Mipui Aw 2.10.2016

MIPUI AW

KARTIN CHHUAK

Vol. XXII Issue No. 40 Kristian Thalai  Pawl  Saikhamakawn Branch  Pathianni Dt.2.10.2016

VAWIIN CHÂNG VAWN

            Ram zawng zawngte u, LALPA chawimawiin hlim takin au rawh u. Lawm chungin LALPA rawng bâwl ula: Hla sa chungin a hmaah lo kal rawh u.

                                    - Sam 100 : 1 & 2

KOHHRAN PROGRAMME:

Ni 2.10.2016 (Pathianni)

Chawhma Inkhawm

Crusade

Thusawitu      : Speaker        

Chawhnu Inkhawm

Crusade

Thusawitu      : Speaker

                        Zân inkhawm

Crusade

Thusawitu      : Speaker

K|P INKHAWM PROGRAMME

Ni 3.10.2016 (Thawh\an Z^n)

Short Sermon & |awng\ai rual

Hruaitu               : Nl. Malsawmtluangi

|antu                  : Tv. Lalruatkima

Short Sermon      : Nl. R.Zonuntluangi leh

sawitu turte          Nl. Lalngaihawmi Ralte

Thilpek lakhawm - : Nl. Lalrammawii leh

tu turte           Nl. Lalhmingmawii Hauhnar

Zai hruaitute      : Tv. Lalfakzuala leh

(1-15 October)   Nl. Bridgette Zonunmawii

Keyboardist        : Pu Lalchhandama

KOHHRAN HMEICHHE

 INKHAWM PROGRAMME

Ni 4.10.2016 (Thawhleh Z^n)

Ramthim zin

A hmun          : Pu Lalbiakliana te In

                          (S/o Ropari)

Hruaitu           : Pi  Ralliani

|antu              : Pi Lalengpuii

K|P FELLOWSHIP PROGRAMME

Ni 2.10.2016 (Pathianni tlai)

A hmun          : Sunday School Hall

Hruaitu           : Tv. F.Laldingliana

|antu : Tv. Lalchhuanvawra

SERMON

INTHAWINA  NUNG

K. Lalfakawma Nu

Chutichuan unaute u, Pathian khawngaihna avang hian, inthawina nung leh thianghlim leh Pathian lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u.    Rom 12: 1-2

            Pathian duhzawng a \ha leh lawmtlak ni thei tur hian keini Isua Krista taksa peng hrang hrangte hi kan awm em aw! tih in enfiah fo ila, keini ringtute hi a fate kan ni a, kan pa thu hi kan zawm loh chuan a lungawilo a ni tih hi hria ila, keini pawhin fate kan nei a, kan faten kan thu an zawm loh chuan kan lungawilo fo \hin a ni tih hriain inthawina aia a thu zawm duhtu pa Pathian kan nei si a chuvangin kan theihtawpin Pathian duhzawng a \ha leh lawmtlak nih i tum zel ang u.

            Kan taksa hi ama ta, a thisen thianghlim taka lei tawh a  ni a, mahni ta kan ni tawh lova, mana lei kan nih tawh avangin kan duh dan dana nung thei kan ni tawh lova, min neitu Pathian tana kan chakna, kan theihna, kan rilru zawng zawnga kan hmangaihna kan lanchhuah tir hi a phut tlat a ni.

            He khawvela kan awmlai ngei hian amah kan hmangaih zia lanchhuah tir a ngai a ni. Hla phuahtu in ‘Mi dem hman a ni tawh love, ni a lo kiam sawt em e’ tiin a lo phuah a. Keini pawhin midangte en leh dem te ching lovin Lal Isua Krista chauh en ila Lal Isuan keimah aia a nu emaw a pa emaw hmangaih zawk tu chu ka mi nitlak a ni love a ti a, chuvangin keimahni ah hian Lal Isua hi Lal ber sela tichuan thlemna leh dodalna karah pawh keimahniah Lal Isuan hnehna a lo chang zel thei dawn a ni.

            Lal biakna kan sawi pawhin ‘I ram lo thleng rawh se, I duhzawng vana min an tih angin, leia min ti rawh se’ kan ti \hin a. Keimahniah lal ram a lo thlen kan duh chuan inthawina nung leh thianghlim Pathian lawmtlak a kan nun a ngai a, tichuan Pathian duhzawnga ana mite an awm angin keini leia mite pawh hi kan awm thei dawn a lo ni.

                        Lalpan a thu malsawm rawhse. Amen

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

BEI LA, BEI NAWN RAWH

            Mihring kan nih chhûngin mî ang pangâi kan nih chuan kan hmâah tih tur leh hma chhawp kan nei \heuh âwm e, he kan hmachhawp \heuhah hian tih hrâm peihna leh beih hrâm peihna neilo mihring chu mi hlawhthling an awm ngai lo. Chuvangin mimal tin ten hmachhawp hlen tur kan neih \heuhah hian tih hrâm hrâm leh beih hrâm hrâm peihna kan neih a \ul \hin. Mizoram School Education Board Special Exam result-te pawh kan hre leh ta, hêngahte pawh hian kan lo hlawhtling emaw hlawhtling lo emaw tih hrâm hrâmna hian rah \ha a chhuahin a chhuah lo leh dawn a ni. Thupuia kan hman ang deuh hian, beih hrâm hrâm a, kan peih tawh loh viau-ah pawh kan beih leh hrâm \hin a ngâi dawn a ni. Chutiangchiah chuan mitin mai hian kan hmâa tih tur awm hlenchhuah ngâi ang chi hi chu kan beih hrâm hrâm a, kan sual hlawhtlin a ngâi \hin a ni tih hriain kan hm^a harsatna awmte chu han beiin i han bei nawn leh hrâm hrâm \hin ang u.

ARTICLE

ISUA SAWICHHE TU KHAWVEL MILARTE LEH AN THIHDAN

JOHN LENNON(Singer): America ram thuthar lakhawmtute hma ah “Christianity hi a tawp ang, ala boral vek ang. Hnialbuai ngai lovin hei hi ka chiang, Isua hi a \ha, mahse a thu kente (subjects) te hi a mawlmang lutuk, tunah hi chuan a ni aiin kan lar fe” (1966) a ti a. Nia, hemi hnu lawk hian vawi ruk zet kah a'n ni mai chu- an lar ta phian.

TANCREDO NEVES (President of Brazil): Presidential campaign laiin “vote 500,000 ka hmuh tlin phawt chuan Pathian meuh pawhin president ka nihna tur a\ang hian min ti tla thei lovang” a ti pûng pûng a, a sawi ang zat vote chu a hmu ngei a, mahse President a lakluh anih hma in a khua a sik a, a thi daih.

CASUZA (Bi-sexual) Brazilian composer, singer and poet): Canecio (Rio de Janeiro) a show a neihna ah cigarette a pak khu tual tual a, van lam hawia pak khûk hluah pahin, 'Pathian, hei hi i tan ve aw' a ti vêl a, kum 32 mi niin chuap cancer-in hrehawm zet (horrible manner) in a thi.

TITANIC SATUTE: Khatia Titanic an sak zawh hlim khan thuthar lakhawmtuten, Titanic chu engtiang a him nge anih an zawt a, inring tawk takin, "Pathian pawhin a tipil thei lovang" an ti khanglâng a, a pil leh pil loh chu sawi a ngai lo, kan hre vek.

MARILYN MONRO (Actress): Thuhriltu ropui, Billy Graham-an show a neihna-ah ava tlawh a, Thlarauthianghlimin a hnena thusawi turin a tir a ni tih a han hrilh chuan, 'Nangni Isua ve hi ka mamawh love' a ti vei rawk a, a hnu lawk karah a apartment-ah thi a chhar a ni ve leh nawlh bawk.

BON SCOTT (Singer): A hunlaia band lar, AC/DC singer ni \hin chuan kum 1979 khan a hlathu-ah: 'Don't stop me; I'm going down all the way, down the highway to hell' a ti vei âl âl a, a hnu kum 1980 February 19-ah ama luak hâkin thi.

CAMPINAS (2005): Brazil-a khaw pakhat, Campinas-ah kum 2005 mai khan thian zaho zurui hian an \hiannu pakhat chu lengah an sawm a. An \hiannu nu chuan chutia rui chunga a fateho inkhalhchhuak tur chu a ngaihtuah hle mai a, a fanu car seat-a \hu tawh chu a bânah vuanin- 'Ka fanu, Pathianin hruai che sela, venghim che rawh se,' a ti lawm lawm a. A fanu chuan 'Ani (Pathian) chu a Savawm bawm (trunk) a a chuang anih ngawt loh chuan hetah chuan kan khat tlat tawh, a leng tawh lo' a ti vei chhar chhar a. A hnu lawk darkar hnih khat lekah chetsualna râpthlâk takah an thi phiar a, an car chu a chhe hneh khawp a, eng car nge anih tih pawh hriat loh khawpin a chhia a, mahse mak takin a Savawm bawm (trunk) chu a him pial a, police te pawhin chutianga a Savawm bawm engtinmah chhe khem eih pawh awm lova a him ngawt theihna chhan tur chu a awm lo niin an sawi a, chu ai pawha la mak em em zawk chu, chu bawm chhungah chuan Artui plate (crate of eggs) alo awm a, Artui pakhatmah a keh miah lo!

CHRISTINE HEWIT (Jamaican Journalist and entertainer) chuan Bible (Word of God) hi lehkhabu ziak awm tawh zawng zawng ah ala chhe ber a ti pûng pûng a, kum 2006 khan tunge anih pawh hriat hleihtheih loh khawpin a motor-ah a kanghlum daih.

               Mi tam takim Lal Isua aia thiltithei leh pawimawh hi a awmlo a ni tih hi an theihnghilh fo \hin. Mi ropui, thiltithei leh lar tak tak anlo piang a, an thi leh mai a, tumah rawn tho leh sawi tur an awmlo, Lal Isua erawh a thi a, a tho leh a, tun thlengin ala nung reng asin. Heng bak pawh hi sawitur tam tak kan hre mai thei, hei chauh hi kan sawi leh teh ang, Lal Isua hming hi zahpui ngai suh ang che.

.

BENG TI VÂR

Whatsapp vanga phone muang \hinte tâna hriat tur pawimawh

1. Whatsapp settings ah lut la, Data usage tihah lut leh la, Network usage tihah lut leh la, a hnuai berah Reset statistics tih kha i click dawn nia. A chung chiaha Total bytes received kha en la, engzata tam "Gb / Mb" nge a lo hman tawh i hre thei ang, a lo tam tawh viau chuan i phone a tihmuan phah hle dawn a ni. Chu vangin, a khât tâwkin i lo ti \hin dawn nia.

2. Group leh pvt message zawng zawng a bo hlau suh, a pangngai thlapin a la awm ang.

3. Group leh pvt message kha clear vek bawk rawh. Chhiar leh atana i duh post \henkhat a awm chuan chu chu long-press la, a chungah Star sign a lo lang ang a, i click dawn nia. Delete i phal loh zawng chu chuti chuan ti vek rawh. Ti chuan, Star mark i pek tih loh chu Clear chat tih a\angin i clear vek \hin dawn nia. I clear hmâin Keep starred messages tih lo lang kha a in-tick em tih en hmasa ang che. A lo in-tick chuan star mark i pek zawng zawng kha delete an ni ve lo ang.

4. Tin, whatsapp a\anga i dawn Thlalak te, voice message te, mp3 te, video te kha i Memory card-a a luh loh chuan, i phone storage ata kha Delete i phal chin zawng chu delete vek la, i la duh te chu hmun dangah Move vek rawh. Memory card-ah i move theih chuan move vek rawh.

5. Whatsapp hi thla khatah vawi 1 emaw, vawi 2 emaw tal update \hin ang che. Chutilochuan a chhe mai \hin. Tuna i hmanlai kha eng version nge tih i hriat duh chuan - Settings ah lut la, About and help ah lut leh la, About ah lut la, i hman mek Version chu i hmu thei mai ang. Tichuan, i update duh chuan www.whatsapp.com/android/ ah lut la, i hmu mai ang. Ni 3 dan velah update thar hi a awm \hin.

6. Thil dang vang pawhin phone a muangin memory a full duh hle a, games leh apps \henkhat i install kha delete/uninstall \hen rawh. Zapya a\anga thil in inthawn \hin chuan in inthawn tawhna (history) kha delete vek \hin ang che.

7. Mobile cleaner chi hrang hrang a\anga i clean vek hnu pawh khan, thil la in-run reng ala awm a, chu chuan battery leh RAM a hmang zel tho avangin a down hma phah a, phone a chak tawk loh phah a. Chu chu clean turin playstore atangin App Cach Cleaner zawng la, download/install la, i tifai vek thei ang.

8. A tawp ber atan, i phone system software kha update tur a awm leh awmloh System Update tih emaw, Software update tih emaw, Phone update tih emaw, etc. zawng la, en \hin rawh.

9. Phone a muan chuan net a tihmuan zual phah \hin.

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

SAMTLANG DIAMOND JUBILEE AH KAL

            26.9.2016 (Thawh\anni) khan Samtlang K|P Diamond Jubilee lawmnaah kan Branch aiawhin Pu C.Lalmuanpuia, Pu Lalremruata, Tv. Lalrinnunga leh Tv. Lalnunzira te an kal a, K|P Saikhamakawn Branch hmingin lawmpuina thuziak (Citation) hlan an ni bawk.

LAWMTHU SAWINA

            Ni 28, 29 & 30.9.2016 khan Jeremia Group, K|P chuan rawra thiarin hnatlang kan nei a, heta thawkchhuak Group Member zawng zawngte leh Melthum Branch a\angin member pakhat in min pui bawk a, inzavaia chungah lawmthu kan sawi tak meuh meuh e.

            Tin, inhlawhna min petu Pu VL Malsawma te chhungkaw chungah lawmthu kan sawi tak meuh meuh bawk e.

Sd/-

(F. LALDINGLIANA)

Asst. Secretary

Jeremia Group K|P

BIAL K|P THISEN PE

            Nimin ni1.10.2016 (Inrinni) khan Bial Kristian |halai Pawl chuan CK|P Blood Donation Calendar zul zuiin thisen kan pe a, Member kal, thisen pe thei leh pek tuma kal zawng zawngte chungah Branch Committee chuan lawmthu a sawi e.

Sd/-

(P.C. VANLALHRIATPUIA)

Secretary

K|P, Saikhamakawn Branch

K|P SPORT

            Saikhamakawn Branch K|P chuan ni 11.10.2016 (Thawhlehni) hian K|P Sport, Phulpui Sport Complex-ah neih a ni dawn a, hetah hian heng a hnuaia Item hrang hrang hi awm thei tur ruahmanna siam a ni:

1. Football (Mipa)

2. Volleyball (Hmeichhia)

3. Basketball (Mipa & Hmeichhia)

4. Scooty Racing (Intlanmuansiak) (Hmeichhia)

5. Bike Racing (Intlanmuansiak)

(Mipa)

6. Mix Relay Race

7. 100m Race (Mipa & Hmeichhia)

8. Balloon in\hutpuahsiak (Mipa 5 & Hmeichhia 5)

HUNIN A DAIH CHUAN

Inkawibah: Group 3 a\angin

Photo Session: Group 3 a\angin

Note:

1) Group kal \ha/tam (A tira inchhiar leh a tawp inchhiar average lak a ni anga) inelna/item pakhatah chhiar tel a ni ang.

2)  Point/Score chungchangah hian Olympic 2016 Rules hman a ni ang.

3) Individual Item hrang hrangah hian 1st , 2nd , 3rd position ten pen `5/- man \heuh an dawng ang.

4) Lawmman chungchang:

Champion Group: Sweet tui deuh

Runners up Group: Sweet tui

1st Runners up Group: Sweet

5) Group Theme:

Mika                :Yellow

Isaia                 : Red

Jeremia                        : Blue

6) Photograph: Group tin a\angin an thlalak lakkhawm (Thlalak hrang hrang, Group member langkim thei ang berin, chi hrang 30) {Eng Camera pawh (Phone/DSLR/Digital/etc.) hman theih a ni ang, fiah fel fai ni thei se} [Hei hi Point/Score ah a tel lo]

7) Bike & Scooty & Group Theme: Group tin ten mahni inngaihtuah tura dah a ni.

8) Refreshment & Group thil zawrh: Group zalennaah dah a ni.

9) Tiffin mahni khawmkhawp ngêi pâi \heuh turin kan inngên e.

-i/c: K|P 2016 Sport Sub Committee

TUALCHHÛNG

, Tv. C.Laldawngliana s/o C.Vankhuma (T.Sec) chu zai nawn leh avangin BN Hospital ah enkawl mêk a ni.

, Pu Zokhuma h/o Lalsangluri (L) (V.Sec) chu damlohna avangin Synod Hospital ah enkawl mêk a ni.

, Tv. Hriattea s/o Vala (T.Sec) chu damlohna avangin Falkawn Hospital ah enkawl mêk a ni.

, Pu Dawngkima h/o Lalmuankimi (V.Sec) te chuan chhungkaw mamawha hman atan Bike (Bullet) thar an lei.

Zanin EPL Inkhel turte:

Man. Utd Vs Stoke City (4:30)

@Starsport 4

Leicester Vs Southampton (6:45)

Tottenham Vs Man. City (6:45)

@Starsport 4

Burnley Vs Arsenal (9:00)

@Starsport 4

India Super League

Atletico de Kolkata Vs Chennai FC (7:00)

France (League 1)

Angers Vs Marseille (6:30)

Nice Vs Lorient (8:30)

Germany - 1. Bundesliga

Wolfsburg Vs Mainz 05 (7:00)

Schalke vs Burussia (9:00)

Italy - Serie A

Udinese Vs Lazio (12:15)

Empoli Vs Juventus (4:00)

Atlanta Vs SSC Napoli (6:30)

Bologna Vs Genoa (6:30)

Gacliari Vs Crotone (6:30)

Sampdoria Vs Palermo (6:30)

Ac Milan Vs Sassuolo (9:30)

Torino Vs Fiorentina (9:30)

THU ROTLING

* I thil tihsual a\angin inzir \hin la, i tihsual pawh thil \angkaiah a chang zel ang. -Garry Marshall

* I nun a inthlak hian i khawvel chu a inthlak a ni. -Thomas J. Johns

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 25.9.2016

MIPUI AW

KARTIN CHHUAK

Vol. XXII Issue No. 39 Kristian Thalai  Pawl  Saikhamakawn Branch  Pathianni Dt.25.9.2016

VAWIIN CHÂNG VAWN

             Tupawh tlemte chunga rinawm chu tam tak chungah pawh a rinawm \hin; tupawh tlemte       chunga rinawm lo chu tam tak chungah pawh a rinawm lo \hin a ni.

                                    -Luka 16:10

KOHHRAN PROGRAMME:

Ni 25.9.2016 (Pathianni)

Chawhma Inkhawm

|antu              : Pi Sanghluni

Zirlai 35 leh 36-na

Chawhnu Inkhawm

Thupui   : Nu leh Pa te laka fate mawhphurhna

Sawitu: T.Upa C. Vanlalsanga

                        Zân inkhawm

Thupui: Kristian Chhungkua

Sawitu: Pi Khawlvuani

            Vawiin Chawhnu Inkhawm ban hian Kohhran Committee Room ah Pathian Ram  chhiar tur a ni a, Kohhran mipuite kan inhriattir a ni e.

KOHHRAN PAVALAI

 FELLOWSHIP PROGRAMME

Ni 25.9.2016 (Pathianni tlai)

A hmun          : Sunday School Hall

Hruaitu           : Pu H.Remtluanga

|antu              : Pu Lianchia

            Hla zir leh |awng\ai rual a hun hman a ni ang.

K|P INKHAWM PROGRAMME

            Crusade anih avangin K|P Inkhawm Programme a awm dawn lo.

KOHHRAN HMEICHHE

 INKHAWM PROGRAMME

            Crusade anih avangin Kohhran Hmeichhe Inkhawm Programme a awm dawn lo.

KOHHRAN PAVALAI

 INKHAWM PROGRAMME

                                                                                                                         Crusade anih avangin Kohhran Pavalai Inkhawm Programme a awm dawn lo.

SERMON

MAHNI TA KAN NI LO

            A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va, Mana lei in ni tawh asin, chuvangin in taksaah chuan Pathian chawimawi rawh u.                     I Kor 6:19-20

            Kan Pathian thu chuan mihringte hi ama ta kan nih zia bible chang kan han tarlan atang khian a lang chiang hle. Bible chu a daw dawn si lo, chuvang chuan Pathian ta kan ni tih hi kan awih mai a \ul âwm e.

            Bible bul lam kan chhiar chuan mihring te hi Pathian siam kan nih thu kan hmu a, ama anpui ngeia a siam kan ni tih pawh a lang chiang hle, chumai bakah a thilsiam dang zawng zawng ai pawha kan ropui bik zia te, a thilsiam dang te chungah pawh thunei tur leh enkawltu tur kan nihzia pawh kan hre \heuh awm e. Chumai pawh a la ni lo, nitin Amah nen an lengdun a; an in pawl \hin a ni. Chutianga Pathian nena lengdun thin ama nunna thaw ngeia nung mihring te chuan sual bumna hnuaiah tluin Pathian fa kan nihna a\angin kan bosan ta a, fa kan nihna atanga bosan in sual fa kan lo ni ta. Hrem tuar tur mihring kan lo ni.

            Sual bumna avanga Pathian hremna kan tawh tur chu amah Pa Pathian ngei chuan phal lovin a fapa mal neih chhun Isua Krista chu kan sual thawinan amah leh amah in tihlungawi nan a fapa ngei nunna chu keini misual te min tlan nan min rawn pe ta ani. Tichuan Pathian thisena lei ama nunna a tlan chhuah kan ni a, keini in kan hriatloh lai leh kan pian hma kum engemaw zat kal tawh atang khan sual bawih atangin min lo tlan tawh a tuna kan awm ang hian Pathin fa nihna hlu tak chu kan lo chang der tawh a Lalpa ka lawm e tih mai lo chu tihtheih kan nei lo.

            Kan tih ve tel lo chhandamna kan chan avang erawh chuan tih tur kan nei ve ta, awm mai mai tur kan ni lo a, kan taksa peng te Pathian hman atana felna hriamhrei ah kan hlan ve a ngai a ni. Mahni duhzawng leh chak zawng a awm tur kan ni lova min lei tu Pathian ta kan ni a; a thu thu a awm tu kan ni, chuti ni lo a, mahni duh ang anga kan awm chuan kan taksa leh thlarau neitu hian kan chungah ro a la rel anga thiam kan chang hauh lo ang.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

BEI LA, BEI NAWN RAWH

            Mihring kan nih chhûngin mî ang pangâi kan nih chuan kan hmâah tih tur leh hma chhawp kan nei \heuh âwm e, he kan hmachhawp \heuhah hian tih hrâm peihna leh beih hrâm peihna neilo mihring chu mi hlawhthling an awm ngai lo. Chuvangin mimal tin ten hmachhawp hlen tur kan neih \heuhah hian tih hrâm hrâm leh beih hrâm hrâm peihna kan neih a \ul \hin. Mizoram School Education Board Special Exam result-te pawh kan hre leh ta, hêngahte pawh hian kan lo hlawhtling emaw hlawhtling lo emaw tih hrâm hrâmna hian rah \ha a chhuahin a chhuah lo leh dawn a ni. Thupuia kan hman ang deuh hian, beih hrâm hrâm a, kan peih tawh loh viau-ah pawh kan beih leh hrâm \hin a ngâi dawn a ni. Chutiangchiah chuan mitin mai hian kan hmâa tih tur awm hlenchhuah ngâi ang chi hi chu kan beih hrâm hrâm a, kan sual hlawhtlin a ngâi \hin a ni tih hriain kan hm^a harsatna awmte chu han beiin i han bei nawn leh hrâm hrâm \hin ang u.

ARTICLE

|AWIH THEI LOVA INSAWNGBAWLNA BAWL HLO

           

            Chanchin thar lamah kum 5,300 lai mihring taksa \awih thei lova sawngbawl (Mummy) an laih chhuah tak kha kan hre awm e.“Aigupta damdawi lam thiamna lo san turzia kha ka lo dawnkhawl ve vang vang \hin a. Kha tih hun laia Egyptian ho mummy siam thiamna kha a ril hle a, tunlai khawvel thiamna hian an la hre chhuak pha lo a ni.

            Josepha hun a\anga Mosia hun thleng khan Aigupta finna zir chhuak Israel fate zingah pawh khan eng emaw chen chu an thiamna kha an chhawm nualin a rin theih a.

            Kan pi leh pute hunah pawh mihring inenkawlna chikim hi an phak tawk ah chuan an lo nei \hain an lo intodelh a. Mahni tawkin kan hnam hi a lo nung a, kan lo dam khawchhuak a ni. Mahse, khang thil \ha leh kan rohlu takte kha a aia tha pawh ni lo leh awlsam zawk avangin hnam dang Damdawi, Vai leh Sap thilte chuan a rawn luah lan \an a. Kan nunphunga bet tlat Khuang thleng chuan ramhuai biakna hmanrua emaw tiin min hnawl sak a nih kha. Kan thil \ha tam tak hi tunah chuan a \hatna kan pawh thar leh hnuhnawh a, tuman kan thlah phal tawh \hak lo a ni lawm ni. Hriat lohna hian thil a va khawih pawi thei tak em!

            Tichuan, \awih thei lova insawngbawlna bawlhlo ah bawk khan let leh ila. Mak lehzel chu he Mummy Otzi tih mai an koh hi kum 25 kal ta khan Hikers ten Alps vur tlang Australian - Italian border ah an hmu chhuak hlawl mai. Otzi hi an zir chian naah kum 3,350- 3,100 BC a thi ah an ngai.

            Lunghriam hman (stone age) hun lai leh Pyramid pawh sak hma a thi kha a ni tawh a, Otzi taksa cells chhungah hian hn^wng (humidity) a la awm tlat, a ha leh a pum chhung vel an en naah chuan Alps velah a cheng tih an hre thei a, kum 41 vel niin mit mu rawng uk lam pang a nei a, kel vun a siam kawr te pawh a in bel tel. Mummy zirtu ten an la hriat chhuah theih miah loh chu kum 5,000 kal ta ah khan eng damdawi thiamna bawlhlo nge an hman ang tih hi a ni. Bible chuan kum Sangkhat Lalram a lo thlen hunah chuan kum sangkhat mihring taksa hi thi lovin a dam thei dawn tih min hrilh a. Mihring dam chen pawh thing dam chen a ni ang a, kum 100 dam chu hlamzuih an nih tur thu pawh a sawi a nih kha.

            Engpawh nise, Pathian min siam dan kalphungah kan taksa mil tur leh a chhe lai thawm \ha a, siamtharna tur bawlhlo hi chu leilungah hian a awm kim vek a ni tih hi a chiang hle a.

            Kan leilung leh taksa hi in mil tur renga Siamtu duan a lo ni bawk nen. Tunlai damdawi test na khawl an hmuhchhuah hma daih tawh hian Natural Herbals, Minerals chi hrang hrang hmanga damdawi bawlhlo chi tam tak siam dan hi an lo thiam tawh a. A \hain a rintlak hle bawk a, an rinpui ber pawh a ni. Tun hnaiah a test-na khawlte hi chu hmuhchuah ve chauh a ni zawk a. He mi hma daih hian heng Natural Herbals te hi mihringte hian kum sang tam tak khawvel ah an lo hmang tawh a. Khang hun lai, nungchate nena thuk zawka an la inhnim hnaih laia a \hatna leh an rilzia hmu chhuak tur kha chuan hun chu a la duh deuh mai thei a ni.

            Bible chuan taksa awm dan a sawi a - Sa tisa a awm a, sava tisa a dang a, sangha tisa pawh a dang, tiin a sawi chho zel a. Kan tisa insiam dan hi kan ei leh in leh kan chenna hmun (boruak) a zirin a danglam a, kan chenna hmun nena in mil zel in a awm a, a dang lam bawk. Sava ah Vahrit sa te hi a \awih har hle a, a hmun a hul \hat phei chuan saum ang maia lung har a ni. Chungte tisa putzia thleng chuan zirbing a la ni ang a.  Hnimhnah - Kaihzawl leh Zihnghal ringawt in thil \awih leh thil rimchhe tur a vawn \hat theih dan te pawh hi pi pute khan a hman dan an lo hre daih tawh a ni.

                ““Thil hi ni thei lova kan ngaih thil te tham tak a\anga thil lian leh ropui tak hi a lo in\an vek zawk a. Thil te reuh te te hlutna hi kan hmuh kan chhung chuan thil lian tham leh thuk zawk luhchilh chu a har rih hle mai thei.

.

BENG TI VÂR

MI NAWLPUIIN KAN LA HRIAT LOH MOBILE PHONE |ANGKAINA PALI ( 4 ) TE     

            Chhiat rupna Emergency thil lo thleng mahse a hun taka kan mobile phone in thil a tih theih dante hria a hmanna chang kan hriat chuan kan nunna chhantu hial ah pawh kan mobile hi a tang thei a ni. Kan mobile in thil a tih theih ( 4 ) chu eng nge a nih.

1. Emergecy:       

Network awm lohna leh Emergency thila koh theih turin Mobile phone tan khawvel pumah Emergency nunmber 112 hi hman theih a ni. Network or signal awm lohna hmunah pawh buaina i tawk anih chuan 112 call la chu chuan i awmna an rawn chhui chhuak ang.

2. I Car key( chahbi ) car chhungah i theihngilh hunah: I chahbi car chhungah i theih nghilha in ah a spare i la neih chuan i chhungte call la i mobile phone chu car kawngkhar chahbi hmaah feet 1 vela hlaah kengla chuan in a chahbi kha mobile ah a hawnna han click tir la ti chuan i car chu a lo inhawng tawh mai dawn a ni.

3. Battery a zawh hunah:     

  Thil pawimawh tak tih lai a i Battery a zawh hunah Activate nan  *3370# dial la i mobile chu a in restart a nga ti chuan i battery power pawh 50% in a rawn in up ang. Mahse battery i charge leh hunah power 50% hi an deduct dawn a ni.

4. Mobile phone rukbo anih hunah:    

   I mobile rubo mahse sim card thleng engang mahse an hmang theih loh turin i siam thei a ni. *#06# dial la number digits 15 a lo lang ang kha kha chhinchiah tlat la i mobile an rukbo hunah service provider call in i mobile an rukbo thu hrilh la i mobile cord digits 15 hi hrilh bawk rawh ti chuan annin i mobile phone chu sim card thleng eng ang mahse hman theih loh turin an lo siam ang. Mahse mobile hmuh letna erawh a ni lo.

BAMBOO PIT VIPER (Trimeresurus)

A TUR :Heamotoxin/pope pit viper: Neurotoxin

MIZO HMING :Rultuha

            A hmasain mitin kan fimkhur a kan lo inven theihnan kum tin rulchuk vanga boral leh damlo kan tam \hin e mai.

            He rul hi mi a chuk tamin damloh phah an tam hle a, Mizo zingah chuan hrelo kan awm awmlo e . He rul hi rul \uanmuang tak ang a lang mahse an strike(chuk) erawh rang em2 si an ni thung. Ambush Predator = an eitur awmhmun a\anga chang chi an ni. An chuk hi mihrisel pangai tan chuan thihpui tham ang a ngaih nilo mahse enkawl dan diklo leh inenkawl \hatloh chuan a hlauhawm hle thung. Mizoramah hian (species) chi 4 kan nei tih hmuhchhuah tawh an ni a. Chi hnih hi finfiah tawh an ni chungte chu T.Erysthururus leh T. Popeorum te ni in chi dang 2 a mit sen hi eng species ber nge hriat an la nilo. T.Albolabris leh T.Stejnegeri hi a awm theihna chance a sang hle bawk. Sawi tawh angin rultuha te hi awmhmun a\anga an chaw lo chang chi an nih avangin huansam leh hlothlawhna ah khawih palh an awm fo mai. Chuvangin huansam leh hlothlawh pawhinn kut lawng a ham bawrh bawrh lo in hmawlh ken tel hram hi a \ha hle .

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

K|P chanchinbu enkawltute tan CK|P-in workshop buatsaih

            Central K|P chuan K|P branch leh pastor biala K|P chanchinbu enkawltute pualin Ningani khan Vanapa Hall-ah nilengin workshop a buatsaih a; K|P branch leh bial aiawh mi 499 leh CK|P hruaitute leh chanvo hrang hrang neite nen mi 641 an tel.

            He hunah hian Kan Branch aiawhin Tv. C.Laldinpuia a kal a ni.

ELECTORAL ROLL CHUNGCHANGA HRIATTIRNA

            Electoral Roll siam thar alo hun leh ta a. Hun tiam chhung Dt. 14 October 2016 ral hma ngeia tihfel tur a ni a. Dilna form hi ka hnenah lam theih a ni e.

Hriat turte:

1. Electoral roll-a inthun thar tur chu Dt. 1 January 2017 a kum 18 tling (1 January 1999 leh a hma lama piang) an ni tur a ni. Pian kum lanna (eg.: Birth Certificate) Xerox Copy khat leh thlalak Passport Size (Colour) Copy khat rawn ken nghal tur a ni.

2. Hmundang a\anga rawn insawn (Transfer) tur chuan an awmna hmasa Assembly Constituency hming leh Number, Part number leh Serial number rawn hriat tur a ni a, Voters ID Xerox Copy khat rawn ken nghal tur a ni.

3. Roll a hming etc. dik lo siam \ha duh pawhin Voters ID Xerox copy khat hi rawn neih tur a ni.

4. Hearing (Dilna endik) hun chu la inhriattir leh a ni ang.

Sd/- (LALZUILIANA)

BLO,   20/1 Saikhamakawn

HRIATTIRNA

            Indian Oil Corporation Ltd. thuchhuak angin Ga Distributor ten kum 2 danah consumer te Gas hman dan leh Document te an in lama kala endik turin min ph<t a. Mipuiten Gas hmanrua him an hmang em tih enfiah te, an Gas connection document a felfai leh fai loh endik leh gas hman dan inhrilhhriatna leh zirtirna pek nan Mandatory Inspection hi tih tur a ni.

            Mandatory Inspection hi IOCL hnuaiah LPG consumer ten an tih tir ngei tur a ni a. Hemi ti duh lo emaw harsatna siam avanga Mandatory Inspection tih theih loh anih chuan Consumer in IOCL nena Agreement an siam, Gas connection SV Voucher hnunga inziak 10 leh 11 na bawhchhiatna leh Company Order bawhchhiatna a nih avangin Gas refill lak leh kawng dangah harsatna Consumer-in a tawk a nih pawhin Consumer mawhphurhna a ni dawn a ni. Mandatory Inspection tih ngei a ni ti chiang turin Gas semna bu (Blue Book) ah gas sem tawh dan ziahna hnuai hmun awlah Mandatory Inspection seal chhut vek tur a ni.

            Mandatory Inspection hi tun thla tawp lamah veng/khua tinah rawn neih tum a ni.

Sd/- (ZOTHANZUALA)

Manager, Kapliana Indane Agency, Kulikawn

PRAISE ON Second Round Result puan a ni ta

                Synfo & Inkspot Digiprint Solutions tangkawpin an buatsaih Praise On Top 50 result chu Hruaina Eng TV Channel-ah Sept. 19, 2016 (Thawhtanni) zan dar 8:30 khan puan a ni a. Praise On Second Round hi Sept. 13-16, 2016 khan Bungkawn Kohhran Golden Jubilee Hall-ah neih a ni. Audition Round-ah mi 749 inlanin chuta tang chuan Second Round a zai tur mi 254 thlan an ni a. Third Round a zai ah an intihsiak leh ang. Third Round-ah hian Mizo hla pakhat, Music Track hmanga sak tur a ni ang a. Contestant-te tawiawm turin mi 10 zel hall chhungah an lut thei ang. Third Round atang hi chuan intihsiakna hi zan lamah neih a ni tawh ang a, Hruaina Eng TV ah Live- apekchhuah thin a ni ang.

TUALCHHÛNG

, Tv. C.Laldawngliana s/o C.Vankhuma (T.Sec) chu rilph$r zai avangin Falkawn Hospital ah enkawl mêk a ni.

, Nl. Lalremliani d/o Lalsailova (T.Sec) chu zai avangin Falkawn Hospital-ah enkawl mêk a ni.

, Pi C. Lalhmunmawii w/o J.Zothanzuala (V.Sec) chu damlohna avânga Falkawn Hospital-a enkawl anih hnûin alo chhuak.

, Tv. C.Lallawmzuala s/o C.Ramliana (L) (V.Sec) te chuan chhungkaw mamawha hman atan Bike (CB Hornet) thar an lei.

,  Pu Albert Lalremsanga h/o  Vanlalengi Ralte (T.Sec) te chuan a fanu duhawm tak an nei thar.

, Pu Lalfakzuala h/o Baby Lalmalsawmi (V.Sec) te chuan fapa duhawm tak an nei thar.

HSLC PASS THAR

            Lalhmingsanga s/o Vanlalfela leh Richard Lalhmangaihzuala s/o Biakvela (Ch.Sec) te chuan HSLC 3rd Division ah ve ve an pass thar.

            Mipui Aw Editorial Board te chuan kan lawmpui takzet a, an kal lehzelna turah duhsakna kan hlan e.

Zanin EPL inkhel tur:

West Ham vs Southampton (8:30)

@Star Sports 4

Thawhleh zan

Burnley vs Watford (12:30)

Zanin SPANISH LA LIGA

Las Palmas vs Real Madrid (12:15)

@Sony Six

Leganés vs Valencia (3:30)

@Sony Six

Atlético Madrid vs Deportivo (7:45)

@Sony Six

Villarreal vs Osasuna (10:00)

@Sony Six

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350