Mipui Aw 29.9.2013

MIPUI AW

KARTIN CHHUAK

Vol. XIX Issue No. 38 Kristian Thalai  Pawl  Saikhamakawn Branch  Pathianni Dt.29.9.2013

VAWIIN CHÂNG VAWN

            A thihna anpuiin amah nen kan inzawm tawh si chuan a thawhlahna anpui pawhin kan inzawm bwk ang. Heng hi hria ila: kan mihring hlui chu a hnenah khenbehin a awm ve ta, sual pu taksa chu tihborala a awm theih nan, tun achinah sual bawiha kana wm lohna turin. Tupawh thi tawh chu sual lakah a chhuak tawh si a. Tin, Krista hnena kan thih ve tawh bawk chuan a hnenah kan nung ve bawk ang tih kan ring a ni.                        Rom 6:5-8.

KOHHRAN  PROGRAMME

29. 9. 2013

Chawhma Inkhawm

|antu           : Pi Chawngpari

Chawhnu Inkhawm

Nu leh Pa te ni

Thupui           : “Nu leh Pa hlut zia”

Sawitu            : Upa Zairemthanga

Châng sawi rual: Junior Deptt.

Zaipawl       : Senior Deptt.

Zân Inkhawm

Kristian Chhungkaw ni

Thupui           : “Chhungkuaa Pathian \ih”

Sawitu            : Pastor C.Sapkaia

            World Communication of Reformed Churches-in September 29 - October 5, 2013 chhûnga Brazil rama Conference an neih tûr puala \awng\ai rual Programme hman tur a ni.

PAVALAI INKHAWM PROGRAMME

A hmun          : Senior Hall

A hun             : 3.10.2013 (Ningani zân)

Hruaitu           : Pu Lalchhuansanga

|antu              : Pu R.Vanlalsanga

            |awng\ai ruala hun hman tur a ni ang.

           

           

           

SERMON

TISA LEH THLARAU INDONA

Thatna tih ka duh hi ka ti lova; sualna tih ka duh loh hi ka ti zawk si thin a, ka duh loh zawng chu ka tih si chuan a titu chu kei ka ni tawh lova, sual keimaha awm chu a ni zawk e... Nimahsela ka taksa pengahte hian dan danglam a awm tih ka hria, chu chuan ka rilru dan a do va, ka taksa pengtea sualna dan awn hnenah chuan salah min hruai thin a..... Mi rethei ka va ni tehlul em! He thihna taksa lakah hian tuin nge mi chhanchhuak ang?                   

            Tisa dana in awm chuan in thi ngei tur a ni, amaherawhchu taksa thiltihte thlarauva in tihhlum thin chuan an nun gang.

                                                Rom 7:19-20 & 23-24 & 8:13

Chutichuan hei hi ka ti a ni: Thlarauvah awm rawh u, tichuan tisa chakna chu in zawm dawn lo nia. Tisa hian Thlarau dona lam a chak thin, Thlarau pawhin tisa dona lam a chak bawk si thin.

Galatia 5:16-17.

            Rom bung 6-ah chuan ‘Kan piantharna, sual atanga chhuak kan nihziate, a thihna anpuiin kan thi a, a thawhlehna; a nun kan tawmpui a, kan mihring hlui chu a hnenah khenbehin a awm ve ta’ kan ti a, sual thihsan kan ti a, Kristaa kan nunna chu chiang takin kan hmu a. Mahse bung 7-na kan han kai chuan harsatna alo awm ta.

            Thatna tih kan duh a, sualna; kan tih duh loh zawk chu kan ti a. Tirhkoh Paula chuan he ti hian a rawn sawi a ni: ka duh loh zawng ka tih hi keima tih a nilova, keimaha sual awm tih zawk a ni’ a ti a, ‘keimaha sual awm tih a ni’ han ti viau thin mahse Pathian vuakna, Pathian kut chu a tuar leh ta tho si a, hei avang tak hian, “Mirethei ka va ni tehlul em! He thihna taksa lakah hian tunge min chhanchhuak thei ang le?” tiin a saw ta thlawt a ni.

            Rom bung 8 kan han kai chho leh ta a, Tirhkoh Paula vek chuan a rawn sawifiah ta a ni. “Taksa thiltihte thlaruava untihhlum thin vchuan in nun gang” a rawn ti ta a ni. Keimahniah hian tisa na, thi ve lo hi a awm a, chu chu hriain Setana chuan a rawn chawk tho ve thin a; keimahniah hian thisual tih chakna, ruihtheih thilte, hurna, mipat hmeichhiatnate, duhamnate, ruk ruk, eiruk, awhna sual chi tinreng leh thil sual chi hrang hrang hmangin kan taksa, kan tisa na hi a rawn chawk tho thin. Heng hi kan hratfiah a ngai, keimahni a nilo tih hi hriat tur, hetiang thilsual tih chakna, tih duhna hi keimahni ni lovin; keimahnia sual awm tih zawk hi a ni.

            Amaherawhchu he tisana hi thlaraua indo thin chuan in nung ang tih kan hmu a ni (Rom 8). Tirhkoh Paula chuan a tih duh loh sual a tih chuan ‘keima tih ani lo’ ati a: mahse, Pathian vuakna a tuar si a, “Tihsualtirtu leh tisualtu chu aram ata a paih chhuak a, rawhtuina meiah chuan an paih ang”(Matthaia 13:41) a  arawn tih ang hian keimahnia sual awm tih chu nimahsela tisualtu leh tihsualtirtu chuan hremna an pumpelh thei si lo a ni.

             Hemi avang tak hian keimahnia sual tih duhna lo awm thin chuin kan lo do a, kan lo tihhlum naaah chuan kan lo nung zawk dawn a ni.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

            TUI TLA

            Tûnlaiah ruah bawhawk a sûr nasa a, khawi luiah pawh tui a tam êm êm tawh a, chumaibâkah vengchhûng kawrah tak ngial pawh ruah sur tam châng chuan tuihâwk a tamin naupang chang nilo; puitling tân pawh a hlauhawm \hin êm êm a ni.

            Tûn hnâi lawkah pawh khân tlawng luia chesual kan hriat kha, fimkhur tura inchah reng pawh hian engemaw fimkhur tâwk loh leh lo inthlahdah palh zeuh hian nun hial pawh kan chân thei a ni tih hria ila, tui kan thiam emaw thiam lo emaw anih pawhin tûn ang lai hunah hi chuan lui kal lohte, luia chên lohte a him ber âwm e. Chumaibâkah kawrte tui lian ang chi leh Sabereka khuangkaih ang chite hi a hlauhawm êm êm mai bawk a, rama kan kal châng pawhin ruah sur laiin kawrte kan kân dawn anih pawhin inrâlring rânin kân \hin ila, ruah sur laia kawr dung zawh phei chu a him lo leh zual a ni. Chumaibâkah vengchhûng kawr takngial pawh hi ruah sûr lai chuan dâi loh hrâm a him ber âwm e. “Tihdam aiin invên hi a \ha zawk” si a, mitinte chhiatna kan tawh hmâ hian i fimkhur \heuh ang u.

ARTICLE

            Nawhchizawrh hi!

                                                Dinga Fanai.

            A thupui en ringawt hi chuan a chhiartu chu sawi loh, a ziaktu tân pawh thil phûrawm tak a ni lêm lo, a phûrawm loh avânga ngaihthah ngawt lah chu thil \ha ber a ni bawk si lo. A  hming ringawt pawh hi mi thinhrik leh khawihmunah pawh inkiltawih tak a ni. Amaherawhchu Bible-ah meuh pawh thuthlunghlui hunah khân hnâivâi takah kan hmu a ni a (Gen. 38:15). Hei lo pawh hi hmun hrang hrangah kan hmu nual âwm e, hei vâng hian mihring kan nih chhûng hi chuan kan kiangah a awm ve reng avângin a punlun loh dân kan zawn ve chu angai dawn a ang hle mai.

            Kan nitin nuna kan hmuh \hin TV, vedio, magazine leh media hrang hrangahte hian faknaah hmeichhe sexy tak leh taksa lang tam tak takte hian hmun an luah hnemin a hralh tla ber a ni hial awm e. Sport lamah lah Boxing-ahte, WWE-ahte leh thil dang dang infiamna rorum tak thleng pawhin hmeichhe sexy te chuan hmun an chang chho ta zêl bawk a, hemi anih rual hian hmeichhiate hi an mawina leh an zahawmna chu thil\ha tih nâna hmang ta lova sumdawn nân leh thil sual tih nâna an hmang ta hi chu thil fel hlel tak chu a va ni êm!

            Khawvêlah hian nawhchizawrhna hi a hluar hle mai a, a bikin  India ram hi khawvela nawhchi zawrh hluarna ber ram a ni hial âwm e. Bengal rama Kulin Brahmins-te chu hnam hnufual zawk hmeichhiate chuan sex hmanpui turin an lo lâwm \hin, tin, hmun \henkhatah chuan Devadasi, temple maichâmah chuan nawhchizuar hmuh tur an awm, sakhaw \henkhat nân hi chuan alo inzawm tlat a lo ni. West bengal ah ringawt pawh hian nawichizuar hi mi 6,000 vêl awm niin an sawi. Hei aia râpthlâk zawk mah chu India ram khawpui 6 hêng Mumbai, Kolkata, Chennai, Delhi, Hyderabad leh Bangalore-ah ringawt pawh hian naupang nawhchizuar 1,00,000 aia tam an awm nia hriat a ni (Source: Stockholm Conference 1996).

            Mizoram hi engnge kan dinhmun ni ve ta le? Mizoramah hi chuan kan hriattheih chinah sumdâwn nâna nawhchizawrh hi chu kum 1980 chho vêl a\ang khân niin alang, amaherawhchu kum 1945 vêl daih tawh pawh khân mi \henkhat chuan Silchar leh a chheh vêlah Mizo hmeichhe inzuar an awm tawh niin an sawi. Tichuan, a kum têlin a pung chak hle mai a, kum 2005 khân Mizoramah hian nawhchizuar 250-300 vêl an awm nia hriat a ni (Source: Human Right and Law Network). Tûn dinhmunah phei hi chuan a rûka inzuar (Secret Service) an tam tâk êm avâng hian a zat hi rin thu mai bâk lo chuan sawi thiam a har hle. He thu ka hmelhriat sawi a\ang ngei hian ngaihdân ilo siam thiam mai âwm e:

            “KS te hi Pathian thu lamah kaihhruai theih dânte zawng ila, anmahni hmelhriat leh kawm tlângnelte hi a \ha ang, tiin kan inrawt khâwm a. Keini ang duang chu han vâk chhuak ve ngawt mah ila KS leh KS lo pawh kan hre hrang mang si lova, kawm tlângnel chu sawi loh, anmahni pawh kan hre lo ania. Thil\ul nia ka hriat avângin Taxi Driver-te ka han berâwn a,Driver nazawng chuan an lo hre bîk lo tawp mai a, midang min kawhhmuh leh chhâwng a, an mi kawhhmuhpa chuan a lo hre na ngiang mai, zan khat chu thawhchhuah zâi kan rêl ta a.

            “Kan hmelhriatte kan hmu nawlh ang tih kan hlauh avâng leh a ni lo zâwng hian thu alo thang vak ang tih kan hlauh avângin kan inchei danglam ta a. |hian pathum hi kan ni a, ‘Pathum ami ka kohsak dawn che u?’ min han ti a, keini lah a zât tûr lam lo ngaihtuah lâwk awm si lo, inngaihtuahna hun vak awm bawk si lo, ‘Aw’ ka han ti ve mai a. Kan awmna lâi turte min hrilh hnuah PCO a\angin ava be kual ta a. A rawn kir leh chuan, ‘Khawi lama kal nge in duh, Motor dang in mamawh ang em?’ min rawn ti a. Keini lah chuan kalpuina tur lam rêng kan lo ngaihtuah lâwk bawk si lo, kei; a hmuipui pu deuh ber chuan, ‘Lo thleng phawt sela’ kan ti ve ta ngawt a.

            “Kan nghah chhûng chuan kalpuina tur chu kan lo ngaihtuah ho a, kan thianpa pakhatte in chu a lian deuh bawk a, min mikhual mai tur chuan kan nawr tlu ta a, kan thianpate inah chuan ti ti pui kan tum ta a ani.

            “Engemawchen kan nghah hnu chuan taxi pakhat hi alo kal a, kan bulah chuan a rawn ding a, nula pathum hi an rawn chhuk a. Kei ta pek chuan bengvar chhuahin ‘Khawnge in kal dawn?’ han tih mai ka tum a, mahse ka inchei danglam avângin min hre lo tih ka hre chhuak leh ta thut a, ka be ta lêm lova. An zinga pahnih hi chu kan vêng ami, ka hriatchian êm êm, Kohhran leh khawtlângah pawh mi inhmang tak mai an ni a, an nu leh pa pawh ka hriat chian lutuk an ni a, pakhat ve thung erawh chu ka hriat ngai mi a ni lo thung.

            “Kan bulah chuan an tâwi an tâwi a, min kalsan ta a. Rei vaklo hnuah chuan min kohsak tute nên chuan an lo kal leh a. Taxi Driver chuan, ‘Anni hi an nia,’ an han ti mai chuh! Ka lum pup hi a ni ber mai, sawi tur pawh ka hre lo. Chutiang bawkin ka \hiante pawh chu an lo ni ve tho bawk a. Anni lah chu kan bulah chuan an tlângnêl nghâl sârh mai a, ‘Helâi chu a ualâu êm mai hmun dangah i kal ang u,’ an ti nghal bawrh bawrh a.

            “Kan aw a\angin tutenge kan nih min hre chhuak ngêi dawnin ka hre bawk si, ngawih reng lah chu a ni bawk si lo. Kalpuina tura kan lo ruahman lah chu a tihin a tih chi tawh rêng rêng si lo, Patling ngaihtuahna a buai ta map map mai! Engemaw ti tiin tumah inhre chhuak lovin kan in \ha \hen thei hrâm a ni.

            “A hnu lama kan vêng leh Kohhran vêla an han che tla han hmuh hi chuan mahni kan inringhlel lo chauh chu a ni. Khami zâna kan thil tawn kha mumang a nihte a rinawm thei rum rum nia... (Souce: KS Zir chianna)

            Hetiang hi tuna kan dinhmun a nih si chuan engtinnge ni ta ang le? I fate kha an him em? Nangmah kha i him em? Lo inchhût rawh. Heting thil ilo tawng palh emaw in chhungkuain in lo tâwk palh anih pawhin beidawng duh suh. Phengphehlep a khua a tlai hmain ti damtu Isua krista pan ang che. Chutah lo chuan siamtharna dang rêng a awm si lo. “Tih tak meuhvin ka hrilh a che u, chhiahkhawntute leh Nawhchizuarte chuan Pathian ramah an luh khalh dawn che u a nih hi”. (Matthaia 21:31) tih hial kan hmu si a.

 

HRISELNA HUANG

KELBUHPUI

A chanchin tlângpui: Kelbuhpui hi thing zâm chikhat, thinga zâm chi a ni a, thlâi dangte anga chaw an insiam ve theih loh avangin thlâi (Thing) dang a\angin chaw an mamawh ang chu an zung hmangin an hîp lût ve mai \hin a ni.

Damdawia hman theihte: A kûng pumpui.

Damdawia hmannate:

Ulh, bilh, herh: A kûng pumpui rawtsawm a, ulh/bilh/herh-ah bel a \ha.

KAWRTHINDÊNG

A chanchin tlângpui: Thingkung lian ve tak a ni a, a kûng puitling chu sang takte pawh a awm thei. A hnah hi vawmbal hnah ang deuh thuak, hnah thap hlâi hlep hlawp a niin a tlâng a kir chhuak vek a, a rah hi belthei rah nên a intiat vêl. Thawnthu-ah chuan Bengali pakhat a kûng hnuaia muhil lâi a thin zâwn a a den avangin a thih phah a, chuvanga a hming ‘Kawrthindêng’ hi pu ta niin an sawi.

Damdawia hman theihte: A rah.

Damdawia hmannate:

Santên, kaw\ha lo, pum \ha lo: A rah pil ei a \ha.

KHÂM DAMDAWI

A chanchin tlângpui: Khâm damdawi hi hnim chikhat a ni a, lung hmun, awihtlân leh hmun khawhrawk deuhah a awm \hin.

Damdawia hman theihte: A kûng pumpui.

Damdawia hmannate:

Pum nâ: A kûng pumpui silfai hnûah rawtsawm diaka thirfiante khat zêlin nikhatah vawi khat emaw vawi hnih emaw ei tur a ni.

BIBLE  QUIZ  No.39

SAM  BUNG 56 - 60

A kâr âwl dah khat rawh :

Q1. Pathian ka ring a, a thu ka fak ang a: Pathian ka ring a, ka hlau lo vang: ___________________ chuan eng nge mi tih theih ang?

Q2. Ka nunna hi sakeibaknei zingah a awm a; Mihring ____________ zingah ka awm a, An hate chu fei leh thal ang ani a, An lei lah khandaih hriam tak ang.

Q3. Mi suaksualte chu an nu pum chhûng a\ang rênga Pathian laka \henin an awm a: An pian veleh ___________________ thu sawiin an vâk bo thin.

Q4. Aw LALPA, ka bawhchhiatna avâng ni lovin, ka sual avâng ni hek lovin, Ngai teh, ka ________________ hi an châng reng si a, Mi chakte chu mi  bei tûrin an pung khâwm a ni.

Q5. He ram hi i tikhur a; i tikhi ta a: A kakte chu siam \ha leh ang che; __________________ a nghing si a.

A bung leh châng dah rawh :

Q1. Ka nunna hi thihna lakah i chhanhim si a: Ka kete hi tlu lo tûrin i chhanhim a ni lâwm ni? Mi nung êngah hian Pathian hmâa ka lên theih nân.

Bung: ...............          Chang: ....................

Q2. Aw Pathian, nang chu van khum daih khian chawimawiin lo awm ang che: I ropuina chu leilung zawng zawng chungah hian lo awm rawh se.

Bung: ................         Chang: ....................

Q3. Chutichuan miten, “Mi fel tan chuan lawmman a lo awm tak tak a: Leiah hian rorêltu Pathian a lo awm tak tak a nih hi,” an ti ang.

.Bung: ................         Chang: ....................

Q4. Pathian zarah huai takin kan ti ang: Ani chu min dotute rap bettu tûr a ni si a.

Bung ....................        Chang .................

Hming : ......................................................

Section : .....................................................

BIBLE QUIZ  NO. 37 RESULT

Chhanna lut zawng zawng : 9

Chhang dik vek                       : 9

Lawmman dawngtu: Lalramdina (V.sec)

BIBLE QUIZ  NO. 38 RESULT

Chhanna lut zawng zawng : 3

Chhang dik vek                       : 3

Lawmman dawngtu: Reuben VL Duhawma (Ch.sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

YMA HRIATTIRNA

            August thla tir lam khan CYMA chuan Rampum huap Arm wrestling Championship a buatsaih a, kan Branch pawh hetah hian categpry hrang hrangah kan tel a, heta branch aiawhtute chungah hian Branch Yma chuan lawmthu a sawi a. Tin, he championship-ah hian Nl. Jabeja Lalramzauvi chuan 60 kg above-ah Bronz Medal a la a, hetianga branch tihming\hatu hi kan chhuang em em a ni tih mipui te kan han hriattir a ni e.

Sd/-

(K.LALHULIANA)

Secretary

YMA Branch Saikhamakawn

ADVERTISMENT

            Sam siam, Facial leh thil chi dang dang ka tihsak thei e. Pu Lalrinlian in, Vanapa Section-ah dawr ka siam a, min han dawr ve rawh u.

In \hian,

Sawmtei

TUALCHHUNG

,Pi Lalmawizuali w/o Lalchhanhima (T.Sec) chu damlohna avângin Synod Hospital-ah enkawl mêk a ni.

, Pu Zosangliana h/o Sangawii (T.Sec) chu hun rei tak damlohna avânga phai lama enkawl anih hnûin an lo haw.

,Lalruatsangi d/o C. Lalengzama (V.Sec) chu damlohna avanga Synod Hospital-a enkawl anih hnûin alo chhuak.

,Pu Khawlhmingliana h/o  Liankhumi (T.Sec) chu damlohna avânga Aizawl Hospital-a enkawl anih hnûin alo chhuak.

Zânin EPL inkhêl turte

Stoke City Vs Norwich City (6:00)

Sunderland Vs Liverpool (8:30)

Thawh\an zân

Everton Vs Newcastle (12:30)

Zânin Spanish La Liga

Osasuna Vs Levante    (3:30)

Celta Vigo Vs Elche   (8:30)

Espanyol Vs Getafe (10:30)

Real Betis    Vs Villarreal   (12:30)

Thawh\an zân

Granada Vs Athletic Bilbao (1:30)

UEFA 1.10.’13 (Tuesday)

FC Basel Vs Schalke 04 (12:15)

Steaua Bucuresti Vs Chelsea (12:15)

Arsenal Vs Napoli (12:15)

B. Dortmund Vs Marseille (12:15)

Z.St Petersburg Vs A.Vienna (9:30)

FC Porto Vs Atletico Madrid (12:15)

Ajax Amsterdam Vs AC Milan (12:15)

Celtic Vs Barcelona (12:15)

2.10.’13 (Wednesday)

B.Leverkusen Vs Real Sociedad (12:15)

Shakhtar Vs Man. United (12:15)

Juventus Vs Galatasaray (12:15)

Real Madrid Vs FC Copenhagen (12:15)

Anderlecht Vs Olympiakos (12:15)

Paris St.-Germain Vs Benfica (12:15)

CSKA Vs Viktoria Plzen (9:30)

Man. City Vs Bayern Munich (12:15)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 300

Mipui Aw 22.9.2013

MIPUI AW

KARTIN CHHUAK

Vol. XIX Issue No. 38 Kristian Thalai  Pawl  Saikhamakawn Branch  Pathianni Dt.22.9.2013

VAWIIN CHANG VAWN

            Mi suaksualte remruat anga awm ngai lo va, Mi sualte kawng pawha ding ngai lo va, Hmusittute thutphah pawha thu ngai lo mi chu a eng a thawl e. A lawmna chu LALPA danah a ni zawk a; A dan thu chu achhun azanin a ngaihtuah thin. Ani chu tuiluang kianga thingphun A huntea rah thin. A rah pawh uai ngai lo ang hi a ni a; A thiltih apiang chu a hmuingil zel ang.

KOHHRAN  PROGRAMME

22. 9. 2013 (Pathianni)

Sunday School Inkhawm

|antu           : Pi Zothanpuii

Chawhnu Inkhawm

Thupui           : “Pathian hnathawhpuitu kan                                                  ni”

Thuhriltu    : Pi Khawlvuani

Zân Inkhawm

Thupui           : “Lang tlang rawngbawlna”

Thuhriltu    : Upa Lalrindika

September 16 - 31  Inkhawma chanvo neitu turte

Hla hriltu        : Nl. Lalrinchhani

Keyboardist   : Tv. Malsawmzuala

Sound Duty    : Pu F. Lalrinpuia

                         Tv. Lalfakzuala

            Beihrual hun hi Kohhran ho ten hlawk taka kan hman theih nan inkhawm lamah \an i la sauh sauh ang u.

           

           

           

SERMON

Khawvel  Eng

Matthaia 5 : 14 - 16 ; Galatia 5 :19 - 26

            Lal Isua Krista ringtute hi  Amah Lal Isua ngei khan nihna hrang hrang min bel a. Chu nihna min tarlan sak chu amah Krista ngei pawhin a nihna a ni tih a sawi. Johana 1 thuah chuan Lal Isua ngei pawh kha Eng tiin a sawi a ni. chuvangin  Lal Isua ringtute hi Eng tih hi kan nihna a ni. Ringtute nihna hrang hrangte  Lal Isua sawite :

1) Khawvel Eng          2) Tlang chhipa khaw awm    

3) Khawnvar hal         4) Chi Heng kan nihna tur a sawi te hian awmzia pawimawh tak tak a nei a: Chung te chu.

1) Eng chhuak

2) Hmuh loh theih loh

3) A thlen chi zel chu a fanchhuak thin.

            Heng kan nihna tur a sawite hi engchhuak tur, miten an hmuh loh theih lova eng chhuak ngei ngei tur te a ni. chu chu ringtute nun dan tur a sawina  ni. A mah Lal Isua ngei pawh kha a eng hle a nih kha; mitdel leh bengngawng lam pawh in an hai hauh loh khawpa eng nun a nei a ni. Chu nun eng tak mai chu nei turin min ti a. A hniak hnunga kan zuina turin amah ngeiin entawn tur min hnutchhiah a ni kha.

             Miten an hmuh mai hi min a tawk lo, chu ringtu nun eng zarah chuan miten thlamuanna, hahchawlhna a nei ngei ngei tur a ni. Amah Lal Isua engah khan miten damna an chang thin. keimahniah hian miten hahchawlhna,damna , thlamuanna an hmuh theihna turin kan nun hi a engchhuak thin tur a ni.

            Kan nun a lo en chhuah theihna tur chuan Paulan thlarau rah a sawite hi kan nunah atakin hmuh theihin a rah chhuak tur a ni. Mi, Thlarau Thianghlimin a chenchilh nun neitu, rah duhawm tak taka rah thin te nunah chuan miten chawlhna an hmu thin. A nihna takah chuan heng thlarau rah chi 9 te hi mahni in haivur a ka hlimna tur leh ka lawmna tur ringawt atan chuan rah chhhuah tir theih a ni lo. Chu chu kan Pathian tum dan leh ruahman dan pawh niin a lang lo. Midang te tan a Malsawmna kan lo nih theih nan a rah chhuah tur kan ni. Chu rah chhauka  chu miten an hmuhhmaih thei ngai lo.A lo Eng chhuak thin a. Chu Engah chuan miten hahdamna an chang thin.

            Kan En theina turin Lal Isua ah siam peih diam kan ni tawh. Miten kan nunah eng an hmuh theihna turin kan rahchhuak thin theihna turin Thlarau thianghlim mi pe a. He Thlarau Thianghlim  rah chhuahtir thei lo thin tu, tisa thiltihte hi a sual ngaihtuahna te chawpa  khenbet zel tur kan ni. Keimahni nawmna tur leh he khawvel mawina te kan itna hian tisa thiltihte khengbet phal lova kan awm hian rah tur a hi a rah chhuak thei thin lo. Chu chuan min ti eng thei lova, miten kan nunah thim an hmu leh zawk thin.

            Kan Lal Isua  chuan “Thing tha a piang a rah tha a,thing chhia apiang a rah chhe thin” a ti a. Chuvangin vawiin a kan ringtu nun hi eng nge ka rah chhuah? ti a kan in enfiah  a tul hle mai. Thlarau Thianghlim kan chan te hi kan rah chhuahtir tha em? Vawiin kan ringtu nun hi chuan Thlarau Thianghlim kan duh khawp mai, Kan nun thlamuan nan leh hlimtaka lam pui lawp lawp atan chuan kan thlang viau thin mahse rahchhuah nei turin he kan thlarau chan hi kan vulh lian ngam dawn em? He hlim lamna maiah hian kan lungawipui mai dawn a ni chuan Lal Isuan engchhuak turin min duh si a. Kan enchhuah theihna turin heng Thlarau rah te hi duhawm taka kan nunah huan rah chhuahtir a ngai a ni.

EDITORIAL  BOARD

              f

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Nl. Lal\anpuii                       -8974243380

Circulation Manager:

Tv.R.Zodinsanga                  - 8974743073

Editorial.........?

            Hun leh ni, kumte a ral zela, engnge kan nunah lo thlenga engtiangin nge kan hun kan hmanral tih kan ngaihtuah chiang ngai em le? Tun kumtir lam kha han ngaihtuah ila, a la reilo viauin tupawhin kan hre vek awm e. Nimahsela a ni leh thla han chhuat chuan ni tam a vei a, thla tam a lo liam leh der tawh thung si. He hun zawi muanga kal liam puat puat \hin hi kan hringnun inbuatsaihna kawngah a pawimawhzia kan chhut thiam hi a \ul takzet zet a ni.

            Mitam tak chuan nikhat hun hi tlem an tih ngawih ngawih laiin \henkhat tan chuan nikhat hi ninawm khawpa rei a ni thung si. Tun kum January thla a\anga vawiin ni thlenga hun inang chiah nei khawvel mihringte hi engtiang chiahin nge kan hringnunah inthlauhna kan neih tih hi ngaihtuah tak tak ila chuan a nasa viau ngei ang. Hei tak hi mi hausa leh rethei, mi fing leh mi mawl siamtu chu a ni e tiin sawi pawh ni ila kan sawi sual hau in ka ring lo. Hun inang nei \heuh mihringte kan ni, kan nuna thil thlengah Pathian mawh ngawt chi niin a lang lo.

            Hetiang a nih avang hian nang leh kei hi kan awm mai mai laite, kan thawhrim peihloh laite hian mi fate chuan taima takin an lo thawk reng \hin a, chungho chuan kan kephahah chhuangin kan kokiah an kai a, kan chhungah an chho \hin tih i hre thar ang u.

ARTICLE

            ZAHAWMNA  HI

- P.C.Hriata

            Zahawm han tih chuan a kawh ber chu, vantlâng nun aia chungnung deuh, mite pawhin an fiam bawrh bawrh ngam loh, kawng engkimah ti ila kan sawi sual deuh mai thei e, mi nâwlpui in tlukloh en a en deuh te hi mi zahawm anga kan ngaih chu an ni âwm e. A dik chiah mai, ei leh bar leh chhungkaw enkawlna chungchângah pawh mi vantlâng aiin an chungnun a, an nunah midang te zah an kai miau chuan mi zahawm chu an ni chiah rêng mai. Amaherawhchu hemi tlâng a\ang ringawt a\anga thlir chuan a dik ber lo thei a, tin, mi zahawm tia han sawi fak tur pawh an vâng viau ta ve ang le. Eng a\ang chiahin nge zahawmna hi kan teh anga, eng tehfung nge kan chelek ber ang tih hi hriatfuh a ngai a, chumi kan hriatfuh chuan mi zahawm hi kan awm fur mai awm asin.

            Pathianin mihring min siam dan han ngaihtuah a, beng sika han chhut vang vang chuan tupawh mai hi kan in angkhat tlang put mai awm e. Mihring ten zahawmna kan teh dan leh tehfunga kan hman tlanglâwn ber han thlir dawn ila. Khawtlâng leh ram ang pawha mi zahkaite chu thiamna sang tak neite, sum leh paia hausa te, sawrkar lu leh sawrkar hnathawk lian te hi a tlângpui chuan zah chu an kai hle a, a dik pawh a dik chiah rêng a ni. Amaherawhchu kha dinhmuna a din avânga zah kai an nih si chuan, kha an dinhmun chiah ah khan mirethei berh tak leh daikil kâra mi; vantlâng leh khawtlâng ang pawha kan zah vak lo te kha han awm ve ta se, thawklehkhatah zah an kai nghal ngei ang le. He tehfung hmang thin tute chuan mihring zahawmna lam chu an hre hauh lo ti       an ni ang tho a thawkrim leh bei nasa, engemaw harsatna vânga thlengphak ve theilo te erawh chu vaivut pal khû k ang mai mai a pal zut theih dinhmunah an ding ve thei lawi si. Thawhrim dan leh hah dan inang theuh theuh vanduai vang maiin khawtlang zah a kai pha dawn ta lo, a pamhmai deuh lo maw le.

            Nihna leh thiamna tehfung atanga zahawmna kan teh \hin a nih chuan thil diklo tak a awm thei dawn niin a lang. Heng tehfung kan sawi tak zawng zawng hi awmlo ta vek sela chuan tupawh hi ang khat vek kan ni ngei ang. Pathianin mihringte hi Thlarau nei leh Ama anpui ngeia siamte kan ni vek a, hei vâng hian mihring reng reng hian hlutna leh zahawmna in angkhat tlâng vek kan nei, chu chu kan sawi tak ang khian Pathian anpui vek kan nihna hi a ni, hemi a\ang hian mihringte hi indawrin inzahthiam zawk ta ila; chu chuan kan nun hona pawh a ti nuam zawk ngei ang. Zahawmna hi  nihna a\anga teh chu ni mahsela, Pathianin min siam dan leh a bul thûm a\anga ngaihtuah chuan zahawmna kan neih hi a inangkhat tlâng a ni mai lo maw?

HRISELNA HUANG

HLONUAR

A chanchin tlângpui: Hlonuar hi hnim chikhat hling ngah tak, hnah sîn te te nei a ni a, bit takin leiah a \o \hin. Kuta khawih emaw thil dangin emaw a tih chêt rêng rêngin a vuai nghal sun \hin a, rei vak lovah a awmdân pangaiin a rawn awm leh mai \hin. Thil huat neih vânga vun natna lo awm \hin (eg. vawmbal) leh thawhah damdawi \ha tak a ni. Hlonuar hi Mizoramah a tam hle. Chi hnih - a lian chi leh a te chi a awm a, a te chi hi damdawi \ha tak anih lâiin a lian chi erawh chu tûr hlauhawm tak a ni.

Damdawia hman theihte: A kûng pumpui a zungte nên.

Damdawia hmanna te:

Naupang thawhah: A hnah rawtsawm tui sawr 5 - 10ml leh coconut rah no chhûnga tui 30ml chawhpawlh a, nikhatah vawi khat zêl nihnih chhûng in tur. He damdawi in a\anga darkar hnih hnû vêlah thawhah a ti ziaawm huai thei, ni hnih hnûah phei chuan a reh hmiah thei.

Kala lungte awm: A kûng 25gms tui 200ml in mei navak lovah 50ml anih thlengin chhum kang a, 25ml zêlin nitin zîng leh tlâiah in tur. Naupang erawh chu puitling dose chanve 12ml zêlin pêk tur a ni.

Thil huat neih vânga vun natna/thak: A kûng 25gms tui 200ml in mei na vak lovah 50ml anih thlengin chuan kang a, 25ml zêlin nikhatah vawi hnih in tur, a theih chuan khawizu thirfiante khat ei tel a \ha.

Lu nâ: A hnah rawtsawm diak a, chalah bel a \ha.

Hliam, pân: A hnah tui tel lovin râwt diak a, hliam/pânah bel a \ha.

Zunthlum, taksa chak nân, hriatna thazâm tih chak nân: A kûng phoro râwt dip 5gms leh bawnghnute no khat chawhpawlh a nitin in tur.

emaw

            A kûng phoro râwt dip 5gms leh khawizo 5ml chawhpawlh a, nikhatah vawi hnih ei tur, taksa a ti chakin hmeichhiat mipatna lamah chakna a pe thei.

Ruhseh: A hnah densawm leh rock salt inzâtin chawhpawlh a, ruh na lâiah bel tur.

HMU|AU

A chanchin tlângpui: Hmu\au hi ram theihmu hling ngah tak a ni. A kûng hi hling hmul sînte in a khat vek a, a rahhi a bial, saihlum tiat vêl niin rawng sen a ni. A hnah chu rose hnah ang deuh, hnah hmul thep leh rawng sen uk a ni. Chi hnih hmunu lah hmupa a awm.

Damdawia hman theihte: A zung, a zîk no.

Damdawia hmanna te:

Kaw\halo: A zung chhumna tui in a \ha.

Pum nuam lo, chaw pâi \awih harsat: A zîk no densawm diak a thifiante khat zêlin nikhatah vawi thum ei tur.

Santên: A zung chhumna tui nikhata vawi tam tak in a \ha.

BIBLE  QUIZ  No.38

SAM 51 - 55

A kâr âwl dah khat rawh :

Q1.Aw Pathian, nang mi _____________________ Pathian, thisen chhuahnate lakah mi chhanhim ang  che.Tichuan ka lei hian i felna thu hi hlim takin hlaah a sa ang.

Q2.  I rit phurh chu LALPA chungah nghat la, tichuan anin a tichak ang che; Mi fel chu engtikah mah ______________________ a phal lo vang.

Q3. Ka ______________________ zawng zawngah chuan mi chhanchhuak ta si a; Mi dotute chunga ka thu duhthusam thleng chu ka mitin a hmu ta a ni.

Q5. Kei erawh zawng Pathian ina ___________________________ chawr duah hluah ang ka ni: Pathian ngilneihna chu kumkhaw tlaitluanin ka ring ang.

A bung leh châng dah rawh :

Q1.An kir leh ta theuh va; bawlhhlawh takin an lo awm ta vek a; Tumah thil tha ti reng an awm lo, pakhat mah an awm lo.

Bung: ...............          Chang: ....................

Q2. Amah nena inremte chungah chuan a kut a lek a: A thuthlung chu a tibawrhbang ta a.

Bung: ................         Chang: ....................

Q3.Aw Pathian i ngilneih êm avângin mi khawngaih la: I lainatna nasat avângin ka bawhchhiatnate hi thai bo vang che.

.Bung: ................         Chang: ....................

Q4.Tha aiin sual i ngaina zawk a; Felna thusawi aiin dawt thu sawi i ngaina zawk  bawk a.

Bung ...................        Chang .....................

Hming : ......................................................

Section : .....................................................

BIBLE QUIZ  NO. 37 RESULT

Chhanna lut zawng zawng : 0

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

A.I.R -AH   HLA  RECORD

            Saikhamakawn branch Y.M.A chuan All India Radio a thun tur zaipawl hla panga zira record  a ni a. Y.M.A zaipawl \ha tak kan vengchhungin kan nei thei hi a lawmawm hle. He hla an record hi ni 27. 9. 2013 chawhnu dar 1: 00 velah tihchhuah a ni ang.

           

K. |. P

               * Nimin 21. 9. 13 (Inrinni) nileng khan Saikhamakawn K.|.P te chu vengchhung sidedrain leh zunin tihfai ngai zual laite tifaiin hnatlang an nei a, memberte an thawkchhuak \hain heng member thawkchhuakte zawng zawng chungah Branch Committee chuan lawmthu a sawi tak meuh meuh a ni e.

               * Ni 20.10.2013 (Pathianni) chawhnu fellowship hian Quiz a buatsaih leh dawn a. Lawmman pawh pakhatna a\anga pathumna thleng siam a ni leh dawn a ni. Quiz hi Thuthlung Thar bu a Tirhkohte Thiltih a\anga siam tur a ni a. He Quiz hi hlawhtling taka hman a nih theih nan member ten i hlut thiam ila, lawmman dawng ve ngei turin i inbuatsaih \heuh ang u.

            * Saikhamakawn K.|.P chuan Sport  hlimawm leh ropui tham zet mai a buatsaih leh dawn a. Amaherawhchu a neih hun leh neih dan tur erawh branch committee thuchhuak lo ngaichang rih turin memberte kan in hriattir a ni e. He Sport neih dan tur ruahmana lo duang chhin turin committee chuan helama mithiam bikte a ruat a, chungho ruahmanna zulzui chuan branch committee in \ha leh him a tih chinah a kalpui dawn a ni, memberte eng sport discipline ah pawh \ha taka ti thei turin lo inbuatsaih \an tawh ila a \ha ang.

TUALCHHUNG

, Pu C. Zakhuma h/o Pi Liansangi (V.sec) chu damlohna avanga Green Wood Hospitala zai a nih hnuin dam takin a lo chhuak.

, Pi Zasangi m/o Tv. Lalbiakzuala (ch.sec) chu damlohna avangin Zemabawk damdawi inah enkawl mek a ni.

,Lalruatsangi d/o C. Lalengzama (V.Sec) chu damlohna avangin Synod Hospital Durtlangah zai a ni a, enkawl mek a ni.

,Pu Khawlhmingliana h/o Pi Liankhumi (T.Sec) chu damlohna avangin Greem Wood Hospitalah enkawl mek a ni.

, Pu Vanlalruata s/o Pu Zaidailoa (L) (V.Sec) chuan khawilo vahvel nan bike (R. 15) a lei thar.

, Pu C. Lalhnenzaua h/o Pi R. Zasangi (V.Sec) te chhungkua chuan khawilo vahvel nan car (Maruti 800) thar an lei.

,Pu Lalsailova h/o Pi Chawngkungi (T.Sec) te chhungkua chuan khawilo vahvel nan car (EON) thar an lei.

,Pu C. Vanlalsanga h/o Pi Lalchungnungi (V.Sec) te chhungkua chuan khawilo vahvel nan Bolero an lei thar.

Zânin EPL inkhêl turte

C’tal Palace 6:00      Swamsea

Arsenal            6:00     Stoke City

Man City     8:30      Man United

Cardiff City 8:30      Tottenham

Zânin Spanish La Liga

Celta            08:30       Villarreal

R . Madrid   10:30       Getafe

Valencia                      12:30               Sevilla

HRIATZAUNA,  (Mizoram chanchin)

* Capital                                  : Aizawl

* Geographical area                : Sqkm 21087

* Geographical Location         : Longitude degree 920. 15’Eto930.29’E

* Length                                  : North to South - 277km, East to West -                                                          121km

* Population (2011 census)     : Mipa - 552,339 ;  Hmeichhia - 538,675

* Assembly Constituencies     : 40

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300