Mipui Aw 1.5.2016

MIPUI AW

KARTIN CHHUAK

Vol. XXII Issue No. 18 Kristian Thalai  Pawl  Saikhamakawn Branch  Pathianni Dt.1.5.2016

KOHHRAN PROGRAMME:

1.5.2016 (Pathianni)

Chawhma Inkhawm

|antu              : Pu C. Saienga

Zirlai 24-na    : “Thlarau Thianghlim leh                                 Lal Isua rawngbawlna”

Chawhnu Inkhawm

Thuhriltu: Pi Khawlvuani

                        Zân inkhawm

            Thuhriltu: Upa Lalzama

K|P INKHAWM PROGRAMME

2.5.2016 (Thawh\anni Z^n)

Short Sermon Inkhawm

Hruaitu           : Nl. F.Lalrintluangi

|antu              : Tv. Lalruatsanga

Thuhriltu turte: Tv. C.Laldinpuia leh

                            Nl. Zohmingmawii

Thilpek lakh- : Nl. Vanlalsiami leh

awmtute           Nl. J.Lalhmangaihzuali

Zai hruaitute  : Tv. Abraham Lalnunthara

(1-15th May)       leh Tv. Lalrinnunga

Key Boardist  : Pu Lalremruata

KOHHRAN  HMEICHHE INKHAWM  PROGRAMME

3.5.2016 (Thawhlehni Z^n)

Ramthim zin

Hruaitu           : Pi Laltlanzari

|antu              : Pi Lalthankimi

A hmun          : Vestry

KOHHRAN PAVALAI

PROGRAMME

5. 5. 2016 (Ningani Zan)

Hruaitu      : Pu Lalchhuansanga

|antu         : Pu J. Lalramhluna

Thuhriltu   : Pu D. Thangbawiha

Khuangpu      : Pu Vanlalfela & Pu Lianchia

Thilpek Lakhawmtu : Pu Lalthlamuana

SERMON

SAWMTUTE HNAR NGAI LO ISUA

            Tin, kain an chelh a, “Kan hnenah awm ta che; khua a tlai dawn ta a, ni pawh a tlak dawn tawh hi,” an ti a.                                                                                             Luka 24:29

            Lal Isua Krista a thiha a thawhleh hnu khan Emau khaw pana thian dun kal hnenah khan a inlar a. Kha thian dun kal khan Lal Isua a ni tih an hre miah lova, an kal  an kalna tur khua an thlen dawn chuan khua a lo tlai ta hle mai a, ni pawh a tla dawn ta a. An hnenah chuan hla tak kal tur niin Isua chu a in sawi a. Chutia khua a lo tlai tak hleah chuan thian dun chuan Lal Isua chu an hnena cheng ve mai turin an sawm ta a. Tichuan an hnena cheng tur chuan a lut ve ta a.

            Lal Isua an chelh dan hi chanchin tha Luka hian ‘Tin, kain an chelh a’ a ti kher a. Ka ngawt pawhin an chelh a, an hnena cheng turin Lal Isua a lut nghal mai hi a ni tih chanchin tha Luka ziakah hian chiang tak in a lang a ni. Lal Isua hi ka ngawt pawha chelha an hnen a lut mai hian Lal Isua khan an hnena chen/chenpui a chak hle a ni tih a lang chiang viau awm e. Tin, sawmtute hnar ngai lo leh ti beidawng ngai lo a nihzia pawh a hriat theih a ni.

            Lal Isua hian min chenchilh a, kan hnena awm hi a thlahlel em em reng a, ka ngawt pawha chelhtute pawh a ti beidawng ngai lo. Kan hnena cheng atan kan duh leh duh loh a ni mai. Kan hnena cheng tura kan duh anih phawt chuan englai pawhin eng hunah pawh amah lam hi chu a in peih reng. Khawi hmunah pawh awm ila, eng hun pawh ni sela, keimahniah hian min chenchilh se kan ti anih chuan sawm mai tur a ni. “Ngai teh u, kawngkhar bula dingin ka kik hi, tupawhin ka aw hria a kawng a hawn chuan a hnenah ka lut ang a,” ti reng tu kha a nih avangin kan hnena cheng tur hian kan sawm a, kawng kan hawn hun hi a nghak a, min ngaichang reng thin a ni. Ka ngawt pawha an chelh pawhin, chenpui nghal duhtu kha anih miau avangin. Kan hnenah hian chen chak a, thlehlel taka min thlir rengtu Lal Isua hi kan nunah hian cheng turin a inpeih reng.

            He khawvelah hian lungngaihna leh manganna kan tawrh zawng zawng, hlimna leh lawmna kan dawn zawng zawngah hian min tawmpui vek turin Lal Isua hian kan hnena cheng turin a inpeih reng a, kan sawm hun hi a nghak mai a ni. Ka ngawta an sawm pawha chenpui nghaltu kha kan hnena cheng tur hian kan sawm ve hun hi a nghak reng a ni.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

Editorial...?

 CHANGKAN NA

                        Kan vengchhunga thil thlengh ngai lo, Elephant 4 mizoram pum huap tournament buatsaih a han ni ve thei ta mai hi a lawmawm hle mai. Mi veng ten an tih thin, kan vengah chuan tih ve tur pawha kan lo ngaih loh kha tunah Vanapa section YMA hmalaknaa kan veng chhungah ngei mai kan han hmu ve thei hi a ropui hle mai. Hmun dangah veng dangin an lo buatsaih nen khaikhin pawhin a nep chuang bik awm love. Hmun danga lo khel tawh thin playerte pawhin kan grounda inkhelh nawmzia an sawi hi a tak tak a ni pawhin a rinawm. Hetiang anga ground nei tha leh remchang zawk hi a vang viau ani mai thei e. Tunlaiin Aizawl hmun hrang hrangah hetiang ground zim zawkah mi tlem zawkin football te zawk hmanga inelna hi kan uar tharin tournament pawh siam a ni fo ta mai. Mahse kan veng aia hmun nei tha leh remchang hi a awm bik awm love. Hetiang anih avang hian nakin zelah pawh kan la buatsaih zel pawh a ni thei e. Hetiang hunah hian veng mizia alan chhuahna hun a ni tih hi kan hriat reng a tha. Veng dang atanga lokalte tana zahpuiawm leh hmusitawm nia kan lan theihna tur lakah hian kan inven thiam a pawimawh a ni.

ARTICLE

TUI IN TAM I MAMAWH TIH HRIAT THEIH DAN

            Mihring puitling taksa hi 60% chu tui a ni e an ti a, chuvangin tui tel lo chuan kan dam thei lo. Kan taksain tui a tlakchham hian harsatna chi hrang hrang- sam tla atanga BP chiang lo thlengin a thlen thei niin an sawi. Hei le, Times of India health section-in dehydration symptoms (taksain tui a tlachham tih lanchhuah dan) ni a an sawi te kan rawn tarlang e.

1. Kan tum reng vang pawh ni loin tihrawl a rawn phu deuh zeih zeih a, second reilote atanga minute thleng pawhin a ni thei. Calcium, potassium leh magnesium tlakchham vang leh dehydration vangin a awm thei.

2. Kan taksa peng hrang hrang tam zawk tuiril atanga siam a nih avangin kan taksaa tui a tlem chuan kan vun a lo chuar a, kum naupang te siin vun chuar leh vuna inrin nek nuk te a lo tam thin. Hetiang pumpelh nan tui in tam a pawimawh hle.

3. A chhan hriat si lohin i chauin i zawi riau a nih chuan dehydration vang a ni thei.

4. Tui kan tlakchham chuan kan pumah acid a lo tam a, chu chuan pum ulcer te pawh a siam thei.

5. I ek a khal em? Tui i in tlem vang a ni thei. Ek khal a san vak vak a ngaih hian piles te a thlen thei.

6. Chaw eikham hnu deuh lawkah i pum a nuam lo \hin em? Dehydration vang a ni thei. Taksain tui a tlakchham hian chaw pai\awih lamah harsatna kan tawk duh hle. Mahse, chaw ei lai leh chaw ei kham hlimah erawh tui in tam loh tur.

7. I ka leh hrawk te a khawro riau em? Dehydration vang a ni thei. Taksain tui a tlakchham chuan chil te a lo tlem a, chu chuan ka leh hrawk a tiro thei.

8. BP sang emaw a hniam emaw i nei em? Taksain tui a tlakchham hian thisenzama thisen luang vel a titlem a, chu chuan BP lama harsatna a thlen thei.

9. I cholesterol level a sang em? Kan cell ten tui an mamawh khawp an hmuh loh chuan kan taksain tui a hloh zel tur ven nan cholesterol a siamchhuak thin a, chu chuan cholesterol a tisang ta \hin. Cholesterol sang chu lung (heart) natna thlentu langsar ber pawl a ni.

10. BP sang emaw hniam emaw avangin lu a hai thei a, chutiang bawkin tui tlakchham avangin luhaiin a tluk phah hial theih a, lu na te pawh a thlen thei.

11. I lung a phu deuh dup dup em? Dehydration vang a ni thei.

12. Hnar kua leh thawkna dawt te hi a hnawng reng tur a ni a, chu chuan natna hrik ten kan thawkna dawt kaltlanga chuap an thleng tur a veng thin. Mahse, taksain tui tlakchham chuan hnarkua leh thawkna dawt te a lo ro a, respiratory problems chance a tisang \hin.

13. I vun a khawroin a thak em? Taksain tui a tlakchham vang a ni thei.

14. I hah viau hnuah pawh i thlantui chhuak tur a awm lo em ni? Taksain tui a tlakchham vang a ni thei. chu chuan kan taksaah tur a chhekkhawl a, natna hrang hrang kan neih phah thei.

15. A chhan hriat tur awm si loin i luak a chhuak deuh nghulh em? Dehydration vang a ni thei. Tui hi luakchhuak tih reh nan pawh a tha hle. Taksain tui a tlakchham chuan luakchhuak bakah lu-na pawh a siam thei.

16. Dehydration vangin mit a ro thei a, chu chuan mit a ti thipin men a tihar a, kan meng sen deuh rûm \hin.

17. I zun a tlemin i zun rawng a lo danglam a nih chuan dehydration vang a ni thei. Kan zun tam loh hian kan taksaah tûr chi hrang hrang a inchhek khawm thin a, zun tam nan tui in tam a pawimawh hle.

18. A chhan hriat si lohin ruhchuktuah na i nei em? Dehydration vangin ruhchuktuah tinaltu a lo tlem a, chu chuan ruhna a thlen thei.

            Mithiam ten an chhut danin hmeichhiain nikhatah tui litre hnih leh a chanve vel an mamawh a, mipain litre thum leh a chanve. Zun rawng hi taksa tui awmdan hriat theihna awlsam ber a ni a, i zun chu a uk tak deuh ngaih a nih chuan tui i mamawh tawh hle tihna a ni a, i zun rawng chu a fim emaw a eng dal deuh raih chuan tui i la tlachham lo tihna a ni.

                       

BENG TIVÂR

VENGCHHUNG A|ANGA HSLC PASSED THAR KAN HRIAT THEIH CHIN TE

1) Lalruatdiki d/o  Zoliansanga (L) - Dist (Letter in  Eng, Mizo, SS, Science, IT)

2) Lalrinzuali Renthlei d/o Laldanzira - Ist Div. (Letter in  Eng, Science, IT)

3) Zothansangi  d/o  B.Lalrinzaua - Ist Div. (Letter in Science)

4) Lalramsangi d/o Upa Lalzuiliana - Ist Div. (Letter in IT)

5) Malsawmkima s/o Lalduhkima - IInd Div.

6) Laltluangliana s/o K.Lalhuliana - IInd Div.

7) T. Lalengmawia s/o  T. Lalduhawma - II Div.

8) Zoremthangi d/o  R. Lalbiakmawia - IInd Div.

9) Zoremsiami d/o  J.Lalrinthanga - II Div.

10) Esther Zorinpuii d/o  Lalbiakhlua (L) - II Div.

11) Cecilia Lalnuntluangi d/o  B.Vanlalhriata - IInd Div.

12) Lalngaihzuali d/o H.Lalnunthara - IInd Div

13) Carolyn Laldingpuii d/o Zoduhliana - IIIrd Div.

14) Remruatfela d/o R. Lalhmingliana - IIIrd Div.

            HSLC passed thar zawng zawngte Mipui Aw Editorial Board te chuan thinlung takin kan lawmpui a, an kal leh zelna turah inthlahdah lo a, theihtawp chhuah zel turin duhsakna sang ber kan hlan e.  Heng mite hi kan vengchhung a\anga HSLC passed kan hriat theih te an ni a, tih hmaih palh kan nei a nih chuan karleh issue ah rawn tih chhuah leh a ni ang.

YMA A|ANGA HRIATTIRNA

1. YMA Section tinah Endowment Fund member pakhatah `10 zel section hruaitu ten an rawn khawn dawn a, YMA member te kan inhriattir lâwk a ni e.

2. Thlanmual ramah thing zuah lai la ru \hin kan awm tih hriat a ni a, tun hnûah la tawh lo turin kan inhriattir a ni e.

3. Hall a inkhel \hin ten thla tin Fee pe \hin turin kan inhriattir nawn leh a ni e. Hall Choka luahtute hnenah fee hi pek \hin tur a ni e.

Zanin Inkhel turte:

Barclays Premere League

Swansea Vs Liverpool (4:30)

Man. Utd. Vs Leicester (6:35) @ Starsport 1

Southampton Vs Man. City (9:00) @Starsport 1

Thawhlehni zan BPL

Chelsea Vs Tottenham (12:30) @ Starsport 1

QUIZ

Spot the difference:

Hming : ________________________________

Section: ________________________________

            Chhanna leh lawmman hi Circulation Manager Nl. C.Zosangliani emaw Tv. Lalrinawma Sailo hnenah thehluh tur a ni a, thai dik hnem berin lawmman an dawng anga, tihdik zat in ang an awm anih chuan \hum vawr a ni ang.

ELEPHANT FOUR ZAWH FEL A NI

            Saikhamakawn Vanapa Section buatsaih Mizoram pum huap Elephant Four Football Tournament chu zirtawpni khan zawh fel a ni ta. Final khelh hma hian Charity Match khelh niin, Atak Ram Zion Cabinet leh Saikhamakawn Taxi Welfare ten an khel a, Atak Ram Zion Cabinet te hian 3-2 in hnehna an chang a, he Charity Match ah hian inkhelte a\ang leh mi tlawmngaite a\angin Vengchhung mi harsa leh damlo \anpui nan `7706/- lai hmuh a ni a, Saikhamakawn Branch YMA Treasurer hnênah hlan nghal a ni.

            Zirtawp zan inkhel Final-ah hian Melthum FC leh Beti & Hlimi Inleng FC te intumin Melthum FC hian 6-2 in chakna changin an Champion ta a ni.

TIRHKOH CHAWM BELH DAWN

            Saikhamakawn Kristian |halai Pawl chuan tirhkoh chawmlai sawm leh paruk (16) chawm lai mêk chu pathum (3) dang chawm belhin, tun thla a\ang hian Tirhkoh sawm leh pakua (19) chawm belh a ni tawh dawn a, Member-te Tirhkoh chawmna (Faith Promise) lamah \an la zual sauh sauh turin kan inngenin kan insawm e.

DIRECTORATE OF LAND REVENUE AND SETTLEMENT, MIZORAM: AIZWL

HRIATTIRNA

            Pu  Lalhruaia s/o C. Zakhuma of Saikhamakawn a LSC No.CAD 503 of 2013 of Sikhamakawn CP Road veng a mi hi ti bo a rawn insawiin  Office ah re-issue a rawn dil a. A sawi anga tihsak a rem lohna tur chhan engpawh hria chuan chanchinbua chhuah a\anga ni 30 hma ngeiin a hnuaia address ziakah hian hriattir tur a ni. Hetianga LSC pekchhuah leh a lo nih chuan LSC hmasa chu cancelled nghal a ni.

Sd/-

Director

Land Revenue and Settlement

(3-2)

DIRECTORATE  OF LAND REVENUE AND SETTLEMENT,  MIZORAM : AIZAWL

HRIATTIRNA

            Pu Lalliantluanga s/o Lalringa (L) of Saikhamakawn hian a LSC No. AZL 3191/1990 of Kulikawn veng ami hi ti bova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia addressziakah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni.

Sd/-

Director,

Land Revenue and Settlement

Mizoram : Aizawl

(3-3)

LAWMTHU SAWINA

            Kan fapa Lalsangzuala’n min boral san tâk chungchangah vengchhung mipuite kan chunga in \hatna zawng zawng ah kan lawm êm êm a. A boral tirh a\anga min buaipuitu leh min bâwihsawmtu leh kawng engkima In lam thlenga  min khawngaiha min \anpuitute zawng zawng chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan r<l seng dawn lo che u a, Lalpa’n a lêt tam takin malsawmnain vûr lêt che u rawh se tih hi kan \awng\aina a ni e.   

In khawngaihna dawngtu

Rokhuma te chhungkua

Saikhamakawn

LAWMTHU SAWINA

            Kan pa Sharma’n min boral san tâk chungchangah vengchhung mipuite kan chunga in \hatna zawng zawng ah kan lawm êm êm a. A damloh tirh a\anga min lainata, min buaipuitu leh min bâwihsawmtu leh kawng engkima min khawngaiha min \anpuitute zawng zawng chungah lawmthu kan sawi tak meuh meuh a ni. Kan chunga in \hatna zawng zawngte hi keini chuan kan r<l seng dawn lo che u a, Lalpa’n a lêt tam takin malsawmnain vûr lêt che u rawh se tih hi kan \awng\aina a ni e.   

In khawngaihna dawngtu

Sharma fate

Saikhamakawn

ORTHO SPECIALIST

            Ruh lampanga harsatna i nei a nih chuan min han pan ve phawt mai teh le. Doctor thiam tak Ortho Specialist \huthchilh kan ni e.

Inentir hun:

Zing dar 6:30-8:30

Contacts:

9856999091/8014693774

Sd/-

M&T Pharmacy

Kulikawn, Aizawl

Opposite Mizoram Rural Bank

TUALCHHÛNG

, Pu Lalzuiliana w/o Lalrinngheti (L) (V.Sec) te chuan chhungkaw mamawha hman atan Scooty (Rodeo) thar an lei.

, Pu Lawmkima h/o Vanlallawmi (V.Sec) te chuan chhungkaw mamawha hman atan Scooty (Lets) thar an lei.

, Pi Lalmawizuali m/o Lalrinsanga (T.Sec) te chuan chhungkaw mamawha hman atan Scooty (Facino) thar an lei.

, Pu Lalchawimawia h/o Siampuii (Ch.Sec) te chuan an insak thar chu an luahlut fel ta.

,C.Zomuansangi d/o Lalchhuankimi (T.Sec) chu damlohna avanga inenkawl turin Kolkatta an pan.

CHATUAN RAMAH

            Khawmpuithangi (Kum-97) chuan ni 23.4.2016 (Inrinnni) khan Awmlai vângin Chatuan ram min pansan ta.

            Lusûn chhungte Mipui Aw Editorial Board-te chuan kan tawrhpuiin, a kalsan tâk a fanau, chhûng leh khatte Lalpa’n awmpuin thlamuan se tih hi kan \awng\aina a ni.

CHATUAN RAMAH

            Sharma (Kum-67) chuan ni 25.4.2016 (Thawh\anni) khan Cancer vângin Chatuan ram min pansan ta.

            Lusûn chhungte Mipui Aw Editorial Board-te chuan kan tawrhpuiin, a kalsan tâk a fanau, chhûng leh khatte Lalpa’n awmpuin thlamuan se tih hi kan \awng\aina a ni.

"Kan chaklohna lai ber chu kan beidawng leh mai thin hi ani a.

Hlawhtlinna kawng pawimawh ber chu vawi khat chiah tih nawn leh thin hi a ni."

                        -Thomas edition.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

Mipui Aw 24.4.2016

MIPUI AW

KARTIN CHHUAK

Vol. XXII Issue No. 17 Kristian Thalai  Pawl  Saikhamakawn Branch  Pathianni Dt.24.4.2016

Vawiin   changvawn

            Nimahsela, tleirawl chaknate chu tlansan la, thinlung thianghlima Lalpa lam apiangte zingah chuana felna te, rinna te, hmangaihna te, remna te um ve rawh.

(2 Timothea 2:22)

KOHHRAN PROGRAMME:

Ni 24.4.2016 (Pathianni)

Chawhma Inkhawm

|antu              : Pi Lalhmangaihi

Zirlai 24-na    : “Chanchin\ha bu a

                        thlarau Thianghlim leh dan”

Chawhnu Inkhawm

Thuhriltu: Pu Khawlhmingliana

                        Zân inkhawm

Thuhriltu: Pu Siamliana

K|P INKHAWM PROGRAMME

Ni 25.4.2016 (Thawh\anni Z^n)

Hruaitu           : Tv. Lalnunzira

|antu              : Nl. Lalnunpuii Hrahsel

Thuhriltu       : Pu Lalhmangaihzuala

Thilpek lakh- : Nl. Lalmuanawmi

awmtute           leh Nl. Vanlalruati (Manui)

Zai hruaitute  : Pu Albert Lalremsanga

(15-30 April)    leh Tv. Lalhriatpuia

Key Boardist  : Pu Lalduhkima

KOHHRAN HMEICHHE INKHAWM PROGRAMME

Ni 26.4.2016 (Thawhlehni Z^n)

Hruiatu           : Pi Vanlalruati

Tantu              : Pi Biakthangi

Thuhriltu       : Pi R. Zasangi

KOHHRAN PAVALAI PROGRAMME

Ni 28.4.2016 (Ningani Z^n)

Hruiatu           : Pu Lalrinpuia

Tantu              : Pu J.Lalramhluna

            Sharing leh \awng\ai rual

Khuangpu      : Pu Zakhuma Chhangte leh

                          Pu Lalthanliana

Thilpek lakhawmtu: Pu Sangmawia

SERMON

                        KHAWNGAIH RAWNGBAWL HNA                                        Khawngaihna min pek angzia zelin thilthlawnpek hrang hrang kan nei theuh va, thu hrilh tur a nih chuan kan rin tawk ang zelin I hril ang u; rawng bawl tur a nih chuan rawng I bawl tlat ang u; zirtirtu pawhin zirtir tlat rawh se; zilhtu pawhin zilh tlat rawh se; thil petu chuan ui lovin pe rawh se; roreltuin taima takin rel rawh se; mi khawngaihtuin lawm takin khawngaih rawh se. (Rom 12: 6-8)

            A hmasain khawngaihna chu enge? Mi kan khawngaih reng reng in kan khawngaih a ni tih kan lantir a ngai a, thiltih a tel a ngai a ni, tawngka mai a in khawngaihna hi a tak a la thleng pha lo, Pathian pawhin min khawngaihna hi thiltih in a lantir a, kan tan a fapa nunna hial a lo hlan ani. Min khawngaihlo tih theih a ni tawh hauh lo, chetzia a a lantir vang ani. Tin, kan chunga tha te chunga kan that let ve hian kan khawngaih a ni loa bat a ruat zawk ani. Kan tana thatna leh hnemhnangna nei lo te chungah khawngaihna kan lantir zawk thin.

            Hetiang chiah hian Pathian rawngbawl hna pawh hi a ni tih kan hriat a pawimawh. Pathian hian mihringte tel lo pawh hian van mipui chhiarsen lo amah fak tur leh a rawngbawlsak tu tur tam tak a nei. Tin lei leh van lal ber, engkim siamtu leh mita kan hmuh zawng zawng siam tu leh an chunga rorel mektu thawhpui tur leh rawngbawlsaktu ni tur hian tlinna i nei em le? Khawvel sawrkar hnathawk tur leh rawngbawl tur lek pawhin hmelhriat tha neih angai a, thiamna sang neih a ngai bawk, tlin a va har tak em!!! Mahsela Lal ropui leh thiltithei engkim siamtu rawngbawltu atan erawh a duh apiang tan a ni lawi si, Sualna nei lo Van mipui ten zah taka rawng an bawlsak thin Pathian hian keini sual nena inchiahpiah nuai reng mai mihring te hi a rawngbawl tu atan min thlang ve hi a mak a, khawngaihna vang a va ni tehlul em!!! Phu loh hna kan thawk a ni tih hi kan hriat a tul hle mai.

            Phuloh rawngbawlhna hi keini mihring te hian hrechiang lova kan ti tha duhlo thin te, kan inthlahdah thin te hi inngaihtuah chian a va tul tak em!! Pathian hian keini lo hi rawngbawltu a ngah tih hi kan hriat a tul, keiniin ti tha duh lovin lo sualbo san mah ila; midang ti thaduh leh tha hi Pathian hian a din thar zel tih hi i hria ang u. Pathian rawngbawl hna hi Van mipui sualna nei lo leh englai pawha Pathian tana rinawm ho chauhin asin bawl thin, mahsela keini mihring amah phatsan tu leh inthlahdah reng mai thin te chunga rawngbawl hna a ngaht hi khawngaih rawngbawl hna ani tih i hre reng a ang u.

                                                     

EDITORIAL  BOARD

Editor :                               f             

Pu R.Lalmuanpuia          9612159842

Jt.Editor:

Tv. F.Laldingliana           9862378567

News Editors :

Pu Tommy Zirnuntluanga   9862913684

Tv. Laldinpuia                         9862813325

Tv. Pc.Vanlalhriatpuia   9862732381

Tv. Lalnunzira                         9862664253

Tv. Lalzirliana                         9862381918

Circulation Manager:

Tv.Lalrinawma Sailo       8974945579

Nl. C.Zosangliani        8731005507

Editorial.........?

Editorial...?

 CHANGKAN NA

            ‘Changkanna’ han tih chuan hnam puitling tawh te Sap kan tih ho khu kan rilruah a rawn langin kan mitthlaah a lo lang nghal mai awm e. A dik a, an nun leh an khawsak phung te, an ram inrelbawl dan kalphung reng reng te a dik in an changkang bawk em  a tin ni. A changkang hle mai kan tih hian eng ber hi nge maw a changkan lai chu ni ang le?

            A hmasa ber ah chuan ram/ hnam a changkan nachhan chu a mi cheng te an changkan vang a ni. Mihring zawk te kan pawimawh ta tih na a nih chu. Ruihtheih thil ti a buai buai te an changkang thei lo phawt, nihna sang leh zahawm tak dinhmun pawh luah se, an nihna chelh kha an tizahawm lo hlauh zawk. Zirna in a khawih danglam sak loh mihring nun chuan changkanna kawng dik a pawh thei lo bawk. Khawtlang nun leh kan chenho na nun hriatthiam tum na nun hi changkanna a ni a. Tin, dikna te,huaisenna dik te leh nun nghet te  hi mi changkang te ze lairil ber a ni tih hi kan hriatchian a tul hle mai.

            A bak zawng mi changkang te nuna kan hmun te hi changkan na in a ken tel a ni mai zawk ani. Chuvang chuan keini thalai te pawh in michangkang te pawnlam lan dan zir mai lova chhung lam atang kan in zir a tul zawk a ni.

ARTICLE

AUPUNCTURE- INVIH DAMNA HRIAU CHU

            Thil mak engemaw mai mai ka sawi fo a, tun \um chu ‘China-hriau’ kan tih mai lo chhuah dan leh a chanchin tlangpui Acupuncture chungchang hi hriatna ti zau atan sawi daih teh ang.

            Khawchhak film vel a kan hmuh fo hriau sin te te a an invih fur \hin hi ani. Chinese ho ‘traditional healing tecnique’ an mahni hnam dana an intih damna chikhat a   ni a, kum 5000 chuang a upa a ni tawh a a rawn \o bul tak pawh hi  chiangkuang takin an sawi thei tawh lo a ni. Sawi dan \henkhatah chuan hmanlai Chinese indo mi ho kha an indonaah thal vela an kah hliamin hmundanga an taksa a natna engemaw benvawn an neih te kha a lo dam leh hlauh \hin a, chuta \ang chuan Acupuncture hi an hmuchhuak ta ani an ti. An ngaihdan chuan taksa ah hian kan hriselna vawng tu energy lines ‘meridians’ hi a inzam chhuak vek a chung lines ah te chuan ‘points’2000 aia tam a awm an ti. Chung points ah chuan hriau a an zuk vih khan natna kha che theilo in a zuk siam a ni an ti bawk...

HUN HMASA: Acupuncture in vihna hriau atan hian tunhma thir lampang an la hmuh chhuah hma chuan hling te leh satuh zum te pawh an lo hmang tawh thin in an sawi a. Thir lampang hmuhchhuah anih tak hnu khan hriau vel hi an hmang chho ta nia sawi a ni bawk. Acupuncture chun gchang ziah lan na hmasaber chu BC200 na bawr vel a ziak ni a an hriat, Huangdi Neijing hmuna an chhar, ‘The Yellow Emperor’s Inner canon’ an tih mai ziak a mi chu a ni.

            Chinese mifing ho chuan Acupuncture chungchang chu an zir chho zel a, a tir a ‘meridians points’ an tih mai 80 vel chu 2000 chuang an hmuhchhuah belh a, tichuan damlo enkawl nan an hmang cho ta tak tak a.

CHINESE HO NGAIHDAN: Chinese ho ngaihdan chuan mihring taksa ah hian yin, yang, qi, xu, zàng-fÔ, te hi an awm a,heng te hian kan taksa hriselna hi an vawng vek a, kawng bik nei a kal in chung an kawng te chu ‘meridians’ an ti a heng ho hi an in buktak a , an in balanced loh chuan kan hriselna hi alo thalo thin ani in an ngai ani. Chung in balance lo chu a kawng bik ‘meridians’ an tih ah khan ‘points’ bik an nei ta a, chumi points ah chuan hriaua zuk vih khan a siamrem theih a, tichuan natna chu a lo bo ta thin in an ngai a ni.

KHAWVEL DANGAH: Acupuncture hi China ram pawnah chuan Korea ah a darh chhuak hmasa ber a. chutah Dutch sumdawng ho khan Asia khawmualpui hmun dangah an keng darh a, kum zabi 16na bawr vel khan Portugese Missonary ho te khan khawthlang ramah an keng darh ve leh ta a ni. China ram bikah hi chuan tlem a mi hnuaihnung leh mirethei deuh ho ten an hmang nasa bik ani. Tin Chinese ho acupuncture style ai hian Japanese ho style hi a na lo zawk a , tin an hriau hman pawh a sin zawk an ti bawk.

            Acupuncture hi a mak khawp mai a, natna hrang hrang enkawl nan an hmang a, a bikin natna benvawn lam enkawl nana an hmang nasa bik ani. Tin inzai dawn te hian na hre si lo, mahse harh vek si a in siam nan te an hmang bawk. |henkhat sawi dan chuan tunlai hunah hi chuan an zai lai a drip an khaiah hian morphine an telhbawk \hin an ti. President Nixon-a pawh khan China a zinin acupuncture chauh hmanga damlo pakhat major operation an ti lai a hmu a, chu chu The New York times in an chhuah a, hetatang hian America ramah pawh acupuncture hi a lar ve ta niin an sawi.

                       

BENG TIVÂR

PUBLIC INTEREST LITIGATION

            Public Interest Litigation, PIL ti a kan hriat lar zawk mah hi a hming ringawt hi chu kan bengah a mikhual lo maithei a. Chanchinthar puanna ah emaw, chanchinbu velah emaw te pawh a hming hi chu kan hriain kan lam ri fo tawh ngei ang. Amaherawhchu a nihna dik tak leh a hman \angkain tak hre lo chu kan le ther fur tho a rinawm a. Chhiartute dan lama min hawihzau tirtu leh dikna kawngkapuia min pen luhtirtu a lo nih ve thei tak mialin i han thlir zau dan teh ang.

            Public Interest Litigation hi khawtlang ham\hatna atana lo awm a nih avang hian ‘Socila Interest Litigation’ tih pawh a sawi a hlawh fo mai a. A awmzia ni bera lang chu khawtlangah dikna (justice)- mi rethei a\anga mi hausa berte pawhin an chanvo tur dik tak an chan theih nana, khawtlang aiawhin, mi tu pawhin khawtlang \hatna turin court ah eng thu pawh sawiin/ziakin a zualko thei ang tihna a ni a. Ziaka tarlan a nih danah chuan “any public spirited citizen” tih a ni deuh kher naa, hei hian ramri kham chin a nei tihna ni lovin, khawtlang vei pha chin/khawtlang \hatna atana thawk chhuak thei tur chin, mi tupawhin khawtlang \hat nan (for the interest of the public) court ah a zualko thei ang tihna a ni ber e.

            Khawtlangah dikna (justice) a awm theih nana khua leh tuiten ham\hatna (privileges) kan dawn “P.I.L” hi Judiciary Department in uluk leh nghet takin a vawnghim tlat a. Kan ram danpui Art. 32 tlawhchhanin khawtlang \hatnan Supreme Court ah kan zualko thei a. Chutiang bawkin Art. 226 behchhanin High Court ah kan la zualko thei bawk a. Chumai a la ni lo cheu, Cr.P.C an tih mai Sec. 133-na tlawhchhanin Magistrate hmaah kan la zualko thei tho a. Hei hian kan ram (India) hian dikna a ngaisangin a khua leh tuite min ngaihsak hle a ni tih a lan chiantir hle a.  He ham\hatna hi thleibik leh huam bik nei lovin India khua leh tui tawh phawt (Jammu & Kashmir huap lovin Art. 370) chu he dikna leh ham\hatna chanvo hi pek vek kan ni. (Art. 141). Chuvangin heta \ang pawh hian keini Zofate hian India mi kan ni lo/India sawrkar hian min en hrang bik  ti a iak iak thei kan ni lo tih pawh zirchhuak thei ila, a lawmawm hle ang. (Tun hnaiah he ngaihdan hi \hangtharte rilruah a tla na hle tawh si a).

            A chunga kan tarlan ang hian mi tupawh hian khawtlangah dikna (justice) a parchhuah theihna dikna (rights) leh mawhphurhna (duties) pawimawh tak kan nei \heuh a. America President hlui John F. Kennedya’n a ram mipuite hnena “Ka ramin enge mi tihsak theih tih aiin ka ram leh hnam tan eng nge ka tih ve theih ang” tiha chona duhawm tak a siam ang khan keini khua leh tui (citizen) te pawh hian khawtlangah dikna (justice) a awm theihna mawhphurhna (obligations.. ‘duties ringawt pawh ni lovin’) rip tak kan nei a ni tih hi he thu a\ang hian zirchhuah \heuh i tum ang u.             

QUIZ

TIRHKOHTE THILTIH BUNG 1-5

A kâr âwl dah khat rawh :

Q1. Tin, mi pahnih an ruat a, pakhat chu _______________ an tiha chu, (a hming dang Justa an ti bawk a,) tin, pakhat chu _____________ a ni a.

Q2. Kha mi kha, Pathianin thihna ______________ chu a phelhsak a, a kai tho ta a; amah chu thihna chelh hlen rual a nih loh avangin.

Q3. Nimahsela unaute u, in ___________ pawhin an at avanga an tih ang khan, in at avangin heng hi in ti a ni tih ka hria e.

Q4. Thilmaka an tihdama chu kum ___________aia tam zawk mah a ni si a.

Q5. Tin, ________________zawng zawng leh chung thu hria apiangte chuan an hlau ta em em a.

A bung leh châng dah rawh :

Q1. Tin, a chhoh laia van lam an en reng laiin mi pahnih, puan var sinin, an kiangah an lo ding a;

Bung: ...............          Chang: ....................

Q2. Thenkhatin an nuihsan a, “Uain thar an rui a nih hi,” an ti a.

Bung: ................         Chang: ....................

Q3. Mi Thianghlim leh Fel tak kha in duh lo va, tualthattu kha in hnena pek in ngen ta zawk a.

Bung: ................         Chang: ....................

Q4. Tichuan anni chu an ko va, Isua hminga thu sawi tawp loh tur leh zirtir tawp loh tur an ti tlat a.

Bung: ................         Chang: ....................

Q5.  Tin, chu thu chu an hriatin khawvar hun lai velin Pathian biak inah chuan an va lut a, an zirtir ta a.

Bung: ................         Chang: ....................

Hming : ......................................................

Section : .....................................................

BIBLE QUIZRESULT

Chhanna lut zawng zawng : Awm lo

Chhang dik vek                       : Awm lo

Lawmman dawngtu: Awm lo.

            Sudoku/Bible Quiz chh^nna leh lâwmman hi Circulation Manager Tv.Lalrinawma Sailo emaw Nl.C. Zosangliani hnenah thehluh a, lam \hin tur a ni.

HRIATTIRNA

            Kohhran Committee chuan Biak In leh a vel hi Thianghlim taka vawn nise a ti a. Tun hnaiah Sacrament Department Hall luhna step ah te, ruihtheihthil tih nana hmang kan awm nia hriat a ni a, hei hi Pathian huat zawng leh Kohhran duh loh zawng a ni a, hetiang a lo ti \hin kan awm a nih chuan tun hnuah chuan tih tawh loh nise a lawmawm hle ang.

Sd/-

(UPA LALLAWMCHHUNGA

Secretary

Saikhamakawn Kohhran

KOHHRAN ZAIPAWL HRIATTIRNA

            Kohhran Zaipawl te vawiin chawhma Inkhawm ban dar 12:00 am hian hla ennawn tur a ni e.

ORTHO SPECIALIST

            Ruh lampanga harsatna i nei a nih chuan min han pan ve phawt mai teh le. Doctor thiam tak Ortho Specialist \huthchilh kan ni e.

Inentir hun:

Zing dar 6:30-8:30

Contacts:

9856999091/8014693774

Sd/-

M&T Pharmacy

Kulikawn, Aizawl

Opposite Mizoram Rural Bank

DIRECTORATE  OF LAND REVENUE AND SETTLEMENT,  MIZORAM : AIZAWL

HRIATTIRNA

Pu Lalliantluanga s/o Lalringa (L) of Saikhamakawn hian a LSC No. AZL 3191/1990 of Kulikawn veng ami hi ti bova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia addressziakah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni.

Sd/-

Director,

Land Revenue and Settlement

Mizoram : Aizawl

HLIMEN PASTOR BIAL INKHAWMPUI VAWIIN PROGRAMME

Dar 10:am: Pathian Biak Inkhawm

Thupui: “Saltâng chhuah” Luka 4:18

Sawitu: Upa Lalhmuchhuaka, Hlimen

Zaipawl: Hlimen Kohhran Zaipawl leh Bial Zaipawl

Dar 1:00pm: Lalpa Zanriah Sacrament

|hehtu: Pastor C.Sapkaia, Bialtu Pastor

Zaipawl: Saikhamakawn Kohhran Zaipawl

Dar 7:00pm: Pathian Biak Inkhawm

Veledictory Sermon: Upa Vanlalzuia, Bial Chairman kalchhuak

Zaipawl: Hlimen Damveng Kohhran Zaipawl leh Bial Zaipawl

LAWMTHU SAWINA

            Ni 19.4.2016 (Thawhlehni) zingkar a Pu V.L Malsawma te Brick thiara hnatlang zawng zawng te chungah lawmthu kan sawi a, inhlawhna min petu Pu V.L Malsawma (T.Sec) te chhungkaw chungah lawmthu kansawi bawk e.

Sd/-

(LALDINPUIA)

Secretary

K|P Isaia Group

Zanin inkhel turte:

Barclays Premiere League

Sunderland Vs Arsenal (6:35)

@Starsport 1

Leicester Vs Swansea  (8:45)

@Starsport 1

I-League

Mumbai FC Vs DSK Shivajians (7:05)

Shillong Lajong Vs East Bengal Club (7:05)

@ Ten Sport

FA Cup

Cryltal Palace Vs Wattford (8:30)

TUALCHHÛNG

ELEPHANT FOUR

TOURNAMENT

            Apuia Memorial Elephant Four Football Tournament chu ni 19.04.2016 (Thawhlehni) zan a\ang khan khelh \an niin nizan a\ang khan round of 16 khelh chhoh \an a ni. He Tournament-ah hi mipui ten an hlutin entu pawh an \hahnem thei hle a, Mizoram Players lar tak tak pawh hmuh tur an awm \hin hi tournament ti hlu tu pakhat a ni. Final hi tum dan anga a tluang taka a kal chuan ni 28.4.2016 (Ningani) zanah neih a ni anga, Final zanah hian Charity Match, inkhel  hmuhnawm tak beisei a ni bawk.

HRIATTIRNA

            UPHC, Hlimen chuan ni 28.4.2016 (Ningani) hian Saikhamakawn veng chhungah Free Clinic a rawn buatsaih dawn a, a hmun tur hi remchang hmasa berah kan inhriatir leh dawn nia,  vengchhung mipuite kan inhriattir lâwk a ni e. Mi zawng zawng lo  inentir turin kan sawm a che u.

DIRECTORATE OF LAND REVENUE AND SETTLEMENT, MIZORAM: AIZWL

HRIATTIRNA

            Pu  Lalhruaia s/o C. Zakhuma of Saikhamakawn a LSC No.CAD 503 of 2013 of Sikhamakawn CP Road veng a mi hi ti bo a rawn insawiin  Office ah re-issue a rawn dil a. A sawi anga tihsak a rem lohna tur chhan engpawh hria chuan chanchinbua chhuah a\anga ni 30 hma ngeiin a hnuaia address ziakah hian hriattir tur a ni. Hetianga LSC pekchhuah leh a lo nih chuan LSC hmasa chu cancelled nghal a ni.

Sd/-

Director

Land Revenue and Settlement

Mizoram: Aizawl

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350