mipui aw 30.10.11

VAWIIN CHANGVAWN
Rilru lo ruahman lawkna chu mihring chan a ni a, lei chhanna erawh chu Lalpa a tangin a ni.Mi a ma ngaihin a kawng zawng zawng a thianghlim a; Nimahsela LALPAN rilrute a buk thin. Thufingte 16:1-2

KOHHRAN PROGRAMME

30.10.2011(Pathianni)
Chawhma Sunday School Inkhawm

Tantu :Pi Vanlalzawmi

Chawhnu

Thusawitu :Upa Zairemthanga

Zan Inkhawm

Thusawitu :Upa R. Lalngena

KTP PROGRAMME
Dt.31.10.11 (Thawhtan zan)

Hruaitu :Nl. Lallawmsangi Hrahsel
Tantu :Tv. J.C. Lalrinpuia
Thusawitu :Pu Rony Vanlalhauha
Thilpek lakh :Nl.P.C. Lalrinmawii
awmtu turte :Nl.R.Lalngaihawmi
Hla hruaitu :Pu Lalchhandama
turte Tv. R. Lalzamlova
Musician :Pu Lalremruata
Tv. Zomuanpuia

FELLOWSHIP PROGRAMME

A hmun :Sunday School Hall
Hruaitu :Pu C. Lalnunsanga
Tantu :Nl. Lalnunmawii

KOHHRAN HMEICHHE PROGRAMME
01.11.2011 (Thawhleh zan)
Ramthim zina hun hman tur a ni
A hmun : S.S. Hall
Hruaitu :Pi Lalchhanhimi
Tantu :Pi Lalrinengi

HARH THARNA THA LEH DIK

1. Harhtharna tha leh dik chuan rilru leh taksa Chanchin Tha lamah a hneh thin.

2. Hlimna leh lawmna thar a neih tir a, mi dangte tan malsawmna ni turin an in hmang a, thawhlawm pek nuam an ti thin.

3. Pathian lamah a than tirin, Krista taksa kohhran hi a ngainat tir thin.

4. Thlarau rah an nunah a lantir deuh deuh a. Krista anna lamah a hruai thin.

5. Kohhran inpumkhatna a siam chhuak a inhmangaihna leh, mihring hmuh a mawi taka chen leh khawsak hona a siam chhuak thin.

6. Pathian thu leh Hlate a ngainat tir a, a huho leh afala Pathian pawlna a thlakhlelh tir thin.

7. Pathian pawlho leh nunhona a ngainat tir a, inkhawm leh hnathawh kawng tin rengah rilru thianghlim tak pu in a tel tir thin.

8. Kristian rilru nghet leh tlo a din chhuak a, phur leh tuina chauh rinchhan lovin, hrehawm ah pawh chhelna a siamsak thin.

9. Mahni eizawnna hnaa rinawm leh taima tur leh hnathawh tha tinrenga rah chhuah turin a hruai thin.

10. Mahni hmasialna bansanin, amaha Thlarau Thianghlim hnathawh chu hlen chhuak turin theih tawp a chhuah thin.

Harhna tha leh dik tih hi kum 1982-aSynod Revival Committee in an chhuah a ni a, Kohhran mipuiten mahni inenfiah nan hmang thei ila, a lawmawm hle ang. Pathianni lehah Harhna atanga kalsual theih dan tih rawn chhuah leh kan tum ang.

Page 2

EDITORIAL BOARD
Editor : ( Tv.PC.Vanlalhriatpuia
9862732381
Jt.Editor:
Upa.Zonunmawia
9862458618
News Editors :
Tv.RLalzamlova 9612413196
Tv.R.Zodinsanga 8974743073
Tv.F.Laldingliana 9862378567
Tv.Lalhmangaihzuala
9862846345
Circulation Manager:
Pu.C.Lalnunsanga
9612413287

Editorial.........?
NLUP HI!!
NLUP sem mek hi vengchhungah in 60 laiin an dawng tawh a, in 60 dang dawng leh tur thehluh leh tum mek a ni bawk a, a lawmawm hle mai.
NLUP hi a nihna tur diktaka hman a pawimawh khawp mai. A dawng tute zingah diktaka hmang an awm laiin hmanna tur diktak ni lem lo, nawmchenna atan hmang an awm anih chuan Sawrkar tum an thelh a, mahni dinhmun an phet tihna a ni. Sawrkarin theihtawp chhuahin mi rethei zawkte dinhmun chawikan nan he policy hi a ruahman a, a ruahmanna chhan ten an hmang diklo a nih si chuan sawrkar pawi chauh nilo, Pathian pawi pawh an sawi tel nghal a ni.
NLUP hmang dik leh diklo endiktu tur Monitoring Committee ten huaisen takin thudik tanin hma an la ang tih ring ila, hmang diklo na na na chu an vui thei dawn em ni?
NLUP dawngtu zawng zawng ten diktaka hman hi kan mawhphurhna leh kan bat tlat a ni a, veng hmasawnna atan mawhphurhna thui tak kan nei tih i hre thar leh ang u.

Article

A NAU LIANA KHA!
Mawitei pa MALTA in Ka u Liana tih hla an sa a, heta an u Liana hi eng hmel pu nge, eng nge a mizia ka hriatpui hauh lo, mahse, ka nau Liana erawh chu a hmel ka hria a, a mizia ka hria a, a naupan tet atanga ka hriat, khum khata ka riah pui thin, ka hriatchian em em a ni. Mahse, chu ka nau Liana chu nikum khan hun lo takin, a nupui fanau, nu leh pa, u leh nau, then leh rual tha te leh a thian kawm ngeih em em ten an thlakhlelh ngawih ngawih laiin thihna kut vawtin a man a, fam dai rial a chang ta! Nikum vawiin ni angah khan mittui nen kan thlah liam ta nih kha! Mipa chuan kum 30-ah vanglai hun an hmang tan chiah an ti thin, a ni erawh chuan a vanglai tak kum 30 a nihin khawvel a chhuahsan ve thung kha a runthlak leh zual a ni!
Ka nau Liana khan zirna leh eizawnna lamah chhuan tur em em a nei lo, a thlarau lam nun pawh a pachhe ve thin khawp mai. Mahse, amahah khan midang chu sawiloh, keimah ngei pawhin ka neih loh nun thuhruk, langsar vut nilo, midang tana inpe zo nun a nei tlat a ni. Chhiat tawh changin eng hun pawh nise a hmel kha hmuh hmasak ber pawl a ni ziah a, hnatlang leh a huho a hnathawh a ngaih chang pawhin a zelthel ngai lo, taima taka hna thawk thin a ni. Mi harsa leh chhumchhia zawkte a hmangaih a a lainat dan mawlh kha a ni a nuna entawn tlak ka tih leh zual chu! Computer dawrah hlawh tamlo tak hlawhin a thawk a, mahse, a neih ang ang kha midang tanpui nan a ui ngai lo, a nihna taka sawi chuan a ei ai pawh pe phal khawpin mi harsa zawkte a lainatin a khawngaih a ni. Mi inthlahrung, thuawih thei tak, mi in thukru thiam tak a nihnate kha a ropui ka ti thar leh thin. Nupui fanaute tana pa nih tling, thiante tana thian nih tling, nu leh pa tana fapa mal nih tling ka nau Liana kha vawiinah hian ka ngaih a va zual em!
Thian kawm a thiam a, thiante tan a ngainatawm a, thiante tana inpe zo, thiante tana a neih engmah ui lo, mi thil phal a nihnate kha a va entawn tlak em! A hnathawh Computer works lamah chuan a tluk an awm bik lo ang tih tur khawpin a hnehsawh a, KTP te phei chu ka tih ve theih alawm tiin a thlawnin min siamsak hial thin. A bikin vengchhunga Computer nei ten a thiamna kan chhawr tangkai tehlul nen, a pawi ngawt mai! Computer siam leh khawih a ngaih apiangin a awm ta lo pawi tih a zual zel zawng a nih hi!
Ka nau Liana chanchin hi ziah tur tam tak ka nei. Mahse, ka ziak seng lo ang, kei aia amah hrechiangtu, a nupui,a nu leh pa, u leh nau leh a thian kawm ngeih em emte an awm tih ka hria. Mahse, vawiin amah kan thlah liam ni champha hmasa berah hian kan pahniha kan sulhnute ka ngaihtuah let a, ka in phawrh lo thei lo a ni.
Vawiinah hian ka nau Liana avanga lungchhia a, mittui tla zawng zawngten leiah hmu dawn tawh lo mah ila chhum zinna piah ram mawiah amah tawk turin inpeih ila. A nuna entawn tlak awm lai zawng zawngte kha entawn ila, kan vanglai tak hian kan boral ve thut thei a ni tih hriain, he thihna kut vawt avanga lungngaite hian thihna hmachhawn turin kan inpeih a va pawimawh em. Hun a ral a, mihring pawh kan ral thin, mahse! ka nau Liana kha zawng thinlungah a ral dawn lo, thamral lo tur, hriat reng turte zinga mi a ni reng tawh dawn a nih hi!!!

Page 3

HRISELNA HUANG

VITAMIN C TLAKCHHAM VANGA NATNA

Vitamin C hi taksa peng hrang hrang abikin ruh, ha leh tisa pawimawh thenkhat (connective tissue) te insiam chhoh nan a pawimawh em em a ni. Nausente hian Vitamin ‘C’ hi nitin 35 mg. vel an mamawh a, puitlingin 60 mg. vel, nu naupai leh nau hnute chawm lai nei ten 80 mg.-100 mg. thleng an mamawh thung. Vitamin ‘C’ tlachham hi naute, nu hnute ring lo leh thlai/thei thar ei tlemte zingah a tam ber a, puitlingah ei leh in tur tha ei/in lo bakah theithur ei tlem ten an tuar thin.

Vitamin ‘C’ tlachhamte awm dan :-

1. Hahni puam leh thi awlsam
2. Ka rimchhia leh ha nghing
3. Sam ro leh hmawr kak
4. Vun ro leh phuhlip anga khawk
5. Malte leh banah tereuh te tein a rawn thi chhuak thin, heihi thisen zam bang (wall) that loh vang a ni.

A enkawl dan :-

1. Ei leh in tha pangngai bakah thei hring ei tam a pawimawh.
2. Hahni a puam nasat lutuk tawh chuan a zual zel loh nan Matronidazole lam chi pek tur a ni a, a tul anga damdawia kamthuahna chi hman bawk tur a ni.
3. Vitamin ‘C’ hi naupang ei chi a tui leh a mun puitling ei chi a awm a, damdawi dawrah lei tur a awm reng a ni. Mahse, tui tih vang emawa ei teuh erawh a tha lo, nikhata mamawh zat a chunga tarlan bak khi ei loh tur a ni.
4. Vitamin ‘C’ tlachham nasa vak lo pawh ha tifai tha ngai lote chu an hahni a puam hma bik hle a, hengte tan hian doctorte rawn a, tihfai a ngai thin a ni.
Mizoramah hian Vitamin ‘C’ hi ha na damdawia ngai kan tam viau in a lang a, heihi a dik lo a ni. A chhan chu hanget leh Vitamin ‘C’ hi a inlaichin em em lo va, amaherawhchu hahni hrisel loh avangin ha a nghing thei a, a nget awlsam thei bawk a ni.

(Courtesy : Hriselna Magazine October 2011)

BIBLE QUIZ No.45

A Kâr âwl dah khat rawh :

Q1. tin, thlang lampangah Japhlet-ho ramri thlengin a chhuk zel a: chu chu tuifinriatah a ...................................... a.

Q2. Manasea fa Makira, chu mi fa Gileda, chu mi fa Hephera, chu mi fa Jelophehada erawh chuan fapa nei lovin fanu hlir a nei a ni: chung a fanu hmingte chu Malai te, Novai te, Hoglai te, Milkai te, ................................... te a ni.

Q3. Tichuan Josuan Israela thlahte hnenah chuan, “LALPA in thlahtute Pathianin a lo pêk tawh che u ...................... hi eng chen nge luah lova in la muan dawn le?

Q4. Hazar-sual te, ...................... te, Ezem te;

Q5. tupawh hre lova mi that palhtu chu, chutah chuan a tlan lut thei dawn nia: tichuan thisen phubalatu lakah chuan in tan ............................................ a ni ang.

A bung leh Châng dah rawh :

Q1. Tin, an chhûngkaw zir zela Ephraima thlahte ramri chu hetiang a ni: chhak lampanga an chanpual ramri chu Ataroth-adar a ni a, Beth-horon chhakta thlengin;
Bung: ............... Chang: ....................

Q2. Manasea fanute chuan a fapate zingah chanpual an neih ve avang a ni: tin, Gilead ram chu Manasea fapa dange chuan an chang a.
Bung: ................ Chang: ....................

Q3. Levi-ho hi zawngin in zingah hian chanvo an nei ve lo va: LALPA puithiam hna hi an chanpual a ni si a. tin, Gad-ho te, Reuben-ho te leh Manase hnam zatvete kha zawngin Jordan chhak lamah khan an chanpual chu LALPA chhiahhlawh Mosian a lo pêk kha an lo chang tah a,” a ti a.
Bung: ................ Chang: ...................

Hming : ......................................................
Section : .....................................................

Page 4

PAVALAI PROGRAMME

A hmun : Senior Hall
Ahun : Ni 03.11.2011
(Ninga zan) 6:30
Hruaitu :Pu Kamzawngliana
Tantu :Pu C. Saienga
Tawngtai rual leh rilru sawia hun hman tur a ni.

ELECTORAL ROLL HRIATTIRNA
Electoral Roll a in thun thar duh, insawn duh etc. te tan naktuk ni 31.10.2011 (Thawhtanni) thleng chiah hi hun hawn a ni a. January 1, 2011 a kum 18 tling tur chin leh insawn duhte chu hun tiam chhung ngeiin Pu Lalzuiliana hnenah tifel tura hriattir kan ni e.

HRIATTIRNA
Ka Taxi MZ01 C 1837 document CP road-ah ka tibo a, a lo hmu leh chhar in awm chuan khawngaihtaka min hriattir turin kan ngen a che u.

In thian
C.Lalhnehzauva
Saikhamakawn CP road


KG -I
ADMISSION NOTICE

Kum 2012 session atan admission a ni leh ta, zirtirtu experience tha takin an enkawl thin, in tu leh fate rawn admit rawh u, admission fee hi a thlawn a ni bawk e.

candid english school
saikhamakawn, aizawl
Ph. 9612711896
9612703290

LAWMTHU SAWINA
Dt.24.10.2011 a tan tak Aizawl South III bial chhung tournament Aibawk a neiha kan tel theih nana sum leh paia min tanpuitute, Pi Lalzawmliani, Pu J. Lalthlengliana, Pu Lalchhuanliana leh Local Council te chungah Saikhamakawn GSA te chuan lawmthu kan sawi tak meuh meuh a ni. Tin, hemi nia tournament tihlawhtlingtu players te bakah tualchhung mipui min tawiawmtute zawng zawng chungah lawmthu kan sawi bawk a ni.

Sd/-Secretary
Saikhamakawn GSA

LAWMTHU SAWINA
Upa R. Lianzinga Group ten ni 29.10.2011 (Inrinni) a sumtuak nana mi inchhung tifaia hnatlang kan neihnaa member thawkchhuak zawng zawngte chungah lawmthu kan sawi a. Tin, tualchhung mite, mahni in phal taka min tihfai tirtute zawng zawng chungah lawmthu kan sawi bawk a ni.

Sd/- Secretay
Upa R. Lianzinga Group

HLA ZIR TUR
Naktuk zan inkhawm banah Kohhran Zaipawl ten SS Hall-ah hla zir tur a ni. Nakum BKTP Conference leh kumin Krismas a hla rem turte zir tur a ni a, KTP member te thahnemngai taka hla zir turin ngen kan ni e

VAWIIN KHAWCHIN
A lum lai berin - 250 C
A vawh lai berin - 180C
Ruah sur lo tura beisei a ni.

TUALCHHUNG
,Pi Hmingthangi m/o Lalzawmliani (Ch.Sec) chu damlohna avangin Newlife Hospital ah enkawl mek a ni.

,Pi R. Lalzuali w/o Saithantluanga (L) (V.Sec) te chuan khawii lo vahvel nan Scooty (Flyte) thar an lei

,Pu Robuanga h/o F. Lalrinkimi (V.Sec) te chuan khawii lo vahvel nan Scooty (Flyte) thar an lei

,Pu R. Zohmingliana h/o Laldiki (V.Sec) te chuan khawii lo vahvel nan Bike (Karizma) thar an lei.

,Pu Lalhmingchuailova h/o Beauty Vanlalpeki te nupa chu Pi Lawiziki (Ch.Sec) te inhnuaiah an in bawl hrang.

EPL RESULT
Norwich 3-3 Blackburn
Everton 0-1 Man.Utd.
Chelsea 3-5 Arsenal
Man.City 3-1 Wolves
Sunderland 2-2 Aston Villa
Swansea 3-1 Bolton
Wigan 0-2 Fulham
West Brom leh Liverpool result kan hre hman lo.
Zanin inkhel tur
Tottenham Vs QPR (9:30)
Thawhtan zan
Stoke City Vs N Castle (1:30)

REVIVAL BEIHPUI
Synod Revival buatsaihin Revival beihpui hmun hrang hrangah ni 4.11.2011 zan khian thlak a ni dawn a, kan kohhran pawh Melthum nen inkawpin kan kohhran Biak In bul kawngpui sirah hun hman tur a ni. Thusawitu tur Pu R. Zaihmingthanga (Zaitea) a ni ang. Tin, ni 5.11.2011 (Inrinni) khian Lammualah nilengin tawngtai beihpui neih bawk tur a ni. Kohhran mipuiten i ngai pawimawh ang u.