Mipui Aw 21.10.2012

MIPUI AW

Vol. XVIII Issue No. 43 Kristian Thalai  Pawl  Saikhamakawn Branch  Pathianni Dt.21.10.2012

VAWIIN CHANG VAWN

I thu hi ka ke atânte hian khawnvar a ni a, Ka kawng atân eng ani.

Sam 119:105

KOHHRAN PROGRAMME

21.10. 2012 (Pathianni)

Chawhma S.S inkhawm

Tantu           : Pi Lalhmachhuani

Chawhnu

Thusawitu   : Upa C.Lalmuankima

Zan Inkhawm

            NEICC puala tawngtai rual hun hman tur a ni thilpek pawh hemi puala lakkhawm  tur a ni.

Thupui : Rawngbawlnaa tanrual   

Thusawitu   : Upa Zairemthanga

       

KTP PROGRAMME

 Dt. 22.10. 12 (Thawhtan zan)

Hruaitu : Upa Lallawmchhunga

Tantu      : Nl R.Lalngaihawmi

Thusawitu : Upa Zonunmawia

Thilpek       :Nl Lalrinawmi

lakhawmtu   Nl Lalsawmliani           

October thla zai hruaitu turte

Hla hruaitu    : Pu Lalduhkima

turte                  Tv F.Laldingliana

Musician         : Pu Lalremruata

                          Tv. Zomuanpuia

       

VAWIIN  TLAI   FELLOWSHIP

A hmun    :  S.S Hall

Hruaitu     : Nl Lalramnghaki

Tantu        :  Nl Debbie Lalfakzuali

       

KOHHRAN  HMEICHHIA

PROGRAMME (Ni 23.10.2012)

Hruaitu : Pi K.Lalbiaksangi

Tantu      : Pi Lalramliani

Thusawitu : Pi Sawizuali

           

           

SERMON

Khawvel Eng

            Lal Isua Krista ringtute hi Amah Lal Isua ngei khan nihna hrang hrang min bel a. Chu nihna min tarlan sak chu amah Krista ngei pawhin a nihna a ni tih a sawi. Johana 1 thuah chuan Lal Isua ngei pawh kha Eng tiin a sawi a ni. chuvangin  Lal Isua ringtute hi amah anga eng tur kan ni. Lal Isua khan Amah ringtute kan nih dan tur hetiang hian tehkhin thu hmangin min hrilh a :

1) Tlang chhipa khaw awm     2) Khawnvar hal         3) Chi

Heng kan nihna tur a sawi te hi awmze nei tak leh  tum fel tak nei a ni.

1) Eng chhuak 2) Hmuh loh theih loh 3) A thlen chi zel chu a fanchhuak thin.

            Heng kan nihna tur a sawite hi mite hmuh loh theih loh thil langsar tak takte an ni. Hei hi ringtute nun Lal Isua sawi dan a ni.Amah Lal Isua ngei pawh kha he nun eng nei tu hi a nih kha; mitdel leh bengngawng lam pawh in an hai hauh loh khawpa eng leh langsar nun neitu a ni. A hniak hnunga kan zuina turin amah ngeiin entawn tur min hnutchhiah nun chu he nun hi a ni.

             Miten an hmuh a, chu ringtu nun engchhuak zarah chuan miten thlamuanna, hahchawlhna a nei ngei ngei tur a ni. Amah Lal Isua engah khan miten damna an chang thin. keimahniah hian miten hahchawlhna, damna , thlamuanna leh hlimna an hmuh theihna turin kan nun hi a engchhuak thin em? tih hi kan in enchian fo a tul awm e.

            Kan nun a lo en chhuah a, miten chawlhna leh damna an chan theihna tur chuan Thlarau Thianghlim min chenchilh rengtu tur pek kan ni. Chu Thlarau Thianghlim chu kan nun atang hian a rah chhuak tur a ni a. Paulan  chu thlarau rahchhuah dan tur kawng hrang hrangte chu min ti hian a sawi. “Thlarau rah erawh chu hmangaihna te, hlimna te, remna te, dawhtheihna te, ngilneihna te, thatna te, rinawmna te, thuhnuairawlhna te, insumtheihna te a ni zawk e” tiin Paula chuan  a sawi.

            A nihna takah chuan heng thlarau rah chi 9 te hi mahni in haivur a ka hlimna tur leh ka lawmna tur ringawt atan chuan rah chhuah tir theih a ni lo. Chu chu kan Pathian tum dan leh ruahman dan pawh niin a lang lo. Midang te tan a Malsawmna kan lo nih theih nan a rah chhuahna tur a ni. Chu rah chhauka  chu miten an hmuhhmaih thei ngai lo. A lo Eng chhuak thin a. Chu Engah chuan miten hahdamna an chang thin.

             Vawiin kan ringtu nun hi chuan Thlarau thianghlim hi kan duh khawp mai, Kan nun thlamuan nan leh hlimtaka lam pui lawp lawp atan chuan kan thlang viau thin, mahse rahchhuah nei turin he kan thlarau chan hi kan vulh lian ngam dawn em? Keimahni hlim lamna maiah hian kan lungawipui mai lovin, Lal Isuan engchhuak turin min duh a ni. Kan enchhuah theih na turin heng Thlarau rah te hi duhawm taka kan nunah huan rah chhuahtir kan ni.   

                       

EDITORIAL  BOARD

              (

Editor :

Tv.PC.Vanlalhriatpuia         - 9862732381

Jt.Editor:

Pu R. Lalmuanpuia               - 9612159842

News Editors :

Tv.RLalzamlova                   - 9612413196

Tv.R.Zodinsanga                  - 8974743073

Tv.F.Laldingliana                 - 9862378567

Tv.Lalhmangaihzuala          - 9862846345

Circulation Manager:

Pu.C.Lalnunsanga                - 9612413287

Editorial.........?

NUN  INNGHAHNA

            Kristian nunah chuan kan nun chu Kristaah a innghat a, chu chuan ringtu nun a ti tlo thin. Ringtu inti Krista a innghat lo; mahni theihna, mahni chakna leh finna kawnga innghat reng reng te chuan nun tlo an nei ngai lo a ni. Kan Thlarau nun kawngah hi chuan Krista a innghah bak kawng dang zawh tur a awm lo tih kan hriat a tul hle mai. Hei hi kan hriat a, Krista a nun thuhruk nei kan nih chuan eng thlemna mahin min hneh ngai lovang.

            Kan nitin nun kawngah hian ngaihtuah ve thung ta ila. Engnge ka damchhung hunah hian thlen ka tum? tih hi kan inzawt ngai em le. Kan dam a kan hrisel a nitin hun ngaihtuah chiang lem lovin kan hmang liam mai mai thin em? Kan nitin hun hman dan reng reng hi mumal tak leh ruahmana fel tak nen, hmathlir thu tak nei chhunga kan hman loh chuan kan la inchhir ngei ang. Kan awm mai mai emaw kan tih chhung hian kum hi a vei liam zung zung si a. Tun kum kan hman liam tak kha ngaituah kir la, engang chiahin nge i hmalam hun tan i nun i siam puitlin le. Chu chu i in zawn chhuah thiam phawt chuan nun innghahna pawimawh zia i hrechhuak tan dawn tihna a ni ang.

            Eng kawng pawh zawh in kan nunah tum mumal tak leh innghahna fumfe tak nei mah ila chumi kawngah ke pena, a tawp va thleng tur chuan taimakna a pawimawh ber. Chu chu tumruhni in zui bawk rawh se.

LOCALITY DISASTER MANAGEMENT COMMITTEE

                        Dt.16.10.2012 zan hian Pu Zoramthanga inah Dy.Commissioner, Aizawl District, Aizawl hnen atanga kan lehkha hmuh bawh zuiin Locality Disaster Management Committee (Chhiat thut lo thlen palha sul sutu Pawl) din a ni a. Heta hruaitu leh member te chu hengte hi an ni.

Chairman         : Pu Zoramthanga, Chairman Local Council

Vice Chairman: Pu C.Vanlalsanga, President, Branch YMA

Secretary         : Pu K.Lalhuliana, Secretary, Branch YMA.

Member-te       1) Pu Lalthuneiha

                        2) Pu Zonunsanga       Members, Local Council

                        3) Pu H.Lalliantluanga

                        4) Pu Lalbiaksanga

                        5) Pu Lalrochama

                        6) Pu Lalpianthanga                O.B, Branch YMA

                        7) Pu Khualkunga

                        8) Pu Robuanga

                        9) Pi Lalchhingpuii      President, Branch MHIP

                        Heng a chunga mite hi D.C. Aizawl atanga kan lehkha hmuhin member nisaa a rawn dah te an ni a, heng bakah hian veng chhung atangin mi tlawmngai thei awm mi 5 (panga) ruat belh an ni bawk a. Chungte chu :

1) Pu Lalzuiliana         2) Pu Zoramnghaka

3) Pu C.Lalduhsanga  4) Pu Zonunmawia      5) Pu JF Lalzama

                        Tin, Disaster Management Committee Guidelines zul zuiin Team hrang hrang siam a niin, Team tina mawhphur turte ruat nghal a ni bawk.

1. First Aid & Medical Team  - 1) Pu Lalpianthanga (Learder)

                                                2)Pu Zonunmawia(Secy)

2. Search & Rescue Team       - 1) Pu H.Lalliantluanga (Leader)

                                                2) Pu Khualkunga (Secy)

3. Shelter Management           -           1) Pu Zonunsanga (Leader)

                                                2) Pu C.Lalduhsanga (Secy)

4. Relief Co-ordination Team-            1) Pu JF Lalzama (Leader)

                                                2) Pu Zoramnghaka (Secy)

5. Water & Food Supply Team-1) Pu Lalthuneiha(Leader)

                                                2) Pu Robuanga (Secy)

6. Information & Assessment - 1) Pu Lalrochama (Leader)

                                                2) Pu Lalzuiliana (Secy)

7. Trauma Councelling Team  - 1) Pu Lalbiaksanga(Leader)

                                                2) Pi Lalchhingpuii (Secy)

                        Heng Team hrang hranga member turte hi hun remchangah ruat belh tura tih a ni.

Sd/-

( K. LALHULIANA )

Secretary,

Locality Disaster Management Committee,

Saikhamakawn.

HRISELNA HUANG

ANPANGTHUAM

A chanchin tlangpui: Anpangthuam hi hnim feet hnih atanga feet li vela sang a ni tlangpui a, a that naah chuan dung chen velte pawh a awm thei. A hnah hi hnah sawl sei zet zawt, a sei lam inche 1 atanga inches 2 inkar a ni. A chang tin atangin a hnah pahnih emaw pathum emaw a chawr thin a, tihtiah chuan a hnah leh Kelsa emaw Beram sa emaw nen chhum pawlhin turah a chang thei niin an sawi. A hnah hi chawhmehah an hmang thin.

Damdawia hman theihte: A hnah.

Damdawia hmanna:

Hrilawn: A hnah densawm diak hrilawnah hnawi a tha.

ARDAH

A chanchin tlangpui: Thing lian vaklo leh thing duap lam deuh a ni a, a hnah hi hlai hlep hlawp, hnah sawl hmawr zum a niin alai a kir thin. A thing hi tuahin a tek thin a,chuvangin thing tuah atan an hmang ngai meuh lo.

Damdawia hman theihte: A hnah leh a zik.

Damdawia hmannate:

Ha na: A zik no thial a tha.

Ha hni puam: A hnah chhumna tuia hrawk thuah a tha.

Emaw

A hnah densawm tui sawr hmuam a tha.

RAMRI LUI HUMHALTU PAWL  ATANGA HRIATTIRNA

            Dt.18.10.2012 (Thursday) hian RAMRI LUI HUMHALHTU PAWL  din a ni a, hruaitu atan heng mite hi ruat an ni:

President         : Pu R.Lalsailova

Vice President : Tv.Lawmthanga

Secretary         : Pu Lalnithanga

Treasurer         : Tv.C.Lalngheta te an ni.

            Tin, he hunah hian ramri lui humhalha hma lak dan tur rel ho nghal a ni a,hetiang hi hemi zana Committee thurel te chu a ni:

1. Saikhamakawn ram lui reng reng Tur eng chi hmang maha vuak leh hrai phal a ni lo. (Mizo ru pawhin)

2. Thu sutna a awm leh hma chuan Ramri lui Pu J.Lalrinliana thei huan atanga Tlangnuam lui chhuah thlengin Luisa eng hmang maha man phal ani lo.

3.Thu pek awih lova tilui chu Pawlin tha an tih angin an chung thu a rel ang.

            Mi tupawh he pawlah hian OB tuhnenah pawh a inpek theih reng a, mipuite tawiawmna kan ngen bawk a ni.

Sd/-

(R.LALSAILOVA)

President

RAMRI LUI HUMHALHTU PAWL

BIBLE QIUZ NO. 43

iI SAMUELA BUNG 11-17

A Kâr âwl dah khat rawh :

Q1.Keia remruat ve dan chu,                                 mite zawng zawng chu Dan atangin Beer-seba thleng rawkin tuifinriata tiau zat zetin i hnênah ko khâwm vek ila, tin, indonaah chuan nangmah meuh kal ve la.

Q2.Tin, Absaloma chuan                             hnênah a chhia a tha, a engmah a sawi duh lo va;           Absaloma chuan a farnu Tamari a tihluih avângin                          chu a haw hle a ni.

Q3.Chutichuan                              leh                                chuan Pathian bâwm chu Jerusalemah an kalpui leh a; tin, chutah chuan an awm ta a.

Q4.Tin, khuaa mite chu an chhuak a,                       chu an bei a, mi thenkhat, Davida mite zinga mi ngei chu an thi a; tin, Hit mi Uria pawh a thi a.

A bung leh Châng dah rawh :

Q1.Tin, tu rawng nge ka bawl ang? A fapa hmaah rawng ka bawl tûr ani lâwm ni? I pa hmaa rawng ka bawl ang khani i hmaah ka bawl ang,” a ti a.

Bung: ...............          Chang: ....................

Q2. chutichuanmi la awm zawng zawngte chu khâwm la, khawpi chu beih tumin ep la, la rawh:  keimahinkhawpui chu ka lak zawngin ka hming a pu mai dah ang e,” a ti a.

Bung: ................         Chang: ....................

Q3. Tin, Husaia chuan Absaloma hnênah, “Tun tuma Ahitophela remruat hi a tha lo a ni,” a ti a.

Bung: ................         Chang: ...................

Q4. Tin, lal chu a chhuak a, achhûngte zawng zawngin an zui a. Tin, lal chuan in nghak tûrin hmeichhe sawm, hmeihote chu a dah a.

Bung: ................         Chang: ...................

Hming : ......................................................

Section : .....................................................

BIBLE QUIZ  NO. 42 RESULT

Chhanna lut zawng zawng :

Chhang dik vek :

Lawmman dawngtu   :

            Bible Quiz  leh lawmman hi Cir. Manager Pu.C Lalnunsanga hnenah thehluh a, lam thin tur a ni.

HRIATTIRNA

            Dt. 22.10.2012 (Thawhtan zan) dar 6:30 hian Pu R.Lalsailova Inah RKVY Scheme hnuaia Ramri/Reraw zau Farmer Association-te Committee tur a ni a, member zawng zanwgte kan inhriattir a ni e.

Sd/-

(F.LALHMACHHUANA)

Secretary

Ramri/Reraw zau Farmer Association

ZAKAMLOVA COMPUTER TRAINING INSTITUTE

DAWRPUI:AIZAWL

(Nokia Show Room Chung)

FREE ADMISSION

Course zir theih te:

* CCA, DCA, ADCA, Hardware.

* Programming Language ‘C’, C++, Visual Basic, etc.

* Zirlaiten an duh hun huna hman turin Internet a awm.

MITDELTE TAN A FREE VEKIN ZIR THEIH A NI.

* November thla chhunga Admission tite tan Christmas Gift atan Monthly Fee 20% Discount an ni ang.

Contact:

Manager

98586405229

HRIATTIRNA

            YMA Vanapa Section huam chhunga chhungkaw tinten mahni chhungkaw hming, pian kum, ni leh thla, pa hming leh House No. te Section Secretary Pu C Lalnunsanga emaw Asistant secretary Tv. Pc.Vanlalhriatpuia hnenah tun thla chhunga thehlut turin chhungkaw tinte kan inngen a, House No. neilo pawh; in-report nghal tur a ni.

            Tin, kan chhungte boral tawhte hming leh an thih ni, thla leh kumte thehluh tel turin kan in ngen bawk e. 

Sd/-

(C.LALNUNSANGA)

Secretary

Vanapa Section

PAVALAI  PROGRAMME

A hmun       : Vestry

A hun         : 25.10.12 (Ningazan)

Hruaitu      :Pu C. Zakhuma

Tantu          :Pu Lalfakzuala

            Thawngtai rual leh rilru sawia hun hman tur a ni.

TIAM TLAT E

          Lalrinmawia S/o Khualkunga leh Lalrempuii D/o Lalthangfala te chuan ni 24.10.2012 (Nilaini) khian a nuam a pawh  a hreawmah pawh kumkhua lengdun turin TIAM  TLATE  an ti dawn. Fanau maltluan chawia Kristian Chhungkaw tha tak an din theih nan Mipui Aw Editorial Board te chuan duhsakna kan hlan e.

NAU  HUALNA  NEI  DAWN

            Saikhamakawn Naupang Sunday School Begnner Department chuan vawin chawhma Sunday School inkhawmah Nau hualna an nei dawn a. Nau hual tur nu leh pa zawng zawng te Biginner Hall ah kan fate inkhawm pui vek tura ngen leh hriattir kan ni e.

HRIATTIRNA

            Saikhamakawn Middle School Compound chhungah hian phalna nei lova lutru leh thing leh mau satru in awm tih hriat a ni a. Hengmi  te hi man in nih chuan thuneitute hnena report tur in ni.

Sd/- Headmaster

M/S Saikhamakawn

YMA  GENERAL  CONFERENCE

            YMA General Conference vawi-67 chu Kawrtethawveng ah ni 23 - 25, October, 2012 hian neih a ni dawn a, memberte a tam thei ang ber kal turin kan inngenin kan inhriattir a, kal man hi Branch-in a tum ang. A kal tur zawng zawngte vawin tlai dar 3:00pm hian Library roomah kim taka kal tur a ni. Tin, hming la pe lut lo kal duh te tan pawh hun hawn a la ni a, kal tum te chu Library roomah hian kal ve nghal tur a ni e.

Tualchhung

,Pu Zoliansanga s/o Pi Khawlvuani (V.Sec) chu damlohna avangin Alpha Hospital kulikawnah enkawl mek a ni.

,Pi Zothanmawii w/o Uddin-a (V.sec)chu Scitica avanga damdawiin a enkawl a nih hnuin damtakin a lo chhuak

,Pi Lalhmingliani w/o Pu Lalbiakmawia (V.Sec) chu damlohna avanga damdawiin a enkawl a nih hnuin damtakin a lo chhuak

,Pu Zarzoliana h/o Pi Zodinthari (T.sec) te chhungkua chuan khawilo vahvel nan Scooty thar an lei.

ROLL CHUNGCHANGA MIPUITE HRIATTIRNA

            MLA/MP Roll ennawn a, siamthat hna thawh alo hun leh ta a, hriattur pawimawhte:

1. January ni 1, 2013-a kum 18 tling chin tan dilna thehluh theih a ni. (Ni 1.1.1995 leh a hma lama piang tihna a ni)

2. Roll a chuang tawh, mahse hming, kum, Nu, Pa, Pasal hming diklo tan pawh tel theih a ni.

3. Hmun dang atanga rawn insawn duh tan pawh dil theih a ni.

4. Hun hawn chhung : October, 2012 chhung chauh hun hawn a ni.

5. Diltu reng rengin Passport Size thlalak copy 2 thil tel tur a ni a, mahni Moble Phone Number ziahlan ngei ngei tur a ni bawk.

6. Dilna hi Pu Lalzuiliana, Designated Officer hnenah hun tiam chhung ngeia thehluh tur a ni.

7.Roll siam that mek hi Pu Lalzuiliana / Pu Lalzama hnenah en theih reng a ni e.

            Nakkumah MLA kan thlan dawn avangin ngaipawimawh theuh ang u.

Sd/-

(J.F.Lalzama)

BLO, 20/1-Saikhamakawn

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300