Mipui Aw 25.6.2017

MIPUI AW

KARTIN CHHUAK

Vol. XXIII Issue No. 26 Kristian Thalai  Pawl  Saikhamakawn Branch  Pathianni Dt.25.6.2017

VAWIIN CHANGVAWN

A hnehtu apiang chutiangin puan varte sintir an ni ang; tin, Nunna Bu ata an hming chu ka thai bo tawp lo vang a, ka Pa hmaah leh a vantirhkohte hmaah chuan an hming ka tan zawk ang.

(Thupuan 3:5-6)

KOHHRAN PROGRAMME:

25.6.2017 (Pathianni)

Chawhma Inkhawm

|antu : Pi Zothanpuii

Zirlai 22-na : “Vantirhkoh leh Lehkha zial”                        

Chawhnu Inkhawm

Thuhriltu : Upa Lallawmchhunga

Zan inkhawm 

Thuhriltu : Upa C.Lalmuankima

K|P INKHAWM PROGRAMME

Ni 26.6.2017 (Thawh\anni Zan)

Sermon Inkhawm

Hruaitu : Pu Lalremruata

|antu : Nl Lalnunpuii Hrahsel

Bible Chhiar 

kaihruaitu :Nl. Lalhmingmawii Hauhnar

Chhiar tur :(Sam 51: 1-6) 

Thusawitu :  Tv. Laldinpuia

Thawhlawm          Nl. Laltlansangi leh

lakhawmtu turte:   leh Nl. Zohmingliani

Zai hruaitute   : Tv. Abraham Lalnunthara leh Pu Tommy Zirnuntluanga

Keyboardist : Tv. Zoliankima

KOHHRAN HMEICHHE INKHAWM PROGRAMME

         Ni 27.6.2017 (Thawhlehni Zan)

Hruaitu : Pi Laithangpuii

|antu : Pi Lalramliani

Thusawitu : Pi Vanlalhruaii

KOHHRAN PAVALAI PAWL

 INKHAWM PROGRAMME

Ni 29.6.2017 (Ningani Zan)

Bial chhung Pavalaite Inkhawm ho

A hmun : Hlimen Damveng Biak In

Hruaitu : Pu Pu Lalrochuanga, 

                            Bial Chairman       

|antu : Pu K. Lalrinkhuma, BialCommittee Member

Thusawitu : Pu Laltluanga, Bial Treasurer

           THLARAU THIANGHLIM

-Tv. Lalrinnunga, Branch Committee Member

    “Nimahsela thu dik tak ka hrilh a che u; ka kal in tan a tha e; ka kal loh chuan Thlamuantu chu in hnenah a lo kal dawn si lo; ka kal erawh chuan in hnenah ka rawn tir ang.  A ni chu a lo thlen chuan sual thu-ah te, fel thu-ah te,rorel thu-ah te khawvel an thiam loh a hriattir ang, kei mi rin loh avang hian. Pa hnenah ka kal dawn a, nangnin min hmuh leh dawn tawh loh avang hian; rorel thu-ah te thiam loh an chang ang, he khawvel lal hi thiam loh changa a tluk tawh avang hian.” (Johan:7-11

Pathian thu a kan hmuh ang hian, Pathianin amah chibai turin a mite chu Thlarau leh tihtakzet a chibai kan buk a duha, tunlai thil awmziate kan hriat hian hun hnuhnung ani tawh tih kan hre theuh awm e, tunhma chuan mi sawi atangte leh kan hriat dan in, Pathian fak leh chawimawi a inkhawma an zaithawm ah te miten Thlarau thianghlim an ndawngin an chang thin a ni. Mahse tun ah hi chuan hun hnuhnung a nih tawh avangin Pathian Thlarau Thianghlim keimahnia nunga inpuang tur chuan kan thawh chhuah ve angai tawh takzet ani.

Engtinnge Pathian chu Thlarau leh tihtakzeta chibai kan buk anga kan biak ang, Bible hi Pathian thu ania, hei chauh hi rinna leh thil tih tehna dik leh diklo thei lo ani tih kan hriat chuan inge Bible chhiara \awngtai hi kan peih loh em em ni. Bible chhiar ngai silo |awngtai ngai bawk siloh chuan ringtu nun a chak thei lo a, he kan Bible ah hian ringtute nun dan tur te leh Pathian biak dan tur zawn zawng engkim a awm vek a ni. Ringtu kan nih chuan amah kan biak a kan pawl theihna chu Bible chhiar leh |awngtai hi ani, chu mi tih peih silo chuan ringtu tha leh chak a nih theih loh ani.

Krista hnung kan zuina kawng ah thinlung leh tihtakzetin kan zui thin em, mahni kan inzawh a kan infiah \hin a pawimawh khawp mai. Mitinin mahni tuh rah theuh kan seng dawn si a,’I thu in thiam i chang ang a, i thu vek in thiam loh i chang ang’tih ziak ang khan, chu thiam chang a kan awm theihna tur chuan Pathian kan pawl reng a tul khawp mai.

Nitina ringtu nun kan zawhna kawngah hian Pathian hian  amah kan dah hmasak ber hi a duh ani, keini chuan ngaihpawimawh leh dah hmasak bik hi kan nun ah hian kan ngah leh lutuk a.Thinlung zawng zawng in amah kan pawl thei thin lo, kan dam chhan leh kan nun chhan hi thil dang vang ni lovin amah avang a ni si a, amah fak leh chawimawi tur a adin hian,thinlung leh tihtakzet a chibai buk leh chawimawi hi kan nun chhan leh min siamtu min siam chhan ani tih hria a, rinna nung nena amah fak leh chawimawi tura ke pen thar hi kan tih tur ani tih kan hriat thar a tul hle ani.

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

 Editorial....

Pathian kaihhruaina duhawm tak changin kum chanve kan lo hmang ral leh dawn ta reng mai a, a lawmawm in min hruaitu Pathian hnenah lawmthu sawi nachang kan hriat a \ul tak meuh meuh a ni. Kha kum chanve kan hman ral tak ah khan kan nun kan hman dan ah midangte tan malsawmna thlentu nge kan nih a midangte harsatna thlen tu, Khawtlang leh Kohhran tan hmasawnna thlentu nge kan nih a a ti \huanawptu, mahni theuh kan in zawh nawn a tul khawp mai. 

Kum chanve kan la hman turah hian hun kal tawh a tihdik loh leh tihsual kan neih te siamtha tur a rilru kan siam thar a tul khawp mai, midangte tan a malsawmna thlentu, chhungkua Kohhran leh Khawtlang tan a mi chhen fakawm ni tur hian hun tam a ngai lo,  kan tun hun zel kan hman dik hian a tawk tih hre thar ila, kan tih dik loh awm tawh ah siam dik leh tur hian hun kan la neih lai hian \an ila thar ang u. Hruaitu kan nihna zawnah Kohhran a rawng kan bawlna kawngah emaw Khawtlang tan a kan thawhhonaah, ke pen dik lohna kan lo nei tawh mai thei, mahse kumin atan hian kum chanve insiam\hatna hun kan la nei a, he kum chanve hi a \ha thei ang ber a Kohhran leh Khawtlang hmasawnna kawnga mawhphurhna hlen turin inbuatsaih thar ang u hmiang.

Mi vengte leh chhungkaw hmasawnna leh ke pen dan thlir thiam Mipui nih kan zir a hun tawh khawp mai, kan khawtlang leh chhungkaw tin pawh hma kan sawn ve zel,he hmasawnna hian a \ha zawng a rah a chhuah theih nan mimal tin in mawhphurhna kan nei a, chu kan mawhphurhna chhungkua, Kohhran leh Khawtlang ang a kan tih tur kan hlen mai hian veng changkang leh vengnuam kan siam mai dawn a lo ni.

KRISTIAN  |HALAITE  LEH  CHHIATNI

Chhiatni \hatni kan tih hian khawtlanga mitthi awm ni leh inneih ni a kawk deuh ber a. Heng khawtlang huapa puipunna hrang hrangah te hian \halaite hi a che nasa leh a mawhphurtute kan ni ber a, chhiatni lam chungchang hi lo thlur ila.

1. |angkai: Khawtlangah chhiat tawk an lo awmin \halaite tih tur chi hrang hrang-in leh a vel singsak, thlan laih, mitthi lumen, zualkova tlan, khawhar ina riah, thingpui lum leh khawhar/ mitthi chhungte mamawh kawng dangahte hian  Kristian  |halaite  hian  Krista  zuitu  kan  nih  avangin heng kan tih tur chite hi taima taka tih kan ba a ni. Eng pawlin emaw min phut vang lam ni lovin, thil \ha ti atana siam, mi dangte tana malsawmna ni tura koh leh rawngbawl tura chhandam kan nih avangin kan ti mai tur  a ni.  Tin,  kan  thiltih  chu mahni  mawina  um vang  ni lovin,  Pathian  rawngbawlna  pawimawh  a  ni  tih  hriain rinawm leh inpe zo takin kan mihringpuite mithmuh lohvah pawh kan ti tur a ni.

2. Pawimawh zawkna thliarthiam: Kohhran rawngbawlna  pawimawhah  chanvo  kan  neih  a  \ul  laiin khawtlangah chhiat tawk lo awmin thlan laih, zualkova kal, etc. lo \ul ta sela, tih zawk tur thliar thiam a harsat chang a awm thei. Hetiang hunah hian kan tel loh a pawina zawk ngaihtuah \hin a \ha hle. Inkhawm emaw, thlan laih emaw, a chhe zawk leh \ha zawk thliar tuma buk chiam ai chuan, eng ka tih hian nge mi dangte tan ka \angkai zawk ang, tih ngaihtuah  ila.  Kan  pawimawhna  leh  \angkai  zawkna  tur lamah kal mai tur a ni.

3. Remchanga hman thiam: Kristian |halai Pawl hruaitute hian khawtlang rawngbawlna leh chhiatni \hatni thu-ah te kan tih tur kan ti tawk lo hle nia sawina a awm zauh zauh va, miten kan lakah beiseina sang tak an nei tih hriaa \an lak deuh deuh a \ul hle. Heng rawngbawl hnate hi mi  dangte  phut  ran  chunga  ti  tur  kan  ni  lo  ang  bawkin, sawi kai khawpa kan inthlahdah chu a fel lo hle bawk. Heng hunte  hi  Biak  In  leh  a  chhehvel  piah  lama  rawngbawlna remchang chantir thiam a  \ul  a,  K|P  programme  hrang hranga lo lang ngai lote eng emaw zat an fuan khawm \hin avangin  anmahni  hmelhriat  nan  leh  biak  pawh  nan  hun remchanga hman thiam a \ha hle.

4. Mitthi lumen: |halai \henkhat chuan ‘Ka ngeih lo’ tiin  tlaivar loh hram dan  kan  zawng a ni awm e.  Kan ngaihtuah dan tur zawk nia lang erawh chu kan ngeih leh ngeih loh lam aiin a \ulna lam hi a ni a. Tlaivar hi tumahin an ngeih tak tak lo vang tih a hriat a, chutiang bawkin \halai pangngai  chuan  zan  hnih  khat  tlaivar  na  na  na  chu  kan chhiatpui tak tak a rinawm lo bawk. Mi lungngai leh lusun chhungte tuarpui leh thlamuan hi Kristian \halaite tih tur, kan rawngbawlna pawimawh tak a nih avangin mi dangte tih atan khek mai lovin kan ti ngei tur a ni. Hrisel lohna bik

te leh harsatna dang chu thu dang ni se.

5. Khawhar chhungte tan malsawmna nih :  Thil pawi tak pakhat chu K|P huang chhunga kan tih duh loh thil \henkhat, hmun danga tim hauh lova K|P mite ngeiin kan ti leh duh tlat \hin hi a ni. Khawhar inah te pawh mawi taka che tur, rawngbawlna pawimawh tak a ni tih hriaa  fel taka awm tur kan nih laiin, hawklak tak leh duhdah taka pawisak alawi nei lova awm kan hnial lo leh mai \hin. Kristian \halai, khawhar ina kal hming pu ve si, pawn ler leh a kil thim lai chuh  deuh  tlat  mai,  zai  \ha  peih  bawk  si  lo,  nuihza  leh bengchheng dang siam ta chiam te, mawi lo leh mit tikham taka  khawsa  te  hmuh  tur  kan awm  ta  fo  mai.  Tute  mitmei ven  emaw  vang  mai  ni  lovin,  khawhar  chhungte  tana malsawmna  thlentu,  Pathian  hmanrua  kan  nihna  hre  reng chungin kan kal tur a ni.

6. Hleih neih loh : Chhiat tawh chungchangah hian a chhiat tawk chhungkua  te hi  kan ngaih  pawimawh dan a inlahlei sawt viau niin a lang \an a, a zual zel hmaa ven a pawimawh hle. Tute emaw, awm thei deuh leh langsar deuhten chhiat an tawha thil dang zawng zawng kalsana kan inpek thuk viau lai hian mi langsar lo zawk, khawsak  harsa  deuhten  chhiat  an  tawh vein  kan  ngaihthah viau  mai  ang  tih  a  hlauhawm  ta  hle.  Mi  tin,  inang  \hapa hrut rual chu a harsa hle ang tih a rinawm a; amaherawhchu, Lal Isuan mi tete a ngaihsak a ni tih leh, an aiawhin a ding a ni tih hi theihnghilh hauh loh tur a ni. “Heng mi te ber chunga in tih hi ka chunga ti in ni a, in tih loh chu ka chunga ti lo in ni,”  (Mat.  25:40-45)  titu  hnungzuitute  kan  nih  avangin, mitthi khuhna puan tam hlei ta lutuk te leh thlahna pangpar vum hlei ta lutuk te hi ngaihmawh nachang kan hre tur a ni a, a tireh turin hma pawh kan la ngei tur a ni ang.

Tlangkawmna : Chhiatnia kan mawhphurhna hrang hrang  sawi  sen a  ni  lo  vang a,  heng  bak  pawh hi  sawi  tur tam tak a la awm thei ang. A pawimawh lai tak chu Kristian |halaite  hi  min  mamawhtu  apiangte  tana  \angkai  tur kan ni tih hriat hi a ni a, chu rilru pu chung chuan mi lian leh mi te, nei nung leh khawsak harsa zawk te tan kan theihtawp i chhuah zel ang u.

KOHHRAN  LEH  PAWL  LEH  POLITICS

Hetiang  lam  thil  atan  Synod-in  kaihhruaina hrang hrang a nei a. Chûngte chu–

I.  KHAWTLANG  LEH  RAM  HRUAITU  THLAN

CHUNGCHANGA KOHHRAN TIH TUR

Kum 1973  Synod-in  hetiang  lam  thilah  kohhran hminga aw neih ve chungchang a sawi \an a (Gen. 14). 1974 Synod Inkhawmpuiin (Gen. 1) a ngaihtuah zui a. Presbytery ngaih dan te lak a ni a, 1974 Synod thu angin SEC-in a rel ta a. Hetiangin–

Inthlang ram kan ni a, V/C, MLA, MP te thlan

hun a lo her chhuah apiangin inthlanna neih a \ul \hin a. Mizoram mipuite hi Kristian kan ni deuh vek a, ram hruaitute thlannaah hian kan ralbang mai tur a ni lo va, Pathian rawnin ngun tak leh fimkhur takin kan thlang zawk tur a ni (SEC 32:19).

II. INTHLAN THUCHAH SIAM

Kan ram roreltu atan zu in mi leh thil dang mi tikhawlo thei tih ching mite thlang lo turin Synod-in inthlan  thuchah  chhuah  \hin  se  tih  Chhimphei Presbytery a\anga thu lut chu kan ngaihtuah a. An rawt ang  hian  inthlan  thuchah  inthlan  dawnin  Synod-in chhuah \hin rawh se kan ti (1977 Synod Gen. 6).

III.  POLITICAL  PARTY  THILA  SAWMNA

CHUNGCHANG

Political party mal emaw, a huhovin emaw thu ngaihtuah tur an neiha kan Synod hminga tel ve tura min sawmin, eng ang chena tel tur nge ni ang tih kan ngaihtuah a. Hetiang thil hi fimkhur taka ngaihtuah \hin ni sela; tin, Synod aiawh tur leh official thilah chuan Synod Officer-te inrawn khawm hmasak zel \hin ni rawh se kan ti (SEC 52:27).

NAUPANG PUAL: DALTU  LUNG

 Hmanlai hian lal pakhat, hausa deuh mai hi a awm a. A khaw mipuite chu hriatchian a chak em avangin an khaw kawng lai takah chuan lung lianpui mai hi a dah ruah a. A bul hnai lang thei lo chinah chuan a biru a, chu kawnga lung lian chu tu takin nge nawr sawn ang tih chu a thlir ru reng a.

Reiloteah chuan lal khawnbawl upate leh dawrkai hausate chu an lo kal sap sap a. A tu amah chuan lung lian chu dah sawn an tum reng reng lova. Fimkhur takin  an hel \ang  \ang ta hlawm zawk a.  =henkhat phei chuan an lal ber chuan khaw kawng a enkawl  \ha tawk lo tiin an rel chhunzawm ta deuh deuh a. 

Nakinah chuan loneitu pakhat hi a thlai thar phur  \euh chungin a lo kal ve  leh a. A ni chuan chu lung lianpui

mai a hmuh chuan hel ve mai lovin a phur chu a nghat te te a, nawr sawn a tum ta a. Mi pakhat chauh tan chuan chu lung lianpui nawr sawn chu thil awlai a ni hauh lova, amaherawhchu, chu loneitu chuan a theihtawk chhuahin rei fe a beih hnuah chuan a nawr sawn thei ta hram a.

Loneitu chuan kal leh mai a tum lai chuan lung lianpui lo awmna zawnah khan pawisa ip a hmu ta a. Chu pawisa ipah chuan pawisa a awm khat vek mai a, an lalpa lehkhathawn a awm tel bawk a. Chu lehkha ah chuan an lal chuan chu pawisa chu kawnglaia lung lian dah sawntu apiangin an neih tur a ni tih a lo ziak a. Chu a thil a tawn a\ang chuan loneitu chuan zirlai hlu tak a zirchhuak a. Chu chu – lung lian ang bawk khan kan hmaa harsatna lian tak tak te hian kan dinhmun kan siam\hat theih zawk nan min pui a, kan tan malsawmna a lo ni zawk \hin tih hi a ni

MSSU CHAWIMAWINA

Chawimawina chi hrang hrangte : MSSU hian a phute hnena pek turin chawimawina chi hrang hrang a buatsaih a, hetiangin –

(1) Diploma : Kum 25 chhung kum hloh lova zirtirtu  \angzawnte  hnenah  chawimawina  Diploma Certificate leh Bible pek \hin a ni ang.

(2) Jubilee Award : Kum 50 chhung kum hloh lova zirtirtu \ang zawnte hnenah Certificate (frame siam sa) leh Bible pek \hin a ni ang.

(3) Pi Zaii Medal : Kum 10 chhung kai kim zawnte hnenah chawimawina tangkapui hi Certificate nen pek a ni ang.

(4) Pi Zaii Medal Special : Kum 15 chhung kai kim zawnte hnenah chawimawina tangkapui hi Certificate

nen pek a ni ang.

(5) Zalawra Medal : Kum nga chhung MSSU Pathian thu Exam-naa lawmman la zawnte hnenah he \angkapui hi Certificate nen pek \hin a ni ang.

(6) Zalawra Medal Special : Kum 10 chhung MSSU Pathian thu Exam-naa lawmman la zawnte hnenah he tangkapui hi Certificate nen pek a ni ang.

HRIATTIRNA

Vawiin chawhma inkhawm banah Nurse leh Health Worker training chhuak tawh zawng zawngte Pi Zohmingthangi (T.Sec) te Inah in hmuhkhawm tur a ni e.

Membership fee `50/- ken nghal tur a ni e.

Sd/-

(T. LALRAMMAWIA)

Health Worker (M)

Saikhamakawn

MFA Super Cup  Zephyr 

Awke nite, 

Engkim tithei

A hun : Ni 29.6.17 (Ningani zan dar 7:00)

A hmun : Community Hall

Ticket man: `30/-, `50/-, `100/-      

Saikhamakawn FC te chuan kan hma lawk a MFA Cup khel turin inbuatsaihna kan kalpui mek a, hemi atan hian Sum engemaw zah kan mamawh avangin Sum tuak nan tiin Zephyr drama thar ber chhuah tum a ni a, Khawtlang mipui te ticket min dawr a, a hmun a min ensak turin kan sawm a che u.

  Sd/-

(Tommy Zirnuntluanga)

Secretary 

Saikhamakawn FC

TT ROYTE TROPHY 2017 LAWMMAN 

Champion: Ramhlun South 

(`100,000/- leh trophy)

Runners Up: Chanmari 

(`50,000/- leh trophy)

Top Scorer: R. Laldanmawia, College Veng, Goal 3 (`2000/- leh trophy)

Best Player: Zohmingliana Ralte, Ramhlun South (`2500/- leh trophy)

Fair Play Award: ITI (`10,000/- leh trophy)

Semifinalist: College Veng leh Chhinga Veng (`10,000/- ve ve)

Quarterfinalist: Hualngohmun, Chaltlang, ITI, Salem Veng (`5000/- theuh) 

ZANIN FIFA 

CONFEDERATION CUP

8:30pm-Chile vs Australia 

(Sony Six, Ten 2)

8:30pm-Germany vs Cameroon (Sony Six, Ten 2)    

VAWIIN TLAI k|p FELLOWSHIP

A hmun   : Sunday School Hall 

Hruaitu   : Tv. Laldinpuia

|antu       : Nl. Vanlalsiami

Group tin te Payback Band a intihsiaka hun hman a ni ang.

Host   : Nl. Malsawmtluangi 

TIH DIKNA

Kum 2016-2017 ‘Bial Bu’ kan tih mai \hin ah khan Saikhamakawn a Bial 8-na a, Sl No. 40-na Upa Lalzuiliana thawhlawm tualchhung column ah khan tih sual palh a awm a, `18,500/- tih tur a ni a. Total column ah khan `37,300/- tih tur a ni e. Tihsual palh ah ngaihdam kan dil e.

Sd/-Bialtu

CENTRAL Kohhran  Hmeichhia

       Women Centre,  Phunchawnga  puan  tah zirtirtu  tur  atan Pi  H.  Lalrinpuii d/o  Rithanga  Hnamte, Bawngkawn  Hmar Veng  chu  lak  thar  a  ni  a,  July  4,  2017  a\angin  a  thawk  \an  ang.  Hemi  rual  hian  Puan  tah  zir  tur 1st Batch  atan  mi 7 lak  an  ni  bawk. June  22,  2017  hian  Women Centre,  Phunchawnga  Puan\hui  zirtur  3rd  Batch  interview  neih  leh  a  ni a,  lak  thar  te  hian July  4  a\angin  class  an  \an  leh  ang. Women  Centre-a  Puan\hui  zir  hi  kum  2016 August  thla a\angin kal pui a ni a. 1st Batch in \ha takin an zir zo tawh a, tunah hian 2nd batch ten zir zo leh tawh in June 27, 2017  hian  Closing  Function  neih  tura  ruahman  mek  a  ni.  Puan\hui  zirte  tan hian Central Kohhran  Hmeichhia  chuan thlatin stipend `1000/- a pe a, zirlai te hian  mess fee `500/- an chawi ve thung a ni. 

, Pu R Lalzuala h/o Pi Lalchhuanawmi(T-Sec) chu damlohna avanga Alpha Hospital a enkawl a nih hnu in alo chhuak.

, Pu J Lal\hakima h/o Pi Lalbiaktluangi(V-Sec) chu damlohna vang a Greenwood Hospital a enkawl a nih hnu in alo chhuak.

NI 19.6.2017 (THAWH|ANNI) - 24.6.2017(INRINNI) MIZORAM  REPORT

1) Police Report: 

Tang zawng zawng- Mipa: 153

                              -Hmeichhia: 2 

2) Traffic Report (Aizawl): 

Traffic rules bawhchhia man zat:

a) Two Wheeler : 70

b) LMV : 55

c) Taxi : 34

d) HMV : 22

e) Bus : 1

Sum tlingkhawm : `47,800/-

3) Hospital Report:

a) Emergency Case : 708

b) Naupiang zat : 153

c) Mitthi : 14

4) Power Report:

a) Hman tam lai berin : 402.8MW

b) Hman tlem lai berin : 174.7MW

Family Guidance & Counselling Centre

February 1 - 16 May, 2017 chhunga  FG&CC Centre hrang hranga  pantu  an  neih  dan  hetiang  hi  a  ni:

1.  Mission  veng - 294 

2.  Bawngkawn - 212

3.  Champhai - 109 

4.  Kolasib - 78

5.  Vaivakawn - 38 

6.  Serchhip - 35

Synod-in  chhawmdawlna  pe

Tun  hnaia  harsatna  hrang  hrang  neite  hnenah  Synod  Relief  Fund  a\angin  chhawmdawlna  hetiang  hian  pek  an  ni.

Khua                         Pek  chhan        Chhungkaw zat       Pek  zat

1. Suarhliap                       Thlipui tuar                1                        `6,000/-

2. Vaivakawn              Kangmei tuar             1          `6,000/-

3. Tuikual                    Leimin tuar               4                         `16,000/-

4. Serchhip Bethel      Leimin  tuar               1                         `7,000/-

5. Sairang  Dinthar     Tuilian  tuar               1                          `7,000/-

6. Hunthar                   Leimin tuar               1                         `7,000/-

7. Zemabawk              Leimin  tuar              2                         `20,000/-

8. Saron Veng             Leimin  tuar              9                         `45,000/-

                                                                 TOTAL :                 `1,14,000/-

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350

                   

  

Mipui Aw 18.6.2017

MIPUI AW

KARTIN CHHUAK

Vol. XXIII Issue No. 25 Kristian Thalai  Pawl  Saikhamakawn Branch  Pathianni Dt.18.6.2017

KOHHRAN PROGRAMME:

Ni 18.6.2017 (Pathianni)

Chawhma Inkhawm

|antu : Pi C.Lalchhuanawmi

Zirlai 20-na : “Tawtawrawt paruka”

Chawhnu Inkhawm

Thuhriltu :Upa Lalrindika

Zan Inkhawm

Rualbanlote Ni

Thupui : “Lal Isuan rualbanlote a ngaihsak”

Sawitu :Upa Zairemthanga

Rualbanlote pualin thawhlawm lakkhawm a ni ang

K|P INKHAWM PROGRAMME

Ni 19.6.2017 (Thawh\anni Zan)

Sermon Inkhawm

Hruaitu : Pu C. Lalmuanpuia

|antu : Tv. Zorammuana

Bible Chhiar 

kaihruaitu : Tv. Lalhmangaiha

Chhiar tur : (Jeremia 9:23-24) 

Thusawitu :  Tv. F.Laldingliana

Thawhlawm          Nl. Eden Lallawmzuali

lakhawmtu turte:   leh Nl. Vanlalruati

Zai hruaitute   : Tv. Abraham Lalnunthara leh Pu Tommy Zirnuntluanga

Keyboardist : Tv. Zoliankima

KOHHRAN HMEICHHE

 INKHAWM PROGRAMME

Ni 20.6.2017 (Thawhlehni Zan)

Kristian Chhungkaw puala hun hman a ni ang

KOHHRAN PAVALAI PAWL

 INKHAWM PROGRAMME

Ni 22.6.2017 (Ningani Zan)

Short Sermon Inkhawm

Hruaitu : Pu R. Chalkhuma        

|antu : Pu Thangluaia

Short Sermon   Pu T.K Manga leh

sawitu turte : Pu Denis Rohmingliana

Khuangpu : Pu Tlangruata leh

 Pu Ramthianghlima

Thawhlawm lakhawmtu: Pu Lianchia

KHAWNGAIHNA

“ Khawngaihna avang a nih chuan thiltih avang a ni tawh lo vang; chuti a nih loh chuan khawngaihna hi khawngaihna a ni tawh lo vang.”  (Rom 11:6)

Ringtu nun ah hian khawngaihna hi a pawimawh in a laimu ni hial a ni awm e, Lal Isuan min chhandamna ah hian khawngaihna vang a ni a, chu min khawngaihna chu keini ringtute chuan a rawngbawl hna chhunzawmin khawngaihna chu khawngaih leh chhawnna in Lalpa rawng kan bawl zawk \hin tur a ni. Mahse he khawngaihna hi kan hriatchian loh vang hian thiltih a chhandamna chu chan a thawhchhuah kan tum fo \hin. Chanchin \ha hril in martar na hial pawh lo tawk mah ila chu kan martar vang a Vanram kai tur kan ni lova, Lal Isua kan rin vang zawk a Vanram kai tur kan ni a, mahse khawngaihna avang a min chhandamna chu khawngaihna a rawngbawl zawkin kan lo martar ta hial zawk a ni. Khawngaihna chuan phut let a nei ngailo a, a lehpek tur a dawn ve ngailo, Lalpa rinna tak tak nei a khawngaihna a Lal rawngbawl tuten Lalpa a phutlet nei lovin lawm takin khawngaih rawngbawlhna chu an thawk zawk \hin. Keini chuan phutlet kan nei a Lalpa malsawmna chu lei sum leh pai a dawn tum in khawngaih rawngbawlhna kan thawk a, kan chungah harsatna leh manganna a lo thlen in Lalpa ka hmangaih che tihna kan LEI bawk in Lalpa demna awka kan chhak chuak leh si \hin. Khawngaihna tak tak a rawngbawlna ah zawk chuan Lalpa hei lei sum leh pai nawmsakna neilo mah ila khawngaih rawngbawlhna chu i chakna ring chungin lawm takin ka thawk zel ang an ti zawk fo \hin.

Lalpa hian kan tan a \hatna tur in kan chungah engkim in hna min thawhsak reng a, chu chu rinna in khawngaih rawngbawltuten an hmu thiam a ka lawmzel ang Lalpa ah chuan tiin khawngaih rawngbawlhna chu thih thenga rinawm takin an thawk zawk thin. Kawngaihna hi kan hriat chian loh vang hin Lalpa demna leh vuina kan chhakchhuak fo a kan thinlung ah lawmna tak tak a rawngbawlna kan kalpui thei lo fo \hin a, midang nunah kan buai em em a kan tih ve theih tawkah lawmna kan nei lo in kan hmu thiam lo fo \hin. Midang ti ve lo harsatna a neih lam dawnpui a hnekin engngatinge tiin kan rilru in kan lo teh hman a, Lalpa a lawmna neilo in midang nun ah lawmna hmuh tumin rawngbawlhna kan thawk fo \hin.

Kawngaihna a rawngbawl tuten an hmaah meipui, sakeibaknei pawh awm mahsela hlau in Lalpa auvin \anpuina an zawng ngailo a, an NUNNA chu Lalpa an kawltirin, an chandamtu hnenah a awm tih hria in rilru reng reng a hriat sen loh thlamuanna chuan a thlamuan ta zawk thin. He lei ah chau Lalpa an beisei lo a, an lei taksa a ral hun a chhandamtu hnenah a haw hun tur beisei nei reng chung in chu a Van innuam lam chu rinna mit a thlir in khawngaih rawngbawl hna an thawhna kawng ah thawk tawk an in ti ngai lova, an chhandamtu Krista zawk chu an thih chilh zawk a, ropui takin a petu Lalpa hnenah an thlarau chu a haw leh zawk a ni tih hria in \ap chung in Kraws kawng zawhin buh chi an feh chhuahpui a, lawm takin an buhphal kengin an IN(VAN) ah an haw \hin.

EDITORIAL  BOARD

Editor :                                    

Pu C. Lalmuanpuia                        8974807213

Joint Editor: 

Tv. Laldinpuia                               9862813325

News Editors :

Pu Tommy Zirnuntluanga             9862913684

Tv. Lalnunzira                              9862664253

Tv. Lalawmpuia                            8259910570  

Nl. Zohmingmawii                        8794773133

Tv. Lalruatsanga        

Circulation Manager:

Tv. C. Lallawmawma                  8974509821

Nl. C.Zosangliani                        8731005507

Editorial....

Tunlai ruah sur nasa avangin Zoram hmun hrang hrang ah chhiatna a thleng nasa  hle mai a, chenna in leh lo chante leh nunna hial chante pawh an awm a, a pawi hle a ni. Hetiang a khuarel chhiatna thleng hi kan chunga thleng tur reng a  khuanu ruat nge mihringte hian kan pumpelh theih a ni em, tih hi ngaihtuah ngun ngai tak ani.

Kan insak dan leh sak duhna hmun te hi ngun leh zual a kan ngaihtuah a \ul khawp mai, kan thenawm ten Cement Concrete lian tak an sa alawm tih vang a kan inhmun a ngheh leh ngheh  loh lam ngaihtuah miah lova Insak kan ve kan tum tlat \hin te pawh hi tun tum Zoram chhiatna lo thleng atang hian kan khawtlang hian inzir finnan hmang thei hlauh ila, kan tui chhe paihna kawngah pawh hian sawrkar ina tuihawk luan kawr tur kan khawtlangah pawh a dah ah ngei hian kan tui hman nawi te hi paih thei hram ila, keimahni pawhin kan hman duh tawh loh \henawmte ram a luanglut tur tlat a tuihawk kan luantir hian keimahni tan pawh a hlauhawm tih kan zir chhuah thar a \ul khawp mai.

Leimin,Tuilian leh chhiatna dang dang avanga harsatna lo thleng \hin hi kan dan theih leh kan tih tawp theih ni miah lo mahse, heng lo thleng \hin hi enge a chhan tih ngaihtuah a, mahni leh \henawm khawvengte nen a kan him tlanna tur kawng ngaihtuaha tunlaia mithiamte zirtirna \ha tak tak chhiar leh entur tam tak awm hi hmang \angkai tur a kan khawtlang chhungtinte kan rilru put hmang siam thar i tum ang u. 

TLEIRAWL PUAL: MAHNI INENFIAH HI

HLAWHTLINNA

|um khat chu, mobile phone awm hma khan tleirawl pakhat hian thingpui dawrah an phone chu man neiin a rawn hmang a, “Hello, Pu Rama a ni em aw? In tifai leh a \ul ang thawk tur i ruai duh em?” a ti a. A ngawi deuh a, “E, chhawr lai innei tawh maw? A hnathawh i duhthu a sam em?” a ngawi leh a. “Aw le, a lawmawm chu; midang ka be leh mai ang e, ka lawm e,” tiin phone chu a dah ta a.

Pawisa a pek lai chuan dawr neitu chuan, “Tlangval, i thusawi ka lo hria a, hnathawh tur i duh hmel a nih hmel a; ka dawrah hian lo thawk mai ta che,” a ti a. Mahse, chu tleirawl chuan, “Ka thei lo vang ka pu, hnathawh lai ka nei a,” a ti a. Dawr neitu pa chuan makti takin, “Uai! Tunah khan hnathawh tur i zawng a ni lo’m ni?” tiin a zawt a. Chu tleirawl chuan, “Zawng lo ka pu; Pu Rama ina thawk mek kha keimah ka ni a; ka thawh \hat leh \hat loh hriat ka duh vang a nih kha,” tiin a chhang ta a. A inhlawhna te chhungkuain engtin nge an sawi a hre duh a, amah a infiah ngam a nih chu!

Hetianga mahni inenfiah ngamna hi hlawhtlinna ropui tak a ni. Kan nundan a thianghlim em? Kan rilru a hrisel em? Eng kawng nge kan zawh mek? Miten engtin nge min ngaih? Midangte tana hrehawmna thlentu kan ni em? Kan nunah Pathian a lal em? Kan zirnaah kan rinawm em? Kan ngaihzawng neih dan a dik em? Pathian hriatpui tlak a ni em? Kan nun hian Pathian a chawimawi em? Ram leh hnam kan hmangaih em? Hnam timualphotu kan ni mek em? Nu leh pa leh chhungte tana bula awm nuam kan ni em? |hiante tan kawm nuam leh entawntlak

kan ni em? Kan rinawm em?

Hetiang zawhna te hi mahni inzawh a, kan nuna fel tawklo leh \ha tawklo a awm chuan a rang thei ang bera mahni insiam \hat thuai a finthlak em em a ni. Chhungte leh bula awm \hiante hnenah pawh kan nungchang \halo leh mawilo a awm chuan hrilh \hin tura ngen fo a \ha. Mahni chu dik lo intih mai te, fel lo intih mai te, mahni tlinlohna lai hmuh mai te hi a har ve fo \hin. I hun kal tawhah tihsual i lo nei a nih pawhin tunah chuan inenfiahin insiam \ha daih rawh. “Tihsual hi mihring zia; insiam \hat mi fel zia; sima insiam \hate ngaihdam erawh Pathian zia a ni si a.”

Mahni inhriat chian a, dik tawk lohna lai kan nei a nih chuan huaisen taka pawm ngam a, “Ka lo tisual a ni,” tih te hi a ropui fo. He khawvela mihring zingah hian tute mah \ha famkim leh sawisel bo kan awm thei lo, midang nena khawsaho reng tur kan nih avangin midang tana hnawksak lo tur leh midang nun hruai sualtu nih loh te, midang nun thlil \ha thlentu nih te tum fo zawk tur a ni. Khawvela mi hlawhtling ber berte hi mahni tihsual pawm a, insiam \hat hrehlo mite hi an ni zel. Mi ropui ni turin i la tlai lo. Nangmah inenfiah la, i kawng zawhn mek kha chhut chhiang ang che aw!

DARTHLALANG... IN EN RAWH LE..

  Dawhtheihna neih hi thil harsa ber a ni a. Ni a ral a, kar a kal a, thla a liam meuh pawha kan \awng\aina chhanna reng awm lova kan hriat chuan Pathianin min theihnghilh ta emaw tih a awl hle. Ni khat hi chu ni khatin a ken eng emaw neuh neuh hian kan vuiliam thei mai zel a, khua a thima zan a nih hian kan harsatna a pungin a khirh zual bikin a lang fo \hin. Hlauhthawnnain min nangching a, thim a chhah tual tual a. A tuk khaw eng nghah thlen chakna kan nei zo mawlh lo fo. Sam ziaktu meuh pawhin kalsana inngaiin leh hmelmate hneha awma inngaiin 'Aw Lalpa, eng chen nge min thlahthlam ang a, ka lakah hian i hmel i thup reng dawn? (Sam 13:1)' a ti hial a nih kha.

Harsatna kan tawh min chinfelsak tura Pathian kan nghah lai hian beidawn a awl  khawp.  Setana’n,  “Pathianin  a ngaihsak tak tak lo che, engmah a inthlak danglam chuang lo vang,” tiin min hrilhru sur sur bawk a. Beidawng tura thlem kan ni fo. Bible chhiar leh \awng\ai engnge a ngaihna? Engnge midangte nena Biak Ina kala, inkhawm a ngaihna? Nghah kan neih lai hi thlarau nuna kan mamawh lai ber zawk a ni. Nghet tak leh Pathian hmangaihna hriaa thlarau Thianghlim duh anga kan awm theih nan a \ul \hin. Sam ziaktu bawk hian a hre chiang a. 'Kei zawng i ngilneihnaah hian ka innghat a, min chhandam dawn vangin ka lawm a ni. Lalpa chu fakin ka zai ang, ka chunga a \hat em avangin,' a ti. Harsat, mangan, beidawn kan tawk a ni thei e. Isua ena nghah fan fan hi kan tih tur a ni fo!

THALAITE SUANGTUAHNA KHAWVEL

LUNGAWINA...

Mihringte hi engkimah duhtawk chin nei lo, a aia \ha leh a thar apiang duh \hin kan ni. Kan awh em em pawh nei mah ila, reiloteah kan hne thuai a, a dang duhna leh neih tumin kan buai hle \hin. Kan duh leh awhte leh kan beisei ang thilte kan neih theih loh emaw, a lo thlen lohvin chu chuan rilru hahna te, beidawnna te min thlen a, kan nun a lo chau \hin. Kan taksa, kan pianhmang te a aia mawi lehzual nih duhin kan hmanhlel a, mite mithmuha lan mawi kan duh; mihringte chu chutiang chu kan ni. 

Mahse, heti hian kan ngaihtuah ngai em : Kutke kimin ka piang a, ka bengin ri ka hria a, ka mitin khua a

hmu a, ka kain ka duhzawng ka ei thei a, ka duhzawng ti leh ka duhnaa kal thei turin kut leh ke ka nei. Mi tam tak, piantirh ata an kaa vawi khat pawh chaw la ei lo te, hmel

hmuh tlak nei lo te, taksa tuamtu vun nei miah lo te, piansualna hrang hrang kan rin phak baka rapthlak tam tak a awm laia lungawina chang hre lo ringtu kan ni em?

Pathianin min siam danah hian lungawiiin lawmthu sawi mawlh mawlh tur kan lo ni.

HRIATTIRNA 

Sawrkar thuchhuak angin Aizawl Municipal Area leh District Capital tinah Gas Cylinder chu June 19 2017 atangin SMS/Online system hmang hlira sem/booked tawh tur a ni a, hemi chungchangah hian a tihdan tur chu a hnuaia tarlan ang hi a ni e -

A. SMS HMANGA GAS BOOK DAN: 

1) SMS hmanga Gas Book tur hian Mobile Phone atanga IOC server ah Text Message thawn a ngai a, IOC server no hi 9089024365 a ni.

2) Hetiang hian Message thawn tur a ni ang IOC Space <STD Code+Distributor Telephone Number> Space <Consumer number> tih Message type in IOC server no 9089024365 ah khan thawn tur a ni.

3) IOC atanga Message reply na kan dawn hnuah IOC tih message chhut leh a thawn let leh tur a ni.

4) Entirnan: Kapliana Indane Agency a Gas la tan chuan hetiang hian message thawn tur a ni ang. IOC IOC 03892325744 QX12345 tih message kan chhut chu 9089024365 ah kan thawn ang. (IOC hi Indian Oil Corporation tihna a ni a, 03892325744 Kapliana Indane Agency Contact number a ni, QX12345 hi Gas consumer number atana hman chhin a ni a, hei hi chu Consumer ten keimahni Gas card a kan number theuh kha chhut mai tur a ni ang)

B. APPS HMANGA GAS BOOK DAN

SMS aia awlsam zawk leh rang zawk chu Mobile Application hmanga Book a ni. Amaherawhchu hemi ti tur chuan Mobile application kalhmang hriat ve deuh a ngai. Android Phone hmang tan Play Store atangin INDANE tih Apps download tur a ni a, download hnuah install in chu apps ah chuan kan Gas Consumer no leh detail te chhu lutin kan in register ang a. Chu application atang chuan Gas Book-na te, Complaint-na te, Mechanic kohna te a awm vek a ni.

Heng kalphung thar te hi tunlai khawvel changkang chho zelina a ken tel anih avangin mipui te chiai mai lovin zawi zawiin a hman dan zir chho zel ila, thil har a ni lova awlsam taka hriatthiam mai theih a ni. Hriat chian duh nei tan District Consumer hruaitute hnenah a zawhfiah theih reng e.

 SYNOD  MULTIPURPOSE  TRAINING  CENTRE  

ADVERTISEMENT

Synod  Multipurpose  Training  Centre,  Mission Vengthlang,  Ai zawl - ah  DCA  1st  Semester  training-na (Govt.  Approved)  hawn  a  ni leh dawn  a.  Dilna  chu  plain  paper-ah  ziakin  Kohhran  lehkha  thil  telin a hnuaia address-ah Office hun chhungin a thehluh tur a ni.

1. Dilna thehluh ni hnuhnung : Ni 22.6.2017 (3 :00 p.m)

2. Interview : Ni 23.6.2017 (dar 11:00 a.m)

3. Course : 6  Months

Sd/-

Programme  Director,

SMTC

Mission  Vengthlang,  Aizawl

ADVERTISEMENT

Nursing School, Synod Hospital, Durtlang chuan kum 2017 atan GNM zir tur a la leh dawn a. Dil tum te chuan Application Form hi Principal Office, Nursing School, Durltangah te, Millenium Centre clinic-ah leh Dr. Fraser’s Clinic, Mission Veng, Aizawlahte `250/- in lei chhuah theih a ni ang.

Dil  thei  chin:

1. HSSLC Pass, 40% hmu chin.

2. Kohhran dan chhunga  awm lai ngei.

3. 31st December, 2017 a kum 17 tling chin.

Dil  theih  hun  chhung:

1. Application zawrh chhuah hun leh thehluh hun : 1st July - 12th August, 2017

2. Written  Exam : 17th August, 2017 (11: 00 A.M)

Sd/-

C.  Lalrintluangi

Principal

PMEGP LOAN DIL THEIH

     PMEGP Loan, 2017 dil theih ani a. Dil duh tan online-in ni 23.6.2017 thleng www.kviconline.gov.in/pmegp ah hian dil theih a ni. 

Hrechiang duh te tan District Industries Office (DIC) Tui\haveng, Kolasib-ah Office hun chhungin zawhfiah theih a ni e. Phone Number : 03837-220161

Source: DIPR

, Pi Lalchuangkimi (T.Sec) te chhungkua chu Pu V. Lalrintluanga te In a\angin Pu C. Lalrinsanga (T.Sec) te inah an in sawn.

,   Pu R. Lalzuala h/o Pi Lalchhuanawmi (T.Sec) chu damlohna avangin Alpha Hospital, Kulikawnah enkawl mek a ni.

, Tv. Robert Zothanmawia s/o Pu Thanpara (T.Sec) chu damlohna avangin Falkawn Hospital ah enkawl mek a ni. 

NI 12.6.2017 (THAWH|ANNI) - 17.6.2017(INRINNI) MIZORAM  REPORT

1) Police Report: 

Tang zawng zawng- Mipa: 141

                              -Hmeichhia: 5

2) Traffic Report (Aizawl): 

Traffic rules bawhchhia man zat:

a) Two Wheeler : 35

b) LMV : 24

c) Taxi : 15

d) HMV : 21

e) Bus : 1

Sum tlingkhawm : `29,900/-

3) Hospital Report:

a) Emergency Case : 642

b) Naupiang zat : 141

c) Mitthi : 11

4) Power Report:

a) Hman tam lai berin : 360.3 MW

b) Hman tlem lai berin : 128.94 MW

FREE  CLINIC

June 26, 2017, chawhma dar 10:00 a\angin St. Paul's H/S, Batch of 1991 leh Aizawl Hospital & Research Centre \angkawp chuan Aizawl Hospital ah FREE CLINIC, kum 60 chin chunglam tan an buatsaih leh dawn a. Doctor specialist -- Eye, Medicine, Surgery te rawn theih a ni ang. Kum 60 chin chunglam tan a duh apiang a thlawnin inentir theih a ni. Eye bikah hian Cataract zai thlengin a thlawnin tih a ni ang. Lens man to duh chuan mahni intum a ngai thung ang.

   Registration - 9:30 am

ZANIN FIFA 

CONFEDERATION CUP

Portugal vs Mexico 

(8:30 Sony Six SD, Sony Six HD)

Cameroon vs Chile 

(11:30 Sony Six SD, Sony Six HD)

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 350