MIPUI AW
Vol. XVIII Issue No. 15 Kristian Thalai Pawl Saikhamakawn Branch Pathianni Dt.8. 4 .2012
VAWIIN CHANG VAWN
Hetah a awm tawh lo ve; a sawi ang ngeiin a thawhleh tawh kha. A mutna hmun hi rawn en teh mah u. Tin, kal thuai ula, a zirtirte hnenah, ‘Mitthi zing ata a tho leh ta a ni; Matthaia 28:6-7
KOHHRAN PROGRAMME
08. 04. 2012 Easter Sunday
Chawhma
Vawin chawhma inkhawm ban hian thingpui ruai tuihnai tak theh ho tur a ni.
Tantu : Pi Ropari
Thupui : Pathianin a kaitho leh ta
Sawitu : Upa Lalrindika
Chawhnu
Thupui : Taksa tihdanglamin a tho leh
Sawitu : Upa Lalzama
Zan Inkhawm
Thupui : Krista thawhlehna tawmpui tute kan ni.
Sawitu : Pastor G.Chhunthuama
KTP PROGRAMME
Dt. 9.4. 12 (Thawhtan zan)
Neihthil Thehkhawm
A hmun : S.S. Hall
Hruaitu : C.V.L. Biakzuali
Tantu : Tv. Lalruatsanga
April thla chhunga Inkhawm leh Fellowship zai hruaitu leh musician turte.
Hla hruaitu : Pu Lalremruata
turte Tv. F.Laldingliana
Musician :Pu Lalchhandama
Tv. Malsawmzuala
KOHHRAN HMEICHHIA
PROGRAMME (Ni 10.4.2012)
Ramthim zin
A hmun : S.S Hall
Hruaitu : Pi Lalmuankimi
Tantu : Pi Lalrinengi
LAL ISUA THAWHLEHNA
Kha mi kha, Pathianin thihna phuarnate chu a phelhsak a, a kai tho ta a; amah chu thihna chelh hlen rual a nih loh avangin. ( Tirhkohte thiltih 2:24 )
Chutichuan tunah zawng Krista Isuaa awmte tan chuan thiam loh chantirna reng a awm tawh lo. Krista Isuaa Nunna Thlarau dan chuan sualna leh thihna dan ata chu mi tichhuak tawh si a. ( Rom 8:1-2 )
Lal Isua thawhlehna hi chhandamna hna hlen chhuahna leh tih famkimna a ni a. Chachin tha laipui leh innghahna a ni.( I Korinth 15:12ff ) Pathian ropui zia leh thil tih theihna puan chhuahna a ni. khawvel sual thima beiseina eng min petu, sualna hi thatnain a la hneh tur zia tarlanna a ni.Krista thawhlehna hi a zirtirte leh a zuitute ( Ringtute ) rinna tinungtu a ni a. A thihna avanga hlau leh khura bibo zo tawh te pawh a inlarna / inpuanna avangin beiseina nung neiin tholeh Krista chanchintha hril turin chakna thar an nei leh ta a ni.
Kan Bible chuan sualna avanga mihring chungah thlarau leh taksa thihna lo awm thu min hrilh a, chu thlarau leh taksa thihna, Pathian ropuina chan zawh tawh lohna din hmun, Pathian leh mihringte inrem lohna dinhmun rapthlak tak ata chu Lal Isua Krista thihna leh thawhlehna hmanga tihnun / siamthar / thiamchang kan lo ni ta. Mahse he dinhmun hi amah leh a chhandamna hnathawh ringtute chanvo tur a ni tih ( Johana 5:24 ) kan hmu a, “Tih tak meuhvin, tih tak meuhvin ka hrilh a che u, tupawh ka thu hriaa mi tirtu ring chuan, chatuana nunna a nei tawh, thiam lohvin a awm lo va, thihna ata a chhuak a, nunnaah a lut ta zawk a ni.”
Krista’n Chhandamna hna a thawh zawh hma chuan bawhchhiatna, thuawihlohna rahin khawvel leh minhring nun a phuar bet tlat a. Sual hremna thihna thlan thim chu Krista’n luh chhuakin angam a, ahneh a, thihna chelhhlen rual lohin a tho leh ta a. Tunah chuan Krista thawhlehna avangin sual leh a thil tih theihna zawng zawng hnehin a awm a, thlan piah lam nun chatuan nunna pawh pathian mite, Isua Krista ringtute chanvo a lo ni ta a ni.
A tawp berah chuan Lal Isua tello a tlei thei lo, Mari Magdalini te, Emau kawnga thiandun pahnih Lal Isua chanchin ringawt buaipuia zin kawng zawhtute hnena Isua a inpuan ang a, kan nuna Lal Isua lo a kan tleipui zawng zawngte paih thla a, tholeh Krista inpuanna changtu kan nih theih nan i inbuatsaih theuh ang u.
EDITORIAL BOARD
(
Editor :
Tv.PC.Vanlalhriatpuia
9862732381
Jt.Editor:
Pu R. Lalmuanpuia
9612159842
News Editors :
Tv.RLalzamlova 9612413196
Tv.R.Zodinsanga 8974743073
Tv.F.Laldingliana 9862378567
Tv.Lalhmangaihzuala
9862846345
Circulation Manager:
Pu.C.Lalnunsanga
9612413287
Editorial.........?
THOLEH NUN
Lal Isua chuan kan sualna zawng zawng phurin Kalvari tlangah a thi a. Sual vanga thi tur kan nihna chu Lal Isua chuan kan aiawhin min lo thihsak ta. Eden bawhchhiatna vanga thi tur kan nihna ata min chhanchhuak ta.
Nithum niah Lal Isua chu thianghlim famkim, sual kai lo, hnehna nun nen Pa in a kaitho leh a. Lal Isua thianghlimna te, finna te leh fa nihna thlengin keini mihring te hian Krista zara kan chanvo a lo ni ta a ni, a va ropui em!!
Chu tholeh nun thianghlim changtu kan nih tak avangin Vanram kan thleng leh thei a, Pathian fa nihna ropui tak kan chang ta hial a ni. Krista tholeh nun changtute kan nih avangin thianghlim theilo mihringte chu thianghlimna nun famkim nen kan leng thei ta a, Vanram kal thei khawpa nun thianghlim Krista zarah kan nei ta, sual pu taksa chu khenbeha a awm tawh avangin.
Ringtu te hi Pathian mithmuhah chuan Krista vangin kan thianghlim tawh a, sual thlema kan awm thin hi famkimlo mihring kan nih vang a ni lo, Krista tholeh nun thianghlim tawmpui tu te hian kan nun hi sual kai lo a ni tih i hre thar ang u.
Article
FOOTBALL FOOTBALL !!!
- Lallawmsanga Pa
Football han tih hian chi hrang hrang a awm a, American Football te, Rugby Football te, Winchester College Footballte leh tuna Football tia kan kawhtir deuh ber Association Football hi a ni.”The Greatest show on Earth” an tih Football hi Khawvel mipuite ngaih ropuina hi a reh dawn lo, Mizoram pawh hian kan ngai sang telh telh dawn Stadium te pawh kan neih tha tulh tulh ta mai, Keini Saikhamakawn veng pawh hian khawvel awm chhung hian football kan ngaih san hi a reh mai lovang.
Ni.4.4.2012( Nilaini) Mizoram a harhna vawi 106-na a lo thlen ni ah khan zan inkhawm te ka duh avangin ka haw hma a, Dar 1:00 vel ah Lammual ka thleng a, inkhel en tur an lo si hut hut mai a, inkhel tur te hi Kan veng hneh loh 6-0 lai maia min tlawmtu Chanmary leh Aizawl Venglai anni a, inkhel chu rei vak lo en ka chak hle mai a, khua lah chu a durin ruah mal lian tak tak a rawn tla tak ang phuar phuar a entu mipui thutna tur an siam thar hnuai chu tawm hul nan a tha dawn riau a ka hriat avangin luh mai ka rilruk a, chutih lai chuan kan thawhpui Gate duty a lo awm chuan i lut duh em min lo tih bawk nen Lammual ah chuan ka lut ve ta a.
Inkhel chu dar 1:00 ah an tan a, thawm a tha hle mai. Chanmary lam chuan Music track nen Chanmary… Chanmary… Chanmary… Tih hla chu an play ruai ruai a Kawr pawl an ha thap bawk. An ni hi maw kan veng hneh loh chu tiin ngun takin ka thlir a, Mahse ruah sur chu a tam em avangin minute 15 vel an chawl a, Tv. Davida pawhin inkhel chu a lo en a, lammuala inkhelh a chak zia chu a hmel ah a lang, ruah sur chu reivak lovah chuan a reh leh ta a, inkhel chu an tan leh ta, Chanmary hi an Game a tha a Aizawl venglai hi 1-0 in an hneh a. Kan veng aia an thiamna bik sawitur atam lo khawp mai. An fitness erawh chu a tha khawp mai. Chutichung chuan an Game speed hi English Premier League khel dan Speed in tirang ta ila inkhelh chanve vel ah khan a zo der ang. EPL a muanga en ang vel a ni. Chanmary hian Aizawl venglai tih loh veng dang an khel ho reng reng kha si 6,5,4 velin an hneh tlangpuia kan veng pawh..Ha.Ha!! Mahse, Kan veng khan First half ah kan draw pui thei tlat, chuvang chuan kan veng Football players te hi kan hniam lo ve. Football khel Senior tak veng pawh kan ni. Armed Veng Football that vanglai ber pawh khan First half ah chuan kan draw pui pha tlat!! Mahse, Second half han tan leh chiah hian kan Game hi a dang lam ta thin a. Eng vang nge ? Kan fitness hi a chhe em a ni. Si kan phurh hmasak hian kan rilru a hnual hma lutuk, Chanmary nen Pool final kan khelh tum khan Kan chak lohna chhan an sawi ah chuan “Si khat kan phurh khan Coach thu loin kan Position duh duhin kan thlak kual nasa,” tih a ni. A dik ngei ang in siam that kan ngai. Zaidam kan zir a ngai, Coach thu a kawi a ngil a kan zawm a tha. Tun aia hmasawn turin i han in sang phek teh ang. Tun tum ah khan Kohhran tawngtai puina kan dawng tha a Veng chhung mipui thlawpna pawh kan hmuh that viau kha!!!!
Nimin final ve thung kha a va hmuh nawmin a va boruak tak em!! Kan hneh loh Chanmary chu 2-1 in an champion ta. Chanmary hi an game pawh a tha in an defence line a phui tha tak zet a ni.
Khai le, Lo thlir teh kan hma lawk ah hian YMA football Tournament May 16 ah tan a ni leh dawn, sawn danglam anih loh chuan. Kan veng pawh kan tel ve leh dawn a, a lawmawm e. Red Ribbon football ah Mizoram football thiam 16 ah kan thleng zo lo maw? Players te i tang teh ang. Theihna thiamna chakna kan nei tumah hi huphurh tur an awm bik lo. Pathianin keimahni ah hian thiltihtheihna a dah a, chumi hai chhuak tur erawh chuan theih tawpa tangin hruaitute thu awih tlat ila. Tun ai hian hma kan sawn ang, Min tih chak tu Krista Isua ah chuan engkim kan tih thei a sin. Zam zuh Lalpa chu ring la in thlah dah lo la chakna Pathian in a pe zel ang che.
Scientists Chanchin
Pythagoras (582 B.C - 500 B.C)
Pythagoras-a hi tam zawk chuan kan hre awm e, kawng hrang hrangah a hming a chher hle a, a bik takin chhiarkawp lamah phei hi chuan a larin theorem ropui tak hmuchhuak tu niin vawin ni thleng hian kan la zir reng a ni. Mathematic lamah a hming a chher hle a, tin, a hnungzui tu thenkhat te nen mathematic leh philosophy hi a inkungkaih thuk dan pawh an hmuchhuak nghe nghe a ni. Amah hi kum B.C 582 Greece rama Samos khuaah a lo piang a. An sawi dan chuan Mediterranean luipui zau tak chu kal tlangin Egypt ram “Zirna hmunpui” an lo tih thinah chuan a zin a, a zin chhung lek pawh hian finna tam tak a hmu ngei ang. Kum B.C 529 lai vel khan Lal Polycrates-a chuan Greece ram atang hian Italay chhim lam awm turin a ti a a.
A ni pawh hian thih hnu lam ram te, mihringin thlarau kan nei ti teh pawh a pawm thlap niin a lang a, mahsela a rin dan leh pawm dan chiah erawh keini Kristian te nen chuan a danglamin rinna kawng erawh a zawh sual ve nangiang mai. Pythagoras hian mihring thlarau hi thi thei lo a ni a, mihring kan thih pawhin kan thlarau erawh he leiah hian thilsiam chi hrang hrang engemaw ber angin a rawn in lan leh mai thin niin a ngai. Hemi a nih avang hian thianghlimna kawngah te, mahni in thunun theih kawngah te, thuawihna kawngah te leh nun sual dai na kawng hrang hrang a insum a, in vawn hi a thupui ber a ni reng a ni.
Pythagoras-a hian science lamah pawh hnuhma a hnutchhiah lian hle a, science peng pahnih biology leh anatomy lam te phei hi chu a chin chhuah a tih theih awm e. Tin, heng optic nerve kan tih leh Eustachian tube kan tih te phei hi chu a hmuchhuah a ni nghe nge a ni. Kan sawi tawk ang khan Astronomy lamah pawh a thawhhlawk hle a tih theih awm e. Kan awmna khawvel te, arsi te leh van thengreng a khawvel (Planet) dang awm zawng zawng te hi a mum a ni tih rin dan fel tak neiin kum B.C 500 hma lam ah daih tawh khan a lo sawi lawk daih tawh nghe nghe a ni. Mathematic lama a hming a chher nachhan em em chu theorem pakhat tunlai thlenga la pawimawh em em Pythagoras theorem chu a hmu chhuak a, ama hming chawi a dah a la ni ta ngar ngar a ni. (Source- Our World Scientise)
BIBLE QUIZ NO. 13
i Lalte BUNG 1-4
A Kâr âwl dah khat rawh :
Q1.Tin, lal chuan chhia a chham a, “...................... zawng zawnga ka nunna humhimtu LALPA nunna chhalin,
Q2. chutichuan ..................... fapa ................. chu a han chho va, a han bei a, a that ta a; tin, thlalêrah ama inah chuan an phûm ta a.
Q3. Mipuihote chu ............................... an inthawi mai thin a, chu mi hma chuan LALPA hming atân in sak a la awm rih loh avangin:
Q4. ................................ chu in chhûng lam hotu ani a; Abda fapa Adonirama chu hnathawka rawih luihte hotu a ni.
A bung leh Châng dah rawh :
Q1. Luiral piah lam ram zawng zawng -Tipsa atanga Gaza thlengin, Lui ral piah lama lalho zawng zawng chungah chuan a lal a: a chhehvela mi zawng zawngte nen chuan ralmuangin an awm hlawm a.
Bung: ............... Chang: ....................
Q2. Tin, Israel-ho zawng zawng chuan chu thua lal rel dan chu an lo hria a; lal chu an tih ta hle mai a: rorêlna tûrin Pathianin finna chu amahah chuan a awm tih an hre ta si a.
Bung: ................ Chang: ...................
Q3.Tin, Solomona chuan, “Mi rinawm tak a nih a tihlan phawt chuan a samzai khat pawh leiah a tla lo vang: amaherawhchu suahsualna a nei tih hriatna a awm chuan a thi ang,” a ti a.
Bung: ................ Chang: ....................
Q4.Chutichuan lal Solomona chuan LALPA hming chhalin, “Adonija thil dil hian amachungah thihna thu sawi aniha a nih loh nâ chuan Pathianin a tih tihin min ti mai sela, chu aia nasa pawhin.
Bung: ................ Chang: ....................
Q5.Tin, i dil loh, hausakna leh ropuina pawh ka pe bawk ang che; tichuan i dam chhûngin lalzingah chuan nangmah ang rêng rêng an awm lo vang.
Bung: ................ Chang: ....................
Hming: ..............................................
Section: .............................................
BIBLE QUIZ NO. 12 RESULT
Chhanna lut zawng zawng : 0
Chhang dik vek : 0
Lawmman dawngtu : Awm lo.
Bible Quiz leh lawmman hi Cir. Manager Pu.C Lalnunsanga hnenah thehluh a, lam thin tur a ni
PAVALAI PROGRAMME
A hmun : Senior Hall
A hun : Ni 12.4.2012
Hruaitu : Pu T.K.Manga
Tantu : Pu Saienga
Thusawitu:Pu V.L Zidinga Sailo
CHATUAN RAM LAMAH
Pi Kapziki (87) chuan ni 4.4.2012 Nilaini khan natna leh lungngaihna, hreawmna ten a tih buai theih tawh lohna ram, chatuan ram lam min lo pansan ta a, a kalsan tak a chhungkua, a tu leh fa te zawng zawng Mipui Aw editorial board chuan kan tuarpui takzet a, Pathian thlamuanna an dawn zel kan duhsakin, an tan kan tawngtaina pawh a ni e.
K.T.P HNATLANG
Ni 10.4.2012 zan hian K.T.P chuan branch hnatlang a ko a, Pu Lalrochama te Brick thiar tur a ni a. Dar 7:00pm ah tan tur a ni. Member ten i ngaipawimawh a ang u.
T.B.Z. PROGRAM
A hmun : Ng.K. Sailo In
A hun : Ni 09.04.2012
Hruaitu : Pu Khawlhmingliana
Tantu : Pu Lalfakzuala
Neihthil thehkhawma hun hman tur a ni a, member ten i ngaipawimawh ang u.
LAWMTHU SAWINA
Kan pi Kapziki Ni 4.4.2012 a min boral san naah hian vengchhung mipui zawng zawng te chungah leh veng pawn atanga amah thlahna hun min hmanpui te zawng zawngte chungah lawmthu kan sawi a, engkima min buaipuitu Y.M.A nula leh tlangval, nu leh pa leh M.U.P te chungah lawmthu kan sawi tak meuh meuh a ni.
Heng in mi hmangaihna, tha leh zung senga min buaipuina zawng zawng hi Pathian in a let tam takin rul che u rawh se.
In Khawngaihna dawngtu
K. Lalhuliana te chhungkua
Saikhamakawn
MUP HRIATTIRNA
Vawin 8.4.2012 (Sun) chawhnu inkhawm banah kan member Pi Kapziki ralna neih tur a ni a. Saikhamakawn M.U.P unit member ten i ngaipawimawh theuh ang u.
EM BO
Em tibo chuan Pu C. Zakhuma h/o Dengkungi te hnenah a rang lama lam tur a ni e.
N.P.S.S HLA REM DAWN
Vawin chawhma inkhawmah hian Naupang Sunday School te chuan hla rem tur a ni a, nu leh pa ten kan fate inkhawm kal hma turin hrilhhriat nise a tha ang.
TUALCHHUNG
,Gedion Malsawmtluanga(3) s/o Laldingzeli Pu Rochungnunga (V.Sec) te in hnuai luah chu thisen Cancer vangin civil Hospital-ah enkawl mek a ni.
,Lalrampari w/o Lalbiakliana te chuan fanu duhawm tak an nei.
,L.V. Ramdinthara h/o Lalruaipuii te chuan a pakhatna atan fanu duhawm tak an nei.
,Malsawtluanga s/o C.Laltlanzara chu damlohna avangin Alpha Hospital (Kulikawn) enkawl mek a ni.
,Hunlawmawma h/o Lalnunpuii te chhungkua chuan khawilo vahvel nan Bike (Apache RTR 180) an lei thar.
LAWMTHU SAWINA
Kan nu duhtak Lalsangluri chuan ni 31.3.2012 (Inrinni) a min boralsan na-a min hmangaihtu leh min lainattu zawng zawng te, damdawiin a kan awmchhunga min buaipuitu te, in lam thlenga lainatna leh khawngaihna kan chunga in lan tir na zawng zawngah vengchhung mipui te chungah lawmthu kan sawi tak meuh meuh a ni.
Tin, hun lo kal leh zel turah Pathian awmpuina leh kaihhruaina kan dawn zel theih nan min tawngtai pui zel turin kan ngen bawk a che u.
In khawngaihna dawngtu
C.Zokhuma leh a fate.
VAWIIN KHAWCHIN
A lum lai berin : 260 C
A vawh lai berin : 190 C
Zing lamah khua a tha ang a, chawhnu lamah 9mm, zan lamah 1mm ruah a tla ang.
Source : Weatherforecast.com
PUBLISHED BY LITERATURE SUB. COMMITTEE KTP SAIKHAMAKAWN BRANCH, COPIES : 300
No comments:
Post a Comment