GoodFriday Special Issue

MIPUI AW

Vol. XVIII     Issue No. 01   Kristian  Thalai  Pawl     Saikhamakawn   Branch       Zirtawpni    Dt.6.4.2012

VAWIIN CHANG VAWN

            Tin, Isua chu aw ring takin a au leh a, a thlarau a thlah ta a.Tin, ngai teh, Pathian biak in puanzar chu a chung lam atangin a hnuai lam thlengin a lo thler chhuak ta a; tin, lirte a lo nghing a, lungpuite a lo khi chat a; thlante a lo inhawng a; mi thianghlim muhil tawhte taksa tam tak pawh kaihthawhin an awm ta a; chungte chu a thawhleh hnuah chuan thlan ata lo chhuakin khawthianghlimah chuan an lut a, mi tam tak hnenah an inlar ta a.

Matthaia 27: 50-53

KOHHRAN PROGRAMME

6.4.2012 (Zirtawpni)

            Vawin hi Lal Isua’n kan tan Krosah  tuara a thih champha (GoodFriday) a  ni a. Vawin chawhma inkhawm ban hian kohhran ho ten thingpui ruai tui tak kil ho tur a ni.

Chawhma  Inkhawm

Tantu          : Pi Hualthangpuii

Thupui        :Lal Isua thisen hlu

Sawitu         :Upa Zonunmawia

Chawhnu

Lalpa Zanriah Sacrament

Buatsaihtu : Pastor G. Chhunthuama

Thupui        : A  Lu a kun a, a thlarau a                               thlah ta a

Sawitu         :Pastor G.Chhunthuama

Zan Inkhawm

Thupui        : Upa Zairemthanga

Sawitu         :Lal Isua tlawmlai taksa

 Dt.7.4.2012 (Inrinni zan)

Kohhran  Inkhawm

Thupui           : Isua an phum ta

Sawitu            : Pu Siamliana

PATHIAN RILRU

            Lei leh van leh a chhunga thil awm zawng zawng neitu leh siamtu Pathian chuan Ama Fapa mal neih chhun, A duhtak leh A lawm em em chu nang leh kei sual tlanna turin  lungngaihna vawr tawp tuara kross lerah thih thlenga khaikan turin Kross kawng a zawh tir a. Chu chuan chatuana nunna min pe ta. A va ropui em.

            Lal Isua khan he a kross kawng zawh hi a huphurh em em a tih kan hmu a. Min tlanna hlen chhuak tura a vawr tawp thihna a tawrh dawnlai phei kha chuan,  lungngaihna vawrtawpin a tlakbuak a, Getsemani huanah venpuitu zawng ruai khawpin a manganga, a rum a rum nih kha. Hmuhsit, sawisakna leh deusawhna tinreng tuara kross lerah thih tura khaikan an ni mai tur chu a huphurh hle mai. Mihring a ni miau a. Pumpelh a duh hle a, amah hmangaih em em tu apa Pathian hnenah pawh, he no hian min pel lul rawh se, mahse nangma thu ni se,tiin a ngen hial a nih kha.

            Pa Pathianin ama fapa mal neih chhun; hei hi ka fapa duhtak ka lawm em em chu a ni a tihin, heti taka lungngaihna leh manganna vawrtawp thih thlenga a han tuar tur leh laksawn sak tura a han ngen chiam mai lai hian Pathian rilru hi eng tiang takin nge a nat ang?

            He a fapa thihna hian khawvel a chhandam dawn si a. Nang leh kei chhandama kan awm theihna tur chuan Pa Pathian chuan ama fapa duhlai hi a tawrh tir a ngai tlat si. Pathian min hmangaihna chuan ama fapa ngei pawh lungngaihna, manganna vawrtawp tuarin, kross lerah khaikan in awm tir a. Nang leh kei hian chatuana nunna kan lo neih theih nan, Pathian chuan a ama fapa tawrhna vawrtawpah thih thlenga tuar turin a nawr liam ta.

            Ama fapa lungngaihna leh manganna vawrtawp tuara thihna ai chuan Pathian rilruah chuan KHAWVEL DAMNA a lian zawk a, ama fapa mal neih chhun a duhtak leh a lawm em em ngenna (he no hian min pel lul rawh se) ai chuan nang leh keiin chatuana nunna kan neih theihna hi Pathian rilruah chuan a lian zawk tlat mai hi engvang nge? Pathian min HMAGAIHNA vang a ni.

EDITORIAL  BOARD

Editor :                      (                    Tv.PC.Vanlalhriatpuia     

                            9862732381

Jt.Editor:

Pu R. Lalmuanpuia

                            9862458618

News Editors :

Tv.RLalzamlova    9612413196

Tv.R.Zodinsanga   8974743073

Tv.F.Laldingliana  9862378567

Tv.Lalhmangaihzuala

                            9862846345

Circulation Manager:

Pu.C.Lalnunsanga

                            9612413287

Editorial.........?

Pathian khawngaihna leh awmpuina zarah GoodFriday chu kan lo thleng leh ta reng mai a. Nikum lama hlim leh lawm taka kan hmanpui, kan hmangaih mual min liamsan tawh te rilruah a tharin lung pawh a leng hle mai. Mahsela ringtute hun liamtawh chhuikira lungngaia in dawm kun mai lovin, Lal Isuan kan tana a tuarna thlira Kalvari lam thlir chunga kan sual min ngaihdamna tura a tuarna lam thir zawk turin inbuatsaih ang u.

            Beisei loh takin kan khawtlangah thihna in thla a zar mek a, khawhar chhungte pawh an tuarna a natzia kan hrethiampui in kan turpui takzet a, chutih mek laiin kan tana Lal Isua tuarna leh min chhandamna ropui zia hian an rilru luahkhatin, tuarna phena malsawmna he GoodFriday lo thleng hian an nunah luan luh tir zawk se tih hi a va duhawm em.

            Tin, kan kohhran Ramthar lam pawhin ramthim lamah hun hmang turin an fehchhuak mek a, an tan kan tawngtaisak pawh a tul hle awm e. Kan zui Lal Isua hian midangte tan a nun a hlan ral raih a ni tih hre thar chungin a hniakhnung zui turin in buatsaih thar ang u.

ZAIPAWL  HLA  ENNAWN  TUR

            Kohhran Zaipawl ten vawin chhawhnu Lalpa Zanriah Sacrament Inkhawm a rem tur hla ennawn tur a ni. Dar 12:45pm ah Sunday School Hall ah thlenkim tur a ni e. Kohhran Zaipawl ten ngaipawhmawh theuh ang u.

KOHHRAN  LENGKHAWM  AWM  DAWN  LO

            Tun GoodFriday leh Easter Sunday vuakvetah hian kohhran lengkhawm a hranpain buatsaih a ni dawn lo a. Kohhran mipuite kan khawhar chhungte in lamah thahnemngai taka an khawharna te hnema lenpui i tum ang u.

Y.M.A . TOURNAMENT  ATAN A  HRIATTIRNA

            C.Y.M.A Tournament awm tura kan veng aiawha Football a tel duh zawng zawng te chuan vawin chawhnu inkhawm ban dar 3:00pm hian Y.M.A. Library ah kim taka kal tur a ni a. Heta kal lo te chu football ah hian an tel thei dawn lo a, sawibuai theih a ni lo ang. Tin, football lama tui mite tan phei chuan ngaipawimawh tur a ni e.

            Information Center line a chhiat avangin a hranpa-a in hriattir theih a ni dawn lova, Mipui Aw kaltlanga hriattirna hi ngaipawhmawh theuh ang u.

GOODFRIDAY

NALZAWL-AH

            Kan kohhran chuan Nalzawl kohhran Goodfriday hmanpui turin nimin zing dar 6:00 am  khan mi 12 te chuan kan veng an chhuahsan. Hlawk  taka an hman theih nan kohhran mipui ten thahnemngai takin i tawngtaipui theuh ang u.

           

Engnge an sawi? Engmah an sawi lo...

(Chawngkhum dan tlang huat loh)

* Hla lak sual chuan lak nawn leh mai tur, lak dik hun a awm nge nge...

            -Hmangaiha.

* Good Friday, Lung a leng emai...

            -Zonunpari(w/oHauha)

* Min venpui teh u, ka rawngbawlna hlen ngei ka duh a ni.

            -Upa Lawmchhunga.

* Machung, kan contract hian kan haw na man a daih chuan lawm tawp tawh mai ang.

            -Jeff-a

* Motor siam tur nei tan engtiklai pawhin koh theih reng ka ni. GoodFriday ah pawh.

            -Remruata.

* Kan veng FB Group hi chu ka tellovin a kal thei lovang.

            -Mimi.

* Ka thlakhat hlawh ka’n tlak loh chu le...

            -Puia (Vengsang)

Zanin Inkhel turte (EPL):

Swansea Vs N.Castle (9:00)

Naktuk zan inkhel turte (EPL):

Sunderland Vs Tottenham(5:15)

Bolton Vs Fulham (7:30)

Chelsea Vs Wigan (7:30)

Liverpool Vs Aston Villa (7:30)

Norwitch Vs Everton (7:30)

West Brom Vs Blackburn (7:30)

Stoke City Vs Wolve (11:00)

VAWIIN KHAWCHIN

A lum lai berin : 230 C

A vawh lai berin : 170 C

   Zing lamah ruah 4mm a tla ang a, chawhnu lamah 1mm, zan lamah 2mm a tla bawk ang.

Source : Weatherforecast.com

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300