Mipui Aw 31.5.2015

MIPUI AW

KARTIN CHHUAK

Vol. XXI Issue No. 21 Kristian Thalai  Pawl  Saikhamakawn Branch  Pathianni Dt.31.5.2015

KOHHRAN PROGRAMME

31.05.2015 (Pathianni)

Sunday School

|antu              : Pi Chawngpari          Zirlai 19-na    : Bul thuhmun leh unau

Chawhnu Inkhawm

Bible Society Campaign

Thuhriltu       : Upa Denghmingthanga

                           Kulikawn

                        Zân inkhawm

Bible Society Campaign

Thuhriltu       : Upa Denghmingthanga

                           Kulikawn

(Bible Society puala thilpek lakkhawm a ni ang.)

K|P PROGRAMME

01.06.2015 (Thawh\anni Zan)

Short Sermon leh |awng\ai rual

Hruaitu           : Pu Lalremruata

|antu              : Nl. P.C.Lalrinmawii

ThuHriltute    : Tv. Lalfakzuala leh

                           Nl C.V.L.Biakzuali

Thilpek lakha-: Nl. Lalsawmliani leh

wmtute                       : Nl. Lalmalsawmi

Zai hruaitute  : Nl. Bridgette Zonunmawii

 (1-15 June)      leh Tv. Laldinpuia

Keyboardist   : Tv. Vanlaltluanga

           

KOHHRAN HMEICHHE PROGRAMME

02.06.2015  (Thawhlehni Zan)

Ramthim zin leh ‘World Day of Prayer’

Hruaitu           : Pi Saithangpuii

|antu              : Pi R.Lalzuali

Thilpek lakha-: Pi L.Thangpuii leh

wmtute                       : Pi Sanghluni

Thuchah         : Pi Hualthangpuii

Bahamas ram chanchin chhiarchhuah

                         : Pi Lalchhingpuii

SERMON

PATHIAN TAN A TAKSA INHLANNA

“.....Pathian khawngaihna avang hian, inthawina nung leh thianghlim leh Pathian lawmtlak ni turin, in taksa chu inhlanah ka ngen a che u.....”   Rom 12:1-2

            In taksa chu inhlanah ka ngen a che u Paulan a tih hian taksa a tih tak mai a hi a pawimawh em em, Paula hian mihring nihna hi kawng hrang hrangin a sawi thin. A chang chuan pawnlam hmuh theih tisa te, chhung lam lang thei lo rilru te, thlarau te, chhia leh tha hriatna te hi mihring  sawi nan a hmang thin. Mahsela heti lai a taksa a sawi inthawina nung leh thianghlim, Pathian lawmtlak ni tur a inhlan a tan a ngen hi chuan mihring pumpui, nihna zwng zawng hi a huam vek a ni.

            Heti laiah hian Paula hian a hun lai a Greek hoten ‘Mihring taksa hi thlarau saltanna hmun mai a ni’ an tih te leh Knostig hoten ‘Taksa hi sual hlawm, Pathian chawimawi thei lo leh chawimawi tlak lova’ an sawi thin chu rawn hnawlin Lal Isua thupek ropui ber ni a an sawi ‘Lalpa i Pathian chu i thinlung zawng zawngin, i rilru zawng zawngin, i chakna zawng zawngin i hmangaih tur a ni (Mk 12:30) a tih angin kan taksa pumpui hi Pathian hnena hlan tur kan nih zia a rawn tar lang ta a, chu rawngbawl hna chu Krista chhandamna min siamsak ropui tak avanga  ringtu zawng zawng te tih tur leh kan rawngbawlna awm reng a nih zia a rawn sawi lang ta a ni. Krista khawngaihna avang chuan kan taksa a pum a Pathian tan a hlan tur kan nih zia a rawn sawi lang a ni.

            Tichuan Taksa Pathian tana hlan chu Pathian duhzawng inthawina leh thlarauva amah chibai kan bukna leh kan rawngbawlna kawng a lo ni reng mai tih a lo lang ta. Chuchuan kan taksa pumpui Pathian tan eng hunah pawh khawi hmunah pawh A rawngbawlnan kan hmang tur a ni. Chuchuan Biak Inah chauh Pathian biak leh Pathian rawngbawlna hi a huap lova, kan nitin nunah, kan sum dawnna hmunah a ni emaw, Office-ah a ni emaw  kan kalna apiangah kan taksa hi Pathian tan kan hlan tur a ni.

            Chuvangin ringtu chu he khawvel dan anga awm thei ni a tawh lo, Ringtu, piangthar chu  khawvel dan anga awm thin kha khawvel dan angin a awm thei tawh lova, sual ti thin khan a tih a rem tawh lo, Pathian duhzawng ti turin a taksa pumpui Pathian tan, inthawina nung leh thianghlim leh lawmtlak ni turin a hlan tawh zawk thin. Pathian duh zawng a tha leh lawm tlak leh that famkim chu an hriat fiah theih nan an rilru a thara awmin a lo dang lam tawh zawk thin a ni. 

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Kan hlim tak tak em? 

            Kan hriat \heuh angin, harhna leh hlimna chuan chhungkaw tin min khawih niin a hriat a. Chu tih rual chuan a khawih ve loh chhungkua pawh kan la awm nual awm e. Tun huna Thlarau thianghlimin hna a thawh mek lai hian hei aia nasa hian lo thleng se kan duh tak tak ang em? Harhna leh Thlarau thianghlimin hna a thawhna hmunah chuan khawtlang inrelbawld^n te, chhungkua kan khawsakd^n te, Kohhran Inkhawm kalphung te, mimal nundan phungte a danglam \hin. Mahse, kan khawtlang, kan Kohhran, kan chhungkua, kan mimal nun \heuh han in en chiang ta i la, Thlarau thianghlim hnathawh chu a lang tak tak em? Kan nun \heuhah hian eng ang chiahin nge hna a thawh le?

            Engpawh nise, kan hmuh leh kan hriat dan chuan Thlarau thianghlim chuan tu te emaw chu a khawih ngei mai a. Kohhran Inkhawm pawh a nuamin, zai boruak pawh a \ha hle \hin. Tin, Kohhran  Inkhawm dan kalphung pawh eng emaw chen chu tihdanglam a ni a.Mahse chutah chuan Pathian faka zai kan ch^k tak tak lo nge, kan hlim tak tak lo ni ang? He zawhna hi ka han zawhna chhan chu, Inkhawm kan kal tlai tho mai a, tin, Inkhawm kan kal tlai mai bakah Pathianni zan Inkhawm bak chu Inkhawm kan tlem \hin viau mai bawk. Kan hlimna leh kan harhna chan hi Pathianni zan Inkhawm at^n chauh em ni ang aw a tih theih a ni.

            Hei aia nasa a hlimna te, harhna te, Thlarau thianghlim hnathawh te a lo thlen theih n^n  tih tur leh tih loh tur kan la ngah hle. Chu mi a nih a vang chuan i mawhphurhna hria la, i tih tur dik tak ti thei turin lo in buatsaih rawh le. 

           

                       

ARTICLE

            Juda ho ram Israel hual vel tu Arab ram tena an hlau leh \ih em em, khawvel in a tluk loh en a an en, an chetna apianga hneh sawh tak mai a an hna te hlen chhuak thei zel mai Israel do tu ten a an hlauh ruk em em chu Israel Secret Service MOSSAD - Central Institute for Intelligence and Special Assignments ho te hi an ni.

            Israel ram kha ama ke a a din phat atang khan a vel a Arab ram ho te nen an in nghirngho nghal char char a nih kha. Chutianga \henawm ram te nena buaina nei reng an nih avang chuan Prime Minister Ben Gurion-a khan Secret Service tha tak neih kha \ul in a hria a, tichuan, December ni 13 1949 khan Secret Service pawl dinna tur order chu a lo tichuak ta a ni. A hma chuan enthlatu pawl tenau neuh neuh chu an nei ve ngei a, mahse chuti taka hmantlak an ni meuh lo. Tichuan, he an Secret Service din thar hi hlawm thum ah an \hen a: A hmasaber chu Bureau of Military Intelligence a ni a, Counter espionage lam an khawih a. A pahnihna chu Political Department of Foreign Office a ni a, foreign intelligence lam an khawih thung a. Tin, a pathumna chu Shin Bet an ti a, security lam an khawih thung a ni. A tir ah chuan an nawi ve khawp mai a, mahse training \ha leh hmanraw changkang an mamawh tih an inhrechhuak ta thuai a. Tichuan, an Secret Service chu hlawm khat a kal tur in September 1951 khan an in din tha leh ta a, MOSSAD chu a lo piang ta a. An Motto chu Thufingte 11:14 : “Inhruaina fing awm lohnaah chuan mite an tlu \hin a, Remruat thiam tamnaah himna a awm” tih thu kah a ni a.

            MOSSAD Director hmasa ber chu Reuben Shiloah a ni a. Tichuan, British Intelligence leh American CIA hovin training an pe ta char char mai a. Pathian hnam thlan an nihna angin Juda pa thluak nge nge zawng a lo pui bawk a, reilote ah espionage (in enthlakna) lampang a style thar, British ho leh American ho hnen a\anga an zir chhuah atangin leh an mahni style la kawp in an duang chhuak ta rup mai. Hetiang lam a khawvel a hmanraw \ha \ha leh ralthuam \ha ber ber an lei khawm a, an mahni hman duh dan mil in an siam danglam nghal zel bawk a, tichuan reilote chhungin Israel chuan khawvela Secret Service \ha ber pawl leh hmanraw nei changkang ber pawl chu a nei ta der mai.

            A tir phat a\angin an tan a kawng remchang deuh mai awm pahnih hi a awm a chumi chu an zuan nghal chat mai. A pakhatna ah chuan Juda ho hi khawvel hmun hrang hrang ah an darh nasa em em a, chung hmun hran hran a awm te hnenah chuan ram hmangaihna leh in unauna rilru an han tuh phawt a, chumi chu remchang ah hmang in ram hran hran chungchang an hre zung zung thei nghal mai a. A pahnihna ah chuan \henawm ram te nen a thu buai hla buai nei neuh neuh reng an nih avangin, englai mahin inthlahdulna hman a awm lo va, chu chuan nasa takin a pui bawk a. Tin, MOSSAD ho hian eng hmanrua, eng tactic mah hi hman hi an tim ngai lo reng reng a, in bum, in thah, in rukbo tih vel ah harsatna engmah an neih loh avangin chu chuan an tan chet a ti awlsam em em bawk. Scientist te leh kawng engkim a mi thiam ber ber an chhawr hmiah hmiah mai a, hma pawh an sawn chak nasa mai.

            Khawvel ram pum ah an in zar pharh a, tin, ramdang Secret Service ho te nen thawk ho anga lang si in an thuruk an ruk chhuah sak reng bawk a, an duh hunah an chawk buai vak mai a ni. Vawikhat pawh French sawrkar hnenah an ramah Terrorist an lut ru \euh tih an hrilh a, French sawrkar ho buai phili lai takin an thuruk an ruk chhuah sak  nghek mai a ni. India leh Sri Lanka thleng in an inzar pharh vek a ni. An chet chhuah ve tawhna ah pawh khawvel mak tih khawp in an che zel bawk.

            Kum1960 khan Argentina a biru indopui pahnih na laia Juda tam tak suat na a mawhphur tu German mi Adolph Eichmann chu nalh lutuk tak mai in Argentina sawrkar hriat miah lohvin an ru chhuak a.An public airport ngei a\angin an hriatlohvin an la thlawhchhuah pui zui a. Hemi chungchangah hian Argentina pawh a lungawilo hle a nih kha. Eichmann hi anmahni duh dan in a chungthu an relsak a, kum 1962 khan an khai hlum a, a ruang pawh phum lovin an hal a, a vap pawh an ram pawn chin tuipui ah an paih ngat a ni. Israel chuan a Neuclear reactor atan uranium tam tham deuh a mamawh ve ta tlat mai. Kum 1968 khan German lawng ‘Scheeberg’ chu uranium oxide barrel 560 zet phur in Antwerp lawng chawlhna a\anga Italy lam pan a a kal chu tuipui ah a bo ta hmak mai. Reife hnu ah chu lawng chu hming dang daih pu in a rawn lang ve leh hlawl mai, mahse a uranium phurh te chu hmuh tur a awm tawh lo. MOSSAD ho lah an ngawi hmak. Tichuan, Israel chuan a reactor a hman tur uranium duh khawp chu a nei ta khiau mai a ni. Kum1969 Christmas ni tak khan nalh lutukin Cherbourg Harbour atangin indo lawng panga, lei an lo tum tawh sa chu General De Gaulle-an Israel hnen a ralthuam hralh a khap tak thut avangin an ru chhuak leh ta hmiah mai a. French sawrkar pawh a barakhaih kher mai. He an opertion hming atan hian MOSSAD ho hian ‘Noah’s Ark’ tih an hmang nghe nghe a ni. Lei ngai lovin indo lawng 5 chu an nei leh ta der mai. Kum 1976 khan Arab Terrorist te chuan Israel thlawhna chu a michuang te nen hruai kawiin Idi Amina, khawvela Dictator rawng leh mawl ber mai ram Uganda a Entebbe ah an \um pui a. Hemi \um a MOSSAD Special Agents ten reilote chhunga thlawhna leh a mi chuang te an chhanchhuah dan phei kha chu tun thleng a khawvela inchhanchhuana ropui ber a sawi ala tling hial a ni.

            Mahse MOSSAD ho te hi an operation zawng zawng ah an hlawhtling in an che \ha reng bik chuang hauh lo.Vawikhat pawh operation ‘Suzanna’ an tih Cairo a US leh British ho chenna hmun a bomb tih puah a, Egypt leh khawthlang ram ho inhmuh thiamloh tir an tumna lamah, agent naupang te te experience nei vak lo ho an tir pek a, a hun a thlen hma in agent pakhat ipte a a bomb ah a puak palh a, an vai in an man phah a, pahnih phei chu khaihlum an ni ta nghe nghe a ni. Tin, YOM KIPPUR WAR a Egypt leh Syria in an rawn do tur an chet khalh hman lo leh an lo hre lawk lo kha an mualpho pui nasa bawk

            MOSSAD hi khawvela intelligence agency \hang chak ber leh hlawhtling ber pawl a ni a. An ram tan a mi huaisen martar tam tak an chher chhuak a, hetiang dinhmuna hlang tu pawimawh ber te chu Nahum Adnoni 1982 kum a MOSSAD head te, Meir Amit, hetiang pawl tha lutuk ni tura chher chhuak tu te, tin, sawi hmaih hauh loh tur an spy turu lutuk Damascus a an khaihlum tak a ram phatsan duhlo tu mi ngaihs^nawm  Eli Cohen te ho kha an ni e.

                       

BIBLE  QUIZ  No. 74

Matthaia bung 21-25

A kâr âwl dah khat rawh :

Q1. Tichuan zirtirte chu an va kal a. Isuan an hnena ________________ a pek ang ngeiin an ti a,

Q2.Chutichuan, lal chu a thinur ta a; a sipaihote a tir a, chung tualthattute chu a tiboral a, an khua pawh a ____________________ ta a.

Q3.“Nangni erawh chu ‘Rabbi’ tihin awm suh u; in zirtirtu chu pakhat chauh a ni a, nangni zawng zawng chu ____________________ in ni si a.

Q4. Hnam hrang leh hnam hrang an indo vng a, ram hrang leh ram hrang an _____________ vang a; hmun hrang hrangah \amte a tla ang a, lirte a nghing ang.

Q5.  Nimahsela, a fingte chuan, ‘Keini leh nangni tan a daih lo vang e; a ____________________ hnenah kal ula lei ve zawk rawh u,’ tiin an chhang a.

A bung leh châng dah rawh :

Q1.Tin, amah chu man an tum a; nimahsela mipuite chu an hlau si a, zawlneia an ruat avangin.

Bung: ________         Chang: _________

Q2.Tin, tuman kam khat mahin an chhang thei lo va, chu mi ni achin chu tuman thu dang reng reng an zawt ngam tawh hek lo.

Bung: ________         Chang: _________

Q3.Ka hrilh a che u, ‘Lalpa hminga lo kal chu fakin awm rawh se,’ in tih hma loh chuan, tun achinah mi hmu leh dawn tawh lo a nih hi,” a ti a.

Bung: ________         Chang: __________

Q4.bung hnihah a rawn chhuah ang a, mi vervekte chan ang a chantir ang; chutah chuan tah leh ha thial chu a awm ang.

Bung: ________         Chang: _________

Q5.“Tin, chung chu kumkhaw hremnaah an kal ang a; mi felte erawh chu kumkhaw nunnaah an kal ang,” a ti a.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 75 RESULT

Chhanna lut zawng zawng       : 3

Chhang dik vek            : 3

Lawmman dawngtu: C.Lalhmangaihzuali (V.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni.

PAVALAI PROGRAMME

04.06.2015 (Ningani Zan)

Hruaitu           : Pu TK Manga

|antu              : Pu Lianchia

            Sharing leh Zoram pum huap Pavalai Meet thlirletna neia hun hman a ni ang.

hriattirna

     Saikhamakawn Local Council chuan Ni 4.6.2015 (Ningani) Z^n dar 7:00 - 7:30 ink^r hian chhungtinte, chhung inkhawm nei a, \awng\ai rualna neih nise tiin a rel a.Chhungtinte he hun hmang tur hian kan in ng>nin kan inhriattir a ni. |awng\ai thupui tur pawh he tiang hi a ni e.

1. Chh<ngtinte khua leh tui \ha kan nih theih n^n.

2. Khawtl^ng hruaitu Local Council, N.G.O. hrang hrang hruaitute leh Kohhran hruaitute t^n.

3. Zirlai-te leh Zirtirtu-te t^n.

Sd/- (R.BIAKTHANSANGA)

Secretary

Local Council, Saikhamakawn

YMA HRIATTIRNA

            Saikhamakawn Branch YMA te ni 6.6.2015 (Inrinni) zingkarah hian Thlanmual Lane thar siama hnatlang neih tur a ni a, hnatlang tur ten leilaihna hmanrua thawhchhuahpui \heuh tur a ni a, YMA Branch pum huap hnatlang anih angin YMA Member zawng zawngte hnatlanga thawkchhuak \heuh turin kan inngenin kan inhriattir a ni e.

Sd/- (C.LALDAWNGLIANA)

Secretary

YMA, Saikhamakawn Branch

BO CHHAR

          Kan veng kawngdung pheiah pawisa ka chhar a, a neitu dik tak chuan a pawisa zat dik tak sawiin ka hnenah lam theih a ni e.

9862383564

KRISTIAN |HALAI PAWL AIZAWL CHHIM PRESBYTERY MEET VAWI 4-NA PROGRAMME

A hun: 6 & 7 June, 2015

A hmun: Hlimen Kohhran Biak In

JUNE 6, 2015 (Inrinni)

Inrinni zan inkhawmah hian Pathian hnena thilpek lakkhawm a ni ang.

7:00pm: Report & Thusawi Inkhawm

Hruaitu: T.Upa Hmangaihsangzela

(Fin. Secrectary)

|antu: Tv. Vanlalzapa

(Committee Member)

Report: K|P, Aizawl Chhim Presbytery Meet Report & Bial Report khaikhawm. T.Upa VL Muanchhana, Secretary

Thusawi: Pu David Zonunmawia

(Asst. Secretary)

Zaipawl:1. Kulikawn Pastor Bial

              2. Tlangnuam Kohhran

              3. Hmunthar Kohhran

              4. Saikhamakawn Kohhran

              5. Tuikhuahtlang Kohhran

Inkhawm ban inpawlho

Hruaitu: Pu C.Lalduhawma

(Committee member)

Thutawi: Pu Zothanmawia

(Committee Member)

Items: Solo-Lungleng I Pastor Bial

          Mime-Tlangnuam Pastor Bial

Musical Drama-Kulikawn Pastor Bial

Drama-Mission Veng Pastor Bial

HMANGCHANG

# Mombati hi hman hmain fridge-ah dah hmasa ila, a >ng fiah bik.

# Alu chips siam d^wnin t>lah soda tlem telh ila a ram \ha duh bik.

# Thawmhnaw v^r lam chi hi tui so ah soda tlem telhah chiah i la a lang v^r \ha duh bik.

# Zan mutnaah thosil>n z^r t<r a awm loh chuan current off lo ila, thosi an che na lo zawk. A theih phei chuan bulb bulah puan eng(Yellow) khai a tha.Thosi hi rawng engah an mit a fiah lo tlat.

TUALCHHÛNG

, Pi Biaksangi c/o Chawngi (T.Sec) chu damlohna avangin Referral Hospital, Falkawn ah enkawl mek a ni.

, Albert Lalremsanga h/o Vanlalengi te chhungkua chu Ramthar veng a\angin Pu R. Chalkhuma (T.Sec) te inhnuaiah an rawn insawn.

hriattirna

     Vanapa Section Y.M.A chuan Ni 06.06.2015 (Inrinni) khian sum tuak nan ar talh kan tum a, tlawmngaia min lo dawr ve \heuh turin vengchhung mipuite kan han ngen a che u.

Sd/-

(TOMMY ZIRNUNTLUANGA)

Secretary

Vanapa Section, Y.M.A

Saikhamakawn Branch

KOHHRAN MIPUITE HRIATTIRNA

                   Tun kar lo awm tur ni 1-5. 6. 2015 (Thawh\anni -Zirtawpni) zan a\ang hian zan tin dar 9:00 ah \awng\aia hun hman leh tur a ni a. Tin ni 6. 6.2015 (Inrinni) zing dar 10:00 a\angin zaikhawmpui neih tur a ni bawk a ni.

FREE ADMISSION

St. EDMUND HIGHER SECONDARY SCHOOL

For cl - IX - XII (Arts & Com)

            2015-2016 atan free Admission Hawn mek a ni. Zirtirtu experience University topper ten zirtirna an pekna hmun leh Pathian thu nen a,zirlai te an kaih hruaina. Saturday apiangin free tuition pek thin a ni bawk ang.

For further detail Information :

Thakthing, near LAD office

9615030342/9774520561/9862841944          

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330

Mipui Aw 24.5.2015

MIPUI AW

KARTIN CHHUAK

Vol. XXI Issue No. 20 Kristian Thalai  Pawl  Saikhamakawn Branch  Pathianni Dt.24.5.2015

Vawiin changvawn : A bawhchhiatna ngaihdama awma,a sualna hliahkhuha awma chu a eng a thawl e. Mi LALPAN khawlohna neia a ruat lohva, A thlarauva tihserna r>ng r>ng wm lova chu a eng a thawl e. ( Sam 32:1&2)

KOHHRAN PROGRAMME

24.05.2015 (Pathianni)

PENTIKOS NI

Chawhma Inkhawm

Thupui                       : Tihuaisentu- Thlarau  Thianghlim

Sawitu                        : Upa Zonunmawia

Chawhnu Inkhawm

Thupui                       : Tichaktu- Thlarau                Thianghlim

Sawitu                        : Upa Lallawmchhunga

                        Zân inkhawm

Thupui                       : Thlamuantu- Thlarau Thianghlim

Sawitu                        : Upa Lalrindika

K|P PROGRAMME

25.05.2015 (Thawh\anni Zan)

Thupui zir

Hruaitu           : Tv. P.C.Vanlalhriatpia

|antu              : Nl. Pinky Lalparmawii

Thupui                       : Krista tana danglam ngam

Hawngtu        : Nl. Malsawmtluangi

Thilpek lakha-: Nl. F.Lalrinfeli leh

wmtute                       : Nl. Baby Lalduhsaki

Zai hruaitute  : Tv. Lalhmangaiha leh

 (16-31 May)     Tv. Lalfakzuala

Keyboardist   : Pu Lalduhkima

            Bial KTP Golden Jubilee pual thilpek lakkhawm a ni ang.

KOHHRAN HMEICHHE PROGRAMME

26.05.2015 (Thawhlehni Zan)

Hruaitu           : Pi Khawlvuani

|antu              : Pi Lalhmingthangi

Thu hriltu      : Pi Thangchungnungi

            Hlimen Damveng Kohhran Hmeichhia ten an rawn tlawh d^wn a, Kohhran mipuite a tam thei ang ber inkhawm t<rin an beisei.

SERMON

                              THLARAU THIANGHLIM

            Tichuan anni chu an ko va, Isua hminga thu sawi tawp lo t<r leh zirtr tawp lo t<r an ti tlat a. Nimahsela Petera leh Johanan an hn>nah, “Pathian mit hmuhin Pathian thu zawm aiin nangni thu zawm a dik z^wk emaw chu ngaihtuah rawh u. Keini zawng thil kan hmuh leh leh kan hriatte kha sawi lovin kan awm thei lo,” an ti a (Tirh 4:18-20)

            Tin, LALPA thlarau chu a chungah nasa takin a lo thleng a,  tichuan k>l no pawh sawm ang maiin a pawt sawm ta mai a, engmah a keng si lo va: nimahsela a thiltih chu a nu leh a pa a hrilh lo.(Roreltu 14:6)

            Chutiang bawkin Thlarau chuan kan chak lohnate a pui \hin a; engtia \awng\ai tur nge tih kan hre si lo va; nimahsela Thlarau chuan r<m sawi hleih theih lohvin min \awng\ai sak \hin. (Rom 8:26)

            Thlarau Thianghlim hi ringtute tan hian enge a \angkaina ni ang tih han inz^wt ta ila sawi t<r tam tak kan hre ngei ang. Chung sawi t<r tam tak zingah chuan Isua ringtu Thalrau Thianghlimin a chen chilhte awm dan a\angin Thlarau Thianghlim zia kawng thum han tar lang ta i la-

1. Thlarau Thianghlim chu min tihuaisen tu a ni- Lal Isua zirtirte hi khawvel finna kawngah chuan mi mawl ve tak tak an ni hlawm a. Mahse amah Isua ngeiin  Thlarau Thianghlim pek a lo tiam tawh chu an lo neih chinah chuan Petera leh Johana chu  Isua hminga thu sawi tawh lo tura an tih pawhin huai takin an mawlna lam en tawh lovin ‘ Keini zawng thil kan hmuh leh kan hriat te hi sawi lovin kan awm thei lo a ni’ an ti a nih kha. Thlarau Thianghlim neitu chuan thih thleng \hakin huai takin  Isua Krista hming chu a \an ngam \hin a ni.

2. Thlarau Thianghlim chu min tichak tu a ni - Samsona chu Timna khuaah a nu leh pa nen an kal a, Sakeibaknei vanglai hian a lo r<m khum vel a. Mahse, Samsona chungah chuan Pathian Thlarau chu nasa takin a lo thlenga, chu amah rum \haih tu Sakeibaknei, a vanglai tak chu k>l no pawh sawm ang maiin a pawt sawm a nih kha. Chutiang chuan Lalpa hian a mi te chhan him nan hian a Thlarau chu a mite ah a thlen tir \hin a ni.

3. Thlarau Thianghlim chu min thlamuantu a ni - Lal Isuan a zirtirte hnenah Thlamuantu Thlarau Thianghlim pek a tiam ang ngeiin a zirtirte Pentikos ni a thlarau thianghlim an lo chan khan an hlauhna leh an rinhlelhna zawng zawng a bo va. Tihduhdah an tuar pawhin v^n lam enin thlamuang takin an tuar thei \hin. Kei ni pawh harsatna hmunah, lungngaihna hmunah kan awmin, engtianga awm tur nge, eng tia \awng\ai tur nge tih kan hriat loh lai pawhin, a thlarau chuan min lo \awng\ai pui reng \hin a ni. 

                                     

                             

EDITORIAL  BOARD

              f

Editor :

Pu Lalduhkima                     - 9862648830

Jt.Editor:

Tv.F.Laldingliana                 - 9862378567

News Editors :

Pu Tommy Zirnuntluanga   - 9862913684

Tv. Laldinpuia                      - 9862813325

Tv. Lalrinnunga                    - 9862239963

Tv. Lalnunzira                      - 9862664253

Circulation Manager:

Tv. C.Laldawngliana            - 8974743091

Editorial.........?

Mi lem kan be ve ta em ni?    

            Milem bia kan tih hian tu te nge kan rilruah lo lang nghal \hin le? Kan rilru chuan kawh a nei nghal vek ngei ang. Engpawh nise, eng vangin nge Mizo Kristian ram ni si te hi ring lo mi, mi lem be sakhuate awp behna hnuaiah kan awm a, chung ho rorelna hnuaiah kan k<n? Tih hi i lo ngaihtuah ve ngai em? Bible kan en chuan Pathianin Israel fate Kanaan rama a hruai luh hnu khan, a thupek te z^wma, a duh d^n anga nung turin thu a pe a. Mahse, Israel ho chuan Pathian Thupek chu duh lovin, mi lem pathiante an biak tak zawk avanga Pathianin a hremna nasa tak kan hmu a. Chung ho hnuaiah chuan an kunin an chhiah khuaah te an \ang \hin tih kan hmu a nih kha. Chu chu eng nge a chhan? Mi lem an biak vang a ni. Mizo te pawh hian Pathian duh loh zawng tiin Milem kan lo be ve ta mai em ni ang le?

            Tunlai khawvelah sum leh pai intlansiakna a na sa hle mai. Mi tam tak sum leh pai kan hmuhna tur a nih chuan eng hna pawh, Kristian kan niha thawh ^wm leh ^wm lo pawh  ngaihtuah pha tawh lo tam tak kan awm \an ta. |henkhat te chuan Pathian Biak Inkhawm pawh ngaihtuah hman lek lovin ringlo mite nghawngkawl bat dunin khawvel sum leh pai intlansiakna kawngah kan tlan mek a. He tih lai hian Pathian thupek chu a din ngaiin a la ding reng a ni tih hriat a va \ha em. Bible chuan “Duham hi milem biakna a ni” a lo ti a. Kan duh^mna chuan kan mit a ti del fo \hin chu a nih hi. Pathian hi kan hman hun chauhva biak tur emaw kan ti a, Zu ka in lo emaw, ruihtheih thil dang ka tilo emaw, nulat tlangv^lna kawngah ka tl^n lo pawh a ni thei. Mahse, kan kawng zawh m>k chu milem biakna lamtluang a ni bawk si a. A langin milem be lo mah ila, milem bia nen kan danglam lo chu a ni hi...........!!!!! 

           

                       

ARTICLE

KELKANG HLIMPUI - 3

-Dr.Jimmy Lalnunmawia

He hlimna-a hian ze chi hrang hrang an khel emaw a langchhuak a ni. Thenkhat han tarlang ta ila :-

1. Nuihna

2. Mi thu sawi nemnghehna : 'A dik' tia au tuar tuar in mi Pathian thu sawi an lo nemnghet thin a ni. A chang chuan kut an beng thuai thuai thin bawk.

3. Bingbileh : Thu sawi diklo, thlarau kalh emaw do zawnga thusawia te chuan a dik lohzia entirnan thutthleng atangte-in an bingbilet thla tawp mai thin.

4. Chetzia Kraws ziak : kut emaw taksa pum emaw an hmang thin.

5. Pulpit-ah zaizira thuhrilna.

6. Pulpit-a tlan lawn : Pulpit zahloh vang nilovin thu sawi tur nei te leh nei lêm lo te pawh an tlan lawn a, an chhuk veleh mai thin.

7. Inngainat bikna : A awm tho nangin khurbîng an awm hlauhthawnna avangin uar an remti lo.

8. Thlarauva thu puan : a tam hle mai, an puang sup sup a, a dik thei hle bawk. Thu ropui tak puanna te, zir tur te, fuihna te leh zilhna lam thu te baka hrilhlawkna te pawh an puang thin.

9. Thlaraute hriat dik theihna : thlarau diklo an hre thei thin a ni.

10. Tlukna : entir neia tlu an ni fo va thin; kohhran chaklohna te, mi mal chaklohna te an entir ber. Mahnia tho mai thei lote chu pawh an awm ve a, a kaitho tu tura thilpek dawng bik te awm in, chung mi te chuan an hnuk tho mai thin.

11. Tahna : thil lo thleng tur avang te, Isua tuarna tawrhpuina avang te leh lawm avang te in an tap thin.

Pathian chawimawina atana ran an talh nasa hle mai. 24 July atanga 10 Sept. chhung hi ran talha Pathian an chawimawi nasat vanglai a nia. A kum leh thleng pawhin an la talh zeuh zeuh a, ran 29 emaw a tlu a ni. Mahni phalna leh duhnaa talh an ni ber. Chutihlai chuan, ran nei ve tho, talh ngam ve lote chu an inah mihlimte'n lenchilhin an ran talh a tul ve zia an hrilh te pawh an awm tho. Mahse, chutianga an va tih te chuan an talh vek chuang lem lo. Hetih lai hian sawiseltute chuan, 'ramhuai ang maia ran ngente chu thlarau dik a ni lo vang.' tiin an lo sawichhe ve thin a ni. Ran talh kawnga hian kohhran che hmasa berin, ran a talh hmasa ber a ni. Rante hi an ngah lê lû vang nilovin lawm vangin an talh a ni.

He harhna-ah hian kohhran a inhawng zau bawk a, hlimna changtu pawh pun belh zelin, zu hmun lama chuangkai thinte pawh kristiana an inpe thar zung zung mai a ni. An thawm pawh a na, chibai inbuknate lo thlengin an inchibai huai huai a. Zu hmun atanga rawn ring tharte pawhin hlimna dawng zel in, ramthim chu tiên-in a awm nasa hle a ni. Hetih hun lai atang hian a ni, tawnghriatloh zaia khuangtê vuak a rawn intan chho ni. He Kelkang hlimpuiah hian khuang nena bei uarna a awm lova, khuang tel lo hi a tam daih zawk a ni.

Chunga leh hnuaia leng Sava leh Sazu te hial pawhin buaina thlen silovin he hlimna an chhim ve, an rawn tawiawm ve a ni. Tihdam rawngbawlna nei leh inlarna hmu mi te pawh an awm bawk a, an thlarau mit te a var tha em em mai a ni.

Inkhawm te hi an chak em em a, dar a rik chuan an kal zung zung a, an kim thuai thin. Biakin chhung boruak te hi a thar sur a, mi a hip em em mai a, thenkhat phei chu an låm lut nghal mai. Hla te hi a thar sûr vek a, mi tin chu an thar sûr vekin a hriat a ni. Zai pawh an tui em em reng a, inkhawm a nuam in, dam tha pangngai inkhawmlo hmuhtur an awm ngai lo. Inkhawm hi an innghahna bul ber ni in, an inkhawm zing hle mai a, May atang December thla thleng khan inkhawmna vawi 390 a awm hman a ni.

Inkhawm a zing bawk a, hun ruat pangngai bo thak khawpa thuhril erawh a awm meuh lo. Châkna nei tan hun åwl a tam tlat a. Mahni tulna avanga Pulpit luah erawh a awm zauh zauh thin, zalen taka hawn a ni bawk. Thuhriltu thu sawi an tawiawm in an pui tha hle a, hei hian inkhawm boruak pawh a siamtha hle reng a ni. Tawnghriatlohva thuhril te pawhin anmahni vekin an let nghal zel a ni. A hming chuan mi dan sawi lo hrilhfiahsak te pawh a awm ve tho. Inkhawmna-a an mut a chhuak lova, an tang hrû vek mai a ni.

Tawngtairualna hi inkhawm apiangin a nei a, tawngtai hla chham tur hi an dawng zung zung mai a ni. Mi tin mai chu tui takin an tawngtai a, Pathian kohnana 'Ka Pa' tih hi a tam hle. Biakin chhung thutthleng te pawh thiahchhuah vek niin kum khat hnuah an la lut leh chauh a ni. Inkhawm hunserh lai pawhin lei chhuatah an thu mai thin a ni. 12 Sept. 1937 atanga Bawrhsap-in khuang vuak a khap atang khan khuang tel lovin an inkhawm a, se chal ki an hmang thung thin. Kum khat hnuah khuang chu pek let an ni leh ta a ni. A khat tawk hian Biakin chhunga mimal tawngtai hi an awm ve reng thin bawk a ni. Zan khat phei chu 'Vanram pawng lak' tur tiin Biakin chhunga mipa ho an ta chiam a, insu palh te awmin inti sil phah te pawh an awm a ni.                             

   BENG TI VÂR

LEHKHABU MAN TO

        Khawvela lehkhabu ngaihhlut ber leh man to ber chu 1450 chhova German rama lehkha chhutna hmasa ber Gutenberg-a an chhut, Gutenberg Bible a ni. He Bible hi tun laia kan lehkhapuan anga chhut hi a ni ve lo va, beram vun uluk taka sawngbawlah an chhu a ni. Bible bu pum chhut chhuah n^n hian beram 300 vun hman a ni.1452 kuma an chhut, he Bible Volume pakhat hi 1978 khan Texas University, USA chuan an lei a, a man pawh dollar 2,400,000/- lai a ni. He lehkhabu hi an han ngaisang mai mai khawp a, United State Congress Library, Washington DC (khawvela Library lian ber)-ah khuan lehkhabu hlu ber tiin a bawm thing manto ber chi-a chei chhungah an dah a ni.

FIMKHUR RAWH-   I phone ah call i lak hman loh (missed call) number a lo awm a, i han en a, tu number nge tih i hriat loh leh number i la hriat ngailoh a lo ni a. Chutiang phone number chu +216 emaw +92 emaw a intan a nih chuan call let emaw lo chhang emaw reng reng suh ang che.India ram chhung ami number chu +91 in a in tan a. Hetianga intan nilo number chu India ram pawn a ni. Heng number atanga call te hi i lo la emaw i call let emaw a nih chuan i talktime balance kha cheng tam takin a kiam duai ang. Hetiang hi ‘One Ring Scam’ an ti a, tunlaiin a larin, tawng an tam hle a ni. Call mai nilo, sms (eg. Please call me back, this is urgent) pawh i dawng ang. Hetiang i tawng a nih chuan i balance an ruk mai bakah, i phone chhunga data or i thil pawimawh thenkhat te an ru thei a ni tih i lo hre dawn nia. A thu hrimah, number i hriat loh MISSED CALL i dawn reng rengin, call back lo la, a tul a nih chuan an rawn call leh mai ang.

Hetiang a nih avang hian TRAI (Telecom Regulatory Authority of India) chuan mobile hmang tute fimkhur hle turin a chah a ni.

Mizoram tlang sang te leh an Metre zat

1 Phawngpui 2157mtr

2. Lengteng 2141mtr

3. Surtlang 1967mtr

4. Lurhtlang 1935mtr

5. Tantlang 1929mtr

6. Vapartlang 1897mtr

7. Chalfilhtlang 1866mtr

8. Hrangturzotlang 1854mtr

9. Zopuitlang 1850mtr

10. Tawizo 1837mtr

11. Mawmrangtlang 1812mtr

12. Puruntlang 1758mtr

13. Hmuifangtlang 1659mtr

14. Saireptlang 1555mtr

15. Sakawrhmuituaitlang 1535

16. Reiektlang 1485mtr

17. Thorangtlang 1387mtr

BIBLE  QUIZ  No. 73

Matthaia bung 16-20

A kâr âwl dah khat rawh :

Q1. Tin, Pharisaite leh Saddukaite an lo kal a, amah fiah nan van ata ____________anmahni entir turin an dil a.

Q2.Tin, Isuan an hnenah, “___________leh __________dawidim lakah chuan inveng ula, fimkhur rawh u,” a ti a.

Q3.Tin, ngai teh, ___________ leh ___________ chu amah nen inbiain an hnenah an inlar a.

Q4. Chutichuan, tupawh he naupang te anga _____________ apiang, chu mi chu van ramah chuan a ropui ber ang.

Q5.  Nimahsela, nangni zingah zawng chutiang a ni lo vang; tupawh in zinga mi liannih duh apiang chu in ________________a awm zawk tur a ni;

A bung leh châng dah rawh :

Q1.Tunah pawh in rilruin in la hre lo fo maw? Mi sangnga chhangper pangaa hrai leh in bawmrang ruh khah zat kha, in hre reng lawm ni?

Bung: ________         Chang: _________

Q2.A la sawi lai mekin, ngai teh, chhum var takin anmahni a rawn hliah ta a; tin,ngai teh, chhum atang chuan awin, “Hei hi ka Fapa duh tak, ka lawm em ema chu a ni; ama thu ngai rawh u,” a ti a.

Bung: ________         Chang: _________

Q3.Chu mi lai chuan Petera a lo kal a, a hnenah, “Lalpa, ka unauvin vawi engzat nge ka chungah thil tisual sela ka ngaihdam tur? Vawi sarih thlengin em ni ang?” a ti a.

Bung: ________         Chang: __________

Q4.Isuan a hnenah, “Tha famkima awm i duh chuan, kal la, i neih chu hralh la, pachhiate hnenah pe rawh, chutichuan vanah ro i nei ang; tin, lo kal la, mi zui ang che,” a ti a.

Bung: ________         Chang: _________

Hming  : ____________________________

Section : ____________________________

BIBLE QUIZ  NO. 6 RESULT

Chhanna lut zawng zawng : 5

Chhang dik vek            : 5

Lawmman dawngtu      : Valalduhawmi (V.Sec)

         Bible Quiz chh^nna leh lâwmman hi Circulation Manager Tv.C.Laldawngliana hnenah thehluh a, lam \hin tur a ni..

PAVALAI PROGRAMME

28.05.2015 (Ningani Zan)

Hruaitu    :Pu Siamliana

|antu       :Pu Rinngaihzuala

Ram pum huap Pavalai Pawl Meet thlir letna leh Sharing-a hun hman a ni ang.

                                                                    

kohhran hriattirna

     Tualchhung Presbyterian Kohhran chuan tun kar lo awm tur nilai zan a\angin Kohhran Inkhawm a nei chho leh ang a, hetiang hian Thuhriltu tur a ruat

Nilai zan : Pi Khawlvuani

Ninga zan : Pu Siamliana

Zirtawp zan : Pu Khawlhmingliana

            Tin Thawh\an zan leh Thawhlehzan dar 9:00 ah Biak Inah  \awng\aina hun hman tur a ni

HRIATTIRNA

            Tun Inrinni lo awm tur dt. 30.5.2015 hianTaitesena Section YMA chuan Sachek zawrh kan tum a, khawngaiha tlawmngaia vengchhung mipuite min dawr turin kan ngen a che u.

Sd/-

(ZONUNSIAMA RALTE)

Secretary

Taitesena Section

TUI HNUAI STADIUM

            He Stadium hi Dubai rama mi a ni a, Khawvela tui hnuai Stadium hmasa ber a ni. April ni 25 khan an hawng. Tennis Court atana siam a ni.

        LEHKHABU LIAN BER

##Khawvela lehkhabu lian ber chu USA-ah a awm a, a hming chu Super Book an ti a, a dung 3.07 metre leh a vãng 2.74 metre a lian a ni.

LAWM THU SAWINA

            Kan fapa Laltlanmawian ni 16.5.2015 z^n a Saikhamakawn a accident a tawh naah Saikhamakawn veng chhung mipui ten theihtawp chhuaha accident a tawhna hmun mai ni lovin, Damdawi In thleng a min buaipui avangin kan l^wm takzet a ni. Mi mal tin hn>nah l^wm thu kan sawi s>ng dawn lova, khawngaih takin in vengchh<ng chanchin bu ‘Mipui Aw’ a lawm thu kan sawina hi min lo pawm sak hr^m t<rin kan ngen che u a. Kan chunga in \hatna zawng zawngte Pathianin a r<l ngei ang che u.          

Vanlalmalsawma te chhungkua

Khumtung

LAWMTHU SAWINA

            Nimin 23. 5. 2015(Inrinni) K|P ten Youth Recreation Centre budget atan Motor sil hnatlang kan neihna a motor min sil tir tu zawng zawng te chungah lawmthu kan  sawi tak meuh meuh a ni.

Sd/-

(PC. VANLALHRIATPUIA)

Secretary

K|P, Saikhamakawn Branch

advertisement

            Ar tui lai thau \ha tak leh hrisel \ha tak lei t<r kan nei reng e.

In \hian

Lalthuneiha

Vanapa Section 

NATIONAL INSTITUTE OF OPEN SCHOOLING (OPEN SCHOOL) KHATLA PRIMARY SCHOOL - I, NEAR KHATLA YMA HALL

            MBSE a class X leh XII Fail te tan October 2015 a exam turin Admission a tih theih reng bawk e. Exam Center leh AI 300009 neitu kan ni e.

Contact: 9862580546.      (3-3)

TUALCHHÛNG

, Vanlalhriatzuali d/o Pu Lalhmangaihzuala(V.Sec) chu Aizawl Hospital a enkawl a nih hnuin a lo chhuak

,Pu Robuang h/o F. Lalrinkimi (V.Sec) te chuan khawi ilo vah vel nan Scooty(Access) thar an lei.

,Pu C.Lalduhsanga (T.Sec) te chhungkua chuan khawi ilo vah vel nan Car (Spark) thar an lei.

  YMA DAY HMAN DAN TUR HRIATTIRNA

            Kumin 2015 YMA Day chu member ten hlim leh lawm taka hmang turin Branch YMA Executive Committee chuan hun hman dan tur a r>l in a rawn duang a. Programme chu hetiang ang hi a ni e:

1) Marathon Race: Day zingah naupang te tan

2) Inhruipawh: YMA Chhang te tan(hmeichhia leh mipa)

3) Inkawibah: Hmeichhe tan

4) Death Ball: Hmeichhe tan

5) Tiger Five: Mipa team 3 leh hmeichhe team 1

6) Insuknawr: Category a \hen a ni ang.

7) Volley Ball: Section tin a\angin team khat \heuh.

8) Lengkhawm zai: Section inelna a ni ang a, hetah hian hla hril thiam ber thlan a ni bawk ang.

Sd/- (C.LALDAWNGLIANA)

Secretary

YMA Saikhamakawn Branch

FREE ADMISSION

St. EDMUND HIGHER SECONDARY SCHOOL

For cl - IX - XII (Arts & Com)

            2015-2016 atan free Admission Hawn mek a ni. Zirtirtu experience University topper ten zirtirna an pekna hmun leh Pathian thu nen a,zirlai te an kaih hruaina. Saturday apiangin free tuition pek thin a ni bawk ang.

For further detail Information :

Thakthing, near LAD office

9615030342/9774520561/9862841944           

https://www.facebook.com/groups/SKKthalaipawl/

Saikhamakawn K|P e-mail : ktpskk@gmail.com   &   ktp_skk@yahoo.com

PUBLISHED BY LITERATURE SUB. COMMITTEE K|P SAIKHAMAKAWN  BRANCH, COPIES : 330