Mipui Aw 29.6.2014

MIPUI AW

KARTIN CHHUAK

Vol. XX Issue No. 26 Kristian Thalai  Pawl  Saikhamakawn Branch  Pathianni Dt.29.6.2014

VAWIIN CHANG VAWN

Aw LALPA, ropuina te, thiltihtheihna te, chawimawina te,hnehna te, lalna te hi i ta ni a; lei leh vana awm zawng zawng hi i ta ani si a; aw LALPA, ram chu i ta a ni a, mi zawng zawnga chungnung ber i ni. I Chronicles 29:11

KOHHRAN PROGRAMME

29.6.2014 (Pathianni)

Sunday School

|antu              : Pi Sangchhingpuii

Zirlai -na         : Chhandamna thawh chhuah pui

Chawhnu inkhawm

Thuhriltu         : Pi Khawlvuani

Zân inkhawm

Thuhriltu         : Upa Lalzama

             K|P PROGRAMME

       30.6.2014 (Thawh\anni Zan)

            SERMON INKHAWM

Hruaitu           : Pu R.Lalmuanpuia

|antu              : Nl Malswmtluangi

Thuhriltu         : Nl Pu C.Lalmuanpuia

Thilpek lak-    : Nl. Lalnunpui Hrahsel

hawmtu turte   : Nl. R.Zonuntluangi

Hla hruaitu     : Tv Tlangdingliana leh

turte                : Tv PC Vanlalhriatpuia

Keyboardist   : Tv Zomuanpuia

KOHHRAN  HMEICHHE PROGRAMME

(Ni 24.6.2014)

Sermon Inkhawm

Hruaitu           : Pi Ralliani

|antu              : Pi Hmangaihsangzuali

Thuhriltu: Pi Lalhmangaihi

SERMON

HMANGAIH  CHAUH  LO  CHU 

HLIP  VEKIN

ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bawih angah a insiam a, amah leh amah a intitlawm ta zawk a. Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu.                   (Philipi 2:6-8)

            Pathian hmangaihna chungchang hi sawi hlawh leh sawi nuam tak a ni awm e. A ropuia, a maka, a thuka, Pathian hmangaihna in huamchin leh thlen phakloh a neilo a ni tih pawh kan hre \heuh awm e. Engtiang chiahin nge min hmangaih tih hi hriatthiam a har a, sawifiah rualloh a ni awm e. Bible thu kan tarlanah khian chiang takin a lang. Vanram ropui takah Lal Isua chanvo hi kan ngaihtuah phak leh kan hriatfiah thiam baka ropui a ni ngei ang. Pathian anga awma Pathian tluka awm chu thlahlel zo lovin mihringte angah a lo piang ta zawk a ni tih kan hmu. Mihriangte min chhandam tura a lo pian hian a van ropuina zinga mi engmah amahah hmuh tur a awm lo hi a mak a, van hmun a rawn kalsan hian Lal Isua hian hmangaihna bak rawn kalpui a neilo a ni ngei ang. Chu a hmangaihna chuan thuawihna a pe a, tlawmna leh bawih ang hiala awm theihna te, a nun meuh pawh misualte tana pek phalna chenin a neihtir a ni tih hi phat rual a ni lo.

            Kristian hlabu 184 na chang 3na ah chuan ti hian kan hmu a; ‘A pa lal\hutthleng rawn pelin, Kan tan a khawngaih tawp nei lo! Hmangaih chauh lo chu hlip vekin, Adam thlah sual bo tan a thi’. Van mipui chhirsen loh leh van khawpui ropui tak pawhin kan Lalpa hi an dal zo lo. Hringfa suala boral mai tur tlannan a thisen a chhuah a ngaih miau avangin tlawm taka thi turin a lo kal a ngai miau si a ni. A van ropuina pakhat pawh rawn chhawm sela Lal Isua thisen hi a chhuak thei dawn em ni tih hi kan ngaihtuah ngai em? A ropuina thuam inbel se lei mihringten kan hmu thei dawn lo tih hi a chiang a, chuvang chuan mihringte tan a nun a hlan a, a thisen a chhuah theih nan hmangaihna chauh lo chu hlip vekin Adam thlah sual bo tana thi turin leiah a lo piang ta a ni. A va ropui tehlul em.

            Lal Isua hian Pathian anga awm thlahlel lovin nang leh kei suala thi mai tur tan van ropuina a rawn kalsan a, min chhandamna chhan hi chhut ila, Pathian fapa thisen luanna tur khawpin engnge mihringte hi kan ni le, Pathian hmangaihna leh khawngaihna hi a mak a, a thlawn a ni tih hi kan hriat reng a pawimawh awm e.

                 

     

EDITORIAL  BOARD

              f

Editor :

Tv.R.Zodinsanga                    - 8974743073

Jt.Editor:

Pu Lalduhkima                       -9862648830

News Editors :

Tv.PC.Vanlalhriatpuia           - 9862732381

Tv.F.Laldingliana                   - 9862378567

Tv.Lalfakzuala                        -9862033731

Pu Benjamin Lalduhsaka       -9862907973

Nl. Lal\anpuii                 -8974243380

Nl.Malsawmtluangi               -8731059158

Circulation Manager:

Tv.Laldawngliana                   - 8974743091

Editorial.........?

Editorial...?

HUNBI

            Mihring nun hi hunbi chhiar reng reng in a thamral \hin a. Thlasik, nipui, fur, favang ten kan hringnun hi a nuai a, a sawi danglam \hin. Khawvawt vin tak maiin thlasik laiin mihringte min tuam a, nipuiah taksa ti vawt thei tur thil kan mamawh thung si. Fur khaw chhengah kan mamawh a danglama, Favang hun erawh a boruak a dam em em lawi si. Heng kum khata hunbi hrang hrang lo inherchhuak hi hringnun hlimthla a ni em tih hi chhut tham a tling lo maw?

            Kan hringnunah eng hunbi nge awm ve tih hi kan ngaihtuah ngai em? Rim taka thawh a ngaih hun a awm a, chumi huna thawkrim ve lote chan erawh mite hnuiah awm a ni mai. Thawhrimnain hringnun hi a khat reng bik lova, thawkrim a hah taka hun hmangte pawh chawlhna nuam a thlen hun a awm \hin. Tin, hlim leh lawm taka hun hmang \hin mihringte hi a chang chuan kan \ah hun a lo inhre chhuak bawk si \hin a nih hi. Heng zawng zawng hi Pathianin mihringte nunah hunbi a lo dah fel thlap a, kan hun tawn a zirin kan insiamrem zung zung a ngai tih hi hriat a pawimawh khawp awm e.

            Hunbi hmang thiamlo mihringte tan nun a hahthlak a, retheihna leh pachhiatna in a nangching \hin tih hi i hre reng ang u.                    

           

ARTICLE

CHETDAN MAWI

                       (LENNA-AH) Chhunzawmna....

7. I lennate chuan midang inleng thil paimawha titi pui laklawh an lo nei a nih chuan tihbuai loh tur a ni. I hmanhmawh viau a, kal leh nghal mai tur i nih erawh chuan “min lo ngaidam lawk ula” tiin an phalna dil la, a rem a nih chuan i sawi duh chu sawi lawk mai ang che.

8. I lennaah an Telephone, TV, Radio, etc. a neitute thu hmu hmasa lovin khawih ngawt suh ang che. Telephone hman \ulna

tak i nei a nih erawh chuan dil la, i hman dak chauh dawn nia.

9. I thingpui in bang chhuat awnga leih emaw tukverh a thehchuah emaw ching lo la, no sengtu kutah dah mai zawk rawh.

10. Sahdah hmuam \hin i nih chuan i hmuam dak hnu mi chhuata paih mai lovin bawlhhlawh bawm ngeiah paih \hin ang che. Chutia i tih loh pawhin lehkha chhiain fun la, ak \ha rih la, remchang dangah i paih dawn nia. Sahdah hmuamte hian thil a ti \awp duh khawp mai, \hutthleng hnuaiahte an hmuam dak hnu an tat a, \henkhat chuan an pen per vel mai mai a, an nun ti tawptu leh tihnawktu ber pakhat a ni.

11. Kuhvakhawr ei chhak sen nguai te, chinai a rem lai laia tah mai mai te hi changkang loh zia tilangtu a ni. Kan Building thar leh \ha tak tak te ti \awptu ber pakhat chu kan kuhvakhawr ei chhak sen leh nguai \hin hi a ni. Hetiang tih ching mite hian hnam an ti mualpho a ni. Tifaitu kan nih reng theih loh pawhin tibawlhhlawhtu chu nih loh kan tum hram tur a ni.

12. Tunlai khawvel changkang zelah mei zuk hi mi \henkhatte inchhungah chuan a remchang ta lo hle a, chuvangin nang pawh mi ina i lennaah mei zu \hin chhungkua an ni em tih hre hmasa phawt \hin ang che.

13. I lennate thil neih sawisel vak vak ching lo la, fak sak zawk \hin ang la, an tan a lawmawm zawk ngai e.

14. Mi ina i lenin an chhung inkhawm neih hun te, lehkha zir hun te leh hna \ul an neihte ngaihchan nachang hria ang che.

15. Damlo i kanin an mahniin min beisei hran anih lem loh chuan \hut chilh kher a tul lo thei. An natna azirin an lo inthlahrung viau pawh a ni thei a ni. A theih chuan \awng\ai sak la, chu chu damlo tan a hlu hle a ni.

BENG TI VAr

Man hlanna lehkha ( Chang 36 (2) ) Form 1

He Man Hlanna Lehkha hian mipa nupui neitu hian a hnuaia ziak ang hian a nupui man a hlan tih a entir :

1. Innei te hming :

(1) Mipa hming : _______________________

Kum zat : _______________________

Pa hming : _______________________

Khua/Veng : _______________________

(2)Hmeichhehming:   __________________

Kum zat : _______________________

Pa hming : _______________________

Khua/Veng : _______________________

2. Man zawng zawng zat : ________________

3. Man pek zat : _______________________

4. Man bat zat : _______________________

5. Thutphah ( A awm chuan) : _____________

6. Man hlantute -

1)Signature : _______________________

Hming : _______________________

2)Signature : _______________________

Hming : _______________________

7. Man dawngtu : ____________________

8. Man hlanna hmun : ___________________

9. Man hlan hun leh ni : _________________

10. Inneihni : _______________________

11. Hriatpuitute -

1)Signature : _______________________

Hming : _______________________

2)Signature : _______________________

Hming : _______________________

India mi hausa te:

1. Mukesh Ambani $22.3 B 55yrs petrochemicals, oil & gas

2. Lakshmi Mittal $20.7 B 62yrs steel India

3. Azim Premji $15.9 B 67yrs software

4. Savitri Jindal & family$10.9 B 62 steel

5. Sunil Mittal & family $8.1 B 55 telecom India

Mahatma Gandhi an vantlang eichhe tu sual 7 a tih chu:

1.Tum mumal nei lova ram kalsiamtute.

2.Thawhrimna tel lova hausakna.

3.Hriatna fim tel lova nawmchenna.

4.Nungchang mawi lova thiamna lo pung.

5.Dikna tel lova sumdawnna,

6.Hringnun ngaihhlutna tel lova khawvel thiamna sang.

7.Inpekna tel lova rawngbawlnate.

BIBLE  QUIZ  No.26

ISAIA 46-50

A kâr âwl dah khat rawh :

Q1. Tun hma ahmasâng thilte chu hre reng rawh u: kei hi Pathian ka ni a, a dang rêng rêng an awm si lo: kei hi Pathian ka ni, ________________ ang rêng rêng an awm lo;

Q2. heng thil pahnih, fate channa leh hmeithaina hian, ni khat thil thu-ah mitkhapkar lovah a tlakbuiak zawk dawn che a ni: i ___________ hmanna chu tam hlein,

Q3.Ka tihboral lohna tûr che uin ka hming avângin ka thinur chu ka kher rih ang a, fak ka hlawh nân in chungah ka _________________ ang.

Q4. LALPA chuan heti hian a ti, “Hun lawmawmah ka ngaithla chia, chhandamna niah ka \anpui che: mi tangte hnênah, ‘Chhuak rawh u,’ thima awmte hnênah, ‘Lo ________________ rawh u,’ tia,

Q5. Ngai teh, Lalpa PATHIAN chuan mi \anpui ang; tuin nge thiam loh mi chantir ang?  Ngai teh, chung zawng zawngte chu silhfen angin a la hlui ang a, thimin a ei _________________ vek ang.

A bung leh châng dah rawh :

Q1.Thuhmuna ngaih ka nihna tûrin tûr nên nge mi tehkhina, tu tlukah nge mi siama, tu nên nge mi tehkhin dawn?

Bung: ________           Chang: _________

Q2.Ka mite chungah ka thinur a, ka rochan chu ka tibawrhbang a, i kutah ka pe chia: nang chuan an chungah khawngaihna rêng rêng i lantir lo va;

Bung: ________           Chang: _________

Q3.Chung chu hmasâng a\anga siam ni lovin, tuna siam a ni a; vawiin ni hma khan in bengin in hre ngai lo; chutilochuan, “Ngai teh, chung chu kan hre reng alawm,” in ti dah ang e.

Bung: ________           Chang: __________

Q4An ril\amin an tuihal lo vang a; lumin a tihreawmin niin a êm hek lo vang: anmahni khawngaihtu chuan a hruai dawn si a, tuihna kiang ngeiahte chuan a hruai dawn a ni.

Bung: ________           Chang: _________

Hming  : ____________________________

Section : ____________________________

BIBLE QUIZ  NO. 25 RESULT

Chhanna lut zawng zawng   :10

Chhang dik vek              :10

Lawmman dawngtu        :Lalhruaisanga (T.Sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI INKHAWM

(Ni 3.7.2014 Ninngani zan)

Hruaitu           : Pu C. Lalchhuansanga

|antu  : Pu R. Vanlalsanga

            |awng\airual leh rilru sawia hun hman tur a ni ang.

HRIATTIRNA

            Aizawl Municipal Council (AMC) thuchuak angin Saikhamakawn Taxi Stand chu khawpui Stand anga rin luh alo ni ta a, Ni 1.7.2014 (Thawhlehni) a\ang hian Parking Fee pawh khawn \an a ni tawh dawn a. Hei hi vengchhung mipuite hriattirna a ni e. Tin, Taxi Stand huam chhung hi Pu Phirthanga In a\anga chhimlam phei Pu VL Malsawma in peng thleng a ni.

SKK BADMINTON CLUB

            22.6.2014 khan Saikhamakawn Badminton club (SKKBC) chu din ani a,hruaitu a tan heng mite hi ruat an ni:

President   :Pu C.Lalhmangaiha

V.President  :Pu Ramthianghlima

Secretary   :Tv F.Laldingliana

Asst Secy   :Tv Lalfakzuala

Treasurer   :Pu Zonunmawia

Fin.Secy     :Pu Rochungnunga

            Saikhamakawn Badminton club a member ni tur hian passport size photo copy hnih,birth certificate xerox copy hnih leh annual membership fee puitling tan cheng100 leh naupang tan cheng50 a hnuaia mite hnenah hian pe in ni.5.7.2014 (inrinni) ral hma ngei in memberah  in ziah luh theih ani.Tin, member a in ziak lut tur hian membership formah mahni ngei in signature pek a ngaih avangin mahni ngei in membership form hi fill up tur ani.Membership fee pekna tur te chu:

Pu Zonunmawia (V.Sec)

Pu C.Lalhmangaiha (T.Sec)

Pu Ramthianghlima (Ch.Sec)

sd/- (F.LALDINGLIANA)

Secretary

SKK Badminton Club

LAWMTHU SAWINA

            Ni 26.6.2014 (Ningani) zan dar 7 a keini Marka Group K|P ten 3D Movies Show Community Hall-a kan neih taka tlawmngaia Ticket min leisaktute zawng zawng chungah leh min hlutsaka lo en tute zawng zawng chungah lawmthu kan sawi tak meuh meuh e.

Sd/-

(C.LALDAWNGLIANA)

Secretary

Marka Group, K|P

LAWMTHU SAWINA

  Ka fapa Tv. Lalbiakmawia’n (51) min boral sannaah lawmthu sawina tur tamtak kan nei a. Lunglei lama theitawp chhuaha min buaipui tute zawng zawng chungah lawmthu kan sawi tak meuh meuh a. Tin, vengchhung \halai, nu leh pa ten kan in lama min buaipui a ruang nghaka min tlaivarpui tute zawng zawng chungah lawmthu kan sawi e.

            Mitin hnenah  lawmthu kan sawi seng lova, Mipui Aw kaltlanga kan lawmthu sawina hi kan lawmthu sawinaah min pawmsak turin kan ngen che u a ni. In mi lainantnaah Lalpan a let tamtakin malsawm che u rawh se.

In khawngaihna dawngtu

Sanghmingthangi te chhung,

Saikhamakawn

vAWIIN KHAWCHIN

Max.   - 280 C

Min.    - 230  C

weather-forecast.com chuan chawhma lamah 0mm, chawhnu lamah 4mm leh zan lamah 0mm tla turin a sawi.s

TUALCHHUNG

, Pi VL Beiseii w/o C.Hualhnuna (T.Sec) chu damlohna avangin Greenwood Hospital-ah enkawl mek a ni.

,Pu Zonunmawia h/o Lalhriatpuii (T.Sec.) Bethelveng te chu Pu Laldanga te In hnuaiah an in bawl hrang.

, Pu     C.Lalnunmawia   h/o   Lalramdinpuii (Nute-i) (T.Sec) Bethelveng  te chhungkua chuan khawilo vah vel nan Bike (Karizma) an lei thar

,Pu Siammawia h/o Lalduhawmi (V.Sec) te chhungkua chuan khawilo vah vel nan Bike(Achiever) an lei thar

, Pu Vanlalfala h/o Vanlalzawmi (Ch.Sec.) chu Alpha Hospital-a enkawl anih hnuin alo chhuak.

, Pi Vanlalsawmi te pitu chu Kulikawn a\angin Pu C.Lalhmunmawia (Mamawia) (T.Sec) ah an rawn pem lut.

NATIONAL  INSTITUTE  OF  OPEN  SCHOOLING (NIOS)

Khatla Primary School -I, YMA Hall Bul.

            Class X leh Class XII Admission a tih theih reng e. Exam Centre leh A1 - 300009 neitu kan ni e.

            Contact - 9862580546

WORLD CUP ROUND OF 16 FIXTURE

29.6.2014 (Zanin)

Netherland Vs Mexico (9:30)

Costa Rica Vs Greecs (1:30)

30.6.2014 (Thawh\an zan)

France Vs Nigeria (9:30)

German Vs Algeria (1:30)

1.7.2014 (Thawhleh zan)

Argentina Vs Switzerland (9:30)

Belgium Vs USA (1:30)

               Nizan inkhel Result kan hre hman ta lo.

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 22.6.2014

MIPUI AW

KARTIN CHHUAK

Vol. XX Issue No. 25 Kristian Thalai  Pawl  Saikhamakawn Branch  Pathianni Dt.22.6.2014

VAWIIN CHÂNG VAWN

In thil \ha tihte mi hmuh atan, mihring mithmuha ti lo turin fimkhur rawh u; chutilochuan in Pa vana mi hnenah chuan lawmman in nei lo vang. (Matthaia 6:1)

KOHHRAN PROGRAMME

22.6.2014(Pathianni)

SUNDAY SCHOOL

|antu              : Pi R.Zothanmawii

Zirlai 22-na    : Inpumkhatna rilru - tlawmna

Chawhnu inkhawm

Thuhriltu       : Upa Zairemthanga

             Zân inkhawm          

Thuhriltu       : Upa C.Lalmuankima

K|P PROGRAMME

23.6.2014 (Thawh\anni Zan)

SERMON INKHAWM

Hruaitu           : Pu Lalchhandama

|antu              : Pu Tommy Zirnuntluanga

Thuhriltu        : Nl Lalramnghaki

Hla hruaitu     : Tv Tlangdingliana leh

turte                 : Tv PC Vanlalhriatpuia

Keyboardist     : Tv Zomuanpuia

KOHHRAN HMEICHHE PROGRAMME

24.6.2014 (Thawhleh zan)

Hruaitu           : Pi Ralliani

|antu              : Pi Hmangaihzuali

Thuhriltu       : Pi Lalhmangaihi

KOHHRAN    PAVALAI

PROGRAMME

26.6.2014 (Ningani zan)

Bial hruaitu ten Hlimen Kohhran an tlawh dawn avangin Tualchhung Programme siam a ni lo.

SERMON

SIM HMING PU TLAKA RAH

Nimahsela. Pharisaite leh Saddukaite tam tak a baptisma chang tura lo kal a hmuh veleh an hnenah, “Rul thlahte u! thinur lo thleng tur hi tlansan turin tuin nge zilh che u? Chutichuan sim hming pu tlakin rah rawh u: (Matthaia 3: 7,8)

            Kum Zabi 21-na a thil lo thleng tur  William Booth-an a sawi pakhat chu Simna tel lo Piantharna hi a ni a. Tunlai Khawvelah simna tak tak nei si lova piangthar a tam theih viau awm e.Rawngbawltu tam tak zingah pawh an awm tho mai bawk. Pathian rawngbawl chu \ha ti em em, mi hmuh turah chuan rau tak anga lang, mahse, sual pawisa der si lo a awm theih bawk. heng ang mi te hi mi hnawksak tak an ni fo mai a. Baptistu Johana ngei pawhin hetiang mi hi Pharisai leh Saddukai, Rul thlahte u! a tih ang hi an ni.Pathian rawng kan bawl chhan hi mite chawimawi duh vang chauh ni lovin, miten  mifel min ti se tih vang chauh ni bawk lovin, Chatuan nunna min petu Pathian chu kan hmangaih let ve a, atan theihtawp chhuaha kan mawi nan chauh ni lo, a \ul a nih chuan Pathian hi chhiatpui \hak tur khawp a kan inpek a ngai a ni.

            |halai, nula leh tlangval tam tak te pawh, chhungte bum nan leh chhungte lak a\anga sum leh pai kan hmuh theih nan tiin khawi camping-ah e maw kan lut a. Simna tak tak nei si lovin kan piangthar der vel a, tu rilru nge i tihnat \hin han in chhut teh le. Nangmah hmangaiha enkawltu i nu leh pa leh i \hatna tura engkim thawhsaktu Pathian rilru hi i tina \hin asin. Simna diktak ah chuan Pa rilru a dam a, nu rilru leh chhung leh khatte rilru pawh a dam \hin. Bible-a kan hmuh Fapa tlan bo chungchangah pawh chiangtakin kan hmu a nih kha. Fapa tlan bo kir leh a pain a lo lawm dan kha... Simna tak takah chuan Pathian leh Van khawpui khi an lawm \hin ani.

            Hla siamtu pakhat chuan, ‘ Simna tel lo pianthar a tawk lo ve, Kross thleng lova nun chan ten chhandam an hloh si \hin. Sual haw lo mualpho hlau mai ringtu chu, Tihboralin an la awm dawn si’ a ti a nih kha.Sualna haw miah si lo rawngbawltu i  ni em? Mualpho hlauhvang mai a rawngbawltu der i ni em? A lang chhuak tho tho dawn a, chuvangin rah duhawm tak i neih theih nan simna dik tak a i sim a ngai a ni. Tihborala i awm loh nan nangmah leh nangmah kha in ngaihtuah teh le, miten i rah suhawm tak kha an ei thei dawn a ni. Kan Biblein min hrilh ang hian Sim hming pu tlaka rah turin rawngbawltu zawng zawngte leh |halai, nula leh tlangvalte kan insawm a ni e.

                 

     

EDITORIAL  BOARD

              f

Editor :

Tv.R.Zodinsanga                  - 8974743073

Jt.Editor:

Pu Lalduhkima                     -9862648830

News Editors :

Tv.PC.Vanlalhriatpuia         - 9862732381

Tv.F.Laldingliana                 - 9862378567

Tv.Lalfakzuala                     -9862033731

Pu Benjamin Lalduhsaka    -9862907973

Nl. Lal\anpuii                       -8974243380

Nl.Malsawmtluangi              -8731059158

Circulation Manager:

Tv.Laldawngliana                - 8974743091

Editorial.........?

Editorial...?

NI A KIR LEH |AN TA

            Kan ti nek nek a kum chanve chu kan hmang zo dawn a ni leh reng tawh mai. Nimin June 21 kha Mizo ten ‘Lalmanga nu lawm rawih ni’ an lo ti a nih kha. Ni e Kan Mizo pi leh pute hian thil hi an lo chik ve \hin ngawt mai. Hun bi tehna fel tak pawh nei lo khan engtin nge kum khat chhunga ni rei ni ber an lo hriat theih tih hi thil mak ve tak chu a ni.

            Sciencetist-te thil chhutna azarah nimin a\ang khan  ni a rei lo leh telh telh dawn tihte pawh kan hre ve zel bawk a. Hunbi hertu leh siamremtu Pathian hian engkim mai hi a rel fel thlap a. Nipui, thlasik, fur leh \hal te engkim mai hi mihringten kan mamawh tur ang zelin a rel thlap mai a nih hi.

            Mihring nun hun chhung pawh hi han chhut han chhut hian khawvel hun hmasa lamah kha chuan mihring nun hi a rei hle mai a. Tunlai ah chuan kan dam chhung nite hi a rei ta lo hle mai. Pathianin  kum khat chhunga hun bi a rel ang hian    arei lai tak leh a rei loh hun  a awm ang hian tun lai kan hun hman leh kan tawn mek hi mihring nun arei loh lai a ni  lo maw? Kan dam chhung ni rei lote ah hian i hun i hmang \ha em? ti a kan in zawh fo a \ul awm e. Hringnun ni hi a kir mek a ni lo maw? Tuna i kum ah khan kum engzat nge i dam belh leh ang le? Rei i nei tawh lo a ni mai thei a nia. Fim khur teh le!!!

                       

           

ARTICLE

CHETDAN MAWI

(LENNA-AH)

            Mi Pangngai tan chuan mi ina len nikhua a awm lo thei lova. Chungah chuan chin dan \ha lo tak kan lo nei reng thei. Mahni in en chiang ila, chetdan mawi pawh kan zawm hram hram a \ha a ni. Hengte hi chhinchhiah atan a \ha viau awm e.

1. Mi ina i len dawnin kawngkhar kik hmasa \hin ang che. I kik lo a nih pawhin thawm nei hmasa tal la, “in awm em?” emaw tih tal tur a ni. Kawngkhar kik lo, thawm engmah nei hmasa si lova kawngkhar hawn nghal ngawt hi chin loh tur a ni. Mi hranin va pawh ve mai remchang lo chhungkuaa lo tih te pawh an nei thei tih hriata, fimkhur tur a ni. Kawngkhar kan kik leh thawm eng emaw kan neih hi an tan lo inrinna hun kan siam sakna remchang a ni.

2. An Gate emaw kawngkhar emaw a lo inkhar lai i hawng a nih chuan khar zui ve leh nghal ang che. I haw hunah pawh chutiang bawkin kalsan ang che. Mi Chengvawng deuh chhungkua chuan a nih tur ang thlapin thil an dah \hin. Chutiang chu inlengten an lo khawih danglam mai zel chuan a neitu tan a lawmawm lo a ni. A neituten khati khan ti rawh tihna te an nei a nih si loh chuan an lo dah dan ang taka kalsan tur a ni.

3. I lenna turte in kawngkhar i kik veleh hawna luh nghal mai loh tur a ni a, kawngkhar an rawn hawn hun emaw ‘lo lut rawh’ an tih emaw nghah tur a ni. A chang chuanan mut bo lai te, zing a nih chuan an la thawh hma te pawh a ni thei a, dawhthei taka kawng an rawn hawn hun nghah a ngaih changte a awm \hin.

4. Doormat a awm chuan luh hmain ke tah fai nan hman tur. Ke berh luaiin lenna te in fai takah luh loh hram ni thei sela a \ha ngawt ang.

5. |hu rawh, an tih hma chuan \hut mai loh tur, Office-a lennaah pawh chutiang bawkin kan lenna te thu nghah tur a ni. Mi ‘polite’ lo deuh chuan \hutna kawhhmuh hmain an \hu nghal thuai \hin, hei hi thil mawi lo tak chu a ni.

6. I lennaah chuan \awng phur phur nghal mai lo lo, an chhungkaw boruak mitmei hmasa phawt \hin ang che. I len luhna chhungkua te kha i len fo lohna te an ni thei, chuvangin an hlim lai nge a nih hlim loh lai tih hriat tum hmasak deuh a \ha. Damlo na tak an awm lai a lo ni thei, a nih loh leh an lo inhauh lai pawh a ni thei. Chungte chu thil awm thei a nih avangin ngaihchan tel deuh phawt a \ha a. ‘ In dam tlang maw?’ tih hmasak nachang hriat a \ha khawp mai. Kan nel zawng tak te a nih a, boruak \ha tak an neih bawk chuan va bengchhen deuh chul pawh a pawi lo thei e.

(chhunzawm tur)

BENG TI VAr

HRIAT ZAUNA

            Mizote hi infiam uar tak hnam kan ni a, kan tih ve lamah pawh hma kan sawn chak hle a ni. Infiamna hi thiam loh chuan hmingchhe taka awm theihna a ni a, chuvangin kan tel ve \hin a nih pawhin mawi thei ang bera kan tel ve \hin a \ha awm e. Infiamnaa tel \hinte chuan hengte hi chhinchhiah atan a\ha ngawt ang.

1. Infiamna (Games) hi taksa tan hriselna a ni a, rilru lam hrisel nan pawh  hman tum tur a ni. Infiamna chi tam ber hi ‘exercise’ a ni a, chu chu taksa tan hriselna leh chakna a ni bawk a, chu chuan rilru lamah pawh hlimna a pe bawk \hin.

2. Infiamna chu \hian \ha siam nan hman tum \hin tur a ni. Infiamnaa tel \hinte hian \hian \ha tam tak an nei \hin. Infiam ‘practice’ naa hreawm tuar tlang \hin, lawmna an neih pawha lawm tlang \hin, an lo nih \hin tawhna te hian innelna ril tak a neih tir \hin a. Chuvangin infiam hi \hian \ha siam nan a \ha a ni.

3. Khingpuite hneh loh avanga thinrim ching mi nih loh tur a ni. Sap hovin “Sport man spirit” an tih anga chak pawha chak thiam, chak loh pawha chak lo thiam nih hi a keng tel a ni. Chuvangin infiam mi chuan chutiang rilru zau tak chu a pu tur a ni.

4. I khingpui i hnehin uangthuang lutuk loh tur a ni. Mimal leh team anga chak changte a awm \hin. Engvang pawhin chak zawk ni mah la i van neih vang mai a ni tih chu i sawi dan ni fo se la a mawi \hin. Mi \henkhat thiam bik em em vanga chak nia in sawi an awm \hin, chu chu lo dik tehreng pawh nise chapo aw ah miin an ngaih sak \hin. I vanneih vang mai a nih thu i sawi chuan i khingpui tan leh mi dang tan pawh dawnsawn a nuam zawk ang a, mi ngaihsan i hlawh phah zawk ngei ang.

5. I hneh lo a nih pawhin i khingpui chu lawmpuina \awngkam mawi takin lantir \hin ang che. Mawi taka i khingpui chak zawk i lawm pui thiam chuan mi ngaihsan i hlawh ve sawt ngei ang.

6. A kotlang a\anga lo autu nih pawh a \ha. Amaherawhchu uchuak leh \awngkam mawi lo taka lo auh chu chin reng reng loh tur a ni. |hahnem ngaih luatah \awngkam mawi lo taka lo au te hi a nalh lo khawp mai a, zah nachang hriat a \ha khawp mai.

           

BIBLE  QUIZ  No.25

ISAIA 41-45

A kâr âwl dah khat rawh :

Q1. Kei LALPA in Pathian hian “Hlau suh u, ka \anpui dawn a che u,” tiin, in kut ____________________ chu ka chelh dawn si a.

Q2.LALPA chu mi chak tak angin a chhuak ang a, indo mi angin thinurna a chawk tho vang: a au vang a, a ni, ring takin a au vang; amah dotute chungah chuan ________________ takin a che ang.

Q3A ni, ni awm achinah khan kei chu amah chu ka ni; tichuan ka kut ata chhan chhuakt hei tumah rêng rêng an awm lo: hna ka thawk ang a, tuin nge chu chu ________________ ang?” tiin.

Q4.  Thingrem siamtuin hrui a pawt mar a, pensilin a riruat a, nawhmamnatein a riruang a din a, bial siamnain a riruat a, mihring ruangam angin a din a, ina awm ____________ mihring mawina angin a din \hin.

Q5. Kura chu felna nein ka kai harh a, a kawng zawng zawng chu ka tingil ang: ani chuan a khawpui chu a _______________ leh ang a,

A bung leh châng dah rawh :

Q1.Ani chuan anniho chu a um a, him takin a kal zel a;a kea a la kalna ngai loh kawngah chuan.

Bung: ________         Chang: _________

Q2Leiah hian rorêlna a awmtir hma loh chuan ani chu a chau lo vang a, a beidawn hek l vang; tin, thliarkarte chuan a dan thu chu an nghak reng dawn.

Bung: ________         Chang: _________

Q3Hlau suh u, in hnênah ka awm si a: in thlahte chu kahwchhak lam a\angin ka rawn hruai ang a, khawthlang lam a\angin ka hruai khâwm ang che u,

Bung: ________         Chang: __________

Q4.tichuan anni chu, tuipuisuthlahte tui luanna kianga  to ang hian, hlobet zingah chuan an to vang.

Bung: ________         Chang: _________

Q4.Jakob-ho ka chhiahhlawhte leh Israel-ho ka thlante avâng chuan i hmingin ka ko che a ni: mi hre ngai lo mah la, hming ka sak sak ang che.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 24 RESULT

Chhanna lut zawng zawng      :5

Chhang dik vek            :5

Lawmman dawngtu      :Lalbiakfeli (T.sec)

            Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

WORLD CUP THU NAWI

# Cristiano Ronaldo chu Portugal training-na a\angin a baichhuak a, World Cup-ah a khel zui thei dawn em a chiang ta lo.

# Côte d'Ivoire player Serey Die chuan Instagram kaltlangin zirtawp zan  Colombia nen an inkhelh dawna a pa thi anga sawi chu thu diklo anih thu a tarlang.

# Uruguay forward Luis Suarez goal thun pahnih kha England captain Steven Gerrard tihsual vang ve ve a lut nia sawi a ni.

# Germany leh Portugal inkhelh \uma red card hmutu Portugal defender Pepe chu match 3 khel thei lo turin an hrem.

# Belgium captain Vincent Kompany chu a inhliam avangin Ningani khan training a zawm thei lova, a hmalam hun a la hriat loh.

# Brazil legend Pele chuan Brazil leh Mexico inkhel kha a hmunah en tumin a kal ve a, traffic jam nasa lutuk avangin first half a en thei lova, motor chhungah radio atangin a ngaithla ringawt.

BADMINTON-AH POINT CHHIAR DAN THAR

         Badminton Governing Body chuan Badminton point chhiar dan a tidanglam dawn a, he dan hi August thla atangin an hmang \an phawt ang.

Dan tharah chuan best of three-a 21 point ni thin chu best of 5, 11 point a ni tawh ang.

         He dan thar chungchangah hian BWF chuan fans-te hnenah online poll a buatsaih ang a, 2015 May thla hmain dan thar hi an hman dawn leh dawn lohah thutlukna siamin, an hman dawn chuan 2016 Olympic-ah hman zui a ni ang.

BO CHHAR

            YMA Day khan nihliap chhar a ni a, a ti bo chuan Pu K.Lalhuliana hnenah lam tur a ni e.

KEYBOARD ZIR DUH TAN

         Synod School of Music hnuaiah July-December,2014 chhung atan Keyboard zir duhte tan seat dil theih a ni a. Dil duhte chuan a hnuaia tarlan te hi hriat nise:-

1. Music Department, Synod Office a\angin dilna form la chhuakin June 24, 2014 ral hma ngeiin Synod Office-ah thehluh tur a ni. June 25,2014-ah seat chang turte hming tarchhuah a ni ang a, zir tura thlan te chuan June 26 & 27,2014-ah Admission tih fel tur a ni ang.

2. July 1,2014 a\anga class \an tur a ni ang.

3. Dilna-ah mahni awmna Kohhran lehkha thil tel ngei tur a ni.

4. Hriat tur \ul dang chu dilna Form-ah tarlan a ni.

Sd/-

(REV. PC. PACHHUNGA)

Executive Secretary

i/c Music

ZAI (Vocal) ZIR DUH TAN

         Synod School of Music hnuaiah July-December,2014 chhung atan Zai (Vocal) zir duhte tan seat dil theih a ni a. Dil duhte chuan a hnuaia tarlan te hi hriat nise:-

1. Music Department, Synod Office a\angin dilna form la chhuakin June 24, 2014 ral hma ngeiin Synod Office-ah thehluh tur a ni. June 25, 2014-ah seat chang turte hming tarchhuah a ni ang a, zir tura thlan te chuan June 26 & 27,2014-ah Admission tih fel tur a ni ang.

2. July 1, 2014 a\anga class \an tur a ni ang.

3. Dilna-ah mahni awmna Kohhran lehkha thil tel ngei tur a ni.

4. Hriat tur \ul dang chu dilna Form-ah tarlan a ni.

Sd/-

(REV. PC. PACHHUNGA)

Executive Secretary

i/c Music

Vawiin KHAWCHIN

            Max : 260C      Min : 220C

               Chawhma lamah 6mm, chawhnu lamah 0mm leh zan lamah 0mm tla turin sawi a ni.

TUALCHHUNG

CHATUAN RAM LAMAH

         Vanlaldika (Kum10) s/o Rohmingthanga chuan Thawhah natna avangin ni 13.6.2014 (Zirtawpni) khan chatuan ram min lo pan san ta.

         A kalsan tak a nu leh pa, chhung leh khat lainate Lalpan awmpuiin veng zel sela tih hi kan \awng\aina a ni.

CHATUAN RAM LAMAH

         Lalbiakmawia (BMA) (Kum51) s/o Sangthangpuii chuan TB natna avangin ni 17.6.2014 (Thawhlehni) khan chatuan ram min lo pan san ta.

         A kalsan tak a nu, chhung leh khat lainate leh a chenpuite zawng zawng Lalpan awmpuiin veng zel se tih hi kan \awng\aina a ni.

3D MOVIES

               K|P Marka Group chuan ni 26.6.2014 (Ningani) zan dar 7:00 hian Saikhamakawn Community Hall-ah 3D Movies en theihin a buatsaih dawn a, lo en ve \heuh turin Saikhamakawn mipuite kan in sawm e. En man hi Rate pangai aia tlawm `.100/- chauhva siam a ni.

               Ticket hi zawrh chhuah tum a ni a, amaherawhchu 3D Glass hi 200 chauh a awm avangin in tinah rawn zawrh hman ani dawn lova, a duh tan Tv. Pc Vanlalhriatpuia te inah leh Pu C.Lalmuanpuia (Muantea) te dawrah lei theihin a awm dawn a ni.

BADMINTON HRIATTIRNA

               Saikhamakawn Badminton khel \hinte leh badminton infiamna lama tui mite tan Saikhamakawn Badminton Club din tum a ni a a hnuaia hun leh hmun ruatah hian kalkhawm \heuh turin kan inngenin kan inhriattir a ni e. Tin, hemi hunah hian hruaitu thlanna neih nghal bawk tur a ni ang.

A hmun: Pu Zarzaliana in (T.Sec)

A hun: Ni 22.6.2014 (12:00 noon)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330