Mipui Aw 27.1.2013

MIPUI AW

KARTIN CHHUAK

Vol. XIX Issue No. 4 Kristian Thalai  Pawl  Saikhamakawn Branch  Pathianni Dt.27.1.2013

VAWIIN CHANG VAWN

            Miin a tawngkam chhuak rah chu a seng ang a, Ama kut thiltih ngei chu a hnenah hlan a ni ang. Mi a kawng chu ama mitah chuan a dik a, Mifing erawh chuan rorel a ngaichang thin.Thufingte 12: 14-15

KOHHRAN  PROGRAMME

27.1. 2013 (Pathianni)

Sunday School Inkhawm

|antu           : Pi Lalchharliani

Chawhnu Inkhawm

Thuhriltu    : Pu Khawlhmingliana

Zân Inkhawm

Thuhriltu    : Upa R.Lalngena

KTP PROGRAMME

 Dt. 28 .1. 13 (Thawh\an zân)

Sermon  Inkhawm

Hruaitu           : Tv. R. Zodinsanga

|antu              : Tv. Samson Lalhmangaihzuala

Thuhriltu       : Pu Lalremruata

Thilpek lakh- : Nl. Pc. Lalrinmawii

awmtu tûrte   : Nl. R. Lalngaihawmi

January thla chhûnga zâi hruaitu leh

musician tûrte

Hla hruaitu    : Tv. R.Zodinsanga

turte                  Tv. F.Laldingliana

Musician         : Pu Lalchhandama

                          Tv R. Lalzamlova

KOHHRAN  HMEICHHIA  (29.1.2013)

Hruaitu           : Pi K. Lalbiaksangi

Tantu              : Pi Rinchhungi

Thuhriltu       : Pi Ralliani

            Vawiin chawhnu inkhawm bânah Pathian ram chhiar tur a ni a, chawhma lama la pe remchanglo pawhin a chhiarna hmun Vestry-ah pêk theih reng a ni e.

SERMON

KAL  LA  TI  SUAL  LEH  TAWH  SUH

            Tin, Isua a tho va, a hnênah, “Hmeichhia, khawiah nge an awm tâk? Tuman thiam loh an chantir na che nge?” a ti a. Tin, ani chuan, “Lalpa, tuman mi chantir lo ve,” a ti a. Tin, Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti a.                         -Johana 8:10-11

            Mihring kan nih chhûngin thil kan tisual \hin a, Pathian duhloh zawng tam tak kan ti fo \hin. Bible-ah pawh Israel fate sualna chungchang tam tak a lang a, an sualte inchhîra Pathian lam an hawi chuan Pathianin alo ngaidam leh \hin. Mahse, kan Pathian hian tihsual nawn leh hi a duhlo hlê tih pawh a hriat theih bawk. Bible châng kan târlan a\ang khian chiang takin kan hre thei nghal âwm e. Hmeichhia a uire lâi tak an man a, dân a\ang chuan thi ngei tûr a ni, mahse Isua’n a ngaidam a, tihsual nawn leh erawh a phallo thung a ni.

            Sawitu tâm tak pawhin an sawi fo \hin, Pathian hi hmangaihna ngah leh thinnel tak, misualte ngaidam \hintu anih thu chu sawi tam ngai lovin kan hre \heuh awm e. A mihring siam ten nasa takin a dân kan bawhchhia a, a fa nihna hlu tak chu sual bumna avangin kan hloh a nih kha, chu sual bumna khur thûk tak atâ min tlan turin a fapa mal neihchhun chu kan tân min pe a, a fapa duhtak Isua Krista chuan mihring sualna zawng zawng phurin Kros-ah a tuar a, kan sualna vanga thihna khur thûk taka kan tâng mek chu a thisen hlu tak chuan min rawh tlan chhuak lehin kan sual zawng zawngte min ngaidam a, chumi ngaihdamna changtute hnênah chuan amah Isua ngeiin, “Kal La, Tisual Leh Tawh Suh” min ti ta a ni. He ngaihdamna ropui tak changa piangthar tawhte tân chuan sual bosan leh chi a ni tawh lova, Pathian fapa mal neihchhun Isua Krista roluahpuitu, fa nihna pêk kan nih tawh avangin sual bosan phal chi a ni tawh lo a ni.

            Anih chuan engtiangin nge kan tihsual tawh loh theih ngawt ang le? Bible-a Pathian ringtu \ha tak takte paw’n suala tlûk châng an nei ve fo a. Lal Isua ngeiin, “Keimahah awm reng rawh u, keimaha in awm reng loh chuan in rah thei lovang” a lo ti a. Ringtu \ha tak tak kan tihte pawh hi Isuaah kan awm reng loh \hin avang hian kan tisual leh mai \hin zawk a ni. Pathiana kan awm rêng phawt chuan kan hmâa sual alo lan \hin apiangin Krista zârah kan hneh zêl anga, Ama chakna ringin kan tisual leh tawh dawn lo tihna a ni. Amahah kan awm rêng loh avang hian sual in min hneh leh mai \hin zawk a ni tih pawh kan hriat tel a \ul hle bawk âwm e.

            A tawp berah chuan hei hi hria ila, engngemaw châng chuan kan tlûkna ngâiah mihringte kan tlu nawn fo \hin. Pathianin min ngaidam theilo tihna lam a ni lo tih kan hriat tel a \ul hle mai. Isua zirtirnaah chuan kan chunga thil tisual tuten ngaihdam min dil chuan vawi sarih hmun sawmsarih ngâidam turin min zirtir thung si. Nang leh kei ringtu chaklo leh derthawng tak hi, kan tlûkna ngâiah lo tlu nawn \hin mah ila inchhira ngaihdam kan dîl chuan Pathian hian min ngaihdam theih loh lai a nei ngailo tih hi kan hriat a \ul hle bawk a ni.   

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

SOCIAL NETWORK

          Social tih chu vantlâng mipui thil, a ruala inkawm khawmna tihna a ni a, network hi chu thil inzam darh, \ai dar tihte pawhin a leh theih âwm e. Chutichuan a awmzia berah chuan hmun hrang hrang ami a ruala inkawm emaw mipui vantlâng inkawm khawmna leh inbiak tawnna te pawh ti ila kan sawi sual âwm love.

            Social Network hi chi hrang hrang a awm thei ngêi ang a, chumi zînga langsar ber pakhat chu tunlaia lar êm êm mai facebook hi a ni âwm e. Facebook hi a hmangtu pawh kan tam a, \angkai fê fê a hmang leh thil ho lam ringawt atâna hmangte pawh kan kat nawkin a rinawm. Hetiang facebook ang chi-ah hian mî tâna harsatna siam ang chite leh mite tâna pawi thei tûr ang chi hawi a thu Post leh Comment-te hi kan awm \hin a, Case awrh ta nawlh nawlh pawh an awm \hin. Chuvangin, thil \ha lo zawk thlen hmâ ngêi hian hetiang social network hmanna lamah hian mitinte i finkhur \heuh ang u.

ARTICLE

KAN RAM VÂK

-R.Zothansanga.

            Kum thar ruai\heh tûkah tih tûr nei lem lovin nilum \hian hovin kawngpuiah kan ai \hap mai a. Fiamthu ho tak tak sawia kan nuih thlêr duaih duaih lâi chuan kan rilruah ram vah châkna a rawn lang thut mai a. Kan sawi khawm fê hnu chuan ramvah chu lungrual takin kan rawtthlu chu a ni ta der mai. Mahse buaina kan la nei, tute nge kal ang?..

            Thawh\anni zingkâra chhuah tum kan nih avangin Pathianni zân inkhawm lo pawh kan kat ta nuk mai. Inkhawm bânah kan inah kan thil ken tur leh \uldangte sawi a kan han kalkhâwm meuh chuan kan tam ta khawp mai. Kal chu sawi loh inchhûnga kan la awm lâi a\angin Hruaia (Dinga u) chu a’n chhuak tau phawt a, reilote hnuah nui sûngin a rawn lût ve leh mai bawk a. Chumi hnu lawkah Hruaia (Puia u) thovin, “Tinge min hruai ve in tum loh” tih vâng ringawtin a rawn thinrim nasa mai bawk. Kal dâwn a ruaiah Mapuia a remchang lo leh ta tlat mai, a aiah Bike nei Liana kan han sâwm a; alo hmanin alo phur êm êm mai a. Khua var sela kan kal thei chu a ni ta reng mai.

            Zing dâr 4:30-a chhuah tum kha thawhhaite kan awm avângin dar 5:00 pelhah kan chuak thei ta hrâm a. Kal kawngah Liana bike Kick liver tla kha vawi sawm dâwn chu ka chhar hman in ka hria. Dar 7:00 vêlah kan tum ram Tlawng (Tuikângchhuah) chu kan thleng ta. Rawngbâwl tûr leh rahtlân châng tûrte kan in ruat fel hnu chuan kan kal darh ta sang sang mai, nuam ve tak chu a ni. Kan bûk a\anga 1km vela hlâah Khuangthli kûng chu alo awm a, \an hmunte kan rem fel hnu chuan kan hmetpuak \an ta. Kan sava kahthlâk erawh min chharpuitu an lo tam khawp mai. Mute, Thehlei, Chhimbuk etc. te nên a nikhatna chu kan insem tlâng a ni ber. Chaw ei tûra Bûk kan pan chhoh leh  chuan kal hmâ zâna hman leh lo inti Mapuia (ka nau) chu Chapal leh Jumper nên alo thlengthla ve leh ta hlawl mai, pasarih lai kan ni ta. Kan sava kahthlâkte kan rêp fel hnu chuan mu tûrin kan inbuatsaih a. Changêl hnah chungah kan mu a, khua a vawt bawk si a; mut lum a har ngêi mai. Rei fê kan mut tawh hnûah kan mutna zâwna changêl hnah delh hrehawm zualte chu kan han chhusâwp leh ang lâwp lâwp a. Thawhhriat vâng pawh nilo, a vawh êm avâng zawkin hmâ takah meipui kan ai \hap mai, a nikhatna chu kan hmang zo ta.

            A nihnihnaah chuan tihdân kan thlâk a, a hnuaiah kan kahthlâk châng tûr kan inruat a, kan ti fuh viau. Amaherawhchu a hnuaia lo awm Liana leh Sangtea hah dân tûr zia kha âw!!. Lung leh thingbung nên \angkawpin kan sava kahthlâk lo chhim ve \hintute an han ûm \hin ania. Rawngbâwl tûra kan ruat Hruaia’n thawh alo hai hlauh pek a, dar 10 ah alo tho heu mai, tlâiah zîng chaw kan ei daih. Chaw eikhamah Mapuia bawk chuan chhuanlam dang siam lehin min haw san leh a. Pali-in zan lamah Sakhi kan chân chhunzawm a, kan beidawng haw lam pangin Khuangthli kûnga Sazaw kan en fuh hlauh. Inti confi. takin kan kâp a, a tla duh miah lo leh nghal, Lawma’n a han nawn ve leh a; a tla ta, hlim tak kan ni. Ka kah dawn a Light a min lo chhunpuitu Sangtea erawh alo khur nasa mai, Sazaw a hlauh vâng a ni lo ania; Silai puak ri ring lutuk kha a dawngsawng thiam lo mai zâwk a ni. Hlim tak leh hlawhtling inti takin zanhnihna pawh kan hmang zo leh ta, zanlam erawh a vawh ngâi rengin ala vâwt thung.

            Haw a hun hnâi a, phone a ri ngun telh telh a, chhûngte leh bialnute mai bâkah Mafela, Faktea leh Amatea phone call kan dawng zing tlâng hle. Khâ nithum leh zan hnih chhûng khân bialnute hlau leh hlau lo ka hriatchian phah hle. “Nang ngaihsak reng tûr che hian ka ramvak lo” tih \awngkamte kan hre leh nawlh \hin. Hmangaiha hian a chhûngte a bum nalh berin ka hria, zînga chhuak a tlâia haw lehnghal tûra insawi sîin engtinnge mutbu, buhfai, bêl leh thawmhnawte a rawn ken tel vek theih? Inbual chu sawi loh hmaiphih peih pawh kan awm manglo nia; kan châm chhâng khân. Chhûna haw kan hreh deuh avângin zânah kan haw a, kan inah bawk kan lûtkhâwm leh a. Kan sa hawn kan han insem dawn chuan Mapuia bawk chu a phûr berah alo \ang leh si. Midang chan ang tho chu a chang ve leh lo thei lo. Mite ang êm êmin hlawhtling ve lo mah ila kan hlimna leh nuam tihna khâ kan hlawhtlinna chu a ni tawh tho tho e. Tumah kan inchhîr lo. Tam tak thinlungah ramvah te hi \hing deuh tawh mahse, Mizopa tân chuan a nawmna ala bo chuang lo anih dâwn hi; te ka ti ta vêl mai mai a.

HRISELNA HUANG

BAHKHAWR

A chanchin tlângpui:

Bahkhawr hi thlâi tê lampang, 15cms vêl âwrha sâng, hlîng ngah tak a ni a, Chaw\ani siam nân kan hmang \hin.

Damdawia hman theihte: A hnah, a zung, a kûng pumpui.

Damdawia hmannate:

Ui seh, rannung seh: A zung 25gms densawm a tui 200ml-in mei na vak lovah 50ml anih thlengin chhuma, 25ml zêlin darkar thum danah in tur a ni.

Rul chuk: A zung densawm diak a, thirfiante khat zêlin darkar hnih danah a dam hmâ loh chuan ei tur.

|hal \hoh, \hal be vûng: A kûng pumpui densawm tui sâwr 5ml zêlin nikhatah vawi thum in a \ha. Naupang erawhchu 2ml zêla in tîr tur.

Vawksa ei vânga pum nuam lo: A zung silfai a, tui no khatin chhum tur; a chhumna tui chanve a kang hunah thlit chhuaha darkar hnih danah in a \ha.

Mawngmirh: A kûng pumpui 25gms silfai hnûah râwtsawm a, tui 200ml-in mei na vak lovah a chhumna tui 50ml anih thlengin chhuan kang a, 25ml zêlin nitin zîng leh tlâiah in tur, naupang erawhchu puitling Dose chanve Pêk tur a ni. Mawngmirh vên nân bahkhawr ei \hin a \ha.

Lu n^, khawsik: A kûng pumpui sulfai hnûah thinghmarcha nên densawm diaka chala bel a \ha.

BIBLE  QUIZ  No.4

I Chronicles  BUNG 16-20

A kâr âwl dah khat rawh :

Q1.Tin, Israel mi zawng zawngte chu ahmei apain chhang hlawm khat leh sa hrang khat leh grêp rah pho ro bawr ______________ a pe theuh va.

Q2.“Ka chiahhlawh Davida chu va hrilh rawh, ‘LALPA chuan heti hian a ti, Ka awmna tûrin nangin in mi _________________ tûr ani lo;

Q3.Tin, Damaska-a Suria mite Zoba lal Hadarezera chan tûrin an lo kal a, tin, Davidan ______________ mi singhni leh sângnih a that a;

Q4.Tin, Amona thlahten Davida huatzawng an lo ni ta tih an lo inhriat chuan, Hanuna leh Amona thlahte chuan Mesopotamia rama mi te, tawlailir leh sakawr chung chuang mite rawih nân tangkaraw _____________ sângkhat an thawn a.

Q5.Tin, ani chuan Israel mite a va cho va, Davida unau Simea fapa ________________ chuan a lo that a.

A bung leh châng dah rawh :

Q1.Amah chawimawiin hla sa ula, amah fakin zai rawh u; A thilmak tih zawng zawng thu chu chui rawh u.

Bung: ...............          Chang: ....................

Q2.Tin, i ni a kin a, i pi leh pute hnêna i kal hunah  chuan, heti hi ani ang a, i hnua i thlah, i fate zinga mi chu ka tungding ang a; tin, a ram chu ka tinghet ang.

Bung: ................         Chang: ....................

Q3.Tin, Edom rama chuan sipaite a dah a; tichuan Edom mi zawng zawng chu Davida chhiah          khua an lo ni ta a. Tin, LALPAN Davida chu akalna pianga ahnehtir zel a.

Bung: ................         Chang: ....................

Q4.Tin, Amona thlahten Suria mite an thlânchhia tih an han hriat chuan,anni pawh chu a unaupa Abisaia hmaah chuan an tlânchhe ve ta a, khuaah an lût a. Tichuan Joaba chu Jerusalem-ah a haw ta a.

Bung: ................         Chang: ....................

Q5.Tin, Philisita mite nena indona a awm leh a; tin, Jaira fapa Elhanana Git mi Goliatha unaupa Lahmia a that a, a feingul chu lian tak a ni.

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 3 RESULT

Chhanna lut zawng zawng : 1

Chhang dik vek                       : 1

Lawmman dawngtu     : Kim Kimi (Ch.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

                  PAVALAI INKHAWM PROGRAMME

A hmun    : Vestry

A hun       :31.1.2013 (Ninga zân)

Chairman : Pu Kamzawngliana

|antu        : Pu Ramdinthara

Thusawitu   : Pu TK Manga

CHATUAN  RAM  LAMAH

KAPCHHUNGI

KUM : 90

            Ni 19.1.2013 (Inrinni) khân natna leh hreawmna awm tawh lohna chatuan ram min lo pansan ta a, a kalsan tâk a tû leh fate leh a chhungkhat lainte Mipui Aw Editorial Board chuan kan tawrhpui takzet a, Pathian thlamuanna leh awmpuina a chan zêl kan duhsakin; chu chu kan \awng\aina a ni e.

MHIP HRIATTIRNA

            Kum 2013 atân MHIP membership fee pe duh tân pêk theih a ni a, pêk hun chhûng atân January thla a\angin February ni 15 thleng pêk theih a ni e.

Pêkna hmun turte:

Vanapa Section

Pi Sanghmingthangi

Pi C.Chawngkungi

Taitesena Section

Pi Lallianpuii

Pi Zodinthari

Chawngbawla Section

Pi Lalrammawii (Seni)

Pi Lawiziki

Sd/-

(LALLIANPUII)

Secretary

MHIP Branch, Saikhamakawn


HRIATTIRNA
RKVY hnuaia Ramri lui zau leh Reraw lui zau a member te Dt. 27/1/2013 (Sunday) chawhnu Dar 2:30 pm hian Pu R. Lalsailova inah kal khawm vek tur a ni. Thu pawimawh tak sawi ho tur a awm a, Department atangin D.H.E.O. a lo kal dawn a, hei hi ngai pawimawhin i kal khawm theuh ang u.
Sd/-
( F. LALHMACHHUANA)
Secretary
Ramri lui/Reraw lui ZauFarmers Association, Saikhamakawn

K|P HUANG

BIAL K|P CONFERENCE

               Hlimen Pastor Bial K|P Conference vawi 47-na chu Hlimen Dâmveng Kohhranah hman mêk a ni a, thupui atân “I ram lo thleng rawh se” (Matthaia 6:10) a ni ang. Vawiin Programme duanlawk tlângpui te:

Ni 27.1.2013 (Pathianni)

Pathian biak inkhawm (10:00am)

Hruaitu:   Upa Lalsangzuala

Zaipawl:Hlimen Dâmveng Kohhran leh Saikhamakawn Kohhran

Thupui I-na: “I ram lo thleng rawh se”. - Mimal leh chhûngkuaah

Sawitu: Pastor C.Sapkaia

Pathian biak inkhawm (1:00pm)

Hruaitu: Nl.Rosangpuii Sialkhen

Zaipawl: Hlimen Vengthar leh Hlimen Kohhran

Thupui II-na: “I ram lo thleng rawh se” - Khawtlâng leh ramah

Inkhawm bân fellowship

Hruaitu: Tv. Lalbiakdika Ralte

Pathian biak inkhawm (6:30pm)

Hruaitu: Nl.V.Lalrindiki

Hruaitu thar hlan: Upa Lalrindika

Zaipawl: Bial Zaipâwl leh Saikhamakawn Kohhran

Overage Certificate hlanna:       Upa Lalremsanga

Thuhriltu: Pu R.Lalhmunsiama

Inkhawm bân fellowship

Hruaitu: Pu H.Vanlaltlana

BUS TLÂN DÂN TUR

               Vawiin chawhma inkhawm hruai turin Bus hi a tlân ang a, Biakin kawtah dar 9:15-ah  chhuah tur a ni ang. Chutichuan zân Fellowship bânah hâwna tur Bus a awm leh bawk ang.

ZAIPÂWL MEMBER HRIATTIRNA

            Vawiin zîng dar 9:00-ah Bial Conference-naa rem tur hlâ ennawn tur a ni a, zing dar 9:00-ah Sunday School Hall-ah kim \heuh tur a ni e.

TUALCHHUNG

,Pu Zalianchhunga h/o Thanghliri (L) (V.Sec) chu damlohna vangin Civil Hospital-ah enkawl anih hnûin alo chhuak.

,Pu R.Lalzuala h/o Lalhmachhuani (T.Sec) chu damlohna vangin Alpha hospital, kulikawn-ah enkawl anih hnûin alo chhuak.

,Pu V.Lalrintluanga h/o Rosy Vanlaltluangi (T.Sec) te chuan a pakhatna atân fanu duhawm tak an nei thar.

,Nl. Lalrempuii d/o C.Lalmuankima (T.Sec) chuan Primary zirtirtu (Contract) hnâ a hmu thar a, Melriat-ah Post a ni.

,Pu Zorinsanga h/o Lalremruati (Ch.Sec) te chu Saikhamakawn a\angin Republic vengah an insawn.

Thawhleh zân EPL inkhêl turte

Aston Villa Vs Newcastle (1:15)

QPR Vs Man. City (1:15)

Stoke City Vs Wigan (1:15)

Sunderland Vs Swansea (1:15)

Nilaini zân

Arsenal Vs Liverpool (1:15)

Everton            Vs West Brom (1:15)

Norwich City Vs Tottenham (1:15)

Fulham Vs West Ham (1:30)

Man. Utd. Vs Southampton (1:30)

Reading Vs Chelsea (1:30)

Zânin FA cup inkhêl turte

Brentford Vs Chelsea (5:30)

Leeds United Vs Tottenham (7:30)

Oldham Athletic Vs Liverpool (9:30)

Zânin Laliga inkhêl turte

Real Madrid Vs Getafe           ( 4:30)

Rayo Vallecano vs Real Betis (9:30)

Barcelona Vs Osasuna            (11:30)

Athl. Bilbao Vs Athl. Madrid(1:30)

Mallorca Vs Malaga (1:30)

Thawn\an zân

Sevilla Vs Granada (2:00)

Zirtawp zân

Valladolid Vs Athletic Bilbao (2:00)

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300

Mipui Aw 20.1.2013

MIPUI AW

KARTIN CHHUAK

Vol. XIX Issue No. 3 Kristian Thalai  Pawl  Saikhamakawn Branch  Pathianni Dt.20.1.2013

KOHHRAN  PROGRAMME

20.1. 2013 (Pathianni)

Sunday School Inkhawm

|antu           : Pi Zuimawii

Chawhnu Inkhawm

Thuhriltu    : Pu Khawlhmingliana

Zân Inkhawm

Thuhriltu    : Upa Zonunmawia

KTP PROGRAMME

 Dt. 21 .1. 2013 (Thawh\an zan)

Sermon  Inkhawm

Hruaitu           : Pu R. Lalmuanpuia

|antu              : Nl. C. Lalrempuii

Thuhriltu       : Pu Lalduhkima

Thilpek lakh- : Nl. Malsawmtluangi

awmtu turte   : Nl. R. Zonuntluangi

January thla chhûnga zai hruaitu leh

musician turte

Hla hruaitu    : Tv. R. Zodinsanga

turte                  Tv. F. Laldingliana

Musician         : Pu Lalchhandama

                          Tv R. Lalzamlova

VAWIIN  TLAI  FELLOWSHIP

A hmun          : S.S. Hall

Hruaitu           : Pu C. Lalmuanpuia

|antu              : Tv. Lalrinpuia

KOHHRAN  HMEICHHIA  (22.1.2013)

Hruaitu           : Pi R. Lalthansangi

|antu              : Pi Lawiziki

Thuhriltu       : Pi Lalchhanhimi

KOHHRAN ZAIPAWL HRIATTIRNA

            Bial Conference-naa hla rem tur hla pahnih zir mêk a ni a, Kohhran Zaipawl ten i ngai pawimawh ang u, tin, la zir ve lote pawh inthlahrung lovin zir \heuh i tum ang u.

SERMON

NUN  KRISTA

            Kei atan zawng nun hi Krista a ni si a, thih pawh hlawkna a ni.                            Philippi 1:21

            Tirhkoh Paul an Philippi khuaa lehkha a thawn lai hian amah hi lungin (Jail)-ah a awm mêk a, Rom sorkar in Kristiante a man a, an tihduhdahna avângin Paula pawh hi an man anih ngêi a rinawm. Tihduhdahna kal zêlah Philippi khaw kohhranhote amah anga tihduhdahna tuar ve mai thei dinhmuna ding an nih thu leh chumi avanga zâm mai lo turin a tânna lungin a\angin he a lehkhathawn hmang hian a fuih a ni. A tawrhna hian a tibuai lêm lo ni ngei tur a ni. Keini ho ngêi pawh han in en ta ila, tunlai kan ram leh khawtlângah Kristiante Setana’n nasa takin min tiduhdah mêk a. Engtianginnge tihduhdahna chu kan tawh ve rêng han sawi lawk ila. Tihduhdahna  hi chi hnih(2):  1. Pâwnlam leh 2. Chhûnglam. Pâwnlam tihduhdahna chu taksa tawrhna a ni a, chhûnglam  tihduhdahna tak hi keini ho pawhin kan tawh mêk chu a ni ta chiah a. Sualin zirtirna diklo hmangte, rinna diklo hmang ten min bei mêk a, tin, sualna chi hrang hrang mipat hmeichhiatna hmankhawlohna hmangte, eirukna, ruihtheih thil leh sual dang tam tak; kan tunlai khawvel leh kan ramah kan hmuin kan hre hnem hle, hetianga Kristiante Setana’n min tihduhdaha min nghaisak mêk lai hian Tirhkoh Paula angin rinna nghet taka vuan chungin Krista tâna ding a, thih thlenga midangte rinna kawng dik an zawh theih nâna mahni nun ngei in hlan ral mi Nun Krista neitu kan nih a va pawimawh em!!!

NUN  KRISTA  CHU  ENGNGE?

            Philippi 2:5-8.  He rilru, Krista Isua pawha awm bawk kha, nangmahniah awm rawh se; ani zawngin Pathian anga awma Pathian tluka awm chu thil thlakhlelh hleih theihah a ruat lo va, mihringte anga lo piangin, bâwih angah a insiam a, amah leh amah a intitlâwm ta zawk a. Tin, mihring anga lo awmin, a inngaitlâwm a, thi khawp hiala thu zawmin a lo awm ta a, kraws-a thihna ngei chu. He thu-ah hian Krista rilru ‘Nun Krista’ dik tak chu kan hmu a, chu chu inngaihtlâwmna leh midangte tâna thih thlenga thuawih taka nun a ni. Hei tak hi Nun Krista chu a ni kan ti thei ang. Paula pawh khan thiha Pathian hnêna nuam taka hun hman chu a châk lutuk, nimahsela Philippi khaw Kohhran-a Setanan buaina a thlen mêkah siam\hat hnâ thawh leh thlamuan ngai a la ti si, Pathian hnêna nuamsa taka chawlh chu thlang lovin ringtute tihduhdahna khawvelah midangte tâna nun hman chu a thlang zawk a ni. Hetiang chiah hian Lal Isua ngei pawhin van hmun ropui chu thlahlel hlei thei lovin mihringte tâna a nun pum hlân turin khawvelah alo kal ta a ni. Nun Krista chu engnge? tih chiang takin kan hre thei tawh awm e. Nun Krista ah chuan mahni kan lang lova, midangte an pawimawh zawk a ni. A nih nang leh kei hian kan nunah engnge  kan dah pawimawh? mahni kan indah pawimawh hmasa nge? Midang ten Isua nei se tih rilru kan pu. Kan hriat reng atang pawimawh ber chu Nun Krista ah chuan mi dangte \hatna tur leh damna tur a nih pawt chuan ka tuar mai ang nge tih hi a lang lian bêr \hin si a.        

                       

EDITORIAL  BOARD

              (

Editor :

Tv.F.Laldingliana                 - 9862378567

Jt.Editor:

Pu R. Lalmuanpuia               - 9612159842

News Editors :

Tv.PC.Vanlalhriatpuia         - 9862732381

Pu.C.Lalnunsanga                - 9612413287

Tv.P.Lalnunsanga                 - 9612324588

Tv.Laldawngliana                - 8974743091

Tv.Lalhmangaihzuala          - 9862846345

Circulation Manager:

Tv.R.Zodinsanga                  - 8974743073

Editorial.........?

                                            THIH THUT THUTNA HI

            Mihringte hian thihna chungah thu kan neilo nachung hian tunlai Aizawl-a thilthleng langsar tak leh la thleng mêk damdawi overdose avanga thih thut thutna awm \hin hi chu mitin hian kan pumpelh theih a rinawm. Tleirâwlte leh la naupang tak takte lungphu chawl leh thawhah avanga hun lo taka an boral nachhan hi chiang zawkin Article Huangah Dr.Jeremy V.Pachuau, tunlaia helam buaipuia hmâ latûin a Article-te kan chanchinbuah min rawn Share ve theih avang hian kan vânneiin a lawmawm hlê a ni.

            Hetianga thih thut thutna hi kan vêngchhung bîkah chuan; Pathian zârah kan la tawng chiah lo pawh a ni mai thei, mahse, thufing chuan, “Tihdam aiin invên a \ha zawk” a tih hi hre reng ila, chhiatna kan tawh tak tak hmâ hian a hlauhawm zia leh tih ve chi anih loh zia hi hria ila, vengchhung tleirâwl, \halai te leh nu leh pate hetiang lamah hian i fimkhur \heuh ang u.

ARTICLE

KHUH DAMDAWI OVERDOSE

-By Dr.Jeremy V.Pachuau

            Mitam zawk chuan Vanglaini ah kan lo chhiar hlawm in ka ring. Khuh damdawi overdose chungchang a front page ah an rawn ziah tawh mai bâkah kan Health Minister hialin damdawi zuartute fimkhur turin a chah hial a nih kha....Nia, hemi chungchâng hi kan hriat chian lehzual a \haa ka hriat avangin tlem kan tarlang ve ang e....

Tun hnâi, thla 2 thum vela ka experience leh case history Casualty ka duty lâia ka lo hmuhte han târlang ve phawt ila...

1) Dec. 23.2012 ni khân tlai 2:30 PM vêl hian tlangval kum 32 mi vêl hmanhmawh takin unconcious in Casualty-ah an rawn zâwn lût a, theih anga rangin ka zuk en nghal a, kan en chuan a lo thi fel der tawh a, a hmui leh a kut hmawr te a duk vek tawh...A \hiante kan zawh chuan drugs chu a ti ve zeuh zeuh \hin a ni awm e, tin, zu / zawlaidi hi a in \hin bawk tih min hrilh. An sawi dân chuan "Chhûnah Zawlaidi tlêm kan in a, kan mu zal lawk a ti a, darkar 2 hnu ah, kan han kaitho dawn a a tho thei ta lo a, kan rawn hruai ta a ni" an ti...A zia lo hle mai, Casualty register ah chuan "BROUGHT DEAD" tih in kan enter ta ringawt a ni...

2) Dec.27.2012 zan dar 7 vêlah nula kum 23 mi, unconcious in an rawn hruai leh a, rang taka kan check chuan, a natna lan dânah No.4 Overdose nen a inang chiah a, a mit naute chu pin hmawr bawk tiah lek ( Pin point pupils ) tiah lek a nia, deeply unconcious in a awm bawk, No.4 thahna damdawi Inj Naloxone 400mg 2 amp in kan han chîu a, Oxygen-te pe in, darkar chanve hnû vêl chuan a rawn harh \ha ve leh mai. A chhungte kan zawh chuan drugs a tih ngai loh thu min hrilh a, tlai chaw erawh a \hiante nen an ei ho thu min hrilh, tin, kei pawn a tih ka ring lo. Ka lo ngaihdânah chuan a thian te nen an in kawm vel na ah misual tu in emaw a cold drinks a in tûrah drugs a pawlh anih ka ring a, a chhûngte pawh fimkhur turin kan in chah zui. Chutichuan dam tak chuan Pathian zarah kan in thlah ta a.

3) Kumthar 2/2013 zân dar 11 velah Casualty ah hmeichhe naupang kum 13 mi lek unconcious in an rawn hruai leh a, rang taka kan han check chuan a chung ami ang chiah khian No.4 Overdose ang chiah bawkin a awm a, a thahna ten kan han chiu a kan han enthlak chuan minute 15 velah a rawn harh ve leh mai. A chhûngte hnênah pawh a chunga ka chah angin ka chah leh a, naupang lah chu drugs a inchiu thin a nih hmel bawk si loh.

4) Jan.4.2013 khân Casualty ah zân dar9:00pm a\anga duty tur ka ni a, Dar 9:00pm a ka va thleng chu ka luh rual in hmeichhe tleirawl kum 17 mi, unconcious in an rawn hruai leh a, ka jacket pawh phelh hman lovin, ka va thlâk tur doctor nen chuan kan buaipui ta char char a, hei phei chu damdawiina ka staff te nau a lo ni bawk nên, a lo duk nasa tawh a, a âwm kan han ngaihthlâk chuan a ri bawrh bawrh bawk si, Endotracheal Intubation ( Plastic pipe kha a thawkna dawt a tangin a chuap ah kan zuk thun a ) Tui / chil etc. unconcious lai khân a lo hâk nasa hman khop mai, kan han hip chhuak a, Oxygen-te kan pe a, a \hat deuh hnu chuan, Khâwl hmanga thâwk tîr turin ICU ah ka dah chho ta a ni...Zing dar 5 vêlah a pa a rawn chhuk a, an harh that tawh thu leh lawmthu te min rawn hrilh a, kei pawh ka thaw huai...Tin, keima tawn kher loh pawn ka \hian dangte paw’n an lo experience ve nual a ni, admit ngai khawp pawh an awm nual.

Khîng achung amite ka’n sawi duah nachhan chu Vanglainia inziakte nên pawn a ngaihbel theih tlat si a ni, a vânduai ten an thih pui a, a vânnei ten an thih pui \helh hi, khuh damdawi, lar tak, mitin pawn kan hre awm e, Doctor prescribtion tello pawha lei theih Syr. RESPIRA - D, leh ZAWLAIDI an ruih pawlh vang a ni.

SYR. RESPIRA - D bottle 1 + ZAWLAIDI um 1 = OVERDOSE

* ENGE RESPIRA - D CHU?

He khuh damdawi hi âwmna tânte kan chawh nasa a, khuh damdawi \ha tak a ni...

* ENGE RESPIRA - D AH CHUAN AWM?

Respira - D hi damdawi chihnih inpawlh a ni, a khuh damdawia tak zawk chu DEXTROMETORPHAN HYDROBROMIDE a ni, a hmanna tura hman chuan damdawi \ha tak a ni, a dang chu CHLORPHENERAMINE MALAETE a ni, hei chu anti-histaminic ( allergy damdawi ang deuh) a ni.

*A NIH RESPIRA - D (a dose aia tam deuha in) leh ZAWLAIDI chu ?????

            Kan hre vek anga, damdawi rêng rêng hian side effect a nei tih kan hre awm e, Dextrometorphan Hydrobromide pawh a side effect common chu, allergy, thak, vual, nguai,mutchhuak etc. Chutih rualin damdawi leh damdawi \henkhat ei pawlh hian 'TUR' ( poison ) angin a thawk thei tih hriat a \ha.

            Tûna ka sawi duh bîk chu he case, OD a chhan hriat loh, mu hlum etc. tunlaiin an tam êm vâng a ni.

Lehkhabu hrang hranga ka chhiar leh internet a\anga ka google a\ang ten ka hmuh dân ka rawn ziak a ni. Respira - D a Dextrometorphan hi a mak khawp mai, grape lam a\anga siam juice nen hrim hrim alo in hal êm a ni, a dose sâng deuha in phei chuan. A chunga kan sawi RESPIRA - D khi a dose tam (e.g um 1) lo in ta se, a hnûah ZAWLAIDI (Grape juice hrim hrim) kan in chuan, Dextrometorphan kha thinah a in siam dang tur? (metabolised) tur enzyme chi 1 CytochromeP450 a dang (inhibit) tlat a, chuvangin, dextrometorphan khâ thin chhuahsan mai lovin, thinah a in khâwl khâwm ta \euha chutihlaiin, grape tuiin thlifim tur pawh alêt fêin a rei avangin min an lo OVERDOSE ta mai \hin a ni. Chuvangin, Respira - D kher lo pawh, Dextrometorphan awmna, khuh damdawi e.g Ascoril - D, Coscopin - D etc. eilâite inih chuan grape tui lam awmna in tel loh a \ha. A tawp ber atân kan hriat \heuh tur, abîkin nu leh pa te, kan fa tleirawltê tête hi kan bulah an la pangchang viau a ni mai thei, mahse pâwnlamah chuan, a \ha lam aichuan "thil" han ruih châkna an nei ve \hin a, an chesual mai n, an nunna thlengin an chân mai ang tih a hlauhawm hle a ni.

BIBLE  QUIZ  No.3

I Chronicles  BUNG 11-15

A kâr âwl dah khat rawh :

Q1.Tin, Jebus-a awmhote chuan Davida hnênah, “Hetah hian i lo lut tawp lo vang,” an ti a. Nimahsela Davida chuan ____________ kulh chu a la ta rêng rêng a: chu chu Davida khua tih a ni ta a.

Q2.Eluzaia te, Jerimotha te, Bealia te, Semaria te, _____________ mi Sephatia te;

Q3.Chutichan Davidan Aigupta lui Sihor atanga _______________ khaw luhna thlenga Israel mi zawng zawngte chu la tûrin a khâwm vek a.

Q4.Jerusalem-a a fa neihte chu hengte hi an ni: __________ te, Sobaba te, Nathana te, Solomona te;

A bung leh châng dah rawh :

Q1.Tin, Milo atangin khawpui vêl kulh chu a siam tha a; tin, Joaban khawpui chhûng a siam tha a.

Bung: ...............          Chang: ....................

Q2.Tin, Gad mite zinga mi mi chak huaisen, indo thiam, phaw leh fei hman thiam thenkhatte chu thlalêra kulhah Davida hnênah khan an pakai a; an hmemate chu sakeibaknei hmêl ang a ni a, tlânga sakhi la anga zuanzang an ni;

Bung: ................         Chang: ....................

Q3.Tin, Kidron hruih an han thlen chuan, Uzan bâwm chu chelh tumin a han ban a, bawngte chu an pai an pai avângin.

Bung: ................         Chang: ....................

Q4.Tin, Davida chuan, “Philistia mite bei tûrin ka han chho dâwn êm? Ka kuta hian anniho chu i pe dâwn em?” tiin LALPA a rawn a. Tin, LALPA chuan, “Han chho rawh; anniho chu i kutah ka pe dâwn a ni,” a ti a.

Bung: ................         Chang: ....................

Q5.Tin, Davidan puithiam Zadoka leh Abiathara leh Levi-ho, Uriela te, Asaia te, Joela te, Semaia te, Eliela te, Aminadaba te a ko va,

Bung: ................         Chang: ..................

Hming : ......................................................

Section : .....................................................

BIBLE QUIZ  NO. 2 RESULT

Chhanna lut zawng zawng : 6

Chhang dik vek                       : 6

Lawmman dawngtu     : Laldampuii (V.Sec)

            Bible Quiz chh^nna leh lâwmman hi Circulation Manager Tv.R.Zodinsanga hnenah thehluh a, lam \hin tur a ni.

LAWRKHAWM

            KUM 2013 CHHÛNGA MHIP SAIKHAMAKAWN BRANCH HRUAITU TURTE

President     : Pi Lalchhingpuii

V.President : Pi Rozami

Secretary     : Pi Lallianpuii

Asst. Secy.   : Pi Lawiziki

Treasurer     : Pi K.Lalbiaksangi

Fin. Secy.     : Pi Saithangpuii

PAVALAI INKHAWM PROGRAMME

A hmun    : Pu H.Remtluanga te In

A hun       :24.1.2013 (Ninga zân)

Chairman : Pu VL Zidinga Sailo

|antu        : Pu Vanlalfela

                  Rilru sawi leh \awng\ai ruala hun hman a ni ang.

LAWMTHU SAWINA

            Dt. 31.12.2012 Kumhlui thlah zâna kan nu Laldawngliani (Madawngi) accident chungchangah vengchhung mipuite chungah kan lawm tak meuh a, accident kan tawh laia min lo buaipuinate, kohhran mite min \awng\ai sakna zawng zawngte chungah kan lawm tak meuh meuh a ni. Tin, kan manganna hriain Pu L.V. Ramdinthara te nupa-in an motor-in min hruai avangin kan lâwm hlê a ni. In zavâiin Lalpa’n malsawm che u rawh se.

In Khawngaihna dawngtu,

R.Lalruatkima te chhung

Saikhamakawn

HRIATTIRNA

            Tunlai hian vengchhûng Information line siam mêk a ni a, vengchhûng khawilâi emawah chuan thupuan hriattheihlohte pawh a awm a, khawtlang mipui ten min lo hrethiam hrâm tur leh lo dawh hrâm hrâm turin kan inngenin kan in hriattir a ni e. Tin, vengchhung information line hrui lei nâna donation pe duh tân  a pek theih bawk e.

Sd/- (LALZAHAWMA)

Secretary

Information Sub- Committee

K|P HUANG

               THISEN PE

               Saikhamakawn Branch K|P chuan Branch Day pualin ni 12.1.2013 (Inrinni) khân Synod Hospital, Durtlang tan a mamawh apiang hman turin thisen an pe. Thisen petute hi Mipa 26 leh Hmeichhia 1, an vaiin mi 27 an ni. Thisen petute zawng zawng chungah Branch Committee chuan lawmthu a sawi tak meuh meuh a ni e.

BIAL K|P CONFERENCE

               Hlimen Pastor Bial K|P Conference vawi 47-na chu Hlimen Dâmveng Kohhranah January ni 25-27, 2013 hian neih a ni dâwn a, thupui atân “I ram lo thleng rawh se” (Matthaia 6:10) a ni ang. Programme duanlawk tlangpui te:

Ni 27.1.2013 (Pathianni)

Pathian biak inkhawm (10:00am)

Hruaitu:   Upa Lalsangzuala

Zaipawl:Hlimen Dâmveng Kohhran leh Saikhamakawn Kohhran

Thupui I-na: “I ram lo thleng rawh se”. - Mimal leh chhûngkuaah

Sawitu: Pastor C.Sapkaia

Pathian biak inkhawm (1:00pm)

Hruaitu: Nl.Rosangpuii Sialkhen

Zaipawl: Hlimen Vengthar leh Hlimen Kohhran

Thupui II-na: “I ram lo thleng rawh se” - Khawtlâng leh ramah

Inkhawm bân fellowship

Hruaitu: Tv. Lalbiakdika Ralte

Pathian biak inkhawm (6:30pm)

Hruaitu: Nl.V.Lalrindiki

Hruaitu thar hlan: Upa Lalrindika

Zaipawl: Bial Zaipâwl leh Saikhamakawn Kohhran

Overage Certificate hlanna:       Upa Lalremsanga

Thuhriltu: Pu R.Lalhmunsiama

Inkhawm bân fellowship

Hruaitu: Pu H.Vanlaltlana

TUALCHHUNG

,Pu Zalianchhunga h/o Thanghliri (L) (V.Sec) chu damlohna vangin Civil Hospital-ah enkawl mêk a ni.

,Pu R.Chalkhuma h/o K.Lalbiaksangi (T.Sec) te chuan khawiilo vah vel nan Bolero an lei thar.

Zânin EPL inkhêl turte

Chelsea Vs Arsenal (7:00)

Tottenham Vs Man. Utd. ( 9:30)

Thawh\an zân

Southampton Vs Everton (1:30)

Nilai zân

Arsenal Vs West Ham (1:15)

FA Cup Zirtâwp zân

Millwall Vs Aston Villa (1:15)

Zânin Laliga inkhêl turte

Osasuna Vs Deportivo (4:30)

Valladolid Vs Real Zaragoza(9:30)

Atletico Madrid Vs Levante(11:30)

Valencia Vs Real Madrid (1:30)

Thawh\an zân

Real Betis Vs Athletic Bilbao(2:00)

CANDID ENGLISH SCHOOL SAIKHAMAKAWN

ADMISSION OPEN

            Kum 2013 Session atâna KG-I to Class-VIII thleng admission hawn \an a ni tawh e. Nu leh pate; in lama zirtîr hman lote tân tiin School lamah an zirlai a tam thei ang ber thiam tir \hin a ni. Eng Subject-ah pawh harsatna nei tân Free Tution pêk a ni ang. Sap\awng leh Dicipline-ah duhthusâma Strict-a enkawl an ni. Mathematics bîkah an hriatthiam theih nân tiin Mizo\awnga zirtîr \hin an ni. Tin, naupang intihhlimna chi hrang hrang tihpui \hin a ni.

Hrechiang duh tân:

9862648818

8731066925

J.F.TUI

               Zuangtui ami ngei tui thianghlim leh fîm 407-in 4,000 ltrs kan pe thei reng a, kan pump sak thei bawk e.

Contact:           9615447335;  9485077355;   9436373730

PUBLISHED BY LITERATURE SUB. COMMITTEE KTP SAIKHAMAKAWN  BRANCH, COPIES : 300