MIPUI
AW
Vol. XVIII Issue No. 44
Kristian Thalai Pawl Saikhamakawn Branch Pathianni Dt.28.10.2012
VAWIIN CHANG VAWN
Leilung
leh a chhûnga thil awm zawng zawng hi LALPA ta ani a;Khawvel leh a
chhûnga chengte nên hian. Sam 24:1
KOHHRAN
PROGRAMME
28.10.
2012 (Pathianni)
Chawhma
S.S inkhawm
Tantu : Pi Chawngpari
Chawhnu
Thusawitu : Upa Lalzuiliana
Zan
Inkhawm
Thusawitu : Upa Lallawmchhunga
KTP
PROGRAMME
Dt. 28.10. 12 (Thawhtan zan)
Hruaitu : Tv Lalhmangaihzuala
Tantu : Tv.Laldawngliana
Thusawitu : Pu Lalduhkima
Thilpek :Nl Runremsangi
lakhawmtu Nl K.Lalmuanpuii
October
thla zai hruaitu turte
Hla hruaitu : Pu Lalduhkima
turte
Tv F.Laldingliana
Musician : Pu Lalremruata
Tv. Zomuanpuia
VAWIIN TLAI
FELLOWSHIP
A
hmun : S.S Hall
Hruaitu : Pu Lalremruata
Tantu : Nl
Lucy Zohmunmawii
KOHHRAN HMEICHHIA PROGRAMME (Ni 23.10.2012)
Hruaitu : Pi R.Lalthansangi
Tantu : Pi Lallianpuii
Thusawitu : Pi zothanmawii
SERMON
KHUAL ZIN
Khawvel nunphung leh hun inher mek zel hian
mihring nun nasa takin a sawi danglam zel a. Thiamna leh hmasawnna thang zel
hian mihring nun nasa takin a nghawng a. Mihring nun hi awlsam zawkna leh
nawmsakna tamtak min chhawp chhuah sak mawlh mawlh a. In leh lo ropui tak tak
leh a chhungah mihringin kan hriat leh kan beisei aia nasa zawk mahin, he
khawvela kan dam chhung atan kan nawmsak theihna tur kawng kan hriat ang angin
kan thuam a, kan inchhawp rei rui a. Kan theih tawk leh kan phakbak thleng
thlengin kan tlan suau suau mek zel a. Heng mai hi duhtawk lovin a theih ang
tawk tawkah dik leh mawi pawh thlu lovin sum leh pai hausakna kawngah nasa tak
in kan intlansiak bawk a.
He khawvel nawmsakna kawng hrang
hrangte hi chu; he khawvel anih chhung hi chuan a awm reng dawn. Hmasawnna
kawng hrang hrang hian mihringte tana nun awlsam zawkna leh nawmna tam tak a
rawn hring zel dawn a. Vawiina kan hmuh ngai loh leh kan hriat ngailoh thil chi
dang dang hian he kan nun hi a chim reng dawn a ni. Chung chuan he khawvel a
mihring damlaite zelah, a hunlai ang zelin
kawng hrang hrangin hmasawnna leh nun nawmna leh awlsam zawkna a pe zel
dawn a ni.
Heng kan sawi tak zawng zawng, he
khawvel thil nawmsakna, hausakna, ropuina leh a mawina zawng zawngte hi umin,
duhin, chakin phe phe in, nei thin mah ila. He kan nun hian tlin loh chin ala
nei dawn, heng khawvel thilte hi chu awm reng mahse, he khawvel thil nawmna leh
mawina leh ropuina te hi kan chen theih loh hun leh kan nunah hian awmzia a
neih loh hun hi ala thleng dawn, Chu chu mihring zawng zawng tawh vek tur a ni.
He khawvela hausa leh nun nuam tak tak leh ropui tak takte pawh hi heng an
hausaknate leh an neih hi chuan tlin em em mahsela, khang zawng zawng khan an
nun ah awmzia aneih theih miah loh hun THIHNA hian a nun a nanchin hun a thleng
thin.
He khawvelah hian
cham hlen tur tumah kan awm lo. He khawvelah hian kan damchhung ni hi chhiar
thin mah ila, engtik hunah emaw chuan he khawvel hi kan chhuahsan anga, kan
chatuan hmun tur hi kan la pan dawn. chuvangin he khawvela kan damchhung nun hi
chu kan KHUAL ZIN KAWNG zawh mai kan ni. Kan chatuan hmun tur ngaihtuah chuan,
he khawvela kan damchhung hun hi chu a rei lote chauh a ni. Chuvangin khualzin mai kan ni tih hi
kan hriat reng a pawimawh. He khawvel nawmna leh mawinate hi chu kan khualzin
chhung mai atan a ni a, kan duh lutuk leh kan zawn nasat lutukna lamah hian kan
hmun hlun tur lam thlir lo lek hian kan tlan palh ang tih a hluhawm hle mai.
Haw leh tur kan nih inhre rengin kan damchhung nite hi kan chhiar thiam a
pawimawh a ni.
EDITORIAL BOARD
(
Editor
:
Tv.PC.Vanlalhriatpuia - 9862732381
Jt.Editor:
Pu
R. Lalmuanpuia - 9612159842
News
Editors :
Tv.RLalzamlova - 9612413196
Tv.R.Zodinsanga - 8974743073
Tv.F.Laldingliana - 9862378567
Tv.Lalhmangaihzuala - 9862846345
Circulation
Manager:
Pu.C.Lalnunsanga - 9612413287
Editorial.........?
Dinthar
leh ang u
“A zahawm apiang
te, a fel apiang te, a thianghlim apiang te, a duhawm apiang te, a thangmawi
apiangte thatna reng a awm a, fakna reng a awm phawt chuan chung chu ngaihtuah
rawh u” tiin kan Bible chuan min hrilh. Bible hian nitina kan hun hman dan tur
leh kan mihringpuite nena kan chhenho na nun hi a ngaipawimawh hle tih a lang
chiang.
Tunlaia kan nun dan hi ngaihtuah ta
ila, thalaite nunah hian eng ang chiahin nge a chhunga Bible in a sawi khi kan
nunah a tlakhniam tawh. Kan Pathian thu hian kan moral hi a ngaipawimawh hle a.
Keini Mizo Society ah chuan eng hi nge nundan tha a kan ngaih. Kan society in
nundan mawi anga kan pawm zawng zawng hi Pathian thu hian min tumpui a ni tih i
hre thar ang leh theuh ang u.
Tlawmngaihna te, rinawmna te, dikna
te, thatna te, aia upa zahthiamna te, taimakna te, felnna kawng zawng zawng te,
hetiang thil ka tih hian mi fak ka hlawh dawna
ni tih kan hriat kawng te hi kan zawh a pawimawh hle. Tin, khawtlangin
nungchang tha tia kan pawmtlan nun hi neih kan tum tur a ni, chu chu kan
Pathian thu pawhin min tumpui a ni reng si a.
A tawp berah chuan keini vengchhung
thalai te ngei pawh hian kan Mizo nuna nunze mawi zawng zawng nei let leh turin
rilru i siam thar ang u. I din thar leh ang u.
ARTICLE
HMABAK NEIH
Pc.
Hriata
Nun chhan neilo hi mihringah hian
kan awm lovang ti ila kan sawi sual ka ring lo. Mahsela nunchhan nei tawh lo ni
a in hriate erawh chu he khawvelah hian a awm rei peih lo thung. A awmzia takah
chuan he khawvelah hian nun chhan neilo mihring chu relo te hunchhung an awm ve
zeuh thin tih na a ni. A nih chuan nang leh kei hi hrisel takin kan dam a, eng
nge kan damchhan emaw kan nun ve reng chhan hi kan in zawt ngai em le. Thil
pawimawh tak a ni, he kawvelah hian Nangmah leh I chhungte tan chauh em ni I
nun? Nge Pathian rawngbawl turin? Nge ni a nuam I tih vang hrim hrim le? Kan
nun chhan hi mahni in zawh a, chumi chu
ti puitling tura tan lak a tul hle awm e.
Natna hreawm tak tuartu; dam chak
lutuk vanga thih thlang zawk rum rum an sawi thinte pawh hian chhel taka an la
tuar nachhan chu beiseina tlem tal an neih vang a nih ka ring thin. Mihring
rilru hian thil thalo kan chhungah a thleng thei a ni tih hre reng mah ila
chumi beisei chu thil har tak a ni thung si. Mahsela chu hun chu kan thleng
ngei theuh si. Harsatna leh manganna tawpkhawk ka tawk tia kan in dawm kun reng
laia thih kan la thlang lo a nih ngat chuan eng nge beiseina ila neih a, engnge
hmabak nei nia I nun in a la in hriat tih ngaihtuah chhuak vat ang che, chu
chuan chakna a pe ngei ngei ang che. Chumi lam kawng zawh tur chuan in tih harh
a, hnunglama thil awm; I rilru ti hah mek tu pawh kha, hnunglam a mi a ni tawh
tih hrezui nghal in, huaisenna leh tihluihna chuan mihring nun chu thui lo te
tal hruai tir a tul hle a ni.
Mihringte hian hmabak nei niin kan
in hre vek a, chumi lam kawng chu kan zawh hlawm thin. Kan hmabak neih kan
hlenna kawnga min dal tu lian tak chu hun kal tawh a kan thil lo tih hi a ni
awm e, chutih rual chiah chuan hun kal tawha kan thil tih chuan min pui thei
bawk. Hei tak hi awmze nei a kan nun hi hman a tul nachhan a ni, a tih theih
ang. Hnunglama thil awm chu theihnghilh turin in ti ngawt thin mah ila, hmalama
thil awmin min ti hreawm ngai si lo, kan hun kal tawh in min ti hreawm thin si.
Hetiang a nih avang hian chiang taka lang ta chu he kan hringnun hian hmabak
tihtur a nei theuh a, chu kan hmabak leh hmachhawp te a hlawhtlinna hmu tur
chuan kan hun hman turah ruahmanna fel tak nena nun kan hma a tul a, tin, kan
hun kal tawh hian min ti na thin tih leh beidawnna min siam thin tih hriat bawk
a pawimawh hle awm e.
Kan tisa lam hmabak leh hmachhawp
ringawt pawh hetiang taka kan ngaihpawimawh si chuan, kan thlarau lam tan hian
eng ang takin hmabak nei nia kan in hriat. Khawvel mihring tam zawk hian thih
hnua chatuan nuna chungchang an ngaihtuah vek a. Chumi huna thlamuang tak leh
nuamsa taka an awm theih nan chuan leia an damlai in hreawm an pawisa ngai lo.
Keini ringtu te pawh hian Pathian duhzawng tih a thih hnua Pathian hnena awm
chu kan hmabak pui ber a ni ngei mai. Mahse chu nun chu i hmabak a ni em tih i
inzawt ngai em le? Nge i ngaihtuah ngai lo. I hmabak neih ho hi i nun a tawp
ruala tawp ve mai tur a ni em. Thih hnu nun, chatuana awm turah chan tha chan
ve tur nei niin tuna in dinhmun atang khan i in hria em? Kan damchhunga hmabak
nei nia kan hriat te ti hlawhtling in chu chuan dinhmun sang takah min dah
mahsela, he kan tisa tinungtu kan thlarau tan hian hmabak tha kan neih ve si lo
chuan a va khawngaihthlak dawn em!
Hringnun mai nilo
thlarau nun nen lam hmabak nei mihring kan lo ni reng tihna nih chu. eng nge
hmabak I neih ve le?
HRISELNA HUANG
ARCHANGKAWM
A chanchin
tlangpui:
Archangkawm hi ruahtui tlak tamna deuh ramah a awm thin. A kung hi meter
sawmpanga vela sang a ni tlangpui a, Thlasik laiin a hnah a tlakawlh ve thin.
Ayurveda damdaw danah damdawi siam nan an hmang thin. Thingkung ngil tak a niin
a hnah chu katchat hnah ang lek lek a ni. A rah kawm hian archang a an em
avanga a hming ‘archangkawm’ hi pu a ni awm e.
Damdawia
hmantheihte: A
pil leh a zung.
Damdawia
hmannate:
Ruhseh, awmna,
pumpui chaklo, kawpuar, kawthalo: A zung 60gms, silfai hnuah densawmna tui
liter khatin mei na vak lovah a chhumna tui 250ml anih thlengin chhuan kang
tur. A tui chu thlit chhuah a nitin zing leh tlaiah 60 ml zelin ni 9 chhung in
tur.
Pan: a zung chhumna
tuiin pan silfai thin a, 60ml zelin nitin zing leh tlaiah in bawk tur.
Bengkherh: A zung pil
25gms, silfai hnuah densawmna tui 200ml-in mei na vak lovah chhum tur. A tui 50
ml a nih hunah thlitchhuah a, coconut hriak 50ml nen chawhpawlh a, mei na vak
lovah chhum leh tur a ni. Chhum laiin chawhleh reng tur a ni a, a chanve a so
kang hunah thlit chhuaha dah daih tur. A daih hunah saidawiumah dahthat a,
nitin vawi hnih emaw vawi thum emaw beng chhungah far luh thin tur a ni.
Kawpuar, pumpui
chaklo: A
rah no 50gms, tui 40ml-in mei na vak lova a chhumna tui 100ml anih thlengin
chhuan kang a, nitin vawi hnih 50ml zelin in thin tur a ni.
Thin tha lo: A
pil 25gms, tui 400ml-in mei na vak lova a chhumna tui 50ml anih thlengin chhuan
kanga 25ml zelin zingkarah (thil ei hmain) leh zan mut dawnah in thin tur.
BAWKBAWN
A chanchin
tlangpui: Thlai
kung lian vaklo a ni a, a kung hi feet 2 atanga feet 3-a sang a ni tlangpui. a
rah hi chawhmehah an hmang thin a, a hnah hi hnah zum sawl deuh a niin,
tlangsam hnah nen a painhmang a inang lek lek a ni. Mizoramah leh India ram
hmun tinah an ching thin.
Damdawia hman
theihte:
A rah, a hnah, a zung.
Damdawia
hmannate:
Thawhah: A zung 60gms den
deuhva, tui liter khatin mei na vak
lovah a tui 250ml anih thlengin chhuma 30ml zelin nikhatah vawi thum in tur.
Taksa chaklo,
chaw ei tui lo:
A chunga mi anga tih tur.
Ka na: A hnah chhumna
tuia hrawk thuah a tha.
BIBLE QIUZ NO. 44
iI SAMUELA
BUNG 18-24
A
Kâr âwl dah khat rawh :
Q1.Tin, Arauna chu a han hawi a, a lam pana lal leh ahote
lo kal chu a hmu a: tichuan __________________ chu a chhuak a, a hmaia lei
siinlal hmaah chuana bawkkhup a.
Q2.Tin, _________________ mitete kutah chuan a hlan a,
tinanni chuan LALPA hmaah tlângah an khaihlum a, tichuan an pasarihchuan
hmunkhatah an thi za a: buh seng hun,barli seng tantirh lai velin an tihluma.
Q3.Tichuan Joaba chuan ________________ mi hnênah chuan,
“Kal la, i thil hmu
Q4.Nimahsela
ani chu chu mi hmunah chuan a ding a, a veng tlat a, Philistia mite chu a that
a: tin, __________________ nasa takin a ngamsak a.
Q5.“Lal
chuan kan hmêlmate kut ata min chan chhuak a, ____________________ mite kut ata
min chhandam ta a; tin, tuna hian he ram
atang hian Absaloma chua tlan chuahsan a.
A
bung leh Châng dah rawh :
Q1.Chutichuan , “Hmanlai chuan, “Abel khuaah hian an
inrawn phawt ang,’ an ti thin a; chutiang chuan thu an titawp thin.
Bung:
............... Chang:
....................
Q2. Tin,
Benjamina thlahte chuan chutiang chuan an ti a, lamho zinga mi anmahni zat
theuh nupuiah an man a, an kal bopui ta a: tin, an ram lamah chuan an hawng a,
khawpui chu an chei leh a, chutah chuan an awm ta a.
Bung:
................ Chang:
....................
Q3. Chutichuan
ram zawng zawng an fan chhuah hnu chuan thla kua leh ni sawmhnih ralah
Jerusalem-ah an lo haw a.
Bung:
................ Chang:
...................
Q4. Tin, lal chuan an hnênah, “Tha in tih ang apiang chuan
ka ti ang,” a ti a. Chutichuan lal chu kulh kawngka bulah chuan a ding a, tin,
mipui zawng zawng chu za tel tel leh sâng tel telin an chuak ta zut zut mai a.
Bung:
................ Chang:
...................
Hming : ......................................................
Section :
.....................................................
BIBLE QUIZ NO. 40 RESULT
Chhanna lut zawng zawng : 2
Chhang dik vek : 2
Lawmman dawngtu : Puipuia (T.sec.)
Bible Quiz leh
lawmman hi Cir. Manager Pu.C Lalnunsanga hnenah thehluh a, lam thin tur a ni.
PAVALAI PROGRAMME
A hmun : Vestry
A hun : 1.11.12 (Ningazan)
Hruaitu :Pu R. Lalsangliana
Tantu :Pu
Saienga
Sermon :Pu T. Lalrinthanga
ZAKAMLOVA COMPUTER TRAINING
INSTITUTE
DAWRPUI:AIZAWL
(Nokia Show Room Chung)
FREE ADMISSION
Course zir theih te:
* CCA, DCA, ADCA, Hardware.
* Programming Language ‘C’,
C++, Visual Basic, etc.
* Zirlaiten an duh hun huna
hman turin Internet a awm.
MITDELTE TAN A FREE VEKIN ZIR
THEIH A NI.
* November thla chhunga
Admission tite tan Christmas Gift atan Monthly Fee 20% Discount an ni ang.
Contact:
Manager
98586405229
HRIATTIRNA
YMA Vanapa Section huam chhunga chhungkaw tinten mahni
chhungkaw hming, pian kum, ni leh thla, pa hming leh House No. te Section
Secretary Pu C Lalnunsanga emaw Asistant secretary Tv. Pc.Vanlalhriatpuia
hnenah tun thla chhunga thehlut turin chhungkaw tinte kan inngen a, House No.
neilo pawh; in-report nghal tur a ni.
Tin, kan chhungte boral tawhte hming leh an thih ni, thla
leh kumte thehluh tel turin kan in ngen bawk e.
Sd/-
(C.LALNUNSANGA)
Secretary
Vanapa Section
VAWIIN KHAWCHIN
A san lai berin :
27OC
A hniam lai
berin : 21oC
( Clear: Weatherforecast.com)
HAL ZIR
TUR
Saikhamakawn Kohhran chuan biakin hawnna
ni 17.11.12 hian neih a ni dawn a. Heta rem tur hla hi kohhran zaipawl te chuan
an zir mek a ni a. A la zir lo te pawh in thlahrung lovin thahnemngai taka zir
i tum theuh ang u. Naktuk zan inkhawm banah zir tur a ni e.
MIPUITE
HRIATTIRNA
MLA/MP Roll ennawn a, siamthat hna
thawh alo hun leh ta a, vengchhung mipui ten ngaipawimawh turin kan in hriattir
leh a. Inthlan a lo hnai leh ta a, mahni ID fel leh fel loh te enfiah theuh
ila, hun hawn laia tihfel ngaite tihfel a nih loh chuan inthlan dawnah tamtakin
buaina kan tawk fo thin, hemi hi a thlen loh nan hun hawn lai hian mahni ID a
fel leh felloh te, tihfel ngai te a awm pawha tifel turin i ngaihven ang u.
YMA
GENERAL CONFERENCE
YMA
General Conference vawi-67 chu Kawrtethawveng a
ni 23 - 25, October, 2012 a neih chu a tiak ta. Branch hrang hrangte
pawh mahni an veng/khua te pawh tluang takin an thleng tawh hlawm a ni. Keini
Branch atanga kal te pawh tluang takin
an lo thleng leh ta.
I VAWNG FAI
ANG
Kan
vengchhung hi a enkawl leh vawngfai kawngah mipui ten mawh kan phur theuh a ni
tih i hre thar a leh ang u. Tin, kan kawng neihchhun pawh hi a chhiat mai loh
nan mahni kawtkai theuh i enkawl ngun lehzual theuh ila a tha ngawt ang.
Tin,
vengchhunga ruihhlo hluar leh tlem chungchangah pawh thuneitute kutah dah mai
lovin kan mawhphurhna a ni tih i hre thar theuh bawk ang u. Kan veng
neihchhuh hi kan tu leh fa te chhenna tlak a nih zel theih nan tun atang hian i vawng fai ang
u.
- Editorial Board
Tualchhung
,Pu Zoliansanga s/o Pi Khawlvuani
(V.Sec) chu damlohna avangia Alpha Hospital kulikawnah enkawl a nih hnuin dam
takin a lo chhuak.
ZANIN EPL
KHEL TUR
Everton Vs
Liverpool (7:00)
N.castle Vs West Bromwich (8:30)
S.hampton Vs
Tottenham (8:30)
Chelsea Vs Man.
United (9:30)
Top 10 Most Visited Websites in 2012:
1.)
Facebook.com
Founder : Mark
Zuckerberg
Industry type :
Social networking
service
2.)
Google.com
Founder : Larry
Page ,Sergey Brin
Industry type :
Search engine
3.)
Youtube.com
Founder: Steve
Chen, Chad
Hurley,Jawed
Karim
Industry type :
Video hosting
4.)Yahoo.com
Founder : Jerry
Yang, David Filo
Industry type :
Internet
5.) Baidu.com
Founder : Robin
le
Industry type :
Chinese search engine
6.)
Wikipedia.or g
Founder : Jimmy
Wales, Larry
Sanger
Industry type :
Online Encyclopedia
7.) Live.com
Founder :
Microsoft
Industry type :
Software based
8.)
Twitter.com
Founder : Dick
Costolo
Industry type :
Social network
9.) Qq.com
Founder :
Tencent Holdings Ltd.
Industry type :
Instant messaging
10.) Amazon.com
Founder : Jeff
Bezos
Industry type : Online retailing
PUBLISHED BY
LITERATURE SUB. COMMITTEE KTP SAIKHAMAKAWN
BRANCH, COPIES : 300
