Mipui Aw 29.4.2012

MIPUI AW

Vol. XVIII Issue No. 18 Kristian Thalai  Pawl  Saikhamakawn Branch  Pathianni Dt 29.4.2012

KOHHRAN PROGRAMME

29. 04. 2012  (Pathian ni)

Chawhma S.S

Tantu          : Pi Vanlalhruaii

Chawhnu

Thusawitu  : Upa Lalzama

Zan Inkhawm

Thusawitu  : Pi Khawlvuani

KTP PROGRAMME

 Dt. 30.04. 12 (Thawhtan zan)

Hruaitu         : Pu Lalremruata

Tantu      : Pu Tommy Zirnuntluanga

Thu sawitu    : Tv. R. Lalzamlova

Thilpek lakk            : Nl.Pc. Lalrinmawii

hawmtu turte   Nl.Laltanpuii

            April thla chhunga Inkhawm leh Fellowship zai hruaitu leh musician turte.

Hla hruaitu   : Pu Lalremruata

turte                 Tv. F.Laldingliana

Musician       :Pu Lalchhandama

                          Tv. Malsawmzuala

VAWIIN  TLAI   FELLOWSHIP

A hmun    : S.S Hall

Hruaitu      : Pu Lalduhkima

Tantu       : Nl.Priscilla Lalramsangi

Iteams turte

Solo          : Nl. C. Zosangliani

Live Band

Special Numbers:

                     Tv. F. Laldingliana &

                     Tv. R. Zodinsanga      

KOHHRAN HMEICHHE PROGRAMME (Ni 1.5.2012)

Ramthim zin

A hmun          : S.S. Hall

Hruaitu         : Pi Lalchhuankimi

Tantu             : Pi Laldingpuii

NUN    FIMKHUR

                                                                        (II Sam 12:14)

            Tunlai kan khawvel hun hman mek ah hian kan ringtu nun hi fimkhur a tul zual tawh hle mai. Vanram kan panna kawngah hian min kai pengtu hi a van tam tak em! Motor khalhtu Driver chuan zurui chunga fimkhur mang lova motor a khalh chuan a chesual thin. Ringtute hi Vanram kan panna kawngah hian muthlu chung hian kan lo kal ve mai em! Lal Isuan nangni thilsual ti te u, ka hre ngai lova che u, ka hnen ata kal bo rawh u, a tih zinga mi kha kan nih loh nan kan nun hi i fimkhur ang u.

            Davida chanchin atang hian kan nun fimkhur a tul zia i lo zir teh ang. Davida chu Israel lal atan Pathianin hriak a thih a. Hriak thih a nih hnu hian Israel sipai ten an hlauh em em Goliatha chu Lalpa chakna rin chhanin a hneh a, Davida chu a thiltih apiangah fel  takin a chet thin avangin Lalpa chu a hnenah a awm zel a, Saula'n thah tumin bei mahse a tlan chhiatsan zel a, that thei dinhmunah ding mahse Lalpa hriak thih chunga kut thlak duh miah lo mi inngaitlawm, hmelmate hmangaihna nun nei tlat mi a ni. Tin, Indonaa kalte leh bungrua veng a lo awmten rallak thil an in sem tur ah pawh in ang veka sem duh mi, mi rilru dik Israel mite chunga fel taka roreltu a ni. Hetiang taka mi dik  nimahse a nun a fimkhur loh avangin Bethsebi lakah mawi lo takin a lo chesual ta a, a pasal Uria  thatin Pathian duh loh zawngin a lo awm ta, a va pawi tak em! Pathianin Nathana hmangin a hnenah " Amaherawhchu he i thil tih hian Pathian sawichhiatna remchang tak LALPA hmelmate tan i siam sak avangin naupang i laka piang chu a thi ngei ngei ang(II Sam 12:14) a ti. Pathianin ka thinlung ang pu mi a tih Davida pawh a nun a fimkhur loh avanga Pathianin a chhungkaw chunga harsatna a rawn thlen tir hi a rapthlak hle mai.

            Keini ringtute pawh hi ngun takin i in bih chiang  ang u. Pathian chhandamna chang tawh mi Piangthar kan in ti a, mahse kan nun hi kan thlahdah in kan duh ang ang hian kan awm mai a ni lo maw ! Kan Kohhran inkhawm han thlir hian. Rawngbawltu inkhawm thlah dah tak te, mi tih ang apiang ti ve thei mai, mahni in thiam chawp a, ka thil tih hian ka chhandamna a bo chuang lo kan tih mek lai hian, min hmangaihna avanga a thisen far tawp rat thlenga Kross a kan tan a nun hlantu kan Lal Isua Krista hi a lawm ang em? Teuh lo mai. "Thlah dah tak a rawngbawltu chu an chhe dawngin awm rawh se" a ti. Min tlantu kan Lalpa Pathian hi kan thinlung zawng zawng hian hmangaih ila. Kan nun fimkhur ila, Lalpa hmelmaten Lalpa an sawi chhiatna remchang siam saktu ni lovin, seng khawmpuitu tha hnem ngai taka thawktu i ni ang u.

Lalpa'n a thu malsawm rawh se. Amen

EDITORIAL  BOARD

(

Editor :

Tv.PC.Vanlalhriatpuia     

                            9862732381

Jt.Editor:

Pu R. Lalmuanpuia

                            9612159842

News Editors :

Tv.RLalzamlova    9612413196

Tv.R.Zodinsanga   8974743073

Tv.F.Laldingliana  9862378567

Tv.Lalhmangaihzuala

                            9862846345

Circulation Manager:

Pu.C.Lalnunsanga

                            9612413287

Editorial.........?

ZIRNA

            Matric result a han chhuah meuh chuan tualchhung atanga zirlai kan neih pawh kan in hriat mang loh karah result tha tak tak nei kan lo kat nuk mai tih han hriat hian a lawmawm hle mai. Hetiang reng renga matric result tha hi kan veng atang hian ala dawn emaw ni! tih tur khawp hial result kan hmu thei mai hi kan zirlaite inpekna rah a ni. A ropui hle mai. Kumina Matric exam hmabak zirlai kan neihte pawhin heng aia tha zawk result hi min hlui leh turah beisei ila, han tang fan fan teh u.

            Zirnakawngah hlawhtlinna rahbi pakhatna kan chuangkai ve ta a ni tih kan inhriat a pawimawh. Zirnaa mi hlawhtling ni tur chuan hmabak tam tak kan la nei. Hei hi chu zirna  lamtluangah hlawhtling tur a ke kan pen tanna mai a ni tih hria ila, hlawhtling turin kan hmabakah tumruhna nen taima taka kan tlan a tul dawn a ni.

            Mi hlawhtling  ni tur chuan mahni kal kawng kan thlan thiam a pawimawh. Zirna khawvel ah hian mahni kalkawng thlan fuh leh kan tuina line hriatchian hi hlawhtlinna atana rahbi pawimawh hmasa ber a ni. 

Article

LIRNGHING LAKA KAN HIMNA ATANA KAN TIH TUR LEH TIH LOH TUR TE:

-Lallawmkima Pa

            Tunlai hian Mizoramah lirnghing kan hre ta zauh zauh mai a, Mizoram hi lirnghing nasa ber chi nghin theihna (Seismic Zone- V) ah kan awm tih hriat theuh a tha ang. Chuvangin, kan insak chim ten nunna tam tak, keimahni ngei pawh; a lak loh nan Engineer thiam bik ten an ruahmanna ang ngeia in sak hi a tha a ni.

LIRNGHIN  HMAIN  HETIANG HIAN  LO  INBUATSAIH ILA:

1. Chhungtin in lir a nghin zawh veleh a chhungkaw inhmuhkhawmna tur, hmun him tura ngaih thlan lawk a tha.

2. Kan in te hi lirnghing tihchhiat theih anih hlawm avangin insuarance lak vek a tha, in a chhiat pawhin a sak lehna tur kan nei thei ang.

3. Kawngka pui ber a lo pin tlat pawh a, a dang chhuah theihna tur ruahman lawk a tha. Chhuahna tur dal thei tur thil hnawk dah loh a tha.

4. Mihring delh mai thei heng Pangpar bawm (Pot) leh thildangte, lirnghinga tawlh thla mai thei lo tura tihngheh nise.

5. Emergency Kit siam a tha. Hetah hian, Nawhalh, Torchlight, Mombati, Bandage, hliamthar damdawi (Antiseptic) etc.. Tin, Hospital hrang hrang leh hmun pawimawh bik Police Station, Fire, Radio etc. telephone number emaw Directory ang chi te hi dahluh tur a ni a. He Emergency Kit hi lir alo nghin pawhin hmun him tura beisei (inchhung) khawilaiah emaw dah nise.

6. Document hlu bik, in leh lo Pass, Certificate, Bank Account Book etc. ang te hi hmun khatah lak mai theih tura dah a tha.

LIR  ALO  NGHININ:

1. Chi ai leh phili a sawt lo.

2. Inchhunga awm i nih chuan dawhkan nghet tha emaw, khum hnuaia tawmte, kawngkapui Chowkut hnuaia dinte, Concrete buildingah chuan ban leh beam inzawmna hnuaia dinte a him duh, Slap chhunna hnuaiah din loh tur.

3. Gas Cylinder off vat tur.

4. Electric mainswitch pawh off nghal a tha, kangmei a chhuah loh nan. I Emergency Kit kha hmun himah i dah anih chuan chuh vat theih a tha.

5. Thil rit delh thei che heng almirah lian, lehkhabu almirah (Bookself) etc. hnaihah ding suh.

6. Tukverh darthlalang puak keh hi thil hlauhawm tak anih avangin tukverh hmachhawn zawnga din loh nise.

7. In pawn lama awm i nih chuan building lian, electric wire leh thinglian delh phak lohah awm tur.

8. Inchhawnga awm i nih chuan hlauh avangin zuan thlak hi a awl duh khawp mai, tih loh tur a ni.

9. Motor khalh i nih chuan kawngsirah i motor tiding ang che.

10. Office emaw, School-ah emaw, puipun naah emaw i awm a nih chuan tlanchhuak rum rum mai lovin, a sakal/tahtawl-in kal chhuah nise; a chhan chu hmanhmawh deuha tlan chhuah rum rum chuan indelh hlum/inchilhlim a awl bik a ni.

 LIRNGHIN ZAWHAH:

1. Lirnghing hi a chhawngin (After Shock) a awm duh hle mai a, chuvangin lirnghin zawh veleh la chim mai thei building chhuahsan vat emaw, a bul hnaia awm loh a tha.

2. Mi ti chi ai thei ti ti vawrh loh tur.

3. Puih ngaite pui turin thawkchhuak ang che, a bikin tar leh pianphunga rualbanlote theihnghilh suh ang che.

4. Hliam puih ngaite chu thiam bik an awm chuan khawih tir ang che.

5. Lir a nghin hian kang mei chhuak thei a ni a, theih ang anga lo thelh tur  a ni. Fire Service te hnathawh lo khawihpui tum erawh chu chin loh a tha.

6. Telephone ala tha anih pawhin thihna thleng thei thil pawimawh bik anih loh chuan hman loh a tha. Emergency Call atan chauh hmang ang che.

7. Lirnghin zawh hian ramsa nungchang a danglam thei a, chuvangin ui leh zawhte-te nungchang chik rawh.

THIL PAWIMAWH DANG(Inchim chungchang):

            Inchim/chhia ami chhanchhuak turin a hnuaia mite hi hriatreng tur a ni.

1. In chhia chu enganga sak nge? Englainge chhia? Enganginnge a chhiat? tih chiang takin en hmasak tur a ni.

2. Bangte kha chim mai thei a awm em? Hlauhawm loh turin engtinnge ka siam hmasak ang?

3. Bungraw kehsawm leh tladarh velah thil hlauhawm a awm thei em? tih chian bawk tur a ni.

4. Inchhiaa luh dawnin mahni chauhin luh loh tur.

5. Helmet khum thin tur a ni a, a awm loh chuan hmanraw dang remchang lu tuamna tur chi hman hram hram tur a ni.

6. Beng chhit kar tur.

7. I mi zawn kha a khat mawi tawkin koh/auh reng tur a ni.

8. Bang kehsawm leh khi reng reng nawr/khawih chet loh tur.

9. Electric Current kal theihna lam chi hrui reng reng chu Current kal reng angah ngaih tur a ni a, pawngpaw khawih mai mai loh tur a ni.

10. Inchhung i thlen hnuin mei chhi suh la, Gas put a awm theih avangin lighter/nawhalh hman loh tur, a theih chuan torchlight hman hram hram tur a ni.

11. Bang hrul lamah zel kal thin tur a ni.

12. Engmah pawtin phih mai mai suh, thildang a chim belh rum rum thei.

13. I TAKSA NGAIPAWIMAWH HMASA BER ANG CHE.

IMPROVIDE STRETCHER:

            Chhiatna thlenna hmunah rang taka Stretcher lak mai turte a awm thin lova, chuvangin Stretcher awm lohna hmunah rang takin hetiang hian Stretcher a siam chawp theih a ni.

1. T-Shirt pahnih emaw pathum-ah tiang pahnih hawlh tlangin Stretcher anga hman mai theih a ni.

2. Buara ip a; thing pahnih hawlhtlangin mi zawn nan a hman mai theih a ni.

3. Puantlang/Blanket/Parda hmawr suihzawma a laia thing rawlh tlangin mi zawn nan a hman ve theih.

4. Khum pawh hi Stretcher angin a hman ve theih.

5. Hruizen zig-zag a kualin, a kual laiah mi pathum/pali velin vuan theuhin mi zawn nan a hman theih.

6. Alpine Basket: Hei pawh hi hruizen zig-zag a kualin a laiah damlo chu mut tirin, a tlang kual theuh chu la khawmin a laiah thing rawlhtlangin inzawn nan a hman theih bawk.

            A pawimawh ber chu chhiatna thlenna hmun azirin i remhriatna kha a pawimawh ber a ni.

BIBLE QUIZ NO.18

I LALTE BUNG 14-17

A Kâr âwl dah khat rawh :

Q1. Tin, chhangper sâwm leh chhâng hlawm te te leh khawizu um khat keng langin, a hnênah va kal teh: ................................... awm dan tûr chu a lo hrilh ang che,” a ti a.

Q2. A hmaa a pain thil sual a tih zawng zawngte kha a ti ve a: a pu Davida thinlung angin a thinlung chu LALPA a Pathian lamah a tha .................................. ve lo va.

Q3. ngai teh;  Baasa leh a chungte hi ka tibo hlauh dâwn a ni; tichuan Bebata fapa .................................. chhûngte ang maiin i chhûngte hi siam ang.

Q4. “Heta ta hi chhuak la, khawchhak lam panin kal la, Jordan bula awm ........................... luiah han biru rawh

A bung leh Châng dah rawh :

Q1. Kal leh ta la, Jeroboama hnênah, ‘LALPA, Israelte Pathianin heti hian a ti, Mipuite zing ata hi ka chawisâng chia, ka mi Israelte chungah hian hotuah ka siam chia,

Bung: ...............          Chang: ....................

Q2. Tin, Abijama chu apute hnênah chuan a muhil a; tichuan Davida khawpuiah an phûm ta a tin,a aiawhin a fapa Asa chu a lal ta a.

Bung: ................         Chang: ....................

Q3. Tin, a puipa Zimria, a tawlailir zatve chunga hotuin a phiar ru a: chutih lai chuan Tirza khuaah, tirza khuaa a in chhûng lam hotu Arza inah a lo inin rui a:

Bung: ................         Chang: ...................

Q4.chutichuan a tho va, Zarephath khuaah chuan a kal ta a; tin, chu mi khaw kulh kawngka chu a va thlen chuan, ngai teh, hmeithai pakhat thing fawm hi a lo awm a; tin, ani chu a han au va, “Belin ti tlemte mi han lak teh khai, ka lo in ang e,” a han ti a.

Bung: ................         Chang: ....................

Hming : ......................................................

Section : .....................................................

BIBLE QUIZ  NO. 17 RESULT

Chhanna lut zawng zawng              : 0

Chhang dik vek                                : 0

Lawmman dawngtu                          : Awm lo.

            Bible Quiz  leh lawmman hi Cir. Manager Pu.C Lalnunsanga hnenah thehluh a, lam thin tur a ni

PAVALAI  PROGRAMME

A hmun : Pu R.Lalsangliana In

A hun : 3.5.2012 (Ninga Zan)

Hruaitu : Pu T.Lalrinthanga

Tantu : Pu Ramdinthara

            Tawngtai rual leh rilru sawia hun hman tur a ni.

BLANKET  SU  DAWN

            Ni 6.05.2012 Inrinni hian K.T.P Upa R. Lianzinga Group te chuan sumtuak nan Blanket su a inhlawh an tum a. Vengchhung mipui te tlawmngaia suk tir turin kan in ngen a ni. A suk man chu hetiang hi a ni:

1. Blanket (Double) - `120

2. Blanket (Single)   - `80

3. Foreign Blanket    - `50

            Tin, ni 3.5.2012 (Nilai) zan inkhawm ban hian Blanket suk tur khawna hnatlang neih tur a ni a, group member te thahnemngai taka thawhchhuah i tum theuh ang u. Inkhawmban veleh Tv. R.Zodinsanga te inah innghahkhawm tur a ni e.

YMA  hriattirna

            Art & Clture Dept. hnuaiah Mizo Hnam Lam (3 Months Certificate Course)  May thla atangin a zir theih dawn a, Branch aiawha  zir duh chuan Branch YMA Secretary hnenah tun Pathianni dt.29.4.2012 ral hmain thlalak passport size copy khat nen in report tur a ni e. Nitin kal man hi Branch in a tum sak ang.

MIPUITE  HNATLAN  DAN TUR

Vanapa Section huam chhung

Dt.30. 4. 2012 ( Thawhtan ni)

 

Taitesena Section huam chhung

Dt.1.5. 2012 ( Thawhleh ni)

 

Chawngbawla Section huam chhung.

Dt.2.5. 2012 (Nilaini)   

            Section tin mipui te mahni hnatlan hunah thahnemngai taka thawh theuh i tum ang u.

STATE  AWARD  DAWNG

            Anganwadi worker tha chawimawina State Award chu Pi Zaithantluangi W/o C. Lalduhsanga (T.Sec) hnenah Mizoram sawrkar chuan a hlan a. Hetiang mi vengchhungin kan nei hi a lawmawm in a chhuanawm takzet a ni.

TUALCHHUNG

,Nl.K.lalmuanpuii d/o Kapliana (T.Sec) chu damlohna avangin Synod Hospital, Durtlangah enkawl mek ani.

,Pi Lalsawii m/o Tv. Lalnunsanga (T.sec) te chuan kawilo vahvel nan Bike (Karizma) thar an lei.

,Pi Lalchhuanawmi w/o Laltanpuia (L) (T.sec) te chuan kawilo vahvel nan Scooty (Wego) thar an lei.

,Pu Ramdinthara h/o Parteii (V.sec) te chuan kawilo vahvel nan Car (Zen) an lei thar.

Nizan inkhel result (EPL):

Everton 4-0 Fulham

Stoke City 1-1 Arsenal

Sunderland 2-2 Bolton

Swansea 4-4 Wolve

West Brom 0-0 Aston Villa

Wigan Athletic 4-0 Newcastle

            Norwich City leh Liverpool inkhel result kan hre hman ta lo.

SUNDAY, APRIL 29, 2012

Chelsea Vs QPR (6:00)

Tottenham Vs Blackburn (8:30)

MONDAY, APRIL 30, 2012

Man. City Vs Man. Utd. (12:30)

TUESDAY, MAY 1, 2012

Liverpool Vs Fulham (12:15)

Stoke City Vs Everton (12:15)

Tualchhung atanga Matric pass kan hriat belh te:

Ramtharnghaki         -II

(Letter in Mizo)

D/o R.Lalchhuanmawia

Hmingthanpuii          - II

D/o Lalremsiama

Lalrawngbawli          -II

D/o J. Malsawma

Zothanpuii                 -III

D/o Hmingchungnunga

THU  HO  MAI  MAI

            Kan Cir. Manager Pu C. Lalnunsanga chuan ui te thar a nei a. Ui kaia tih tawh tur a ni.

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw

MIPUI AW

VolVol. XVIII   Issue No. 17  Kristian  Thalai  Pawl    Saikhamakawn   Branch     Pathianni   Dt 22.4.2012

KOHHRAN PROGRAMME

22. 04. 2012  (Pathian ni)

Chawhma Inkhawm

Thusawitu  : Pastor G. Chhunthuama

Thupui:Pathian chhungte (I Tim. 3:15)

Zaipawl: Saikhamakawn Kohhran Zaipawl

Chawhnu Inkhawm

Lalpa Zanriah Sacrament

Buatsaihtu : Pastor G. Chhunthuama

Zaipawl      :  Hlimen Vengthar Kohhran Zaipawl leh Bial Zaipawl

Zan Inkhawm

Veledictory Sermon: Upa Rinngaia

(Retiring Chair)

Zaipawl: Hlimen Damveng Kohhran Zaipawl leh Hlimen Kohhran Zaipawl

KTP PROGRAMME

 Dt. 23.04. 12 (Thawhtan zan)

Hruaitu         : Pu R.Lalmuanpuia

Tantu             : Tv. Laldawngliana

Thusawitu     : Tv. Pc Vanlalhriatpuia

Thilpek lak- : Nl. Malsawmtluangi

hawmtu turte   Nl. Zosangliani

            April thla chhunga Inkhawm leh Fellowship zai hruaitu leh musician turte.

Hla hruaitu   : Pu Lalremruata

turte                 Tv. F.Laldingliana

Musician       :Pu Lalchhandama

                          Tv. Malsawmzuala

VAWIIN  TLAI   FELLOWSHIP

         Bial Inkhawmpui anih avangin vawiin tlai Fellowship a awm lovang.

KOHHRAN  HMEICHHIA

PROGRAMME (Ni 24.04.2012)

                        Sermon

Hruaitu         : Pi.Laltlanzari

Tantu             : Pi Vanlalzawmi

Thusawitu: Pi Vanlalhruaii

LALPA  LAKA  KAN  ROCHAN

            " Ngai teh, fanaute hi LALPA laka kan rochan an ni a. Rilarah hi a lawmman mi pek a ni..  (Sam  127:3)

            Mihringte hian thil hlu leh tha nia kan hriatte hi ro kan ti mai a, kan Pi leh Pute pawh khan Dar khuangte, Dar bute, Silaite kha ro thaa an neih a ni. Tunlai hunah chuan In leh ramte hi ro berah kan nei ta, thenawmte nen ramri feet hnih khat lek ah pawh in hmuthiam lo thenawm in ngeih lo sawi tur kan awm fo ta mai! I in bih chiang teh ang u. Khawvela kan awm chhung hian mamawh chin chu kan nei ngei mai, mahse, a berah kan nei ang tih erawh a hlauhawm hle. Heng In leh lo te, sum leh pai te hi Lalpa laka kan rochan an ni lo. Lalpa laka kan ro chan chu kan fate hi an ni a, hmangaih taka enkawl hi kan tih tur a ni.

            Tunlai khawvel hmasawnna thang chho mek zelah hian kan chhungkua hian khawi kawng nge kan zawh? Information Technology hmasawnna hian min rawn su ta dawt dawt mai. Internet, Face book leh SMS hmangin kan in be pawp ta zung zung a. Kan khawvel pawh a lo zim zo ta. Synod Social Front Research team ten Questionaire an siam mi 1500 ten an chhan dan ah chuan Mobile phone hmang Aizawlah mi 99.6%, T.V. nei 98.3%, Computer nei 69.87%, an awm, heihi nikum 2011 kum tir a mi kha a ni. Tlawmngai pawl pakhatin Aizawl khawpui chhunga inzuar an zir chianna ah chuan mi 196 te chu Mobile phone a koh mai theih an ni a, Thalai kum 16-20 in kar an thahnem hle, Middle School rap chin pawh 107 chuang niin a tarlang. Heng hmasawnna hian kan fate sual kawng lamah a hruai mek a ni.  Nu leh Pa kar nilova Sex hman hi sual a ni a, kan lo hmang a nih chuan Pathian duh loh zawng ti kan ni a, Kohhrana phuar tur kan ni. HIV kan kai palh phei chuan tih damna a awm lo.

            Chhungkaw tinte hi sual hian min bei reng a, kan dam tlang em? kan fate an him em ? Sum leh Pai ngaihtuaha a thim a var thlu lova kawla ni chhuak chhiara theih tawpa tan kan lak lai hian Lalpa laka kan rochan kan fate hian khawi kawng nge an zawh? Puithiam Elia anga Pathian dem kan kai loh nan. Kan fate'n Lalpa thih thlenga an zui theih nan an naupan laiin Lal Isua hnung zui turin i zirtir ang u. Kum upat hnua thil zirte hi hriat bel a har em em a, hriatna hi a bil tuih tawh a, a nghet tawh lo, kan piangthar nghet thei lo a ni. Chuvangchuan naupang kalna tur kawhhmuh hi kan mawhphurhna a ni. Naupang chu a kalna awm kawngah zirtir ila a upat hun pawhin a thlah lovang. (Thuf 22:6) Naupang thunun tim suh, tiangin vaw mah la a thi dawn si lo. (Thuf 23:13) "Fanaute hi LALPA laka kan rochante an ni" LALPA hnen atanga lawmman kan dawn te hian LALPA hi an thinlung zawng zawnga an hmangaih tlat theih nan engtiklai pawhin Nu leh Pate hian kan fate i zirtir ang u. Lalpa'n a thu malsawm rawh se. Amen.

EDITORIAL  BOARD

(

Editor :

Tv.PC.Vanlalhriatpuia     

                            9862732381

Jt.Editor:

Pu R. Lalmuanpuia

                            9612159842

News Editors :

Tv.RLalzamlova    9612413196

Tv.R.Zodinsanga   8974743073

Tv.F.Laldingliana  9862378567

Tv.Lalhmangaihzuala

                            9862846345

Circulation Manager:

Pu.C.Lalnunsanga

                            9612413287

Editorial.........?

CHHIATNA LAKA INVEN A PAWIMAWH

            Furpui kan hmachhawn mek a, ruah tui a tla tha thei hle mai a, chhiatrupna bikin leimin laka kan him theih nan mitin kan fimkhur a tul hle mai. Mahni in bul hnai theuh leimin thei laka a him zawk nan  in  atanga tui inpaihte en uluk tlang ila, pialtlep chunga awm kan nih i hre tlang theuh ang u. Kan in leh lo atanga tui luang chhuakte tuihawk luankawrah lut thei hram se la, chutiang ni lova tui a remchan dan ang anga a luan kawi avang hian leimin nasa tak a thleng thei tih kan hriat a tul hle mai.

            Kan ram chin anih avanga a bul hnaia awmte tana hlauhthawnawm khawpa hma lak palhte pawh thil awm thei a ni. Chuvangin mahni  chauh nilo midang himna kan ngaihtuah thlen a pawimawh hle a ni.

            Sap thufingin ‘Tihdam aiin inven a pawimawh zawk’ an tih angin Furpui thlen hmaa kan inveng lawk hman lo anih pawhin ruahtui tlak mek lai pawh hian tamtakah kan la inveng thei tih i hre thar theuh ang u

Article

MAWI KA LA TI FAN

-Tukhumpawnga

Heti tak maia dan ngai pawimawhlo tamna veng kan nih vanga, a mangan thlakzia leh thuawihlote avanga mi tam zawkin kan tawrhna tamtak, a tuartu tana ninawm leh khamawm, a tuarlotu tana han hriat tham tehchiam ni lawi silo thil hi ka sawi tum tak ani lova. Phunchiar tak, phun lungawi mai mai kan nihzia te pawh.

          Vengchhung thuneitute leh sawrkarin dan, vengchhung mipui zawm tur ‘Ran’ khuahkhirh tur tih te hi, a duhin ar an chhuaha, a duhin uicho an chhuahna veng kan ni tih hi kan pawm em? Heng ran, zalen taka chhuahtute hian thenawmte tan an rante’n pawi an sawi tih hre rengin an haider mai thei. Mahse, pawi an sawi nasa si. Kei, Tukhumpawnga tan phei hi chuan an sawi nasa, uicho hi ka hlau em a! An ek hi ka tena, kan bawlhhlawhbawm an hai darh a, kan kawt kaiah an e a, bawlhhlawh tawp pui pui kan kawtah an rawn hnuchhiah zui a. Ar lah hian chuktuah huanah thlai min neihtir thei reng reng lo, kan kawt leh varanda-ah an e luar a; chu zawng chu kan hlep, hlep chhe ve tak kan ni. Ka tan chuan zuzuar aiin an hnawk, zu in mi ka nih loh vangin.Chuti lam chu ka sawi tum ber a ni lo.

          Tui connection nei veng ni ve si, tui lo haw hun tur reng reng hre lova kan awm rei ta lutuk hian harsa taka ka thawh chhuah pawisa hi a hlu lo bik riauva hriatnate mi neih tir thin. Veng tam tak chuan an tui haw hun tur an hre thlap thlapa, chu chuan tui atana inpek a ngaihzia a hriattir a, tui a dawn tur ang a dawn lohin a complain thei thin. Kan veng hian hemi kawngah hian ngai kan awh rei lu deuh a ni! Hetiang hian kum engzat nge kan kal tawh!? Chumi chu ka sawi tum tak pawh ala nilo fo.

          Zanlai thlen hma, nunau tam zawk tui taka an mut hun tawha, lungngaihna leh mangangna  dawt chiaha lo thleng thin mitthi dar leh tap thawm inchhawnin thalai leh a thei piangte pan khawm thin mithi in,  tih fel ngai tifel tura kan hmanhlel zawh chiah a, mizo kan nih vanga kan tih thin tlaivar ngaih hun hi a lo thleng thin, ala thleng zel bawk ang. Zan khuain mitthi chhungte khawhar chhawk zangkhai nan, a thei apiang kan zai tlaivar thin. Hemi hunah hian thalai kan tam ber thin. ‘Lenrualte u khua a var dawn ta’ kan tih meuh chuan thalai tlaivarte chhawk turin nu leh pa an lo kal tak tak a, khua a var, thalaiin kan hma bak hre rengin tlem mut kan duh hun a, nu leh pa khawhar hla hriltu awm lo pawha thiam vek mai an han zai dup dup mai thin kha ‘MAWI KA LA TI FAN’. Tunah hian kan vengah hriat tur reng reng a awm ta lo. Nu leh pa tlaivarlo in tin deuh thawah kan awm si. Khatiang zai mawi tak ri kha han hre leh thei ila aw! Chu chu a ni ka sawi tum tak chu.

HRISELNA HUANG

EI LEH IN

            Ei leh in hi a tel lova mihringte kan nun theih loh zinga pakhat a ni a. Kan taksain chakna kan dawnna hnar ber a nih laiin, kan fimkhur loh erawh chuan natna tam tak min thlentu a ni thei bawk. Tin, damlo inenkawl mekte tan pawh an châk avanga an ngeih loh zawng an ei luih tlat chuan damna tak tak an nei thei thin lo. Mihringte suala kan tlukna chhan pawh kha ‘Ka châkna’ vang bawk a ni a. Kan ei leh in hian kan hriselna leh kan thlarau nun nasa takin a nghawng a ni.

1.Chaw thial ngun: Kan chaw ei, kan taksain a chhawr tangkaina hi kan ei zat ai mahin kan thial ngun leh ngun lovah a innghat thui hle a. Ngun taka chaw kan thial hian chilin tha takin alo pawlh a, chu chu tha taka chaw pai tawihna atana rahbi pakhatna a ni. Hun chep tak kara ei tur i nih chuan, hmanhmawh taka ei teuh lovin, tlemte ei la, ngun takin thial zawk rawh. Rilru a chi ai lai emaw, hmanhmawh laia ei ai chuan hahchawlh phawt a, rilru leh taksa hahdam deuh huna ei hi a tha zawk a ni. Hei hi a chhan chu, rilru leh taksa a hmanhmawh lai hian chaw pai tawihna atana min puitu (Digestive fluids) te hi a tam tawh thin lo a ni.

2.Zing chaw ei that: Nilenga chakna kan hmuhna tam zawk hi kan zing chaw ei atangin anih avangin kan ngai pawimawh hle tur a ni a. Zing lamah hian kan pumpui hi chhun lam leh tlai lam aiin tha taka chaw pai tawih turin alo inring zawk a ni.

3.Mut dawna chaw ei loh: Zan lama chet la chi (Nocturnal animals) kan nih loh avangin zana kan mut hian kan taksa khawl hrang hrangte hi alo thawk muang ve a. Chutiangin kan chaw pai tawihna khawl pawhin chawlh alo duh ve thin a. Amaherawhchu, mut dawna thil kan ei chuan kan pum hian zankhua deuhthawa a thawh alo ngai a, tichuan mut a titui lova, mumang duhawm loh pui puite kan lo neih phah thin a ni. Tin, tlai lam emaw zan lam emaw chaw ei teuh hi zing lam emaw, chhun lam te emawa kan ei ang lo takin taksain alo hmang tangkai em em lova; zan lamah chuan kan taksa alo chawlh tawh thin avangin chaw-a chakna tam tak (Calorie)-te kha hman (burn up) a nih loh tâkah chuan thisen dawt bang (walls of great vessels) velahte alo chambang tam tel telh thin a. Hei hian hun alo rei deuh hnuah phei chuan thisen dawt chu hnawh phui hialin thisen kal tur alo dang a, natna hrang hrang, a bikin heng- thih thut theihna, lungphuchawl kan tihte hi a thlen phah hial thin a ni.

(Source : Hriselna Huang Monthly Magazine)

BIBLE QUIZ NO.17

i Lalte  BUNG 9-13

A Kâr âwl dah khat rawh :

Q1. Chungte chu Solomona hna chunga hotu bik 550, hnathawk ...................... chu an ni

Q2.Lal thutthleng kai chhohnaah chuan rahka paruk a awm a, chu mi lalthutthleng hnung lam chu a lo kum phei kulh a: a thutna sir tuakah chuan dona a awm ve ve a, tin, dona bulahte chuan sakeibaknei sâwm leh ............................ a ding a;

Q3.Hadada tihhreawmna belhchhahin Solomona dam chhûng zawng, Israelte hmêlma a ni fo thin reng a. Israelte a haw hle mai a, .......... ram chungah ro a rel a.

Q4.Tin, heti hi ani a,Israel-ho zawng zawngin Jeroboama chu a lo kir leh tih an hriatin,punkhawmnaa lo kal tûrin an kohtir a,Israel-ho zawng zawng chunga lalah an siam ta a: Juda hnam ngawt lo chu ................... chhûngte zui tumah an awm lo.

A bung leh Châng dah rawh :

Q1. Tichuan ani chuan a hnênah, “Ka in lamah ka hnênah lo kal la, chhâng va ei rawh khai,” a ti a.

Bung: ...............          Chang: ....................

Q2.Solomonan thil dah khawmna khua neih zawng zawng te, a tawlailir dahna khua te leh,a sakaw chungchuang mi dahna khua te, Jerusalem khuaah te, Lebanon-ahte leh a rorêlna ram chhûng zang zanga Solomonan chak taka siam a tum zawng zawngte chu a

siam a ni.

Bung: ................         Chang: ...................

Q3.Tin, rahka parukah chuan, a sik tuakah sakeibaknei sâwm leh pahnih a ding a; chutiang chu khawi ramah mah an siam ngai lo.

Bung: ................         Chang: ....................

Q4.Tin, Tahpenesi laizawn chuan fapa Genubatha a hrinsak a, Tahpenesiin Pharaoa inah a hnute hnek banna a siamsak a: tin, Genubatha chu Pharaoa inah Pharaoa fate zingah chuan a awm ta a.

Bung: ................         Chang: ....................

Hming: ..............................................

Section: .............................................

BIBLE QUIZ  NO. 16 RESULT

Chhanna lut zawng zawng              : 2

Chhang dik vek                                : 2

Lawmman dawngtu              : Vansangpuii V. Sec

            Bible Quiz  leh lawmman hi Cir. Manager Pu.C Lalnunsanga hnenah thehluh a, lam thin tur a ni

PAVALAI  PROGRAMME

A hmun : Senior Hal

A hun : 26.4.2012(Ninga zan)

Hruaitu : Pu Rinzauva

Tantu : Tv. Lalfakkima

Thusawitu : Pu Lalfakawma

HLA ENNAWN TUR

            Vawiin zing dar 9:00-ah Kohhran Zaipawl ten hla ennawn tur a ni a, Zing dar 9:00 ah chuan Biakin ah kim vek tur  a ni e.

TRAFFIC HRIATTIRNA

            Biakin chhuah lam peng atanga Pu R.Zohmingliana in kawt kawngpui dungah Motor dah lo turin vengchhung mipuite kan inngenin kan inhriattir e.

            Tin, Traffic Committee zawng zawngte zing dar 9:00 ah Biakin kawtah kal khawm vek tur  a ni e.

BIAL  KHAWMPUI  NEIH MEK  A  NI

            Presbyterian Kohhran Hlimen Pastor Bial Inkhawmpui Vawi 47-na chu Saikhamakawn Kohhranah neih mek a ni a, zanin hian a tiak ang. Thupui atan hian “Pathian chhungte” (I Timothea 3:15) hman a ni.

Puipate:

Chairman:

        Upa Lalrindika

Secretary:

        Upa Ch.Lallianzuala (Sr.)

        Upa Lalremsanga (Jr.)

Tresurer:

        Upa C.Lalengzauva (Synod)

        Upa C.Zothanliana (Bial)

Ex.-Chairman:

        Upa Rinngaia

            Tualchhung atangin inkhawmpui lai hian vengdang mite kan kian nasat thin avangin tualchhung mi inkhawm kan tha lo thin a, tualchhung mite pawh inthlahrung hauh lovin inkhawm theuh i tum ang u.

TUALCHHUNG ATANGA HSLC PASSED THAR TE

1.Eric Malsawmtluanga   -D

S/o Chhuanvawra

(Letter in all Subject)

2.Amy Lalhmangaihzuali -D

D/o Lalzarzova

(Letter in Eng., Sc., Mz., IIT)

3.Lalmuansangi        -I

D/o Lalmuanpuii

(Letter in Mizo)

4.Chanchinmawia    -I

S/o Udina

(Letter in S.S)

5.Lalpekhlua             -I

S/o Lalrochama

6.Lalrinmawii                       -I

D/o Biakzuala

7.Solomon Lalremdika -I

S/o Vanlalhuma

8.Lalmuanpuii          -II

D/o K.C.Khaia

(Letter in Mizo)

9.Judy Lalsangliani  -II

D/o Lalbiakhlua (L)

10.Lallawmzuali       -II

D/o R.Lalsangliana

11.Lalmuanawmi      -II

D/o Lalremruata (L)

12.Lalhmangaihzuali           -II

D/o Thantluanga

13.Zonuntluangi       -II

D/o Vanlalruata

14.Michael Lalrinhlua -II

S/o Lalhlimpuia

15.Malsawmkima     -II

S/o B.Lalhmingliana

16.Lalhlimawma       -II

S/o Lalnithanga

17.Lalrinmawii         -II

D/o Upa Zonunmawia

18.Lalhmangaihsangi -II

D/o Lalventhanga (L)

19.Baby Lalhmangaihzuali -II

D/o Thangluaia

20.Lalramchuana     -III

S/o R.Lalhmingliana

21.Lalrinmawia        -III

S/o Thlawhkhuma

22.Vanlalsiami         -III

D/o H.Vanlalvena

23.Lalremruati          -III

D/o Laltlani

            Tualchhung atanga HSLC (Matic) Pass tharte Mipui Aw Editorial Board-te chuan kan lawmpui hle a, an kal zelna atan duhsakna sang ber kan hlan e.

TUALCHHUNG

,Vanlalhruaitluangi d/o Pu Rony Vanlalhauha (V.Sec) chu Pneumonia natna avangin Alpha Hospital, Kulikawn ah enkawl anih hnuin dam takin  alo chhuak.

Nizan EPL Result

Arsenal 0-0 Chelsea

Aston Villa 0-0   Sunderland

Blackburn 2-0 Norwich

Bolton 1-1 Swansea

Fulham 2-1 Wigan

N.Castle 3-0 Stoke City

QPR 1-0 Tottenham

Zanin inkhel tur

Man.Utd. Vs  Everton (5:00)

Liverpool Vs West Brom(8:30)

Wolve Vs Man.City(8:30)

Thawhleh zan

Aston Villa Vs Bolton (12:15)

VAWIIN KHAWCHIN

A lum lai berin : 290 C

A vawh lai berin : 220 C

   Chawhma lamah khua a tha anga, Chawhnu lam ruah 2mm a tla anga, zan lamah ruah 2mm a tla  bawk ang.

Source : Weatherforecast.com

THU  ROTLI NG

* Mahni pwisa ip tilang tu chuan rukru a thlem a ni. Pawisa thuah chuan mitin hi sakhaw pakhat bia vek kan ni.

           - Voltaire

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300