum tur. A zung 120gms fai taka sil hnuah densawm diaka a hnah chhumna tui nên chawhpawlh tur a ni. Chumi hnûah chhawhchhi hriak 1lt nên chawhpawlh leh a, mei na vak lovah chhuan leh tur, chhuan l6ai hian chawh reng tur a ni. Liter khat anih hnûah dah daiha puan hmangin a hriak sawr fû vek tur. A hriak chu saidawiûmah dah \hat a, nitin lûah thih tur, a tlêm berah darkar hnih tal chiah tir a, lu zûkin shbawn hman loh tur.

Zun nei lo: A kûng chhumna tui in tam tur.

Thosi tih bo nân: A hnah ro in chhûngah muh a \ha.

FAR|UAH

A chanchin tlângpui: A kûng hi hlîngin a khat vek tih theih a ni. Thlasikah a hnah a tla kawlh \hin a, a hnah tlâk kawlh hnûah pâr sen mawi tak a chhuah \hin. A thing hi a hnip hle a, lehkhapuan siam nânte leh nawhalhbawm siam nânte an hmang \hin.

Damdawia hman theihte: A pil, a hnah leh a pâr.

Damdawia hmannate;

Khawsik: A pil 60gms tui liter khatin mei na vak lovah a tui 250ml anih thlengin chhum a 30ml zêlin nikhatah vawi thum in tur a ni.

Thi neih chungchanga harsatna nei: A pil densawm diak thirfiante khat leh bawnghnute no khatah chawhpawlh a thi neih hma nithum a\angin thi a hul thleng a ei tur.

Santên: A hnah ro rawtsawm diak a thifiante khat zêlin nikhat vawi thum ei tur.

Mit \ha lo: A pil rovah bawnghnute ghee tah a hâlin a khu chu darthlalangah ur tir tur, darthlalang a thil dum lo kâi chu ‘rose water’ nên chawhpawlh a, mit bul vêlah hnawih tur a ni.

Beng nâ: A hnah tui sawr bengah hnawih a \ha.

Ha nâ: A hnah tui sawr hnawih emaw a hnah \hial emaw a \ha.

Taksa tih chak nân: a pâr rawt sawm diak 10gms leh bawnghnute no khat chawhpawlh a, zingkârah in \hin tur.

Ruh chuktuah nâ: A hnah rawt sawm a, ruh na lâiah bel a \ha.

BIBLE  QUIZ  No.20

JOBA BUNG  6-10

A kâr âwl dah khat rawh :

Q1.Engkimtitheia thal ka chungah a awm si a, A tûr chu ka thlarauvin a in zo va; ___________________ tihbaiawmna chuan mi ep a.

Q2.Ka mutin, ‘Engtik takah tho ang i maw’ ka ti a; Mahse, ________________ a rei êm êm; Khawfingchah thlengin ka let ka let a.

Q3.I fate a chungah an sual a nih chuan An bawhchhiatna _______________ah a mantir a:

Q4.Thinlunga fing, chaknaa engkimtithei, A laka __________________________ tunge hmuingil?

Q5.Tisa mitte chu i nei vein Mihring hmuh angin i hmu êm ______________?

A bung leh châng dah rawh :

Q1.Chuti pawhin thlamunna ka la nei cheu, A ni, ka lawm cheu vang, natna thlah loh chung pawhin, Mi thianghlima thu chu ka phat loh avangin.

Bung: ...............          Chang: ....................

Q2.Chuvang chuan ka kam ka sum lo vang; Thinlung lunghnurin ka sawi dawn e; Rilru na ngawih ngawihin ka phunnawi dawn e.

Bung: ................         Chang: ....................

Q3.A la duah lai reng pawhin sahthluk lohvin. Thlai dangte aiin a uai hma thin.

Bung: ................         Chang: ....................

Q4.Pathianin a thinrimna a sun lo vang a, Rahab puitute a hnuaiah an kun a.

Bung: ................         Chang: ..................

Q5.Lo sual ila, nangin mi chhinchhiah ang a, Ka khawlohna ata mi tichhuak lo vang.

Bung: ................         Chang: ..................

Q6.Mi suaksual lo ni ta ila, ka chung a pik ang; Mi fel ni ila, ka inluling lo vang; Muapho letder chungin leh ka hrehawm enin.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 19 RESULT

Chhanna lut zawng zawng : 5

Chhang dik vek                       : 5

Lawmman dawngtu     : Lalrinsangi (Ch.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

PAVALAI INKHAWM PROGRAMME

A hmun     : Pu R.Lalsangliana te In

A hun         :23.5.2013 (Ninga zan)

Chairman  : Pu F.Lalrinpuia

|antu         : Pu Lalthanhranga

                  |awng\ai rual leh hla zira hun hman a ni ang.

                  Ni 3.8.2013 hian Zoram pum Pavalai Meet Bethlehem Kohhran Biak In ah neih tur a ni a, Ni 4.8.2013 (Pathian ni) chawhnua hla rem tura min sawm angin hla rem tur a ni a, a tam thei ang ber Pavalaite hla rem turin kan inngen bawk e.

LAWMTHU SAWINA

                  Ni 7 - 18.5.2013 chhungin Golpel Fire Team-te kaltlangin Upa C.Lalmuankima te inhnuai a Camping chhâwng hnih lâi nei thei tura Pathian hruaina leh thil pêk chi hrang hrang sum fai leh a \ul ang apiang phal taka rawn thawh tute chungah lawmthu kan sawi tak meuh meuh a. In inpêkna leh in inphalna avangin mi sawmhnih panga (25) lâiin Thlarau Thianghlim thuam tharna an chang thar leh ta hi in \awng\aina leh in inpêkna avang a ni a, keini a buatsaihtute chuan in chungah lawmthu kan sawi a, Lalpan a lêt tam takin tisa leh thlarauvah malsawm zêl che u rawh se.

Camping Buatsaihtute

HRIATZAU NÂN

                  Mizoram Synod Information en i duh chuan mizoramsynod.blogspot.com ah emaw http://mizoramsynod.org/ ah te en theihin a awm e.

VAWIIN KHAWCHIN

A lum lai berin : 260C

A vawh lai berin : 220C

                  Chawhma lamah 1mm, chawhnu lamah 3mm leh zân lamah sur lo turin wheatherforcast.com chuan a sawi a, accuweather.com pawhin chhun lama ruah tla turin sawi bawk.

KRISTIAN |HALAI PAWL AIZAWL CHHIM PRESBYTERY MEET

VAWI 3-NA REPORT

                  Ni 11 & 12.5.2013 chhung khân Mission Veng Kohhran Biak In-ah Kristian |halai Pawl Aizawl Chhim Presbytery Meet hman a ni a, thupui atân “Tûnlai khawvel leh Kristian |halaite” (Rom 13:11) tih hman a ni.

                  Ni 11.5.2013 zan khân Saikhamakawn kohhran zaipawl zâiin a tûk ni 12.5.2013 chawhma inkhawm bânah Fellowship-ah kan Branch nula Nl. Debbie Lalfakzuali a zai a, chawhnu Fellowship-ah kan Branch vêk a\angin Hlimen Bial hmingin Instrumental Music an Play bawk.

Bial hrang hrang Report khaikhawm tlangpuite:

1. Member zât:                   Mipa          :3368

                     Hmeichhia    :2406

                     Total             :5774

2. January - December, 2012 chhûnga Thawh\anni zan K|P inkhawm percentage : 25.31%

3. Presbytery chhunga Bial K|P-te missionary châwm zât (SMB hnuai leh a dangte belhkhawmin) : Mi 16.

4. Presbytery chhunga Branch hrang hrang missionary châwm zât (SMB hnuai leh a dangte belhkhawmin) :Mi 54

5. Bial Committee member zât chawhrual : Mi 18

6. Bial Committee zât chawhrual : Vawi 8

7. Bial tinin chanchinbu kan chhuah thei vek em? :Chhuah thei vek.

8. Bial Zaipawl member z6at chawhrual : Member 24

9. January - December, 2012 chhunga Bial K|P member Biak In hawnga innei zât percentage : 35.8%

TUALCHHUNG

,Pi Laltlanmawii(Amawii) h/o Dailova (V.Sec) chu a mit zai anih avangin Synod hospital-ah enkawl anih hnûin alo chhuak.

>,Pu Zonunmawia h/o Lalhriatpuii (Tetei) (T.Sec) te chuan a pakhatna atan B.N. Hospital-ah fanu duhawm tak an nei thar.

,Pi Vanlalhluni m/o Rosie Lalzirliani (V.Sec) te chuan khawi ilo vah vêl nân Scooty (Rodeo) thar an lei.

,Pu Lalremruata w/o Lalrawngbawli (V.Sec) chu a pa te inchungah an inbawl hrang.

Zânin EPL inkhel turte

Chelsea Vs Everton (8:30)

Liverpool Vs QPR (8:30)

Man. City Vs Norwich (8:30)

Newcastle United Vs Arsenal (8:30)

Southampton Vs Stoke City (8:30)

Swansea City Vs Fulham (8:30)

Tottenham Vs Sunderland (8:30)

West Brom Vs Man. United (8:30)

West Ham Vs Reading (8:30)

Wigan Vs Aston Villa (8:30)

Team              Pts       GD

Man. Utd         88        43

Man. City        78        33

Chelsea            72        35

Arsenal                        70        34

Tottenham       69        19

Religation Zone

Wigan              35        -26

Reading           28        -28

QPR                25        -29

UEFA Champions League Final

Inrinni (25.5.2013)

Dortmund Vs Bayern Munich (12:15)

Zanin Laliga inkhel turte

Levante Vs Rayo Vallecano (3:30)

Deportivo Vs Espanyol (8:30)

Real Zaragoza Vs Athletic Bilbao (10:30)

Barcelona Vs Real Valladolid (12:30)

Thawh\an zan

Mallorca Vs Real Betis (1:30)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300